أخيرا .. الثانوية العامة .. نظام العام الواحد فقط ... كفاية كده ياوزارة .... !!!!

[kokomen]

الثانوية العامة ... بعبع الأسر المصرية كل عام

كل الأسر المصرية عانت أو تعاني من كابوس الثانوية العامة 

سنة واحدة .... ثم مرحلتين ( ثانية وثالثة ثانوي) مع نظام تحسين المجموع 

ثم بقاء المرحلتين مع تحديد تحسين المجموع بإعادة مادتين فقط 

ثم مرحلتين وإلغاء تحسين المجموع .. وإجراء إختبار للمستوى الرفيع في مادة واحدة

وها نحن اليوم نسمع وزير التربية والتعليم بالرجوع إلي نظام العام الواحد للثانوية العامة

ولكن بنظام جديد ... سيدخلنا في مشاكل .. بدأت تظهر في الأفق من خلال الأسئلة التي

طرحها الصحفيون أثناء المؤتمر الصحفي للوزير ... والذي أعلن فيه النظام الجديد 

هــــل يحـــل النظام الجديد مشاكل وبعبع الثانوية العامة ؟؟ .... أشك في ذلك .. ولنا عودة

في مناقشة هذا الموضوع ..

أترك حضراتكم في مناقشة الموضوع وطرح وجهات نظركم مشكورين 

  

 ملامح مشروع الثانوية الجديد: مكتب التنسيق يضع الحد الأدنى للدرجات المؤهلة.. وصلاحية الشهادة ٥ سنوات

كتب هشام شوقى ٢٦/ ٣/ ٢٠٠٩

كشف الدكتور يسرى الجمل، وزير التربية والتعليم، عن أهم ملامح مشروع الثانوية العامة الجديد، وأبرزها أسلوب احتساب درجات الطالب، ودورها فى الالتحاق بالجامعات، واعترف الجمل بأن «مدارسنا الآن لاتزال غير مؤهلة للتقييم الشامل» للطلاب.

وأوضح الجمل، خلال الندوة التى عقدتها اللجنة الثقافية بمقر نقابة الصحفيين مساء أمس الأول، أن مكتب التنسيق سيحدد الحد الأدنى من الدرجات لكل قطاع من القطاعات الثلاثة ( العلوم – الرياضيات – العلوم الإنسانية) المؤهلة للالتحاق بالجامعات. فيما وجه الحضور نقداً حاداً لفكرة منح المعلم فرصة تقويم الطالب.

ونبه الوزير فى الندوة، التى حضرها مكرم محمد أحمد، نقيب الصحفيين، وعلاء ثابت، مقرر اللجنة الثقافية بالنقابة، إلى أن الطالب سيؤدى الامتحان فى مجموعتين من المواد الأولى هى المواد الأساسية «وتشمل اللغة العربية – اللغة الأجنبية الأولى – المواد القومية – التربية الدينية»، ثم المجموعة الثانية وتسمى المواد المؤهلة والتى يتم تحديدها وفقاً للقطاع الذى يرغب فى التقدم له.

وأشار إلى وجود مكونين أساسيين للمجموع الأول الخاص بدرجات الطالب فى المواد الأساسية، والتى يؤدى فيها الطالب الامتحان على مستوى الجمهورية، بينما يؤدى الطالب الاختبار فى المواد المؤهلة على مستوى المدرسة من خلال الاستعانة ببنوك الأسئلة.

وأكد أن الانتقال إلى الجامعة أصبح مشروطاً بأداء الطالب لاختبار الالتحاق بها من خلال امتحان المواد المؤهلة والذى تجريه الجامعة وتشرف عليه وزارة التربية والتعليم، ويقوم مكتب التنسيق بتحديد حد أدنى من الدرجات التى يحصل عليها الطالب فى اختبارات القبول للالتحاق بقطاع معين.

وأشار الجمل إلى أن النظام الجديد هو نظام العام الواحد وتمتد فيه صلاحية الشهادة لخمس سنوات، موضحاً أنه سيتم تطبيق نظام التقويم الشامل فيه، وأن نجاح الطالب فى الثانوية الجديدة مرهون باجتيازه للتقويم الشامل الذى يتضمن ٥٠% من الدرجات، وذلك بهدف عودة الدور التربوى للمدرسة، لافتاً إلى وجود درجات على حضور الطالب بالمدرسة.

