لولا اتسرقت يا جدعاااااااااااان !!

[لولا]

الأخت العزيزة لولا بصى يا ستى انا طبعاً مع كل احترامي لكل الأخوة الأفاضل اللى قالولك سيبيها على الله

أو ده وسام ليكى لنجاحك "أنا بالمناسبة تقريباً قريتلك كل اللى انتى كتبتيه وبصراحة كلام رائع وخارج من شخصية مرهفة الحس"

نكمل كلامنا أنا للأسف الشديد موضوع أستعواض ربنا بخليه دايماً آخر الخط لما بيكون فعلاً مافيش فايدة وخلاص

وماليش فى الآخر غير ربنا ، والله انا مش جاى اهدى النفوس :rolleyes:

لكن تخيلى بقى ان كل كلمة بتكتبيها فيه ناس واقفالها بالمرصاد عشان تسرقها ومعلش انتى بعد فترة هايجيلك احباط

هو انا كل اما اكتب حاجة هاتتسرق ؟ والافندى ده هايفضل على طول مش عامل ليكى حساب "واحدة بتكتب فى منتدى.... ايه المشكلة ؟"

عشان كده انا اعذرينى مش معاكي أنكى تروحى لآخر الخط وانتى لسه فى أوله

وتقبلى تحياتي وخدى وردة كمان عشان ماتزعليش

مين قالك انى سكت ؟؟ العصيده اللى اتسرقت .. قصدى القصيده اللى اتسرقت صديق ليا ذهب الى المنتدى الحرامى وفضحهم هناك

.. اسكت طلع منتدى للملحدين العرب :sad:

يعنى من الآخر ناس معندهاش دين من اساسه :blink:

وتفرع الموضوع اللى هو فتحه وفضح فيه السرقه لتلات مواضيع ... وراحو متهمينه فى الآخر انه واحد سنى دخل ليشوه صوره منتداهم :unsure:

يوووووووووووووووووه دى حكايه طويله ... بس كنت سعيده انه فضح الحكايه جدا جدا اصل المنتدى ده مش بيفتح عندى من اساسه .

اظن كدا وصلنا اخر الطريق .. ولا ايه رايك smk:

دا الواحد بيشوف حجات غريبه جدا فى عالم النت يا جدعااااااااااااااااااان mfb:

لولا

[لولا]

" انا من راى تشوفى كرومبوا يمكن يكون عنده حل بدل مهو داوشنا طول النهار فى التلفزيون "

على العموم حسبى والله ونعم الوكيل فى اللى سرقك وربنا ينتقم منه

ومين قالك انى مبعتش لكرومبوا :rolleyes:

بس طلع خايب وممنوش فايده ..

ظهر واحد شهم وتبرع بإقتحام الثكنة اللى مستخبى فيها الحرامى .. وراح ملطشه ملطشه ..ملطشه .. وقالهم دى عصيدة لولا :unsure:

بس ..

و كل ما بشوف اعلانات كرومبوا بشيط تانى ... اصله مستفز اكتر من الحرامى

لولا

[لولا]

المشكلة دى مشكلة ضمير وأخلاق من الآخر, لأنه صعب -إن لم يكن من المستحيل- الواحد يتتبع كل كتاباته على الإنترنت عشان يشوف اتسرقت ولا لأ.

فى مواقع أجنبية بالكامل مخصصة لنشر المقالات فى مجالات كتيرة جداً, ومسموح لأى حد إنه ينشر المقالة اللى تعجبه فى موقعه, بس بشرط ذكر إنها منقولة ويذكر اسم مؤلفها الحقيقى ورابط المقال الأصلى على الإنترنت كمان إن وجد, مثل goarticles.com وكمان ezinearticles.com والغرض منها فائدة الطرفين, اللى نقل استفاد إضافة محتوى فى موقعه يزود بيه عدد زوار الموقع, والمنقول عنه عمل دعاية مجانية لمنتجه عن طريق نشره فى مواقع كتيرة, والفكرة رائجة جداً لأن فى ضمير وفى التزام بحماية حقوق الملكية الفكرية, الضمير العربى فين بقى من ده؟

وفى النهاية برضه حسبى الله ونعم الوكيل

ضمير ؟؟!! :unsure:

حاسه انى سمعت الكلمه دى قبل كده

آه افتكرت ... عند بتاع الروبابكيا .. بيتباع ويشترى حسب الحاجه :rolleyes:

بالنسبه لطرق الحمايه جوزى برضوا قالى الكلام ده .. ممكن اعمل شويه حمايه مثلا على الموقع الخاص بيا .. بس ممكن اتسرق من هنا مثلا ..

