فعل فاضح في التليفزيون العام

[Lighthouse]

حديث ذو شجون

طبعا كل مشاهد مسكين من مشاهدي القنوات الارضية ( نركن الفضائيات دلوقتي لانها مسئولية كل متفرج ) بيفقا عينه مشاهد العري المكثف التي تطالعه ليل نهار ... سواء اعلانات السمنة والفول والزيت والبيض وخلافه

او حفلات ليالي ونهار التليفزيون والتي لاتمت للفن باي صلة

هو موضوع قديم جديد

يعني اكيد سبق واتناقش مئات المرات وسالنا انفسنا ليه وازاي وامتى ؟؟؟

بصراحة مش عارفة ايه الحكاية ؟؟

وليه الإلحاح الغريب بكم العاريات الذي يصفع عيوننا في كل وقت ؟؟

وهم عايزين ايه مننا نحن المشاهدين المقهورين في الارض ؟؟

منتظراكم ( وش متفرج مكسوف جدا من اعلانات وليالي التليفزيون المهببة )

[KWA]

حديث ذو شجون

طبعا كل مشاهد مسكين من مشاهدي القنوات الارضية ( نركن الفضائيات دلوقتي لانها مسئولية كل متفرج ) بيفقا عينه مشاهد العري المكثف التي تطالعه ليل نهار ...

فعلا ان فكره التسويق لمنتج في اعلان تليفزيوني فكره متخلفه و خصوصا مشاهد الفتيات التي تعاني من الأنيميا و البركه في اللبس و المكياج و تركيز الكاميرا عليهم ......لأني مش قادر اتخيل واحده واحده وزنها 40 كيلو علي الأكثر و طويله زي عامود النور و شيلالي علبه سمنه في ايديها و بتعملي اعلان عن السمنه.....علي فكره اخر اعلان عن السمنه حسب ما اتذكر.....كانت سمنه البلحتين في اواخر الثمانيات لسه بيعملوا اعلانات عنها....

في رأئي الشخصي ان افضل مدرسه اعلانات تليفزيونيه موجوده في دول امريكا اللاتينيه......الأعلان يخليك تشتري المنتج حتي لو انت ما تعرفش وظيفه المنتج ده ايه......بس الفكره و منفذيها و مخرجيها ......مدرسه.....الأعلانات في التليفزيون الأمريكي متخلفه مقارنه بأمريكا اللاتينيه.......المهم انا اسف خرجت عن الموضوع......و لعلي اقول مثال بسيط عن تخلف الآعلانات في مصر....و الحمد الله علي هذا......في اثناء مشاهدتي لمباراه الأهلي و الزمالك الأخيره لفت نظري يافطه اعلانيه علي جانبي الملعب و مكتوب عليها ......

العباره في الشيكاره

انا متأكدمن العباره لأني مسجل الماتش.....ممكن حد يعرف اذا كان ده اعلان عن ايه و لا ده كلمه سر ....و لا لغه جديده ظهرت في مصر .....

[Lighthouse]

علي فكره اخر اعلان عن السمنه حسب ما اتذكر.....كانت سمنه البلحتين في اواخر الثمانيات لسه بيعملوا اعلانات عنها

هي كان وقتها اسمها البلحتين

كبرت ورعرعت وبقت النخلتين عقبال الحبايب

اما بقى موضوع العبارة في الشكارة فالعبارة سليمة مية المية وده شعار المرحلة

بعد ماعملوا كمية من اعلانات السمنة والزيت والجبنة والذي منه والمنقطة والمخططة وكل واحدة تطلع تتقصع شوية ومعاها المنتج قرروا يعملوا نهضة تعميرية

[فــيــروز]

الحقيقه كلمة العباره فى الشكاره تذكرنى بجمل اخرى مثل الفيل فى المنديل و العمليه فى النمليه !! ذات سجع ولكن غير ذات معنى او مضمون !! ورغم انى اعرف ان العباره فى الشكاره جمله من اعلان عن الاسمنت الا انى لا افهم معناها !! عبارة ايه اللى فى الشكاره !!

