مدرسة حكومية مصرية..و اترك الصور تتحدث

[وليد صفوت]

السلام عليكم،..

لا ننسى ان أسوان و كوم امبو تحديداً فيهما من الجذب السياحى الكثير. و بالتالى هى تورد لخزينة الدولة الكثير من العملات الصعبة و ايضاً توفر الكثير من العمالة... لماذا لا يُقتطع من هذة الموارد جزء يسير لتنمية المدينة الرئيسية و القرى حولها (رسوم تنمية المدينة مثلا تُحصل من الفنادق و شركات السياحة ) و لا سيما فى مجال التعليم؟

تحياتى،..

[~Heba~]

عندنا فى قرية صغيرة بنتعاون على اصلاح المدارس .. بالتعاون بين الى مننا نجار او كهربائى او سباك

وبالتعاون مع مثقفين القرية فى رفع الامر لكل الجهات وطلب المعونة

وبالتعاون مع الادارة التعليمة

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

و لو حضرتك لاحظت فى الصورة الأخيرة المدرسين شغالين يصلحوا التخت

المدرس اتحول لنجار

اهو دول بقى يستحقوا كادر المعلمين و النجارين فى نفس الوقت :rolleyes:

الأنقح من كده ....هي مصر دولة فقيرة ؟ مهما كانت الاجابة ازاي يبقى فيه مدارس بالتجهيزات ديه انما مبني الادارة التعليمية أو المحافظة متغطي رخام !!

للاسف العكس هو الصحيح يا دكتور و الله لو شفت مبنى الادارة التعليمية نفسه متصدقش انه فى مصر

مهزلة و الله

علي فكرة .. لو الصور دي اتعرضت عليهم .. هيقولوا دي مدرسة وحيدة نائية و هيطلعولك 100000000 حل للامازق و لكن انا مش هنسي ان من فترة غير بعيدة كان جمال مبارك في زيارة لمدرسة اطفال في افقر قرية في مصر .. و العيال منظرهم ولاد ذوات و لابسين و الجدران عليها ورد و اعلام مصر و تحس انك في مدرسة اجنبية في الزمالك او المهندسين ههههههههه و كنت ببص و استغرب و بقول في عقل بالي .. طيب عاوزين تشتغلونا ماشي بس مش للدرجة دي ..

حسبي الله و تعم الوكيل ..

المدرسة غير نائية اطلاقا

دى فى قرية بس كبيرة من ناحية المساحة و عدد السكان

و فيها كل الخدمات بدءا من رصف الطرق الى الصرف الصحى و مستشفى و صيدليات و فرع لبنك التنمية و الائتمان الزراعى و معاهد ازهرية و مدرسة ثانوية

فيها محطات تقوية للاشارات المحمول و فيها انترنت كمان

تم تعديل 5 أبريل 2009 بواسطة ~Heba~

[~Heba~]

ذكرتيني بأيام العمل في كوم أمبو بقرية إبريم مركز ناصر في أول

تعييني في السبعينات

لم يكن الحال متدهورا كما نراه الآن بالرغم من ضعف الإمكانيات في

ذلك الوقت

اللهم أصلح حالنا .. وولي علينا من يخافك ويعمل لصالح مصر

المحروسة .. آمين

استاذى الفاضل ابو احمد

حضرتك وضعت يدك على الجرح المشكلة ليست ضعف فى الامكانيات لكن ضعف فى المتابعة و الاهتمام

ان لم ينال التعليم اهتمامنا و توجيه كل الامكانيات له ايه اللى يناله

الشيئ المثير للاهتمام وتحملوا قسوتى قليلا هو اين العمل العام من مثل هذه الامور؟

السؤال الذى تبادر لذهنى عندما رأيت الصور كان هو: اين رجال هذه القرية؟ اليس فى القرية رجال يسخرهم الله للخير ولخدمة اهليهم وابناؤهم؟

ماذا لو دفعت كل اسرة حمسة جنيهات دعما شهريا للمدرسة؟ انها لن تقصم وسط الاسرة !

وجهة نظر حضرتك جديرة بالاحترام

بالنسبة للعمل التطوعى فهو موجود لكن فى نواحة اخرى اهم مثل الكشف الطبى و التوعية الزراعية

و فى مجال التعليم كمجموعات تقوية للتلاميذ

و صدقنى كفاية اللى بيقدمه بعض المدرسين دا انا بعرف واحدة بتشترى حتى الاقلام و الكراسات لتلاميذ الفصل الذى تدرس له فى مدرسة ابتدائية

لانها تعرف ان الأهالى حالتهم بسيطة

انما تقولى تبرع بخمسة جنيه شهريا صعب جدا يا فندم فى ظل حالة الغلاء المستعرة دى

الناس استغنت عن كماليات كتير بسببها و بيركزوا على الاساسيات دا حتى الدروس الخصوية خفت بسبب ذلك

السلام عليكم،..

لا ننسى ان أسوان و كوم امبو تحديداً فيهما من الجذب السياحى الكثير. و بالتالى هى تورد لخزينة الدولة الكثير من العملات الصعبة و ايضاً توفر الكثير من العمالة... لماذا لا يُقتطع من هذة الموارد جزء يسير لتنمية المدينة الرئيسية و القرى حولها (رسوم تنمية المدينة مثلا تُحصل من الفنادق و شركات السياحة ) و لا سيما فى مجال التعليم؟

تحياتى،..