فبناء عليه ... مش فى ايدى حاجه اصلا :sad:

شكرا لأفكار حضرتك ومشاركتك جدا جدا :blink:

لولا

[لولا]

الشجر المثمر هو الذي يقذف بالحجارة

....

وكون ان اشعارك بتتسرق ده في حد ذاته شهادة نجاح

الشهر العقاري ده فكرة كويسة ... ده اللي بيألفو أغاني دلوقت بيسجلوها في الشهر العقاري قبل ما تتلطش

انا عندي فكرة ممكن تبهدل الحرامية دول

انتي لو بعتي مرة وفضحتيه ح يعرف العنوان بتاعك ومش ح تعرفي تدخلي عنده تاني

ممكن سيادتك تبعتي الموقع بتاع الحرامية دول للزملاء ... وكل يوم واحد ممنا يدخل يفضحه على رؤوس الاشهاد ...لغاية ما يكره نفسه ... ويمكن ينتحر كمان

....

وفي الآخر مافيش حق بيضيع ...لو ضاع في الدنيا .... عمره ما بيضيع عند الله

ما انا قلت حسبي الله ونعم الوكيل فى الناس الحراميه الوحشه دول :rolleyes:

خلاص ربنا يحاسبهم ... واهو كله بثوابه يا استاذ :unsure:

حضرتك انتا اللى كنت فى موضوع القلقاس mfb:

شفت الدنيا ضغيره ازاى :sad:

خد عندك اهو ..

ولما تذكرت القلقاسا وكم قاسا قلبى كم قاسا

كرهت القلقاسا حتى فقدت الإحساسا

فذهبت لأبحث عن قصيدة

وجدتها مسروقه آه يا ناسا يا ناسا

وفضلت يومى محتاسه محتاسه محتاسه

ملاحظه :

جميع الحقوق الأدبيه والفكريه محفوظة لكاتبه الأبيات البديعه جدا عاليه الرجاء من الساده الزوار الإلتزام

بعدم النقل دون اذن من الكاتبه :blink:

الواحد لازم يتعلم من اخطاءه برضوا smk:

لولا

[لولا]

إيه ده ؟ "لولا" اتنشلت ؟ .. حاجة فعلا تغيظ وتخللى الواحد عاوز يمسك الحرامى يسحله ويسلخه ويغطسه فى برميل مازوت لمدة خمس ساعات وبعدين يطلَّعه يمده على رجليه وبعدين يفرغ فيه خزنة بندقية آلية .. ويجيب ساطور ويقطعه بعدد محافظات مصر ويحط كل حته فى كيس زبالة ويرمى كل كيس فى محافظة

الجزء دا جميييييييييييييييل جدا جدا جدا smk:

مش عارفه ليه اتشدتله اكتر من الجزء الأخير :blink:

طب تسدق لو دا مكنش عالم نت وده كان حد ممكن اطوله .. كنت قعدت ابص فيه ابص فيه ابص فيه - شزرا طبعا - وبعدين ااقطعه وارميه

هو طبعا مش الورقه :P

والله زيارتك دى غاليه عليا جدا يا عمدة ولا مومكن انزل كلمتك الأرض ابدا ( وش عبد الفتاح القصرى ) mfb:

خلاص انا هديت خالص .. حتى شوف :sad: :unsure: :rolleyes:

لولا

[لولا]

ا

حاجة تانية ....لو كل مرة تتسرق مواضيعك تتضايقى كده....يبقى تبطلى كتابة أحسن...لأن انك مهما حاولتى

