لو ابوك اتخانق مع.. جدك ..او عمك ..تقف في صف مين؟؟

[السويفي]

السلام عليكم:

الحمد لله عائلتي كبيره ومترابطه ....ولهاذا افتخر بوضع اسم عائلتي في المنتدي وبقدر هذا الترابط تأتي المشاكل سواء بسبب او بدون سبب.....

ولان لنا عقول ونستطيع تحليل المطعطيات المتاحه امامنا وتميز من المخطأ .....ببساطه لانملك ان نفعل شيئا

لان مهما حصل فهذا عمي ومهما استمر الخلاف بينه وبين ابي سيأتي يوما ويتصالحو ...قرب هذا اليوم او بعد...فماذا سيكون موقفي حينها...

فلهاذا حين تحصل هذه المشاكل اخصم من عمري كثيرا واعود لمرحله الطفوله التي لا تعي ما تسمع او تري وتلقي بهذه الذكريات الي نفايات الذكريات

وعندما تنجلي هذه السحابه لا اجد حساسيه في علاقتي مع عمي وهو كذلك .....

بالرغم من ان هذه السياسه مقتنع بها الا اني اتهم في بعض الاحيان بالسلبيه في عدم انتقاد عمي رغم خطئه او بمهادنه ابي رغم خطئه...

الا اني سأستمر في هذه السياسه واتابع الخلاف من بعيد ولا اعلق لاني ببساطه لست طرفا فيه؟؟؟

فماذا تفعل لو ان اباك وعمك اختلفوا؟؟؟

[الجدار]

صديقي السويفي أعتقد ان ما تقوم به هو عين الصواب

طالما لم يكن هناك إحتكاك مباشر بك فأنت محايد لا مع هذا ولا مع هذا

فكما تقول سيأتي الوقت الذي يتصالح فيه الأثنان وستبقى انت المخطيء (اذا وقفت مع طرف في مواجهة طرف آخر)

ليس فقط مع الأقرباء ولكن مع أي شخص اذا لم يطلب منك أن تكون حكماً من الأفضل أن تبقى في موقف المشاهد

وأتمنى من الجميع اتباع هذه السياسة لأنه في كثير من الأحيان حتى ولو بحسن نية يساعد الموقف إشتعالاً من يحاول تهدئة الخلاف

تقبل مروري وتحياتي

تم تعديل 31 مارس 2009 بواسطة الجدار

[moheltohamy]

لمّا الكبار يتخانقوا ، يبقوا المفاعيص يركنوا على جمب في حتة ناشفة! :sad:

الكلام أعلى من مستوايا...

وبرضه هافضل أتعامل مع الكل عادي جداً... الصغيّرين مالهومش دعوة باللي بين الكُبار!

ده بالمناسبة العُرف في عيلتنا :ninja:

[الباشمهندس ياسر]

كلام جميل و كلام معقول .. مقدرش أقول حاجة عنه

لكن انا عايز اغير السؤال بعد اذن اخونا السويفى

لو عمك اكل ابوك فى ميراث قدره 8 مليون جنيه عينى عينك كده

يا ترى يا هل ترى

هيكون رد فعل معاليك ايه؟؟؟؟؟؟؟؟

1)هتعمل مشكلة مع عمك و اولاده و ممكن توصل للدم؟؟

2) هتعمل نفسك طفل صغير و مش واخد بالك من حاجة و صباحه سلبية ؟؟

3) هتاخدوا موقف المقاطعه الكاملة معاهم و تكتفوا بده عشان اسم العائلة ميطمرمطتش ف التراب؟؟

4) اى اقتراح يتفضل بوضعه احد الاخوة الاعضاء

منتظر اجاباتكم

[السويفي]

السلام عليكم:

الباشمهندس ياسر ......

ما أتكلم عنه سحابه صيف واختلاف في الرأي وليس نصب وقتل...

وعن اي مشكله تحصل بين من هم اكبر منا ...اساتذتك في الجامعه ..رؤسائك في العمل ...

وبالنسبه لاختيارتك...

اتدخل للحصول هلى حق ابي الذي هو حقي واصل عمي بالرغم مما اكنه من كره له في قلبي ....

