القرع العسلى ..

[بندق أفندى]

ده بصراحة عذاب .. تاكل وزنك يزيد .. ما تاكلش تتعذب .. طيب أعمل ايه .. برضه من الأكلات اللى مرة فى السنة ..

دى آخر العذابات الحكومية

يقشر القرع

يقطع شرائح حوالى 5سم زى الكانتالوب

يوضع فى حلة ويرش مقدار من السكر (حسب الرغبة - انا باحبه سكره خفيف) وربع كوب ماء

يوضع على النار لغاية لما يغلى يكشف الغطاء علشانء المية تتبخر والقرع يسكر

الكريمة يحلى الحليب بالسكر على النار وتعمل كريمة الباشميل باللبن المحلى الساخن .. ولما تبرد نحط عليها صفار بيضتين مخفوقين بمعلقة فانيليا

نعمل الحشوة مكسرات وشوية جوز هند وقرفة وزبيب

تدهن صنية بالزبد والبقسماط

يوضع مقدار من الكريمة فى الصينية وبعدين يوضع القرع وبعدين الحشو وبعدين باقى القرع

وبعدين الكريمة فى النهاية

المقادير بالوايم .. الكريمة بتكون سايلة كتير عن البشاميل يعنى الدقيق يكون قليل جدا والحليب أكتر

وبالهنا والعافية

[osmel33]

معلش جيت أرخم عليك شوية فين كباب الحلة ولا نسيت ؟

شكلك نسيت ؟

لأ ده أنا ممكون ألم عليك المنتدى وأقلهم الراجل ده بيعمل آكل وماعهوش شهادة صحية

أيوااااااا يعنى من الإخر تحكى حدوتة كباب الحلة وبعدين أعمل اللى انته عايزه

قرع ... بصارة بالبشمل مش مهم ماشي ؟؟؟؟؟

تم تعديل 29 مارس 2009 بواسطة osmel33

[Folana]

... بصارة بالبشمل مش مهم ماشي ؟؟؟؟؟

السلام عليكم ورحمة الله....

فكرتنى بالبصارة يا استاذ osmel33

بالله يابندق افندى تبقى تفتكرنا بوصفتها...

وتسلم ايدك على صينية القرع الشهية دى..ولو انى يعنى واخدة منه موقف

وسؤال كده خارج المنهج معلش....بقى انا كنت فى جدة من كام يوم...واشتريت من هناك علبة فيها اعشاب ومكتوب عليها "زهورات"...اللى قدرت أميزه منها..اوراق ورد ..ويمكن زهرة البابونج..وحاجات تانية ماعرفتهاش..

وقلت اسأل حضرتك...أعمل ايه بالاعشاب دى؟...يعنى اضيفها للاكل ولا اغليها ولا ايه موقفها من التجنيد؟

شاكرين أفضالك ...

[بندق أفندى]

معلش جيت أرخم عليك شوية فين كباب الحلة ولا نسيت ؟

شكلك نسيت ؟

لأ ده أنا ممكون ألم عليك المنتدى وأقلهم الراجل ده بيعمل آكل وماعهوش شهادة صحية

أيوااااااا يعنى من الإخر تحكى حدوتة كباب الحلة وبعدين أعمل اللى انته عايزه

قرع ... بصارة بالبشمل مش مهم ماشي ؟؟؟؟؟

يا عم كباب الحلة من أسهل ما يكون .. لحمة ملبسة شوية .. وتتبل ببصل وملح وفلفل أسود مطحون (ودايما وانت بتطحن الفلفل خلى معاه كم فص هيل (حبهان)

اللحمة هتكون مكعبات صغيرة وهتسويها فى عرقها .. واذا احتاجت هتضيف لها ماء قليل .. لحد ما تستوى .. بس ده كباب الحلة ..

أنا شخصيا مش بأعمل أى لحمة من غير خل فى القصة .. خد بالك بس

[بندق أفندى]

... بصارة بالبشمل مش مهم ماشي ؟؟؟؟؟

السلام عليكم ورحمة الله....

فكرتنى بالبصارة يا استاذ osmel33

بالله يابندق افندى تبقى تفتكرنا بوصفتها...

وتسلم ايدك على صينية القرع الشهية دى..ولو انى يعنى واخدة منه موقف

وسؤال كده خارج المنهج معلش....بقى انا كنت فى جدة من كام يوم...واشتريت من هناك علبة فيها اعشاب ومكتوب عليها "زهورات"...اللى قدرت أميزه منها..اوراق ورد ..ويمكن زهرة البابونج..وحاجات تانية ماعرفتهاش..

وقلت اسأل حضرتك...أعمل ايه بالاعشاب دى؟...يعنى اضيفها للاكل ولا اغليها ولا ايه موقفها من التجنيد؟

شاكرين أفضالك ...

