العلاقات بين المصريين بالخارج

[moody00x]

http://www.egyptiantalks.org/invb/index.ph...p?showtopic=750

تم دمج الموضوعين معا

[se_ Elsyed]

نفسي فعلا اعرف

ليه المصريين بياكلوا في بعض في الخارج.

لأ إسمح لي أختلف معاك ... فالصورة ليست قاتمة لهذه الدرجة والدليل على ذلك وجود عشرات الآلاف من المغتربين وغالبيتهم ناجحين جداً في اعمالهم ..

على سبيل المثال إحنا شركتنا فيها أكثر من 30 أو 40 مصري وكلهم ناس في غاية الإحترام ومتعاونين مع بعضهم البعض ... وكان لحد 4 سنين فاتوا كان فيه عنصر أو أتنين سيئين ولكنهم مشيوا بدري بدري لأنهم بيبقوا مفضوحين ومعروفين للجميع وبالتالي تجدهم منبوذين من الجميع .

أما النماذج التى ذكرتها فعلى ما يبدو بإن سبب المشكلة بإنك إشتغلت في اماكن العدد فيها محدود وبالتالي تكثر الإحتكاكات بين أفرادها وتختلط العلاقات الشخصية والأمزجة اليومية المتغيرة بعلاقات العمل مما يؤدي إلى مشاكل .. يعني مثلاً لو كنتم 5 أو 6 ومعاكم صاحب العمل فممكن تلاقي أن لو صاحب العمل جه يوم من غير فطار او المدام كانت عمله له القهوة من غير وش فممكن ييجي يغفلقها على دماغ الكل كليلة ويبقى نهار ماطلعلوش سمس ...

أما في المؤسسات الكبيرة التى يحكمها هيكل إداري واضح وسياسة يتم تطبيقها على الجميع فتقل فيها مثل هذه التصرفات لأن كل شخص بيبقى له شغله وبس ولا يوجد لديه وقت للدخول في خلافات شخصية مع غيره ..

[Peace74]

ليه المصريين بياكلوا في بعض في الخارج

متهيألى الموضوع ده بيظهر أكثر للمقيمين فى الدول العربيه نتيجة الخوف من فقدان الوظيفه (التهديد بالتفنيش ) فيتحول الأمر لصراع للبقاء

فى الأمثله التى أوردها الأخ سيد ثلاثة أقارب حاسين لو حد دخل بينهم استقرارهم الوظيفى و محاباتهم لصاحب العمل ستكون مهدده

الخلاصه إحنا اتربينا على الخوف ( من أول دخول الحضانه لدخول الجامعه و طبعاً الوظيفه و الجواز و تربية الأولاد)

مافيش حاجه واضحه فى حياتنا علشان كده تلاقى معظم المصريين بيحاولوا يستمدوا الشعور بالأمان من التفرد سواء بالعمل أو معلومه معينه قد تكون مفيده لغيره

أعتقد انها حاله نفسيه عامه

[se_ Elsyed]

متهيألى الموضوع ده بيظهر أكثر للمقيمين فى الدول العربيه نتيجة الخوف من فقدان الوظيفه (التهديد بالتفنيش ) فيتحول الأمر لصراع للبقاء

[nsize=6]الشخصية لا تتجزأ يا بيس يا بنتي .. فالإنسان السكرته ( النص لبه ) في بلد عربي هايبقى هو هو لو راح سكن في برج التجارة العالمي - قبل ما يقع - وبقى عمدة مانهاتن حتى ، ويمكن أبناءنا في أوروبا وأمريكا يحكوا لك عن نماذج مشابهة تماماً لما ذكرناه هنا .

أعتقد انها حاله نفسيه عامه

الجمله دي قالها عبد الرحمن أبو زهره في فيلم النوم في العسل لما جاله المرض البطال ... صح ؟ cr((: cr((:

[Peace74]

يا بيس يا بنتي

و دى لعماد حمدى من فيلم الخطايا

صح cr((:

[فــيــروز]

قشطه موت cr((:

بيس قالت ملاحظه فعلا كنت عاوزه اقولها

ان شكوى المصريين بالخارج من بعض تعلو فى البلاد العربيه عن الدول الاوربيه او امريكا مثلا cr((:

يا ترى هل يعود هذا الى ان ثقافتنا كعرب جزء كبير منه ثقافه "ودنيه" !! ي cr((: عنى المدير يحكم على العاملين من خلال ما يسمعه عنهم وليس من خلال ادائهم الوظيفى كما يحدث فى الغرب؟ afr2:

تم تعديل 25 أبريل 2004 بواسطة فــيــروز

[عادل أبوزيد]

