الفراغ

[حسام يوسف]

بعد اطلاق اوتوبيس سكوربيون الأخير

موديل أبريل 2009 :D

ومن بين التعليقات العديدة التى قيلت

ما قاله الزميل العزيز

محمد عبد العزيز

أن الاهتمام المبالغ فيه جدا جدا جدا بعالم المنتديات

والذي يصل الى أن البعض يصور علاقاته على عالم افتراضي بأنها كعلاقات فى عالم الواقع

وأن هذا غير منطقى

وغير مفهوم

وأنه ينبع فقط من الفراااااااااااااااااااااااااااااااااااااااااااااااااغ

ألذ ألذ( زي ما كان سعيد صالح بيتريق على الاعلان الشهير زمان فى العيال كبرت :o )

ياترى الافتراضي ده افتراضي؟

يعنى هجص فى هجص؟

يعنى مين قالك ان اللى بيقول قدامك انه راجل انه راجل؟

مايمكن ست

هوة انت شايفة؟

ومين قالك ان المهندس مهندس؟

والطبيب طبيب؟

والمحاسب محاسب؟

الى اخر تلك التوصيفات

ومين قالك ان العضو ده فعلا 30سنة؟

ومين قالك ان العضو ده فعلا فى كندا؟

هل علاقاتنا هنا كبشر زي علاقتنا فى الواقع؟

هوة انت افتراضي يا افتراضي؟

ولا دة الفراخ؟

قصدي الفراغ؟

:D

ولا لأ

هية بتبدأ فى لاأول بافتراضي فى افتراضي

وبعدين الواحد لما بيعرف اللى قدامة من كتاباتة بيقدرة وبيحترمه أو لأ

ولما العلاقة تقوى وتبقى رسايل ع الخاص تحمل الود أو العداء؟

ولما تقوى وتبقى تليفونات فيها المعايدة وفيها تهديد بالويل والثبور واعظائم الأمور؟

ولا لما الناس تتقابل فى مكان ما فعلا

ولا لما بتفقوا يعملوا حاجة مشتركة

وتبقي

صداقة

أو بيزنس حتى

من وحى نظرية الفراغ للزميل محمد عبد العزيز

جاء هذا الموضوع الذي يلح علي فى عقلى من فترة

ما هو التوصيف الامثل لعلاقاتنا كأفراد داخل المنتديات؟

هل هي كأى علاقات بشرية فى الواقع؟

أم أن الموضوع مختلف تماما

ودة افتراضي

وماتحطش ابو افتراضي

جنب أبو واقعي يا معلمى؟

ما رأيكم دام فضلكم؟ :lol:

تم تعديل 2 أبريل 2009 بواسطة حسام يوسف

[Nassarlink]

انا بقول انه اوله افتراضي وآخره واقعي

احنا حتي في علاقاتنا المباشره بتكون في الاول افتراضي

لحد ما اعرفك كويس من كلامك ومواقفك وسلوكك يتحول لواقعي

انا اعرف استاذ دكتور كبير قوي من اسمه وشكله وبيته الكبير - ده وضع افتراضي زي الصوره الي بنحطها لما نشترك في المنتدي

وبمرور الوقت ولما قربت منه اكتر اكتشفت حقيقتة المره - ده وضع واقعي زي لما العلاقه بيننا تتحول لصداقه مباشره وتعرفني واعرفك

[فــيــروز]

يعنى مين قالك ان اللى بيقول قدامك انه راجل انه راجل؟

مايمكن ست

هوة انت شايفة؟

ومين قالك ان المهندس مهندس؟

والطبيب طبيب؟

والمحاسب محاسب؟

الى اخر تلك التوصيفات

ومين قالك ان العضو ده فعلا 30سنة؟

ومين قالك ان العضو ده فعلا فى كندا؟

هذه التساؤلات تثير عَجَبى ..

ما الذى يهم أى شخص فى جنس محدّثه أو شهادته أو عمره الحقيقى !!

أليس من المفترض فى هذا العالم الافتراضى أنّنا هنا لتبادل الآراء و الأفكار و ليس البيانات الشخصيه !!

زميل فى منتدى مرّه كان يمزح معى قائلا : و أنا إيش ضمّنى إنّك متخرّجه من كليّة كذا أو بتشتغلى فى المكان الفلانى !!

فكارن ردّى و هى تفرق إيه أصلا بالنسبة لك هذه معلومات قد أضطر لذكرها عَرَضا و ليس كى تستخدم فى البحث و التحرّى !! اللىّ عاوز يصدّقها يصدّقها اللىّ مش عاوز هو حرّ ..

