استفسار بتاشيرة فنى صيانة حاسب الى

[حماده عبده]

السلام عليكم ياجماعة انا عندي تأشيرة فني ميكانيكي أنتاج وأنا حاصل علي دبلوم صنايع قسم كهرباء وكنت مستغرب ازاي انا باخد هذه التأشيرة الحمد لله اخدتها ازاي بقي شوف اولا/ جالي العقد موثق من الغرفة التجارية والخارجية السعودية ثانيا/قمت انا بتوثيقه من القنصلية بالاسكندرية ثم الخارجية المصرية وقمت بتغيير المهنة بالبطاقة بهذا العقد تشتري استمارة بطاقة عادي وفي السجل المدني بيشوف العقد مختوم من الخارجية المصرية بيغيرلك المهنة بدون اي كلام حتي لو كانت المهنه ايه ما بيطلب منك اي ورق غير البطاقة القديمة والعقد موثق نيجي بقي لموضوع التأشيرة والمؤهل المكتب الانا تبعه قالي جيبلي شهادة خبرة في الحالة دي بنستثني المؤهل ولازم تكون مختومة من الخارجية اسف للأطالة

[omardealo]

ozoozo شاكر لك ردك اخى الكريم

انا اتصلت على مكتب عمالة اخر وهو اللى قالى اعمل شهادة الدورة والحمد لله عملتها

alattar جزاك الله خيرا اخى

انا بالفعل عملت شهادة دورة صيانة حاسب الى معتمدة من وزارة الاسكان ودى مش محتاجه توثيق فى الشهر العقارى

فقط محتاجة ختم من وزارة الاسكان وبعدها هروح مكتب الخارجية اوثقها ...

فهل محتاج اوثقها فى الملحق الثقافى السعودى ؟

ومشكلتى حاليا فى شهادة الخبرة ياريت تدلنى على شخص يخلصها لى ؟

وخذ ببالك انى ذكرت لك من قبل ان مؤهلى ثانوية عامة وليس بكالوريوس

حمادة عبده : جزاك الله خيرا

انا بالفعل قمت بتغيير المهنة فى البطاقة والجواز

وينقصنى حاليا شهادة الخبرة

[raedraed]

السلام عليكم

ياريت لو نعرف هل الإخوة الأفاضل اللي واجهوا مشكلة عدم تطابق المؤهل أو ملائمته للمهنة هل العملية عدت على خير ؟

لأني في نفس الموقف تقريبا ، فيه تأشيرة فني أبنية ومعايا بكالوريوس تجارة ومكتب السفريات بيقولي ماينقعش لازم يبقى فيه علاقة بين المؤهل والتأشيرة زي دبلوم مثلا أو حاجة فيها عمارة أو مدني

فلما قولتله إن فيه ناس كتير كانوا في نفس الموقف وطلعوا ، فقالي انت هاتعرفني شغلي ؟

فايه النظام ؟ حاسس ان الراجل بتاع المكتب بيعقدها وخلاص

[mody ahly]

السلام عليكم

ياريت لو نعرف هل الإخوة الأفاضل اللي واجهوا مشكلة عدم تطابق المؤهل أو ملائمته للمهنة هل العملية عدت على خير ؟

لأني في نفس الموقف تقريبا ، فيه تأشيرة فني أبنية ومعايا بكالوريوس تجارة ومكتب السفريات بيقولي ماينقعش لازم يبقى فيه علاقة بين المؤهل والتأشيرة زي دبلوم مثلا أو حاجة فيها عمارة أو مدني

فلما قولتله إن فيه ناس كتير كانوا في نفس الموقف وطلعوا ، فقالي انت هاتعرفني شغلي ؟

فايه النظام ؟ حاسس ان الراجل بتاع المكتب بيعقدها وخلاص

انا لسة مقدم ورقي وبعض الناس قالو نفس الكلام

حتي سالت الاستاذ خالد شحاتة هنا وقالي لازم برضة

الموضوع تقريبا بيتحل انك بتقدم شهادة اعدادية او ثانوية والله اعلم

بتاع المكتب خد شهادة البكالريوس وقولتلة عن الموضوع دة

قالي هتمشي اقولة مفهاش مشكلة قالي اة

وفي ناس كتيرة قالت مش هينفع

حاسس بخيبة امل كبيرة يوم ما اتصل علية اشوف اية الاخبار لاني عارف النتيجة من دلوقتي

