اسئلة بخصوص التأشيرة والوظيفة ...

[Grendizer]

السلام عليكم ..

ارسلت الشركة بالسعودية التأشيرة بالبيانات الاتية:

1. نوع التأشيرة (زيارة عمل)

2. الوظيفة (فني تركيبات)

3. المدة (90 يوم - سفرة واحدة)

4. إسم طالب التأشيرة (إسم الشركة)

برجاء حد يقول لي و ينصحنى..

1. ما هو الفرق بين زيارة العمل و تأشيرة العمل؟ و إيه حكاية ال90 يوم دول؟

2. أنا سمعت كلام الأخ سى السيد و رديت عليهم و قلتلهم (بطريقة مهذبة) إن مش هينفع أسافر على مهنة فني تركيبات و مستني الرد (ربنا يسهل).

المفروض تتغير لإيه؟ أنا فالباسبورت "مهندس ميكانيكا حر"

فهل في تأشيرة مهندس ميكانيكا حر؟ ولا بتبقى مهندس ميكانيكا فقط؟

و هل لو هيبعتو تأشيرة مهندس ميكانيكا فقط.. محتاج أغير الباسبورت بتاعي؟

3. هل هناك مميزات أو عيوب عندما يكون (إسم طالب التأشيرة) الشركة وليس إسم شخص أو كفيل بعينو؟

أنا إلي عملتو د صح؟ أنا ضميري يؤنبني خايف أكون بتبتر عل النعمة والرزق. و في نفس الوقت من خلال تجارب الناس، مش عايز أتنازل فى الموضوع دة، و بعدين أنا أصلاً ازاي ممكن أغير المهنة من مهندس ميكانيكا لفني تركيبات ؟!!

إدعولي ربنا يسهل.. الارزاق على الله.

[الباشمهندس ياسر]

مش هينفع تغير الباسبور من مهندس ميكانيكا ( يا بااااااااااااااااش مهندس ) لفنى تركيبات و خصوصا اذا كنت نقابى

لانك ف الحالة دى هتتشطب من النقابة

كمان لما انت تسافر على مهنة فنى ... يبقى الفنيين يسافروا على مهنة ايه .. تيييييييت..

عموما

هيبعتولك تاشيرة غيرها .. والا ميلزمكش لغاية ما تيجى فرصة تانية

حكاية 90 يوم .. دى تعتبر فترة اختبار و اى عقد ف الدنيا بيبقى فيه موضوع فترة الاختبار

اسم الكفيل هو اسم الشركة ودى ميزة مش عيب ابدا

حاجة اخيرة بقى

ما اصابك لم يكن ليخطئك وما اخطأك لم يكن ليصيبك...

كله بميعاد يا مدير

[Grendizer]

مش هينفع تغير الباسبور من مهندس ميكانيكا ( يا بااااااااااااااااش مهندس ) لفنى تركيبات و خصوصا اذا كنت نقابى

لانك ف الحالة دى هتتشطب من النقابة

كمان لما انت تسافر على مهنة فنى ... يبقى الفنيين يسافروا على مهنة ايه .. تيييييييت..

عموما

هيبعتولك تاشيرة غيرها .. والا ميلزمكش لغاية ما تيجى فرصة تانية

حكاية 90 يوم .. دى تعتبر فترة اختبار و اى عقد ف الدنيا بيبقى فيه موضوع فترة الاختبار

اسم الكفيل هو اسم الشركة ودى ميزة مش عيب ابدا

حاجة اخيرة بقى

ما اصابك لم يكن ليخطئك وما اخطأك لم يكن ليصيبك...

كله بميعاد يا مدير

شكراً على الرد السريع يا باشمهندس ياسر

فعلاً عندك حق، الواحد المفروض يعمل إلي عليه و يسيب الباقي على ربنا،

أنا بعت email لل-HR هناك و قلت له ذي ما حضرتك قلتلي تقريباً.

السؤال بس ,المسمى الوظيفي الجديد هيبقى إيه؟

"مهندس ميكانيكا " فقط؟

مع العلم إن في الباسبورت، المهنة "مهندس ميكانيكا حر "

كلمة "حر" تعمل مشكلة ؟

أنا بسأل عشان أقول إيه للشركة بالظبط (مش عايزهم يتلككو ).

