نتانياهو: سنضطر لضرب المنشآت النووية الإيرانية

[youm]

ظهرت نوايا الحكومة الإسرائيلية مبكرة، حيث قال بنيامين نتانياهو رئيس وزراء إسرائيل الجديد، إن وضع نهاية للسباق النووى الإيرانى إحدى الأولويات الهامة بالنسبة للولايات المتحدة والرئيس الأمريكى باراك أوباما، محذرا من أنه فى حال إخفاق الولايات المتحدة فى إنجاز تلك المهمة قد تجد إسرائيل أنها مضطرة إلى اللجوء إلى ضربة عسكرية على منشآت نووية إيرانية.

لمزيد من التفاصيل ومتابعة حوار النتن ياهو اضغط الرابط التالى

http://www.youm7.com/News.asp?NewsID=84917...&IssueID=51

[dawn walker]

كلها تصريحات اعلامية للضغط على اوباما

ايران جيشها قوى جدا

[Amr Radwan]

و الله يا ريت يعملها عشان اسرائيل تروح فيها ..

انا متأكد ان اليهود اعقل من كدا .. و خاصة ان امريكا حتي الان مش عارفة تاخد مع الايرانيين لا حق و لا باطل و مش عارفه تمسك عليهم حاجة ..

كل الكلام ده هو نوع من "فنجرة البق" و لو كانو عارفين يعملوا حاجة كانو عملوها زي ما عملوا مع السودان علي الحدود المصرية او مع مفاعل سوريا النووي السري ..

[شاب مصري]

يقال أن الغارة على السودان كانت بروفة لضرب ايران

لان الرحلة كانت تقريبا 1800 ميل (ذهاب وعودة 900*2)

وهي نفس المسافة المطلوب قطعها للوصول لمنشآت ايران النووية

المفروض الشعوب الاسلامية كلها تخرج في مظاهرات لدعم موقف ايران لكي تشعر انها ليست وحدها وأننا لسنا أعداء

يمكن ايران تعقل وتبطل التعصب للمذهب الشيعي وتحس ان الاخوة والتضامن الاسلامي اهم من التعصب المذهبي

ايران لها مواقف ممتازة في دعم المقاومة في لبنان وفلسطين

بس ملفها فيه برده نقاط سيئة .. زي اعدام عالمين اسلاميين (سنّة) من كام يوم بدعوى ( الترويج لنشاطات ضد الثورة) .. وزي موقفها المخزي من احتلال العراق .. واحتلال جزر الامارات والتأكيد على انها جزء من التراب الايراني .. معرفش ازاي :unsure:

المهم يجب تنحية الهبل الطائفي جانبا حاليا .. ويجب التأكيد على دعم ايران تماما

لا ننسى ((أكلت يوم أكل الثور الأبيض))

تم تعديل 18 أبريل 2009 بواسطة شاب مصري

[شاب مصري]

على فكرة

موضوع ضرب ايران ده شبه مستحيل

ايران حاطه أمريكا تحت ضرسها .. أه والله .. ايران متحكمة في امريكا بشكل قوي جدا .. ازاي؟

1-ايران مهدية اللعب في العراق .. واللي هيتهور هيتعور .. لو امريكا اتهورت هي أو اسرائيل ايران هتولع العراق .. رئيس الحكومة والجيش والشرطة والمليشيات مع ايران بشكل أو بآخر

2-ايران تقدر تدعم طالبان فافغانستان لمجرد التغليس على أمريكا

3-لعب في الخليج ضد دول الخليج

4-مكن تقفل مضيق هرمز وتغلس جدا على سفن البترول.

5-هتقبلها بلطجة من الآخر بشكل غير مسبوق والدنيا هتولع والايرانيين دول خلاص مش هتبقى فارقة معاهم

6-سعر البترول هينط الى مستويات خيالية والاقتصاد الأمريكي والعالمي حاليا مش مستحمل كلام من ده خالص.