بس مش بايدي حاجة

[حماده عبده]

السلام عليكم أخونا الحيران أنا تأشيرتي المهنة بها فني ميكانيكي أنتاج وأنا معايا دبلوم صنايع كهرباء والمكتب جابلي العقد وغيرت المهنه في البطاقة وبالتالي بالجواز بناء علي العقد لكن لازم يكون العقد مختوم من الخارجية السعودية والغرفة التجارية المهم أنا أستغربت أزاي باخد التأشيرة بالمؤهل بتاعي ده وفعلا سألت المكتب وقالي أنت المطلوب منك شهادة خبرة موثقة من الخارجية +المؤهل بتاعك موثق من الخارجية وفعلا عملت الشهادة والمكتب دخل بالورق القنصلية وبعد أربع أيام بالضبط كانت معايا التأشيرة العايز أقوله أني فعلا ممكن يخلصهالك ما تقلقش وربنا يوفقك.

[raedraed]

هو بالنسبالي ، المكتب طلب مني شهادة قياس مهارة من القوى العاملة عشان المهنة في التأشيرة فني أبنية

لكن الفكرة زي مابقولكم إنه (المكتب) معقد الموضوع وبيقولي ماينفعش !

عموما هاحاول معاه شوية وأشوف اخره ايه ، وجزاكم الله كل خير

---------

اتصلت بيه تاني وقالي "أي حاجة فيها فني لازم دبلوم أو يكون المؤهل مطابق ليها" ولما كلمته عن فني حاسب آلي قالي"أي مؤهل مطابق ليها زي نظم أو حاسب آلي ,,,, "

------------

أخي mody ahly

انت تأشيرتك ايه ؟

أما بالنسبة لأخي حماده فالنسبالك عدت على خير عشان زي ماقال البيه الموظف"أي حاجة فيها فني لازم دبلوم"

تم تعديل 12 مايو 2009 بواسطة raedraed

[mody ahly]

المهنة عامل معماري

وفي واحد خلاص مسافر بكرة ربنا يوفقة طبعا نفس التاشيرة وطلعت بشهادة الاعدادية

الراجل اقولة حصل كذا كذا والورق رجع قالي لا بيمشي

مش عارف بقي هو لية طريقة ولا هو مش فاهم حاجة ولا عارف انها هتترفض وبيطول في الموضوع عشان ياخد فلوس اكتر

[ioosis]

شكرا علي الإجابات دي يا جماعه

وانا عندي سؤال بالله عليكوا تردوا عليه

انا دلوقتي جيت السعودية في 11/2007 بفيزا عامل نظافه عامه ( مراحيض يعنى mfb: :D :sad: )

المهم غيرت المهنه في البطاقه والباسبور قبل ماجي

دلوقتي الكفيل كان واعدني بتغيير المهنه اانا معايا بكالوريوس تجاره ورجع في كلامه ودلوقتي عقدى وتاشيرتي تخلص في شهر 10 / 2009

ومعايا دبلوم دراسات عليا في المحاسبة الآليه والحاسب الآلي

قدرت اخد منه جواب للقنصل السعودي بمصر ووثق الشهادات بتاعتى

الأخ اللي قال انوا ممكن نستخدم العقد وانا عمله بمحاسب عام وموثقه

فهل ممكن فعلاً استخدمه وخلي حد من اهلي يغير البطاقه بيه في مصر وتبقى محاسب قبل ما ينتهى العقد

ثانيا انا معايا شهاده comptia A+ cetified professinol اخصائي او فني حاسب معتمد من كومبتيا امريكا غير موثقه من اي مكان لا سفاره ولا عماره فهل ممكن استخدامها هي وهل ممكن توثيقها من السفارات والقنصلية ولا الخارجيه مع العلم انها معتمد دولياً او شهاده الدراسات العليا في مهنه مثلا اخصائي حاسب آلي او كده او فنى

