الاستغناء عن تليفون البيت

[eTiger]

أولا اقروا الخبر ده نقلا عن جريدة المصري اليوم:

http://www.almasry-alyoum.com/article2.asp...ticleID=201960#

المصرية للاتصالات ترفض تخفيض تعريفة «الأرضى».. وتطالب بمراقبة عروض «المحمول»

كتب أمير حيدر ٨/ ٣/ ٢٠٠٩

طالب عقيل بشير، رئيس مجلس إدارة الشركة المصرية للاتصالات، بمراقبة عروض شركات المحمول، للتأكد من طرحها خلال الفترات المحددة لها من قبل جهاز تنظيم الاتصالات وليس تقديمها بصورة ممتدة، بما يؤثر على نشاط التليفون الثابت، مستبعداً فى الوقت نفسه إقدام شركته على تخفيض تعريفتها لمواجهة هذه العروض التى اقتربت أسعارها من تعريفة «الأرضى».

واتهم بشير، فى تصريحات خاصة لـ«المصرى اليوم»، شركات المحمول بتخفيض تعريفتها لمستويات أقل من سعر التكلفة، مشيراً إلى أن سعر الدقيقة فى هذه العروض أصبحت منافسة للتليفون الثابت.

وقال إن جهاز تنظيم الاتصالات برر موافقته على عروض المحمول الأخيرة بأنها تقدم فى أوقات لا يوجد فيها استخدام للشبكات بما لا يضر بالسوق، غير أن «هذه المبررات ليس من الضرورى أن نقتنع بها».

وطرحت «موبينيل» مؤخراً عرضاً خفضت خلاله تعريفة الدقيقة إلى ٥ قروش بعد الدقيقتين الأولى والثانية من منتصف الليل حتى الثانية عشرة ظهراً، كما أتاحت «فودافون» التحدث منذ بداية المكالمة بـ ١٠ قروش للدقيقة، ولكن حتى التاسعة صباحاً، لترد «اتصالات» هى الأخرى بعرض يتيح التحدث لساعة كاملة مقابل جنيه.

وأضاف رئيس مجلس إدارة «المصرية للاتصالات» أن شركته لا تعارض طرح شركات المحمول عروضاً لمستخدميها، ولكنها تعترض على امتداد هذه العروض لفترات غير المسموح بها.

شوفتو استغلال الشركة التعبانة دي اللي خدماتها بقيت زي الزفت. واللي مش عايزة ترحم ولا تخلي رحمة ربنا تنزل!

أنا كل مانزل مصر أجازة لازم الاقي خط التليفون بتاعي مش شغال. ولما اشتكي مابيعبرونيش

ولو عبروني ممكن التليفون يتصلح قبل ما الأجازة تخلص بيومين!! يعني مابستفيدش من

التليفون ده بمليم بالرغم كم كل اللي بدفعه. خدمة اظهار الرقم - خدمة الانتظار - 30 كل كام شهر

- ضريبة مبيعات - وكمان مافيش دقايق مجانية ..... إيه الاستغلال ده.

اجنا هنا في الإمارات بنتكلم في التليفونات تقريبا ببلاش.

يا جماعة أنا عندي فكرة كويسة هتخرب بيت شركة الاتصالات المصرية دي وتخليها تحترم نفسها وتعيد نظر في اللي بتعمله معانا

لو طبقنا أي فكرة من الأفكار اللي هذكرها دلوقتي هنقدر نتكلم 24 ساعة في اليوم بمبلغ ثابت في الشهرلا يتجاوز 30 جنيه.

الفكرة هي ان معظم الناس دلوقتي عندهها كمبيوتر في البيت ومنهم ناس كتير مشتركين في

النت .

وأكيد ناس كتير بيتكلموا مع بعض بالماسنجرات المختلفه .

طب ليه مايكونش في كل بيت إنترنت ونتكلم كلنا بالماسنجر .

وساعتها مش هندفع غير مبلغ بسيط 30 جنيه بس في الشهر أو أقل ونتكلم زي ماحنا عايزين بالصوت وبالصورة كمان.

في ناس هتقول إن معندهاش كمبيوتر وان الكمبيوتر غالي. أو

استخدامه صعب لناس كتير.

وأنا بقول أنك لو حسبتها على المدى البعيد شوف هتوفر تمن كام كمبيوتر بتطبيق الفكرة دي.

وعلى فكرة الكمبيوترات دلوقتي بقت برخص التراب

و مش لازم تشتري كمبيوتر غالي وكمان

بقت كل العيال الصغير بتعرف تشغل برامج الماسنجر. وكمان أعرف ان ممكن تشتري جهاز

رخيص بيتوصل على النت وببتكلم عن طريقه مع أي شخص عنده جهاز زيه.

ياسيدي مش لازم كمبيوتر خالص لو مستغليه أو مابتعرفش تشغله أو صعب الاستخدام للناس الكبار مثلا.

