اذهب إلى المحتوى
محاورات المصريين

يعني كان ممكن أعمل ايه؟

Katamando

بواسطة Katamando
في موضوعات شخصية

 مشاركة

Recommended Posts

Katamando عضو جديد

Katamando

بتاريخ:
بتاريخ:

بإختصار

رحت امبارح أعمل مشوار في الدقي... ركنت عربيتي في شارع نادي الصيد .... كانت الساعة 4 عصراً ورجعت آخد العربية الساعة 10 مساءاً .... لقيت ان في واحد محترم وابن ناس محترمين سارق مرايات العربية... الأثنين اليمين والشمال.....!؟؟؟

يعني أنا كنت راكنها في شارع عمومي ومش جانبي ومش ضلمه وكمان عربيتي مش فخمة أوي يعني بس كمان لما أقف وانا مش عرف أعمل حاجة وأدوّر على أي حاجة اعملها...... الاقي 3 شباب شكلهم من النوع الروّش وموبايلات شيك وحاجات كده وهوبا لقيتهم بيولعوا ساجاير محشية وفي وسط الشارع وبيعملوا باك فاير كده عيني عينك .... فأخدتها من قصيرها وأخدت عربيتي ومشيت

بصراحة أنا ح أفرقع

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
وبيعملوا باك فاير كده

يعنى ايه باك فاير ؟

ربنا يعوض عليك على اى حال ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Katamando عضو جديد

Katamando

بتاريخ:
  • كاتب الموضوع
بتاريخ:

يسأل في ذلك العضو حشيش

فهو من ذوي الخبرات ولا تعدي على الأختصاصات

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

طب الحمد لله اللي جت على المرايات بس وماسرقوش الجثة بحالها .... هذا ما أقوله دائماً من إنعدام التواجد الأمني فى الشارع المصري .. ليس معنى ذلك بإنني أطالب بزرع رجل شرطة فى كل شارع وحاره ولكن مجرد إحساس الناس بأن هناك دوريات تمر من حين لآخر بالشوارع سوف يشعرهم بالإطمئنان وسوف يحد من تمادي اللصوص وتبجحهم والسرقة فى وضح النهار.

بس عندي سؤال مخبرين ... عرفت منين إن السجاير محشية يا كاتماندو يا لئيم ؟!!

أعتقد إن الباك فير عل حسب علمي من أيام الشقاوة زمان إن المحشش من دول يأخد نفس عميق والدخان الل بيطلع باقي الزملاء المحششين برضوا بيستنشقوة ...

إلحقنا يا دكتور حشيش وصحح لنا المعلومات دي .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Spider عضو جديد

Spider

بتاريخ:
بتاريخ:

الباك فير -والله أعلم- أن واحد من أخوانا البعدا ياخد السيجارة ويدخلها مقلوبة فى فمه . يعنى تكون الولعة فى الداخل ثم يبدا فى نفخ الدخان الذى يخرج من الفلتر ويستنشقه المستنشقون...

icon_cool.gif

ربنا لا تؤاخذنا بما فعل السفهاء منا.

With great power comes great responsibility

وحدة المرء خير ......... من جليس السوء عنده

وجليس الصدق خير ... من جلوس المرء وحده

رابط هذا التعليق
شارك
disappointed عضو جديد

disappointed

بتاريخ:
بتاريخ:
وبيعملوا باك فاير كده

يعنى ايه باك فاير ؟

للاستزادة فى معنى الباك فاير والتبحّر فى أساليبه ينصح بمطالعة المرجع التالى:

فيلم "عبّود على الحدود" للمرحوم علاء ولى الدين ..... مشهد ذهاب الثلاثة أصدقاء لتاجرة البانجو "أم عبير" للاحتجاج على "الملوخيّه" التى تم تلبيسها لهم على أنها بانجو.....والصراحه: مشهد يبعث على التفاؤل بسيادة مبدأ "خدمة ما بعد البيع" حيث تم تقديم الاعتذار للبهوات و تم تعويضهم بقعدة "بانجو" و أحلى "ستاف"

ملحوظه: حد فاكر التعليق اللى قاله علاء ولى الدين عن تاجرة المخدّرات فى هذا المشهد عندما رآها وهى تقوم بالــــ..."باك فاير"؟؟؟!!!