يعنى ايه بصارة يا افندم .. ههههههههههههه

دى أنا أكلتها فى حياتى كم مرة وبقالى ييجى 30 سنة ما أكلتهاش هأفتكر بقى هى ايه ؟؟

ممكن أسأل بس ما أتوقعش انى أعملها ..

حضرتك الظهورات اللى اشتريتيها بتتغلى وبتتشرب وهى مريحة للتنفس وللمعدة

وبعدين دى سورية مجربة وده موقفها من التجنيد

[osmel33]

يا عم كباب الحلة من أسهل ما يكون .. لحمة ملبسة شوية .. وتتبل ببصل وملح وفلفل أسود مطحون (ودايما وانت بتطحن الفلفل خلى معاه كم فص هيل (حبهان)

اللحمة هتكون مكعبات صغيرة وهتسويها فى عرقها .. واذا احتاجت هتضيف لها ماء قليل .. لحد ما تستوى .. بس ده كباب الحلة ..

أنا شخصيا مش بأعمل أى لحمة من غير خل فى القصة .. خد بالك بس

آآآآآآآآآآآآآآآآآه هانبتدى نقلب بقى ونطلسأ ..... فاكر لما الأخ سمبا كان عايز يشوى لحمة

وانا قولتله يعمل أيه روحت داخل فيا شمال وقولتله طبعا أخونا أوسميل بيعاملك على انك خبير وعشان

كده اختصر جدا شوفت اتقفشت يا حلو وجاى تقولى لحمة ملبسة شوية وشوية بصل

يعنى انت فاكر أن أنا ماعرافش أعمل الكلام ده أنا عايز كلام ديكيومنتد الأول ويوصلنى

لكباب الحلة بالمذاق المميز ليه

هــــــــــــــــــــــــــــــا هاتقول ولا ابتدى الإشاعات وانت عارف البلدية والصحة ما بيرحموش

[لولا]

ايه ده .. :D

انا مدخلتش اشجع الصنف دوت قبل كده ولا اييييييييه :rolleyes:

معليش يا استاذ بندق .. كده ممكن افقد عضويتى فى مطبخ سعادتك

وكده خطر جدا جدا على مستقبلى :blink:

انما ماشاء الله كان .. الشكل النهائى روعه روعه روعه .. على رأى مدحت شلبى .. سمعت عصام بيقولها فى حوار آخر :P

بس ..

اصلى ..

يعنى ..

بصراحه مش باكل قرع عسلى كبيرى كريم كراميل :blink:

اخاف اعمله مره فى البيت جوزى يشبط فيه تبقى كارثه .. حيث كده بقى بلاش كوارث :blink:

*************

مدام فلانه ..

الزوهورات دى فعلا زى ما قال استاذ بندق اعشاب شاميه للمعده بتساعد كمان على تخفيض الوزن

ممكن تحطى شويه فى مج وتغطيه عشر دقائق وبالهنا والشفا

لولا

[بندق أفندى]

ايه ده .. :blush2:

انا مدخلتش اشجع الصنف دوت قبل كده ولا اييييييييه :ninja:

معليش يا استاذ بندق .. كده ممكن افقد عضويتى فى مطبخ سعادتك

وكده خطر جدا جدا على مستقبلى :sad:

انما ماشاء الله كان .. الشكل النهائى روعه روعه روعه .. على رأى مدحت شلبى .. سمعت عصام بيقولها فى حوار آخر ;)

بس ..

اصلى ..

يعنى ..

بصراحه مش باكل قرع عسلى كبيرى كريم كراميل :P

اخاف اعمله مره فى البيت جوزى يشبط فيه تبقى كارثه .. حيث كده بقى بلاش كوارث :D

*************

مدام فلانه ..

الزوهورات دى فعلا زى ما قال استاذ بندق اعشاب شاميه للمعده بتساعد كمان على تخفيض الوزن

ممكن تحطى شويه فى مج وتغطيه عشر دقائق وبالهنا والشفا smk:

لولا

لا يا أفندم مش ممكن تفقدى العضوية نوهائى .. خصوصا انه مريدى الافتكاسات أصلا قليلين ..

ثانيا القرع العسلى من الأكلات اللوزعية .. اللى لو اتعملت بأكون حريص على انها تكون شريحة صغيرة جدا ييجى 50 سعر حرارى .

ثالثا: حللت ضيف على العشاء عند أصدقاء لنا فى جدة أمس وكان فيه مفاجأة طبق بصارة .. قلت ايه ده النوافق العجيب ده .. طبعا دقتها وبس عشان عليها بصل محمر كتير واحنا مش صحبة مع بعض ..