احنا ممكن نستخدم الموبايل في الاتصال بشبكة wireless DSL router اللي ممكن العمارة كلها تستخدمها. بس في الحالة دي لازم يكون الموبايل بيدعم خاصية الوايرلس والموبايلات دي بقت متوفرة في مصر بكثرة والبرامج المستخدمة لعمل ذلك مجانيه تماما زي fring أو talknaut.

كده أنا قدمتلكم 3 حلول هتوفرلنا كتير قولولي ايه رأيكم في الأفكار دي وإيه أنسبها ليكم عشان نقدر ننشر الأفكار دي ونطبقها في كل بيوتنا في مصر.

أنا هنا مش بخترع أو بقول أن دي أفكار جهنميه ، أنا بس بعرض أفكار أكيد ناس كتير فكرت فيها وناس تانية ماتعرفهاش

ولو عايزين أي استفسار أنا تحت أمركم.

تم تعديل 29 مارس 2009 بواسطة eTiger

[MoHaMMeD EgYpT]

بخصوص المصرية للاتصالات الله يخرب بيتهم و الله بياخدوا فلوس جامد علي الفاضي و احنا هنا برده في الكويت المكالمات تقريبا ببلاش برده زي الامارات مش عارف اشمعنا المصرية للاتصاىت بتعمل كده معنا و بخصوص حل الماسنجر اظن انه صعب و صعب جدا كمان يعني واحد عاوز يتصل بالاسعاف او حاجة مهمة هيروح متصل بالماسنجر :lol:

[Alshiekh]

بلا شك ان المسئول ده بيستعبط ، يعنى شركات بتضارب فى السعر لمصلحة المستهلك ، المفروض انه يدخل فى المنافسة ، مش يعيط

طيب سؤال للمقيمين بالخليج والكويت والسعودية

كم تكلفة التليفون ( الارضى ) الشهرية ؟ يعنى الاشتراك الشهرى اد ايه؟ وايه الخدمات والمميزات المتاحة؟ علشان تبقى المقارنة مظبوطة.

[eTiger]

بخصوص المصرية للاتصالات الله يخرب بيتهم و الله بياخدوا فلوس جامد علي الفاضي و احنا هنا برده في الكويت المكالمات تقريبا ببلاش برده زي الامارات مش عارف اشمعنا المصرية للاتصاىت بتعمل كده معنا و بخصوص حل الماسنجر اظن انه صعب و صعب جدا كمان يعني واحد عاوز يتصل بالاسعاف او حاجة مهمة هيروح متصل بالماسنجر wst::

يا MoHaMMeD EgYpT باشا مش صعب ولا حاجة ، ابقى كلمهم من الموبايل.

ده انت حتى ممكن تديهم ميسد وهما يبقو يتصلو بيك عشان توفر :rolleyes:

[eTiger]

بلا شك ان المسئول ده بيستعبط ، يعنى شركات بتضارب فى السعر لمصلحة المستهلك ، المفروض انه يدخل فى المنافسة ، مش يعيط

طيب سؤال للمقيمين بالخليج والكويت والسعودية

كم تكلفة التليفون ( الارضى ) الشهرية ؟ يعنى الاشتراك الشهرى اد ايه؟ وايه الخدمات والمميزات المتاحة؟ علشان تبقى المقارنة مظبوطة.

خدمة التليفون الأرضي هنا في الإمارات خدمة مميزة جدا ، يعني تقدم عالتليفون يجيلك تاني يوم علطول.

مافيش أعطال تقريبا. ولو حصل تتصل مرة واحدة وتلاقي الفني ناطط فوق راسك ومايسيبكش الا لما يتأكد أن كله تمام.

المكالمات داخل نفس المدينة مجانية تماما، أما سعر المكالمة بين الإمارات وبعضها البعض فيتختلف حسب المسافة.

بس برضه احنا مش عايزين نقارن بدول الخليج لأن مازال فيها احتكار وكمان مستوى المعيشة هنا عالي. احنا عايزين الناس اللي عايشين في الغرب يقولولنا نظام التليفون الأرضي هناك إيه.

[MoHaMMeD EgYpT]

بلا شك ان المسئول ده بيستعبط ، يعنى شركات بتضارب فى السعر لمصلحة المستهلك ، المفروض انه يدخل فى المنافسة ، مش يعيط

طيب سؤال للمقيمين بالخليج والكويت والسعودية

كم تكلفة التليفون ( الارضى ) الشهرية ؟ يعنى الاشتراك الشهرى اد ايه؟ وايه الخدمات والمميزات المتاحة؟ علشان تبقى المقارنة مظبوطة.

مافيش وجه مقارنة استاذنا الغالي هنا في الكويت الفاتورة سنوية و في الاخر مهما اتكلمت مش هتدفع غير مبلغ تافه في اخر السنة تقريبا بيبقي في حدود 50 دينار يعني بالمصري 1000 جنيه و تستعمل التليفون ليل نهار عادي اما في مصر اظن في شهر واحد لو بتتكلم ليل نهار توصل للمبلغ ده يعني ظلم كبير لما اللي في الخليج اللي هما مش محتاجين يعملوا معاهم كده و احنا يدفعونا اكتر منهم