نادرا ما أفكّر فى المعلومات الشخصيه التى يذكرها العضو عن نفسه خلال قراءتى لمداخلاته لأنّها -غالبا- غير ذات صله إلاّ إذا كان يتحدّث عن أمر يرتبط بوظيفته مثلا فيعطى نصيحه أو رأى طبيعى يكون مرتبط بهذه الوظيفه .. و كنت مرّه أتحدّث مع صديقه عزيزه حول هذا الأمر و قلت لها أن احتفاظ كل شخص بخصوصيته و غموضه ليس دائما شرّ فأنتِ لكِ نفس الحق فى الاحتفاظ بخصوصياتك و ليس من العدل أن تمارسى هذا الحق و تتشكّكى فى غيرك إن مارسه بالمثل .. و فى بعض الأحيان بيكون غياب هذه المعلومات الشخصيه أفضل كى نحكم بشكل أكثر موضوعيه على ما نقرأ ..

تحيّاتى

[محمد عبدالعزيز]

يا حسام أنا ماصدقت الناس تنسى عشان الأخت بركة زعلت منى لما قلت نظرية الفراغ دى, هى دى برضه الصداقة اللى بينا؟

أنا بهزر أحسن تفكر إنى بتكلم بجد...

شفت بقى العالم ده افتراضى ولا لأ؟

يعنى لو أنا ماكتبتش إن أول سطر ده هزار, هل كنت تقدر تشك فى إنه حقيقى وإنى زعلت منك فعلاً؟

طيب لو أنا قلت لك الكلام ده وجهاً لوجه, مش أكيد هتعرف إنه هزار من تعبيرات وشى وطريقتى فى الكلام وكده؟ ممكن ماتعرفش طبعاً لو أنا ممثل كبير أو بعمل عليك كذبة إبريل مثلاً

أنا بصراحة فكرت فى كلام بركة ولولا بخصوص ظروف الغربة وكده, افتكرت إنى فعلاً مريت بظروف مشابهة وكنت مرتبط بمنتدى آخر, وارتباطى بالمنتدى الآخر ده بدأ مع الغربة, لما لقيت فى ناس على المنتدى عندها نفس همومى وبتتكلم فى نفس مشاكلى, حسيت فعلاً إنى مرتبط بيهم, ولكن العلاقات لازم تتطور وتبقى علاقات واقعية, يكون فى تبادل زيارات ومقابلات وخروجات وهكذا, وفى الحالة دى لم تعد علاقات افتراضية, أو بمعنى آخر انتقلنا من عالم المنتدى إلى عالم الواقع.

أنا أتفق مع رأى الأخ الفاضل نصار إن البداية افتراضى وبعدين ممكن تتحول إلى واقعى.

وأظن احنا كده بنكون اتفقنا إن فى فراغ فعلاً هو اللى بيخلى الإنسان يندمج فى عالم المنتديات, بس الفراغ ده مش معنى سئ بمعنى إنع فراغ عقلى أو عندك وقت فراغ.

إنما هو فراغ اجتماعى...

احتياج ملح لإقامة علاقات اجتماعية يفتقدها الإنسان لظروف ما تطرأ على حياته الاجتماعية.

إنما البحث عن زعامة أو نجومية أو شهرة فى منتدى, أعتقد ده فعلاً مرض نفسى يحتاج لعلاج.

[حسام يوسف]

الفاضلة فيروز

بالظبط

انا اللى اقصده

ألم يتكون لديكي مشاعر احترام أو مشاعر ضيق تجاه (أفكار)لعضو ما؟

هل بعد هذا نسميه عالما افتراضيا

وعزيزى محمد عبد العزيز

انا عارف انك بتهزر

لأنى أعرف كويس انك مش ممكن أبدا تحب تضايق حد بكلماتك

وعلى فكرة انتوا الاتنين مصوتوش والعياذ بالله :roseop:

[فــيــروز]

الفاضلة فيروز

بالظبط

انا اللى اقصده

ألم يتكون لديكي مشاعر احترام أو مشاعر ضيق تجاه (أفكار)لعضو ما؟

هل بعد هذا نسميه عالما افتراضيا

طيب عشان نبقى متفقين من البدايه على المفاهيم .. ما هو تعريف كلمة "افتراضى"؟ ما الذى يجعل العالم افتراضى و ما الذى يجعله حقيقى !! تصوُّرى أنّى طالما لا أتعامل مع شخص و إنّما مع أفكار فالأمر ليس حقيقى .. بالظبط كما أقرأ لكاتب فى جريده أو كتاب و أشعر بإعجاب أو استياء تجاه ما يطرحه من أفكار .. هذا لا يشكّل علاقه حقيقيه !!

