ارجو سعة الصدر وقراءة مشكلتى

[الأمير العاشق]

ارجوا الى المشرفين انهم لا يضيق صدرهم من مشاركتى ( انا كنت فى السعودية من سنتين ورجعت وعملت تحليل الفيرس فى معامل برة والحمد له كنت سليم فوجأت بالنتيجة بيقول فى وزراة الصحة ضعيف c وفى المستشفى الخاصة انى سليم وتمام وعملولى اعادة قريب فى وزارة الصحة ياترى فى امل ومين اللى بيبقى صح وزارة الصحة ولا جامكا ارجو الاهتمام واسف ان كانت مشاركاتى الاولى قد ضايقت المشرفين

[elfakhrany]

أنا معرفش انت عملت التحليل برة فين بس معامل وزارة الصحة فيها أطباء متخصصين ونظام عالى الجودة ولو قلنا ان ده حدث بالخطأ سوف تظهر النتيجة فى الأعادة

[ozoozo]

تحاليل السي بتتعمل في الوزاره بس انما جامكا مابتعملش سي خالص

[doha]

هو الي اعرفه انك بتعمل تحليل في معامل وزارة الصحه وبتروح جاميكا بس عشان يوجهك للمستشفى الي هتعمل فيها كشف عام ..

لو طلع لك في التحليل بتاع وزارة الصحه فايروس ضعيف او اجسام مضاده بتعيده تاني او بمعنى ادق بتعمل تحليل تاني عندهم برضه في معامل الوزارة عشان يعرف ان كانت الاجسام المضاده دي نشطه ولا معديه ولا حاجه ملهاش تاثير .. وطبعا في كل الاحوال لا اعتبار لمعامل برا او المعامل الخاصه الي لو قالت لك انك سليم ميفيدش قولها ده لان العبره بنتيجه معمل وزارة الصحه ..

اذا اعدت التحليل وطلع ان الفايروس عندك مش نشط خلاص ممكن تسافر في الحاله دي لكن لو لاقدر الله الاعاده اثبتت ان الفايروس معدي او ماشابه فمفيش قدامك غير بتدخل للسفير وبتشرح له وضعك وتقدم طلب وهنا ممكن يسمح لك تسافر بشرط بينختم على جوازك انك غير مصرح لك بالعمل يعني الحكايه دي تنفع لو انت مسافر محرم مثلا لكن لو مسافر شغل للاسف لو عندك الفايروس يبقى مينفعش ..

على كل حال محدش عارف الخير فين ويجوز السفر احسن لك ويجوز العكس .. المهم انت اعمل التحليل التاني في معمل وزارة الصحه وان شاء الله لو الخير انك تسافر هييسره لك ولو الخير تبقى وطلع لا قدر الله في شيء بالتحليل يبقى جات من عند ربنا ..

[OmarBak]

سلامو عليكم

لو الشخص حلل يوم الاثنين متى يعرف النتيجة ؟

وهل لازم يروح ويعرفها ولا عن طريق النت ممكن يعرفها ...............

[خالد شحاته]

سلامو عليكم

لو الشخص حلل يوم الاثنين متى يعرف النتيجة ؟

وهل لازم يروح ويعرفها ولا عن طريق النت ممكن يعرفها ...............

السلام عليكم ورحمة الله وبركاته

اخي الفاضل الا كشف الاثنين النتجيه بتكون ظهرت الاحد علي موقع كل شركه الوزاره بترسل ايميل لها يعني بمعني انك عملت تحيليل خلاص مش تروح تستلم لان الاستلام بيوصل تلقائي علي موقع الشركه الا انت واخد منها النت

[OmarBak]

طيب يا عم خالد ممكن احط ايملي انا وخلاص هو لازم ايمل الشركة وانا اعرف النتيجة

وهي الان النتيجة تتاخر اسبوع كان الأول 3 أيام فقط؟

[OmarBak]

http://www.healthlabs.net/Test/Email.html

الموقع ده بيتحدث يوميا وتقدر تعرف منه نتيجةالتحليل

والتحليل يظهر عليه بعد يومين فقط بس لازم تدفع 5 جنيه لما تحلل وتطلب انه يظهر ع النت

بالنسبة لتحليل المستفى الخاص قالو تعرف النتيجة من القنصلية ؟ رد غريب؟ حد يقدر يفدينا بالنسبة لتحليل المستشفى الخاص

وعلى فكرةانا رحت النيل بدراوي............

