ما هى المدة التى يقضيها الشاب لتكوين نفسه

[Melhakim]

يا جماعه فى موضوع محيرنى و عايز اعرف رايكم فيه

تفتكروا ان اى شاب محتاج وقت اد ايه عشان يقدر يكون نفسه وتكون لديه الامكانيات لتأثيث شقة بالكامل ويقدر يتجوز

وهل ده فعلا ممكن يحصل ولا صعب ؟؟؟؟؟؟؟

[محمد افندى]

يا اخى الكريم الموضوع دة محتاج تفاصيل اكثر عنك كل واحد ولة ظروفة بمعنى انت ظروفك اية وبردة بصراحة الموضوع بيرجع للانسانة اللى انت ناوى ترتبط بيها

بمعنى هل انت مرتبط بانسانة معينة معينة وهى دى اللى هتجوزها ؟

ولا شاب مصرى عاوز يكون نفسة عشان يبقى يتجوز بعد ما ينتهى من اللى وراه ؟؟؟؟؟؟؟

انت فى الريف ولا فى المدينة ؟

جاوبنى وانا بشاركك الحوار ان شاء الله

[Melhakim]

اولا مشكور على ردك

بس انا مش بتكلم على نفسى

انا بتكلم على اللى بشوفه من حواليا ووضع البلد

عموما عايز رايك فى المطلق شاب يكون قاعد فى المدينة وبيبدا من الصفر و ياخد وقت اد ايه عشان يقدر يقول انا جاهز للزواج

[desert_eagle70]

اخى الكريم أنا فى موضوع التكوين ده لاقيت ليه شقين : تكوين مادى وتكوين معنوى .. لأن ممكن تكون كونت نفسك مادياً بس برضة مش عارف تتجوز لأنك مش مهيأ نفسياً لتحمل المسئولية او موصلتش لمرحلة نضج تؤهلك لفتح بيت .. وممكن ميكنش معاك المال بس تجاربك الحياتية تؤهلك أنك تفتح بيت وتتحمل مسؤولية الإرتباط .

عشان كده المدة اللى فى رأى المتواضع تكون مناسبة للأتنين (المادى والمعنوى) تتحسب من ساعة التخرج لسن 30 .. يعنى ما يعادل 7 أو 8 سنين.

[Melhakim]

فعلا التكوين النفسى ما يقلش اهمية عن المادى لان فى شباب كتير عندهم المقدرة المادية على الزواج وفعلا بيتجوزا بدرى جدا وتلاقى فى الاخر ان الاهل هما المتكفلين بكل حاجه

يعنى الشاب دلوقتى يبدا يكافح من اول ما يتخرج ويقعد 7 سنين يبنى فى نفسه :blink: ده فى حالة طبعا عدم مساعدة الاهل واعتقد ان ده مش بيحصل دلوقتى

[محمد افندى]

شوف يا غالى طالما انت فى المدينة اول حاجة محتاجها شقة مفردة اما غرفتين بملحقاتها او ثلاث غرف بملحقاتها طيب الشاب هيتخرج عندة 22 سنة مطلوب منه شقة + شبكة + تجهيز الشقى هنبدأ بالشقة تفضل ياباشا تشتغل اول ما تتخرج وتعمل جمعيات وتستلف لحد ما تدفع مقدم شقة وبعدين تانى تعمل جمعيات وتستلف من امة لا اله الا الله عشان تعمل الجهاز واللذى منة يعنى من الاخر لو انت شاب اسد تجوز عندك 32 سنة لو ربنا كرمك وسافرت ممكن تجوز عندك 29 .30 سنة فى الحدود دى وعلى فكرة دة عادى جدا

لو انت دماغ وعاوز تخلص نفسك يا مان شقة ايجار جديد حسب امكانياتك يبقى قدامك الشقة والجهاز وعلى الجواز عدل

[Melhakim]