عائد السياحة محدش عارف اصلا بيروح فين

مش يمكن المسؤلين الكبار فى العاصمة هما اللى واكلينه؟؟!!!

الموضوع ده فكرنى بالعمالة اللى جت من العاصمة و من محافظات اخرى فى الوجه البحرى للعمل فى السد العالى

و توشكى ايضا بدلا ما يكون اولى بيها ابناء المحافظة

بدل ما يعلموهم و يدربوهم جابوا لنا ناس من محافظات تانية :rolleyes:

[student]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت

بجد استفزنى رد حضرتك جدا يا استاذ محمد

يا رب يخليك دايما ان شاء الله فى عز الكويت

على فكرة الموضوعات اللى زى دى بتكون علشان

نفكر - اقصد المصريين طبعا اللى بيحبوا بلدهم -

ازاى نقدر نصلح ........ و ما بيبقاش الغرض ابدا اننا نشمت او نغيظ نفسنا

أو نقارن دولة فيها 80 مليون بنى ادم بأى دولة تانية ......

على فكرة .....المدارس ......دى المكسره اللى ......

بيطلع منها ناس زى الفل.....بيحبوا بلدهم

و ممكن يطلع منها علماء و مصلحيين.....محترميين

و عموما عمرنا ما سمعنا ان الورق الناااااااااااااااعم و الدراسة اللى اخر دلع

( على حد تعبير سعادتك ) هي بس اللى بتطلع النوابغ...........

و فعلا لا حول و لا قوة الا بالله...

سلمت يمينك التى خطت تلك الحروف يا newcomer

و انت يا محمد يا ايجيبت اقولك ايه بس ربنا يهديك..و يخليلك الكويت كمان :closedeyes:

:lol:

ماذا نفهم من هذا الرد ؟!!!!

إنت نفسك فهمت حاجه ولا هي زيادة مداخلات مالهاش لازمه ؟!!!!

نرجو أن تكون مداخلاتك مفيدة في الموضوعات الجادة وإلا بلاش منها

الإدارة

سي السيد

الرجاء ....بالراحة

الراجل ما كانش يقصد ولا يستاهل كل الكلام ده

احنا مش في حرب ضد محمد

احنا ضد تدهور التعليم

:roseop:

[Lembic]

طبعا سيادة الريس وحرمه عارفين إن المدارس دى موجودة بس هما بيجتمعوا وبيسعوا علشان يغيروا الكلام ده كله! الريس طول عمره شايف وصابر ومستحيل يسمح بالكلام ده ! ده حتى مرة كان محطوط على الفطار قدامه علبة زبادى من أم إتنين جنيه ونص بس ميعاد الصلاحية بتعاها إنتهى فقام رافع التليفون الكوردليس ووبخ الوزره كلاتهم وراح رامى الزبادى فى صفيحة الزبالة من غير أى شفقة أصله ميحبش العوج والامور الهلس - بركاتك يا سيدى أبو اللبلاب :closedeyes:

[Nassarlink]

انا شايف الموضوع عكس ذلك تماماً وهو اننا مشاركين في مثل تلك المهازل وذلك بسكوتنا ...

شكراً اولاً لهبه لنقلها مثل تلك الصور

وشكراً لبرنامج الحياة اليوم الذي يُذاع يومياً على قناة الحياة لإذاعته مناظر لأحد مدارس محافظة اسيوط من اسبوعين تقريباً

اقسم بالله اقل شيء يُقال ان وزير التعليم ومحافظ اسيوط لازم يتعدم فيها ، والصور يا سادة عبارة عن مدرسة ابتدائية المجاري ضاربه فيها من عدة شهور وتبلغ ارتفاعها لا يقل عن 50 سم في الحوش ومعظم الفصول ... اما دورات المياه فالحيوانات تقرف تقضى حاجتها فيها وكل ده نتيجة ان المقاول عمل اخطأ في ترميم المدرسة وبالتالي ما بقاش في صرف صحي

واشتكوا المسئولين في المدرسة عن هذه المصيبة لهيئة الابنية التعليمية ...... ولا حياة لمن تنادي

وللأسف نقلوا منظر للأولاد الصغيرين وهما بيقضوا حاجتهم بجوار السور او خارج المدرسة او الطفل يروح بيتهم يقضي حاجته ويرجع تاني

مرة اخرى اقول

قرية بها مثلاً نقول 20 الف شخص ... ما فيهاش راجل جريء يصور حاجات زي دي ويذهب بها للمحافظ ولجميع الجرايد ولرئاسة الجمهورية نفسها

لكن الكل بيكبر دماغه ويقول وانا مالي

سي السيد

انا لي رأي آخر

احنا في ايدينا ادوات كتير ممكن نستخدمها

وممكن تكون النتائج بتاعتها اكبر من المتوقع

يعني حاجه زي مجلس امناء المدرسه

الناس دول مش مطلوب منهم غير انهم يحضروا الاجتماعات الدوريه الشهريه ليهم

لو كانوا بيحضروا في المدرسه

مكانوش شافوا المجاري ضاربه وسكتوا

لان مجلس الامناء المفروض ان من ضمن اعضاءه حسب قرار انشاء مجالس الامناء في المدارس خمس اعضاء من الشخصيات العامه