الأمر يتحوّل لأمر شخصى حين أفكّر فى الأمور الشخصيه كالأمور التى ذكرتها فأسأل نفسى يا ترى عنده كام سنه و شكله إيه و ما هواياته و بيشتغل إيه و كل هذه السؤالات الحائرات .. لطن طول ما كل هذه الأمور لا تعنينى و لا تهمّنى باعتبر الأمر افتراضى جدّا ..

[حسام يوسف]

الفاضلة فيروز

بالظبط

انا اللى اقصده

ألم يتكون لديكي مشاعر احترام أو مشاعر ضيق تجاه (أفكار)لعضو ما؟

هل بعد هذا نسميه عالما افتراضيا

طيب عشان نبقى متفقين من البدايه على المفاهيم .. ما هو تعريف كلمة "افتراضى"؟ ما الذى يجعل العالم افتراضى و ما الذى يجعله حقيقى !! تصوُّرى أنّى طالما لا أتعامل مع شخص و إنّما مع أفكار فالأمر ليس حقيقى .. بالظبط كما أقرأ لكاتب فى جريده أو كتاب و أشعر بإعجاب أو استياء تجاه ما يطرحه من أفكار .. هذا لا يشكّل علاقه حقيقيه !!

الأمر يتحوّل لأمر شخصى حين أفكّر فى الأمور الشخصيه كالأمور التى ذكرتها فأسأل نفسى يا ترى عنده كام سنه و شكله إيه و ما هواياته و بيشتغل إيه و كل هذه السؤالات الحائرات .. لطن طول ما كل هذه الأمور لا تعنينى و لا تهمّنى باعتبر الأمر افتراضى جدّا ..

يعنى العوامل الشخصية هية الواقع أو الحقيقة

ولو ماكانش فية غير الأفكار

ومافيش عوامل شخصية يبقى افتراضي؟

[فــيــروز]

الفاضلة فيروز

بالظبط

انا اللى اقصده

ألم يتكون لديكي مشاعر احترام أو مشاعر ضيق تجاه (أفكار)لعضو ما؟

هل بعد هذا نسميه عالما افتراضيا

طيب عشان نبقى متفقين من البدايه على المفاهيم .. ما هو تعريف كلمة "افتراضى"؟ ما الذى يجعل العالم افتراضى و ما الذى يجعله حقيقى !! تصوُّرى أنّى طالما لا أتعامل مع شخص و إنّما مع أفكار فالأمر ليس حقيقى .. بالظبط كما أقرأ لكاتب فى جريده أو كتاب و أشعر بإعجاب أو استياء تجاه ما يطرحه من أفكار .. هذا لا يشكّل علاقه حقيقيه !!

الأمر يتحوّل لأمر شخصى حين أفكّر فى الأمور الشخصيه كالأمور التى ذكرتها فأسأل نفسى يا ترى عنده كام سنه و شكله إيه و ما هواياته و بيشتغل إيه و كل هذه السؤالات الحائرات .. لطن طول ما كل هذه الأمور لا تعنينى و لا تهمّنى باعتبر الأمر افتراضى جدّا ..

يعنى العوامل الشخصية هية الواقع أو الحقيقة

ولو ماكانش فية غير الأفكار

ومافيش عوامل شخصية يبقى افتراضي؟

:wub:

إنت إيه رأيك؟ mfb:

أنا قلت تصوّرى للفارق بين الافتراضى و الحقيقى و أحب أسمع تصوُّرك ..

[حسام يوسف]

ماشي

بترمي الكورة فى ملعبي

انا مش عارف رأي ممكن يضايق ناس كتير

بس تسمية افتراضي دي انا ضدها على طول الخط

هوة الناس ع النت

بتبقى واقع عادي جدا

حب وكرة

احترام وعدمة

اتفاق واختلاف

هوة بس بيبقى فيه بعض المعلومات الناقصة

لان مش ممكن التواصل بين اتنين وجها لوجه اللى بيبقى 100%تواصل

زي التواصل ابو 7% اللى مقصود بيه تواصل الكلمات فقط بلا نبرات صوت أوملامح وجه وتعبيرات جسد

