*هام* عدم حضور الرئيس مبارك القمة العربية فى الدوحة *هام*

[osmel33]

عدم حضور الرئيس القمة العربية فى الدوحة

أشار اليوم السيد أبو الغيط أن الرئيس لن يحضر القمة العربية بالدوحة

وهايبعت مندوب عنه مفيد شهاب كرئيس لوفد مصر

لأ وكمان ابو الغيط ماراحش الإجتماع الوزارى وبعت مندوب عنه أعتقد أنه حسام زكى "المتحدث الرسمي باسم الخارجية المصرية"

بالذمة ده اسمه كلام ووجعوا دماغنا بالمصالحة العربية وان الدول العربية لازم تتفق وكلام من العيار التقيل

طيب مش كان احسن أن الريس يحضر علشان يأكد موضوع المصالحة ده بصراحة أنا شايف أن الهوة والخلافات

هاتزيد بين الدول العربية وبغض النظر عن مين الغلطان فى حق مين الناس دى قالت لابد من تجاوز الخلافات

عارفين يا رياسة يعنى أيه تجاوز الخلافات ؟ ماعتقدش لأنى أعتقد ان الناس دى هى مش فاهمة هى بتتكلم عن ايه

عجبنى تعليق طريف على الحدث من أحد رواد مصراوي كان بيقول فيه أن لو عيال بيلعبوا فى الحارة ماكانش حصل كده

مستنى ردودكم على الحدث

[Abu Reem]

هانقول إيه بس

مش لاقي سبب واحد مقنع لعدم حضور القمة العربية

مع العلم أن الكل عارف أن القمم العربية أصبحت للأسف لا تقدم أي جديد أو تحل أي قضايا على المستوى العربي

ولكن على الأقل طالما هناك إجتماع حتى لو كان لا يقدم الجديد للشعوب العربية فكان لابد من الحضور على الاقل لكي لا نترك المجال لأن نسمع كلام ملوش لازمة من أن مصر لا تريد الوقوف في جانب الجمع العربي ، وطبعا سنرى ونقرأ الأيام القادمة كلام عن مصر ، وسنرى على الجزيرة عبد الباري عطوان وهو يكيل التهم لمصر ، ( ولن يستطيع أحد أن يلومه عندها )

وطبعا ستقوم صحافتنا المصرية بالرد والتجريح ، وسندخل في دوامة الشتائم بين البلدين ،، ( وكل ده علشان إيه )

يعني هل حضور القمة كان أفضل أم عدم حضورها ، وترك المجال مفتوح لكل من هب ودب أن يدق الاسافين بين البلدين

- والله يعين المصريين إللي في قطر ، هيتاخذوا في الرجلين ، وهينضموا إلى الجالية الاردنية المغضوب عليها...

اللهم لا تؤاخذنا ...... !!!!!!!!

[esocial]

فعلا عدم حضور الرئيس شىء غير مبرر وكان من الأفضل له الحضور لتجاوز الخلافات التى لا جدوى لها وفعلا حضوره كان سينهى كل الخلافات السابقة ويبدأ صفحة بيضاء وكى تتخذه كافة الدول العربية بهذا التصرف كقدوة لهم أسف ما يحدث يثير للاستغراب .

[محمد عبدالعزيز]

أنا مش عارف بصراحة القرار ده بناءً على العمل لمصلحة الدولة المصرية ولا بناءً على المصالح الشخصية للرئيس؟

يعنى أياً كان أساس هذا القرار أعتقد إنه خاطئ, إلا إذا كان الرئيس عنده مصلحة شخصية أهم من مصلحة مصر, وقتها يكون القرار صائب من وجهة نظره هو فقط.

فى رأيى عدم حضور رئيس مصر هذه القمة سيؤثر بشكل كبير فى تراجع دورها على المستوى العربى.

[ايهاب سالم]

طيب مش كان احسن أن الريس يحضر علشان يأكد موضوع المصالحة ده بصراحة أنا شايف أن الهوة والخلافات

أنا شايف إن الرئيس كان لازم يحضر حفاظا على مصالح العاملين المصريين في قطر و إستمراريتهم

صباح الفل يا أس :blush2:

معلش أنا مريت بالقلق ده كذا مره و أنا في قطر و عارفه

أثناء القمه الإسلاميه و غيرها و غيرها

[osmel33]

أنا مش عارف بصراحة القرار ده بناءً على العمل لمصلحة الدولة المصرية ولا بناءً على المصالح الشخصية للرئيس؟

الله يفتح عليك يا أستاذ محمد ... "المصالح الشخصية للرئيس"

يعنى دولة بحجم مصر يحكمها رئيس يسعى دوماً لمصالحه الشخصية ومش مصالح مصر وطبعاً ولا حتى مصالح شعب مصر

يعنى من الآخر المصريين عايشين فى طابونة الحاج مبارك وولده

والله مش عارف اقول ايه ؟ الموضوع فعلاً مخزى ومايدلش على مصر الريادة والكلام المقنعر اللى كل شوية بيطلعولنا بيه

وفتحوا الباب للجزيرة انها تقول كل اللى يخطر واللى ما يخطرش على بال

حتى احنا قولنا اكيد هايجي الدوحة علشان تأكيد المصالحة لكن واضح ان موضوع المصالحة دى اصلاً ماحاصلش وان كل الكلام

اللى اتقال ده شغل دعاية

للأسف يا خوانا رصيد مصر الدولي وصل للحضيض وياريت حد ينبه سعادة نيافة حضرة صاحب السمو رئيس مصر للموضوع ده

وحسبى الله ونعم الوكيل

[osmel33]

أنا شايف إن الرئيس كان لازم يحضر حفاظا على مصالح العاملين المصريين في قطر و إستمراريتهم

صباح الفل يا أس :blush2:

معلش أنا مريت بالقلق ده كذا مره و أنا في قطر و عارفه

أثناء القمه الإسلاميه و غيرها و غيرها

يا قلبك يا ايهاب مصالح مين ؟ مصالح العاملين فى قطر ؟ ده ياكشي يولعوا.....

انت ربنا رحمك انك بعدت عن الجهل العربي والقرف اللى احنا فيه ده للأسف مصر مابقاش حد هايقف جنبها

حتى ولادها على رآى اسامه غريب "مصر ليست أمي... دي مرات أبويا"

وماحدش الله يكرمكم يقولى مصر دى حاجة واللى بيحكوموها حاجة تانية هى مش "مصر ... مبارك" ؟

يعنى مش مصر حد تاني

تم تعديل 28 مارس 2009 بواسطة osmel33

[Abu Reem]

يا جماعة مفيش فايدة ،،،

أظن كلنا عارفين أن مفيش حد فيهم إلا وبيعمــل لمصلحته ، ولمصلحة بقاءة في الحكم ،،،

لو ظهر واحد بيعمل لمصلحة شعبه ابقوا صحوني ياجماعة .... وسلموا لي على (( أردوجـــان ))

تم تعديل 28 مارس 2009 بواسطة Abu Reem

[د محمد الناعم]

اللهم لا نسالك رد القضااااااااااااء و لكن نسالك اللطف فيه

اللهم ارحم يا رب المصريين فى قطر

اللهم انا نسالك اقامة مامونه و رواتب مضمونه

اللهم انا نسالك مستحقات بانتظام محوله و عيونا عن تجديد الاقامات مقفله

اللهم انا نسالك تحويله شهريه بانتظام و راحة فى المنام

شوفوا يا اخوان

الموقف بسيط جدا لاحراج مصر و تقليل حجمها و يتلخص فى

اتخاذ قرارات فى هذه القمه تساعد الغزاويه باى شكل وباى حجم

اثنان توحيد الفلسطينيين فتح و حماس

ثلاثه حل مشكلة دارفور وحفر ابار يشربوا منها بدل ارسال اموالنا لحفر ابار فى دولة شانكابوريا

اربعه مساعده الصومال فى اختيار رئيس يمسك الحكم تالات ايام على بعض

خامسا احلال قوات نظام عربيه بدل حبايبنا الامريكان فى العراق

سته اتفاق مبدئى ولو وهمى لتبادل تجارى عربى و تسهيلات بينيه

سبعه اتفاق و لو شكلى على معامله مختلفه للعربى داخل بلاده العربيه من حيث الكفالات و الخروجيات و الانتقال

مع وجود اتفاقيات تبادل اسرى كفيل بين الدول العربيه

تمانيه سوق عماله عربيه تبادليه داخليه بين العرب تضمن التسهيلات للمستثمر العربى فى البلاد الفقيره

و تضمن اولويه فرصة العمل للعامل الفقير فى البلاد الغنيه

انا اكتفى بقرار واحد مما ذكر اعلاه فى القمه المقبله لارضائى كمواطن عربى

و ساعتها حقول مصر خسرت كتير بعدم الحضور

تم تعديل 28 مارس 2009 بواسطة د محمد الناعم

[محمد افندى]

يا جماعه قطر اية وبتاع اية يا جماعة الجزيرة اللى عمالة تكلم على مصر دى وراها القاعدة الامريكية دول جماعه على راى اخوانا السعوديين بتوع حكى فاضى وعاوزين يعملو ( شو ) علينا وبعدين بلاش اشتغالات قمة عربية ياما عملو قمم احسن حتى يوفرو نفقات الوفد اللى هيسافر وحسبى الله ونعم الوكيل

[esocial]

احلى مقولة قابلتنى

مصر ليست أمى 0000 مصر مرات ابويا

:blush2:

:blush2:

يا جماعه قطر اية وبتاع اية يا جماعة الجزيرة اللى عمالة تكلم على مصر دى وراها القاعدة الامريكية ( نص كلام محمد أفندى )

(صح)

الحاجة الوحيدة اللى نقدر نقول عليها صح لكن أكيد فى ردود كتير من مصر وصحافة مصر علشان كدة قلنا حضور الرئيس قد يغلق الملفات القديمة وان لم يحدث فهناك طرق كثيرة لحل المشكلة و من الممكن أن يعرض الرئيس المصرى كل هذه الأمور عند لقائه بالقادة القطريين.

[osmel33]

قلنا حضور الرئيس قد يغلق الملفات القديمة وان لم يحدث فهناك طرق كثيرة لحل المشكلة و من الممكن أن يعرض الرئيس المصرى كل هذه الأمور عند لقائه بالقادة القطريين.

هو ده اللى احنا قلناه انه لو حضر الرئيس مجرد حضوره كانت هاتقفل أبواب كتيرة وهاتفتح أجواء مختلفة

السيد الأستاذ حسام زكى قال ان الخلافات اللى بين الأطراف مايعرفهاش غير الأطراف المعنية

يبقى العجل فى بطن أمه :blush2: هي دى الشفافية فى أروع صورها

تم تعديل 28 مارس 2009 بواسطة osmel33

[Virus]

من ساعة ما عملوا الحوار بتاع قمة الرياض الغامضة ده ..والجواب باين من عنوانه..البيه بتاع مصر والبيه بتاع السعودية مقموصين من فتحة الصدر بتاعة أمير قطر...والبهوات الاتنين عايشين في دور القيادة والريادة والأفلام دي..

عموما حضر محضرش...خلاص ..مفيش فايدة..إتس تووووووو ليت ...صحيح حضوره كان هيخلي الشكل أحسن شوية ويأجل وصلات الردح الإعلامية اللي الرجالة في مصر وقطر سانين سنانهم عشان يبتدوها..لكن كده كده كانت هتحصل مع اول شرارة

لكن لازم نتأقلم مع المرحلة الجديدة التي ستنتقل فيها العلاقات العربية العربية من سلام بارد إلى حرب باردة..واللي هيعاد توزيع الأدوار فيها من تاني..

ونأمل إن رئيسنا الجميل "يزهق مننا" قبل ما مصر تتضاءل أكتر من كده

[osmel33]

أنا بصراحة زهقت من موضوع الشقيقة الكبرى مصر ده خالص لأن للأسف دورها

ماباقاش يقول انها شقيقة كبرى المصالحة

الحقيقية يجب أن تحترم سياسة الشقيقة الكبرى منين يا سادة وانتوا

ماشيين عكس التيار وعايزين يكون فيه مصالحة ؟ أبقو قابلونى

[osmel33]

معلش يا دكترة كل الكلام اللى انت قولته مش ممكن يحصل

ليه بقى نشوف مع بعض

الموقف بسيط جدا لاحراج مصر و تقليل حجمها و يتلخص فى

أولاً دراع الحكومة مابيتلويش على رأى كمال الشناوى يعنى موضوع احراج مصر ده

موضوع مش ممكن حدوثه لأن احراج مصر يعنى ضمنياً احراج الحكومة المصرية وزى مانا قولت

دراع الحكومة مابيتلويش

اتخاذ قرارات فى هذه القمه تساعد الغزاويه باى شكل وباى حجم

اثنان توحيد الفلسطينيين فتح و حماس

موضوع مساعدة الغزاوية والصدام بين فتح وحماس انا اعتقد المسألة دى تبتدى الأول

من خلال الأخوة الفلسطينين واللى هما هايعوزوه هايحصل بدون ما تدخل أى دولة

وبدون انعقاد قمة وغيره وحتى لو فى القمة تقررت أى حاجة فى الموضوع ده

مش هايتحقق فى أرض الواقع بدون عمل الفرقتين مع بعضهم البعض

ثلاثه حل مشكلة دارفور وحفر ابار يشربوا منها بدل ارسال اموالنا لحفر ابار فى دولة شانكابوريا

اربعه مساعده الصومال فى اختيار رئيس يمسك الحكم تالات ايام على بعض

ممكن دى تتحل بالتعاون العربي المشترك ودخول السودان والصومال تحت امبريلة

اهتمامات الدول العربية

خامسا احلال قوات نظام عربيه بدل حبايبنا الامريكان فى العراق

قوات عربية بدل القوات الأمريكية ؟ أعتقد الموضوع ده صعب شوية .....

لأن لو القوات العربية حلت مكان القوات الأمريكية هاتكون أزمة كبيرة بين الدول وبين العراق

أنا بصراحة بأيد أن الجماعة العراقيين دول يحموا نفسهم بنفسهم وهم أجدر على كده

سته اتفاق مبدئى ولو وهمى لتبادل تجارى عربى و تسهيلات بينيه

لو الإتفاق وهمي يبقى أيه لازمته ماحنا من زمان واحنا فى اتفاقات عربية وهمية

سبعه اتفاق و لو شكلى على معامله مختلفه للعربى داخل بلاده العربيه من حيث الكفالات و الخروجيات و الانتقال

مع وجود اتفاقيات تبادل اسرى كفيل بين الدول العربيه

بتيجى على الجرح .... الموضوع ده خارج نطاق الدول العربية والقمة المنعقدة

الموضوع ده شأن داخلى لدول مجلس التعاون اللى فيها موضوع الكفالات والخروجيات

يبقى الموضوعات دى غير قابلة للطرح فى قمة عربية ...مع السلامة يا سيد شوف مصلحتك :lol:

تمانيه سوق عماله عربيه تبادليه داخليه بين العرب تضمن التسهيلات للمستثمر العربى فى البلاد الفقيره

و تضمن اولويه فرصة العمل للعامل الفقير فى البلاد الغنيه

فيه مشاريع من النوع ده وأعتقد أبو ريم ممكن يفيدنا فى الموضوع ده

جاوب يا ابو ريم ........... مش انت بتاع الإقتصاد والكلام الكبير ده

بس اللى انا متأكد منه أنها لو موجودة هاتبقى من عينة المشاريع الوهمية اللى بنتكلم عنها

انا اكتفى بقرار واحد مما ذكر اعلاه فى القمه المقبله لارضائى كمواطن عربى

و ساعتها حقول مصر خسرت كتير بعدم الحضور

أنا شايف ان القرارات اللى فوق دى عنترية زيادة عن اللازم وبصراحة أنا جيلى

ماحضرش أى قرارات عنترية من النوع ده

وبصراحة موضوع خسارة مصر دى مسألة نسبية لأن أنا وانت وكام واحد يمكن يستشعر

الخسارة دى لكن الحكومة المصرية هيهات وهى ماعندهاش اللى تخسره فعلياً

لأنها خسرت كل حاجة من زمان واللى بيحصل اليومين دول دى بس حلاوة روح

قبل الفرفرة هانقول أيه ؟ يا رب

[se_ Elsyed]

أنا مع عدم حضور مصر للمؤتمر لحد قطر ما تتعدل وتبطل سياسة الطابور الخامس ..

ففي الوقت اللي كان أمير قطر عمال يتحسبن ويقول حسبي الله ونعم الوكيل .. كان بيقابل تسيبي ليفني وياخدها بالأحضان ( إعملوا سيرش على اليوتيوب وشوفوا مقابلته معها في عزة الأزمة ) وهو عمال يقول للمصروين ما تصوروش ما تصوروش .. وهات يا ضحك وانس وفرفشة ..

كلنا نعمل توجهات قطر الإسرائيلية .. ومجاهراتها بإن أمريكا هي اللي بترسم سياستها ..

إذاً كفانا نفاقاً وتدليس وتجسس ..

وبعدين ما هم عملوا قمة ولموا ناس من عالقهوة أثناء الغزو الصهيوني لغزه .. طلعوا بإيه إن شاء الله ؟

اما إذا كانت قمة الدوحة بعد غدٍ بدون مصر - والديد من الدول الأخرى بالمناسبة اللي قطر مخبطه معاهم - ستتخذ قرارات مصيرية في صالح العرب وتغير شكل الساحة اللي موجودة ... يبقى أنا هاروح اقدم على الجنسية القطرية وأقول عاشت قطر حُره مستقلة

-----

أما من يقول إنه كان لازم يحضر عشان خاطر مصالح المصريين في قطر ... فلا تعليق !!!!!!!!!!!!!

[elfakhrany]

ياجماعة عمو حسنى مش سهل الراجل ده سياسى كبير وانا اؤيده فى سياسته الخارجية أما السياسة الداخلية لاااااااااااااااااااااااااااااااااا

[osmel33]

أنا مع عدم حضور مصر للمؤتمر لحد قطر ما تتعدل وتبطل سياسة الطابور الخامس ..

ففي الوقت اللي كان أمير قطر عمال يتحسبن ويقول حسبي الله ونعم الوكيل .. كان بيقابل تسيبي ليفني وياخدها بالأحضان ( إعملوا سيرش على اليوتيوب وشوفوا مقابلته معها في عزة الأزمة ) وهو عمال يقول للمصروين ما تصوروش ما تصوروش .. وهات يا ضحك وانس وفرفشة ..

كلنا نعمل توجهات قطر الإسرائيلية .. ومجاهراتها بإن أمريكا هي اللي بترسم سياستها ..

إذاً كفانا نفاقاً وتدليس وتجسس ..

وبعدين ما هم عملوا قمة ولموا ناس من عالقهوة أثناء الغزو الصهيوني لغزه .. طلعوا بإيه إن شاء الله ؟

اما إذا كانت قمة الدوحة بعد غدٍ بدون مصر - والديد من الدول الأخرى بالمناسبة اللي قطر مخبطه معاهم - ستتخذ قرارات مصيرية في صالح العرب وتغير شكل الساحة اللي موجودة ... يبقى أنا هاروح اقدم على الجنسية القطرية وأقول عاشت قطر حُره مستقلة

-----

أما من يقول إنه كان لازم يحضر عشان خاطر مصالح المصريين في قطر ... فلا تعليق !!!!!!!!!!!!!

إلى السيد العزيز سين سين الشريك المخالف :lol:

عدم حضور مصر لقمة عربية أو تقليل التمثيل الخاص بها هو مش فى صالح مصر

فى كل الأحوال وده بغض النظر عن الدولة اللى هاتنعقد القمة فيها لأن أكيد أنت عارف

زى مانا عارف ان كمان بتقليل التمثيل الخاص بمصر هايكون فيه خطوط حمراء كتيرة

الوفد ده مش هايقدر يتجاوزها لأن لا يملك القرار فى تجاوزها بأوامر سيادية عليا

وعلشان كده الريس بتاعنا كأنه بالظبط اداهم ايه القرارات التى تمثل رؤية مصر

وبدون أدنى نقاش وهو ده اللى عندى ولو كان عاجبكم وطبعاً الوفد المصري بالخطوط

الحمراء دى هايكون زى العرايس فى أيد صاحب القرار

معلش قبل وقت ما يقابل امير قطر تسيبى ليفنى كان أبو الغيط فى وصلة ود معاها

وده برضه ممكن تعمل بحث على الإنترنت هاتشوف الصور والتعليقات طبعاً

أنا مش هاقول انه كان لازم يحضر علشان مصالح المصريين اللى فى قطر وإن كان

ده من واجباته أن يدافع عن شعبه "اللى احنا مش منه طبعاً" بس هاقول علشان إزالة

الخلافات والوصول لحل مرضي للوضع المأساوى اللى العرب فيه هل ده مايستحقش

من رئيس دولة أنه مش هاقول يتنازل هايعمل اللى هايعمله أغلب الرؤساء العرب

أنه يروح القمة .... صعبة دى ؟

[محمد افندى]

يا جماعه وبصراحة انا مع الاخ سى السيد فى موضوع ان الريس ميحضرش القمة لان دة ملوش دعوة بدور مصر ومش هياثر عليها يا جماعه لان مصر شاء العرب ام ابو لها موقعا ومكانتها على الخريطة السياسية والدليل مشكلة الشرق الاوسط فى الفترة اللى فاتت هى القضية الفلسطينية وقضية العراق واللى انا شايفة ان مصر الموضوع كله عندها حتى قادة حماس انفسهم اللى كانو مختلفين مع مصر فى حرب غزة وفتح المعابر راحو القاهرة وقعدو مع الفتحاوية فى القاهرة

محدش

سال نفسة مرحوش قطر لية ؟؟؟؟؟؟؟؟

ومحدش سال نفسة مكرروش ااتفاق مكة لية ؟؟؟؟؟؟؟؟؟؟

مرحوش دمشق لية ؟؟؟؟؟؟؟

حد يجاوبنى

[osmel33]

يا جماعه وبصراحة انا مع الاخ سى السيد فى موضوع ان الريس ميحضرش القمة لان دة ملوش دعوة بدور مصر ومش هياثر عليها يا جماعه لان مصر شاء العرب ام ابو لها موقعا ومكانتها على الخريطة السياسية والدليل مشكلة الشرق الاوسط فى الفترة اللى فاتت هى القضية الفلسطينية وقضية العراق واللى انا شايفة ان مصر الموضوع كله عندها حتى قادة حماس انفسهم اللى كانو مختلفين مع مصر فى حرب غزة وفتح المعابر راحو القاهرة وقعدو مع الفتحاوية فى القاهرة

محدش

سال نفسة مرحوش قطر لية ؟؟؟؟؟؟؟؟

ومحدش سال نفسة مكرروش ااتفاق مكة لية ؟؟؟؟؟؟؟؟؟؟

مرحوش دمشق لية ؟؟؟؟؟؟؟

حد يجاوبنى

عدم حضور مصر مش هايأثر فى دور مصر ؟ طب ازاى ؟

أذا كانت مصر فعلاً وخلال التلاتين سنة اللى فاتوا وهى فى النازل داخلياً وخارجياً

أيه اللى مصر حققته خارجياً ؟ ماشي لو بحساب المقارنات قمة الدوحة لنصرة غزة ماعاملتش

حاجة مصر عملت أيه مع فتح وحماس ؟ أعتقد برضه ولا حاجة ؟

المفروض أنهم عاملين الجامعة العربية علشان توحد جهود العرب واللى احنا المفروض منهم

فلما يتم الإجتماع وتقول الجامعة العربية أنه اجتماع قمة المفروض الكل يلبى إلا طبعاً الناس

"اللى عندها ظروف ولا حاجة"

حاجة من اتنين يا يلغوا الجامعة العربية يا إما احنا نقولها وبصراحة أن أحنا مش عرب...