الفراغ

[حسام يوسف]

موضوع جميل يا حسام ..

الحقيقة اخترت الإختيار الثانى ..

بالنسبة لى اراه امتداد لعالم حقيقى غير ان التواصل فيه تحكمة لوحة مفاتيح .. تتيح ربما للبعض التفكير قليلا قبل الكلام

ولكنى مؤمنه ان فى النهايه ما نكتبه يعكس افكار وشخوص من خلف هذه الشاشات .

التردد على منتدى واحد لفتره طويله يخلق حتما نوع من العلاقه تتخطى حد التبادل الفكرى .. بالنسبة لى اشعر بموده كبيره

لشخوص اراها من خلال اقلامها .. احس معدنهم الأصيل وروعة نفوسهم ..

اما البيانات الشخصيه عن الآخرين فلا تهمنى ابدا .. قد نتعرف على بعضنا اكثر من خلال حوارات متنوعه فى كل الأقسام

وبكثرة المشاركه هنا وهناك ولكن وكما قلت فى الموضوع لو صرح شخص ان عمره كذا او وظيفته كذا ولم تكن البيانات حقيقيه

فهى لا تعنينى فى كل الأحوال .. ارى الشخص من خلال فكره الذى يعبر عنه قلمه وهذا بحد ذاته كفيل بتحديد درجه التوافق

الفكرى او الإحترام القائم بين فكرين وقلمين هنا ..

هنا لا ارى العالم يستدعى القاب ولا يستدعى التخفى او التظاهر .. نحن ندخل هنا بكامل ارادتنا لنتواصل مع الآخرين

والتجربه لن تكون مفيده عندما نمثل ادوار اخرى لا تشبهنا ,,

اما المسألة الأولى الخاصه بالفراغ .. لا ارى ان كل من يدخل منتدى عنده فراغ ...

ولكن تعرف ياحسام .. للفراغ تعريفات كثيره صدقنى ..

ليس كل فراغ هو فى الوقت او عدد المعارف والأصدقاء ولكنه فى مدى التوافق الفكرى ولإحساس بالراحه مع الآخرين ..

بالنسبة لى تبدو الأشياء المصريه شديده الدفء فى الغربه ..

تظهر لى الشخصيات هنا بروح مصر ..

خفة الدم المصريه ..

الأصاله .. الجدعنه .. الإشتراك فى الهموم غالبا ... والإشتراك حتى فى الأحلام ..

فى كل الأفراح والأحزان والأحداث يكون الإجتماع هنا بطعم آخر ..

أظن ذلك لا يمكن ان يكون مجرد عالم لا قيمة له ذا تصنيف افتراضى هامشي .. ام ماذا ؟؟!!

دمت بكل خير .. وبالغ التحيه لك

لولا

الله يكرمك ويستر أصلك

دة بس من ذوقك يا لولا

والله بجد الموضوع دة شاغلنى

حتى قبل نظرية الفراغ للزميل العزيز محمد عبد العزيز

بس هوة اتقوى أكتر بعد اوتوبيس سكوربيون الاخير

واللى بجد مستغربله انى كنت فاكر ان اللى هيختاروا ان الافتراضي واقع ومافيش حاجة اسمها افتراضي

هيبقوا قلة

وانا منهم

لكن واضح ان العكس هوة اللى حصل

خالص التحيات والاحترام لمرورك ع الموضوع :D

[سهران]

موضوعك رائع يا دكتور حسام و يستحق التحية فعلا .

سألت نفسي كثيرا ... لو أفتراضا حدث و جمع بيننا ( كأسرة المحاورات) لقاء و أطلقنا لأنفسنا العنان للحديث في موضوعات مختلفة و تبادلنا وجهات النظر هل سيعرف بعضنا بعضا من خلال وجهات نظرنا ..... أعتقد أننا و بسهولة سيتعرف كل منا على الآخر من خلال أفكاره و حتى من خلال روحه التي تظهر من خلال كلماته و أفكاره المنشورة في المنتدى ....