انا شايف الافتراضي مش افتراضي

هوة واقع بس ناقص شوية

فلو بدأ اتنين يتكلموا مع بعض رسايل

او ماسنجر

فتليفون

فمقابلة

بيكتمل التواصل تماما

انما طريقة ماتزعلش من حد ع النت

ولا تحب ولا تكره

دة عالم تخيلي أو افتراضي

ودة فراااااااااااااااااااغ من بتاع صديقي العزيز محمد عبد العزيز

لأ

انا مختلف تماما

هة

وحضرتك؟

استلمى بقى الكورة :wub:

تم تعديل 2 أبريل 2009 بواسطة حسام يوسف

[فــيــروز]

فلو بدأ اتنين يتكلموا مع بعض رسايل

او ماسنجر

فتليفون

فمقابلة

بيكتمل التواصل تماما

بديهى طبعا حين يكون الأمر أكثر من تبادل للأفكار فى منتدى و يتحوّل لحديث على الماسنجر أو رسائل و تليفون ثمّ مقابلات نكون خرجنا من ال scope اللىّ بدأنا بيه و تحوّلنا بالفعل للعالم الحقيقى و لم يعد هناك أى افتراضات ..

فحديثى عن الشكل الافتراضى قائم مادامت شروط افتراضيته قائمه و هى عدم معرفة المعلومات الشخصيه و الاكتفاء بمعرفة الأفكار و الآراء ..

لكن تبادل هذه المعلومات بديهى جدّا يحوّل شكل العلاقه ومن ثمّ سينطبق عليها ما ينطبق على العالم الحقيقى من شعور بالغضب أو الاستياء أو الإعجاب و التقدير لأسباب شخصيه إضافه للأسباب الفكريه ..

[Alshiekh]

فكرة اللجوء لمنتدى جاد لتبادل الافكار وابداء وجهات النظر ، لا أظن انها بحال من الاحوال وسيلة لقتل الفراغ.

أكيد كل واحد منا بدأ كتابة موضوع جاد او رد فى موضوع جاد لم يكن فى ذهنه انه يقتل وقت فراغه ، ربما يكون ذلك صحيحا فى ابواب الابتسامات وهو مايستغرق وقتا قصيرا جدا من وقتنا جميعا.

اذن فالمسألة ليست فراغ ( هذا فى رأيى الشخصى )

أما الحديث عن العالم الافتراضى ، فأنا لا احبذ استخدام الالقاب او الصفات الوظيفية او الاكاديمية فيه ، الا اذا كان المنتدى اكاديمى ويتطلب من الاعضاء تبيين صفاتهم الاكاديمية لما سيترتب على ذلك من مناقشات او ابحاث.

واتذكر ان حسام كان د. حسام ، ولكنه فضل ان يستخدم اسمه مجردا ربما للتحرر من اغلال اللقب أو ربما كانت له وجهة نظر اخرى.

وفى رأيى ان استخدام اللقب العلمى او الوظيفى فى منتدى عام يحد من حرية صاحبه فى الانفتاح بالرأى حيث قد تتسبب فى تقييد رأيه.

لذا فانا افضل ان اتجرد من اى صفة او لقب يمكن ان يكون سببا فى تقييد حريتى فى التعبير عن رأيى ، واعتبر ان المنتديات العامة مثل شاطئ البحر حيث لااتقيد بلبس كرافتة ، ويمكننى ان امشى حافى وان البس شورت ومايوه وان اخلع فانلتى ، وان اضع فى الاعتبار طبعا مشاعر الآخرين ، فالادب او ادب التخاطب مطالب به فى جميع الاماكن وجميع الاوقات.

وفى عالم المنتديات او العالم الافتراضى لاأشغل بالى بمعرفة ان كان محدثى صادق فى التعريف بنفسه ، بل احكم عليه من آرائه ومن كتاباته ، فلو كان لشخص ما اراه كلها تافهة او سطحية وقال انه حاصل على خمسة دكتوراه فى الادب والفلسفة وعلم الاجتماع فما سيبقى فى مخيلتى عنه انه انسان ذو آراء تافهة ، ولو قرأت رأيا رجحا متزنا لشخص يقول ان كل مؤهلاته ابتدائية قديمة ، فلن يقلل ذلك من رأيى فيه بأنه صاحب رأى ورؤية سديدة ، وهذا هو اجمل مافى العوالم الافتراضية ان تكون فكرتك عن الاشخاص من اعمالهم واقوالهم.

[hanzalah]

في كثير من الحالات

يكون الدخول الى عالم المنتديات هو بدافع الفراغ

دعونا نفكر بواقعيه .. رجل ما .. مشغول من ساسه للراسه في الشغل وعجلة العمل الطاحنة

في داخل مصر أو خارجها ..