ولكن الست موافق معي انه من الافضل الصمت اذا كان الخلاف بسيط

[الباشمهندس ياسر]

فى حالة الاختلافات البسيطة

لا داعى للتدخل اصلا و كأن شيئا لم يكن

و هذا ما اجبتك عنه بقولى ,, كلام جميل مقدرش اقول حاجة عنه

بينما انا استاذنك لنقل الحوار الى مسار اخر

و هو

ما هو رد فعلك اذا اكل اهلك حقك ؟؟

[Virus]

انتوا جيتوا على الجرح..

أنا عندي نفس المشكلة وأبويا متخانق مع عمتي وجوز عمتي لحد المقاطعة التامة لسنين..

وطبعا مانعني تماما (وأنا شحط كده) أكلمهم نهائيا

وحاولت مرة أقرب وجهات النظر زمان فاتخانقوا تاني..

لحد ما كرهت الأرض والميراث وصممت إني مسيبش لولادي أي ورث يتخانقوا عليه!!

المشكلة إن كل عيد يعدي علي بكون مخنوق جدا وحاسس بذنب كبير جدا إني مش عارف أعيد على عمتي.....والواحد مش ضامن إنها تعيش لحد ما يتصالحوا..

ولأني عارف إن أبويا مش هينفعني لما ربنا يسألني عن صلة الرحم.. بفكر كتير أكلمهم من وراه..بس برجع أخاف على اللي هيجراله لو عرف وخصوصا إن ولاده هم حياته ولو حسو إنهم بيخالفوه ممكن يروح فيها لا قدر الله..

والواحد كل ما يقول هيكبروا ويهدوا..مفيش فايدة..نفس تصديرة الدماغ

يلا آديني فضفضت معاكوا..ربنا يهدي الجميع

[حسام يوسف]

يا جماعة سيبوهم

خلونا نخلص

ههههههههههههههههههههههههههههههههههههههههههههههههة

تم تعديل 31 مارس 2009 بواسطة حسام يوسف

[الباشمهندس ياسر]

انتوا جيتوا على الجرح..

أنا عندي نفس المشكلة وأبويا متخانق مع عمتي وجوز عمتي لحد المقاطعة التامة لسنين..

وطبعا مانعني تماما (وأنا شحط كده) أكلمهم نهائيا

وحاولت مرة أقرب وجهات النظر زمان فاتخانقوا تاني..

لحد ما كرهت الأرض والميراث وصممت إني مسيبش لولادي أي ورث يتخانقوا عليه!!

المشكلة إن كل عيد يعدي علي بكون مخنوق جدا وحاسس بذنب كبير جدا إني مش عارف أعيد على عمتي.....والواحد مش ضامن إنها تعيش لحد ما يتصالحوا..

ولأني عارف إن أبويا مش هينفعني لما ربنا يسألني عن صلة الرحم.. بفكر كتير أكلمهم من وراه..بس برجع أخاف على اللي هيجراله لو عرف وخصوصا إن ولاده هم حياته ولو حسو إنهم بيخالفوه ممكن يروح فيها لا قدر الله..

والواحد كل ما يقول هيكبروا ويهدوا..مفيش فايدة..نفس تصديرة الدماغ

يلا آديني فضفضت معاكوا..ربنا يهدي الجميع

هندسة

ربنا يصلح ما بينهم جميعا ... قول امين

اسمحلى اقولك مينفعش تسيب ولادك من غير ميراث

انما ينفع انك تظبط الدنيا على حياة عينك و كل واحد و ظروفه بقى

كمان حاجة

لو والدك هو اللى افترى عليهم ف الميراث ( سامحنى ع الكلام ) يبقى متسمعش كلامه و اوصلهم

و لو اهلك اللى افتروا عليكم ف الميراث (سامحنى ع الكلام ) يبقوا ميستحقوش اهتمامك او ندمك

اسف جدا على كلامى لو يضايقك

بس حسيت انى لازم اقول لحضرتك كده

[Virus]

لو والدك هو اللى افترى عليهم ف الميراث ( سامحنى ع الكلام ) يبقى متسمعش كلامه و اوصلهم

و لو اهلك اللى افتروا عليكم ف الميراث (سامحنى ع الكلام ) يبقوا ميستحقوش اهتمامك او ندمك

اسف جدا على كلامى لو يضايقك

بس حسيت انى لازم اقول لحضرتك كده

صدقني مش عارف مين مفتري على مين مع إني بقالي سنين في القصة دي..المسألة كلها عند في التقسيم تطورت لتجاوزات ثم قضايا و و و..والموضوع لو بين ناس عادية مياخدشن ساعتين ويتحل...

