انا عارف ايه اللي هيحصلي!!!!!

[egyptian dentist]

اقول ليكم على قصتي

انا دكتور أسنان شغال في السعودية بقالي سنة وخمس شهور ........أول سنه عدت كانت كويسه و الحمدلله و نزلنا أجازه لمصر و قابل يا أستاذ .....الدنيا أتغيرت و الناس

اتقلب حالها والكل بصصلك في لقمة عيشك و كأننا بنلاقي الفلوس في الارض وبساهل.........كان عندي عياده في مصر ومشركني صاحبي اللي هو زي أخويه بالظبط فلما

اقبلته حسيت كأني معرفوش وبقى يتكلم عن ان العياده بالنسبالي ملهاش لزمه و بيع نصيبك بأي ثمن ما انت شغال في السعوديه.......المهم رحعت تاني السعودية و أنا

مصدوم صدمت عمري وقابل بقى اللي حصل بعد كده ...... الدكتور اللي شغال معايا سوء سمعتي وأخد كل المرضى بيتوعي وكل ده علشان هو بقاله شغال 15 سنة و أنا

مبقليش سنة وايرادي بقه والحمدلله زيوه فأزاي وأزاي الواد اللي مطلعش من البيضه يبقى كده ( مع العلم انه مصري زي)..........طبعا رجعت على خراب و كأني ببدأ من

الاول و مفيش حد بيصدقني ولا واقف جنبي هيصدقوا يعني ابن امبارح..........صبرت وقولت يا رب لغاية ما جت الضربه من مصر صاحبي خلاص فاض بيه و اكتشفت انه

بيسرقني......نزلت جري مصر وشوفت بنفسي الخيانه فقولت والله ابيع ولاه اشوف المنظر ده قودامي وبيعت نصيبي في عيادتي و رجعت تاني السعوديه........ومن طبتي

حكيت اللي حصل معايا في مصر فاذا بي القي الكفيل موجود عندي بعد شهر بيقولي ايرادك مش كويس و انت مهمل وانت وانت مع العلم اني بجانب اني دكتور فانا كمان

محاسب للمكان علشلن الكفيل عمل خروج نهائي للمحاسب ولسه بيدور على واحد وانا ماسك المحاسبه بقالي سنه من غير مقابل ولا فتحت بقي ......فلما جه وقولتلوه

انا ماسكلك الحسابات من غير ولا حاجه يرد عليا يقولي ما انت شغال عندي ودي خدمه قصاد خدمات كتيره عملتهالك....عملي ايه؟؟؟؟؟ولا حاجه............ده الراتب 3500

يعني ولا حاجه بس أقول ايه انا اللي غلطان.......المهم استحملت وصبرت .....جت الضربه اللي بعديها :بنادي على الموظفة الاستقبال السعوديه اسألها على حاجه في

الحسابات ما تردش و تشتمني و تعلي صوتها عليا فمردتش و ذهلت و كلمت المدير السعودي و قولتيلوا ان يا انا يا هي في المستوصف ......وياريتني ما حطيت نفسي في

المقارنه ديه .....مين انا يعني غير حتة دكتور مصري ملوش لازمه ينزلوا مصر يجيبوا 10 زي و احسن مني..........طبعا مش عارف اقول ايه ولا اعمل ايه .......اللي زاد و غطى

انها قالت اني وعدتها بالجواز وانا مع العلم متجوز .........قابل بقه الخبطه الجامده::اتاري صاحبنا الدكتور ابو 15 سنه هو اللي طالع مقوم و شاحن الكفيل عليا و عمل

موضوع البنت دي كمان علشان عايز يخلص مني بأي شكل كان ......ازاي ؟؟؟؟ ده انا مصري زيك يا اخي و الرزق بتاع ربنا

اسف اني طولت عليكم بس مليش فعلا حد غيركم و ادعولي

تم تعديل 27 مارس 2009 بواسطة egyptian dentist

[شروق وغروب]

