استفسار خاص بتاشيرة السائق الخاص

[se_ Elsyed]

الاخ الكريم ..

إذا لم تستمع إلى نصيحة من هم أكير منك خبرة وسناً .. فذنبك على جنبك

بغض النظر عن مهنة التأشيرة حتى لو كانت " كبير المحاسبين " الـ 1300 ملطوش هي راتب الفراش أو عامل النظافة الأن في كثير من الشركات ...

والله العظيم يا اخواننا ... نبحث هذه الأيام عن عامل نظافة ... وجه ولد بنجلاديشي من أسبوع وعرضت عليه 1200 ريال أول 3 شهور كفترة أختبار والسكن علينا وأجازة سنوية 21 يوم وتأمين طبي والسكن علينا وناقص أقوم أحميه كمان ... الواد بص لي شزراً وكان ناقص يضربني وراح سايبني وماشي ...

لإن الناس عارف الحالة المعيشية والغلاء اللي هنا

إقبل بقى سواق خاص .. محاسب خاص .. إنت حر إن شالله تيجي تشتغل بأكلك ..

[doha]

معليش هرجع ارد عليك تاني واخلص ضميري من ربنا ..

طبعا انت شكلك خلاص ناوي تطلع ناوي بس عاوز حد يغمي لك عينك ويقولك اطلع على بركه الله عشان تقول المسؤولية مسؤولية الي قالي اطلع مش انا الي تهورت ..

المشكلة انك لو اخذت بكلام الي بيقولك متطلعش هتفضل العمر كله تلعن فينا وتقول منهم لله ضيعوني وضيعوا علي فرصة عمري .

اقولك يابني اطلع على بركه الله عشان تشوف بعينك ويبقى شوفة عينك محدش قالك ..

اطلع وهتطلع روحك هناك وهتنهان وهتنذل وهتقضيها جوع لغايه ماتعدي عليك السنتين تلاته الي طلعت بيهم وهترجع ايد ورا وايد قدام وتقول اهو اتعلمت حاجه في حياتي برضه تعيني ..

هقولهالك مرة تانيه بشكل اوضح ..

لو انت اصلا لك شغله تانيه غير المحاسبة مثلا بتعرف سباكه ولا نقاشه ولا اي مهنة وشاطر فيها هقولك اطلع يمكن بعد الدوام تطلع تلقط رزقك بس لو دوامك فترتين يبقى حتى الحكايه دي مش نافعه .. وبالمناسبة انا فاكره زمان من عشرين سنه كده كان عندنا شغاله حبشية كانت بتاخذ 1500 ريال راتب واكلها وسكنها علينا طبعا .. عاوز تعمل في نفسك كده وتطلع على راتب شغاله اطلع مش عيب بس معرفش هتدبر نفسك بيه ازاي ..

بالنسبة لان صاحب الشركه واصل وهيتصرف انا بقولك من دلوقت مفيش حاجه اسمها واصل ويخلص اوراق لسائق .. الواصل ده يخلص اوراق لواحد صاحبه مش للي بيشتغل عنده وزي ماقالوا لك الاخوه هنا لو واصل كان جاب لك تاشيرة محاسب من الاول .. اما بالنسبة لحكايه انه هيزود لك الراتب فايه يجبره ؟ يعني لو ناوي مايتفق معاك من دلوقت على راتب كويس .. اذا مش قادر تضغط عليه من دلوقت عشان يغير راتبك هتضغط عليه قدام ازاي؟؟ هتهدده انك ترجع؟ هيقولك بالسلامه وهو عارف انك متقدرش تتحرك خطوة وحده بعد ماخسرت تكاليف سفرك .. قلتها لك قبل كده هيعلقك في الطاحونة لغايه ماتجيب ديونك ويرجعك ويجيب غيرك يتعلق مكانك وهلم جرا ..

ان كنت مصر على السفر فاوضه من دلوقت قوله الفين وخمسمية ريال واطلع على تاشيرة سائق مفيش مشكلة .. من هنا لهنا يمكن يخليها لك الفين وميتين مثلا معقوله الى حد ما بس خليه يضمن لك السكن برضه .. واعمل حسابك من دلوقت لو هيديلك سكن هيسكنك مع هنود وماادراك مالهنود ..

