اذهب إلى المحتوى
محاورات المصريين

استشارة بين العمل فى المدينة او فى جده

muhamed
 مشاركة

Recommended Posts

muhamed عضو جديد

muhamed

بتاريخ:
بتاريخ: (معدل)

السلام عليكم و رحمه الله و بركاته

انا محاسب خبرة 10 سنوات اعمل فى مؤسسة فردية فى المدينة المنورة براتب 2500 ريال شامل السكن و الانتقالات و بدون اجازة مدفوعه الراتب او تذاكر سفر و ذلك بدون نقل كفالة و مهنتى فى الاقامة سائق خاص .

و الحمد لله ساكن فى نفس العمارة اللى فيها الشغل ( ب 500 ريال ) يعنى مفيش مواصلات و مصروفى الشهرى فى حدود 600 ريال يعنى بقدر اوفر فى حدود 1400 ريال . و فى عرض من شركة فى جده عبارة عن

راتب 3000 ريال

بدل سكن 750 ريال

بدل انتقالات 300 ريال

تامين صحى

و الاجازة كل سنتين و شهر مدفوع الراتب و تذاكر طيران

بس بشرط نقل الكفالة و مفيش نقل كفالة من عليهم . و مفيش زياده سنويه محدده يعنى هى و ظروفها

و لما سالت فى حالة استقدام الزوجة و الابناء فلقيت ان الوضع كما هو حسب نظام الشركة لن يتغير

يعنى تذاكر سفرهم على حسابى و بدل السكن ايضا مش هيتغير و لايوجد لهم تامين صحى

و لما سالت واحد محاسب شغال فى الشركة قالى ان الشركة بتتحسن و بتحسن من وضع الناس اللى شغالين فيها

و انه الاول كانوا بيخدوا الاجازة بدون الشهر المدفوع الراتب .

فانا محتار انى اصبر لغاية لما الاقى فرصة احسن لان تكلفة المعيشة فى جده اكبر منها فى المدينة على حسب علمى فخايف انى الاقى نفسى بوفر نفس اللى كنت بوفره فى المدينة و ابقى كده خسرت التاشيرة بتعتى و حرية انى انتقل لشغل احسن او انزل مصر كل سنه لغاية لما اعمل الاستقدام

و الا احط امل على كلام اللى بيقول ان الشركة بتحسن من مرتبات موظفيها و احاول افاوضهم فى الراتب

و هيبقى ايه اقل راتب ممكن اوفق عليه مع اعتبار انى باذن الله هعمل الاستقدام ؟

لان لو الاجازة كل سنتين فانا مضطر الى عمل الاستقدام خلال سنه

لانى بقالى هنا 8 شهور يعنى كده هيكون عدى عليا سنتين بدون نزول مصر

فانصحونى بالله عليكم

تم تعديل بواسطة muhamed

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
abdulmuttaleb عضو جديد

abdulmuttaleb

بتاريخ:
بتاريخ: (معدل)

سيدي الكريم،

سأرد وسامحني على الأسلوب الصادم، ولكن أن تصدم الآن وتفكر للتغيير نحو الأفضل أحسن مليون مرة من أن تصدم بعد عشر سنوات أخرى،

حضرتك محاسب خبرة 10سنوات ماشاء الله تبارك الله

كلامي مبني على افتراض أن حضرتك خريج كلية تجارة (أفصد ليس محاسبا بدبلوم تجارة)

مرة أخرى أرجوك سامحني على أسلوبي الصادم سيدي،

رغم أنني غير مقيم في السعودية، ولكن خبرة عشرة سنوات هذه يفترض أن يكون راتبك أعلى من هذا بكثير (بالتوازي مع خبراتك المتراكمة) لأنني أعرف أن راتب المهندس المبتدئ يكون على الأقل 2000-3آلاف.

إن المؤسسة التي تعمل بها سيادتكم فردية والعمل فيها من المؤكد أنه روتيني ولا يراكم قدرا كبيرا من الخبرات فبالتالي يعتبر هذا تفسيرا مقنعا لعدم وجود راتب كبير، وهذا أيضا مؤشر أنّ سيادتك لا تهتم بتطوير خبراتك أو التطلع للعمل في بيئة أكثر ديناميكية بحيث تترقى وتحصل على دورات مراجعة ومحاسبة وتصبح مدير مالي أو في مكتب مراجعة حسابات مثلا.