ثالثاً دراسه الشهاده الإحترافيه للمحاسبه سهله مع نفسي ولا لازم محاضرات وممكن في السعودية هنا

رابعاً مستوى الإنجليزي الإحترافي مش كويس بس العام ممتاز فهل الشهاده كده ممكن تكون سهلاً cpa cma وايه افضلهم

تتوقعوا انا مرتبى كام لو خبرتي بسيطه علي قد السنتين

تم تعديل 18 مايو 2009 بواسطة ioosis

[orassmy]

بص ياسيدي انا كنت معكوك زيك كده في الموضوع ده والمهنه غير مطابقه والافلام دي واحب اقولك

اولا شهادات الدورات والكلام ده مش معترف بيه في السفاره ومالوش اي لازمه فما تتعبش نفسك فيه

ثانيا المهم فعلا شهاده الخبره-من اي حته انشالله بقال -اهم حاجه السجل التجاري موجود- فيها انك اشتغلت فيها مبرمج وتكون موثقه من الشهر العقاري والخارجيه وهاتلاقي التفاصيل كلها في الرابط ده http://www.egyptiantalks.org/invb/index.php?showtopic=64511

ثالثا خطاب التعزيز من الكفيل

رابعا شهاده قياس المهاره

وبعد ده كله بيرجع لمزاج موظف السفاره يايقبل ييرفض ولازم طبعا المكتب يكون مظبط نفسه جوه

والله يالغالى خلاص الواحد اتعقد اصلا

لكن جزاك الله خيرا

المشكلة ان كل شخص بيقول كلام غير الاخر

الاخ قبلك هو خريج تجارة وفقط سوى شهادة مركز تدريب وشهادة خبرة

وانت زدت عليهم شهادة قياس مهارة + انك قولت ان شهادة الدورة ما لها اى قيمة بالسفارة

فمش عارف هل فنى صيانة حاسب ألى له شهادة قياس مهارة ؟؟؟

هل حضرتك مريت بتجربة تأشيرة فنى صيانة حاسب الى ؟

ملحوظة // ان شاء الله تكتب هكذا

وبارك الله فيك أخى

[احمد هده]

شكرا على كل من ساهم فى الرد على الموضوع ده لانى فى نفس الشكله والموضوع ده افادنى جدا وان شاء الله هحاول اطبق كل كلمه وربنا يسهل وتنفع شكرااااااااااااااااااااااااااااااااااااااااا

[AbkaReno]

انا من مدة سنة كنت بعاني من نفس الموضوع

علما باني دبلوم صناعي قسم زخرفة والتأشيره فني الكتروني صيانة حاسب الي

ودفعت للمكتب 5 الاف جنية وسلمني التأشيره تاني يوم وطبعا مع تغيير البطاقة والباسبور بنفس المهنه الي في التأشيره

وعملت شهادة مستوي مهاره

فاخدها من قاصرها وادفع للمكتب لان كمان التوكيل جي علي المكتب ومش هتعرف تغير التوكيل بتاع مكتب السفريات

[ابو يس]

نا عايز اسال عن فيزة مراقب جودة او فاحص جودة

باختصار

الفيزة فاحص جودة و جواز السفر مكتوب فيه المهنة مهندس كهرباء و الشهادة بكالوريوس هندة قسم كهرباء

و ممكن اجيب شهادة خبرة و عقد عمل من الشركة بالمهنة دى

فهل هذه المهنة تصلح لاخذ التاشيرة

[MagicScorp]

السلام عليكم

أرجو افادتي بموضوع التأشيره للسعوديه

انا معي ثانويه عامه وجايلي عمل بالسعودية فني حاسب ألي

فطبعاً المؤهل غير العمل المطلوب

فأرجو افادتي ماذا افعل لأتمام الموضوع

والشركه السعودية التي تريدني لا تتعامل مع اي مكتب سفريات بمصر فهل هناك مكاتب معينه ممتازه تستطيعون ان ترشحوها لي

ارجو الرد افادكم الله