[الباحث عن الرزق]

السلام عليكم

والله حاجه غريبه فعلا انا عملت تحليل الفيرس ولما رحت اجيب الورقه الى فيها رقم الجواز ورقم النت الى بيسلموها اكتشفت انها مفيهاش نتيجه تحليل ولا حاجه ساله فى معامل وزراه الصحه قالوا مادام استلمت الورقه دى يبقى تمام الله اعلم

ولما رحت المستشفى الى هى مستشفى الصفا نفس الحكايه رحت تانى يوم ايه النتيجه مفيش نتيحه فى ورقه صضوغيره وبس

طيب يا جماعه النتيجه قالولى الورقه دى وتمام امال انا دافع الفلوس ليه عشان اعيش فى قلق وربنا يستر وكمان المكتب ليا 15 يوم مسلمهم الجواز وكل يوم اتصل ايه الاخبار يقولوى الجواز متاخر فى القنصليه والواحد اهو عايش فى قلق وربنا ييسر الحال

[خالد شحاته]

http://www.healthlabs.net/Test/Email.html

الموقع ده بيتحدث يوميا وتقدر تعرف منه نتيجةالتحليل

والتحليل يظهر عليه بعد يومين فقط بس لازم تدفع 5 جنيه لما تحلل وتطلب انه يظهر ع النت

بالنسبة لتحليل المستفى الخاص قالو تعرف النتيجة من القنصلية ؟ رد غريب؟ حد يقدر يفدينا بالنسبة لتحليل المستشفى الخاص

وعلى فكرةانا رحت النيل بدراوي............

اخي الفاضل التحليل المستشفي الخاص بتظهر مع الاوراق في القنصليه اما بالقبول او الرفض الان ياشباب مفيش اي اوراق بتدخل القنصليه كلها اكتروني الشهاده الصحيه والمستشفي الخاص كلها ارقام علي النت

[خالد شحاته]

السلام عليكم

والله حاجه غريبه فعلا انا عملت تحليل الفيرس ولما رحت اجيب الورقه الى فيها رقم الجواز ورقم النت الى بيسلموها اكتشفت انها مفيهاش نتيجه تحليل ولا حاجه ساله فى معامل وزراه الصحه قالوا مادام استلمت الورقه دى يبقى تمام الله اعلم

ولما رحت المستشفى الى هى مستشفى الصفا نفس الحكايه رحت تانى يوم ايه النتيجه مفيش نتيحه فى ورقه صضوغيره وبس

طيب يا جماعه النتيجه قالولى الورقه دى وتمام امال انا دافع الفلوس ليه عشان اعيش فى قلق وربنا يستر وكمان المكتب ليا 15 يوم مسلمهم الجواز وكل يوم اتصل ايه الاخبار يقولوى الجواز متاخر فى القنصليه والواحد اهو عايش فى قلق وربنا ييسر الحال

اخي الفاضل الباحث عن الرزق

اوكد لك ان جواز سفرك لم يدخل القنصليه لان الجوازات الان بتخرج في نفس اليوم الا بتدخل فيه لو تاخر بيكون يوم واحد فقط غير كدا اي حد يقول كلام غير ده يكون كداب وبيلعب بعصابك

[OmarBak]

استاذ خالد

تحليل المعامل الحكومية مفيش مشكلة هنعرفه من النت

المسشفى الخاص قال هتعرفو النتيجة من السفارة السعودية ؟

ازاى ده يعني نودي الورق السفارة واحنا منعرفش النتيجة ؟

وموقع النيل بدراوي معلوش حاجة توضح النتيجة ؟

حد يعرف شيء بخصوص الحصول على نتيجة تحليل المستشفى الخاص

[خالد شحاته]

استاذ خالد

تحليل المعامل الحكومية مفيش مشكلة هنعرفه من النت

المسشفى الخاص قال هتعرفو النتيجة من السفارة السعودية ؟

ازاى ده يعني نودي الورق السفارة واحنا منعرفش النتيجة ؟

وموقع النيل بدراوي معلوش حاجة توضح النتيجة ؟

حد يعرف شيء بخصوص الحصول على نتيجة تحليل المستشفى الخاص

نعم اخي الفاضل كل الاوراق الان بتدخل القنصليه لو جه رفض لقدر الله بيكون من القنصليه بيقولك غير لائق طبي ده النظام الجديد في المستشفي الخاصه

[الباحث عن الرزق]

شكرا لك اخى الفاضل/ خالد شحاته

والله انا حاسس بكدا لكن اخى والله ما علينا الا الصبر والرضى بهذا الوضح السئ ولكن القلق شى ملازم بالانسان

ولكن الانسان ميعرفش نتيجه التحليل ولا الكشف ولا جوازه دخل القنصليه ولا لسع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mody ahly]

