استفسار خاص بتاشيرة السائق الخاص

[waleedrado]

وضعي اني جيت السعودية بفيزا سائق خاص بعقد محاسب براتب 2600 ريال والعقد موثق بالخارجيه المصريه والقوي العامله والقنصليه السعوديه ولما جيت الكفيل نزل الراتب ل 1600 ريال

فأنا وضعي ايه اكمل لحد ما الاقي فيزا جديده ولا يعتبر ليا حقوق في مكتب العمل

يا أخ وليد إزاى الفيزا بتاعتك المهنة فيها "سائق خاص " و إزاى الكفيل بعت لك عقد المهنة فيه "محاسب"؟؟؟

طالما الفيزا موجود فيها المهنة "سائق خاص" يبقى العقد "القانونى" و الصحيح تكون المهنة فيه " سائق خاص " و طبعا عقد السائق الخاص هيكون مكتوب فيه مرتب يساوى مرتب السائق الخاص مش المحاسب.

يا ريت تقول تفاصيل أكتر .

أنت فين فى السعودية؟؟؟

عزيزي / عندي أمل

بصراحه الكفيل كان عامل توكيل للمكتب اللي انا طالع منه و المكتب كان شاكك ان السعودي مش مظبوط فعشان كده المكتب كتب العقد بنفس اتفاقي مع السعودي علي فكره انا اتكلمت مع السعودي وهو سافر علي طول والمكتب هوا اللي خلص باقي الاجراءات

بالاضافه لكدا الشغل من الساعه 8 صباحا حتي 1 ظهرا وبعدين من 3 عصرا حتي 10 مساءا ومفيش علي لسان الكفيل غير انه قادر يجيب عشرين محاسب مصري في ظرف اسبوعين و الترحلات موجوده في اي وقت لاي حد مش عاجبه الوضع

انا شغال في معرض سيارات بارض المعارض بالنسيم

[عندى أمل]

أنا متوقع يا أخ وليد إن زى ما المهنة فى الفيزا بتاعتك سائق خاص يبقى أكيد العقد بتاعك المهنة فيه بردوه سائق خاص لان ما ينفعش المهنة فى العقد تختلف عن الفيزا و بالتالى أنت أمام القانون "سائق خاص"

لكن أنت بتقول إن فيه عقد المرتب مكتوب فيه 2600 ريال ده بقى عقد تانى مكتوب المهنة فيه "محاسب" و لا إيه؟؟؟

يا ترى إيه الحجة اللى اتحجج بيها الكفيل بتاعك عشان يقلل مرتبك؟؟؟

[محمودحسين]

السلام عليكم ورحمةالله وبركاته

اولا انا جيت اضيف جديد لقيت انى ممنوع اضيف موضوع جديد ممكن علشان مدخلتش بقيلى فترة بس انا دلوقتى عايز المشرف يكلمنا عن لو الكفيل غير الى كان وعوده او الى كان كاتبها فى عقد العمل يعنى عمل زى ما عمل مع وليد ساعتها يبقا ايه العمل هل يقدر ياخد حقه ياريت تكلمنا عن عقد العمل وتفهمنا عنه كل حاجة وشكرا