صرصار فوبيا

[سقراط المصري]

الأخ سبيدر

اسأل براحتك و ولايهمك.

طبعاً فيه ناس قلبها جامد في الحاجات دي ، بس انت برضه اكيد قلبك جامد في حاجات تانيه.

مش كده ولا إيه (تعبير مقتبس من سبيدر)

تحياتي

سقراط

[عادل أبوزيد]

مرت تقريبا أربع سنوات على هذا الموضوع.

و كتب الفاضل أخناتون موضوعا جديدا اليوم رابطة موضوع صرصار فى بيتنا للفاضل أخناتون

و هو يتكلم عن الفاضلة والدة زوجته أصابها الهلع و بدأت فى نوبة من الصراخ الهستيرى بمجرد رؤيتها "صرصار" و سؤالى هنا و بعد مرور هذه السنوات الأربع هل هناك علاج جديد لمسألة "الصرصار فوبيا " هذه ؟ و خاصة إذا كان الشعب الألمانى الراقى المرفه فيه من يعانى من هذه الفوبيا

[ابو حلاوه]

عزيزي استاذ عادل

الفوبيا او اي شكل من اشكال القلق المرضي يمكن علاجها بشكل جيد جدا بالعلاج السلوكي و الادراكي cognitive behavioral therapy و الحقيقة انها بتكون تجربة مشجعة جدا للمريض و المعالج علي السواء . احيانا باعالج مرضي بيعانوا من اربعين سنة مثلا و غير مصدقين لاحتمال التغير و بعد اسابيع قليلة بيتخلصوا من نسبة كبيرة من الخوف المرضي

نظريات العلاج بسيطة جدا في واقع الامر و كلها مبني علي نظريات التعلم learning theories و بالتحديد classical conditionning و تستطيع حضرتك الحصول علي معلومات مفصلة من جوجل لو بحثت باستخدام التعبير الاتي

Behavioral therapy for specific phobias

and if you want to get more information about the basic concepts of the intervention search for extinction through habituation

الادوية ايضا مفيدة جدا و لكن العلاج السلوكي و الادوية معا بيحققوا افضل النتائج

[Ghost]

انا بعرف اعوم كويس جدا بصراحة

و في البحر منذ زمن و انا ادخل الى الداخل ممكن 2 و 3 كيلو من الشط و بخاصة لو معي احد الاصحاب , و فجاءة اصابني خوف شديد من الدخول حتى الى 100 متر و حاسس ان هناك من يتربص بي من الاسماك المفترسة او القناديل ............... و تبقى سنة ما لها اخر لو التف كيس على رجلي و انا بعوم او اشوفه بس ,, احس ان قنديل كبير هيقرصني ,................

مش عارف اعمل اية , و ليه ده حصل

[Diab]

للرفع والافادة

[الباشمهندس ياسر]

انا كان عندي فوبيا الفراق و انا صغير

من يوم ما دخلت الجامعه أقاليم و ابتديت اروح و اجي و اتخرجت و اتغربت و انا بقيت كييييييييف سفر

بس لسه بتعب م الفراق

[reemragab]

هستأذن الأخ أبو حلاوه واجاوب على الموضوع

وطبعاً للأخ الفاضل ابو حلاوه كامل الحرية ان يقيم ويعدل تعليقي .

.......

الأخ الفضل عادل ابوزيد

العنوان الصحيح للموضوع هو فوبيا الصراصير وليس العكس.

ماذكرته حضرتك من أعراض هي أعراض الفوبيا فعلاً.

........

اسباب حدوث الفوبيا بصفه عامه هي مواقف تعلم خاطئه ، بمعنى ان قد يحدث ان يتعرض الفرد لخبرة ما سيئة وهذه الخبرة حدثت او اقترنت بموضوع معين (الصرصار مثلا هنا) فيقوم الفرد بالربط بين الحدثين معا ، بحيث ان ظهور احدهما يؤدي الى ظهور اعراض إضطرابيه للخبره كلها بصفة عامه ، ثم ينسى الفرد هذا الارتباط بين الموضوع والخبره السيئه ، ليستمر الموضوع بمفرده في إحداث الأعراض المرضيه.

...........................

الفرق بين الخوف والفوبيا

الخوف هو خوف من موضوعات تسبب وتستدعي فعلاً الخوف .

فمثلاً انا إذا رأيت أسداً وخفت فهذا طبيعي لان المثير هنا وهو الأسد من شأنه ان يهدد حياتي ويسبب الخوف.

اما الفوبيا فهو الخوف من موضوعات لاتستدعي او لا تسبب تهديدا للفرد.

مثال على ذلك الصراصير ، العناكب غير السامه ، الذباب.

........................

ومن أشهر انواع الفوبيا :

الخوف من الاماكن المرتفعه.

الخوف من الاماكن المغلقه او الضيقه مثل الأسانسير....وهكذا

......................

علاج الفوبيا

يوجد طريقتين متناقضتين لعلاج الفوبيا وهما:

1- طريقة الغمر

بمعنى ان تضع الشخص الخائف من الصراصير مع عدد من الصراصير في حجره بمفرده. طبعا هيصرخ ويتشنج ، بس بعد ذلك سيغلب على مخاوفه وتصبح شيىء عادي.

مميزاتها انها سريعه

عيوبها انها لاتصلح مع من يعانون القلب او اعراض من شانها ان تسبب ألما جسديا ، بمعنى ان اسلوب الغمر قد يحدث فيه افرازات عرق وزيادة ضربات القلب قد تكون مميته احيانا في حالة اذا كان الشخص مريض بأحد الامراض الجسديه مثل الفلب.

2- طريقة التدريجيه

اي تبدأ بتقديم مثير الخوف على مراحل وفي عده جلسات

منها تقديم مجرد صوره للصرصار في كتاب، وبعد ان يعتادها المريض في الجلسه الثانيه يكون مثلا الصرصار على بعد 10 متر منه

والجلسه الثالثه على بعد مترين وهكذا

مع تهدئه المريض دائما وتفهم مخاوفه.

مميزاتها تنفع مع ضعاف القلب

عيوبها - من وجهة نظري- انها قد تحتاج لعدد من الجلسات.

............................................

ارجو ان اكون وضحت للأخ عادل نبذه عن الفوبيا

وشكرا

سقراط المصري

يانهار اسود صرصار اهو هو ده الكائن الوحيد اللى بترعب منه تقوم سعادتك تقولى طريقة الغمر

لا لا هو مش خوف يعنى... قصدى احترااااااااااام احتراااااااااااااااااااااااااااااااااام

هههههههههههههههههههههههههههه

ولا ياسلام النوع اللطيف اللى بيطير ده

والله العظيم انا اما بتحصل حاجة زى كده بسيب الشقة خالص لحد ما اى حد يعمل اى حاجة

والموضوع غير مرتبط بالحجم نهائيا ..اى حجم كفيل بزعزعة امنى وهدم استقرارى

ومش عارفة الاقى حل للموضوع ده

اصحابى بيقولولى انتى على كده بيتك ها يبقى بيشغى اى حاجة هاتدخل هاتسيبلها البيت وتخرجى

ناقص كمان تقوليلها نوما هادئا واحلاما سعيدة

ولا شكلى ادام ولادى هايبقى ايه ساعتها يادى الفضايح وانا دايرة اجرى فى الشقة وخايفة من الصرصار

لا لا شوفولكوا حل وبسرعة