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
Katamando عضو جديد

Katamando

بتاريخ:
  • كاتب الموضوع
بتاريخ:

والله أنا اللي جالي باك فاير في نافوخي من الموضوع ده بصراحة أنا مفروووووووس مش من المرايات لأ

أنا مفروس أن الواحد مش عارف يعمل ايه؟

يعني هل مطلوب مني أركن العربية وأعين عليها حراسة خاصة؟

ولا أخلع المرايات كل ما أركن العربية؟

ولا أخدها معايا فوق في البيت أو في المكان اللي أنا رايحه؟

ممكن حد يقول لي أحساسه ايه بعد ما أتسرق ومش عارف يتصرف؟

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ممكن حد يقول لي أحساسه ايه بعد ما أتسرق ومش عارف يتصرف؟

إحساسة بالظبط زي ما قال صلاح السعدني " العمدة سليمان أبو غانم فى مسلسل ليالي الحلمية " الواحد بيبقى عامل زي اللي أندب فى جنبة مغرز ( إبره ) ومش قادر يقول آآآآآآآآآآي .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

شكرا ياجماعة على معلومة الباك فاير

ربنا يزيدكم علم يارب

فعلا حاجة آخر مزاج

نرجع للموضوع تعمل ايه

ياسيدي تعمل زي ناس كتير اعرفهم مابيعملوا

بيروحوا مشاويرهم بتاكسيات بدل مايغلبوا نفسهم بالبحث عن مكان آمن لركن العربية لانه ببساطة لايوجد

او تعمل حاجة تانية

تجيب عربية نفخ في ميدالية تنفخها وتقضي مشوارك

وبدل ماتركنها تفشها وتاخدها ف ايدك

بس كده

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
Falcon Egypt عضو جديد

Falcon Egypt

بتاريخ:
بتاريخ:

السلام عليكم

لايت هاوس كتبت:

                  او تعمل حاجة تانية 

تجيب عربية نفخ في ميدالية تنفخها وتقضي مشوارك 

وبدل ماتركنها تفشها وتاخدها ف ايدك 

بس كده                   

انتى باين عليكى مشكله كبيره اوى يا لايت هاوس. اضحكتينى والله.

لا يوجد اجدع من المصريين فى الكلام والنكت.

انا كنت باتصفح المنتدى فى مكتبى ثم دخلت علىّ زميله ولفت انتباها اللغه العربيه

ومن باب الفضول ساْلتنى عن غرابه الكتابه العربيه بالنسبه لها ولما كنت باضحك

على جملة سعادتك ساْلتنى بفضول اكثر فحكيت لها الحوار وكنت خايف انها تطلع

بايخه بالنسبه لها لانه كما تعرفين مايضحك المصرى ليس بالضروره مايضحك

الاجنبي والعكس صحيح لكن المفاجاْه انها انفجرت فى الضحك وخرجت تبرطم

فى الممر حتى وصلت مكتبها .

تحياتى

اَلَا يَعلَمُ مَن خَلَقَ وَهُوَ اَللَّطِيفُ الخَبِير    ُ  

The pessimist sees difficulty in every opportunity. The optimist

sees the opportunity in every difficulty.