اعتقد والله اعلم ان الاعلانات التى تستخدم فتيات فى الترويج عن سلعها حتى لو كان مظهرهن لا يتفق مع مضمون الاعلان تداعب رغبة البعض فى التشبه بهؤلاء الفتيات او ظنهن انه عندما نستخدم المنتج الفلانى سنصير مثل الفتاه التى تعلن عنه !! ورغم ان هذه قد تبدو سذاجه بالنسبه للبعض الا انى اعتقد انه قد يكون تفسير للامر والله اعلم ..

[Lighthouse]

الحقيقه كلمة العباره فى الشكاره تذكرنى بجمل اخرى مثل الفيل فى المنديل و العمليه فى النمليه !! ذات سجع ولكن غير ذات معنى او مضمون !! ورغم انى اعرف ان العباره فى الشكاره جمله من اعلان عن الاسمنت الا انى لا افهم معناها !! عبارة ايه اللى فى الشكاره !! 

الحقيقة يافيروز ماذكرتيه يجرنا لنقطة هامة وهي التشويه التي تتعمده الاعلانات في لغتنا وتعمدها تمرير بعض العبارات المسفة واعطاؤها شرعية بترديدها في اعلانات عن منتجات استهلاكية

واعلانات فيروز وغيرها امثلة صارخة على هذا الابتذال

[فــيــروز]

واعلانات فيروز

حيث اننا تحولنا للحديث عن الاعلانات .. اذكر انه منذ عدة سنوات وكان الحال فى الاعلان اكثر احتشاما انه كان فيه اعلان عن الشاى تقال فيه عباره لم ولا افهمها حتى الآن كانوا بيقولوا فيها : يا ترى الشاى ده حلو عشان احمر ولا احمر عشان حلو !! انا شخصيا كنت باستخدم هذه الجمله للتعليق على بعض الاشياء حتى قرات فى احد الجرائد واحد بيهاجم الجمله دى وطبعا لم يوضح سر هجومه عليها !! بس من ساعتها بطلتها الحمد لله

[Lighthouse]

ياكسوفي

لامؤاخذة يا فيروز نسيت خالص ان اسم المنتج اياه على اسمك

العتب ع النظر

[se_ Elsyed]

ما ذكرتموه جميعاً مشكورين عن الإعلانات هو جزء من المشكلة والتي هي تعمد المسئولين عن الأعلام وعلى رأسهم ظابط المخابرات السابق صفوت الشريف فى إظهار الشعب المصري على انه مجتمع عرايا وراقصات والترويج لأكبر كم من الحفلات الماجنة فى مارينا والساحل الشمالي وغيرها وتخصيص سلسة حلقات مصورة ومذاعة عن هل ماتت سعاد حسني مقتولة أم مقتولة برضوا لأن مستحيل تنتحر دي من الصاحين يا جدعان ... ياتكوا ستين خيبة !!!! طب ماحدش عمل فيهم حلقة عن إغتيال يحي المشد أو سعيد بدير ... وغيرهم من علماء مصر الأبرار الذين يجب أن يكونوا قدوة للشباب بدل من التركيز على العرايا والعاهرات من الممثلين والممثلات الذين يأتون الفاحشة جهاراً نهاراً ويقتحمون بها كل بيت ...

[wa7d]

العباره في الشيكاره دى إعلان عن الأسمنت ، مش معقوله !!! .... يمكن تكون

العماره من الشكاره

لكن إللى يحزن فعلا إن جميع فتيات الإعلانات شبه أجانب . كيف يقبل شعب هذا الإحتقار للجمال المصرى . أرجو أن يكون هذا الوضع قد تغير ، أنا أتكلم عن زمــــــــــان . لن ينصلح الحال أبدا إذا لم نتعلم فن حضارى إسمه المقاطعة ....... مقاطعة البضائع التى يعلن عنها بطريقة فيها إهانه للزبون . الكلام والخناق عمره ما جاب نتيجة .... المقاطعـــــــــــــة .

