ضرب الأطفال وأثره على الأسرة

[سليمان بك]

كثير من الأمهات والأباء يلجأن للضرب البدني كوسيلة توجيه للطفل عند الخطأ وكذلك كوسيلة عقاب له

بعض الامهات تفرط في استخدام الضرب وبعضهن يستخدمنه باعتدال

الظاهرة الملحوظة حالبا أن كثيرا من الأباء لا يستخدم الضرب اطلاقا، بل يترك الأم هي التي تضرب أطفالها، بل ويقوم بمصالحتهم بعد الضرب

وبذلفك تنشأ الأسرة وفقا للمعادلة التالية لمعادلة الأم القاسية والأب الحنون

ويكون الأبناء وخاصة البنات أكثر تعلقا بالأب في الوقت الذي لا يرى أحد فيه مدى تضحية الأم من أجل البيت والأسرة

فما رايكم وتجاربكم تجاه هذه الظاهرة التي أصبحت تناقض تماما الصورة التقليدية القديمة للأسرة التي يرتعب فيها الأبناء من مجرد صوت الأب بينما تكون الأم هي صدرهم الحنون

[هشام عبد الوهاب]

بعض الامهات تفرط في استخدام الضرب وبعضهن يستخدمنه باعتدال

ضرب الاطفال كارثة كبرى سواء كان من الام او الاب ...... انا مش فاهم يعنى ايه بعضهن يستخدمنه بأعتدال ، هو الضرب فيه اعتدال يا سليمان بك ده كلام ...... يعنى لو قلمين وبس يبقى اعتدال!!!!!1

بل يترك الأم هي التي تضرب أطفالها، بل ويقوم بمصالحتهم بعد الضرب

هل تقصد ان الاب يتفق مع الام على ضرب اطفاله ثم يقوم بأداء دور الحنون !!!! تلك ايضا مصيبة واظنه نوع من الشذوذ العقلى .

يا سيدى الفاضل حضرتك وكل الامهات والاباء

ضرب الاطفال فى اى مكان محترم جريمة ، نعم جريمة يعاقب عليها القانون هذا اولا .

اما ضرب معتدل وضرب متوسط وآخر قوى فهذا كلام فارغ و خطأ فى التربية ومرفوض بكل انواعه .

===================================================================

ان كانت الام -بطبيعة الحال كونها تقضى اوقات اطول مع اطفاله - لا تستطيع تقويم وتربية الاطفال دون استعمال العنف هى وبلا شك تحتاج الى طبيب نفسى كما ان التهديد بأخبار الاطفال ( والله اقول لبابا لما يجيى يضربكم ) هو ايضا خطأ ،

طرق العقاب كثيرة جدا وانصح كل ام تستعمل الضرب بالتوقف فورا عن ذلك الاسلوب الخاطئ وتحاول ان تستعمل اساليب اخرى ولتصبر قليلا وسترى النتيجة بعد ذلك ، وهذه بعض الطرق التى يمكن تطويرها ايضا :

امنعى اللعب

امنعى الفسح

الكومبيوتر ، زيارة الاصدقاء، زيارة الأهل ، المصروف ، الحلويات ، كل مايحب .

امنحى طفلك اعمال اضافيه فى المنزل كنوع من العقاب

-----------------------

اما الاب اللى بيضرب فارجوك توجه فورا لأقرب مستشفى للصحة النفسية

[honest reader]

أتفق تماما مع الرأى القائل برفض الضرب كوسيلة تربوية هذا كتوجه عام

و لكن ال لسوعة الخفيفة بأطراف الأصابع على سمانة الرجل لا تعتبر ضربا أهم شئ أن الطفل يعرف لماذا يتم عقابه و أن هذا العقاب نوع من التذكير ليس إلا و ألا يصاحب العقاب النرفزة و إرتفاع الصوت لأن الطفل يمكن أن ينهار نفسيا نتيجة الشخط و إرتفاع الصوت.

المهم أن تكون هناك سياسة واحدة للأب و الأم و ألا تتم ال "محايلة" بعد العقاب.

معى لم تنجح أى طريقة حرمان كوسيلة عقاب لأن أبنائى بشكل أو آخر كان يمكنهم الإستغناء عن أى شئ فكنت أأمر الطفل أن يحبس نفسه فى حجرته لمدة دقائق (الطفل لا يعرف الزمن) و كنت أدخل عليه بعد خمس دقائق أجده يقوم بعقاب دمية الأرنوب التى يلعب بها و أسأله .. خلاص إنت عارف زعلت ماما أو بابا ليه

و تنتهى القصة

[الباشمهندس ياسر]

ولا أعلم أن النبي صلى الله عليه وسلم ضرب أحداً لا طفلاً ولا امرأة فإنه كان رحيماً رفيقاً