ممكن يكون صحفي او عضوفي المجلس المحلي او موظف في مكان مميز يقدر يساعد من مكانه

لو ان الامناء دول حثوا اولياء الامور الحضور في الجمعيه العموميه

والكل اتفاعل بشكل ايحابي

سوف تكون النتائج مختلفه

انا عملت استقصاء للرائ في المدرسه الي انا عضو في مجلس امناءها في المنصوره -

وهي مدرسه تعتبر صغيره بالنسبه للكثافه السكانيه في المنصوره -

وسالت ليه الولياء الامور مبيحضروش الاجتماعات ويقولوا رايهم وشاركوا بافكارهم بس

كان رد 50% انهم خايفين احسن الاجتماعات دي يكون محصلتها اجبارهم علي دفع تبرعات للمدرسه

و 20% قالوا ان الوقت بتاع الاجتماع مش مناسب

و 10% قال انه مش فاضي

و 10% قال انه ميبعرفش اصلا بموعد الاجتماع

و 10% قال ان الاجتماعات دي مش بنطلع منها بحاجه

وكانت نسبه المشاركه منهم الاجمالي قبل الاستقصاء 20%

طبعا انا وزعت الاستقصاء علي الطلبه في الفصول بنفسي وبمساعده بعض المعلمين المهتمين

ولما ارسلت لهم بعد كده بموعدالاجتماع التالي

وكتبنا عليه ان هذا الاجتماع ليس لجمع تبرعات ماليه

وقبلها سالناهم ايه انسب يوم ووقت لعقد الاحتماع

وحاولنا بعبارات صغيره نفهمهم ان من غير مشاركتهم مش هنقدر نساعد ابناءنا

وكمان اتاكدنا عن طريق التوقيع باستلام الاعلان بموعد الاجتماع

ارتفعت ساعتها نسبة المشاركه الي 50%

ودي نسبه مش قليله

ولما بداوا يحضروا بدانا نعرض بعض المشاكل الي بتقابل المدرسه

والحمد لله حلينا واحنا قاعدين حاجات كتير منها

وبالمتابعه كانت النتائج مبهره

الي عاوز اقوله ان كل مدرسه فيها مجلس امناء علي الورق

لو اتحول من الورق الي الفعل الحقيقي

هتكون النتيجه ان المدرسه مش هيكون فيها مجاري من غيرما نجمع تبرعات هيكون في حلول كتير

في الاخر دي كانت اداه واحده ممكن تساعد في الحل لو فعلناها

واكيد في ادوات كتير ممكن تساعد

بس احنا نتحرك ومنلقيش باللوم الدائم علي غيرنا

المشكله اساسها فينا احنا

بس ده طبعا مش بيدي العذر للمسئولين عن العمليه التعليميه في مصر

وشكرا

تم تعديل 6 أبريل 2009 بواسطة Nassarlink

[somayasaleh]

هووووووووووبة حبيبة قلبي....... حمد لله علي السلامة..... وحشتينا يا قمر،،،، ووحشتنا مواضيعك الجميلة

المشكلة يا هوبة مش في الصور اللي سعدنا بها علي الصبح كده؟؟؟؟؟

المشكلة اكبر من كده بكتييييييييييييييير .......ده منظومة مترتبة يا بنتي..... وبلاش نفسر اكتر من كده...... يجعل كلامنا خفيف عليهم

اذا أرادتي اصلاح اي بلد ..... فعليك بالتعليم....... والتعليم مين اللي قائم عليه؟؟؟؟؟؟

بس كده مش عايزه اكمل........ امال احنا مهاجرين ليه وسايبنهالهم مخضرة

يعني فكرك سهل الواحد يسيب وطنه واهله وناسه ويطفش لبلاد الثلوج البيضاء؟؟؟؟

يا بنتي السبب الاساسي لتقديمي علي الهجرة هو التعليم

عايزة الحق انقذ ما يمكن انقاذه للاولاد

بس حقيقي سعدت برجوع مشاركاتك تاني يا هوبه

[Amr Radwan]

اقصر الطرق لمحاربة الفساد و الامبالاه و السلبية هي .. المواجهة .. نعم المواجهه و ليس الهروب

فعلا .. سعدت جدا لما قرات رد الزميل الفاضل NaserLink و ايجابيته في حل المشكلة التي تواجهه ..

علي فكرة ... دي بلدنا احنا كمان مش بلدهم هم بس .. و احنا مهما لفينا و اتغربنا لازم هنرجع لارضنا تاني .. بالعكس احنا ممكن نأثر في بلدنا بالايجاب و احنا في الغربة ..

تحياتي لكل من اشترك الموضوع بكلماته

تم تعديل 6 أبريل 2009 بواسطة Amr Radwan

[kiko]

السلام عليــكــم

كــم من الكبار الكبــار خرجوا علينا وملأوا علينا السمع والبصر أمثال طه حسين و الكثير الكثير خرجوا من الكتاب بضم الكاف وعصا سيدنا الشيخ التعليم ليس بالمكان ولا بالامكانيات المادية فقط وان كانت أحد الأدوات.