لكني أشدد على أن الراتب من وجهة نظري قليل، خصوصا وأنه بدون حتى تذاكر سفر ولا يحزنون.

سكن حضرتك في عمارة الشركة يعني أن حضرتك مقيم بعيدا عن أسرتك.

وفي النهاية يطلع ما توفره سيادتكم هو 1400ريال شهريا فقط، يعني حضرتك لو في مصر وتعمل منذ عشر سنوات فمن المؤكد أن سيادتك تستطيع الحصول على هذا المبلغ ربما من مشروع موسمي لخرفان عيد الأضحى كل سنة، وأنت مقيم بين أهلك وأسرتك وفي وطنك، هذا إذا لم يكن متاحا لحضرتك فتح مكتب محاسبة خاص، يا سيدي ده لو حضرتك اشتغلت في الضرائب كان راتب حضرتك ح توفر منه أكثر من هذا.

ده يا فندم الشاب الجامعي حديث التخرج الذي يجيد الفرنسية يعمل في شركات الكول سنتر بالقرية الذكية بخمسة آلاف جنيه مصري شهريا.

أنا والله سامحني ، طبعا أنا أسأل الله أن يبارك لك في مالك ورزقك وأسرتك، ولكن يا سيدي أنا لدي شركة صغيرة للاستشارات الوظيفية، ويعني تمرّ عليّ مآسي بسبب غياب التخطيط الوظيفي وتكون النتيجة مثل ما حضرتك شايف: رجل مكث 10سنين بخبرة فعلية ربما لا تزيد عن 3سنوات وراتب بسيط وغربة وسفر كل عامين.

الظاهر حضرتك راجل طيب فعلا، فحتى الشركة التي تقدم لسيادتك عرض آخر ليست لديهم زيادة وإنما بظروفها!!!!

يعني ايه بظروفها!!!

ماهو طبعا للأسف الشديد خبرة حضرتك وعملك في مؤسسة صغيرة لم تراكم خبرة كبيرة جعلت الفرص المتاحة أمام حضرتك ربما قليلة أو محصورة في نطاق معين من الشركات الصغيرة التي يحكمها أصحاب المال بدون نظم أو لوائح محددة.

وبعدين والله ظريفة حكاية المحاسب اللي هناك اللي قال لسيادتك إن الشركة بتتحسن وبتحسن من وضع الناس اللي شغالين فيها، اوعى تسمع كلامه يا فندم، فيبدو أنه من عينة اللي تعرفه أحسن من اللي ما تعرفوش!!

شركة ايه دي يا فندم التي لا تقدم تأمينا ولا تذاكر سفر ولا حتى نظام زيادة رواتب، ولو هنالك استقدام لا تغيير في الوضع، ولا حتى تذاكر، دي يا فندم شركة تناسب شاب حديث التخرج يريد اكتساب خبرة ممكن يشتغل فيها ونوافقه على كده، لكن رجل بخبرة 10سنوات حراااااااااااااااااااااااااااااااااااااااااااااااااام.

شوف يا سيدي،

حضرتك لازم تقوي نفسك في الإنجليزي

وفي دورات المحاسبة الحديثة اللي واضح أن عفا عليها الزمن بالنسبة لحضرتك

أو حضرتك تراجع مذكرات الجامعة أو كتبها أو عن طريق الانترنت

وتعمل سي في كويس وح أعمل لحضرتك هدية CV راسلني على الخاص أو

abdulmuttaleb@msn.com

بس بشرط تدعي لي في المدينة المنورة في مسجد سيدنا رسول الله عليه الصلاة والسلام.

تحياتي وأمنياتي برزق حلال وكسب طيب وراحة في البال وبركة في العيال.

تم تعديل بواسطة abdulmuttaleb

يا رب عفوك ورضاك

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ عبد المطلب

السلام عليكم ورحمه الله و بركاته

اول شى باذن الله تعالى انى سوف ادعو لك فى الحرم النبوى

و انا خريج جامعه الاسكندرية كلية التجارة

بالنسبة لحكاية الخبرات فانا و الحمد لله لدى خبرات جيده منها 5 سنوات فى شركة كبرى فى مصر

اما سيبتها ليه فده خلاص امر بقى فى الماضى

حكاية انى لو كنت فى مصر كنت اقدر اوفر هذا المبلغ هى دى اللى بختلف معاك فيها

و بالنسبة لموضوع اللغة و الدورات فانا فالوقت الحالى بركز على اللغة

هى ممكن تكون متاخره شويه بس الله المستعان

و يارب لو فى حد من اخوانا اللى فى السعوديه يقولنا رايه

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
زعلان عضو جديد

زعلان

بتاريخ:
بتاريخ:

مبدئيا تكلفة المعيشة في جدة مقاربة للمدينة مفيش فرق كبير

بس اطلب من الشركة الي حتنقل عليها اان التذكرة تبقى سنوية و الاجازة شهر سنوي مدفوع كده يبقى نوعا ما تقدر تقبل بالعرض المتواضع بتاعهم الي هو احسن من الي انت فيه لو تقدر تصبر و تدور على عرض افضل انت تقدر تقدر امورك

رابط هذا التعليق
شارك
jamalpody عضو جديد

jamalpody

بتاريخ:
بتاريخ:

مش عارف ليه احنا كمصريين بنفضل محلك سر بدون طموح او تطوير للذات او القدرات

بعكس الجنسيات العربيه الاخري الذين تجد فيهم الولد من دول خريج اول امبارح ولغته الانجليزيه رقم واحد

وتجد معه CMA ,CPA ,ACCA,CIA ,CFA والواحد منهم لا يقبل بأي راتب ذي حالتنا ولكن يكون طموحه

في حدود قدراته وتسويقه الجيد لنفسه

انت ليه متحاولش تاخد شهاده مهنيه يا اخي تطور بها نفسك وفي نفس الوقت ترفع بها قيمتك السوقية كمحاسب

http://www.youtube.com/watch?v=aSOFf63hPqc&feature=player_embedded#!
رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:
مش عارف ليه احنا كمصريين بنفضل محلك سر بدون طموح او تطوير للذات او القدرات

بعكس الجنسيات العربيه الاخري الذين تجد فيهم الولد من دول خريج اول امبارح ولغته الانجليزيه رقم واحد

وتجد معه CMA ,CPA ,ACCA,CIA ,CFA والواحد منهم لا يقبل بأي راتب ذي حالتنا ولكن يكون طموحه

في حدود قدراته وتسويقه الجيد لنفسه

انت ليه متحاولش تاخد شهاده مهنيه يا اخي تطور بها نفسك وفي نفس الوقت ترفع بها قيمتك السوقية كمحاسب

الرجل يطلب المشورة فى مسألة محددة هى الموازنة مع وضعين وظيفيين فى السعودية فى مدينتين مختلفتين و الرد المناسب من المصريين العاملين فى جدة بالذات ، و تعقيب حضرتك عاليه ليس إلا نوعا من التبكيت الذى ليس له محلا من الإعراب.

ما سبق كان إستهلالا لابد منه

فى التعامل الإنسانى يجب ألا ننسى القدرات و الإمكانيات و الظروف الخاصة بالإضافة إلى الأقدار التى لها دور كبير فيما نحن عليه الآن و هناك مثل شعبى يقول "اللى على البر عوام"

مواطنين لا متفرجين


رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ زعلان مشكور على مرورك

و شكرا على النصيحة جزاك الله خيرا

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ jamalpody

اولا شكرا على مرورك

ثانيا يا اخى انتا تعرف ظروفى

و بعدين اسال اى محاسب مصرى اساله كده معاه كام شهاده من دول

اوكدلك ان مش هتلاقى حتى نسبة 15 % منهم و هما اصلا بتلاقى معظمهم مرتاح ماديا

يعنى يا اخى يقدر يوفر تمن شهاده واحده من دول و اللى مش هتقل مصاريفها عن 15000 جنيه

قلى كام محاسب فى مصر يقدر يوفر المبلغ ده بعد مصروفه و جوازه و بعد كام سنه

و الا انتوا بتكلمونا عن مصر تانية غير بتاعتنا

و فى انتظار ردك

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

اخى الكبير عادل أبوزيد

شرفنتى بمرورك

و قد ايه عجنبى كلامك

لان كل انسان له ظروف خاصة بيه

و بعدين انا بعرض بسال و استشير

مش لازم اشرح ظروفى و احكى قصة حياتى

و الله المستعان و يقدر اللى فيه الخير

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
عنبو عضو جديد

عنبو

بتاريخ:
بتاريخ:

اولا السلام عليكم ورحمة الله وبركاته بالنسبه لحضرتك كا محاسب وخبره عشر سنين انا معايا ناس صحابى محاسبين لسه خريجين 2006 ومرتباتهم حوالى 4500 شامل بدل مواصلات وسكن وكله يعنى كويس ومش معاهم خبره ولا لغه ولا حاجه ومش معاهم وسطه كمان فانت ممكن تنزل جده كده وتعمل اعلان فى اى جريده وان شاء الله تلاقى شغل احسن من اللى انت فيه 100000000000 مره

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
الباحث عن الرزق عضو جديد

الباحث عن الرزق

بتاريخ:
بتاريخ:

سبق اخى ان اعضاء هذا المنتدى نصحونى انى اطور نفسى فى مجال الموارد البشريه

وانا قيلهم ان مرتبى 600 جنيه وكمان اخد دبلومه من الجامعه الامريكيه

الى يده فى الميه

اخوانى الاعزاء الراجل هى دى ظروفه

ومستحيل الواحد فى ضغط الحياه وبالذات فى مصر ممكن يطور نفسوا لان الواحد عند هموم كفايه

ومستحيل ان يوفر ان يطور نفسوا الا اذا كان حالته مرتاحه او يعنى ميجوز او لو كان مجوز يجوع مراته

وربنا ييسرلك الحال

رابط هذا التعليق
شارك
محمد افندى عضو جديد

محمد افندى

بتاريخ:
بتاريخ:

الاخ الفاضل محمد انا اخوك محمد محاسب بجدة وان شاء الله احاول افيدك بالنسبة للسكن بما انك لسة عازب تستطيع الحصول على غرفة مفردة ب 500 ريال فى جدة وبالنسبة للمصاريف تقدر تعيش معقول ب 600 ريال وهنحط كمان 400 ريال للمواصلات لحد ما تقدر تقف على رجليك وتشترى سيارة مستعملة يبقى انت هتصرف حوالى 1500 ريال شهريا وتوفر 2550 وهو رقم افضل بكثير من اللى بتوفرة فى المدينة المنورة وبكدة انا شايف ان الافضل انك تيجى جدة وتنقل عليهم كفالة هترجع تقولى طيب ما انا كدة مش هبقى حر وابقى ضيعت ميزة التاشيرة الحرة

لأ يا سيدى السنة الاولى هتفرق معاك ان شاء الله حوالى 13000 ريال لو الوضع الجديد فى شركة جدة عجبك انت شغال معاهم قرفت منهم تقدر فى اى وقت تشترى تاشيرة وبصراحة الفرص فى جدة افضل وهتقدر تطور نفسك وعموما فى تفاصيل كثير ممكن افيدك بها ان شاء الله ولو محتاج جوالى ممكن ابعته لك على الخاص لو حبيت تفاصيل اكثر وشكرا

رابط هذا التعليق
شارك
بندق أفندى عضو جديد

بندق أفندى

بتاريخ:
بتاريخ:

أخونا العزيز .. جدة أفقها اوسع والتطور فيها اكبر .. خصوصا لما تتحول لشركة وممكن تكون خطتك هى فقط الانتقال ولابحث عن عمل أفضل سوف تجده ان شاء الله .. لديك مشكلة أساسية انه تسأل هل المهنة سائق خاص دى ممكن نقل الكفالة معها أو ممكن تغييرها؟

ثانيا لابد ان تعمل على تطوير نفسك وتشترط على الشركة التى سوف تذهب لها ان يكون لك حق نقل الكفالة بنهاية عقدك .. وفى جدة الوضع مختلف وسوف تجد ان شاء الله فرص أفضل كثير ..

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ محمد العنبى

مشكور على مرورك

و باذن الله جارى عمل اعلان

و جزاك الله كل خير

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ الباحث عن الرزق

و الله صدقت يا اخى

الحمد لله الواحد برده بيحاول ينمى نفسه بس على قد الامكانيات

و جزاك الله كل خير

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

اخى الفاضل محمد افندى

الف شكر على نصحيتك و جزاك الله خيرا عنها

و يشرفنى ان يبقى فيه تواصل بينا

و انا فى انتظار رقم موبايلك

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك
muhamed عضو جديد

muhamed

بتاريخ:
  • كاتب الموضوع
بتاريخ:

الاخ بندق أفندى

نورتنا بوجودك و مشارتك

و جزاك الله كل خير

رب اغفر لي ولوالديَّ، رب ارحمهما كما ربياني صغيرا

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ أَجِرْنِي مِنْ النَّارِ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

اللَّهُمَّ إِنِّي أَسَالِكُ الْجَنَّةَ

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...