أن هذا هو أس الداء ... و أكاد أجزم أن هذه الظاهرة لا وجود لها و أنما هى تعيش فى نفوسنا و عقولنا نحن المصريين ...قد خلقناها فى عقولنا حتى نريح ضمائرنا المتعبة المثقلة بالكره و الحقد و الحسد و النفاق و الرياء ... أنها أكذوبة أبتدعناها ثم أنتشرت بالأيحاء و من ثم صدقناها .. و أتخذناها شماعة نعلق عليها سوء تصرفاتنا... و لمنا غيرنا على ما بنا من عيب "

الفاضل سيفود

أتفق معك تماما و قد يمكن تفسير هذه الظاهرة بمئات التفاسير ... أنا شخصيا أرجع السبب إلى أن الأجيال الجديدة حدث لها نوع من التدمير الفكرى المتمثل فى الإلحاح على أن صاحب العمل ظالم و المدير ظالم و أن الثورة جائت لتحرير الإنسان من ظلم رأس المال و ظلم تسلط الإدارة ... و هكذا لسنوات فظهرت أجيال مريضة وظيفيا لا تؤدى العمل إلا بالإكراه المادى أو الأدبى ...

هذه مجرد فكرة

و لكن هل يكفى أن نبكى على اللبن المسكوب ؟ هل يكفى أن "نتقعر فكريا " بحثا عن السبب و نترك الحال على ما هو عليه ؟

أتصور أن المطلوب أن نفكر و نعمل معا على إعادة تأهيل الإنسان المصرى .. و أتصور هذا يستحق موضوعا مستقلا

[AYMA DIAB]

المفروض نبحث عن علاج للمصريين في الخارج

[AYMA DIAB]

نبدء بانفسنا نساعد بعضنا لو احنا بدئنا ونشرنا الخوف والحب لبعضنا سوف نجد الثمار <_<

[Salwa]

يعنى ايه نشرنا الخوف والحب ؟؟؟

نشرنا الخوف ؟؟؟؟؟؟؟؟؟؟

طيب .....ليه ؟؟؟

حانساعد بعضنا بنشر الخوف والحب ......

ممكن توضح قصدك ...؟؟.....دى ثقافة جديدة للغربة ؟؟؟

[moody00x]

يمكن المقصود الخوف على بعض

[MZohairy]

يا جماعة انا حلخصلكوا الحكاية

الموضوع يتلخص في ثلاث نقاط

1- الفقر

2- القهر المستمر من خمسة الاف سنه

3- الجهل

وطبعا بتكلم على سبعين مليون مصري اكتر من نصفهم لا يقرأ ولا يكتب حاليا

وعلى فكره قبل سنة 52 كان اكثر من ستين في المائة من المصريين يعانون من مشكلة الحفاء

وعايزكم تقولولي المدخلات دي ممكن تفرز ايه

[R.M.G.]

إغتربت كثيرا ولم ألحظ هذا الا نادرا وحكاوي فقط ولكن وبمنتهى الصدق كن مخلصا صادقا امينا محبا لمن حولك تجدهم كذلك ولن يشذ عن القاعدة الا النادر جدا

وهم يعني المصريين في الداخل حلويين ومبيعملوش زنب ولا أسافين؟ ماهم بيقطعوا في بعض واللي بيقطعوا جوه هم اللي بيقطعوا بره والمحترمين جوه محترمين بره ولا إيه؟

[عمرو]

أنا أتفق كثيرا مع ماقاله سي فوود بخصوص هذا الموضوع

أنا شخصيا ينظر لي البعض من المصريين في أمريكا علي أني ملاك وبعضهم ينظر لي علي إني شيطان والحقيقة لاهذا ولاذاك ولكن الإنسان مواقفه من الأخرين بتختلف علي حسب الموقف نفسه وعلي أشياء أخري منها حتي الحالة المزاجية لإنسان في موقف معين

معظم المشاركين هنا أطلق الكلام علي عواهنه وحكي قصة أو قصتين عن حوادث شخصية وهذا علي فرض صحته لا يمكن بناء حكم عليه

أنا من المعاشرين لمعظم جنسيات العالم من روس وهنود وأفارقة وأسبان وأمريكان وأوروبيين ورأيت من هؤلاء مايتواري جانبه خجلا مايفعله المصريين بل حتي عندما يكون المصري مؤذي لايكون عنيفا في إيذائه في حين أن البعض من الجنسيات الأخري كالروس والأسبان قد يصل الإيذاء لحد القتل وتلفيق تهم تودي في داهية

[mashy]

بصراحه كده يا جماعه انا شايف ان مفيش خصوصيه لتعامل المصريين في الغربه مع بعض بس هي الظروف اللي بتخلينا نكبر المواضيع قصدي ظروف ان الواحد متغرب ......... يعني انا حصلي موقف نذاله من واحد مصري و زعلت و قعدت اقول المصريين بيعملوا في بعض كده ايه .........بس بعد ما فكرت لقيت ان اللي حصل ده لو كان حصل في مصر يمكن مكنتش زعلت ............ يعني الغربه بتخللي الواحد حساس شويه لتصرفات الاخرين

بس كده