لماذا ؟؟؟ استفسار مضايقني بجد

[nora]

اجد الكثير وبدون ذكر اسماء وامثلة يفتحون مواضيع واستفسارات ثم ودون سابق انذار يتركونها لتتحول الي ارشيف ومجرد كلام حتى لا يحاولون الرد على الرأي الاخر ولا هو مجرد طرح فكرة وتركها لتتحول الي ركام ، ام لمجرد شعورهم بان الرد غير كافي؟؟؟

مش عرفة دي وجهة نظر حد يقدر يفسرلي السبب

لو حد شايف وجهة نظر تانية يقولي او يفهمني السبب هل هو راجع لحالة الركود ام الملل وان الفكرة طرحت له في حالة مزاجية وانتهت

[Mohammad Abouzied]

ابدا ابدا يا نورا

بس ساعات الواحد يكون متحمس جدا لفكرة ويلقي بأستفسار في المنتدى وبعدها يجي له عدة اجابات وعلى المسنجر بعض الاجابات حتى في الاخر يقتنع انه كفاية عليه كدا واقتنع لكن الموضوع بيستمر والردود بتستمر لان الموضوع بصراحة اصبح ملك المنتدى وليس ملك الفرد نفسه الى اكتفى من الردود الى وصلته

[nora]

مش عرفة بس بيبقى فين ناس بتبعت وتخاطب الاشخاص دول شخصيا وبيسألوا عن حجات ولا يرد هل هو يكتفى فقط بمعرفته ام يجب ان يوصل نفس الشيء للآخرين ولا يسيب الباقي تايه كده مش عارف الطريق فين

[farasha79]

اختك فراشه صدفت الموضوع ده مره بالرغم من ان الموضوع اللي طرحته كان مجاري للاحداث الجاريه... بس عادي قلت يا بت طانشي خاااااااااالص.. الموضوع بيكون وجهات نظر و احترمها طبعا.... ده غير اني باركت للناس على مولودهم الجديد اللي اسمه .......الدين

ولكن لم استقبل رد على تهنئتي.

[Sayyeda Abouzied]

مش عرفة بس بيبقى فين ناس بتبعت وتخاطب الاشخاص دول شخصيا وبيسألوا عن حجات ولا يرد هل هو يكتفى فقط بمعرفته ام يجب ان يوصل نفس الشيء للآخرين ولا يسيب الباقي تايه كده مش عارف الطريق فين

يوجد ناس فعلا لا تتوقع الرد بسرعة لانها ساعات تطلب شئ او تسفسر عن شئ ومتعرفشي الرد الا صدفة يكون ارسل على المسنجر او هو نفسه ميفتكرشي في اي باب موضوعه اتكتب خاصة لما يكون باب ساخن مثل باب المناقشات العامة الي يوميا ممكن يكتب فيه عشر مواضيع وتختفي معاه موضوع كتب في اليوم السابق وبصراحة ظروف كل الناس غير متساوية ابدا

فيه ناس تفضى ساعة واحدة في اليوم وناس تفضى للكتابة عشر ساعات وناس متوفر لها النت بدون مقابل وناس اخرى بتدفع مبالغ ضخمة في النت وناس عندها مشاكل مع الجهاز بتاعها وصعب عليها الكتابة بسهولة او التصفح على النت بسهولة والظروف بتختلف خاصة مع اختلاف المكان واختلاف الظروف اواختلاف السن والمسئوليات

وممكن يكون الرد سريعا وممكن الرد ياخد شهر وممكن ما يكونش فيه رد خالص وعلى فكرة اثناء الحرب بعتنا ليكي يا نورا عدة رسائل ومردتيش علينا وعرفنا ردك من ردك على اعضاء اخرين ودا طبيعي جدا لاننا بنعتبر ان كلنا اسرة واحدة والرد بيكون للجميع

والى اللقاء

[nora]

Sayyeda Abouzied

بالنسبة للي بيكونوا من شغلين او مبيدخلوش النت انا لا اوجه لهم كلام انا بتكلم على فئة مختلفة الفئة دي اجدها تكتب في مواضيع اخرى غير التى تم فتحها

اما بالنسبة لي في ايام حرب الخليج ( وش مذهول ) انا رديت على الكل وانا نادرا لما بيجيلي مسجات على بريدي الخاص ده اذا كنت تعني بريدي الخاص اما عن باقي الاسئلة يا اما برد على حدا او على الكل دفعه واحده دون ذكر الاسماء لتشابه الاسئلة