سؤال الى مهندسين المغتربين بالسعودية

[mustafa]

ماهى افضل المكاتب الاستشارية بالسعودية من ناحية السمعة والخبرة وحسن المعاملة وماهو االراتب المتوقع منهم لمهندس خبرة 6 سنوات وماهى البدلات المطروحة

مع الشكر

[elfakhrany]

أخى العزيز مصطفى

محدش يقدر يقولك على أفضل مكتب على مستوى السعودية لأن السعودية كبيرة وبتختلف أنشطة المكاتب الاستشارية بالنسبة للمنطقة الشرقية فأنا أعتقد من المكاتب المميزة هنا فى الخبر مكتب أفنية ومكتب عبد الفتاح المؤمن لأنهم بيشاركو فى معظم المشاريع العملاقة وممكن تزورهم على الروابط دى

http://afm-consultants.com/

http://www.afniah.com/home.html

[mustafa]

ماهو الراتب المتوقع والبدلات مع جزيل الشكر

[elfakhrany]

أخى مصطفى انا لست مهندس ولكن اصدقائى بالرياض معهم خبرة 3 سنوات مرتبهم 6000 ريال و طبعا فى شركات مرتبتها أعلى حسب الخبرة واللغة واتقان البرامج الهندسية على الحاسب وأتمنى ان يفيدك أحد من الأعضاء بخبرتهم فى نفس مجال عملك

[mustafa]

هل من اى ايضاحات اكثر من المهندسين المشاركين بالمنتدى مع الشكر

[عنبو]

طيب يا بشمهندس ممكن حضرت تقلنا على تخصصك علشان نقدر تفيدك ؟

[mustafa]

التخصص هو كهرباء

[عنبو]

والله يابشمهندس فيه مكاتب كتير زى الديار السعوديه للاستشارات الهندسيه ودى تقريبا 70 % من شغل بن لادن تبعهم وفيه طبعا دار الهندسه وده اساسا مكتب مصرى وليهم مكتب فى مصر وفيه برضه مكتب زهير فارس وده برضه له مكتب فى مصر اما بالنسبه للراتب فده على حسب خبرتك الفعليه فى الشغل اصلهم هنا مش بعدوا بالسنين وبعدين انت معاك خبره فى اى تخصص بالضبط بالنسبه للكهرباء يعنى كنت شغال فى ايه فى مصر

[mustafa]

اخى الفاضل فى هذا المجال حوالى اربع سنوات ويوجد خبرة بالخليج حوالى سنة ونصف

[عنبو]

طيب حضرتك هتدخل البلد ازاى ياريت توضح موضوعك علشان اقدر افيدك اكتر ؟؟؟ هل فيزا حره ولا فيه شركه من دول انت مقدم فيها وعاوز تعرف طبيعية المرتبات ؟ ؟؟ كده ولا ايه ؟

[mustafa]

باشا دة استفسار عام علشان لما يجيلى عرض اعرف الصح واتكلم فية

[عنبو]

والله المرتبات هنا عاليه يعنى حضرتك معاه خبره ست سنين مرتبك يتراوح ما بين 10 الى 12 الف غير بدل السكن والمواصلات طبعا وفى الاول والاخر على حسب برضه اتقانك للعمل