مدرسة حكومية مصرية..و اترك الصور تتحدث

[~Heba~]

اترككم مع الصور بلا تعليق

الله المستعان و الحمد لله على كل شئ

[mohammad zizoo]

الواحد كدة اطمن انه

التعليم بخير فى مصر

[سهران]

حمدا لله على السلامة يا باشمهندسة.

اعتقد الأسوء مش في مدرسة بأسوان لكن الأسوء موجود في بعض مدارس القاهرة ..... الكثافة في مدرسة بمنطقة فيصل المكتظة تعدت 150 تلميذ في الفصل الواحد ... شيء فعلا يدعوا للتفاؤل :blink:

هبة ......... هما الولاد كلهم سمر ليه :D :rolleyes: ؟؟؟؟؟؟؟؟ يمكن من المرار اللي شايفينه في مدرستهم ؟؟؟

[tarek hassan]

الواحد كدة اطمن انه

التعليم بخير فى مصر

فعلا حاجة تطمن

لأن دي رفاهية

ومتاع زائد عن الحد

بالنسبة لصور أخرى والعبرة مش بالتخت والمقاعد فقط

[MoHaMMeD EgYpT]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت :rolleyes:

اما بخصوص مصر

مش هقول حاجة غير حسبي الله و نعم الوكيل و ربنا يكون في عون اللي بيدرس في المدارس المصرية :D

تم تعديل 3 أبريل 2009 بواسطة MoHaMMeD EgYpT

[وليد صفوت]

السلام عليكم،..

هذة الصور توضح و تبين إزدهار و انتشاء و زهزهة التعليم المصرى فى عصره الذهبى الأول...

هذة الصور ليست للتعليم الان كما يروج البعض من "القلة المندثة" التى "تريد تقليب الناس" على "الحكومة" اللى قربت "تطلع من هدومها" عشان تأكل الغلابة، و لكن هى رسومات فرعونية وُجدت فى مخطوطات اثرية فى مقبرة الفرعون تختة الأول محب التعليم و راعى مسيرة التقدم فى مصر الفرعونية. و عشان تصدقوا كلامى... مافيش اى اختراع حديث موجود فى اى صورة منهم، و بالنسبة للقلم الجاف اللى فى الصورة التانية و الثالثة فده اختراع فرعونى 100 فى الـ100... و ماحدش يصدق غير كده!!

حسبى الله و نعم الوكيل....

[وليد صفوت]

نسيت أقول ان فى الصورة التانية الحيطان مدهونة بإتقان و حنكة، مما يُزهر تقدم فن النقاشة فى مصر الفرعونية و خصوصا فى عهد الأسرة الأولى!!

[se_ Elsyed]

انا شايف الموضوع عكس ذلك تماماً وهو اننا مشاركين في مثل تلك المهازل وذلك بسكوتنا ...

شكراً اولاً لهبه لنقلها مثل تلك الصور

وشكراً لبرنامج الحياة اليوم الذي يُذاع يومياً على قناة الحياة لإذاعته مناظر لأحد مدارس محافظة اسيوط من اسبوعين تقريباً

اقسم بالله اقل شيء يُقال ان وزير التعليم ومحافظ اسيوط لازم يتعدم فيها ، والصور يا سادة عبارة عن مدرسة ابتدائية المجاري ضاربه فيها من عدة شهور وتبلغ ارتفاعها لا يقل عن 50 سم في الحوش ومعظم الفصول ... اما دورات المياه فالحيوانات تقرف تقضى حاجتها فيها وكل ده نتيجة ان المقاول عمل اخطأ في ترميم المدرسة وبالتالي ما بقاش في صرف صحي

واشتكوا المسئولين في المدرسة عن هذه المصيبة لهيئة الابنية التعليمية ...... ولا حياة لمن تنادي

وللأسف نقلوا منظر للأولاد الصغيرين وهما بيقضوا حاجتهم بجوار السور او خارج المدرسة او الطفل يروح بيتهم يقضي حاجته ويرجع تاني