ووجّه الحضور نقداً حاداً لفكرة منح المعلم فرصة لتقويم الطالب من خلال درجات يقوم بمنحها له عبر أسلوب التقويم الشامل، معتبرين أن ذلك سيفتح الباب للدروس الخصوصية ولن يخفف منها.

ورد الجمل على النقد مطالبا المجتمع أن يثق بالمعلم، خاصة بعد أن منحته الدولة الكادر الخاص، مشيراً إلى أن هناك مجلساً للأمناء بالمدارس وأجهزة للمتابعة والرقابة إلى جانب الشفافية والمحاسبية التى يجب تطبيقها. واعترف الجمل أن مدارسنا الثانوية ليست جاهزة حالياً للتقييم الشامل، لكنه استدرك قائلاً إنه يجرى حالياً وضع تصورات حول احتياجات المدارس وحساب التكلفة والمدى الزمنى للتطبيق، مشيراً إلى أن مجلس الوزراء متفهم لذلك ولطلب تدبير التكلفة.

وأكد أن أزمة إداريى التعليم فى طريقها للحل خلال الأيام المقبلة، موضحاً أنه سيتم الإعلان عن ذلك فى حينه.

[pink rose]

حد ينزل الترجمة يا جماعة عشان نفهم

يعني دلوقتي ثانوية عامة سنة واحدة بس تمام كده

المواد المؤهلة بقى دي تدرس امتى و مين اللي هايدرسها مدرسين عاديين و لا دكاترة من الجامعة اللي الطالب مقدم فيها

و ايه التقويم الشامل دا يعني كل مدرس و مزاجه يعني الرشوة هاتبقى للركب مش دروس خصوصية بس

عاوزة حد يشرحلي بجد عشان اركز في الكلام

[Mohamed Fayek]

الأخ الفاض / أبو أحمد

نورت المحاورات ... فينك ياراجل

على فكرة موضوع الثانوية العامة ده بيفكرنى بالمثل ( سمك لبن تمر هندى )

أنا أولادى باقى لهم عشر سنوات على الثانوية وياعالم ايه اللى حيحصل ..... الحكومة حتكون موجودة ولا بح مافيش

[icehearted girl]

حضرتك قافل الرسائل الخاصة عندك ليه؟

[kokomen]

حد ينزل الترجمة يا جماعة عشان نفهم

يعني دلوقتي ثانوية عامة سنة واحدة بس تمام كده

المواد المؤهلة بقى دي تدرس امتى و مين اللي هايدرسها مدرسين عاديين و لا دكاترة من الجامعة اللي الطالب مقدم فيها

و ايه التقويم الشامل دا يعني كل مدرس و مزاجه يعني الرشوة هاتبقى للركب مش دروس خصوصية بس

عاوزة حد يشرحلي بجد عشان اركز في الكلام

شكرا يامدام  \ ريمو

على التعقيب ... لكن للأسف الموضوع عايز ترجمة حرفية  علشان نقدر نفهمه

دايما الوزارة مشكورة بتعقد الأمور وما بتكونش واضحة للناس .. حتى أحنا في التربية والتعليم

بنحتاج مذكرة تفصيلية لمعرفة كل الخبايا في أي قرار 

كان الله في عون كل أولياء الأمور 

[kokomen]

<DIV align="center">

الأخ الفاض / أبو أحمد

نورت المحاورات ... فينك ياراجل

على فكرة موضوع الثانوية العامة ده بيفكرنى بالمثل ( سمك لبن تمر هندى )

أنا أولادى باقى لهم عشر سنوات على الثانوية وياعالم ايه اللى حيحصل ..... الحكومة حتكون موجودة ولا بح مافيش<FONT size="5">

مساء الخير  أستاذ \ محمد باشا

المحاورات منورك بسيادتك يافندم وبأهلها الطيبين

واحشني يا محمد بيه والله ..معلش أنا مقصر شوية .. بس ظروف مرضية

 

شكرا على تعليقك الجميل ... والمثل اللي حضرتك ذكرته فعلا ينطبق على التخطيط لوزارة التربية والتعقيد

 

ربنا يكرمك ولما أولادك يكبروا تكون الثانوية العامة أتلغت وإستريحتم منها

 