لااله الا الله

خساره اننا نعمل فى بعض كده فى الغربه

بدل ما نساعد بعض ونأزر بعض

والغريب ان ده اللى بوظ سمعتنا قدام الخليجين

لاننا زى السمك بناكل فى بعض

وطبعا ده بيخلينا ملناش لازمه قدامهم ويعملوا فينا اللى هما عايزينه

اذا كان ابن البلد بيعمل فى ابن بلده كده

فهننتظر ايه من ناس جاتلها طفره الثروة بعد الشقاء وينطبق عليهم شبعه بعد جوعه

اخى الفاضل حاول انك تشوف حل مع كفيلك فى الحكايه دى

وتساير امورك ومتندفعش فى ردود فعلك لانها للاسف هتتاخد مش لصالحك

وزى ماقولت هو هنا مبدأهم اننا نقدر ننزل نشترى اى دكتور من مصر

والدكاتره على افا من يشيل ومستنين اشاره من البهوات دول

فاريت تتروى فى رد فعلك عشان متخسرش كل حاجه وتنزل مصر تلاقى نفسك يامولايا كما خلقتنى

خصوصا بعد خسارتك الماديه فى عيادتك فى مصر

واتمنى ان شاء الله انك توصل لحل لمشكلتك

وربنا يقويك عليها

[osmel33]

الأخ العزيز أنا مش عارف أقولك أيه بصراحة

انت عندك أكتر من مصيبة بصراحة بدايتها معلش انت قولت فى كلامك ان الراتب 3500 ريال ده الراتب بتاعك انت كطبيب ؟

لو كان الجواب آه وأتمنى انه مايكونش كده يبقى انت الأول غلطت فى حق نفسك بأنك رضيت بالراتب التعبان ده

وخاصة ان عندك عيادة

أما بخصوص الخيانة من الصديق فهى دى بصراحة المآساه الحقيقية لأنك المفروض أئتمنته على المال ده وانت شريكه

فازاى هو يعمل كده بس بصراحة من اللى الواحد بيشوفه هاقولك بتحصل للأسف

أما بقى موضوع الافندى اللى واقفلك زى اللقمة فى الزور وبيكيد لك لأ الموضوع ده للأسف منتشر جداً فى الخليج

وبالذات لما يكون حاسس بأنك بتاخد مكانه أو أنك بتضره فى آكل عيشه وهو مايعرفش أن الرزق ده فى يد الله

انا مش عارف افيدك ازاى بس من رآى أنك تسيب المكان ده لأنه لا الافندى ده هايسيبك ولا الكفيل وتحاول تشوف حاجة

تانية محترمة وتبتدى من تانى

[egyptian dentist]

شروق وغروب : اشكرك على ردك و دعوتك لكن اعذرني اني لا يمكن ان اتمالك أعصابي وانا شايف كل حاجه بتروح مني و بضرب من ورا ظهري وبتتهان كرمتي وانا مش قادر اعمل حاجه............

osmel33 : فعلا انا راتبي كده 3500 وانا عارف اني غلطان اني قبلت بكده بس والله كان صاحبي اللي بثق فيه هو اللي اقنعني و حسبهالي و رسملي الدنيا وردي وانا اللي زي الحمار مشيت من دافع الثقه وادي اللي جانيته......زي ما حضرتك قولت يا مولاي كما خلقتني.......أدور على مكان تاني فين ده انا معلوماتي محدوده اوي ومليش علاقات كتيره والمكان اللي انا شغال فيه صغير اوي .... بعدين انا واثق ان الكفيل مش هينقلي كفاله........يا رب

[ahmos1]

لا اقول الا لاحول و لا قوة الا بالله

و الظلم ظلمااااااااااااااات يوم القياااااااامة

[الباحث عن الرزق]

اخى الفاضل

الخيانه من صديقك المقيم فى مصر حاجه طبيعه بتحصل فى مصر اما الدكتور المصرى ابو 15 سنه دى برده شى طبيعى والناس بتتعرضلو فى شغلها دايما ما دام قطاع خاص ............