[Lighthouse]

ما ذكرتموه جميعاً مشكورين عن الإعلانات هو جزء من المشكلة والتي هي تعمد المسئولين عن الأعلام وعلى رأسهم ظابط المخابرات السابق صفوت الشريف فى إظهار الشعب المصري على انه مجتمع عرايا وراقصات والترويج لأكبر كم من الحفلات الماجنة فى مارينا والساحل الشمالي وغيرها وتخصيص سلسة حلقات مصورة ومذاعة عن هل ماتت سعاد حسني مقتولة أم مقتولة برضوا لأن مستحيل تنتحر دي من الصاحين يا جدعان ... ياتكوا ستين خيبة !!!! طب ماحدش عمل فيهم حلقة عن إغتيال يحي المشد أو سعيد بدير ... وغيرهم من علماء مصر الأبرار الذين يجب أن يكونوا قدوة للشباب بدل من التركيز على العرايا والعاهرات من الممثلين والممثلات الذين يأتون الفاحشة جهاراً نهاراً ويقتحمون بها كل بيت ...

اتفق معك يااخي العزيز فيما قلته

فكم العري الذي يحاصرنا زاد عن حده بشكل ليس له تبرير

والبرامج السخيفة زادت ايضا على طريقة نبوخ لهم برامج التليفزيون المحلي زيادة علشان يطقوا من جنابهم ويبقى الدش في بيت الجميع زي المحمول كده ..

وبالنسبة للبرامج الجادة والمفيدة فنصيبها صفر طبعا

انت عايزهم يهتموا بعقلية المشاهد ( حاشا وكلا )

وبعدين جاي تقول الدكتور يحي المشد ( وش وزير مفروس منك )

اراهنك لو مذيعات اليومين دول عارفين هو مين المشد اصلا

وكمان عايزهم يبطلوا يركزوا على العرايا واللى بالي بالك من الممثلات ( وش واحد مستغرب كلامك ) ده شعار المرحلة ياعزيزي والفن رسالة والرسالة في الإزازة والازازة جوة التلاجة والتلاجة ماركتها مااعرفش ايه وشوية بنات بيتقصعوا في الخلفية وموسيقى هابطة بتعزف واديها رقص

هييييييييه الفن فعلا رسالة في رجل حمام زاجل

[Lighthouse]

العباره في الشيكاره دى إعلان عن الأسمنت ، مش معقوله !!! .... يمكن تكون

العماره من الشكاره

لكن إللى يحزن فعلا إن جميع فتيات الإعلانات شبه أجانب . كيف يقبل شعب هذا الإحتقار للجمال المصرى . أرجو أن يكون هذا الوضع قد تغير ، أنا أتكلم عن زمــــــــــان . لن ينصلح الحال أبدا إذا لم نتعلم فن حضارى إسمه المقاطعة ....... مقاطعة البضائع التى يعلن عنها بطريقة فيها إهانه للزبون . الكلام والخناق عمره ما جاب نتيجة .... المقاطعـــــــــــــة .

على فكرة حلو قوي شعار العمارة من الشكارة

واسفاه على عقدة الخواجة حتى في الاعلانات

هههههههه

مستوردين بنات يعملوا بيهم كليبات واعلانات عارية

قال يعني لاسمح الله بيحافظوا على سمعة البلد وان بنات الاعلانات مش من هنا دول من هناك

معلش بقى فيه منهم كتير من هنا وبيتفننوا في تقليد اللى هناك من باب الريادة , ماهو مش معقول اللى هناك بس يعملوا اعلانات عارية اشمعني احنا

ولو اني اشك ان يكون حجم العري الموجود في اعلاناتنا مسبوق في اي دولة ايا كانت

فعلا رواد في كل مجال

بالنسبة لفكرة المقاطعة انا شخصيا باطبقها على المنتجات اللى بتعمل اعلانات خليعة .. وفي اي مكان اطلب مشروب مثلا ويقولوا فيروز اقول لا علشان اعلانه خليع

لازم نعلن رفضنا لاسلوبهم المهين لعقلنا كمستهلكين