أخترت الخيار الثاني ..... أعتقد أننا في مجتمع حقيقي لا ينقصه الا بعض الشكليات و الرسميات غير المهمة ... بل نحن في مجتمع به من المميزات ما يفوق المجتمع الواقعي بمعناه .... أعبر عن نفسي بحرية .. أطرح أفكاري بالمساحة التي أحددها ..... ألتقي مع من أريد محاورته متى شأت أنا و ليس كما تسمح الظروف ..... أستزيد علما و معرفة في أي مجال أرغبه ..... تربطني علاقات ودودة مع البعض .... حتى المجاملات في المناسبات المختلفة أفضل من المجتمع الحقيقي علشان بنجيب ورد و تورتات ببلاش غير الحقيقي اللي بنكع فيه دم قلبنا :D :rolleyes: و دي ميزة طبعا كبيرة جدا :blink:

المرء مختبيء تحت لسانه فأذا تكلم ظهر ... و نحن هنا نعبر عن أنفسنا و نعرض أفكارنا و من يحاول أن يكون غير نفسه هو الخاسر و لن يستطيع الأستمرار طويلا فلن يستطيع خداع كل الناس كل الوقت و لن يستطيع طول الوقت أن يمثل دورا غير كينونته .

أعترض على مسألة المشاركة بمنتدى جاد زي المحاورات كبديل لوقت الفراغ و ارى أنه مثل قراءة الكتب بل هو أفيد و أفضل فهنا نتحاور و نتبادل خبرات الحياة ونستعرض قناعاتنا الخاصة و قناعات الآخرين .

هذا العالم أراه أفضل من الحقيقي في بعض الأحيان و المواقف ...... لأنه من أختياري أنا و ليس مفروض علىّ أن أحياه.

[لولا]

..... تربطني علاقات ودودة مع البعض .... حتى المجاملات في المناسبات المختلفة أفضل من المجتمع الحقيقي علشان بنجيب ورد و تورتات ببلاش غير الحقيقي اللي بنكع فيه دم قلبنا :D :rolleyes: و دي ميزة طبعا كبيرة جدا :blink:

معليش يا حسام انا نسيت اضيف النقطه اللى فاتت دى .. غابت عن بالى :P

ايه ده بس استاذ سهران غطى جميع المحاور شرق وغرب شمال وجنوب :D

خدو يا جماعه دى منى .. اهو ببلاش :blink:

كفايه كده :blink:

[حسام يوسف]

فعلا

العزيز سهران جاب م الاخر

تحياتى لسهران ولولا

تم تعديل 3 أبريل 2009 بواسطة حسام يوسف

[فــيــروز]

لا اعترف بشئ اسمه افكار فقط

فالمفترض عندما اقرأ شئ على صفحات الانترنت اعرف ان انسان من لحم و دم كتبه

و لكن عندما تأتينى رسالة تلقائية من احد المواقع على بريدى لا يكون نفس الشعور تجاة الرسالة بالتأكيد

لان الاولى كتبها بشر و الثانية كتبها برنامج

لا يعنى كلامى اننى افضل مناقشة خصوصيات الناس بدلا من افكارهم و لكن ان تعرف معلومة عمن كتب هذا الكلام يعطى فكرة كبيرة عن مصداقيته

قد تسألين و فى ماذا تهم مصداقيته

تهم طبعا اذا كان ما كتبتيه سيؤثر فى فكرى و وزنى للامور و نظرتى لها و ربما افعال اقوم بها كنتيجة لما اقرأه على صفحات هذه الشبكة التى يزعمون انها افتراضية

ومن أين يأتيك التأكّد من صحّة ما ستقرئيه من بيانات شخصيه !!

وماذا لو قرأتِ فكره لشخص على موقع و طلبتِ المزيد من البيانات الشخصيه به و رفض هو الإفصاح عنها !! هل تنسحبى من الحوار و النقاش أم تواصلى مع التسليم له بحقّه فى الحفاظ على خصوصيته !!