شوف يا دكتور تمالك اعصابك وفكر اكتر وماتدفعش لان غرض الدكتور الى معاك انك تعمل كده والبنت السعوديه كمان

اما عن الكفيل هو لا يدرك شئ

فانت وبالله عليك دور على مكان افضل او فيزه تانيه وانت عرفت الدنيا ماشيه ازاى بس ما تسيبش شغلك الا لما تعرف الدنيا ماشيه ازارى معاك وايه ظروفك كمان ارمى كلل ده وراء ظهرك وفكر انت مصلحتك فين واعملها

[غريب الخبر]

سيدى الفاضل . يجب ان تعلم ان ما حصل لك شئ عادى جدا بل بالعكس اقل من العادى وانا لا اعنى اننى مررت بتجربة او خلاف ذلك . لا . اننى اقصد ان ما يحدث هو مقدر من الله علك تجد مكان احسن بعد عودتك الى مصر وبراتب اعلى من هذا . يجب ان تعرف انك فى مكانك هذا تخسر الكثير من راتب قليل واناس سيئة ولكن ( عسى ان تكرهوا شيئا وهو خير لكم ) . ومن ناحية صديقك فمن فضلك لا تتكلم عن موضوع الجنسية لان ليس لها علاقة تماما بما يحدث ولا احب ان اسمع من اى شخص ان المصريين هكذا فلامثلة قليلة ولا تعتبر قاعدة وهذا يحدث فى اى جنسية .

وبدون اطالة عليك اعتقد انه من الاحرى ان تترك هذا المكان فورا وباذن الله سوف تجد فرص كثيرة حين عودتك الى مصر لان طب الاسنان مطلوب كثيرا فى الخليج

وبدون مشاكل وضغوط نفسية والتى لا تساوى مال الدنيا كله . حاول ان تنهى عقدك ولا تقدم استقالة ولو طلب الكفيل منك المغادرة عليك باخذ كافة حقوقك .

وفقك الله ودمت بخير

[egyptian dentist]

لا اقول الا لاحول و لا قوة الا بالله

و الظلم ظلمااااااااااااااات يوم القياااااااامة

اشكرك على مشاركتك

[egyptian dentist]

اخى الفاضل

الخيانه من صديقك المقيم فى مصر حاجه طبيعه بتحصل فى مصر اما الدكتور المصرى ابو 15 سنه دى برده شى طبيعى والناس بتتعرضلو فى شغلها دايما ما دام قطاع خاص ............

شوف يا دكتور تمالك اعصابك وفكر اكتر وماتدفعش لان غرض الدكتور الى معاك انك تعمل كده والبنت السعوديه كمان

اما عن الكفيل هو لا يدرك شئ

فانت وبالله عليك دور على مكان افضل او فيزه تانيه وانت عرفت الدنيا ماشيه ازاى بس ما تسيبش شغلك الا لما تعرف الدنيا ماشيه ازارى معاك وايه ظروفك كمان ارمى كلل ده وراء ظهرك وفكر انت مصلحتك فين واعملها

طالما كل ده طبيعي من وجهة نظرك يبقى احنا كده عايشين في غابه مع وحوش ويبقى على الدنيا السلام

[egyptian dentist]

سيدى الفاضل . يجب ان تعلم ان ما حصل لك شئ عادى جدا بل بالعكس اقل من العادى وانا لا اعنى اننى مررت بتجربة او خلاف ذلك . لا . اننى اقصد ان ما يحدث هو مقدر من الله علك تجد مكان احسن بعد عودتك الى مصر وبراتب اعلى من هذا . يجب ان تعرف انك فى مكانك هذا تخسر الكثير من راتب قليل واناس سيئة ولكن ( عسى ان تكرهوا شيئا وهو خير لكم ) . ومن ناحية صديقك فمن فضلك لا تتكلم عن موضوع الجنسية لان ليس لها علاقة تماما بما يحدث ولا احب ان اسمع من اى شخص ان المصريين هكذا فلامثلة قليلة ولا تعتبر قاعدة وهذا يحدث فى اى جنسية .

وبدون اطالة عليك اعتقد انه من الاحرى ان تترك هذا المكان فورا وباذن الله سوف تجد فرص كثيرة حين عودتك الى مصر لان طب الاسنان مطلوب كثيرا فى الخليج

وبدون مشاكل وضغوط نفسية والتى لا تساوى مال الدنيا كله . حاول ان تنهى عقدك ولا تقدم استقالة ولو طلب الكفيل منك المغادرة عليك باخذ كافة حقوقك .

