جواز السفر المصري

[se_ Elsyed]

بما إن طبيعة عملي فى الموارد البشرية بتخليني أشوف جوازات سفر بلاد الدنيا كلها فقد لاحظت إنه بالرغم إننا نعيش فى القرن الواحد والعشرين إلا أن جواز السفر المصري مازال من أسوء الجوازات فى العالم كله لما فيه من العيوب التالية :

1- كبر حجمه الزائد عن الحد .... بالرغم من أن الصفحة لا يمكن وضع اكثر من تأشيرة سفر واحده بها فبالتالي حجم الصفحة لا يؤثر ، إضافة أن مستحيل أن تضعة في جيب البنطلون مثلاً .

2- مازالت البيانات تكتب بخط اليد حتى الآن ... وهناك دول ننظر لها على أنها متخلفة وتعيش فى القرون الغابرة مثل سريلانكا مثلاُ نجدها تستخدم أحدث التقنيات فى طباعة جوازات سفر مواطنيها.

3- الغلاف الخارجي للجواز أتخن من جلد الخرتيت مش عارف ليه ؟

4- في حالة إستخراج جواز سفر جديد يكون برقم مختلف عن القديم ، هذا بالإضافة انه ممكن تضحك على إدارة الجوازات فى مصر والواحد يكون عامل مصيبة ويروح يقول لهم أنه لم يستخرج جواز قبل كده وطبعاً لا يوجد لديهم نظام آلي يتيح لهم التأكد من ذلك.

والسؤال هنا ... أمن الصعب تصميم جواز سفر مصري محترم وغير قابل للتزوير وذو منظر خارجي وداخلي أنيق كما سبق وأن أعادوا تصميم البطاقة الشخصية بحيث أصبحت ذات صورة حضارية ؟

[se_ Elsyed]

أرجو نقل الموضوع لباب المناقشة العامة ( شكل فنجان القهوة اللي شربته الصبح كان مضروب )

[ragab2]

المشكلة

لو عدلنا جواز السفر سنكون متقدمين على غانا وجزر القمر

وهذا يخالف المنظومة التخلفية التى ينادى بها المسؤولين ليلا ونهارا

كما أن تخسين الجواز سيدفع المسؤولين للعمل وسيجلب لهم التعب

مما يؤثر على صحة جهابذة التنمية الادارية

[Mohd Hafez]

ولكنك يا أخ سيد نسيت أسواء ما في جواز السفر المصري .. أنه مكتوب باللغة الفرنسية وليس الإنجليزية ..

[elbana]

فعلاً الجواز بتاعنا حاجة تنرفز ، قد فردة الشبشب ، ويفضح ، ولم تمتد إليه يد لتغييره أو تطويره حتى الآن ..

عموماً نظرة واحدة على لوجو كأس العالم كفيلة بالتوضيح ..

أحسن لهم يمسِّكوا عبد السلام المحجوب (وزارة الجوازات) علشان الوضع يتعدل :lol:

[Masrawy Abroad]

عزيزي سي السيد

على ما اتذكر اننا تناولنا هذا الموضوع العام الماضي

هناك يا سيدي باسبور مصري جديد يشبه الباسبور الامريكي وبكتابة الكترونية و لونه شيك أوي (ولونه سماوي) ولكنه للدبلوماسيين وولاد الذوات بس!!!!!

للعلم الباسبور الجديد ده أنا شفته بعيني عام 99 ....تخيل دي !!؟ وكان مع دبلوماسي مصري..... لكن طبعا الباسبور المصري الأخضر لطبقة العامة أمثالنا.....لم أتعامل مع اي جهة في الدنيا او حتى مكاتب صرافة مثلا خارج مصر ...إلا وتلاقي الموظف مش عارف يفتح الباسبور منين اصلاً....حاجة تكسف وتغيظ

ها احاول ابحث عن الوصلة التي تتحدث عن هذا الموضوع باسهاب

ملحوظة: أمريكا بصدد منع قدوم اي شخص اليها يحمل جواز مكتوب باليد!

[linux]

الوصلة لسابق النقاش:

http://www.egyptiantalks.org/bforums/viewt...E7%F2+%F3%FD%F1

[Masrawy Abroad]

الله عليك يا لينكس يا دولي يا كبير

:)

[se_ Elsyed]

شكراً يا لينوكس ... لا مؤخة يابني ماخدتش بالي ان الموضوع كان موجود قبل كده ... السن بقى والعيال وكده ....

بس بجد أنا لحد دلوقت فرحان بالبطاقة الجديدة وجايبها معايا السعودية وبأقعد أفرجها لكل البشر هنا وأتمنظر عليهم لأنها بصراحها حاجة تفرح .

مش زي ورقة اللحمة اللي كانوا بيضحكزا علينا زمان ويقولولنا هي دي البطاقة .