انا رحت المعامل يوم الاحد ورايح اجيب النتيجة بكرة بإذن الله

مشتركتش في خدمة الايميل للاسف

في نفس اليوم رحت جامكا واتحولت لمستشفي النيل بدراوي وخلصت كل حاجة ومحدش فادني في نتيجة اجي اخدها ولا اية او الورقة اللي بيقولو عليها دي

فاتصلت علي الشركة وحكيت لة الكلام قالي هو بعد يومين النتيجة بتروح القنصلية

دلوقتي بقي لما اروح اجيب نتيجة الفيروس اروح المستشفي هناك اسال برضة ولا خلاص

ولو لا قدر الله طلع حاجة في الكشف دة ممكن اعيد فية تاني ولا هي مرة واحدة بس

اتمني حد يفيدني

[خالد شحاته]

انا رحت المعامل يوم الاحد ورايح اجيب النتيجة بكرة بإذن الله

مشتركتش في خدمة الايميل للاسف

في نفس اليوم رحت جامكا واتحولت لمستشفي النيل بدراوي وخلصت كل حاجة ومحدش فادني في نتيجة اجي اخدها ولا اية او الورقة اللي بيقولو عليها دي

فاتصلت علي الشركة وحكيت لة الكلام قالي هو بعد يومين النتيجة بتروح القنصلية

دلوقتي بقي لما اروح اجيب نتيجة الفيروس اروح المستشفي هناك اسال برضة ولا خلاص

ولو لا قدر الله طلع حاجة في الكشف دة ممكن اعيد فية تاني ولا هي مرة واحدة بس

اتمني حد يفيدني

السلام عليكم

اخي الفاضل وانت في المعامل اخدو منك 5 جنيه علشان تظهر علي النت لو اخدو منك خلاص شوفها وانت جالس في البيت مدفعتش بتوصل القنصليه بعد ثلاث ايام وخلاص الشركه بدخل الاوراق وانت لاتروح ولاتجي

[mody ahly]

وعليكم السلام اهلا استاذ خالد

لا مدفعتش فلوس

هما ادوني ورقة كدة وقالولي تعالي يوم الخميس شوف النتيجة

يعني حضرتك مرحش المستشفي اسال عن النتيجة اللي هو الكشف العام زي ما قالي المكتب؟

واسف للاطالة سؤال اخير

لما رحت اعمل فيش الراجل كتبلي السفر الي السعودية مع اني قايلة للسعودية

معتقدش ان فيها مشكلة لان الغرض واحد في النهاية

حابب اتاكد من حضرتك بس

[خالد شحاته]

وعليكم السلام اهلا استاذ خالد

لا مدفعتش فلوس

هما ادوني ورقة كدة وقالولي تعالي يوم الخميس شوف النتيجة

يعني حضرتك مرحش المستشفي اسال عن النتيجة اللي هو الكشف العام زي ما قالي المكتب؟

واسف للاطالة سؤال اخير

لما رحت اعمل فيش الراجل كتبلي السفر الي السعودية مع اني قايلة للسعودية

معتقدش ان فيها مشكلة لان الغرض واحد في النهاية

حابب اتاكد من حضرتك بس

لامتروحش للمسنشفي تاني اما بالنسبه للفيش عادي جداااااااااااااااااااااا

وربنا يوفقك

[OmarBak]

استاذ خالد

انا عامل استقدام وتحليل معامل الحكومة ظهر اليوم تمام الحمد لله

المكتب قالى نتيجة المستشفى الخاص مش هتفرق طالما استقدام زوجة وورقك هيمشي باذن الله حتى لو اختلفت نتيجة المستشفى الخاص لقدر الله

هو تحليل المستشفى الخاص ليه تأثير يعني ممكن يعطل السفر ( حتى لو استقدام )

وهل ينفع يقدم الورق للسفارة قبل مرور 14 يوم من تاريخ التأشيرة

شكرا ليك وربنا يوفق الجميع

[خالد شحاته]

استاذ خالد

انا عامل استقدام وتحليل معامل الحكومة ظهر اليوم تمام الحمد لله

المكتب قالى نتيجة المستشفى الخاص مش هتفرق طالما استقدام زوجة وورقك هيمشي باذن الله حتى لو اختلفت نتيجة المستشفى الخاص لقدر الله

هو تحليل المستشفى الخاص ليه تأثير يعني ممكن يعطل السفر ( حتى لو استقدام )

وهل ينفع يقدم الورق للسفارة قبل مرور 14 يوم من تاريخ التأشيرة

شكرا ليك وربنا يوفق الجميع

نعم اخي ينفع جدااااااااااااااااااا تقدم الاوراق لو بعد يومين من استخراج التاشيره تنفع امابالنسبه للمستشفي الخاص بتاثر بس علي الحامل في الشهر السادس فقط وربنا يوفقك ويوصلو بسلامه