حين تقرئين فكره ما و تكون مؤثِره لدرجة التأثير فيكِ وفى نمط حياتك بعد قراءتها يفترض أن هذا كان لعمق الفكره نفسها و قوّة حجّتها و ليس لأن من قالها هو شخص لديه قدره على التأثير فيكِ .. و إلاّ ماكانوش قالوا يُعرَف الرجال بالحق ولا يُعرَف الحق بالرجال

[حسام يوسف]

حلو قوى ان وصلنا للنقطة دي فى النقاش

عزيزتى الفاضلة فيروز

طيب

هوة أفكار الشخص ايه

والشخص نفسه اية؟

مش واحد؟

[فــيــروز]

حلو قوى ان وصلنا للنقطة دي فى النقاش

عزيزتى الفاضلة فيروز

طيب

هوة أفكار الشخص ايه

والشخص نفسه اية؟

مش واحد؟

لا طبعا الشخص و أفكاره ليسا ذات الشئ ..

أفكار الشخص جزء منه ..

هل لأفكارى علاقه بسنّى أو نوعى أو حالتى الاجتماعيه أو وظيفتى أو شهادتى الجامعيه !! بمعنى هل هناك حاجه قبل أن أتحدّث عن فكرتى أن أوضّح قبلها أى من بياناتى الشخصيه !!

كل ما ذكرته فى السطر السابق هو ما يكوِّن الشخص و أفكاره ما هى إلاّ جزء بسيط من هذه المكوّنات ..

تم تعديل 3 أبريل 2009 بواسطة فــيــروز

[حسام يوسف]

دي كدة نقطة نقاشية مهمة جدا حضرتك

يعنى وجهة نظر حضرتك ان الأفكار جزء والشخص كل؟

والفرق بين الاتنين ما يزيد على الأفكار من ظروف شخصية خاصة بالانسان

كالسن

والنوع

والتعليم

طيب ما هو مش ممكن حضرتك نقول ان الأفكار نتاج للظروف الشخصية دي

من سن

ونوع

وبلد الاقامة

وتعليم

وظروف حياتية معينة

من يتم

لفشل فى علاقات

لفشل فى عمل

لنجاحات فى مجالات أخرى

أو بكلمات أخرى

مش أفكار الشخص وظروفه وجهين لعملة واحدة؟

على فكرة

أسجل اعجابى بالحوار الفكرى الجميل دة

تم تعديل 3 أبريل 2009 بواسطة حسام يوسف

[فــيــروز]

طيب ما هو مش ممكن حضرتك نقول ان الأفكار نتاج للظروف الشخصية دي

من سن

ونوع

وبلد الاقامة

وتعليم

وظروف حياتية معينة

من يتم

لفشل فى علاقات

لفشل فى عمل

لنجاحات فى مجالات أخرى

أو بكلمات أخرى

مش أفكار الشخص وظروفه وجهين لعملة واحدة؟

على فكرة

أسجل اعجابى بالحوار الفكرى الجميل دة

أكيد طبعا ..

و الفصل بين أفكار الإنسان و ظروفه ليس هدفه الإيحاء أنّه ليس هناك علاقة تأثير متبادله ما بينهم ..

الهدف فقط هو توصيل فكرة أنّه فى عالم المنتديات أو مواقع النقاش على النت يمكن الاكتفاء بالأفكار دون التفات كبير لما نشأت عنه من ظروف شخصيه .. أقصد أنّنا يمكن أن نتحاور أنا و أنت و غيرنا و نحن نعلم عن بعضنا البعض أقل القليل من المعلومات الشخصيه دون أن يؤثّر هذا على فاعلية حوارنا و الفائده المرجوّه منه ..

أنا كمان عاجبنى الحوار ده :D

تم تعديل 3 أبريل 2009 بواسطة فــيــروز

[حسام يوسف]

السؤال الان يا عزيزتى فيروز فى هذا الحوار الجميل

هوة فيه فرق بين الشخص وأفكارة؟

ولا مفيش فرق؟

خالص تحياتى

[فــيــروز]

السؤال الان يا عزيزتى فيروز فى هذا الحوار الجميل

هوة فيه فرق بين الشخص وأفكارة؟

ولا مفيش فرق؟

خالص تحياتى

:D السؤال ده اتسأل قبل كده بصيغه مخالفه :rolleyes:

و كانت إجابتى كما يلى ..

أفكار الشخص جزء منه ..

هل لأفكارى علاقه بسنّى أو نوعى أو حالتى الاجتماعيه أو وظيفتى أو شهادتى الجامعيه !! بمعنى هل هناك حاجه قبل أن أتحدّث عن فكرتى أن أوضّح قبلها أى من بياناتى الشخصيه !!