هذا النص ذكره احد اهل العلم

و اظنه يتوافق مع حديثكم ف عدم ضرب الاطفال و لكن

هل نستطيع فعلا ان نستغنى عن ضرب الاطفال ... سؤال يطرح نفسه

و لعل لى عوده

[MZohairy]

حذرونا كتير هنا من ضرب الاطفال

و فهمونا ان فيه حالات كتير الدوله لما بتتأكد من ان الاب او الام بتضرب ولادها.....بييجوا ياخدوا الولد المضروب فورا و بلا رجعه

و بيودوه عند اسره أخرى تحسن تربيته و تعامله كبني آدم (ممكن تكون اسره يهوديه او عديمة الدين)

يعني هم شبه بيتجسسوا عليك و مستنيين يتأكدوا من ضربك لعيالك عشان ياخدوهم منك

انا بحتقر الاهل اللي بيضربوا ولادهم بصراحه

و بحتقر اي حد بيضرب حد اضعف منه عموما

[emano]

فعلا موضوع ضرب الاطفال ده حاجه عايزه تعود

وعايزه صبر جامد قوى

خصوصا لما يكون فى طفل مولود جديد فى البيت بتلاقى كل اخواته غيرانين

بشكل مزعج وكلهم بتعمدوا يعملوا حجات غلط علشان لفت الانتباه

وطبعا اصغر واحد بيستنى اى فرصه وينقض على البابى ويعضوا يضربه اى حاجه

انتقاما علشان هو اخد كل الحنان

فسعات الواحد مبيمسكش نفسه وبيضربه

بس المشكله ان الواحد لمل بيعمل زى ما لالخ عبد الوهاب بيقول

بيقعد الطفل يزن بالساعه والله

انا بحس ان البنش انه يقف اويقعد فى مكان معين فى البيت من غير ما يتحرك منه

عدد دقائق على قد عمره يعنى 4دقائق لطفل عنده 4 سنوات

ده حاجه اتعلمتها من سوبر نانى وفعلا بتجيب نتائج جميله

وربنا يعنا

ولازم ناخذ فى بالنا حديث الرسول العلم بالتعلم والحلم بالتحلم

يعنى مفيش حاجه اسمها الواحد عصبى

[elfakhrany]

التربية السليمة مش بالضرب وموجود على النت دروس مفيدة جدا للتربية السليمة للشيخ محمد إسماعيل سلسلة "محو الأُمية التربوية" أنصح كل الأباء والأمهات بالإستماع إليها

التحميل من هنــــا ولا تنسونا بصالح دعائكم

تم تعديل 9 يونيو 2009 بواسطة elfakhrany

[hanzalah]

الفاضل الفخراني

لن ننساك من صالح الدعاء .. ونسألك ألا تحرمنا من دعاك

لعلك تقصد هذا الرابط لدروس الشيخ محمد اسماعيل المقدم

http://www.islamway.com/?iw_s=Scholar&...;series_id=2132

يبدو أن هناك عطب في رابط مداخلتك

ونشكرك على الهدية

جزاك الله خيرا على حبك ان تشارك الناس من الخير الذي تعلم

[Dr Ayman]

السلام عليكم و رحمة الله،

الطفل الي بينضرب بيضرب، الي بيتعالم بقسوة بيرد بقسوة مع الاهل او مع الي يقدر عليه زي اخوه الصغير.

لما نقول للطفل ماتضربش اخوك و نضربه على ايده عشان ضرب فكده احنا بنأتي ما ننهي عنه و طبعا الطفل مش غبي و بمرور الايام هايقول ماهو انت يا بابا بتضربني يبقى ده شيء مباح اني انا كمان اضرب.

و نقطة اخرى قالها فرويد ان الولد بيكون منجذب للام و البنت تنجذب للاب أهـ، ده طبيعي، فلما الاب يضرب الولد الي هو اساسا منجذب لامه و بيفضلها هايكره ابوه و يتأكد عنده بعده عنه و انجذابه لامه.

الضرب اخر طرق العقاب مش باقول مفيش ضرب لكن الضرب يكون بعد تلات اساليب الاول علينا اتباعها:

1- positive reinforcement أو التعزيز الإيجابي و الي يعني انك تقوله مثلا لما تعمل تواليت في البوتي هاتاخد بوسة كبيرة او هاتاخد حاجة حلوة بس ياريت يكون دايما المكافأة معنوية عشان مايطلعش مادي

2- negative reinforcement او التعزيز السلبيي يعني لو عضيت اخوك هاتعاقب في الاوضة او تقعد على النوتي تشير او الكرسي بتاع الولاد الوحشة

3- extinction يعني لو ضربت اخوك تاني مش هاتخرج مع بابي او مش هاتتفسح ( يعني شيلت منه الامتياز الي كان ممكن ياخده) او مثلا لو عملت كده تاني هاقفل التليفزيون

4- الضرب زي ماقلنا بس طبعا مايكونش ضرب بيوجع يعني ماتنساش نفسك و انت بتضرب، ضربتين على الايد كده كفاية و برده انا مش بشجع خاااااااالص الضرب.