مرة اخرى اقول

قرية بها مثلاً نقول 20 الف شخص ... ما فيهاش راجل جريء يصور حاجات زي دي ويذهب بها للمحافظ ولجميع الجرايد ولرئاسة الجمهورية نفسها

لكن الكل بيكبر دماغه ويقول وانا مالي

[newcomer]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت :D

بجد استفزنى رد حضرتك جدا يا استاذ محمد

يا رب يخليك دايما ان شاء الله فى عز الكويت

على فكرة الموضوعات اللى زى دى بتكون علشان

نفكر - اقصد المصريين طبعا اللى بيحبوا بلدهم -

ازاى نقدر نصلح ........ و ما بيبقاش الغرض ابدا اننا نشمت او نغيظ نفسنا

أو نقارن دولة فيها 80 مليون بنى ادم بأى دولة تانية ......

على فكرة .....المدارس ......دى المكسره اللى ......

بيطلع منها ناس زى الفل.....بيحبوا بلدهم

و ممكن يطلع منها علماء و مصلحيين.....محترميين

و عموما عمرنا ما سمعنا ان الورق الناااااااااااااااعم و الدراسة اللى اخر دلع

( على حد تعبير سعادتك ) هي بس اللى بتطلع النوابغ...........

و فعلا لا حول و لا قوة الا بالله...

[fagrmasr]

قبل كل شئ شكرا على اثارة هذا الموضوع المهم جدا

والحديث عن المشكلة بصدق يكون اولى خطوات الحل .. حتى وان تأخرت الحلول

من المفترض ان نكشف وان نواجه مشاكلنا فعلا ولا يجوز ان ندفن رؤوسنا فى الرمال

مصر حبيبتى .. بالفعل هى حب وعشق وليست مجرد كلمات تقال

وعلى كل محب ان يحاول ان يفعل كل ما يستطيع من اجل حبيبته

عندنا فى قرية صغيرة بنتعاون على اصلاح المدارس .. بالتعاون بين الى مننا نجار او كهربائى او سباك

وبالتعاون مع مثقفين القرية فى رفع الامر لكل الجهات وطلب المعونة

وبالتعاون مع الادارة التعليمة

لم نصل الى الكمال وعندنا عيوب

ولكن بالتعاون يمكن على الاقل تقليل هذه العيوب

( فجر مصر )

[~Heba~]

حمدا لله على السلامة يا باشمهندسة.

الله يسلمك استاذى الفاضل سهران

اعتقد الأسوء مش في مدرسة بأسوان لكن الأسوء موجود في بعض مدارس القاهرة ..... الكثافة في مدرسة بمنطقة فيصل المكتظة تعدت 150 تلميذ في الفصل الواحد ... شيء فعلا يدعوا للتفاؤل :blink:

ما هو عشان كده يا فندم انا قلت الحمد لله على كل شئ لانى عارفة انه فيه اسوأ

هبة ......... هما الولاد كلهم سمر ليه :rolleyes: :rolleyes: ؟؟؟؟؟؟؟؟ يمكن من المرار اللي شايفينه في مدرستهم ؟؟؟

طبعا عشان المدرسة فى اسوان

و دى مدرسة اعدادية تابعة لادارة كوم امبو التعليمية

المدرسة عمرها اكتر من 40 سنة خرجت اجيال و اجيال و لسة شغالة ..بس بعكاز

زى ما قال وليد صفوت ده تاريخ و حضاره :happy:

[~Heba~]

قرية بها مثلاً نقول 20 الف شخص ... ما فيهاش راجل جريء يصور حاجات زي دي ويذهب بها للمحافظ ولجميع الجرايد ولرئاسة الجمهورية نفسها

لكن الكل بيكبر دماغه ويقول وانا مالي

اخويا هو اللى التقط الصور دى و انا بعرضها لكم لعل و عسى هناك من ينبه المسئولين بنعترف طبعا منقدرش نعمل حاجة اكتر من كده و رحم الله امرئ عرف قدر نفسه

السلام عليكم،..

هذة الصور توضح و تبين إزدهار و انتشاء و زهزهة التعليم المصرى فى عصره الذهبى الأول...