وفقك الله ودمت بخير

فعلا لازم استنى لغاية ما اخلص عقدي بس الخوف كل الخوف انهم يلبسوني تهمه او يخرجوني بفضيحة .........ربنا يستر

[الباحث عن الرزق]

دكتور دا حال الدنيا وانا اشتغلت فى مصر فى مجال الموارد ووصلت ان قريبى شغال مدير مشتريات سرق من مكتبى ملفات عاملين وكمان كانو رفعين قضايا

تعرف ايه السبب ان رفضت امضى اوذون استلام مخدتهاش عشان البيه ينقز نفسوا من مكتب المراجعه فى تقفيل السنه يعنى ان اتأذى فداء له والا ....................................................................

[الباحث عن الرزق]

وانا سنى 24 سنه اتعاملت بحكمه وهو من مدير مشتريات الى مدير مخازن يعنى مخزنجى

لانى فاهم ان هى دى الدنيا الى احنا عيشين فيها اقصد الغابه

[MoHaMMeD EgYpT]

لا حول ولا قوة الا بالله و فعلا الخيانة ممكن تجي من المصريين و بصراحة انا مش فاهم هما الناس و المصريين عموما بيعمولوا كده في بعض ليه لكن اجي و اقولك مش كل المصريين زي بعضهم في الكويس و في الوحش

و ربنا يصبرك علي ما ابتلاك و حصل الخير و اديك اتعلمت و ان شاء الله تلاقي مكان افضل تشتغل فيه جرب حضرتك بلاد تانية جرب الكويت هنا مرتبات الدكاترة في السماء او جرب في اي حتة تانية مش لازم السعودية اللي شغالة تتطحن في الدكاترة

[rewsha]

اخي الفاضل لقد قراْت موضوعك وتاْثرت جدا باللي بيحصل بس حاول تهداْ اعصابك وتتصرف بحكمه ولو قدرت توقع صاحبك ابو 15 سنه خبره في شر اعماله يكون خير فكر ازاي تكشفه لصاحب المكان واتمسكن لحد ماتتمكن والحرب خدعه (قصدي بينك وبين الدكتور زميلك) ماتخليهوش يخسرك كل حاجه وشوف هوه اتفق مع الممرضه ليه وحاول تكسبها في صفك باي طريق لحد ماتثبت لصاحب العمل انك مظلوم من الدكتور التاني على الاقل علشان تعرف تاْخد حقوقك وصدقني دكاترة الاسنان فعلا مطلوبين جدا في دول الخليج فحاول تكسب كفيلك حتى علشان يديلك شهادة خبره تنفعك في حته تانيه وزي ماقلتلك.(اتمسكن لحد ماتتمكن )دي نصيحه انثويه. وربنا معاك يارب

[الباحث عن الرزق]

نعم اخى حاول انك ماتخسرش كل حاجه

وتريس فى كل شى

وذلك لكى لا تندم ولكى لا يكون التقصير منك

لا اقصد تقصير العمل

ولكن لو اندفعت فى اى شى سوف تندم فيما بعد

وانت دكتور يعنى بتخفف من الام ابشر فحاول مره ان تخفف من الامك

[egyptian dentist]

لا حول ولا قوة الا بالله و فعلا الخيانة ممكن تجي من المصريين و بصراحة انا مش فاهم هما الناس و المصريين عموما بيعمولوا كده في بعض ليه لكن اجي و اقولك مش كل المصريين زي بعضهم في الكويس و في الوحش

و ربنا يصبرك علي ما ابتلاك و حصل الخير و اديك اتعلمت و ان شاء الله تلاقي مكان افضل تشتغل فيه جرب حضرتك بلاد تانية جرب الكويت هنا مرتبات الدكاترة في السماء او جرب في اي حتة تانية مش لازم السعودية اللي شغالة تتطحن في الدكاترة

اشكرك على النصيحة و المشاركه والدعوة وفعلا اديني اتعلمت وبتعلم بس بجد انا تعبت من حال البشر دلوقتي وربنا يصبر الجميع