أعطوا المعلمين رواتــب تحفظ ماء الوجه وتسمح بالحياة الكريمه وستروا مصر محمد علي التي لا يرودونها أن ترجع.

تحيــــاتي

[YaserK]

لا حول ولا قوة الا بالله

الحمد لله ان ربنا عداها علي خير عليا في مصر انا حاليا طبعا في الكويت المدارس و التعليم هنا بسم الله ما شاء الله زي الفل و المدارس والله حاجة تشرح القلب ده غير الكتب ورقها نااااااااااااااااااعم و التختات و الكراسي زي المدارس الخاصة بمصر و الدراسة والله دلع هنا

ربنا يدوم عزك يا كويت :sad:

اما بخصوص مصر

مش هقول حاجة غير حسبي الله و نعم الوكيل و ربنا يكون في عون اللي بيدرس في المدارس المصرية :ninja:

ربنا يخلي مدارسنا اللي طلعتلنا 4 فائزين بجايزة نوبل وأطباء ومهندسين وعلماء وكتاب وأدباء مليين العالم كله

لا يا أخي الكريم ... ما هكذا تورد الابل وما هكذا يدار الحوار

تم حذف جُملة من الحوار

سي السيد

الادارة

تم تعديل 7 أبريل 2009 بواسطة se_ Elsyed

[~Heba~]

سي السيد

انا لي رأي آخر

احنا في ايدينا ادوات كتير ممكن نستخدمها

وممكن تكون النتائج بتاعتها اكبر من المتوقع

يعني حاجه زي مجلس امناء المدرسه

الناس دول مش مطلوب منهم غير انهم يحضروا الاجتماعات الدوريه الشهريه ليهم

لو كانوا بيحضروا في المدرسه

مكانوش شافوا المجاري ضاربه وسكتوا

لان مجلس الامناء المفروض ان من ضمن اعضاءه حسب قرار انشاء مجالس الامناء في المدارس خمس اعضاء من الشخصيات العامه

ممكن يكون صحفي او عضوفي المجلس المحلي او موظف في مكان مميز يقدر يساعد من مكانه

لو ان الامناء دول حثوا اولياء الامور الحضور في الجمعيه العموميه

والكل اتفاعل بشكل ايحابي

سوف تكون النتائج مختلفه

انا عملت استقصاء للرائ في المدرسه الي انا عضو في مجلس امناءها في المنصوره -

وهي مدرسه تعتبر صغيره بالنسبه للكثافه السكانيه في المنصوره -

وسالت ليه الولياء الامور مبيحضروش الاجتماعات ويقولوا رايهم وشاركوا بافكارهم بس

كان رد 50% انهم خايفين احسن الاجتماعات دي يكون محصلتها اجبارهم علي دفع تبرعات للمدرسه

و 20% قالوا ان الوقت بتاع الاجتماع مش مناسب

و 10% قال انه مش فاضي

و 10% قال انه ميبعرفش اصلا بموعد الاجتماع

و 10% قال ان الاجتماعات دي مش بنطلع منها بحاجه

وكانت نسبه المشاركه منهم الاجمالي قبل الاستقصاء 20%

طبعا انا وزعت الاستقصاء علي الطلبه في الفصول بنفسي وبمساعده بعض المعلمين المهتمين

ولما ارسلت لهم بعد كده بموعدالاجتماع التالي

وكتبنا عليه ان هذا الاجتماع ليس لجمع تبرعات ماليه

وقبلها سالناهم ايه انسب يوم ووقت لعقد الاحتماع

وحاولنا بعبارات صغيره نفهمهم ان من غير مشاركتهم مش هنقدر نساعد ابناءنا

وكمان اتاكدنا عن طريق التوقيع باستلام الاعلان بموعد الاجتماع

ارتفعت ساعتها نسبة المشاركه الي 50%

ودي نسبه مش قليله

ولما بداوا يحضروا بدانا نعرض بعض المشاكل الي بتقابل المدرسه

والحمد لله حلينا واحنا قاعدين حاجات كتير منها

وبالمتابعه كانت النتائج مبهره

الي عاوز اقوله ان كل مدرسه فيها مجلس امناء علي الورق

لو اتحول من الورق الي الفعل الحقيقي

هتكون النتيجه ان المدرسه مش هيكون فيها مجاري من غيرما نجمع تبرعات هيكون في حلول كتير

في الاخر دي كانت اداه واحده ممكن تساعد في الحل لو فعلناها

واكيد في ادوات كتير ممكن تساعد

بس احنا نتحرك ومنلقيش باللوم الدائم علي غيرنا

المشكله اساسها فينا احنا

بس ده طبعا مش بيدي العذر للمسئولين عن العمليه التعليميه في مصر

وشكرا

ايجابية و فاعلية احسدك عليها يا اخى NaserLink ...او اغبطك بمعنى اصح

بس ياريت لو اغلب الناس كده بس للاسف احنا معدناش شعب مصر بتاع زمان احنا بقينا شعب "و انا مالى " لدرجة انه السلبيه وصلت بينا لاننا نتخلى عن اخوتنا فى غزة و طلعت ناس تنادى بان مصر ملهاش دعوة بفلسطين و لا يجب ان تخوض حرب دفاعا عنها