[doha]

انا مش عاوزه افتي بغير علم لكن هقول لك المعلومات الي عندي وانت اسأل حد تاني برضه اضمن لاني مش متأكده اوي ..

دلوقت انا دخلت السعودية بتاشيرة زيارة عائلية ودي مدتها 90 يوم برضه ورحت عشان اجددها فدخلت قسم تجديد الجوازات ولقيت ورقة متعلقة على الحيطه فيها التعليمات ولاني غاوية قراءة ومشي تبع النظام قريتها فاكتشفت ان في كذا نوع من التاشيرات منها الزيارة العائلية ودي من شخص لاقاربه من الدرجة الاولى وفي زيارة عمل وده الي يهمنا ومتاكده اني قرأت في الورقة بان الزيارة دي مدتها برضه ثلاث شهور زيي وان مسموح لصاحب العمل الي مستقدمك انه يمددها لك لمده محدوده برضه اظن شهرين كمان بعد الثلاث شهور دول بعد كده مفيش

انا مش متاكده لكن اسأل برضه عشان تطمئن لان تاشيرتي العائلية الي هي اسهل وببلاش من تاشيرة زيارة العمل رفضوا يجددوها لي اكثر من ثمان شهور وانتهت ولازم في الحاله دي ارجع مصر ويرجع الي بعت لي التاشيرة يبعتها لي تاني .. فانا خايفه ان زيارة العمل تكون بنفس الطريقة وان بمجرد نهايتها له يمددها لك شهرين ولا حاجه بعد كده لا تمدد ولا يمكن باي حال قلبها اقامة خلي بالك يعني لازم ترجع مصر تاني ويتعمل لك زياره من اول وجديد تاني او اقامة جديده ..

قرأت في المنتدى هنا برضه استفسار من الاخ عبد المنعم الحسيني برضه قال تاشيرته مكتوب فيها تسعين يوم ( زي تاشيرتي ) شكيت في الامر لان انا زياره والمفروض ان كل الي جاي في فيزا عمل يجي اقامة مش زياره .. المهم رحت جبت جواز سفر والدي وقرأت المكتوب في التاشيرة الي فيه فلقيت مكتوب مدة التاشيرة شهرين مش تسعين يوم زي مامكتوب عندي .. وكمان مكتوب في خانة الغرض من الزيارة ( الاقامة ) فمعرفش هل ده لان عنده اقامه اصلا مش استقدام ولا انتم تاشيرتكم مش عمل ولا ايه مش عارفه

انا مش عاوزه اخوف حد لكن بما اني عارفه ان التاشيرات بتتباع بفلوس وكتير كمان فالخوف تكون تاشيراتكم كام شهر وخلاص وبرضه متاكده اني ممكن اكون غلطانه وتكون تاشيرات الاستقدام دي صحيحه ومظبوطه وانا الي ملتبس علي الامر

على كل حال ياريت تسالوا في النقطه دي او تشفوا حد في السعوديه يسأل لكم في اي مكتب استقدام ويتأكد من النقطة دي وهي هل تاشيرة العمل ممكن تنقلب اقامة وهل الي بيجي على عمل واقامة بينكتب في تاشيرته تسعين يوم برضه ولا شهرين ولا متفرقش ..

اسألوا برضه الاول قبل ماتتورطوا

وبالمناسبة لو اي خيار جالك وفيه شطب من النقابة ارفضه نهائيا ولو هتاخذ مليون جنيه ..

[الباشمهندس ياسر]

شكراً على الرد السريع يا باشمهندس ياسر

فعلاً عندك حق، الواحد المفروض يعمل إلي عليه و يسيب الباقي على ربنا،

أنا بعت email لل-HR هناك و قلت له ذي ما حضرتك قلتلي تقريباً.

السؤال بس ,المسمى الوظيفي الجديد هيبقى إيه؟

"مهندس ميكانيكا " فقط؟

مع العلم إن في الباسبورت، المهنة "مهندس ميكانيكا حر "

كلمة "حر" تعمل مشكلة ؟

أنا بسأل عشان أقول إيه للشركة بالظبط (مش عايزهم يتلككو ).

