رباعيات صلاح چاهين

[Tarek_ml]

هاحاول اكتب كل اللى عندى واللى عنده حاجة جديدة مش عندى يقولها

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

مع ان كل الخلق من أصل طين

وكلهم بينزلوا مغمضين

بعد الدقايق والشهور والسنين

تلاقى ناس أشرار وناس طيبين

عجبى !!!

أنا شاب لكن عمرى ولا ألف عام

وحيد ولكن بين ضلوعى زحام

خايف ولكن خوفى منى أنا

أخرس ولكن قلبى مليان كلام

عجبى !!!

[Tarek_ml]

أنا قلبى كان شخشيخة أصبح جرس

جلجلت بيه صحيوا الخدم والحرس

أنا المهرج قمتوا ليه؟؟ خفتوا ليه؟؟

لا فى إيدى سيف ولا تحت منى فرس

عجبى !!!

دخل الربيع يضحك لقانى حزين

نده الربيع على اسمى لما قلت مين؟

حط الربيع أزهاره جنبى وراح

وإيش تعمل الأزهار للميتين؟

عجبى !!!

[Kareemt]

الله يرحمه .... واليكم بعض اشعاره

أنا كل يوم أسمع فلان عذبوه

أسرح فى بغداد والجزاير وأتوه

ما اعجبش من اللى يطيق بجسمه العذاب

واعجب من اللى يطيق يعذب أخوه ........ وعجبى

إنسان إيا إنسان ما أجهلك

ما أتفهك فى الكون وما أضألك

شمس وقمر وسدوم وملايين نجوم

وفاكرها يا موهوم مخلوقه لك ..............وعجبى

[Rock]

عيني رأت مولود علي كتف امة

يصرخ تخنن فية يصرخ تضمة

يصرخ تقول يابني ما تنطق كلام

دة اللي ما يتكلمث يا كتر همة

وعجبي :blink:

[Rock]

تخيلوا يا جماعة يحي حقي بجلالة قدرة قال اية عن جاهين في الوقت اللي كان فية حقي بيهجم الشعر العامي

قال انة صلاح جاهين بشعرة العامي البسيط الرائع بيحط العربية الفصحي في موقف محرج

[ام بودى]

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!

[إيزيس]

دي مذكرات و كتبتها من ســـــــــنين ..

في نوتة زرقا لون بحور الحنيــــــــــــن ..

عترت فيها .. رميتها في المهمـــــــلات ..

وقلت صحيح أما صحيح كلام مخبولين ... و عجبي

[إيزيس]

يا مشرط الجراح أمانة علـــــــــــيك ..

و انت ف حشايا تبص من حواليــك ..

فيه نقطة سوده في قلبي بدأت تبان ..

شيلها كمان .. و الفضل يرجع إليك ... و عجبي

الرباعية دي معجزة

[إيزيس]

كيف شفت قلبي والنبي يا طبيب ..

همد ومات والا سامع له دبيب ..

قاللي لقيته مختنق بالدموع ..

وما لوش دوا غير لمسه من إيد حبيب

وعجبي

[رضوي]

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!

[رضوي]

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

[لماضة مصرية جدا]

السلام عليكم و رحمة الله و بركاته

حبايبي الحلوين.... اللي مع صلاح جاهين سرحانين

افتحوا شباك الصبح قايلين

فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!

و اتأملوا في دي

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

أما دي.... فهي كل حد فينا

نظرت في الملكوت كتير وانشغلت

وبكل كلمةْ ( ليه ؟ ) و ( عشانيه ) سألت

اسأَل سؤال .. الرد يرجع سؤال

واخرج وحيرتي أشد مما دخلت

عجبي !!

حبايبي الحلوين هتلاقوا كل رباعيتا صلاح جاهين ع الرابط ده

http://www.adab.com/folk/modules.php?name=...470&start=0

فتحتوا الشبااااااااااااااااااااااااااااااااااك

مساااااااااااااااكم رباعية خاصة جدا..... لمفردات نصنعها بمفردنا .... كما نراها نحن

فوتكم بعافية

[jasmin hamed]

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي

يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

[رضوي]

نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!

- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!