هذة الصور ليست للتعليم الان كما يروج البعض من "القلة المندثة" التى "تريد تقليب الناس" على "الحكومة" اللى قربت "تطلع من هدومها" عشان تأكل الغلابة، و لكن هى رسومات فرعونية وُجدت فى مخطوطات اثرية فى مقبرة الفرعون تختة الأول محب التعليم و راعى مسيرة التقدم فى مصر الفرعونية. و عشان تصدقوا كلامى... مافيش اى اختراع حديث موجود فى اى صورة منهم، و بالنسبة للقلم الجاف اللى فى الصورة التانية و الثالثة فده اختراع فرعونى 100 فى الـ100... و ماحدش يصدق غير كده!!

حسبى الله و نعم الوكيل....

نسيت أقول ان فى الصورة التانية الحيطان مدهونة بإتقان و حنكة، مما يُزهر تقدم فن النقاشة فى مصر الفرعونية و خصوصا فى عهد الأسرة الأولى!!

على قد ما ردك اضحكنى على قد ما بكانى

و كم فى مصر من المضحكات لكنه ضحك كالبكا

:rolleyes:

[~Heba~]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت :rolleyes:

بجد استفزنى رد حضرتك جدا يا استاذ محمد

يا رب يخليك دايما ان شاء الله فى عز الكويت

على فكرة الموضوعات اللى زى دى بتكون علشان

نفكر - اقصد المصريين طبعا اللى بيحبوا بلدهم -

ازاى نقدر نصلح ........ و ما بيبقاش الغرض ابدا اننا نشمت او نغيظ نفسنا

أو نقارن دولة فيها 80 مليون بنى ادم بأى دولة تانية ......

على فكرة .....المدارس ......دى المكسره اللى ......

بيطلع منها ناس زى الفل.....بيحبوا بلدهم

و ممكن يطلع منها علماء و مصلحيين.....محترميين

و عموما عمرنا ما سمعنا ان الورق الناااااااااااااااعم و الدراسة اللى اخر دلع

( على حد تعبير سعادتك ) هي بس اللى بتطلع النوابغ...........

و فعلا لا حول و لا قوة الا بالله...

سلمت يمينك التى خطت تلك الحروف يا newcomer

و انت يا محمد يا ايجيبت اقولك ايه بس ربنا يهديك..و يخليلك الكويت كمان :rolleyes:

[newcomer]

سلمت يمينك التى خطت تلك الحروف يا newcomer

تسلمى حضرتك ......و تسلم البلد اللى كلنا بنحبها :rolleyes:

[د هشام ابراهيم]

الحقيقة الصور مثيرة للشجون و الأفكار

هل ضيق ذات الحال مبرر لسوء التعليم ..... دول في مجاهل أفريقيا و وسط مجاعات و ظروف اقتصادية طاحنة و الفصول أصلا في الهواء الطلق ....بس العملية التعليمية سليمة و التلاميذ بيطلعوا يقروا و يكتبوا ....مش حاتكلم علي مستوي طلبة اعدادي اللي ما بيعرفوش يكتبوا اسمهم صح .... خلينا في طلبة الجامعة و مقدرتهم اللغوية

الأنقح من كده ....هي مصر دولة فقيرة ؟ مهما كانت الاجابة ازاي يبقى فيه مدارس بالتجهيزات ديه انما مبني الادارة التعليمية أو المحافظة متغطي رخام !!

[MoHaMMeD EgYpT]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت :rolleyes:

بجد استفزنى رد حضرتك جدا يا استاذ محمد

يا رب يخليك دايما ان شاء الله فى عز الكويت

على فكرة الموضوعات اللى زى دى بتكون علشان

نفكر - اقصد المصريين طبعا اللى بيحبوا بلدهم -

ازاى نقدر نصلح ........ و ما بيبقاش الغرض ابدا اننا نشمت او نغيظ نفسنا

أو نقارن دولة فيها 80 مليون بنى ادم بأى دولة تانية ......

على فكرة .....المدارس ......دى المكسره اللى ......