تقبل تقديري وإحترامي 

تم تعديل 26 مارس 2009 بواسطة kokomen

[ذهبية]

قمة التناقض يا وزير التعليم انت و حكومتك

مينين بتدافع على موقف المعلم المصرى و انة لازم نثق فية

وانت نفسك و حكومتك لاتثق فى المعلم الى بيشتغل بقالة كذا سنة وعملت لة كادر و امتحان يبقى واحد موجهة مادة و فاضل لة كام سنة يخرج معاش و تعمل لة امتحان زى العيال الضغيرين لانك لا تثق انة متمكن من مادتة

اية التخبط دة انت و حكومتك على راى صديقة ليا بتقولى الحكومة عايزة تشتت الناس على حال البلد

و تلبخهم بعيالهم علشان محدش يعرف يفوق من الىل احنا فية علشان نعرف حال البلد ماشى ازاى

دى خطة مضبوطة ماشية بالتدريج يا جدعان لما تعوز تغطى على موضوع تلبخ اللى قدامك بموضوع تانى خالص

و بعدين امتحان اية اللى هيروح الطالب يمتحنة فى الكلية دة بقى المفروض الطالب يجيب كتب الكلية يذاكر فيها ولا اية الوضع و لا لازم يكون ابوة دكتور فى الجامعة او حد من عيلتة علشان يضمن نجاحة

علية العوض و منة العوض زمان كان التعليم و التفوق لوحدة كفيل انة يرفع صاحبة كام من واحد فقير نتيجة نبوغة و تفوقة رفع نفسة و اسرتة معاة

ام الان لا ام معاك فلوس للرشوة لام وراك ظهر لا فىالمدرسة او فى الكلية

حسبى الله و نعم الوكيل

[doha]

كل اللخبطة في نظام ( السنوية العمية ) ده بيصب في مصلحه الشهادات الاجنبية زي الثانوي الامريكي او البريطاني وبرغم ان مناهج تعليم ( بتوع برا ) هتطلع عيال انتمائهم وتفكيرهم (لبرا ) خاصه في سن الثانوية دي الي بتشكل عقل ووجدان الشخص لبقية عمره غالبا .. ومع ذلك فللاسف لو معايا فلوس وعيالي في الثانوية العامه المصرية بوضعها الحالي للاسف هضطر ادخلهم ثانوي اجنبي .بس خلي العيال تكبر والاهم الفلوس تيجي ..

[elfakhrany]

أنا موضوع التربية والتعليم ده بيحرق دمى لأن باختصار شديد مفيش تربية ولا فى تعليم فى بس كــــلام وتطبيق أنظمة التعليم بدون دراسة أو تخطيط وعشان يبقى كل وزير أضاف حاجة وفى الأخر خريج الجامعة مبيعرفش الألف من كوز الذرة واللى درسه كله بينساه ويلاقى الشغل حاجه تانية :blink:

[محمد افندى]

السلام عليكم ورحمة الله وبركاتة

يا جماعه الموضوع كلة ان كل وزير بيجى يمسك وزارة التربية والتعليم فى مصر عاوز يعمل ( شو ) وبيطبق على مين على الشعب المصرى كل شوية نظام جديد للثانوية العامة مرة النظام القديم وبعدين قالو جبنالكم الثانوية الحديثة قلنا موافقين ( غصب عنا طبعا )

راجعين يلغو الحديثة ويرجعو النظام القديم وبس جايبلين له حوار معاه لزوم الهيصة قال اية شهادة منتهية

يا جماعه كل دول العالم دلوقتى بما فيها السعودية ( انتم فاهمنى طبعا ) كل الناس بتكمل دراسات عليا بعد البكالوريوس

الافضل لوزير التربية والتعليم انه يطور التعليم الفنى يعنى يخرج فنيين فعلا مفيش دولة بتتقدم بمثقفيها بس لازم اطباء ومهندسين وحرفيين الخخخخخخخخخخ عشان كدة لو عاوز يطور يطور يبقى تنسيق الثانوية العامة فى الاعدادية يرجع تانى وياخد من 200 فيما فوق واللى اقل من 200 يروح الثانوية الفنية ( ويخرج فنى حقيقى مش مجرد كلام )

ويا ريت حد يشاركنى الحوار

عشان فعلا انا زعلان من اللى بيحصل