كيف عرفـــــــــت الله؟؟...

[icehearted girl]

السلام عليكم ورحمة الله وبركاته :lol:

معظمنا هنا في المنتدي يدين بالديانات السماوية..سواء الاسلام ..أو المسيحية

يعني نعبد الله دون أن نراه

ويمكن دا اللي محير كتير من الناس اللي مبيعترفوش بدين

والسؤال اللي بيتسأل غالبا...

إزاي أعبد حد مشفتوش بعيني قبل كدا؟؟؟؟ :lol:

للأسف

ربنا سبحانه وتعالي حرمهم من رؤيته في الدنيا..أو لم يأت الأوان بعد

انا لا اقصد الرؤية المعنوية بالبصر..ولكني أعني البصيرة :lol:

أكيد في حياة كل مننا موقف يري فيه الله عز وجل

سواء برؤيه مخلوقاته

آيه من آياته

رحمة تتنزل منه عز وجل في وقت ضيق وشدة :(

أكيد كل حد مننا بيستلم الرسائل الربانية دي وبيحس في وقتها بقربه أوي من الخالق عز وجل

حد فهم انا قصدي إيه :lol:؟؟ّ!!

تم تعديل 27 مارس 2009 بواسطة Salwa
تصحيح لغوي لعنوان الموضوع

[icehearted girl]

هبتدي بنفسي

في يوم كنت في العجمي ..وفي التوقيت دا بحب أخرج بعد الفجر مباشرة لحد البحر عشان أحضر لحظة الشروق

في مكان معين بحب اقعد فيه عبارة عن صخره طويلة أوي جوا البحر نفسه وممدودة للشاطئ

يعني تبقي قاعد في نص الميه فوق الصخرة دي

مرة كنت بقرأ ونا قاعدة سورة البقرة

وفي آيه معينة ونا بقرأها كان البحر هادي جدا جدا

فجأه لقيت موجتين جم ورا بعض طولهم بجد مخيف أنا حسيت أني خلاص هقع :lol:

وفعلا اتغرقت ميه كإني وقعت في البحر مثلا :(

المصحف اللي في ايدي بقي ملمستوش نقطه ميه فعلا

الا الآيه اللي كنت بقرأ فيها

بجد كان شكل الصفحة مثير جدا للدهشه

كان حد جاب نقطه ميه ويادوب ظلل بيها الآية دي

تعرفوا الآية دي كانت أنهي آيه؟

قال تعالي

(ثُمَّ قَسَتْ قُلُوبُكُم مِّنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ

فَيَخْرُجُ مِنْهُ المَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ)

صدق الله العظيم

في هذا اليوم ..رأيت الله :lol:

تم تعديل 26 مارس 2009 بواسطة icehearted girl

[agbe]

هبتدي بنفسي

في يوم كنت في العجمي ..وفي التوقيت دا بحب أخرج بعد الفجر مباشرة لحد البحر عشان أحضر لحظة الشروق

في مكان معين بحب اقعد فيه عبارة عن صخره طويلة أوي جوا البحر نفسه وممدودة للشاطئ

يعني تبقي قاعد في نص الميه فوق الصخرة دي

مرة كنت بقرأ ونا قاعدة سورة البقرة

وفي آيه معينة ونا بقرأها كان البحر هادي جدا جدا

فجأه لقيت موجتين جم ورا بعض طولهم بجد مخيف أنا حسيت أني خلاص هقع :closedeyes:

وفعلا اتغرقت ميه كإني وقعت في البحر مثلا :(

المصحف اللي في ايدي بقي ملمستوش نقطه ميه فعلا

الا الآيه اللي كنت بقرأ فيها

بجد كان شكل الصفحة مثير جدا للدهشه

كان حد جاب نقطه ميه ويادوب ظلل بيها الآية دي

تعرفوا الآية دي كانت أنهي آيه؟

قال تعالي

(ثُمَّ قَسَتْ قُلُوبُكُم مِّنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ

فَيَخْرُجُ مِنْهُ المَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ)

صدق الله العظيم

في هذا اليوم ..رأيت الله :unsure:

كلام رائع فعلا

وأنا أستغرب فعلا من الملحدين إلي من يلجأون في أزماتهم وضيقهم كيف يرون كل هذه العظمة التي تتمثل في كل مخلوقات الله ولا يعترفون أن لهم إله خلق كل هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سبحان الله كيف يعيشون بغير هدف سوي دنيا هل السبب نحن؟ وتشويهنا لديننا أم أنهم يعرفون الحقيقة ويعاندون أنفسهم وإلههم لا أعرف

[بركة]