Winston Churchill

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:
الاقي 3 شباب شكلهم من النوع الروّش وموبايلات شيك وحاجات كده وهوبا لقيتهم بيولعوا ساجاير محشية وفي وسط الشارع وبيعملوا باك فاير كده عيني عينك .... فأخدتها من قصيرها وأخدت عربيتي ومشيت

ايييييييييه الحلالالالالالالاوة دييييييييييي

لالالالالالالالالا دا احنا طلعنا ناااااااااااس تقييييييلة اوي يا معلميييي

طب والسجاير كانت " بطروخ" والا " صاروخ"

وبتسال تعمل ايه؟؟؟؟

انا اقولك

بص يا سيدي

انت تشمر دراعاتك

وتروح عليهم وانت واثق الخطى تمشي ملكااااااا

والشرر يتطاير من عنيك

واول ما تبقى قدامهم على طوووووووول

تروح

قايلهم مسااااااااااااااء الخييييييييييييييير

وانا من البلد ديييييييييييي

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:
السلام عليكم

لايت هاوس كتبت:

او تعمل حاجة تانية

تجيب عربية نفخ في ميدالية تنفخها وتقضي مشوارك

وبدل ماتركنها تفشها وتاخدها ف ايدك

بس كده

انتى باين عليكى مشكله كبيره اوى يا لايت هاوس. اضحكتينى والله.

لا يوجد اجدع من المصريين فى الكلام والنكت.

انا كنت باتصفح المنتدى فى مكتبى ثم دخلت علىّ زميله ولفت انتباها اللغه العربيه

ومن باب الفضول ساْلتنى عن غرابه الكتابه العربيه بالنسبه لها ولما كنت باضحك

على جملة سعادتك ساْلتنى بفضول اكثر فحكيت لها الحوار وكنت خايف انها تطلع

بايخه بالنسبه لها لانه كما تعرفين مايضحك المصرى ليس بالضروره مايضحك

الاجنبي والعكس صحيح لكن المفاجاْه انها انفجرت فى الضحك وخرجت تبرطم

فى الممر حتى وصلت مكتبها .

تحياتى

وعليكم السلام ورحمة الله وبركاته

والله حضرتك اللى بتجاملني

وانا سعيدة قوي اني قدرت اضحك حضرتك

اصل مشاكل العربيات وركنها من الامور اللى فعلا تعكنن على الواحد اسعد مشوار .. وبعدين الحركات اللى من غير شعر اللى بتحصل للمسكين صاحب العربية تشيب الكتكوت

اي شارع تروح تركن فيه تلاقي واحد جتة كده ظهر لك وماسك دفتر صغير ف ايده ( قال يعني ايصالات ) وتلاقيه قطع منه ومد لك ايده وطلب اقل حاجة 2 جنيه رغم ان ده شارع عام ومافيش اي حاجة تدل على ان الحكومة بتتابع العالم دي

حتى الواحد بيفكر يجيب عيلين ويعمل بيهم فريق في اي شارع نحط ايدنا عليه ونديها بلطجة بقى

هههههههههه

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
linux عضو جديد

linux

بتاريخ:
بتاريخ:

التعرض للظلم و الغدر طبعا أحساس بايخ جدا ...

بس أيه الغرابة فى كده ... أخلاق الناس بقت زفت ...

و اراهنك أن لازم يكون حد شاف الحرامى لكن أكيد قال "و أنا مالى".

و البوليس يا جماعة مش فاضى للحاجات الهايفة زى حماية الممتلاكات ... لأ طبعا ... البوليس مشغول بحاجات أهم!!

عوضك على الله

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
عوضك على الله

قلت له كده من الاول خالص مش عاوز يسمع الكلام !!

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
وسام عضو جديد

وسام

بتاريخ:
بتاريخ:
ملحوظه: حد فاكر التعليق اللى قاله علاء ولى الدين عن تاجرة المخدّرات فى هذا المشهد عندما رآها وهى تقوم بالــــ..."باك فاير"؟؟؟!!!