هو بالتالي لن يكون لديه وقت ان يدخل كل يوم ثلاث منتديات مثلا ويضع فيها عشرون مداخلة ويقضي ساعة كاملة على الكمبيوتر يوميا

إذن هو لديه جزء من الوقت .. ويحاول أن يملء فراغه بشيء ما ..

نوع من التواصل مثلا مع الآخرين

لو هو مغترب سيجد أكيد نوع من التواصل مع مصر والمصريين مثلا في هذا المنتدى

هذا أولاً ..

وثانياً يأتي طريقه استخدامه لوقت الفراغ هذا .. بمعنى

لو كان لديه زوجه و أولاد معه في غربته فهم بكل تأكيد أولى بتلك الساعة اليومية أن يجلس معهم

يتواصل معهم أهم من التواصل مع منتديات مختلفه

هنا نحن لا نناقش سبب دخولنا المنتديات بل نناقش هل المنتديات كلها على هذه الدرجة من الاهمية في حياة الناس

هي مسألة ترتيب أولويات

زوجة و أم وتجلس على الكمبيوتر ساعات في منتديات وغرف شات .. هي بالتأكيد تحتاج لاعادة النظر في ترتيب اولوياتها

ثم ثالثاً ..

ماذا نفعل في المنتديات

هل (نلطع) كما يقول اخي الفاضل س س .. مواضيع منقوله من هنا وهناك

هل نتحاور (حوار ايجابي) نحو قضايا هامه وعاجلة

هل نحاور ان نخرج بصداقات مفيده

هل داخلين نلعب ونهزر وخلاص

هل

هل

هل

الكثير من الاسئله يجب ان يجد كل منا إجابة لها قبل ان يدخل المنتدى

لسبب بسيط

الحديث الشريف يقول:

لن تزول قدما عبد يوم القيامة (يعني ينصرف من موقف يوم القيامة الرهيب)

قبل يُسأل عن عمره فيما أنفقه ..

والساعات التي نقضيها في المنتديات هي عمرك وعمري

هل نفعل فيها ما يستجلب رضى رب العالمين

هل سنجد إجابة عن هذا السؤال الهام : فيما أنفقت عمرك يا فلان

ثم رابعا

نأتي للثمرة من وراء المنتديات

أنا أقول أنها ضعيفة

بكلمات أخرى

كم موضوع من موضوعات الجدل رأيناه وانتهى بأن يقتنع فريق برأي فريق آخر .. قليل أليس كذلك ..

اتصور ان الهدف الاساسي لكل شخص من دخول المنتديات هو الذي يحدد حجم استفادته

أخيراً نأتي الى اللغة

حيث ان المنتديات هي وسط لقاء كتابي فقط لاغير .. ليس فيه صوت مسموع أو صورة مرئية

بالتالي

فاستخدام كل إنسان اللغة والعبراة المكتوبة هي بلا شك السبيل الوحيد أمام القاريء للحكم على شخصية الكاتب

وبالتالي يجد نوع من التوافق والرغبة في التواصل معه أو نوع من النفور والتجاهل

ولكن اللغة المكتوبة خادعة

فأحيانا نكتب عبارة على سبيل المزاح

ويفهم منها القريء انها على سبيل الجد وتتحول المناقشة الى مشادة وانفعال

واحيانا .. نكتب كلمة او عبارة مبهمه .. او تحتمل أوجه في تفسيرها ..

هنا قد يحملها القاريء على الانطباع المبدأي حول شخصية الكاتب .. فيحدث نوع من الجفاء لو ذلك الانطباع سلبي في الاساس

ويضطر الانسان الى شرح نفسه مرات ومرات

شيء صعب بكل تأكيد

لكن تظل المنتديات مع كل ذلك فرصة للتواصل الجيد في العصر الذي نعيشه

اتمنى ان نستفيد جميعا من تلك الفرصة

ومن هذا المنتدى الطيب

[حسام يوسف]

انا سعيد ان فيه حد مؤمن زيي ان الافتراضي مش افتراضي ولا حاجة

وانه زيه زي الواقع

لأ

و تلاتة كمان

يعنى انا وتنين معايا

أتمنى المزيد من المشاركات

أو على الأقل التصويت فى هذة القضية المهمة

ولكم منى كل تحية

[فــيــروز]

انا سعيد ان فيه حد مؤمن زيي ان الافتراضي مش افتراضي ولا حاجة

وانه زيه زي الواقع

لأ

و تلاتة كمان

يعنى انا وتنين معايا

أتمنى المزيد من المشاركات

أو على الأقل التصويت فى هذة القضية المهمة

ولكم منى كل تحية

أعتذر على بطء الفهم لكن ما ذكرته من تحوّل العلاقات لا يترك الفرصه لوصف الأمر على أنّه افتراضى !!