فعلا جزاكي الله خيرا على الموضوع ده

وياريت كل اللي يدخل يقول حاجة مفيدة لغيرة علشان نرى الله بقلوب من رأوه

اللهم اجعل الثواب في ميزانك يا ايس :happy:

هحكيلكم حكايات كتيرة

أتمنى أن يتسع وقتي لسرد النافع منها باذن الله :closedeyes:

" عمري ماهنسى اليوم اللي كنت فيه لسه في مصر قبل ما نسمع أنا وزوجي على حاجه اسمها عقد في السعودية

وكنا قاعدين بتناقش نقاش شبه حاد على شغل زوجي هيعمله ولكنه ممكن ان يستغل في غير ما يرضي الله وانتهينا في البداية

على إن هناك ميزان الحسنات وميزان للسيئات وسألته في أي ميزان تعتقد أن هذا العمل سيوضع ؟ وبعدها اتصلت بأقرب أخت في الله

الى قلبي لأستشيرها فقالت لي عليكي بالدعاء فبكيت وقلت ربنا يبدل الحال وكررتها مرتين وردت عليا قالت امين(وكنا في حال مادي

يزداد سوءا )

وبعدها ذهبت لأرى ما استراح له قلبه فأجابني خلاص مش هعمل الشغل ده وكان وجهه جميلا راضيا

تاني يوم اتصل بينا صديق لزوجي وقال له ماتعرفش حد في مهنتنا عايز يسافر السعودية أصلي جالي

عقدين واحد في السعودية وواحد في الامارات واخترت بتاع الامارات وعايز حد للعقد التاني عشان اللي جابهولي موصيني

لو مش هروح أدورله على حد كويس ..........وقد كانت بداية انفراج الازمة من ربنا يبدل الحال وتقوى الله من زوجي ولله الحمد

بسم الله الرحمن الرحيم" ومن يتق الله يجعل له مخرجا ويرزقه من حيث لايحتسب " :unsure:

[student]

لما ببص للسماء وانا ماشي بالشارع

واقول سبحان الله ايه الضخامه ديه

ولما بشوف التعقيد الهائل في تركيب اصغر الاشياء

ولما بشوف ضعفي ساعة المرض

واحتياجي ساعة الحاجة

وخوفي لما افتكر اني حموت في يوم من الايام

ولما اشوف تجبر الطغاة

وغيرها

[doha]

عاده لما بشوف اي صورة فيها منظر طبيعي او اعجاز في الخلق غصب عني بقول سبحان الله بحس فعلا انه موجود فيها .ده بشكل عام اما بشكل خاص فعن نفسي رأيت الله مرتين وبطريقة غريبة جدا ..

المرة الاولى وانا بولد بنتي ويمكن تكون هلوسة بنج ويمكن متكونش بس الي حصل ان الدكتورة ركبت لي بنج في الوريد وانا بكلمها وبقولها ايه ده وهي بتقولي بنج ببص في السقف لقيته لف وانسحب للداخل وكاني دخلت فيه .. وحسيت بنفسي بنزلق في نفق طوييييل ملوش آخر .. كله انحنائات والتواءات .. انا مش شايفه نفسي لكن شايفه جدران النفق الي يادوب اعرض مني بشويه وهي عماله تنزلق للخلف بسرعه رهيبة وانا عماله انسحب في داخله .. سامعه اصوات الدكتورة والممرضات بس مش فاهمه بيقولوا ايه .. وفي صوت واضح زي صوت الماء لما يدخل في الاذن كده او لما تغطسي تحت البحر وتسمعي صوت الموج من تحت مش فوق ..

فضلت انزلق في النفق ده فترة وبسرعه رهيبة وفجاه تذكرت شقتي والتاكسي الي رحت فيه للدكتورة وحسيت ان كل ده سراب مش حقيقه وقعدت اقول ياخساره كانت عيشه حلوة بس كانت وهم .. معرفش فجأه ازاي تجردت من الجزء المادي مني ومن حياتي وتخيلتها كلها اوهام بقيت روح بس معرفش ازاي ..

المهم لقيت النفق ده بدأ يتباطأ ولقيت نفسي فجأه توقفت في مكان واسع جدا ومليان ناس على آخره ..

الغريب اني مكنتش شايفه حد ولا شايفه المكان شايفه اسود بس لكن حاسه اني في مكان وفيه ناس كتير ..

وفجأه القي في روعي زي مابيقولوا اني واقفة امام الله سبحانه وتعالى ..

مكنتش شيفاه ولا شايفه شيء يدل على وجوده سبحانه لكن حاسه او بمعنى ادق عارفه اني واقفة قدامه ..