شوف يا غالى طالما انت فى المدينة اول حاجة محتاجها شقة مفردة اما غرفتين بملحقاتها او ثلاث غرف بملحقاتها طيب الشاب هيتخرج عندة 22 سنة مطلوب منه شقة + شبكة + تجهيز الشقى هنبدأ بالشقة تفضل ياباشا تشتغل اول ما تتخرج وتعمل جمعيات وتستلف لحد ما تدفع مقدم شقة وبعدين تانى تعمل جمعيات وتستلف من امة لا اله الا الله عشان تعمل الجهاز واللذى منة يعنى من الاخر لو انت شاب اسد تجوز عندك 32 سنة لو ربنا كرمك وسافرت ممكن تجوز عندك 29 .30 سنة فى الحدود دى وعلى فكرة دة عادى جدا

لو انت دماغ وعاوز تخلص نفسك يا مان شقة ايجار جديد حسب امكانياتك يبقى قدامك الشقة والجهاز وعلى الجواز عدل

كلام جميل يا باشا

بس سيبك انت احلى حاجه تفضل تعمل جمعيات وبعد كده تستلف من امة لا اله الا الله

:blink: :lol: :happy:

[شاب مصري]

يا اخى الكريم الموضوع دة محتاج تفاصيل اكثر عنك كل واحد ولة ظروفة بمعنى انت ظروفك اية وبردة بصراحة الموضوع بيرجع للانسانة اللى انت ناوى ترتبط بيها

بمعنى هل انت مرتبط بانسانة معينة معينة وهى دى اللى هتجوزها ؟

ولا شاب مصرى عاوز يكون نفسة عشان يبقى يتجوز بعد ما ينتهى من اللى وراه ؟؟؟؟؟؟؟

انت فى الريف ولا فى المدينة ؟

جاوبنى وانا بشاركك الحوار ان شاء الله

ملكش دعوة بيا :blush2:

[شاب مصري]

من الآخر .. طريقك مسدود مسدود يا ولدي :blush2:

بجد البلد دي بقت مصيبة :blush2:

[MoTo]

بما اني شاب مصري هتخرج السنة فا من الظروف و الاسعار شايف الموضوع يتراوح بين 9 و 54 سنة .

[MoHaMMeD EgYpT]

يالهوي ده علي كده الواحد هيعجز قبل ما يتجوز و علي ايه ده كله ما الواحد يتجوز اي اجنبية تمام و السلام ولا هتكلف الواحد ده كله :blush2: ربنا يسترها مع الشباب كلهم و انا منهم ما اصل تقريبا بقيت ثلاث تربع شاب ما انا عندي 17 سنة :blush2: و انا اظن ان اي شاب مصري علي الاقل لو فكر يتجوز هيحتاج لعشر سنين علي الاقل في احوال مصر دي ده لو الشاب ده دكتور او مهندس مثلا اما شغلانة تانية يبقي من 10 الي 50 سنة

[محمد افندى]

عموما يا اخى بخصوص موضوع الجمعيات انا عارف انها عجبتك قوى بس انا قلتها على سبيل الدعاية وفى نفس الوقت هى دى الحقيقة انا عاوز اقول اعرف واحد صاحبى عندة 31 سنة ولسه جايب شبكة من حوالى شهور ب 8000 جنية من الجمعيات بردة

الجمعيات

الجمعيات

الجمعيات

وخد الوردة دى :blush2: وبلاش احباط كل شاب يشتغل ويحاول يعمل اللى علية وربنا بيكرم والله دة ربنا هو الرزاق ذو القوة المتين

[alaa elshafiey]

مسا ءالخير الاول

ابل كل حاجة جاب شبكة بكام ياباشا ب 8000 جنية يالله دانا اتضحك علية يا جدعان بقة

لالالالالالالا يأخى هما 8000 جنية يجيوا شبكة ولا يعملوا اية بس والله الواحد بجد مش عارف يلقيها منين ولا منين الغربة ولا ارتفاع الاسعار

ولا المخلفات المرورية ولا الكفيل ولا مش عارف بقة

المهم لا تفقد الامل فى الحياة ادام فى أمل يبقى انت بتتنفس يبقى اكيد ممكن تحقق طموحك اظن ذلك

[Melhakim]

مشكورين على الردود الجميلة دى

وفعلا المفروض الواحد يتوكل على ربنا سبحانه وتعالى حسن توكله لان لو قعدنا نفكر ونحسبها هيجيلنا إحباط حاد فى الدورة الدموية

مع انى كنت فاكر ان سنه حلوة اوى عشان نكون نفسنا

:blush2: :blush2: :lol: :lol: :lol: smk: :P