بالنسبة لكلامك عن مجلس الامناء و مشاركة الأهالى و على فرضا انهم عارفين بدورهم لكن نسبة الوعى بأهمية هذا الدور و تفعيله قليله جدا

حتى لو ولى الأمر منهم راح اجتماع مجلس الامناء ده هيروح لاثبات حضور مش اكتر

و انا لفت نظرى فى مداخلة حضرتك الجزئية دى:

وسالت ليه الولياء الامور مبيحضروش الاجتماعات ويقولوا رايهم وشاركوا بافكارهم بس

كان رد 50% انهم خايفين احسن الاجتماعات دي يكون محصلتها اجبارهم علي دفع تبرعات للمدرسه

و ياريت الاستاذ محمد يشوفها عشان يعرف ان حل تبرع الأهالى فقط مش هينفع...اطلب منهم اى حاجة غير انهم يدفعوا فلوس

دفع الفلوس ده يكون بإرادتهم لما هما يحسوا بدورهم تجاه مدارس اولادهم و ساعتها هيتبرعوا و يقدموا اعانة منعوية قبل مادية للمدرسة

تم تعديل 7 أبريل 2009 بواسطة ~Heba~

[~Heba~]

هووووووووووبة حبيبة قلبي....... حمد لله علي السلامة..... وحشتينا يا قمر،،،، ووحشتنا مواضيعك الجميلة

المشكلة يا هوبة مش في الصور اللي سعدنا بها علي الصبح كده؟؟؟؟؟ :)

المشكلة اكبر من كده بكتييييييييييييييير .......ده منظومة مترتبة يا بنتي..... وبلاش نفسر اكتر من كده...... يجعل كلامنا خفيف عليهم

اذا أرادتي اصلاح اي بلد ..... فعليك بالتعليم....... والتعليم مين اللي قائم عليه؟؟؟؟؟؟

بس كده مش عايزه اكمل........ امال احنا مهاجرين ليه وسايبنهالهم مخضرة :)

يعني فكرك سهل الواحد يسيب وطنه واهله وناسه ويطفش لبلاد الثلوج البيضاء؟؟؟؟

يا بنتي السبب الاساسي لتقديمي علي الهجرة هو التعليم

عايزة الحق انقذ ما يمكن انقاذه للاولاد

بس حقيقي سعدت برجوع مشاركاتك تاني يا هوبه

الله يسلمك حبيبتى باشمهندسة سمية انا اسعد اللى شفت اسمك منور موضوعى و يارب اشوفك منورة كل منتدى كده

عزيزتى الصور دى متكرره فى امور كتيرة فى حياتنا مش بس التعليم

طب لو كنت جبتلك صور لطابور العيش اللى كنت بتذنب و اقف فيه ايام دراستى فى المنحة

عزيزتى دى صور سلبيه و كل بلاد الدنيا فيها بالشكل ده بس العيب عندنا ان اولياء امورنا الى بيشتغلولنا و يقولوا كله تمام و مصر بخير.....الخ الخ الخ ;)

اقصر الطرق لمحاربة الفساد و الامبالاه و السلبية هي .. المواجهة .. نعم المواجهه و ليس الهروب

فعلا .. سعدت جدا لما قرات رد الزميل الفاضل NaserLink و ايجابيته في حل المشكلة التي تواجهه ..

علي فكرة ... دي بلدنا احنا كمان مش بلدهم هم بس .. و احنا مهما لفينا و اتغربنا لازم هنرجع لارضنا تاني .. بالعكس احنا ممكن نأثر في بلدنا بالايجاب و احنا في الغربة ..

تحياتي لكل من اشترك الموضوع بكلماته

ملقتش ابلغ من رد حضرتك على باشمهندسة سمية

بس انا ليا سؤال بسييييييييط

ايه اللى ممكن يقدمه المغترب فعلا لتصحيح اوضاع غير سوية فى البلد و كانت سبب فى هجرته

ما هو اكيد لو بيحب البلد دى هيعمل حاجة هيعمل ايه مثلا؟؟!!!!

ده سؤال الاجابة عليه محتاجة موضوع لوحده

[Amr Radwan]

ملقتش ابلغ من رد حضرتك على باشمهندسة سمية

بس انا ليا سؤال بسييييييييط

ايه اللى ممكن يقدمه المغترب فعلا لتصحيح اوضاع غير سوية فى البلد و كانت سبب فى هجرته

ما هو اكيد لو بيحب البلد دى هيعمل حاجة هيعمل ايه مثلا؟؟!!!!

ده سؤال الاجابة عليه محتاجة موضوع لوحده

شكرا ليكي يا اخت هبة علي المتابعة و الرد و الاطراء ..

و بالنسبة لسؤال حضرتك ..

انا دايما بحس ان الناس فاكرة ان مافيش امل .. و هي دي مصر يا ولاد .. ايوة فعلا هي دي مصر و ده الوضع الحالي بس لازم نغير الوضع و مش هنجيب حد من برا مصر و من جنسية تانية يعدل وضعنا احنا كمصريين .. و لذلك لازم كلنا نتعاون علي محارفة الفساد بكل انواعة ..