كل ما ذكرته فى السطر السابق هو ما يكوِّن الشخص و أفكاره ما هى إلاّ جزء بسيط من هذه المكوّنات ..

[زقلط]

لي ملاحظة بسيطة على العنوان، انه لا يتوافق مع الاختيارات. لأن وجود الفراغ في حد ذاته "نعمة حقيقة" واستغلالها في التصفح واكتساب المعلومة والتعرف على ثقافات وأفكار جديدة، من الجرائد والمواقع والمنتديات وغيرها، هو مكسب لا اعتبره تضييع وقت بالمعنى الحرفي لكلمة "فراغ". لكن المشكلة في الهدف من وراء المجتمع الافتراضي الذي قد يقودنا إلي درجة "التعصب". لو قلت الفراغ، إذا أنا انسف كل ما قلته سابقا، ويتبقى "الهدف".

[سهران]

..... تربطني علاقات ودودة مع البعض .... حتى المجاملات في المناسبات المختلفة أفضل من المجتمع الحقيقي علشان بنجيب ورد و تورتات ببلاش غير الحقيقي اللي بنكع فيه دم قلبنا :blush2: :ninja: و دي ميزة طبعا كبيرة جدا :D

معليش يا حسام انا نسيت اضيف النقطه اللى فاتت دى .. غابت عن بالى :P

ايه ده بس استاذ سهران غطى جميع المحاور شرق وغرب شمال وجنوب :D

خدو يا جماعه دى منى .. اهو ببلاش :sad: smk:

كفايه كده ;)

بزمتك يا أستاذة لولا لو جينا نباركلك على موضوع الأشراف في المجتمع الواقعي مش كنتي هاتكلفي كل واحد تمن قفصين الفاكهة اللي هيخش عليكي بيهم ؟ :P

فعلا

العزيز سهران جاب م الاخر

تحياتى لسهران ولولا

شكرا جزيلا على موضوعاتك الجميلة يا دكتور حسام

[محمد عبدالعزيز]

أنا حاسس إن الموضوع كده دخل فى سكة غير اللى أنا كنت أقصدها من مداخلتى بخصوص نظرية الفراغ كما أطلق عليها الدكتور حسام.

أنا كنت أقصد من مداخلتى, الفراغ الذى يؤدى إلى الاندماج الكامل فى عالم المنتدى, بحيث إن واحد مثلاً يبحث عن شهرة أو زعامة أو نجومية فى هذا العالم الافتراضى, ولو حصل عليها فعلاً فدى لا هى نجومية ولا هى شهرة ولا هى زعامة حقيقية زى اللى بتكون فى الواقع, لأنه باختصار لا توجد وسيلة تؤكد أن شخصيته على المنتدى هى شخصيته الحقيقية.

ولا أقصد من هذا الكلام أن المشاركين فى المنتديات يعانون من انفصام فى الشخصية أو ما شابه حتى لا أفهم خطأ مرة أخرى, ولكن لنفرض مثلاً إن واحد اشترك فى المنتدى وسمى نفسه محمد أبو تريكة وحط صورة محمد أبو تريكة على إنها صورته الشخصية, واشترك معانا ببيانات محمد أبو تريكة الحقيقية اللى هى سنه وعنوانه مثلاً, هل يوجد واحد من باقى أعضاء المنتدى يستطيع أن يؤكد ولو بنسبة 1% إن هذا العضو هو أو ليس هو محمد أبو تريكة لاعب الكرة المشهور؟

ومن ناحية أخرى, هل يستطيع هذا العضو نفسه أن يثبت لأى عضو آخر أنه هو بالفعل محمد أبو تريكة إلا إذا قابله شخصياً ووجها لوجه؟

لم أقصد بمداخلتى أبداً أن المشاركين فى المنتديات يعانون من الفراغ, وإلا أبقى بعارض نفسى, ماهو أنا مشترك زي زيكم فى المنتدى.