وبرضه بقولها لك تاني .. انا بريئة من ذنبك وبقولك استخير ومهما اخذت من اراء ناس فلو قعدت ان قاعد برغبتك ولو سافرت برضه برغبتك محدش هيشيل مسؤولية قرارك غيرك فمتتعبش كتير في التفكير ان سافرت واتبهدلت فانت بتبهدل نفسك مش حد تاني وان قعدت فانت بتقعد نفسك برضه مش حد تاني .. استخير احسن لك وان شاء الله هيعمل لك الي فيه الخير ..

[خالد شحاته]

اريحك من الهم ده كله ومش تتعب نفسك الراجل ده مش عارف يطلع تاشيره محاسب صح

عايز تاشيره محاسب وهو يدفع تمنها وبعدين تنقل عليه قول له وشوف هو عايز ايه ولا هو عايزك بتاشيره سائق خاص وبعد يتحكم فيك

لان معرف راتب السائق مش معقوله هتروح تقول هو جايبني سائق وشغال محاسب مكتب العمل مش هيخد بكلمك

[ozoozo]

انا والله مش عايز اكون مستفز بس بجد لو انت محاسب شاطر في مصر سهل اوي انك تلاقي شغل ب 700 ل 1000 جنيه وال الف جنيه مابقتش معجزه في مصر دلوقتي وهاتلاقيها البدايه في مجالات وشركات كتير دلوقت

تم تعديل 6 أبريل 2009 بواسطة ozoozo

[غريب الخبر]

الاخ محمود . لقد اجاب على استفسارك مجموعة من اكثر الاعضاء خبرة ودراية بالامور وقلما تجتمع هذه النخبة النادرة فى مثل هذه المواضيع المحسومة مسبقا .

يارات تبعتلى اسم المكتب اللى هيسفرك على الخاص علشان بس ابقى اضيفه لمافيا مكاتب السفريات اللى عندى.

دمت بخير

[خالد شحاته]

يارات تبعتلى اسم المكتب اللى هيسفرك على الخاص علشان بس ابقى اضيفه لمافيا مكاتب السفريات اللى عندى.

كبيره اوي كلمه مافيا دي هو احنا فين ياعم

وزاي مافيه ناس وحشه اكيد فيه ناس كويسه وعلي فكره وللاسف انا معرفش ليه احنا المصرين مش بنحب الخير لبعض لو واحد نصاب عليك ليه بتعم الكلام للناس كلها

[غريب الخبر]

يارات تبعتلى اسم المكتب اللى هيسفرك على الخاص علشان بس ابقى اضيفه لمافيا مكاتب السفريات اللى عندى.

كبيره اوي كلمه مافيا دي هو احنا فين ياعم

وزاي مافيه ناس وحشه اكيد فيه ناس كويسه وعلي فكره وللاسف انا معرفش ليه احنا المصرين مش بنحب الخير لبعض لو واحد نصاب عليك ليه بتعم الكلام للناس كلها

لمؤاكذة يا عم خالد . مكنتش اعرف ان المكتب تابعك . بس يا باشا انت عارف ان فيه مكاتب نصابة كتير كل اللى عايزاه تاخد العمولة ومش مهم مين الكفيل ولا فين الشغل .وبارضو المكاتب المحترمة كتير انا عن نفسى سافرت عن طريقها ولاقيت هناك زى ما وعدوا بالضبط . يعنى بس بقوله ياخد باله ولو المكتب له سوابق لازم نحذره منه .

وبعيدا عن هذا الموضوع . يارات توضح ليه تقصد ايه بحتة (للاسف انا معرفش ليه احنا المصرين مش بنحب الخير لبعض) . ايه علاقتها بالموضع من اصله؟

يارات التوضيح يا استاذ خالد لو سمحت

[زعلان]

ما بنحبش الخير لبعض كاننا بناخد 900 ريال مرتب و المهنة مزارع و مبسوطين و بنضحك على الراجل ومش عايزينه يتمتع بالنعيم الي احنا فيه

يعني احنا غلطنا اننا بننصح الراجل بدل ما يعض صوابع ايديه ورجليه و الي يقبلوه ندما على خطأ كبير هو مصر انه يعمله واحد عايز ينتحر ما ننصحوش حتى

[خالد شحاته]

يارات تبعتلى اسم المكتب اللى هيسفرك على الخاص علشان بس ابقى اضيفه لمافيا مكاتب السفريات اللى عندى.