تحتفظ بحقوق في مملكيتها سواء بالتسجيل او غير ه من اجراءات ...فبرضه للأسف هتتسرق

ما انت مش هاتقدرى تضمنى حقوق أكتر من شركات الأنتاج السينمائى...اللى أفلامها بتبقى مرمية عن النت فى كل المنتديات

بعد اسبوع من نزولها السوق....و لا من دور النشر اللى كتبها معمولها مسح و مرمية pdf و Word

يعنى موضوع السرقة ده مافيش أكتر منه للأسف.....عايز تستوعبى حجم الموضوع شوفى اسم اى برنامج شهير

و اعملى بحث عليه فى المواقع باللغة العربية....هتلاقى الموضوعات اللى فالمنتديات عن البرنامج ده -اللى هو اساساً مسروق-مسروقة...حتى اللى بينقل الموضوع بينقله بنفس بدايته و بنفس الدباجة و نفس الصور

بيكسل يغيرها رغم انها ...مش هتاخج منه وقت

اسف للأطالة...و ربنا يعوضك خير عن اللى أتسرق منك.

اديك قلت الخلاصه ... صحتى كده حتروووووووووح :rolleyes:

لازم اتعايش مع واقع عالمنا العربى الخالى من الضمير والأخلاق لدى البعض والقانون الذى يحمى الجميع بفاعليه !!

شاكره جدا جدا لمشاركتك لى ومداخلتك الرقيقه سيدى الفاضل ..

وصدقنى تجاوزت حدود الصدمه والغضب بعد ساعات من فتح الموضوع عندما تشاركت معكم وسمعت كلماتكم

ونصائحكم الغاليه ...

هى مشكله ممتدة بلا حدود ولا زوايا ولا سقف ...

ضمير وقانون وبشر ..الخ الخ

عندما نحل ابسط مشاكلنا فى احترام بعضنا فى عبور الشارع واشارة مرور وابسط ابسط الأشياء

فى مجتمع حى وليس افتراضى قد يكون من المجدى مناقشه مشاكل الملكيه الفكريه لأعمال

منشورة على النت ويستبيحها البعض لنفسه فى ظل غياب اشياء كثيره جداااااااااااااا...

عن ماذا ياترى سنتتناقش .. النقاش فى نظرى لأساس المشكله متشعب جدا .. ازمة ونقص فى اشياء كثيره !!!

بالغ التحيه والتقدير لمشاركتك هنا :unsure:

لولا

[Simba]

لولا انا حبيت اتضامن معاكي واقولك انا اتسرقت .. انا مش زعلان اطلاقا اني اتسرقت انا اللي مزعلني ان اللي سرق القصيدة ناس صغيرة مش بتفهم حاجة ياريتها حتي كانت اتحطت في مكان فيه نقد جيد

حتي لما رديت وقولت لهم يا خوالنا دي بتاعتي والاخت اللي اخدتها دي لصة كسولة جدا

كلهم هاجوا علية ووتم طردي من المنتدي لحد سنة

2038 اه والله لحد 2038 مقدرتش امسك نفسي من الضحك بصراحة :blink:

والسبب اني غير مهذب :)

يايلا هانت كلها اقل من اربعين سنة واقدر اشترك فيه تاني :ninja:

[icehearted girl]

:ninja:

2038

[لولا]

العزيز سمبا ..

اعرف مرارة الإحساس الأول وثورة غضبه ..

ولكن لا تهتم يا عزيزى .. اعتقد تلك ضريبة النجاح ..

تعرف لفت نظرى فيما قلت امر مهم جدا ، بدل من التكاتف ضد السارق تم تكميم فم المسروق وطرده خارجا !!

هذا العالم العنكبوتى يذهلنى جدا يا سمبا .. يعكس واقعنا بصور اشد وضوحا من عتمة الواقع ذاته !!

قد قلتها قبلا ..

اجدها قضية كبيرة .. ممتدة جدا .. نقص فى اشياء كثيرة حولنا وداخلنا وقوانين تحمى الحقوق واناس يحترمون

الحقوق قبل ان يجبرهم قانون على ذلك .. وقانون فعال لحمايه من لا يعرف لغة الرقابة الداخليه والضمير ..