كل الاختلاف بين علاقه حقيقيه فيها ماسنجر فتليفون فلفقاءات نشأت عن طريق المنتدى و بين علاقه أخرى بها نفس التسهيلات هى نقطة البدايه التى بدأت منها ثمّ تتحوّل كل منها لعلاقه وجها لوجه طبيعى جدّا يكون فيها مشاعر سلبيه و إيجابيه .. لكن هذا لا ينطبق على علاقه ظلّت محصوره على صفحات المواقع و أحاديث عامّه ليس لها صفة الخصوصيه أو الشخصنه ..

[حسام يوسف]

انا سعيد ان فيه حد مؤمن زيي ان الافتراضي مش افتراضي ولا حاجة

وانه زيه زي الواقع

لأ

و تلاتة كمان

يعنى انا وتنين معايا

أتمنى المزيد من المشاركات

أو على الأقل التصويت فى هذة القضية المهمة

ولكم منى كل تحية

أعتذر على بطء الفهم لكن ما ذكرته من تحوّل العلاقات لا يترك الفرصه لوصف الأمر على أنّه افتراضى !!

كل الاختلاف بين علاقه حقيقيه فيها ماسنجر فتليفون فلفقاءات نشأت عن طريق المنتدى و بين علاقه أخرى بها نفس التسهيلات هى نقطة البدايه التى بدأت منها ثمّ تتحوّل كل منها لعلاقه وجها لوجه طبيعى جدّا يكون فيها مشاعر سلبيه و إيجابيه .. لكن هذا لا ينطبق على علاقه ظلّت محصوره على صفحات المواقع و أحاديث عامّه ليس لها صفة الخصوصيه أو الشخصنه ..

طيب ما أنا بحب ناس كتير من اراءهم

ولم يسعدنى الحظ بماسنجر أو تليفون أو مقابلة

جايز انا اللى عاطفى شويتين

ومع هذا تقبلى خالص احترامي ياباشمهندسة فيروز bv:-

[عبقرينو]

عزيزي حسام

المرء باصغرية

لسانة وقلبة

سواء كان هذا المرء

في عالم افتراضي

او واقعي

فالمهم هو ماذا يكتب

فاذا تكلم بان عقلة

وكشف عما في قلبة

ودة المهم ..

يعني معرفة البيانات الشخصية

لكاتب اتفق او اختلف معاة

مش ها تفرق

ولا اعتقد ان التفافنا حول منتدي

سببة وجود فراغ اجتماعي

دة اختزال لواقع اكبر من كدة

وممكن نفتكر الشباب اللي جمعهم النت

لمحاولة التغيير

سواء اتفقنا او اختلفنا معهم

لكن اكيد الحافز اللي كان بيحركهم

مش الفراغ الاجتماعي

ولكننا بنفتح شباك اوسع

علي هموم مشتركة

يمكن يطلع من بينا

واحد ينور الطريق

للي جاي وراة

لية لأ ؟

تم تعديل 3 أبريل 2009 بواسطة عبقرينو

[بركة]

السلام عليكم اخوتي الكرام :

انا هحكي عن نفسي في الموضوع ده بشكل خاص وليس بشكل عام

اولا اخونا حنظله له وجهة نظر في مسألة الفراغ للمرأة كأم وزوجة لو سمحتولي أرد عليها

عن نفسي : المرأة التي تجلس في البيت وتترك الحياة العامة والعمل وتبادل الاراء والأفكار

تموت معنويا يوما بعد يوم + تتسطح أفكارها شيئا فشيئا + أليس من حقها أن تتنفس قليلا

وتعود الى نفسها بعيدا عن الطاحونة اليومية أم أنها كالثور في الساقية....

+ إني أضع كل كلمة هنا وأبتغي بها أجرا من رب العالمين ويشهد الله أن هناك ناس محتاجة للنصح أو المشاركة الوجدانية

وكم خففوا عني همومي بهمومهم ويشهد الله وكم أعطوني من العظات والعبر دون قصد منهم .....