و للاسف التغيير ده مش هيجي بين يوم و ليلة و مش من مجموعة صغيره .. لازم الناس كلها تحس انها عاوزه تغير و تتغير .. لازم الشعب كله يحس انه ممكن يعمل كده من اصغر طفل الي اكبر واحد ... احنا مشكلتنا اننا اتربينا علي كده .. و لازم نربي نفسنا احنا الاول و هي دي المشكلة ..

المشكلة اننا لازم نبدأ .. و خطوة البداية هي المشكلة و للاسف كل واحد فاكر ان التغيير لازم يجي من جو مصر .. هرد و اقول .. ان التغيير ده لازم يكون لكل المصريين برا مصر و جوا مصر ..

و لكن ممكن كل واحد مننا يفكر هو ازاي يقدر يساعد مصر علي التطور و التقدم (سواء جوا مصر او برا مصر) .. كلنا لازم نفكر مش هينفع اننا نقعد بس نتفرج علي اللي بيحصل في المدارس و المستشفيات و المحاكم ..

اتوقع لو كل واحد في مجال عمله فكر ازاي يكون اللي بيعمله ده فيه رفعة مصر يبقي الشعب المصري كله عرف ازاي يعمل اللي هو عاوزه ..

و لكن في النهاية .. المواجهه هي الحل .. الهروب من المشكلة هو سبب تفاقم المشاكل ..

انا مش عاوز اطول عليكم

تحياتي لكم جميعا

[khedr]

التعليم..... التعليم

...................................

.....................

المدارس

التلاميذ

المدرسين

الحكومه

الشعب

......................

.................................

هذه اركان المشكله

اذا صلح......... صلح المجتمع كله

واذا فسد ... ..علي القفا وكيله

اعتذاري.... عن التعبير لاخير

لكن الحقيقه بدون التعليم لا حق ولا واجب

انما ................................. هي فوضي!

[isa]

السلام عليكم

يوجد كثير من المصريين في الخارج (مغتربين و مهاجرين) رجال اعمال في الخارج يمتلكون الملايين وكذلك كثير من المصريين الذين يعملون في مناصب كبيرة واصحاب دخول كبيرة .......فهل فكر احد منها او مجموعة منهم ... بأن يقدموا بعض الزكوات وبعض الصدقات من اموالهم للفقراء في القري الفقيرة أو ساعدوا في صيانة بعض المدارس أو تقدم احد منهم باي شى يفيد الفقراء في مصرنا الحبيبة ..... ويؤسفني أن كثير من المغتربين هموهم الاول والاخير الاستثمار في العقار وخلافه .... وقد رايت جمعية خيرية كويتية تبني بعض منازل الغير قادرين في الارياف المصرية وتعطى دخل شهرى لبعض الاسر وكذلك تعطى (جاموسة) لبعضهم .

فهل نفكرك بان نساعد بعضنا البعض وكيفية النهوض ... فنحن ولا محالة تاركونا الدينا وسوف نحاسب عن هذه الاموال .... ومثل بلاش يعم العام ده مصيف ...... ونعطى هذه الاموال صدقة .... فمثل نشتري ماكينة خياطة لكي تعول الاسرة نفسها بنفسها ..... وهكذا

اسف على الاخطاء الاملائية .

وشكرا

[somayasaleh]

اقصر الطرق لمحاربة الفساد و الامبالاه و السلبية هي .. المواجهة .. نعم المواجهه و ليس الهروب

فعلا .. سعدت جدا لما قرات رد الزميل الفاضل NaserLink و ايجابيته في حل المشكلة التي تواجهه ..

علي فكرة ... دي بلدنا احنا كمان مش بلدهم هم بس .. و احنا مهما لفينا و اتغربنا لازم هنرجع لارضنا تاني .. بالعكس احنا ممكن نأثر في بلدنا بالايجاب و احنا في الغربة ..

تحياتي لكل من اشترك الموضوع بكلماته

الاخ الفاضل عمرو رضوان

وماذا تفعل الشاة الضعيفة امام جبروت الاسود والفيلة والحيتان اللي في البلدد

ما سبق كان استهلال لابد منه

كل انسان مصري بيحب بلده فعلا حاول اكتر من مرة يعالج السلبيات الموجودة في البلد........ وانا منهم بالمناسبة.....

مش عايزة احكي تجربة مريرة كادت ان تقضي علي مستقبلي المهني عندما تصديت للفساد في يوم من الايام.......

يا اخوانا احنا مش عايزين كلام وشعارات....... عايزين نقاط محددة نمشي عليها........يعني قولوا لنا نحارب كمية الفساد ده ازاي؟؟؟؟

ولو كل واحد مستعد يضحي فعلا بنفسه وعائلته واولاده وجيرانه لو لزم الامر.... يرفع ايده......ويقول انا مش سلبي وححارب الفساد... وحصلح البلد ....ومش ح اهرب بنفسي وبعائلتي لمكان اكتر

امان من بلدي واكتر ديمقراطية واكتر تقدم...........واكتر........ واكتر.......