عموما قمت باضافة نص حقوق الملكية فى موقعى .. مارايك لو سلفته لك لتعلقه هناااااااااااااااك حيث تمت عملية النشل :ninja:

*************

الفاضلة ايس هارت ..

كنت اتمنى ان اسمع رايك فيما يختص المسألة بشكل يفيدنا ويفيدك فى تبادل الحوار بدل اللااضافة السابقه !!!

تحياتى

لولا

[icehearted girl]

لولا

انا قرأت ال5 صفحات عشان ارد عليكي :ninja: بس ي تعليقين قرأتهم مقدرتش امسك نفسي مالضحك

اولهما لما لقيتي الموقع منتدي الملحدين العرب :blink: والاخر 2038

بجد مش قادرة امسك نفسي :)

بس بما ان محدش بيشغل عقله في التحكيم بين الامور

وكل واحد بيصدق اللي يعرفه وخلاص

تبقي اعمالك اول باول في مدونة خاصة بيكي

وفي حالة زي كدا

متسكتيش واعملي اللي علييكي

وهيبقي اسهل ترجعي للمدونة في مواضعيك

انما اللي يرضي بالاستغلال ربنا هيبعتله اللي يستغله

تم تعديل 4 أبريل 2009 بواسطة icehearted girl

[Simba]

ياريت يا لولا تقوليلي ازاي اضفتي اداة حفظ حقوق النشر دي وبراحة وواحدة واحدة علي انا مش خبير في الحاجات في دي

اللي يضحك تاني دلوقتي ان اللي سرقت القصيدة كاتبة انت فاكر نفسك مين الابنودي ولا صلاح جاهين :ninja: :blink:

طبعا انا مقدرش ارد انا اقدر اشوف الكلام بس لان عضويتي موقوفة

المهم

ياريت تعرفيني بتتضاف ازاي

[د هشام ابراهيم]

لولا انا حبيت اتضامن معاكي واقولك انا اتسرقت .. انا مش زعلان اطلاقا اني اتسرقت انا اللي مزعلني ان اللي سرق القصيدة ناس صغيرة مش بتفهم حاجة ياريتها حتي كانت اتحطت في مكان فيه نقد جيد

حتي لما رديت وقولت لهم يا خوالنا دي بتاعتي والاخت اللي اخدتها دي لصة كسولة جدا

كلهم هاجوا علية ووتم طردي من المنتدي لحد سنة

2038 اه والله لحد 2038 مقدرتش امسك نفسي من الضحك بصراحة :)

والسبب اني غير مهذب wst::

يايلا هانت كلها اقل من اربعين سنة واقدر اشترك فيه تاني :blink:

عزيزي سيمبا ...هم يبكي و هم يضحك .... قدرة بني آدم علي قلب الحقائق و التظاهر و الادعاء غير محدودة .... قلبي معك :ninja:

[لولا]

ميرسي يا ايس هارت على ذوقك ..

وخلاص يا ستى ربنا يضحكك كده على طول .. بس بشرط نسمع كلام فى النص :) .

سمبا ..

هى مش اداه يعنى حاجه حتحفظ اشعارك يعنى .. دى كلمتين بس .. تهويش يعنى wst::

انتا عادى عن طريق اضافة اداه حتدخل القائمة هناك فى المدونه وتختار اضافة نص وتروح حاطط "كلمتين عن حقوق ملكيه ونقل "

وتخليها على راس المدونه .. يعنى اهو لعل وعسي يا سيدى النشالين يتكسفوا لو قروا الكلمتين دول .. mfb:

وابقى خد النص من عندى كوبى .. كادو السرقه اللى حصلتلك :lol:

بس عارف .. ابعتلى عنوان الموقع اللى سرقك على الخاص اروح اتفرج .. مش حقدر اوعدك بالتدخل ..

اصل انسان اصيل جدا جدا هنا فى المحاورات لما دخل وعرف انى اتنشلت اصر يتدخل ويروح يشوف خصوصا انى مش بقدر ادخل على

الموقع الملحد دا اصلا من السعوديه ..