كبيره اوي كلمه مافيا دي هو احنا فين ياعم

وزاي مافيه ناس وحشه اكيد فيه ناس كويسه وعلي فكره وللاسف انا معرفش ليه احنا المصرين مش بنحب الخير لبعض لو واحد نصاب عليك ليه بتعم الكلام للناس كلها

لمؤاكذة يا عم خالد . مكنتش اعرف ان المكتب تابعك . بس يا باشا انت عارف ان فيه مكاتب نصابة كتير كل اللى عايزاه تاخد العمولة ومش مهم مين الكفيل ولا فين الشغل .وبارضو المكاتب المحترمة كتير انا عن نفسى سافرت عن طريقها ولاقيت هناك زى ما وعدوا بالضبط . يعنى بس بقوله ياخد باله ولو المكتب له سوابق لازم نحذره منه .

وبعيدا عن هذا الموضوع . يارات توضح ليه تقصد ايه بحتة (للاسف انا معرفش ليه احنا المصرين مش بنحب الخير لبعض) . ايه علاقتها بالموضع من اصله؟

يارات التوضيح يا استاذ خالد لو سمحت

اخي الفاضل

لان كل المشاكل الا بتحصل مع الكفيل 90% بيكون سببها مصري وزميل ليا او صديق وعلي فكره المكتب مش تابعي ولا حاجه انا صحيح عندي شركه بس الحمد لله من يوم مافتحت شركتي لليوم عمر ماجه مني حتي لفت نظر ولا مجرد استجواب لبعض الامور علشان كدا انا بكون حريص مليون في المائه في معامله الناس اتما انت بتقول مافيا يعني زاي مايكون احنا عصابه معاك في مكاتب كتيره مجرد الشخص يطالع بيقول انا مش مسئول عنه انما انا والحمد لله اي انسان بيسافر ويكون عن طريق مكتب ويكون متعاقد من طرفي وانت عارف فيه ناس كتير بتنفذ بس انا مليش اي دخل في التنفيذ مجراد انك جايب وكاله عليا بس مش اكتر من كدا انا الحمد لله هنا من قبل ازمه الخليج عمر ماحد اشتكي من شركتي لان بتفق مع السعودي علي جميع الاوضاع الا ممكن تكون متيسره للشخص الا جاي مش اكتر وانا لو عايو اكسب زاي ما انت بتقول عموله وبس كنت من غير شركه ابيع اكتر من تاشيره وفيها مكسب احسن ما يكون عندي شركه وفي نفس الوقت مش بكون مسئول مسئوليه كامله انما الان صاحب شركه انت مسئوليه مسئوليه كامله اما وزاره القوه العامله في اي شخص تعرض للبهدله بس اقوله للاسف في ناس كتير تقول انا بسافر وبس ومن غير عقد ولا ضامن اي شي لك اتمني تكون فهمت وجهي نظري

[زعلان]

طيب انت يا خالد كصحاب شركة توظيف شايف ان العرض ده لقطة وما يتسابش

[غريب الخبر]

شكرا زميلى الفاضل على التوضيح . واتمنى ان تعرف نحن المصريين اننا لا ننتظر المقابل او حتى كلمة شكر كى نقدم نصيحة او معلومة لاحد حتى ولو لم يكن مصريا . فاننا نتعامل بمبدا (اعمل خير وارميه فى البحر ) .

واعتقد ان حضرتك تملك من الخبرة والمعرفة بهذم الامور ما يؤهلك لمساعدة صاحب هذا الموضوع . ولكنه اذا اصر على رايه فما علينا الا البلاغ .