المشاركة فى المنتديات لها فوائد كثيرة لا أستطيع أن أنكرها, ولكن ما أستطيع أن أحكم عليه أو أتأكد منه تماماً هو الآراء والأفكار التى أقرأها, أما الشخصيات بكل أبعادها فهذا ليس متاحاً حتى الآن فى عالم الإنترنت منفصلاً عن الاتصالات الهاتفية والمقابلات الشخصية والمعاملات الحقيقية.

طيب ولو حصل بقى واتنين مثلاً اتخانقوا مع بعض وفضحوا بعض فى المنتدى, أنا بقى كعضو لا أعرف الاتنين دول شخصياً ومعرفتى بهما تقتصر على قراءاتى لهما فى المنتدى, هل أستطيع أن أحدد موقفى من الخلاف مابينهم؟

إيه اللى يخلينى اخد جنب واحد منهم وأدخل أشتم فى التانى أنا مش فاهم؟

حتى إذا كان اللى أنا بشتمه ده مشرف وقرفنى فى حياتى المنتدياتية, ممكن أستفيد إيه لما أقول إنه كذاب وإنه أخلاقه وحشة وماعندوش أصل.

إيه علاقة الصفات دى أساساً بمشاركته فى المنتدى إذا كان لا يشوبها شائبة؟

طيب إذا كنت أنا أعرفه شخصياً ومتأكد من إن الصفات دى فيه, إزاى أقدر أثبتها لباقى الأعضاء اللى أنا بكتب لهم فى المنتدى؟ ماهو أنا عاوز أفضحه بقى

وطيب إذا كنت مش ممكن أثبتها يبقى إيه فايدة إنى اكتبها؟

طيب إذا كان فى شلة تعرف بعضها معرفة شخصية وكلهم مشتركين فى منتدى واحد, هل ده ينطبق على كل الأعضاء فى كل المنتديات؟ بالتأكيد لا طبعاً.

طيب أنا لما بشترك فى منتدى وأكتب فيه, بكتب لمجموعة محددة من الأعضاء اللى أنا أعرفهم معرفة شخصية ولا لكل الأعضاء وغير الأعضاء كمان؟

فى النهاية أحب أقتبس المعلومة المهمة -من وجهة نظرى الشخصية- اللى ذكرها الدكتور حسام فى إحدى مشاركاته:

لان مش ممكن التواصل بين اتنين وجها لوجه اللى بيبقى 100%تواصل

زي التواصل ابو 7% اللى مقصود بيه تواصل الكلمات فقط بلا نبرات صوت أوملامح وجه وتعبيرات جسد

وخدوا بالكم من تواصل الكلمات فقط دى :blush2:

شكلى كده لخبطتكم معايا, ياترى حد فهم حاجة؟

تم تعديل 4 أبريل 2009 بواسطة محمد عبدالعزيز

[حسام يوسف]

الصديق العزيز محمد عبد العزيز

واحد من أهم مكاسبي فى عالم المنتديات والمحاورات تحديدا

احنا ما بعدناش ولا حاجة

بالظبط اللى انت تقصدة

انت معترض ع الاندماج الكامل وعايزة ما يبقاش كامل

لان دة عالم افتراضي لسنا متأكدين من صحة المعلومات عن كل عضو فيه

واحنا أو وجهة النظر المخالفة بتقول

لأ

هية هية

الافتراضي هوة الحقيقي

أو بكلمات أخرى مافيش حاجة اسمها افتراضي

ومحمد ابو تريكة الغطاس على راى الجنرال موديست لو اشترك

فبغض النظر انى على اخرى منه ومن بروباجاندا الاهلى المعمولة حواليه

لو اشترك فى المنتدى

صحيح انا مش متأكد اذا كان هو فعلا ولا لأ

بس انا هاخد ايه من اسمة أو شخصيتة

انا برضة هنا باخد منة أفكارة

ودي النقطة اللى اختلفت فيها مع باشمهندسة فيروز

لما سألت

هوة اية الفرق بين الشخص وأفكارة

وهية وجهة نظرها ان الشخص =أفكاره +عوامل شخصية

في حين أنا شايف افكار الشخص =الشخص نفسة

أو زى ما بتوع الكيميا بيسموا بعض التفاعلات انها انعكاسية

يعنى الشخص يساوى أفكارة

وأفكارة هية الشخص بذاته

الموضوع كبير

كبير

كبير