[egyptian dentist]

اخي الفاضل لقد قراْت موضوعك وتاْثرت جدا باللي بيحصل بس حاول تهداْ اعصابك وتتصرف بحكمه ولو قدرت توقع صاحبك ابو 15 سنه خبره في شر اعماله يكون خير فكر ازاي تكشفه لصاحب المكان واتمسكن لحد ماتتمكن والحرب خدعه (قصدي بينك وبين الدكتور زميلك) ماتخليهوش يخسرك كل حاجه وشوف هوه اتفق مع الممرضه ليه وحاول تكسبها في صفك باي طريق لحد ماتثبت لصاحب العمل انك مظلوم من الدكتور التاني على الاقل علشان تعرف تاْخد حقوقك وصدقني دكاترة الاسنان فعلا مطلوبين جدا في دول الخليج فحاول تكسب كفيلك حتى علشان يديلك شهادة خبره تنفعك في حته تانيه وزي ماقلتلك.(اتمسكن لحد ماتتمكن )دي نصيحه انثويه. وربنا معاك يارب

اختي الفاضله اشكرك على مشاركتك ولكني لا اقدر ان افعل مثل ما يفعل الناس بي.........انا اتربيت اني اقابل السيء بالكويس دايما و احب ان اعامل الناس كما احب ان يعاملوني و مقتنع بفكرت اعمل الخير و ارميه البحر ..........بس شكلي المره دي انا اللي اترميت في البحر ......بس جزائي عند الله أكيد لن يضيع و ربنا أكيد هيوقفلي ولاد الحلال.....................الخلاصه مش هقدر ومش هعرف أعمل بنصيحتك

[egyptian dentist]

نعم اخى حاول انك ماتخسرش كل حاجه

وتريس فى كل شى

وذلك لكى لا تندم ولكى لا يكون التقصير منك

لا اقصد تقصير العمل

ولكن لو اندفعت فى اى شى سوف تندم فيما بعد

وانت دكتور يعنى بتخفف من الام ابشر فحاول مره ان تخفف من الامك

هحاول والله بس المشكله اني بني ادم من لحم و دم يا ناس و مش قادر استحمل كمية الاستفزاز و الظلم اللي واقع عليا .......هو اكيد اختبار من ربنا وان شاء الله هنجح

[doha]

معليش يادكتور حط في بالك ان مفيش تمكين بغير ابتلاء .

يوسف عليه السلام افترى عليه اقرب الناس ليه ورموه في البير .. ويادوب بدأ يحس بالامان اتبلوا عليه مجلس حريم بكامله واتحط في السجن سنين طويلة وفي النهايه ايه حصل ؟ طلع من السجن وزير وتمكن في الارض وبقى الكل في الكل بل وحتى اخواته الي ظلموه بقوا عبيد تحت رجله ..

فانت اصبر على كل الي بيحصل لك ومتفكرش في بكره هيحصل ايه المهم اللحظة الحالية وانك تكون عامل الي عليك وشايف شغلك وملكش دخل بزميلاتك لابخير ولا بشر .. وعلى راي المثل امشي عدل يحتار عدوك فيك ..

واحمد ربنا ان ظلم الناس ليك او المفاجآت دي كلها حصلت لك في سن صغير نسبيا .. في ناس مفهمتش الدنيا غير قبل ماتموت بكام سنة .. الحمد لله انت دلوقت تقدر تبدأ في اي لحظة وتقدر تعيد الي بينهدم في اي وقت ..

ركز تفكيرك دلوقت انك تحافظ على المبلغ الي بعت بيه نصيبك في العياده وتكمل عليه عشان تشتري عياده جديده باذن الله تكون بتاعتك لك انت لوحدك .. مجرد ماتجيب عيادتك وتكون اكتسبت خبرة اكبر وانت بتتعامل مع المرضى عندك هترجع مصر باذن الله دكتور متمكن وتفتح عيادتك هناك ويمكن سبحان الله الظلم الي انت شايفه دلوقت يكون سبب في ان ربنا يعوضك برزق اوفر بعدين ..