تمنياتى لك بالتوفيق

[خالد شحاته]

طيب انت يا خالد كصحاب شركة توظيف شايف ان العرض ده لقطة وما يتسابش

للاسف العرض ده مش ينفع لعامل بوفيه في مقصف علي فكره في عمال في بعض الشركات بيخد راتب 1800 وبلاش ذكر اسماء بعض الشركات وبنجلادش وكمان ايه دوام واحد بعد كدا الكل عارف البنجلادشي بيشتغل كمان ايه بعد دوامه

وانا كمان والله اني دخلت المنتدي واقول بكل الا يمله عليا ضمير ي في معلومه للجميع الاخوه وانا مسئول امام الله في اي كلام اقوله

تم تعديل 6 أبريل 2009 بواسطة خالد شحاته

[محمودحسين]

والله اشكركم كتير واناكمان واثق فيكم بس كنت بقول زيادة تاكيد وكمان فى البيت برده بيقولو زيكم وعلى فكرة المكتب اسمه الريادة فى جسر السويس وانا لما يتصلوا بيا هفاوضهم واكيد مش هيوافقوا وهبقا ريحت دماغى منهم بس عايز اقلكم بجد الحال هنا فى مصر صعب وكمان بالذات فى الصعيد وان شاء الله هدور على فرصة تانى وبقول للاخ خالد يا عم لو عندك فرصة كويسة ليا انا تحت امرك او اى حد منك وربنا يكرمكم جميعا يا رب

[waleedrado]

نفس المشكله

وضعي اني جيت السعودية بفيزا سائق خاص بعقد محاسب براتب 2600 ريال والعقد موثق بالخارجيه المصريه والقوي العامله والقنصليه السعوديه ولما جيت الكفيل نزل الراتب ل 1600 ريال

فأنا وضعي ايه اكمل لحد ما الاقي فيزا جديده ولا يعتبر ليا حقوق في مكتب العمل

[عندى أمل]

وضعي اني جيت السعودية بفيزا سائق خاص بعقد محاسب براتب 2600 ريال والعقد موثق بالخارجيه المصريه والقوي العامله والقنصليه السعوديه ولما جيت الكفيل نزل الراتب ل 1600 ريال

فأنا وضعي ايه اكمل لحد ما الاقي فيزا جديده ولا يعتبر ليا حقوق في مكتب العمل

يا أخ وليد إزاى الفيزا بتاعتك المهنة فيها "سائق خاص " و إزاى الكفيل بعت لك عقد المهنة فيه "محاسب"؟؟؟

طالما الفيزا موجود فيها المهنة "سائق خاص" يبقى العقد "القانونى" و الصحيح تكون المهنة فيه " سائق خاص " و طبعا عقد السائق الخاص هيكون مكتوب فيه مرتب يساوى مرتب السائق الخاص مش المحاسب.

يا ريت تقول تفاصيل أكتر .

أنت فين فى السعودية؟؟؟

[حسين امبابي]

بسم الله الرحمن الرحيم

اخواني واخواتي .... السلام عليكم ورحمة الله وبركاته

هذي اول مشاركة لي في هذا المنتدي الذي المس فيه الصدق

وكأنني اسمع النصيحة من صديق يحب لك الخير

وقبل ان اكتب هذ المشاركة اود تحية الاخ الكريم / سي السيد علي ما يقدمه من نصح وارشاد للراغبين في السفر والمقيمين علي حد سواء

كما ابدي اعجابي بالاخت / ضحي والمس فيها العفوية من مطلق ((الصراحة راحة )) بالبلدي المصري

وتحية لكل عضو وعضوة هنا قدم ويقدم خدماته بالقول او الفعل قدر استطاعته لاخوانه المصريين بني جلدته

.........................................................

بالبلدي بأ يا جماعة انا وظيفتي محامي وجاتلي فيزا ((مستشار قانوني ))

لكن الراتب (( 2000 )) ريال +نسبة من 1:10 %

اعلم انه راتب ضئيل والنسبة حسب التساهيل وكمية الشغل

انا يا اخواني عاوز رأيكم بكل صراحة

مع العلم انني ما دفعتش لشركة او خلافه وكلامي مع السعودي المحامي مباشرة

................................... الفزعة يا مصرييين

[خالد شحاته]

بسم الله الرحمن الرحيم

اخواني واخواتي .... السلام عليكم ورحمة الله وبركاته

هذي اول مشاركة لي في هذا المنتدي الذي المس فيه الصدق

وكأنني اسمع النصيحة من صديق يحب لك الخير

وقبل ان اكتب هذ المشاركة اود تحية الاخ الكريم / سي السيد علي ما يقدمه من نصح وارشاد للراغبين في السفر والمقيمين علي حد سواء

كما ابدي اعجابي بالاخت / ضحي والمس فيها العفوية من مطلق ((الصراحة راحة )) بالبلدي المصري

وتحية لكل عضو وعضوة هنا قدم ويقدم خدماته بالقول او الفعل قدر استطاعته لاخوانه المصريين بني جلدته

.........................................................