وبعدين انت واثق من الرأي ده..لو أهلك افتروا عليك في الميراث يجوز لك قطيعتهم؟؟!!

شكرا على اهتمامك

[Alshiekh]

بسم الله الرحمن الرحيم

وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الْأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ

هذا على المستوى العام

أما على المستوى العائلى فالتدخل بالصلح أولى وأوجب.

وقد حدث معى شيئ مشابه ووقفت فى جانب الحق الى ان وفقنى الله واستطعت أن اتمم الصلح بين المتخاصمين.

ومن التجربة التى مرت على ، اكتشفت أن كلا الكرفين كانا يرغبا فى الصلح والوئام ولكن عزة النفس هى من تجعل كل منهما يتشدد ، وايضا وجود وسطاء من الطرفين يتحدثان باسمهما يزيد من الامور تعقيدا فكلا الوسيطين يريد ان تكون يده هى الاعلى.

ولا يسعنى الا ان اتذكر الممثلين الراحلين سليمان نجيب واعتقد منير رياض ( الباشا والبيه ) عندما اصلح بينهما محمد فوزى فى الفيلم وقام كل منهما باداء دور المتواجد فى المكان بالصدفة.

عموما المفروض ان يقف الانسان الى جانب الحق وان يسعى للصلح والتوفيق.

[أبو محمد]

ولا يسعنى الا ان اتذكر الممثلين الراحلين سليمان نجيب واعتقد منير رياض ( الباشا والبيه ) عندما اصلح بينهما محمد فوزى فى الفيلم وقام كل منهما باداء دور المتواجد فى المكان بالصدفة.

عموما المفروض ان يقف الانسان الى جانب الحق وان يسعى للصلح والتوفيق.

مين منير رياض ده يا محمد ياخويا ؟ .. يكونش قصدك سراج حسين ؟ :wub:

أنا أرفض مبدأ المقاطعة تماما بين الأهل .. وأكره توريط الأبناء فى خلافات الآباء .. ولو كان المثل بيقول "يعملوها الصغار ويقعوا فيها الكبار" .. فأنا أعلم عن تجارب كثيرة كان الأبناء هم سبب عودة المياه لمجاريها

وقانا الله وإياكم شر الضغينة بين الأهل والأحباب

[Alshiekh]

ولا يسعنى الا ان اتذكر الممثلين الراحلين سليمان نجيب واعتقد منير رياض ( الباشا والبيه ) عندما اصلح بينهما محمد فوزى فى الفيلم وقام كل منهما باداء دور المتواجد فى المكان بالصدفة.

عموما المفروض ان يقف الانسان الى جانب الحق وان يسعى للصلح والتوفيق.

مين منير رياض ده يا محمد ياخويا ؟ .. يكونش قصدك سراج حسين ؟ :wub:

أنا أرفض مبدأ المقاطعة تماما بين الأهل .. وأكره توريط الأبناء فى خلافات الآباء .. ولو كان المثل بيقول "يعملوها الصغار ويقعوا فيها الكبار" .. فأنا أعلم عن تجارب كثيرة كان الأبناء هم سبب عودة المياه لمجاريها

وقانا الله وإياكم شر الضغينة بين الأهل والأحباب

علشان كده انا قلت اعتقد

يعنى تقصد ان الاسم الصحيح هو " سراج منير " ؟

والله انا كنت حاقع من كثر الضحك :D

[الباشمهندس ياسر]

وبعدين انت واثق من الرأي ده..لو أهلك افتروا عليك في الميراث يجوز لك قطيعتهم؟؟!!

شكرا على اهتمامك

باشمهندس

انا مقلتش كده على اساس انه فتوى لا سمح الله ولا كلام ملزم لغيرى بأى شكل م الاشكال

انما قلت كده على اساس انى هعمل كده و انا مقتنع بده

يعنى انا من النوع

اللى هيكتفى بالمقاطعه و مش هيعمل اى حاجة تانية حفاظا على اسم العائلة

و ده فى تخيلى يعتبر اشد انواع الكرم ف الحالة دى

انما تعمل تواصل مع ناس واكله حقك و مستمتعه بده ... طب بأى منطق :wub:

[Virus]

انما تعمل تواصل مع ناس واكله حقك و مستمتعه بده ... طب بأى منطق :wub:

بمنطق الدين العظيم الذين ندين به....الإسلام

أنا كنت فاكر زيك كده برضو بس اكتشفت إن الموضوع مش كده..