مسكين يا عينى دخل المنتدى الملحد اياه وفتح موضوع هناك عن السرقه والموضوع اتشعب منه 3 مواضيع

والناس اتقسمت ما بين معاه وما بين ضده وما بين اتهامات من العيار التقيل على وزن انتا مسلم وانتا مدسوس هنا ..

ما هو منتدى الحادى بعيد عنك :sad: الحقيقة كان خلاص حينهار منهم وداخل معاهم تحدى فى الرد ...

شويه راحوا هيلالالالالالالالالالالالالالالالالالالالا هوووووووووووووووووووووووووب رموه بره :P

عموما كان نفسي اعرض عليك التدخل زى الزميل الشهم والأخ العزيز اللى ساعدنى لكن بيقولو الحياة مدرسه يا سمبا

وانا بصراحه اتعلمت من اللى حصل مع المتطوع اللى اتدخل فى موضوع النشل بتاعى ..

عموما ادى فرصة اشكره بعمق غميييييييييييييييييييييق على العام على وقفته دى وهو العزيز "ساهر " انسان اصيل بجد وعملة نادرة . :ninja:

عموما .. تعيش ومتخدش غيرها يا شاعرنا الكبير عبد الرحمن الأبنودى :P

بس تسدق .. يعنى بجد غريبه .. يسرقوك .. وكمان يقلوا ادبهم .. الدنيا فعلا بقت وحشة وفى انحدار واضح للأخلاق عند البعض :sad:

روق دمك انتا بس :blink:

تحياتى

لولا

[icehearted girl]

بس 2038 دي؟ بجد يعني ولا حد كتبها بهزار؟ :blink:

صحيح كلمتين التهويش بتوعك يا لولا هيجيوا فايدة باذن الله

اصلهم ناس تخاف ماتختــــــ... wst:: :lol:

واكتبي كمان ان اللي هينقل دون نشر رابط البوج بتاعتك هتعملي وهتسوي فيه

انا فاكرة مرة كنت كاتبه في بروفايلي اميلي اهو اياك حد يقرب منه او يضيفني عشان هيتعرف :)

لقيته واحد باعتلي اعتذار عالخاص يقلي اسف كنت هضيف الاميل بس منين كنتي هتعرفيني بجد؟ :ninja:

تخيلي صدق؟...ناس طيبة اوي

[Simba]

ماشي يا لولا

xxxxxxxxxxxxxxx

الحقي اتفرجي شوية قبل ما يحذفوا الموضوع كله :ninja:

انا معرفش سياسة المنتدي بتقبل روابط ولا لأ بس علي العموم هو منتدي صغير كده يعني الموضوع لا دعاية له ولا حاجة

تم تعديل 4 أبريل 2009 بواسطة لولا
ازالة رابط منتدى آخر

[Simba]

عزيزي سيمبا ...هم يبكي و هم يضحك .... قدرة بني آدم علي قلب الحقائق و التظاهر و الادعاء غير محدودة .... قلبي معك

ربنا يخليك يا رب يا د. هشام

[Simba]

بس 2038 دي؟ بجد يعني ولا حد كتبها بهزار؟

بجد صحيح انا مقدرتش امسك نفسي من الضحك لما سجلت باسمي وجيت اعمل تسجيل الدخول لقيت النص ده

تم طردك من المنتدي حتي 2038

السبب غير مهذب

:ninja:

[لولا]

اوووووووبس :blink:

روابط منتديات اخرى ممنوعه ياريس .. :) ما قلتلك على الخاص wst::

استنى يازميل اما اروح انده على اى اشكيف ازرق يشيل الرابط :ninja:

تحياتى

لولا

[icehearted girl]

اي دا حتي الصورة نازلة زي مهيا :blink:

بس مش يمكن حضرتك اتسرعت شوية

تقريبا هما واخدين علي النقل مباشرة دون الرجوع للمصدر :ninja:

بس القصيدة جميلة ماشاء الله

تم تعديل 4 أبريل 2009 بواسطة icehearted girl

[Simba]

حتي لو هما واخدين علي النقل دون الرجوع للمصدر

فيه اعضاء قالوا لها كلامك جميل وهي اتقبلت ده وماقالتش انه منقول

انا مش صعبان علي القصيدة انا صعبان علي الصورة بصراحة :ninja: