*هام* عدم حضور الرئيس مبارك القمة العربية فى الدوحة *هام*

[د محمد الناعم]

معلش يا دكترة كل الكلام اللى انت قولته مش ممكن يحصل

من خلال الأخوة الفلسطينين واللى هما هايعوزوه هايحصل بدون ما تدخل أى دولة

بتيجى على الجرح .... الموضوع ده خارج نطاق الدول العربية والقمة المنعقدة

الموضوع ده شأن داخلى لدول مجلس التعاون اللى فيها موضوع الكفالات والخروجيات

يبقى الموضوعات دى غير قابلة للطرح فى قمة عربية ...مع السلامة يا سيد شوف مصلحتك :rolleyes:

[

بس اللى انا متأكد منه أنها لو موجودة هاتبقى من عينة المشاريع الوهمية اللى بنتكلم عنها

كل ما سبق اقتباس من رد الاخ اوسميل33 على مداخلتى

بداية و اختصارا انا متفق مع محمد افندى و سى السيد فى كل ما قاله تقريبا

ثانيا اذا كانت كل طموحاتى و طلباتى خارج نطاق الجامعه العربيه

و شان داخلى لكل دوله فلماذا يجتمعون و لماذا تحضر مصر

و من امتى كان الحضور او الغياب لاى دوله عربيه له اثر

فى كل الحالات النتيجه

صفر

ولى تساؤل بسيط للاخ اوسميل 33

لماذا لم يكون انتقال المواطن الاوروبى بين الدول الاوروبيه شان داخلى لمجموعه دول

دون غيرها فى اوروبا حتى يكون كذلك فى الوطن العربى

اشعر و كاننا قد اصبنا بحاله من الاحباط و التواضع فى احلامنا و طلباتنا

بل و فى احتياجاتنا الضروريه كعرب

تم تعديل 29 مارس 2009 بواسطة د محمد الناعم

[osmel33]

ثانيا اذا كانت كل طموحاتى و طلباتى خارج نطاق الجامعه العربيه

و شان داخلى لكل دوله فلماذا يجتمعون و لماذا تحضر مصر

و من امتى كان الحضور او الغياب لاى دوله عربيه له اثر

فى كل الحالات النتيجه

صفر

ولى تساؤل بسيط للاخ اوسميل 33

لماذا لم يكون انتقال المواطن الاوروبى بين الدول الاوروبيه شان داخلى لمجموعه دول

دون غيرها فى اوروبا حتى يكون كذلك فى الوطن العربى

اشعر و كاننا قد اصبنا بحاله من الاحباط و التواضع فى احلامنا و طلباتنا

بل و فى احتياجاتنا الضروريه كعرب

مش القضية خالص فى أن دولة تحضر أو ماتحضرش كل القضية أن الحضور

فى حد ذاته أيه تأثيره وعدم الحضور أيه تداعياته وطبعاً أنا مش باكلم خالص

عن التداعيات على المصريين فى قطر فى حالة عدم حضور الرئيس

أنا باتكلم اعمق من كده تداعيات الفرقة على المستوى العربي بأن دولة تمتنع

عند دولة أو العكس فده تأثيره على النطاق السياسي مش مقبول لأنه لو فرضنا

أن أتنين أخوات لهم مالهم وعليهم ماعليهم وبينهم مشاكل كبيرة وجات أمهم

"مجلس الجامعة العربية" وقالت لازم نجتمع ونشوف أيه الموضوع راح واحد من الأخوة

قال لأ أنا مش هاجي وهابعتلكم الصبى بتاعى ده هيكون تصرف منطقى من الأخ

ده ناهيك عن كونه الأخ الكبير

ولو قلنا ان كل أخ من الإتنين لهم مالهم وعليهم مال عليهم من علاقات واضحة

ومستترة مع عدو الإتنين "ممثل فى إسرائيل" مش المفروض يجتمعوا علشان

يفكروا ازاى يخلصوا من الشبكة السودا دى حتى لوا هايخلصوا على ميت سنة لقدام

بس لازم يكونوا مع بعض

ومعلش ليه الأخ الأكبر مامتنعش عن آخ ليه "ممثل فى سوريا" وصل الحال بيه للشتيمة وقلة الأدب

وفى الآخر راح قبله واجتمع معاه ليه محاصلش مع الآخ التاني أنه يروحله ويتكلم معاه ولا علشان

ما الآخ التاني ده لبط وبيعرف يشتم

أنا من الآخر باقول يا خوانا لازم العرب يقعدوا مع بعض ويفتحوا صدورهم لبعض وبدون أى حزازيات

لأن فى الأصل "لا تعايرنى ولا عايرك ده الهم طايلنى وطايلك"

مسألة إنتقال الشخص من جهة لأخرى ممثل فى نقل الكفالة الموضوع ده كبير وقديم قدم وجود العرب نفسهم

وموضوع الكفالات ده موضوع ماحدش عارف يحله ولما جزء منه بيتحل بيكون علشان ضغوط

خارجية مش أكتر والموضوع ده مش فى الإتحاد الأوروبي لأنه ببساطة ماعندهومش كفالة

[esocial]

يا جماعه وبصراحة انا مع الاخ سى السيد فى موضوع ان الريس ميحضرش القمة لان دة ملوش دعوة بدور مصر ومش هياثر عليها يا جماعه لان مصر شاء العرب ام ابو لها موقعا ومكانتها على الخريطة السياسية والدليل مشكلة الشرق الاوسط فى الفترة اللى فاتت هى القضية الفلسطينية وقضية العراق واللى انا شايفة ان مصر الموضوع كله عندها حتى قادة حماس انفسهم اللى كانو مختلفين مع مصر فى حرب غزة وفتح المعابر راحو القاهرة وقعدو مع الفتحاوية فى القاهرة

محدش

سال نفسة مرحوش قطر لية ؟؟؟؟؟؟؟؟

ومحدش سال نفسة مكرروش ااتفاق مكة لية ؟؟؟؟؟؟؟؟؟؟

مرحوش دمشق لية ؟؟؟؟؟؟؟

حد يجاوبنى

wst::

مع أحترامى ل سى السيد ولمحمد أفندى لكن لو كان رأيكم كده أنا لى رأى أخر وهو أن عدم حضور مصر (الدولة القائدة المهيمنة التى لها دور الريادة فى المنطقة) هيساعد على تهميش دور مصر فى حال اتخاذ قرارات وتنفيذها بدون علم وموافقة قيادة مصر ولا انتم شايفين ان ده مش تهميش لا هو تهميش وتحديد مقصود لدور مصر كما يود ان يفعل هؤلاء أيا كان مصدر هذا المخطط لتهميش دور مصر لكن أعتقد ان هناك مخطط يريدون تنفيذة الأن

ومن الأفضل فرض مصر نفسها على كل هؤلاء بعدم تفويت هذه الفرصة وتبديد أحلام من يريد تقييد دور مصر وعزلتها عن باقى المجتمع العربى .

:rolleyes:

[osmel33]

مع أحترامى ل سى السيد ولمحمد أفندى لكن لو كان رأيكم كده أنا لى رأى أخر وهو أن عدم حضور مصر (الدولة القائدة المهيمنة التى لها دور الريادة فى المنطقة) هيساعد على تهميش دور مصر فى حال اتخاذ قرارات وتنفيذها بدون علم وموافقة قيادة مصر ولا انتم شايفين ان ده مش تهميش لا هو تهميش وتحديد مقصود لدور مصر كما يود ان يفعل هؤلاء أيا كان مصدر هذا المخطط لتهميش دور مصر لكن أعتقد ان هناك مخطط يريدون تنفيذة الأن

ومن الأفضل فرض مصر نفسها على كل هؤلاء بعدم تفويت هذه الفرصة وتبديد أحلام من يريد تقييد دور مصر وعزلتها عن باقى المجتمع العربى .

ده الكلام المنطقي

[se_ Elsyed]

أولاً أحب ألفت إنتباهكم إن القمم العادية اللي بتقام كل سنة في شهر مارس ... حضور الرؤساء فيها بيبقى منظر وكمالة عدد ... وكل القرارات والاجندة بيناقشها وزراء الخارجية مسبقاً ... عشان كده إسمها قمة عادية .. يعني مستحيل مستحيل مستحيل تلاقي فيها قرارات مصيرية وزحفاً نحو بيت المقدس لتحريرة والكلام ده ..

هذا شيء مهم جداً ..

الشي الأخر .. مش مصر بس اللي مش هاتحضر .. وهاتشوفوا السعودية هاتعمل إيه .. والجزاير عملت إمبارح وبوتفليقة مش رايح ... وكذلك ستفعل معظم الدول .. لإن قطر هي اللي عملت كده في نفسها .. وهي اللي عادت العرب ..

ولن أحرج الزميل الفاضل أوسميل 33 وأقوله كلمنا عن دور قطر عامل إزاي في وسط العرب ..

بالعربي كده ... الدول العربية الكُبرى بتمد قطر على رجلها دلوقت وبتعلمها الأدب ...

دي الخلاصة يعني

[osmel33]

اسمعوا يا سادة مين شاف حلقة البرنامج اللى على الجزيرة اللى قدمها غسان بن جدو

بمناسبة القمة العربية ؟

واستضاف فيها عبد الباري عطوان ودكتور منذر سليمان والدكتور جهاد عودة من القاهرة

وطبعاً مع احترامي وتحقظى على الأول عبد البارى عطوان وأحترامي الكامل لمنذر سليمان

ومع أسفي الشديد للمدعو جهاد عودة وللى مايعرفوش د. جهاد عودة ده أحد أبرز أعضاء لجنة السياسات

واللى للأسف الشديد دايما يختاروه فى الجزيرة أو الله أعلم أعتقد ممكن بيكون بيفرض عليهم

أنه يكون المتحدث أمام ناس بغض النظر عن أراؤهم بس ناس ذوو حجة

طبعاً ملخص اللى قاله عبد الباري عطوان أنه فى قمة التشائم وأن القمة لا هاتقدم ولا هاتأخر

وأن الشعوب العربية بتشوف القمة دى على أنها نوع من التسلية - لأ وكمان هاجم الدول العربية

وضمنياً قطر لأنه قال القرار العربي مش مجرد إغلاق مكاتب تمثيل تجاري - وبصراحة أنا مع تحفظى على أرائه

بس موافقه تماماً فى اللى قاله

طبعاً كان رأى دكتور منذر إلى حد كبير موافق رأى عبد الباري عطوان

طبعاً جهاد عودة كالعادة ماقالش جملة مفيدة وقال ان القمة العربية اللى هاتنعقد فى الدوحة قمة عادية

يا نهار أسود يا ولاد قمة عادية ؟ وقال انا العرب دايما من السيتينات وهما فى وضع استثنائي

وكل قمة تيجى بيكون ليها وضع استثنائي فطبعاً وبالتبعية اشمعنى القمة دى اللى هاتكون مش عادية

(يبقى بقى نقفلها ولا قمة عربية ولا جامعة عربية ولا دياولوا طالما أن القمم ما بتعملش حاجة) "الكلام ده طبعا كلامي"

يبقى أعتقد انه نفهم ضمنياً أن السيد جهاد عودة موافق عبد الباري عطوان فى اللى قاله

المهم انهم مسكوا فى بعض بالكلام وهما على الهوا واتهام غسان جدو أنه مش عارف يدير الحوار

وأحمينى منه كأن مثلاً عبد البارى عطوان ماسك فيه وهايموته

طبعاً وكان فيه تخبيط فى الكلام على قطر من ناحية جهاد باشا على الرغم من أنها كانت خارج الحوار

وكلام من نوعية أنت يا غسان عشان قاعد فى قطر هو فيه أيه ؟ أنا مش فاهم حاجة

المهم على هامش الخناقة حاجة موتتنى من الضحك خط الإتصال اتقطع مع جهاد باشا عودة وبعدين

لما رجع راح قايل أيه واضح أن عنكم مشاكل فى الإتصال فى قطر ولسه مافيش تكنولوجيا

وتعالوا شوفوا الخبر ده قطر من أفضل ثلاثون دولة تكنولوجياً

وعلى فكرة دى حقيقة والرانك ده واخداه من التقرير العالمي لتكنولوجيا المعلومات لسنة 2009

واللى بيصدره المنتدى الإقتصادي العالمي

بالتعاون مع جامعة إنسياد والرانك القطرى على مستوى العالم ال 29 والرانك المصري ال 76

شوفتوا يا سادة الناس اللى ماسكين البلد وبيتكلموا باسمها بيعملوا فينا أيه ؟

طب حتى يا أخي مش لازم تغلط فى الناس اللى مستضيفاك بدون داعي

علشان ماتورطش نفسك وتورط اسم الدولة اللى انت بتتكلم بلسانها

[osmel33]

ولن أحرج الزميل الفاضل أوسميل 33 وأقوله كلمنا عن دور قطر عامل إزاي في وسط العرب ..

بالعربي كده ... الدول العربية الكُبرى بتمد قطر على رجلها دلوقت وبتعلمها الأدب ...

دي الخلاصة يعني

سين سين انت طبعاً مش هاتحرجنى خالص لأن أنا فى الأصل باتكلم بلسان العقل

يعنى من الآخر لا انا مع ده ضد ده ولا انا مع ده ضد التاني كل القضية أن فيه أمور ماينفعش

أنها تتاخد بصورة القمصة ولا بصورة مد الرجلين ولا الكلام ده كله- كل الموضوع أنه علشان نبقى

قوة يعتد بيها بين الدول لازم نبقى تجمع وعلشان نبقى تجمع يبقى لازم نسمع بعض

والموضوع ده بيكون مهم بين الناس وبعضها أمال بقى بين الدول هايكون شكلها أيه

مسألة أن دولة بتمد دولة على رجلها ده أمر مرفوض تماماً بحساب الإشخاص فما بالنا بالدول

يعنى أيه قوة إقليمية فى حسابات القوى الإقليمية العالمية هى القوى المحركة للمحيط بتاعها

وممكن يكون لدول العالم كله تعالى ونشوف مصر فى التلاتين سنة اللى فاتوا هل قررت قرار

حرك فعلاً الدول اللى حواليها ؟ طبعاً لأ وهل بكده مصر مابقتش قوة إقليمية غير بالكلام ؟

مصر لما ماعملتش حاجة وقت أحداث غزة كان لازم أحد الأخوة يقول كلمة وبغض النظر عن تاريخ

الآخ ده وبغض النظر هايعمل ولا مش هايعمل كمان يكفى أنه بادر

للأسف لو هانفضل نتعامل مع الدول بمنطق القوة الأحادية وموضوع مد الرجلين مش هايكون

لينا مع الدول العدوة غير مد الرجلين فعلاً وللأسف يا ريتها هاتكون على كده وخلاص

[osmel33]

اسمعوا يا سادة

قال عماد جاد المحلل فى مركز الأهرام للدراسات الإستراتيجية

«الجزء الاكبر من الخلاف المصري-القطري خلاف شخصي، فالقاهرة لم تنس بعد الحملة التي شنتها قناة الجزيرة على

شخوص النظام المصري (اكرر المصري) اثناء حرب غزة وخصوصا الصور التي بثتها لتظاهرات تم فيها تقطيع صور الرئيس

المصري والقاؤها تحت الاحذية "الكلام ده حصل فعلا فى بريطانيا"»

وتابع «بالاضافة الى ذلك فان قطر دولة صغيرة لا تبدي مصر اهتماما كبيرا بمراعاتها».

واضاف «الدليل على ذلك ان ما صدر عن النخبة القطرية تجاه مصر ومسؤوليها اقل بكثير مما صدر عن الرئيس السوري

ورغم هذا قبل الرئيس مبارك الجلوس مع (نظيره السوري بشار) الاسد في الرياض ولم يقبل الجلوس مع امير قطر».

واعتبر الخبير في مركز الاهرام للدراسات الاستراتيجية عمرو الشبكي كذلك ان امتناع الرئيس المصري عن المشاركة في

قمة الدوحة هو «استكمال للمعارك الصغيرة التي تحكم الاداء العربي».

ورأى انه «لا يوجد خلاف موضوعي حقيقي ولا يوجد موقف استراتيجي لمصر ضد القمم العربية. المشكلة الوحيدة انها تعقد في الدوحة».

واضاف ان «بعض التبريرات الرسمية التي قيلت لتفسير غياب الرئيس مبارك عن القمة هو انه لم يأت اي مسؤول قطري رفيع المستوى

الى مصر لنقل الدعوة اليها».

ومنى أنا لا تعليق

تم تعديل 29 مارس 2009 بواسطة osmel33

[أبو محمد]

للأسف لم أستطع التصويت .. فليست السياسة (خصوصا العربية) أبيض واسود كما وضعتها أسئلة الاستفتاء

أنا أؤيد عدم سفره إلى قطر (باسم مصر) لحضور أى حدث هناك حتى لو مهرجان لسباق الهجن .. تماما كما أؤيد عدم سفره (باسم مصر) إلى إسرائيل .. فما يجعله لا يسافر إلى إسرائيل - فى رأيى - هو ما يجعله لا يسافر إلى قطر .. العلاقة مع كل من الدولتين يجب ألا تخرج عن إطار الحد الأدنى .. يعنى يدوب مفيد شهاب يكفى حضوره

ألله يرحم من قال "دى دول طلعت فى غفلة من الزمن" .. ويدى الصحة لمن قال "دى قناة فضائية طلع لها دولة" .. ويسامح أخونا طارق حسن اللى كان بيقارن بين انبطاحنا أمام أمريكا (فى موضوع المعونة الأمريكية) ووقوف دول أخرى فى مواجهتها وعلى رأسها قطر .. جالك قلب ازاى يا طارق تقول حاجة زى دى ؟

نحن بحمد الله لا نغضب أمريكا أبدا ولا ننتقد سياستها ولا نغضب إسرائيل عمليا واًصبحنا نحوهما كالنعامة أما من ناحية الدول التانية أسود

قطر

وسوريا

وإيران

وحزب الله

والسودان

واليمن

وحماس

احنا أحباب أمريكا في المنطقة

وخالفنا ميثاق الجامعة العربية علشانها

على العموم ممكن أراجع رأيى .. واتراجع عنه فى ضوء قرارت القمة .. بس نعرفها .... وأنا أشك فى هذا .. فالبيان الختامى سيكون واحدا من البيانات السابقة مع بعض ال editing اللى حيقوم بيه سكرتير الجلسة

[osmel33]

الأستاذ الفاضل أبو محمد أليك ردى فى مداخلتك ومع كامل احترامي لرأيك

للأسف لم أستطع التصويت .. فليست السياسة (خصوصا العربية) أبيض واسود كما وضعتها أسئلة الاستفتاء

لازم تكون السياسة العربية أبيض وأسود لأنها وببساطة لو لون تانى أو بين بين أو جراي يبقى الموضوع

مش محتاج قمه عربية علشان توحد الأمة دى هاتكون عايزة تدخل إلهي لحلها لأن الأبيض يعنى معاكوا

والأسود يعنى الضد ومش مقبول يكون فيه حاجة تانية زى ماهو مش مقبول الأسود

أنا أؤيد عدم سفره إلى قطر (باسم مصر) لحضور أى حدث هناك حتى لو مهرجان لسباق الهجن .. تماما كما أؤيد عدم سفره (باسم مصر) إلى إسرائيل .. فما يجعله لا يسافر إلى إسرائيل - فى رأيى - هو ما يجعله لا يسافر إلى قطر .. العلاقة مع كل من الدولتين يجب ألا تخرج عن إطار الحد الأدنى .. يعنى يدوب مفيد شهاب يكفى حضوره

مسألة الحد الأدنى ديه مين اللى يحطها طب الحد الأدنى مع اسرائيل وفاهمين ليه

لكن دولة عربية ودولية تعامل بالحد الأدنى طب ليه ؟

ألله يرحم من قال "دى دول طلعت فى غفلة من الزمن" .. ويدى الصحة لمن قال "دى قناة فضائية طلع لها دولة" .. ويسامح أخونا طارق حسن اللى كان بيقارن بين انبطاحنا أمام أمريكا (فى موضوع المعونة الأمريكية) ووقوف دول أخرى فى مواجهتها وعلى رأسها قطر .. جالك قلب ازاى يا طارق تقول حاجة زى دى ؟

مافيش حاجة اسمها دول طلعت فى غفلة من الزمن لأن لو صح الكلام ده يبقى ده رأى الدول الغربية فينا

كدول عربية طلعت فى غفلة من الزمن اللى احنا بنمثل ليهم دول متخلفة

على العموم ممكن أراجع رأيى .. واتراجع عنه فى ضوء قرارت القمة .. بس نعرفها .... وأنا أشك فى هذا .. فالبيان الختامى سيكون واحدا من البيانات السابقة مع بعض ال editing اللى حيقوم بيه سكرتير الجلسة

مسألة القرارات خارج المناقشة هنا لأن أنا فى الأصل باقول هما بس يجتمعوا ومرة بعد مرة

إلى أن يشاء الله أو يقضى الله أمراً كان مفعولاً وتتغير السياسات يعنى مش المقصد أن دى

تكون قمة عربية غير عادية وتعمل اللى ماتعاملش فى القمم السابقة

[Abu Reem]

أنا مندهش من تصنيف الدول بحجمها ،، يعني ناس تقول دولة صغيرة وتطمع في دور ريادي ، وناس تانية نقول مصر دول كبيرة ولها ثقل ووزن ،

يا اخوانا المسألة ليست بالحجم او بالتاريخ ( الدول تقاس بحاضرها وتقدمها وقوتها الآن )

فإسرائيل دولة صغيرة تاريخا وتعداداً ومع ذلك تفرض رأيها على العالم كله وأولهم أمريكا.

والسبب في ذلك أنها لها أهداف محددة ، ومهما إختلفت أخزابها ( الليكود ، والعمل ) ولكنهم عند مصلحة اسرائيل الكبرى تجدهم متفقين ،

أما نحن كعرب صدقوني أن المسألة لن تخرج من إحتمالين

إما أن المسألة اختلاف ( صبياني ) كل دولة عاوزة تعمل منظر أمام الدول الأخرى وأنها صاحبة المبادرات وانها أصبحت صاحبة الريادة

- وإما إنها أدوار موزعة على الجميع بأوامر عليا ( انت تذهب ، وانت تعتذر ) كي يزرعوا اليأس في شعوبهم ، بأنه لا أمل في حكامنا ، بالإضافة الى إلهاء الناس عن التفكير في السؤال المحير وهو: لماذا لا نرى قرارات أو أفعال مؤثرة من حكامنا؟!!!

فلو كان الزعماء العرب متفقون فسيطفو هذا التساؤل على السطح ( ما يمنع الزعماء عن اتخاذ قرار مؤثر أمام القضايا التي تواجه الأمة)

ولذلك تمثيلية الاختلاف بين الزعماء هي أفضل حل حتى تقتنع الشعوب أنه طالما الزعماء لم يتفقوا فليس هناك مجال للحديث حول حلول .... يعني باختصار ... مسألة الخلافات والإعتذرات قبل القمم العربية هي أيضا تعليمات وأدوار مقررة ومحددة من

إللي بالي بالك !!! ....

[esocial]

أولاً أحب ألفت إنتباهكم إن القمم العادية اللي بتقام كل سنة في شهر مارس ... حضور الرؤساء فيها بيبقى منظر وكمالة عدد ... وكل القرارات والاجندة بيناقشها وزراء الخارجية مسبقاً ... عشان كده إسمها قمة عادية .. يعني مستحيل مستحيل مستحيل تلاقي فيها قرارات مصيرية وزحفاً نحو بيت المقدس لتحريرة والكلام ده ..

هذا شيء مهم جداً ..

الشي الأخر .. مش مصر بس اللي مش هاتحضر .. وهاتشوفوا السعودية هاتعمل إيه .. والجزاير عملت إمبارح وبوتفليقة مش رايح ... وكذلك ستفعل معظم الدول .. لإن قطر هي اللي عملت كده في نفسها .. وهي اللي عادت العرب ..

ولن أحرج الزميل الفاضل أوسميل 33 وأقوله كلمنا عن دور قطر عامل إزاي في وسط العرب ..

بالعربي كده ... الدول العربية الكُبرى بتمد قطر على رجلها دلوقت وبتعلمها الأدب ...

دي الخلاصة يعني

عاهل السعودية حضر والكويت وغيرهم كتير شكلها كدة مفيش غير مصر اللى انزوت و ادوها سكة

[ايهاب سالم]

أما من يقول إنه كان لازم يحضر عشان خاطر مصالح المصريين في قطر ... فلا تعليق !!!!!!!!!!!!!

أنا شايف إن الرئيس كان لازم يحضر حفاظا على مصالح العاملين المصريين في قطر و إستمراريتهم

تم تعديل 29 مارس 2009 بواسطة ايهاب سالم

[esocial]

أنا مندهش من تصنيف الدول بحجمها ،، يعني ناس تقول دولة صغيرة وتطمع في دور ريادي ، وناس تانية نقول مصر دول كبيرة ولها ثقل ووزن ،

يا اخوانا المسألة ليست بالحجم او بالتاريخ ( الدول تقاس بحاضرها وتقدمها وقوتها الآن )

فإسرائيل دولة صغيرة تاريخا وتعداداً ومع ذلك تفرض رأيها على العالم كله وأولهم أمريكا.

والسبب في ذلك أنها لها أهداف محددة ، ومهما إختلفت أخزابها ( الليكود ، والعمل ) ولكنهم عند مصلحة اسرائيل الكبرى تجدهم متفقين ،

أما نحن كعرب صدقوني أن المسألة لن تخرج من إحتمالين

إما أن المسألة اختلاف ( صبياني ) كل دولة عاوزة تعمل منظر أمام الدول الأخرى وأنها صاحبة المبادرات وانها أصبحت صاحبة الريادة

- وإما إنها أدوار موزعة على الجميع بأوامر عليا ( انت تذهب ، وانت تعتذر ) كي يزرعوا اليأس في شعوبهم ، بأنه لا أمل في حكامنا ، بالإضافة الى إلهاء الناس عن التفكير في السؤال المحير وهو: لماذا لا نرى قرارات أو أفعال مؤثرة من حكامنا؟!!!

فلو كان الزعماء العرب متفقون فسيطفو هذا التساؤل على السطح ( ما يمنع الزعماء عن اتخاذ قرار مؤثر أمام القضايا التي تواجه الأمة)

ولذلك تمثيلية الاختلاف بين الزعماء هي أفضل حل حتى تقتنع الشعوب أنه طالما الزعماء لم يتفقوا فليس هناك مجال للحديث حول حلول .... يعني باختصار ... مسألة الخلافات والإعتذرات قبل القمم العربية هي أيضا تعليمات وأدوار مقررة ومحددة من

إللي بالي بالك !!! ....

والله عندك حق

مين قال ان مقياس مكانة الدولة يكون بتاريخها او بمساحتها او بعدد سكانها وياترى عملت لنا ايه حضارة مصر وتاريخها كأننا لازم نحمد ربنا كفاية ان عندنا حضارة هنطلب أيه تانى نبوس ايدينا شعر ودقن ونسكت ومساحة مصر فايدتها أيه طالما مفيش نظافة ونظام واهتمام والأهم عدد السكان والعدد فى ----- اذا كان أخر حاجة ينظروا ليها هى العنصر البشرى وكل معانى الأهانة والمهانة وعدم الأحترام

لازم البلد تحافظ على أمورها الداخلية وتحقيق السعادة للمواطنين ورفعة شأنهم داخل وخارج مصر ثم بعد ذلك نقول ريادة ومش ريادة ومنين تيجيلها عين وترفع راسها ادام الدول اللى محققة السعادة داخليا ومتطورة وتسعى الى الوصول الى أكثر وأكثر وأكثر وتريد ان تضاهى كافة دول العالم لكن أحنا عندنا محلك سر أسف ياريت محلك سر دا أحنا بنرجع لورا

هذا رأيى وكل واحد ورأيه الخاص وشكرا

[أبو محمد]

للأسف لم أستطع التصويت .. فليست السياسة (خصوصا العربية) أبيض واسود كما وضعتها أسئلة الاستفتاء

لازم تكون السياسة العربية أبيض وأسود لأنها وببساطة لو لون تانى أو بين بين أو جراي يبقى الموضوع

مش محتاج قمه عربية علشان توحد الأمة دى هاتكون عايزة تدخل إلهي لحلها لأن الأبيض يعنى معاكوا

والأسود يعنى الضد ومش مقبول يكون فيه حاجة تانية زى ماهو مش مقبول الأسود

طيب يا أستاذ أسامة .. قطر الدولة الصغيرة بحجمها الكبيرة بمواقفها .. أبيض أم أسود ؟ .. يعنى مع العرب وفلسطين أم مع الأمريكان وإسرائيل ؟ .. ضد العرب وفلسطين أم ضد الأمريكان وإسرائيل ؟

أعتقد إن أمير قطر ميقدرش يقول الإجابة حتى وهو قاعد مأنتخ ومروَّق فى الشاليه اللى على شاطئ نهاريا الإسرائيلى .. لأنه سؤال غير سياسى .. وهو رجل سياسة من الطراز الأول ، إستطاع أن يقفز بقطر إلى مصاف الدول العظمى ومش بعيد تبقى هى القطب الأوحد بعد كام مؤتمر صحفى أو بعد كام برنامج من بتوع جميل عازر أبو وش سمح :blink:

يا سادة .. الحكام يذهبون ويجيئون .. والأوطان باقية .. لا يعتقد أحد أن أى حاكم لمصر يستطيع أن يجعل منها دولة محترمة أو دولة تافهة .. العكس هو الصحيح .. مصر هى التى تعطى لحكامها القيمة بين حكام العالم .. أمريكا أعطت قيمة لأتفه رئيس فى حياتها .. أمريكا جعلت لبوش كلمة مسموعة فى جميع أنحاء العالم

صحيح أن الإمكانيات "المالية" تعطى وزنا للدولة .. (هناك فرق بين الإمكانيات المالية والإمكانيات المادية) .. وصحيح أن دولة مثل قطر عندها إمكانيات "مالية" كبيرة يوفرها ما فى باطن أرضها من نفط وعدد سكانها القليل .. ولكن علينا أن نتذكر أن النفط يسميه العاملون فى مجاله : "الثروة النادرة الناضبة" .. مائة سنة لا تساوى لحظات فى تاريخ الأمم .. فمهما طال عمر الثروة النفطية فلن يخلق أمة عظيمة ..

حرام عليكم تقييم بلدكم بأداء رئيس ، أو أى فرد فيها ..

[Alshiekh]

أعتقد أن من حق مصر ( ممثلة بحكومتها ورئاستها ) ان تقرر الحضور او عدم الحضور وعلى المستوى الذى تراه مناسبا.

ولكن للاسف اصبحنا نرى اليوم ان البعض يريد ان يضع مصر فى حجم اقل من حجمها ويزيد الامر استغرابا ان يعقد البعض مقارنات ومقارنات بين " مصر " و " جزيرة " قطر " .

الا يرى البعض ان " قطر " اصغر واقل من ان تقارن بحى صغير فى مصر.

كم يبلغ عدد السكان فى قطر؟

كم تبلغ نسبة السكان القطريين الى عدد السكان الذين يعيشون على ارض قطر؟

وكم تبلغ مساحة قطر مقارنة بمساحة مصر؟

لماذا يقلل المصريين من حجم ودور مصر ويتجهون الى كل ماهو غير مصرى ليفضلوه على كل ماهو مصرى حتى ولو كان قرارا سياسيا؟

مصر كانت ومازالت هى المحور وهى المركز ، هى شمس العرب وقمرها ، هى النجم الساطع فى ليالى العرب المظلمة الذى يهديهم الى طريقهم الاصوب ، وستظل حتى لو هجرها ابناؤها ليعيشوا فى " قطر " أو فى الخليج . وارجعوا لعبقرية المكان.

[alsaher]

أعتقد أن الحضور والكلمات والخطابات أشياء شكليه ، والعبرة لا تكون بهذه الأشياء

مصر كدولة موجودة وممثلة في قمة الدوحه

ولكن درجة التمثيل تخضع لضوابط عديده منها مواقف معينة تتطلبها المصالحة العربية الفعليه ، وأعتقد في غياب هذه المتطلبات من المنطقي أن تكون هناك ردة فعل معينة كخفض مستوى التمثيل

فمثلا لا يعقل أن تقوم دولة بمحاولات حثيثة وجهود كبيرة لإيجاد مصالحة فلسطينية حقيقيه

بينما تقوم أخرى بشو إعلامي مفسد لكل هذه الجهود ومنحاز لطرف دون آخر

هناك تصرفات تتطلب رد فعل

[Virus]

مصر كانت ومازالت هى المحور وهى المركز ، هى شمس العرب وقمرها ، هى النجم الساطع فى ليالى العرب المظلمة الذى يهديهم الى طريقهم الاصوب ، وستظل حتى لو هجرها ابناؤها ليعيشوا فى " قطر " أو فى الخليج . وارجعوا لعبقرية المكان.

أظن أن هذا بالضبط ما كان يقوله آخرون في مواقف شديدة الشبه عبر العصور....

ربما مفكروا الدولة الرومانية قبل أفولها..

وربما كتاب ألمان قبل هزيمة ألمانيا..