لقيت الناس كلها الي حوالي بتسبح ربنا او بتذكره لما خرج علينا كلنا ..

قعدت اقول في نفسي يابختهم لانهم بيعبدوه ( وتبعه ) .. حسيت بان هم دول الكسبانين فعلا

وفجأه سبحان الله تذكرت اني بعبده انا كمان وان ده الهي برضه .. واني مؤمنه انه هو ربنا وانه الخالق وكل شيء .

اقسم بالله العظيم ان ده حصل وبالظبط كده زي مابقول لكم ..

لقيت نفسي بقول الله منا كمان بشهد ان لا الله الا الله .. وقعدت اقول اشهد ان لا اله الا الله وانا فرحانه اوي اني وصلت للمكان ده وانا بشهد بكده .. بس بعدين قلت في نفسي الحمد لله اني مؤمنه بس على الله افضل على كده بحيث لما ارجع المرة الجايه اكون برضه بشهد بان لا اله الا الله .. قعدت اكررها اشهد ان لا اله الا الله وان محمد رسول الله

فجأه لقيت اصوات الممرضات والدكتورة بدأت تبقى واضحه وسمعت صوت بنتي وصحيت وسألتهم هو انا ولدت خلاص قالوا ايوه

الدكتورة قالت لي اني جدعه وانها مبسوطه مني عشان كنت متماسكه ولاني صاحية من البنج بتشهد وبقول اشهد ان لا اله الا الله .. بعد ايام لما رجعت للمتابعه عندها سألت الممرضة الي كانت معايا في الولاده هو انتم فوقتوني من البنج قالوا لي لاه انتي صحيتي لوحدك ..

زي ماقلت في الاول ممكن الي حصل ده هلوسه من البنج مع العلم اني عملت بعد الحكايه دي عملية وقيصرية كمان وفي المرتين اخذت بنج كلي ومع ذلك مجرد ماكنت باخذ حقنة البنج كنت بصحى على الدكتور بيفوقني ومكنتش بشوف اي شيء بين الاثنين ..

اكتر حاجه لفتت نظري في التجربة دي هي كلامي مع نفسي لما كنت بقول ( لما ارجع المرة التانيه ) بجد الجملة دي هزتني وخلتني دائما اذكر ربنا ودائما ادعيه اني اعيش واموت مسلمه لاني جربت الاحساس باني اموت واقف قدام الخالق وانا معترفه بفضله علي في نعمه انتمائي لعبيده . بجد بحس بلذه عظيمه دلوقت وانا ساجده في الصلاه وبقول سبحان ( ربي ) الاعلى .. بجد شرف اعظم من العظيم ان احنا كمجرد مخلوق ننتمي لربنا ده وننسب نفسنا ليه .. تجربتي دي او حتى هلوستي كان لها الفضل اني احس الشعور ده واني بجد اشوف ربنا بالوضوح ده ..

التجربة الثانيه بقى نخليها مرة ثانيه بدال ما اثقل عليكم ..

[بركة]

doha الجميلة ربنا يبارك لك وفي انتظار المزيد

[مغتربة]

عاده لما بشوف اي صورة فيها منظر طبيعي او اعجاز في الخلق غصب عني بقول سبحان الله بحس فعلا انه موجود فيها .ده بشكل عام اما بشكل خاص فعن نفسي رأيت الله مرتين وبطريقة غريبة جدا ..

المرة الاولى وانا بولد بنتي ويمكن تكون هلوسة بنج ويمكن متكونش بس الي حصل ان الدكتورة ركبت لي بنج في الوريد وانا بكلمها وبقولها ايه ده وهي بتقولي بنج ببص في السقف لقيته لف وانسحب للداخل وكاني دخلت فيه .. وحسيت بنفسي بنزلق في نفق طوييييل ملوش آخر .. كله انحنائات والتواءات .. انا مش شايفه نفسي لكن شايفه جدران النفق الي يادوب اعرض مني بشويه وهي عماله تنزلق للخلف بسرعه رهيبة وانا عماله انسحب في داخله .. سامعه اصوات الدكتورة والممرضات بس مش فاهمه بيقولوا ايه .. وفي صوت واضح زي صوت الماء لما يدخل في الاذن كده او لما تغطسي تحت البحر وتسمعي صوت الموج من تحت مش فوق ..

فضلت انزلق في النفق ده فترة وبسرعه رهيبة وفجاه تذكرت شقتي والتاكسي الي رحت فيه للدكتورة وحسيت ان كل ده سراب مش حقيقه وقعدت اقول ياخساره كانت عيشه حلوة بس كانت وهم .. معرفش فجأه ازاي تجردت من الجزء المادي مني ومن حياتي وتخيلتها كلها اوهام بقيت روح بس معرفش ازاي ..