تاكد ان ربنا عادل واحمده انه بيديلك دلوقت شويه ( منغصات ) تافهة تقدر تتحملها مقابل الخير العظيم الي هيجي لك قدام .. بصراحه تجارة رابحة هتطلع منها الكسبان ..

[قائد المدفعيه الهولنديه]

اقول ليكم على قصتي

انا دكتور أسنان شغال في السعودية بقالي سنة وخمس شهور ........أول سنه عدت كانت كويسه و الحمدلله و نزلنا أجازه لمصر و قابل يا أستاذ .....الدنيا أتغيرت و الناس

اتقلب حالها والكل بصصلك في لقمة عيشك و كأننا بنلاقي الفلوس في الارض وبساهل.........كان عندي عياده في مصر ومشركني صاحبي اللي هو زي أخويه بالظبط فلما

اقبلته حسيت كأني معرفوش وبقى يتكلم عن ان العياده بالنسبالي ملهاش لزمه و بيع نصيبك بأي ثمن ما انت شغال في السعوديه.......المهم رحعت تاني السعودية و أنا

مصدوم صدمت عمري وقابل بقى اللي حصل بعد كده ...... الدكتور اللي شغال معايا سوء سمعتي وأخد كل المرضى بيتوعي وكل ده علشان هو بقاله شغال 15 سنة و أنا

مبقليش سنة وايرادي بقه والحمدلله زيوه فأزاي وأزاي الواد اللي مطلعش من البيضه يبقى كده ( مع العلم انه مصري زي)..........طبعا رجعت على خراب و كأني ببدأ من

الاول و مفيش حد بيصدقني ولا واقف جنبي هيصدقوا يعني ابن امبارح..........صبرت وقولت يا رب لغاية ما جت الضربه من مصر صاحبي خلاص فاض بيه و اكتشفت انه

بيسرقني......نزلت جري مصر وشوفت بنفسي الخيانه فقولت والله ابيع ولاه اشوف المنظر ده قودامي وبيعت نصيبي في عيادتي و رجعت تاني السعوديه........ومن طبتي

حكيت اللي حصل معايا في مصر فاذا بي القي الكفيل موجود عندي بعد شهر بيقولي ايرادك مش كويس و انت مهمل وانت وانت مع العلم اني بجانب اني دكتور فانا كمان

محاسب للمكان علشلن الكفيل عمل خروج نهائي للمحاسب ولسه بيدور على واحد وانا ماسك المحاسبه بقالي سنه من غير مقابل ولا فتحت بقي ......فلما جه وقولتلوه

انا ماسكلك الحسابات من غير ولا حاجه يرد عليا يقولي ما انت شغال عندي ودي خدمه قصاد خدمات كتيره عملتهالك....عملي ايه؟؟؟؟؟ولا حاجه............ده الراتب 3500

يعني ولا حاجه بس أقول ايه انا اللي غلطان.......المهم استحملت وصبرت .....جت الضربه اللي بعديها :بنادي على الموظفة الاستقبال السعوديه اسألها على حاجه في

الحسابات ما تردش و تشتمني و تعلي صوتها عليا فمردتش و ذهلت و كلمت المدير السعودي و قولتيلوا ان يا انا يا هي في المستوصف ......وياريتني ما حطيت نفسي في

المقارنه ديه .....مين انا يعني غير حتة دكتور مصري ملوش لازمه ينزلوا مصر يجيبوا 10 زي و احسن مني..........طبعا مش عارف اقول ايه ولا اعمل ايه .......اللي زاد و غطى

انها قالت اني وعدتها بالجواز وانا مع العلم متجوز .........قابل بقه الخبطه الجامده::اتاري صاحبنا الدكتور ابو 15 سنه هو اللي طالع مقوم و شاحن الكفيل عليا و عمل

موضوع البنت دي كمان علشان عايز يخلص مني بأي شكل كان ......ازاي ؟؟؟؟ ده انا مصري زيك يا اخي و الرزق بتاع ربنا

اسف اني طولت عليكم بس مليش فعلا حد غيركم و ادعولي

اخى الكريم .. لا تحزن و لكن تعلم .. و ثق تماما ا ن ربنا مش بيضيع اجر حد و لا بيسيب حق حد