بالبلدي بأ يا جماعة انا وظيفتي محامي وجاتلي فيزا ((مستشار قانوني ))

لكن الراتب (( 2000 )) ريال +نسبة من 1:10 %

اعلم انه راتب ضئيل والنسبة حسب التساهيل وكمية الشغل

انا يا اخواني عاوز رأيكم بكل صراحة

مع العلم انني ما دفعتش لشركة او خلافه وكلامي مع السعودي المحامي مباشرة

................................... الفزعة يا مصرييين

الاخ الفاضل اهلا بيك بين اخوانك واخواتك في المنتدي

بس احب اوضح شي بسيط 2000 ريال بدون سكن ولا تامين ولا شامل كل شي وهتكون فين في المملكه وياتري النسبه الا اتكلمت عليه هل المكتب معروف ولا لسه مبتداء ومفيش دخل فيه للازم تعرف كل شي لو المكتب مشهور له وضع كويس في القضايا هتكون مبسوط انما لسه جديد صعب

[حسين امبابي]

بسم الله الرحمن الرحيم

الأخ المكرم / الاستاذ : خـالـد شـحـاتـة

يشرفني ردك علي تساؤلي اخي الكريم واشكرك علي طيبة اخلاقك وحسن جوابك

بالنسبة لما سألت عنه اوضح لسيادتك الأتي :

السكن علي المكتب طبعا

المكتب قائم في الرياض من 10 سنوات (الفرع الرئيسي)

وله فرع في جدة قائم من خمس سنوات

بالنسبة لحجم الشغل معقول واقدر ان شاء الله بعلاقاتي ازود حجم العمل لزيادة نسبتي لأنني ولله الحمد اتمتع بعلاقات مع سعوديين كأصدقاء ولكنهم برغم صداقتهم لي لم يستطيعوا توفير فيزا مستشار قانوني التي كنت احلم بها حيث انها مهنتي وذو خبرة ولله الفضل والمنة

وللعلم اخي الكريم انا اعلم ان تلك الفيزا لن تري النور بعد الان والدليل انني عندما اطلعت علي اصلها وجدتها صادرة في 24/10/1428 هجري اي اصدرت منذ مدة كانت تلك الفيز متاحة

وللعلم ايضا هي سارية لانه لم يمر عليها سنتين طبقا للقوانين السعودية

اشكرك مرة ثانية اخي الكريم

وبأنتظار اخواني واخواتي بمعلومة جديدة لأنني ان شاء الله تعالي من المنتظر القدوم للرياض اواخر الشهر الحالي حيث انني وبفضل اله تعالي انهيت كل معاملاتي بمصر من اجراءات

وفقكم الله وسدد خطاكم اخواني واخواتي اعضاء المنتدي

[الباشمهندس ياسر]

بالبلدي بأ يا جماعة انا وظيفتي محامي وجاتلي فيزا ((مستشار قانوني ))

لكن الراتب (( 2000 )) ريال +نسبة من 1:10 %

اعلم انه راتب ضئيل والنسبة حسب التساهيل وكمية الشغل

انا يا اخواني عاوز رأيكم بكل صراحة

مع العلم انني ما دفعتش لشركة او خلافه وكلامي مع السعودي المحامي مباشرة

................................... الفزعة يا مصرييين

متطلعش

[waleedrado]

نفس المشكله

وضعي اني جيت السعودية بفيزا سائق خاص بعقد محاسب براتب 2600 ريال والعقد موثق بالخارجيه المصريه والقوي العامله والقنصليه السعوديه ولما جيت الكفيل نزل الراتب ل 1600 ريال

فأنا وضعي ايه اكمل لحد ما الاقي فيزا جديده ولا يعتبر ليا حقوق في مكتب العمل

بصراحه الكفيل كان عامل توكيل للمكتب اللي انا طالع منه و المكتب كان شاكك ان السعودي مش مظبوط فعشان كده المكتب كتب العقد بنفس اتفاقي مع السعودي علي فكره انا اتكلمت مع السعودي وهو سافر علي طول والمكتب هوا اللي خلص باقي الاجراءات