بيطلع منها ناس زى الفل.....بيحبوا بلدهم

و ممكن يطلع منها علماء و مصلحيين.....محترميين

و عموما عمرنا ما سمعنا ان الورق الناااااااااااااااعم و الدراسة اللى اخر دلع

( على حد تعبير سعادتك ) هي بس اللى بتطلع النوابغ...........

و فعلا لا حول و لا قوة الا بالله...

سلمت يمينك التى خطت تلك الحروف يا newcomer

و انت يا محمد يا ايجيبت اقولك ايه بس ربنا يهديك..و يخليلك الكويت كمان :rolleyes:

:happy:

ماذا نفهم من هذا الرد ؟!!!!

إنت نفسك فهمت حاجه ولا هي زيادة مداخلات مالهاش لازمه ؟!!!!

نرجو أن تكون مداخلاتك مفيدة في الموضوعات الجادة وإلا بلاش منها

الإدارة

سي السيد

[dawn walker]

ويتحدثون عن جودة التعليم !!!

[Amr Radwan]

عادة لما بشوف صور زي دي بيجي في بالي المثل اللي بيقول "و ما خفي كان اعظم" !!!

فكروا معايا .. لما يكون ده اللي ظاهر .. دكك مكسره .. اطفال قاعدة علي شباك الفصل و ملهاش مكان .. مفيش شبابيك .. ده اللي ظاهر امامنا كماديات .. امال اية الوضع في الحاجات اللي مش ظاهرة .. يعني مستوي التعليم

هل تفكير الحكومة و الوزير الهمام ... ان المدارس دي بوضعها هتخرج العلماء و الجهابذه اللي يساعدو مصر انها تبقا دولة متقدمة ؟؟ و لا هما عاوزين يخرجو جيل جديد من الشباب العاطل الغير مؤهل و اللي مش في دماغة غير الدش و القنوات اياها و الهزار و الفرفشة ؟؟

و الله انا مش فاهم الحكومة و الوزارة دي بتفكر ازي .. بس اكيد هما لهم اهداف و عاوزين يحققوها .. اية هي الاهداف دي الله اعلم .. ؟؟!؟

علي فكرة .. لو الصور دي اتعرضت عليهم .. هيقولوا دي مدرسة وحيدة نائية و هيطلعولك 100000000 حل للامازق و لكن انا مش هنسي ان من فترة غير بعيدة كان جمال مبارك في زيارة لمدرسة اطفال في افقر قرية في مصر .. و العيال منظرهم ولاد ذوات و لابسين و الجدران عليها ورد و اعلام مصر و تحس انك في مدرسة اجنبية في الزمالك او المهندسين ههههههههه و كنت ببص و استغرب و بقول في عقل بالي .. طيب عاوزين تشتغلونا ماشي بس مش للدرجة دي ..

حسبي الله و تعم الوكيل ..

[kokomen]

ال

شكرا يا باشمهندسة  \  هبة

الموضوع يوضح ما وصل إليه حال التعليم في مصر المحروسة 

وهو يظهر جانب سلبي واحد في المشكلة  التعليمية .. أقصد البيئة التعليمية 

وهو الفصل وتجهيزه بالكراسي والتربيزات والسبورة ولون الحوائط في الفصل والإضاءه وضع النوافذ للتهوية الجيدة

ويراعى كذلك المساحات الفارغة بين الطلاب تكون مناسبة لتخفيف التوتر بين الطلاب

ثم يأتي دور المعلم في العملية التعليمية 

ودور المنهج أيضا في العملية

ذكرتيني بأيام العمل في كوم أمبو بقرية إبريم مركز ناصر في أول تعييني في السبعينات

لم يكن الحال متدهورا كما نراه الآن بالرغم من ضعف الإمكانيات في ذلك الوقت 

اللهم أصلح حالنا .. وولي علينا من يخافك ويعمل لصالح مصر المحروسة .. آمين

[Alshiekh]

الصور المنشورة تعبر عن مأساة كبيرة

والمأساة التى امامنا ليست قاصرة على قرية نائية ، بل قد تكون موجودة فى معظم مدن وقرى مصر بلا استثناء.