مهندس ميكانيكا بس يا مدير

لان اى مهندس بيعمل باسبور فور تخرجه بيتكتب مهندس كذا حر

و دى ميزة

و بالمناسبة

فانا هستثمر الفرصة و انصح اى مهندس

انه ميربطش اوراقه الرسمية زى البطاقة و الباسبور بشركة ما و خصوصا القطاع الخاص

تم تعديل 27 مارس 2009 بواسطة الباشمهندس ياسر

[غريب الخبر]

الى الاخ / Grendiazr

شوف يا سيدى موضوع التلات شهور دى ( 90 يوم) اسمها تاشيرة زيارة سواء عمل او عائلية هى دى المدة الفعلية ايا كان المسمى.

يعنى فى الحالة دى تاشيرتك بتنتهى بعد التلات شهور وفى الحالة دى لازم تغادر البلد ولو حتى تروح البحرين او اى دولة وترجع تانى وده بيخليك تجدد التاسيرة ل 90 يوم كمان . دى سياسة بعض الشركات اللى مبتعرفش تجيب فيز او بتجيب عمالة مؤقتة.

بالنسبة لمهنة فنى تركيبات محتاجة تغير المهنة فى جوازك ودى لفة كبيرة شويه عليك .....................

لكن ليه المجازفة دى كلها هو راتبك عالى اوى . معتقدتش ؟ . وحتى لو عالى بارضو اهم حاجة الامان يعنى تيجى على فيزة مهندس ويكون لك اقامة زى بقيت خلق الله اللى شغالين ويكون معاك عقد محترم يحافظلك على حقوقك كويس .

وزى ما قالك الباشمهندس ياسر المحترم ........ سيبها على الله وهو بيدبرها من عنده .

دمت بخير

[Grendizer]

لكن ليه المجازفة دى كلها هو راتبك عالى اوى . معتقدتش ؟ . وحتى لو عالى بارضو اهم حاجة الامان يعنى تيجى على فيزة مهندس ويكون لك اقامة زى بقيت خلق الله اللى شغالين ويكون معاك عقد محترم يحافظلك على حقوقك كويس .

إلى الأستاذ غريب الخير..

شكراً على رد حضرتك،

أنا بإذن الله مش هتهور و ذي ماقلت للباشمهندس ياسر المحترم سأنتظر رد الشركه على موضوع المهنة.

لو هما فعلاً جادين و تمكنوا من إرسال تأشيرة بالمهنة المظبوطة يبقى على بركة الله..

بالنسبة لموضوع ال-90 يوم فده أعتقد لأنهم مش لاحقين يجيبوا تأشيرة عمل (إقامة) يعني مش بغرض تسريح للعمالة أو شغل مؤقت لأنهم المفروض شركة multi-national محترمة في مجال البترول و العقد سنوى (والله أعلم برضوا بنيتهم)

أنا شايفها فرصة كويسة من ناحية الخبرة قبل أي حاجة تانية ، أنا لسة متخرج جديد 2008 و أعتقد إن الحمدلله ممكن أخد خبرة كويسة. غير إن الشغل في شركة اسمها كبير في أول الطريق ممكن يكون حاجة كويسة في ال-CV مستقبلاً. (يا رب)

وهل الي بيجي على عمل واقامة بينكتب في تاشيرته تسعين يوم برضه ولا شهرين ولا متفرقش ..

أشكرك يا أخت doha على مساعدتك القيمة و بضم صوتي لسيادتك لو حد عنده إجابة ياريت يفهمنا بالظبط التأشيرة (عمل+إقامة) كان مكتوب فيها المدة إيه؟

عموماً، انتو طمنتوني الحمد لله كتير، الواحد يسيب الحاجات دي على ربنا، محدش عارف الخير فين.

إدعولي بس معاكو ياريت

[elfakhrany]

أنا سألت صديق لى يعمل مهندس وقالى أن المهنة مكتوبة فى أقامته مهندس ميكانيكى عام