إن عالم المنتديات الهادفة كهذا المنتدى أشبه ما يكون بشلة نادي ثقافي محترم في الواقع

أحترم من فيه ويحترمني ايضا أعضاؤة طالما اننا اتفقنا على مبادئ واحدة........

ثانيا : ان في حياتي الطبيعية ولن اسميها الواقعية صديقات احبهم وأحترمهم لكن !!!!!!!!!!!!!!!!!!!!!!!!

متى أقدر أن أقتحم عليها حياتها أو جدولها اليومي ؟؟؟؟؟؟؟؟؟؟ في وقت محدد

إذن من الممكن ألا يكون هذا الوقت بالتحديد مناسبا لي أنا أيضا ...

من الممكن أن تحصل على عشرين صديق في دنياك الطبيعية ؟؟ لكن في منتدانا هذا من المحقق

أنه بإمكانك الحصول على أكتر من ذلك بكثير مما يعني إكتساب خبرات والتفتح على التغيرات التي تتطرأ على سلوكيات

الناس ومعرفة أسبابها ودوافعها....

بالمختصر أنا عن نفس تغيرت حياتي رأسا على عقب منذ أن التحقت بهذه النخبة والتي أنحني لها جميعا أحتراما bv:-

وبالنسبة لبيانات الأعضاءالشخصية قد تهمني في موضوع بنتكلم فيه عن شئ متعلق بمهنته ساعتها فقط نصيحته لازم تكون

من نابع بياناته أما غير كده فلا فرق لا الاسم الحقيقي أو العمر أو أي شء ممكن يفرق ............ما دام هناك عقل أحترمه

تم تعديل 3 أبريل 2009 بواسطة بركة

[وليد صفوت]

السلام عليكم،..

أنا إخترت التصويت الثانى؛ لأننى أرى ان العالم الواقعى يعمل فى إطار مبادئ و اُسس لا تختلف كثيراً - من ناحية الاخلاق - عن اُسس و مبدائ العالم الإفتراضى: الأخلاق الحميدة، و الحِلم، و الصبر، و المناقشة الموضوعية، و الإستفادة المُتبادلة، و تبادل الافكار عموماً بغض النظر عن فائدتها للعضو عملياً.

كما أرى أنه مفيد من ناحية العلاقات الإجتماعية؛ فهو يضيف كثيراً من الناس المحترمين إلى قائمة أصدقائك حتى و لو لم تراهم وجهاً لوجه من قبل، من الممكن ايضاً أن تتطور العلاقات إلى وسيلة لتسهيل بعض أعمالك البسيطة بدون إستغلال منك و فى إطار تلك الصداقة، بل و من الممكن أن تتطور إلى علاقة مصاهرة و زواج و هناك أمثلة على ذلك يملكها بعض الاعضاء الافاضل هنا.

أما عن تبيُّن حقيقة معلومات العضو، فأنا أؤمن بسرية المعلومات الشخصية، و لكن على الجانب الاخر لا اعطى لمعلوماتى الشخصية الكثير من الاهمية، فأنا اعتبرها غير مفيدة لأى شخص غيرى أنا! أو لنقل بطريقة مصرية :"واحد من الناس... زى كل الناس" لا أكثر و لا أقل. كما أن الكثير من المواقع التى يُسمونها "مواقع إجتماعية" مثل الفيس بوك و الهاى فايف و ماى سبيس و نيت لوج و تاجد و غيرهم لم تبق من المعلومات الشخصية شيئاً إلا و اظهرته لعامة الناس أو بالمصرى :"بتفرج عليك خلق الله". فلا يبقى لك اى مساحة من الخصوصية إذا ما حاولت ملئ بياناتك بالكامل على مثل تلك المواقع، بل و يصل الامر فى بعض تلك المواقع على سؤالك عن احوالك النفسية (الآن)!! هل انت حزين ام سعيد أم...أم...الخ.

و اذا كان محور هذا الموضوع حول المنتديات فقط، فهى فى رأيى أقل بكثير من تلك المواقع فى كشف المعلومات الشخصية عن العضو، أما ما ينشره العضو بنفسه فأنا مع السيد الفاضل صاحب الموضوع بأنى لا يمكنى التأكد منها إلا من خلال فطنتى الشخصية أو عندما اتاكد بمستند رسمى منه (مثل سيرته الذاتية مثلا) أو ربما عندما نلتقى يوماً ما اتأكد منها...

تحياتى،..

[لولا]

موضوع جميل يا حسام ..

الحقيقة اخترت الإختيار الثانى ..