يلا مين يبدأ يكتب اسمه في لستة حب مصر ومحاربة الفساد والتصدي له؟؟؟؟؟؟

مين قال انا...........

مفيش ..... صح.........

الموضوع يا سادة ان المنظومة كلها من اولها لاخرها بايظة..........

حنصلح ايه ولا ايه؟؟؟

ولو قلنا نبدأ بانفسنا ....كل واحد يحاول يصلح داخل عائلته اولا.... بعدين جيرانه ثانيا... وبعدين شغله ثالثا...... وهكذا،،،،،،،

صدقوني ....احلام واوهام..... انا لما رجعت من الخارج ....كانت افكاري تقدميه وعايزة اصلح ... قلت ابدآ بالمجتمع الصغير.... اللي هو العمارة اللي انا ساكنة فيها.....

لان البيت اللي الواحد ساكن فيه ده صورة مصغرة للبلد... لونجحت في اصلاحه ....سوف تنجح في اصلاح باقي المجتمع الكبير.......وطبعا مجتمع صغير من 6 شقق فقط هم اللي في العمارة

وفي موقع راقي

والسكان كلهم مستويات كويسة....... بس يطلع لك واحد او اتنين من السكان يقول مش موافق علي كذا وكذا .... ويعطل المراكب السايرة ..... فا ما حال المجتمع الكبير؟؟؟؟؟؟؟

التعليم ثم التعليم ثم التعليم..... هو ده الاساس

لو التعليم تمام الافراد ح يطلعوا عندهم الوعي الكافي والوطنية اللي تخليهم ..... يضحوا بانفسهم علشان يغيروا البلد

اقول قولي هذا واستغفر الله لي ولكم........ ابقوا اسألوا عليا بعيش وحلاوة ......... smk:

[Amr Radwan]

الاخت الكريمة .. سمية

كلامك صح و 100 100 .. و ان الاصلاح صعب .. انا معاكي .. و لكن حتي نستطيع الاصلاح ان نقوم اولا باصلاح نفسنا ثم اولادنا .. يعني نفكر كلنا ازاي كل واحد يصلح من نفسه و صدقيني دي مش خطوات نقولها و نفذها بالترتيب يبقا المجتمع ينصلح حالة .. الموضوع لو كان كدا كان زمانا افضل من اي دولة متقدمة .. و لكن احنا متعودين علي العشوائية و الانانية و دايما نعتز ب ال "أنا" .. انما مش دايما نقول احنا .. و دايما في اي موقف لازم تلاقي حبة عايشين الدور و مالهمش لازمة و عاوزين يحسوا بنفسهم يقوموا يوقفوا المراكب السايرة عشان يحسوا ان لهم دور مش مشكلة الدور سلبي او ايجابي المهم ان دورهم مؤثر ..

الطريق طويل .. طويل قوي .. و لازم نبدأ .. صدقوني في اسرع وقت لازم نبدأ و البداية ان كل واحد يبدأ بنفسه قبل اولاده و قبل جيرانه و قبل زوجته او زوجها .. طيب اقولكم علي موقف ..

انا ساكن في شقة في مجموعة عماير تحت ادارة واحدة في جدة و الموظف المسؤول عن لم الفلوس بتاعت الايجار المفروض انه يكون مسؤول عن المياة و لم فلوسها برده و هي 30 ريال شهريا .. جه صاحبنا و خلاها 50 ريال .. شوية 70 ريال شوية بعد كام شهر طلب متأخرات تقدر ب 100 ريال علي كل شقة بالاضافة لل 70 ريال .. علي فكرة المبالغ دي اضربوها في 180 شقة smk: شهريا .. و ينطبق عليه المثل اللي بيقول "سكتناله دخل بحماره" طبعا هو بيعمل كده عشان مش لاقي حد يوقفه .. و طبعا الكل خايف انه ممكن تسند اليه مسؤلية لم الفلوس و بدل ما يروح في البيت و يستريح يقعد يلم فلوس من جيرانه ..

المهم حتي لا اطيل عليكم كان لا بد من الاتحاد .. لمينا نفسنا احنا سكان العمارة و اتفقنا علي اننا اللي هنتولي لم الفلوس من جيرانا و وزعنا المهم و اللي يتابع المياه في الخزانات و اللي معاه الفلوس .. و في النهاية العجلة مشيت و المشكلة الحمد لله اتحلت .. بدون فلوس منصوب علينا فيها و بدون اي ازعاج لواحد مننا .. كل الفكرة بس 10 دقائق من 5 سكان في الشهر ..

اللي عاوز اوصله لكم .. ان الامور لازم يكون لها تفكير و خاصة لازم نتوقع اللي بيوقفو المراكب السايرة .. و نكون موحدين ارائنا ..

انا طبعا طلعت برا الموضوع بتاع المدارس الحكومية للاستشهاد فقط و يمكن برده الاستشهاد بموقف الاخ NASERLINK اللي كان تصرفه حكيم و عرف ازاي يوصل لهدفه .. و لو كلنا تصرفنا مثل تصرفه اكيد اكيد كل المدارس المصرية هيبقا حالها افضل بكتير ...