حفظ الله اولادنا و اولاد المسلمين و جعلهم حق الرجال و حق النساء.

د. أم حمزة (تخصصي الدقيق الطب النفسي و العصبي للأطفال)

[bent misr]

يا جماعه شكرا لكم على الكلام المفيد

وانتم فتحتم موضوع في غايه الاهميه و يمكن

مافيش بيت في مصر لا يخلو من ضرب الاطفال

وفعلا بنكون احنا نفسنا قدوه سيئه جدا ليهم

ولما يقلدونا نعاقبهم و بالتالي ينشأ الازدواج في الشخصيه

للأسف نحن نفتقد صقافة التعامل مع الطفل

ياريت نتابع هذا الموضوع مع بعض و نذكر

أحسن الطرق الاجابيه للتعامل مع الطفل

[pink rose]

السلام عليكم و رحمة الله،

الطفل الي بينضرب بيضرب، الي بيتعالم بقسوة بيرد بقسوة مع الاهل او مع الي يقدر عليه زي اخوه الصغير.

لما نقول للطفل ماتضربش اخوك و نضربه على ايده عشان ضرب فكده احنا بنأتي ما ننهي عنه و طبعا الطفل مش غبي و بمرور الايام هايقول ماهو انت يا بابا بتضربني يبقى ده شيء مباح اني انا كمان اضرب.

و نقطة اخرى قالها فرويد ان الولد بيكون منجذب للام و البنت تنجذب للاب أهـ، ده طبيعي، فلما الاب يضرب الولد الي هو اساسا منجذب لامه و بيفضلها هايكره ابوه و يتأكد عنده بعده عنه و انجذابه لامه.

الضرب اخر طرق العقاب مش باقول مفيش ضرب لكن الضرب يكون بعد تلات اساليب الاول علينا اتباعها:

1- positive reinforcement أو التعزيز الإيجابي و الي يعني انك تقوله مثلا لما تعمل تواليت في البوتي هاتاخد بوسة كبيرة او هاتاخد حاجة حلوة بس ياريت يكون دايما المكافأة معنوية عشان مايطلعش مادي

2- negative reinforcement او التعزيز السلبيي يعني لو عضيت اخوك هاتعاقب في الاوضة او تقعد على النوتي تشير او الكرسي بتاع الولاد الوحشة

3- extinction يعني لو ضربت اخوك تاني مش هاتخرج مع بابي او مش هاتتفسح ( يعني شيلت منه الامتياز الي كان ممكن ياخده) او مثلا لو عملت كده تاني هاقفل التليفزيون

4- الضرب زي ماقلنا بس طبعا مايكونش ضرب بيوجع يعني ماتنساش نفسك و انت بتضرب، ضربتين على الايد كده كفاية و برده انا مش بشجع خاااااااالص الضرب.

حفظ الله اولادنا و اولاد المسلمين و جعلهم حق الرجال و حق النساء.

د. أم حمزة (تخصصي الدقيق الطب النفسي و العصبي للأطفال)

يا سلام يا دكتورة حضرتك جيتي في وقتك و الله

ياريت حضرتك مشكورة تفتحي توبيك في قسم استشارات طبية و نفسية

و تسميه عيادة الطب النفسي و العصبي للاطفال

و ان شاء الله هاتلاقي زباين كتير اوي و انا اولهم بجد

لاننا اكيد عندنا اسئلة كتير جدا عن سلوكيات الاطفال و نفسيتهم

و تقبلي منى كل ود :P :D

[Dr Ayman]

يا هلا أختي،

من قبل أن يرزقني الله بأولاد كان الكلام سهل، حلو اوي اقعد في العيادة اقول للام لاز م تعملي و لازم يحصل، مع عدم الحساس بيهم، انا بعترف ان فعلا الخلفة و التجربة العملية خلتني احس ايه الي ممكن يتعمل و ايه الي صعب فعلا و كلام في الكتب و خلاص.

لكن عايزة اقولك حاجة مهمة، في الغالب بيكون الأهل هما الي عايزين يتربوا :wub: مش حرفيا طبعا، أقصد ان تثقيف الأهل بطرق التربية، مش ناخد الموضوع بالوراثة و نقول ما اهلينا ربونا كده‘ ما احنا كنا بنضرب و بقينا زي الفل اهوه، لأن في الواقع مش بيكون الكلام ده صح. فنربي نفسنا الاول عشان نعرف نربي اولادنا.

أنا تحت أمرك يا ريمو في أي سؤال.

و قبلنا الود :lol:

حفظكم الله

د. أم حمزة