والمسئولون عن هذه المأساة هى جهات عديدة قد يكون السبب الرئيسى فيها هو المركزية ، مركزية اتخاذ القرار فى العاصمة وهو شيئ فى رأيى يجب ان يحل بتوزيع او باعادة توزيع ميزانية الخدمات ومحلية اتخاذ القرار فى امور كهذه.

الشيئ المثير للاهتمام وتحملوا قسوتى قليلا هو اين العمل العام من مثل هذه الامور؟

السؤال الذى تبادر لذهنى عندما رأيت الصور كان هو: اين رجال هذه القرية؟ اليس فى القرية رجال يسخرهم الله للخير ولخدمة اهليهم وابناؤهم؟

ماذا لو دفعت كل اسرة حمسة جنيهات دعما شهريا للمدرسة؟ انها لن تقصم وسط الاسرة !

لماذا نهرب من العمل الخيرى العام؟ انا متأكد بأن فى كل قرانا من هم مقتدرون ومنهم عاملون بالخارج ومن الممكن ان يساعدوا فى ولو بجنيهات قليلة فى الارتفاع بمستوى تلك المدارس ، ولكن يحتاجون الى من ينير لهم طريق المساهمة والمساعدة.

لماذا صرنا نكتفى بالمشاهدة ومصمصة الشفاه .

هل عدمت اسوان الاثرياء والقادرين؟ لماذا لايتم تخصيص قيمة من الارباح للمساهمة فى تجديد الاثاث داخل المدارس مع العلم ان تلك النسب ستخصم من صافى الارباح عند المحاسبة الضريبية؟

لو قام كل عريس وعروسة بالتبرع بجرام واحد من ذهب الشبكة لوفر تختة للمدرسة

لو تم توريد قرش صاغ واحد عن كل لتر بنزين يوضع فى سيارة لعمل الشيئ الكثير

انا لا انفى المسئولية عن الحكومة ، ولكنى لااؤيد ان نلقى باللوم على الحكومة ولانساعد فى حل مشاكلنا انتظارا لدور الحكومة.

مانراه فى الصورة يماثل تماما ( فى رأيى ) حادث سير على الطريق ، والذى يسارع فيه الاهالى لنجدة المصابين ، فلماذا لايكون هذا هو تصرفنا عندما نرى شيئ كهذا خاصة واننا نعلم.

انا اتحدث عما مارسته بالفعل فى المدارس التى تعلم فيها ابنائى ، فقد كنت عضو مجلس آباء واعرف ماتعانى منه المدارس من نقص مالى ومن روتين مقيت ، علما بأن ذلك كان بالاسكندرية ، كنا كمجموعة مجلس آباء نتبرع بما نقدر عليه ونتصل بأولياء أمور الاطفال الذين نعرف عنهم القدرة المالية ونسألهم المساهمة فى مشروعات داخل المدرسة ، ومشروعات أخرى خيرية للتلاميذ والطلبة الغير قادرين. واعتقد ان تلك الاعمال يمكن ان تتم فى اى مكان.

ومن الغريب اننى وجدت ان نفس الاسلوب الذى اتبعناه يتم هنا فى امريكا وعلى نطاق اوسع. بل ويتم تحصيل نسبة 1% فى المدينة التى اعيش بها لصالح العملية التعليمية .

والاغرب ان التلاميذ مطالبون باعادة كتبهم نظيفة الى المدرسة فى نهاية العام لتسلف لطلبة العام الجديد ، اى ان الكتب تستخدم لاربعة سنين ، ويدفع الطالب الذى لايعيد الكتب ثمنها قبل الالتحاق بالسنة التالية ، ويدفع ثمن الكتاب التالف ايضا.

ماقصدته ان الحكومة عليها المسئولية الاكبر ، ولكن يجب ان نقر بان علينا واجب ايضا نحو ابنائنا ولا يجب ان نتخلى عن مسئولياتنا.

ومرة اخرى اسأل عن البلد اللى طالع منها الصور " البلد دى مافيهاش رجالة؟ "