و بالنسبة لموضوع الشاة امام الافيال و الاسود .. انا افضل ان تشاهدي فيلم يصور مجموعة من الاسود و تماسيح تتخطف عجل صغير في الغابة و يتجمع باقي القطيع و يهجم علي الاسود و ييتم انقاذه من بين انياب الاسود و التماسيح .. بفضل الاتحاد .. و للاسف مش معايا رابط الموضوع ده و هحاول ادور عليه و ارسله لكم .

شكرا لكم علي الاستماع و عذرا علي الاطالة

[Diab]

معتقدش ان الوضع اتغير كتير عن زمان

نصيحة

لو تقدر تخلع .....أخلع :blush2:

[~Heba~]

و دى مدرسة اعدادية تابعة لادارة كوم امبو التعليمية

المدرسة عمرها اكتر من 40 سنة خرجت اجيال و اجيال و لسة شغالة ..بس بعكاز

زى ما قال وليد صفوت ده تاريخ و حضاره :happy:

فى هذا الموضوع استقطعت الزميلة العزيزة فيروز هذه الكلمات

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

لتبرر بها تناقض آرائى

طيّب بصّى كده على الموضوع الأمّور ده و شوفى ردودك انتِ فيه و التى كان من ضمنها ..

مش ده كان كلامك بردو ولاّ كلام حد غيرك؟ لأ و فى إحدى مداخلاتك لسّه فاكره طابور العيش اللىّ كنتِ بتتذنّبى فيه أيام المنحه !! ليه يا "هبه" بس تركّزى على الذكريات السلبيه دى :lol:

و رغم انى لم افهم المغزى من وصف موضوعى هذا بـ "الأمور" لكنى هوضح عدة نقاط ربما تكون خافية على البعض

* انا وضعت هذه الصور للتعبير عن جانب سلبى و ادعو لاصلاحه كل واحد على قد ما يقدر و بالفعل فيه مداخلة قيمة جدا من الزميل محمد نصار

* فوجئت الحقيقة ان الزميل محمد نصار من اهالى كندا قصدى من الاخوة الراغبين فى الهجرة و الله حزنت لهذا الامر و تصورت ازاى ان كل عقليه ايجابية و عندها المقدرة و العلم على الاصلاح و نجدها تسعى للهجرة و على رأى انغام فى تتر المسلسل الشهير سر الأرض " يا طير مهاجر معدى ولّفت على ارض غيرى و روتها من دمع عينك..."

*اخيرا انا استنكر و بشدة حالة الشطط التى اصابت البعض من من رؤية الجوانب السلبية و بدل ما تشجعهم على اصلاحها كان رد فعلهم "يالا نهج و نهاجر"

و رغم انى اتقبل فكرة ان الانسان يضرب فى ارض الله ....يعنى يسافر من اجل الرزق

لكن ارفض تماما ان السفر ده يكون متبوعا باللعنات التامات ضد هذا الوطن على طريقة "سبنهالكم اقعدوا على تلها و اخربوها"

و الأدهى ان يكون ذلك بالتخلى عن كل صلة تربطه به و يعتبر ان ده استثمار لاولاده...و انا بدورى اتساءل هل من مصلحة الاولاد ان الواحد يقتلعهم من جذورهم :unsure:

إضافة بسيطة

انا لما قلت :

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

كنت بتكلم بواقعية لاننا هنا بنتكلم عن مدرسة فى قرية فى اقاصى الصعيد مش مدرسة فى الشارع الفولانى فى مصر الجديدة يعنى الحمد لله انه فيه ناس بتحرص على تعليم اولادها

فمسألة التبرع دى للاصلاح المدارس غير مقبولة على الاقل فى الاوساط ذات الدخل المتواضع

و احب فى هذا الصدد احكى لكم عن موقف بسيط

احدى قريباتى تعمل مدرسة فصل كنت عدها فى مرة وجدت "رزم" كراسات و اقلام جديدة لما سألتها ليه قالت للاولاد فى الفصل و بعد الاستيضاح منها فهمت انه بعض الاطفال ( و دى مدرسة فصل للاطفال فى سنة اولى لتالتة ابتدائى يعنى بتدرس لنفس الاطفال لمدة 3 سنين) بعض الاطفال اهاليهم مش بيشتروا لهم كراسات و اقلام اما لانهم غير مقتدرين او لانهم مهملين او لان الاطفال لا يخبروهم بحاجتهم يعنى من الاخر الحمد لله انه الولد بيروح المدرسة اصلا و زمان كان فيه امية و تسرب من التعليم دلوقتى مفيش و قريتى اللى بتكلم عنها دى نسبة الامية فها متتعداش واحد فى المية و كلهم ناس كبار و عواجيز الحمد لله على كدة كنا فين و بقينا فين...

تم تعديل 7 مايو 2009 بواسطة ~Heba~

[~Heba~]

الاساتذة الافاضل اللى فى الصورة مصريين

ماذا لو قارنتهم بالمصريين المنعمين المرفهين اللى دفعوا كام الف دولار كندى للهجرة و قدهم لنيل رضا المقام السامى...عذرا اقصد نيل الجنسية

هل يستويان مثلا...... :unsure:

تم تعديل 7 مايو 2009 بواسطة ~Heba~