وبالتأكيد جرى مثل هذا الكلام على ألسنة مصريين قبل النكسة المشئومة..

نفس الخطأ التاريخي...احنا كويسين وبخير وزي الفل

[أبو محمد]

مصر كانت ومازالت هى المحور وهى المركز ، هى شمس العرب وقمرها ، هى النجم الساطع فى ليالى العرب المظلمة الذى يهديهم الى طريقهم الاصوب ، وستظل حتى لو هجرها ابناؤها ليعيشوا فى " قطر " أو فى الخليج . وارجعوا لعبقرية المكان.

أظن أن هذا بالضبط ما كان يقوله آخرون في مواقف شديدة الشبه عبر العصور....

ربما مفكروا الدولة الرومانية قبل أفولها..

وربما كتاب ألمان قبل هزيمة ألمانيا..

وبالتأكيد جرى مثل هذا الكلام على ألسنة مصريين قبل النكسة المشئومة..

نفس الخطأ التاريخي...احنا كويسين وبخير وزي الفل

يا سادة .. الحكام يذهبون ويجيئون .. والأوطان باقية .. لا يعتقد أحد أن أى حاكم لمصر يستطيع أن يجعل منها دولة محترمة أو دولة تافهة .. العكس هو الصحيح .. مصر هى التى تعطى لحكامها القيمة بين حكام العالم .. أمريكا أعطت قيمة لأتفه رئيس فى حياتها .. أمريكا جعلت لبوش كلمة مسموعة فى جميع أنحاء العالم

حرام عليكم تقييم بلدكم بأداء رئيس ، أو أى فرد فيها ..

الدولة أرض وشعب وحكومة .. الحكومات والرؤساء أقل ما يعطى القيمة للدولة ..

ومع ذلك .. ومع كل تحفظى على أداء الحكومة وأداء الرئيس ، إلا أنى أؤيد موقفها فى الأزمة الفلسطينية الأخيرة ، فهو الموقف الفاعل - وبإخلاص - بالمقارنة بمواقف قطر (وحزبها)النفاقية والتى كانت تحاول بها تخريب كل الجهود العملية المصرية الساعية لوقف نزيف الدم الفلسطينى .. المواقف الإعلامية التى انخدع بها الكثيرون عبر أكبر المقومات السياسية للدولة القطرية (أقصد قناة الجزيرة) .. حتى أن بعض الشباب صدَّق أن قطر تقف مع الحق الفلسطينى ضد عدوان إسرائيل المؤيد تأييدا بلا حدود من الولايات المتحدة .. إسرائيل التى اختارها أمير قطر ليشترى فيها منتجعا صيفيا .. وأمريكا التى لو طل (طال عمره) من نافذة أى فندق يعقد فيه مؤتمرا صحفيا لوجد ماسورة مدفع دبابة أمريكانى تكاد تخترق النافذة

ليس من العدل أو الإنصاف اختصار الدولة فى الحكومة أو فى شخص الرئيس .. وليس من الحكمة الانبهار بما للثروة الناضبة (آجلا أو عاجلا) من مقدرة على تجنيد أبواق إعلامية محترفة ولا ولاء لها إلا لمن يغدق عليها من البترودولار ..

[الترجمـان]

والله يا اخونا البـاب اللي يجيلك منه الريـح سـّده واستريــح ...

في اعتقادي ان عدم حضور مبارك هو الأفضل لأن المعطيات التي سبقت القمة تدل على أنها قمة " التهريج العربي " ....

ودي ناس من الآخر رايحه تتصور وتسمع آخر نكته عند العقيد القزافي وتتعشى عشاءها الأخير على مائدة الجامعة العربية ...

فمصر من أيام السادات رحمه الله عندها أجنده خاصة ورؤيه محدده لحل قضايا المنطقة لم يوافق عليها الأشقاء العرب ... ولم يتوقف الأمر عن الرفض وكفى .. بل ولعنوها وضربوها بالنعال وخونوا القيادة المصرية حينها كما يحدث الآن .. وها نحن بعد 30 عام من الرفض واللعان لم نرى أي أجندة أخرى لأي دوله عربية شقيقة أخرى تبشر بحل إستراتيجي أو حتى إبره في العضل تعالج الأزمات العربية المتفاقمة ...

ماشفناش من 30 سنه سوق عربية مشتركة ولا إقتصاد عربي مشترك ولا جيش عربي مشترك ولا حوار عربي مشترك يترفع عن الخلافات الشخصية للقادة العرب ...الناس رايحه تشوف حياة جديدة في كواكب تانيه غير الأرض واحنا بندور على قمة عربية توحد مصيرنا في رؤية عربية واحده ...

مش عاجبكوا الرؤية المصرية طيب أدونا أمارة وارموا بياضكم وميبقاش على طول الخط كله تهريج ودق أسافين وكلام ***** لا يودي ولا يجيب ... شــبــعـنــااااااااااااااااااااااااا