ولقيت إن الإسلم بيعالج الموضوع ده زي مابيعالج قضايا تانية ..بحكمة بالغة..

بيحاصر كل أسباب المشكلة..

بمعنى إنه المشرع بيشدد جدا على حسن معاملة ذوي الرحم و ذوي القربى وبيشجع على إنفاق الزكاة مثلا والصدقات عليهم وإهداؤهم من الأضحية إلى آخره من الأدلة..وده الشق الترغيبي

لكن برضو عمل حساب إن هتحصل مشاكل بين الأقارب..وبالتالي وضع قواعد صارمة جدا جدا كي تمنع التمادي في قطع الأرحام..وده الشق الترهيبي

لأن تماسك البنيان الاجتماعي ركن رئيسي وهدف سامي في هذا الدين

تخيل إن قطع الرحم من الكبائر!

ومتقوليش هم اللي قطعوني وسرقوني لأن الرسول الكريم يخبرنا:

"ليس الواصل بالمكافئ، ولكن الواصل من يصل ذا الرحم الكاشح"،أي ليس الواصل بالمكافئ الذي إذا زاره قريبه زاره، وإذا أهدى إليه أهدى إليه في المقابل، هذا ليس بواصل للرحم، إنما هو مكافئ على نعمة وإحسان، إنما الواصل الذي يقطعه ذوو رحمه فيصلهم، ويؤذونه فيحسن إليهم فهذا هو الواصل،

الحمد لله على نعمة الإسلام

بس طبعا أكيد ده ابتلاء كبير..وربنا يعينا عليه

اللهم إني أسألك أن تغفر لي أن تكلمت بما لا أعمل...

واعذروني أنتم أيضا على هذا..وادعولي ربنا يقدرني في الأجازة دي أصلح هذا الوضع الخاطئ

[الباشمهندس ياسر]

انما تعمل تواصل مع ناس واكله حقك و مستمتعه بده ... طب بأى منطق :lol:

بمنطق الدين العظيم الذين ندين به....الإسلام

أنا كنت فاكر زيك كده برضو بس اكتشفت إن الموضوع مش كده..

ولقيت إن الإسلام بيعالج الموضوع ده زي مابيعالج قضايا تانية ..بحكمة بالغة..

بيحاصر كل أسباب المشكلة..

بمعنى إنه المشرع بيشدد جدا على حسن معاملة ذوي الرحم و ذوي القربى وبيشجع على إنفاق الزكاة مثلا والصدقات عليهم وإهداؤهم من الأضحية إلى آخره من الأدلة..وده الشق الترغيبي

لكن برضو عمل حساب إن هتحصل مشاكل بين الأقارب..وبالتالي وضع قواعد صارمة جدا جدا كي تمنع التمادي في قطع الأرحام..وده الشق الترهيبي

لأن تماسك البنيان الاجتماعي ركن رئيسي وهدف سامي في هذا الدين

تخيل إن قطع الرحم من الكبائر!

ومتقوليش هم اللي قطعوني وسرقوني لأن الرسول الكريم يخبرنا:

"ليس الواصل بالمكافئ، ولكن الواصل من يصل ذا الرحم الكاشح"،أي ليس الواصل بالمكافئ الذي إذا زاره قريبه زاره، وإذا أهدى إليه أهدى إليه في المقابل، هذا ليس بواصل للرحم، إنما هو مكافئ على نعمة وإحسان، إنما الواصل الذي يقطعه ذوو رحمه فيصلهم، ويؤذونه فيحسن إليهم فهذا هو الواصل،

الحمد لله على نعمة الإسلام

بس طبعا أكيد ده ابتلاء كبير..وربنا يعينا عليه

اللهم إني أسألك أن تغفر لي أن تكلمت بما لا أعمل...