 

لا واطية واطية

الفكرة فى الباك فاير ان اللى بياخد النفس بيستقبل من اللى بينفخ الستاف زائد كمية تانى اكسيد الكربون اكبر ( من رئة زميله) زائد جرعة اقل من الاكسجين مما يسرع فى الوصول لحالة الدماغ العالية اوhigh brain

للى مالهومش فى الحاجات دى تقدر تشبه العملية بتشغيل المرحلة التانية لصاروخ ارض جو

و عوضك على الله فى المرايات و قول الحمد لله انك لقيت العربية

......The only thing necessary for the triumph of evil is for good men to do nothing

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • shabara
      26
      محتاج حد يفهمني أعمل ايه التأشيره عامل ؟؟؟؟ >>>>>>
      السلام عليكم ورحمة الله وبركاته اخوكم محمد من دمياط اللي هو انا يعني ، جايلي تأشيره من واحد سعودي معرفة الراجل ده بيفتح محل كمبيوتر صيانة ومبيعات وحاجات زي كده في الرياض وكان محتاج واحد يمسكله المحل طلع تأشيره (( عامل )) على اساس انه يبعتهالي وبالفعل بعتها وهتوصل الاوراق بالبريد على يوم السبت الجاي ان شاء الله بس المشكلة دلوقتي ان جواز السفر بتاعي والبطاقة مكتوب فيهم حاصل على بكالوريوس نظم المعلومات الإدارية .... ؟؟!! عندي بقا شوية اسأله بسيطه : 1. أغير البطاقة والجواز ازاي ؟؟ والإجراءات دي

      بواسطة shabara
      كُتب

    • News Bot
      0
      [مجلة رزو اليوسف] نورة غزولى: أعمل على تروسيكل لتربية أبنائى.. وتكريمى تاج على رأسى
      نورة غزولى رائدة أعمال وإحدى المكرمات من السيدة انتصار السيسى قرينة رئيس الجمهورية هى سيدة مصرية من بنى سويفعرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف] حين قال لى عسكرى المرور: طيب وأنا أعمل إيه؟
      قبل أيام وبينما أعبر إشارة مرور تقاطع شارع امتداد ولى العهد مع سكة الوايلى ظهرا على بعد 500 متر من قصر القبةعرض المقال كاملاً

      بواسطة News Bot
      كُتب

    • Nashwa hashem
      2
      لازانيا يعني لازانيا مش مكرونة فرن
      طريقة عمل لازانيا ٣-٤ ملاعق زيت ٦ قطع لازانيا ٢ كوب بيشمل ربع كوب أو أكتر حسب الطلب من الزيت بصلة متوسطة مبشورة فص ثوم مهروس جزرة متوسطة مبشورة حزمة كرفس بلدى أو عود كرفس أفرنجى مهروس ٢ ملعقة زبدة طبق مشروم منظف و مقطع شرائح ربع كيلو لحم مفروم نصف ملعقة زعتر ( اوريجانو) نصف ملعقة بردقوش (مارجورام) نصف ملعقة عترة(باسيل) ملح و فلفل أسود حسب الطلب نصف كيلو طماطم مسلوقة خمس الى عشر دقائق و مقشرة و مقطعة صغيرة ٣ ملاعق صلصة طماطم ٣ ملاعق كريمة طهي نصف كوب جبنة

      بواسطة Nashwa hashem
      كُتب

    • عادل أبوزيد
      0
      ماذا يعني موقع جديد ل أمازون بعنوان Amazon.eg
      هذا الخبر  - في نظري - يساوي الكثير  جدا و يعرف ذلك آلاف المصريين  الذين بدأوا مشروعاتهم الخاصة  و يكافون او يحاربون من اجل انشاء آلية ناجحة لتسويق منتجاتهم و ما يستتبع ذلك من بحوث تسويق  و دعاية و اعلان    الخ ما سبق كان استهلالا لابد منه هذه المرة سأدخل في لب الموضوع و بإختصار شديد قد يخل بالمعني أنا من الجيل الذي كان يشترى حذاءا واحدا في العام ثمنه ١٤٩ قرشا و نصف من انتاج باتا … و الآن الحذاء الجلد في مصر الصناعة المصرية  ثمنه فوق إمكانيات الكثيرين  و بدون مبالغة الحذاء الصيني

      بواسطة عادل أبوزيد
      كُتب

×
×
  • أضف...