بالنسبة لى اراه امتداد لعالم حقيقى غير ان التواصل فيه تحكمة لوحة مفاتيح .. تتيح ربما للبعض التفكير قليلا قبل الكلام

ولكنى مؤمنه ان فى النهايه ما نكتبه يعكس افكار وشخوص من خلف هذه الشاشات .

التردد على منتدى واحد لفتره طويله يخلق حتما نوع من العلاقه تتخطى حد التبادل الفكرى .. بالنسبة لى اشعر بموده كبيره

لشخوص اراها من خلال اقلامها .. احس معدنهم الأصيل وروعة نفوسهم ..

اما البيانات الشخصيه عن الآخرين فلا تهمنى ابدا .. قد نتعرف على بعضنا اكثر من خلال حوارات متنوعه فى كل الأقسام

وبكثرة المشاركه هنا وهناك ولكن وكما قلت فى الموضوع لو صرح شخص ان عمره كذا او وظيفته كذا ولم تكن البيانات حقيقيه

فهى لا تعنينى فى كل الأحوال .. ارى الشخص من خلال فكره الذى يعبر عنه قلمه وهذا بحد ذاته كفيل بتحديد درجه التوافق

الفكرى او الإحترام القائم بين فكرين وقلمين هنا ..

هنا لا ارى العالم يستدعى القاب ولا يستدعى التخفى او التظاهر .. نحن ندخل هنا بكامل ارادتنا لنتواصل مع الآخرين

والتجربه لن تكون مفيده عندما نمثل ادوار اخرى لا تشبهنا ,,

اما المسألة الأولى الخاصه بالفراغ .. لا ارى ان كل من يدخل منتدى عنده فراغ ...

ولكن تعرف ياحسام .. للفراغ تعريفات كثيره صدقنى ..

ليس كل فراغ هو فى الوقت او عدد المعارف والأصدقاء ولكنه فى مدى التوافق الفكرى ولإحساس بالراحه مع الآخرين ..

بالنسبة لى تبدو الأشياء المصريه شديده الدفء فى الغربه ..

تظهر لى الشخصيات هنا بروح مصر ..

خفة الدم المصريه ..

الأصاله .. الجدعنه .. الإشتراك فى الهموم غالبا ... والإشتراك حتى فى الأحلام ..

فى كل الأفراح والأحزان والأحداث يكون الإجتماع هنا بطعم آخر ..

أظن ذلك لا يمكن ان يكون مجرد عالم لا قيمة له ذا تصنيف افتراضى هامشي .. ام ماذا ؟؟!!

دمت بكل خير .. وبالغ التحيه لك

لولا

[~Heba~]

طيب عشان نبقى متفقين من البدايه على المفاهيم .. ما هو تعريف كلمة "افتراضى"؟ ما الذى يجعل العالم افتراضى و ما الذى يجعله حقيقى !! تصوُّرى أنّى طالما لا أتعامل مع شخص و إنّما مع أفكار فالأمر ليس حقيقى .. بالظبط كما أقرأ لكاتب فى جريده أو كتاب و أشعر بإعجاب أو استياء تجاه ما يطرحه من أفكار .. هذا لا يشكّل علاقه حقيقيه !!

الأمر يتحوّل لأمر شخصى حين أفكّر فى الأمور الشخصيه كالأمور التى ذكرتها فأسأل نفسى يا ترى عنده كام سنه و شكله إيه و ما هواياته و بيشتغل إيه و كل هذه السؤالات الحائرات .. لطن طول ما كل هذه الأمور لا تعنينى و لا تهمّنى باعتبر الأمر افتراضى جدّا ..

لا اعترف بشئ اسمه افكار فقط

فالمفترض عندما اقرأ شئ على صفحات الانترنت اعرف ان انسان من لحم و دم كتبه

و لكن عندما تأتينى رسالة تلقائية من احد المواقع على بريدى لا يكون نفس الشعور تجاة الرسالة بالتأكيد

لان الاولى كتبها بشر و الثانية كتبها برنامج

لا يعنى كلامى اننى افضل مناقشة خصوصيات الناس بدلا من افكارهم و لكن ان تعرف معلومة عمن كتب هذا الكلام يعطى فكرة كبيرة عن مصداقيته

قد تسألين و فى ماذا تهم مصداقيته

تهم طبعا اذا كان ما كتبتيه سيؤثر فى فكرى و وزنى للامور و نظرتى لها و ربما افعال اقوم بها كنتيجة لما اقرأه على صفحات هذه الشبكة التى يزعمون انها افتراضية

تم تعديل 3 أبريل 2009 بواسطة ~Heba~