واعذروني أنتم أيضا على هذا..وادعولي ربنا يقدرني في الأجازة دي أصلح هذا الوضع الخاطئ

كلامك على راسى ... لكن

انا اعرف ان من مات دفاعا عن ماله فهو شهيد

فأنا مع عدم توصيل الامور للمستوى ده نهائيا

و شايف انى لما اقاطع اللص المستحل للحرام اللى اكل مالى ... يبقى اكيد انا مش بعمل حاجة غلط

كمان نقطة : اخاف انى آثم لعدم طلب حقى بالنار مثلا

[Alshiekh]

كلامك على راسى ... لكن

انا اعرف ان من مات دفاعا عن ماله فهو شهيد

فأنا مع عدم توصيل الامور للمستوى ده نهائيا

و شايف انى لما اقاطع اللص المستحل للحرام اللى اكل مالى ... يبقى اكيد انا مش بعمل حاجة غلط

كمان نقطة : اخاف انى آثم لعدم طلب حقى بالنار مثلا

ياباشمهندس ياسر

يقول سبحانه وتعالى :

يَا أَيُّهَا الَّذِينَ آمَنُوا كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالْأُنْثَى بِالْأُنْثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ذَلِكَ تَخْفِيفٌ مِنْ رَبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ

ويقول رسول الله صلى الله عليه وسلم:

" رحم الله امرئ سمحا اذا باع واذا اشترى واذا اقتضى "

طالب بحقك ولكن تذرع بالصبر واتبع الحسنى وابق على شعرة معاوية.

[الباشمهندس ياسر]

يا استاذ محمد

انا عمرى ما اقبل ان ابص ف وش واحد واكلنى و مش مانعنى عنه الا الدم اللى بيربطنا ببعض

ده يحمد ربنا اصلا انها مكبرتش ف دماغى و مضربتوش بالنار

انما شعرة معاوية ... طب دول يعرفوا معاوية منين

دى ناس غلبت الخوارج يا استاذنا

عموما

افتكر انى سمعت حديث فى خطبة جمعه

من حرم وارثا من ارثه حرم الله عليه الجنة

و حديث اخر

من منع وارثا من ارثه فليمت ان شاء نصرانيا او ان شاء يهوديا

و برده شكرا ع اهتمامك و صبرك الغريب

[ذهبية]

و الله لو الخلاف بسيط بين الكبار فى الحالة دى انا مش هادخل بحكم انى ضغيرة و ما يصح ان ادخل بين الكبار لكن مش هاكون سلبية

على الاقل هاجيب حد كبير يدخل بينهم لة مكانة خاصة عند الاتنين و اجمعهم فى بيتى و ياحبذا لو كان الشخص دة رجل دين او امام مسجد يكلمهم من الناحية الدينية و ان اللى بيعملوة دة غلط

و ان لو جاء الموت فجاة لانى حد فيهم الطرف التانى هيندم اشد الندم بس بعد ما يكون فات الاوان و ساعاتها عمرة ما هيسامح نفسة ابداااا

ام لو فيها بقى اكل حقوق وورث و الموضوع كبير لااعتقد انى هارضى ان حد ياخد حقى واتفرج علية

ولا اعتقد ايضا انى يجى ليا نفس انى ابص فى وشة وانا فى قلبى باكرهة لانة واخد حقى فى الحالة دى هاكون منافقة ودة مش انا

اللى هاعملة انى احاول اجيب حقى باى شكل كان سواء بالاسلوب السلمى او عن طريق المحاكم

لما اوصل لحقى يمكن بعدها يكون فية كلام عن الصلح غير كدة لا

[Amr Radwan]

اولا .. لو الخلاف بسيط الافضل ان تبقي بعيدا كل البعد .. لان قربك ممكن يزود المشكلة مش يحلها ..

ثانيا .. لو الموضوع كبير و لو عندك ملكة الاصلاح بين المتخاصمين توكل علي الله و حلل الموضوع و اعرف المشكلة الاساسية فين و عالجها لان في كثير من الاحيان بتكون اساس المشاكل خفي و غير ظاهر حتي للمتخاصمين نفسهم .. و لما تحط ايدك علي هذه الاسباب .. عالجها و بعد كده الامور هتكون علي ما يرام

لا باس من بعض ال "حركات" يعني تنتهز وجود مناسبة و تروح لهم بهدية زي نجاح .. او زواج او غيره ..

تكلم مثلا والدك باللطف و اللين بس لازم تحسسه انك في طرفه و انه معاه الحق بس هو مثلا الكبير و هو اللي لازم يلم شمل الاسرة .. و كده يعني ..

و بعدين الموضوع لا يصل ابدا للدم يا بشمهندس ياسر هههههههههههه دي صلة رحم ..