رابعا بقى ربنا يديم المعروف .. والصحة .. والعافية والسعادة .. لنا جميعا

[aif]

احييك بشدة

وارفع لك القبعة ( الطاقية الشبيكة ) انا من عشاق القرع العسلي

بعض الاختلافات التي لا تفسد الود

بعد ما القرع يستوي بنحطه في مصفاة لتصفية الماء .... الماء ده ... بيتحط شوية منه على الكريمة .....ونصيحة .... لا يتم تقطيعه الا بعد ان يبرد تماما ويوضع بالثلاجة شوية .... ويقدم باردا

و كل يا ابو العلا

....

انا كنت متأكد ان لولا مش بتحب القرع

دي حقيقة اقرها فيثاغورث في نظريته الشهيرة بتاعت اضلاع المثلث .... من يكره القلقاس ... اكيد لا يحب القرع

واعتقد كمان الخرشوف والسبانخ تدخل في قائمة لولا

...

اكتر شيء مزعج في القرع .... تقشيره ... قشره جامد جدا وغالبا بيجرح الايد اثناء التقشير

لكن النتيجة النهائية تستاهل التضحية ....

تسلم ايدك يا بندق

[بندق أفندى]

احييك بشدة

وارفع لك القبعة ( الطاقية الشبيكة ) انا من عشاق القرع العسلي

بعض الاختلافات التي لا تفسد الود

بعد ما القرع يستوي بنحطه في مصفاة لتصفية الماء .... الماء ده ... بيتحط شوية منه على الكريمة .....ونصيحة .... لا يتم تقطيعه الا بعد ان يبرد تماما ويوضع بالثلاجة شوية .... ويقدم باردا

الحقيقة هو المفروض ألا يؤكل فى اليوم الأول اطلاقا لأنه طعمه فى اليوم التالى تحفة جدا جدا

[لولا]

انا كنت متأكد ان لولا مش بتحب القرع

دي حقيقة اقرها فيثاغورث في نظريته الشهيرة بتاعت اضلاع المثلث .... من يكره القلقاس ... اكيد لا يحب القرع

واعتقد كمان الخرشوف والسبانخ تدخل في قائمة لولا

آه لو كنت تدرى كم كرهت القلقاسا

وابعدنى كرهه عن هذا وهذا من الناسا :P

هو بصراحة بخصوص الخرشوف .. تؤتؤ مش بكرهه

يعنى باكلة فى سلطة الخرشوف بالمون واللى الذى منه .. وكمان ماما كانت بتعمله فوقيه لحمة مفرومه وبشاميل

فى الفرن وكنت بحبه ... عموما الفيتامينات اللى فيه عاليه جدا .. وطعمه فى السلطه او بالباشميل كويس .

اما السبانخ برضه باكلها عشان الفيتامينات برضوا مش عشان بحبها يعنى .. :rolleyes:

وبعدين حضرتك كده بتطلع عليا اوووووووووووشاعات ... انا يادوب قلت اكره القلقاس اكره القلقاس .. بس :lol:

فين الأصناف التانيه بقى .. انا شايفه المطبخ نايم بقاله كام يوم هنا ;)

لولا

[بندق أفندى]

انا كنت متأكد ان لولا مش بتحب القرع

دي حقيقة اقرها فيثاغورث في نظريته الشهيرة بتاعت اضلاع المثلث .... من يكره القلقاس ... اكيد لا يحب القرع

واعتقد كمان الخرشوف والسبانخ تدخل في قائمة لولا

آه لو كنت تدرى كم كرهت القلقاسا

وابعدنى كرهه عن هذا وهذا من الناسا :P

هو بصراحة بخصوص الخرشوف .. تؤتؤ مش بكرهه

يعنى باكلة فى سلطة الخرشوف بالمون واللى الذى منه .. وكمان ماما كانت بتعمله فوقيه لحمة مفرومه وبشاميل

فى الفرن وكنت بحبه ... عموما الفيتامينات اللى فيه عاليه جدا .. وطعمه فى السلطه او بالباشميل كويس .

اما السبانخ برضه باكلها عشان الفيتامينات برضوا مش عشان بحبها يعنى .. :rolleyes:

وبعدين حضرتك كده بتطلع عليا اوووووووووووشاعات ... انا يادوب قلت اكره القلقاس اكره القلقاس .. بس :lol:

فين الأصناف التانيه بقى .. انا شايفه المطبخ نايم بقاله كام يوم هنا ;)

لولا

فيه محشى الخرشوف كمان .. ويومها بيكون فيه محشى جزر كمان .. ولو كنت لقيت خرشوف الأيام اللى عدت كنت اتحفتكم بمحشى خروشوف ومحشى جزر ..

السبانخ ممكن تتعمل غير تقليدية وتعطى طعم جبار .. صدقينى كنت أموت ولا آكلها .. بس الحمد لله اتعافيت من ده ههههههههه

المطبخ نايم عشان انا فى اجازة مطبخية .. وكنت فى جدة الأيام اللى عدت ..

اليوم ربما أعملكم سبانخ .. ههههههههههههه