المهم لقيت النفق ده بدأ يتباطأ ولقيت نفسي فجأه توقفت في مكان واسع جدا ومليان ناس على آخره ..

الغريب اني مكنتش شايفه حد ولا شايفه المكان شايفه اسود بس لكن حاسه اني في مكان وفيه ناس كتير ..

وفجأه القي في روعي زي مابيقولوا اني واقفة امام الله سبحانه وتعالى ..

مكنتش شيفاه ولا شايفه شيء يدل على وجوده سبحانه لكن حاسه او بمعنى ادق عارفه اني واقفة قدامه ..

لقيت الناس كلها الي حوالي بتسبح ربنا او بتذكره لما خرج علينا كلنا ..

قعدت اقول في نفسي يابختهم لانهم بيعبدوه ( وتبعه ) .. حسيت بان هم دول الكسبانين فعلا

وفجأه سبحان الله تذكرت اني بعبده انا كمان وان ده الهي برضه .. واني مؤمنه انه هو ربنا وانه الخالق وكل شيء .

اقسم بالله العظيم ان ده حصل وبالظبط كده زي مابقول لكم ..

لقيت نفسي بقول الله منا كمان بشهد ان لا الله الا الله .. وقعدت اقول اشهد ان لا اله الا الله وانا فرحانه اوي اني وصلت للمكان ده وانا بشهد بكده .. بس بعدين قلت في نفسي الحمد لله اني مؤمنه بس على الله افضل على كده بحيث لما ارجع المرة الجايه اكون برضه بشهد بان لا اله الا الله .. قعدت اكررها اشهد ان لا اله الا الله وان محمد رسول الله

فجأه لقيت اصوات الممرضات والدكتورة بدأت تبقى واضحه وسمعت صوت بنتي وصحيت وسألتهم هو انا ولدت خلاص قالوا ايوه

الدكتورة قالت لي اني جدعه وانها مبسوطه مني عشان كنت متماسكه ولاني صاحية من البنج بتشهد وبقول اشهد ان لا اله الا الله .. بعد ايام لما رجعت للمتابعه عندها سألت الممرضة الي كانت معايا في الولاده هو انتم فوقتوني من البنج قالوا لي لاه انتي صحيتي لوحدك ..

زي ماقلت في الاول ممكن الي حصل ده هلوسه من البنج مع العلم اني عملت بعد الحكايه دي عملية وقيصرية كمان وفي المرتين اخذت بنج كلي ومع ذلك مجرد ماكنت باخذ حقنة البنج كنت بصحى على الدكتور بيفوقني ومكنتش بشوف اي شيء بين الاثنين ..

اكتر حاجه لفتت نظري في التجربة دي هي كلامي مع نفسي لما كنت بقول ( لما ارجع المرة التانيه ) بجد الجملة دي هزتني وخلتني دائما اذكر ربنا ودائما ادعيه اني اعيش واموت مسلمه لاني جربت الاحساس باني اموت واقف قدام الخالق وانا معترفه بفضله علي في نعمه انتمائي لعبيده . بجد بحس بلذه عظيمه دلوقت وانا ساجده في الصلاه وبقول سبحان ( ربي ) الاعلى .. بجد شرف اعظم من العظيم ان احنا كمجرد مخلوق ننتمي لربنا ده وننسب نفسنا ليه .. تجربتي دي او حتى هلوستي كان لها الفضل اني احس الشعور ده واني بجد اشوف ربنا بالوضوح ده ..

التجربة الثانيه بقى نخليها مرة ثانيه بدال ما اثقل عليكم ..

ضحى بالنسبه لتجربتك هذه هناك موقع متخصص لهذه التجارب و التى يطلقون عليها تجارب الاقتراب من الموت ممكن تعرضى تجربتك فيه كما يمكنك ايضا قراءه مئات الفصص المشابهه لتجربتك هناك

هو موقع يهتم برصد هذه الظاهره فى محاوله لتحليلها و تاكيد حدوثها علميا ان اردت يمكن ان اعطيك الرابط لتلقى نظرة او لتشاركيهم تجربتك

[مغتربة]

بالنسبه لعلاقتى بالله

فانا اعتبرها علاقه شديده الخصوصيه

لا استطيع وصفها و لا سرد واقعه واحده من مئات الوقفات التى حدثت لى على امتداد عمرى

فهى علاقه تفاعليه تاكد لى فى كل لحظه ليس فقط وجود الله و لكن ربوبيته جل و علا