[Elham]

ملحوظة: أمريكا بصدد منع قدوم اي شخص اليها يحمل جواز مكتوب باليد!

وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

[وسام]

بالفكاكة كدة دهه معناه ان التغيير حيبتدى مع يناير القادم لما تبتدى الطائرات الراجعة من امريكا محملة بالبشر اللى مرفوض دخولهم بسبب الجوازات المتخلفة ساعتها الناس اللى بالى بالك حيختشوا على دمهم و يطلعوا الباسبور الجديد....... السنة قربت تخلص و مفيش اى اشارة من جانب مصلحة جوازتنا عن الحكاية دى...............مفيش فايدة مكتوب علينا نتبهدل

[DARWEEN]

جواز السفر المصري أقرب مايمكن تشبيهه به هو بطاقة التموين بتاعة زماااااان ...

وطبعا يافريده من الواضح أن التعليمات الأمريكيه موجهه خصوصا للمصريين لأني لاأعتقد أن هناك أي دولة أخرى بالعالم تيتعمل الكتابة اليدوية في جواز السفر غير مصر

[Lighthouse]

فعلاً الجواز بتاعنا حاجة تنرفز ، قد فردة الشبشب ، ويفضح

اكتر وصف معبر عن ماهية الباسبور المصري

وشبشب مش عادي

شبشب بصباع ( بيتعب الرجل هههههههه )

[Farah]

وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

ELHAM

تقدري تتصلي بالقنصليه

القنصلية العامة لجمهورية مصر العربية

في مدينة سان فرانسيسكو

3001 Pacific Ave.

San Francisco, California 94115

Tel. (415) 346-9700 / 346-9702 / 346-7352

Fax (415) 346-9480

http://www.egy2000.COM

[Arabisc]

ملحوظة: أمريكا بصدد منع قدوم اي شخص اليها يحمل جواز مكتوب باليد!

سلام عليكم

على حسب معلوماتي , جواز السفر المقروء آليا مطلوب فقط من الدول التي لا يحتاج رعاياها فيزا مسبقة لدخول أمريكا

أما الدول الأخرى - بما فيها مصر - فلا ينطبق عليها هذا الشرط لأن الفيزا الملصقة بالجواز مقروءة آليا

http://unitedstatesvisas.gov/visanews/index.html

]http://travel.state.gov/vwp.html

[linux]

يا جماعة المصريين دول فعلا مفتريين!!

ليه مانبصش على الكويس بدل مانبص على الوحش بس؟!

تعالوا نفكر سوا فى "مزايا جواز السفر المصــري" ...

يالا ... أنا ها أبتدى القرع:

1. ممكن تستعملة كمخدة فى الطيارة

2. ممكن أستعمالة كالحاف فى المطار لك و للأسرة فى الجو البرد

3. لو حد مضايقك، طلع البسبور فى وشه فجأه و جبله الرعب

4. حطه فى جيب البنطلون الورانى و أقعد عليه لعلاج اللومباجو

5. نظرا لتقله و حجمه ... ممكن يستعمل كسلاح

6. فكرة أستعمالة كشبشب فكرة نميسة (برافو elbana)

7. أقطع منه صفحتين و غطى قتيل في الشارع و ينوبك ثواب

8. ممكن تخبى فيه الفطير المشلتت و ولا حد ها ياخد بالة

9. يلم حواليك الناس فى الطيارة على أنك مالك لقطعة أثار من عصر غال-لا-با-يا-حن-ا القبل الهكسوسي

10. يخليك تصعب ع الناس !!

شوفتوا بقى ان نص الكباية مليان مش فاضى؟!

(وش واحد معاة باسابورت مصري)

[فــيــروز]

وممكن كمان فى وقت الفراغ تلعب بيه الجواز قصدى الطبق الطاير مع الاولاد ..

الباسبور من فضلك ..

[se_ Elsyed]

إخص عليك يا لينوكس .. كده تنسى اهم حاجه ... وهي أن لو معاك رغيف حواوشي ومحتار فيه وعايز تاخده معاك تيك آواي ممكن تلفوا فى صفحتين تلاتة من الجواز وماتخفش من البقع .

هذا بالأضافة إلى العديد من الإستخدامات التى يمكن ان تدخل فيها جلدة الجواز السميكة حيث أنها مصنوعة من أرقى أنواع الجلود " جلد خرتيت أفريقي يتيم "

[أبو حميد]

للرفع

مش قادر أكتب جديد أصلي وقعت من كتر الضحك على مميزات الباسبور المصري للرائع linux والعسل سي السيد

[عطاء بلا حدود]

احلى حاجة انه جواز سفر مميز

اي حد يشوفك من بعيد يعرف انك مصري من جوازك