مدرسة حكومية مصرية..و اترك الصور تتحدث

[فــيــروز]

المغزى من وصف الموضوع بال "أمّور" هو ما يمكن فهمه مباشرة من الوصف !! أنّه موضوع جميل و كان فى وقته تماما لأن ماليش فى موضوع الإسقاطات ..

و الحقيقه الهدف لم يكن إظهار تناقض فى آرائك بقدر ما هو إظهار أنّك من قبل التمست العذر للناس بالظروف الاقتصاديه الطاحنه التى تدفعهم للأنانيه ثمّ إذ بكِ فى موضوع الجنسيه تعيبى على من يفكر فى الهجره أنانيته !! و بكل صراحه و بدون مواربه لم يعجبنى هذا الطرح لأن كل إنسان أدرى بظروفه و ليس من حق أحد اتّهام غيره بالأنانيه بسبب اتّخاذهم قرارات تخالف قناعاته هو ..

حين تحدّثت عن السلبيات لم يكُن هذا باختيارى .. لو تلاحظى لقد اخترت الحديث بشكل عام جدّا عن فكرة الوطنيه و الانتماء و وصفتها بالأفكار الفضفاضه تجنّبا للخوض فى ذكر السلبيات ولم أضطرّ لها سوى مع إصرارك على وجود إيجابيات تغطى هذه السلبيات فكان لزاما علىّ الاعتراض بأمثله

ناهيكِ عن أن عدم ذكر السلبيات لا يعنى أنّها غير موجوده ولا أدرى هل سينصلح الحال و نحن نتظاهر إن كلّه تمام و مفيش أحسن من كده و نصرّ على أن حصولنا على أبسط الحقوق التى تكفل آدميتنا إن لم يتحقق بردو يظل كلّه تمام !! عفوا هذه ليست قناعاتى ..

انطباعى الشخصى أن من يسافر لا ينشغل كثيرا بصب اللعنات بعد رحيله إلاّ حين يُستفَز لهذا .. و أظنّك تعرفين أنّى لم أسافر أصلا خارج "مصر" ولا هاجرت منها ومن ثمّ أنا أنتقد أوضاعها و أنا داخلها .. الفكره هى أنّك لا ترضين أن يعبّر من يرغب فى الهجره عن أسبابه و مبرراته و تترجمى هذا على أنّه "سبنهالكم اقعدوا على تلها و اخربوها" فهذا فهمك أنتِ وحدك و أنتِ فقط المسئوله عنه !!

إذا كنتِ ترين أن الارتباط بالجذور عن طريق البقاء فى الوطن أجدى من محاولة الهجره نحو مستقبل أفضل للذات و للأبناء فهذا اختيارك و قرارك لكن ليس من المفترض أن يكون قرار غيرك و لا من المفترض تكون أولوياتك هى أولوياته !! و إذا كنتِ تتحسّرى فى هذا الموضوع على حال المدرسه لماذا تستكثرى على غيرك أن يسعى للهجره كى يحصل لأبنائه على مدارس أفضل و تعليم أحسن !! ده نفس الهدف بس من منظور مختلف .. فكما أنّك تحمدى الله على حرص الناس على تعليم أولادها فى المدرسه المذكوره -وهم طبعا يُحمَدون على هذا محدّش يقدر يعترض- من يفكر فى الهجره يحرص بردو على تعليم جيّد لأولاده بس على نطاق أكبر و فى النهايه الموضوع نسبى بس هو نفس الهدف

[فــيــروز]

الاساتذة الافاضل اللى فى الصورة مصريين

ماذا لو قارنتهم بالمصريين المنعمين المرفهين اللى دفعوا كام الف دولار كندى للهجرة و قدهم لنيل رضا المقام السامى...عذرا اقصد نيل الجنسية

هل يستويان مثلا......

مغالطه لا يصحّ أن تأتى من باشمهندسه أد الدنيا زيّك ..

أوّلا لأن حضرتك لا تعرفى و ليس عندك فكره عن نوع العمل التطوّعى الذى قد يكون من يفكر فى الهجره قد قام به قبل هجرته أو حتى بعدها .. فمش معنى أن الصوره بها متطوّعون تعرفيهم أنّه ليس هناك غيرهم فى "مصر الجديده" أو فيمن يفكرون فى الهجره ..

ثانيا لأنّك تتصوّرى أن من يسعى للهجره هو بالضروره مرفّه و منعّم و تساءلتى -لا أدرى لماذا- عن مدارس "مصر الجديده" رغم أنّها يمكن أن تكون مثل مدرسة "أسوان" مدارس فقيره لأن حال معظم مدارس الحكومه كده .. لا يا عزيزتى من يفكر فى الهجره غالبا لا هو مرفّه ولا منعّم كما تتصوّرى لأن أصلا التكاليف ليست باهظه بالشكل الذى تتصوّريه .. كما أن المنعّم و المرفّه فى البلد دى يستطيع الحصول على كل ما يريده بفلوسه و نفوذه فلا يحتاج لهجرجه لكن اللىّ بيفكّر يهاجر بيكون مايقدرش ..

ثالثا و هو الأهم أن العمل التطوّعى لإصلاح المدرسه لا ينبغى أن يكون مسئولية المواطنين دافعى الضرائب .. دى مسئولية الحكومه فلا هى مسئولية راغبى الهجره ولا هى مسئولية أهل "أسوان" من المتطوعين عشان نعقد بينهم مقارنه و نقول هل يستويان مثلا .. لكن الفارق أن حكومات برّه تقوم بواجبها تجاه مواطنيها و حكومات جوّه لأ و هذا هو ما يجب أن نسأل عنه ب "هل يستويان مثلا" !! و أظن الإجابه معروفه

[~Heba~]

الاساتذة الافاضل اللى فى الصورة مصريين

ماذا لو قارنتهم بالمصريين المنعمين المرفهين اللى دفعوا كام الف دولار كندى للهجرة و قدهم لنيل رضا المقام السامى...عذرا اقصد نيل الجنسية

هل يستويان مثلا......

مغالطه لا يصحّ أن تأتى من باشمهندسه أد الدنيا زيّك ..

ثانيا لأنّك تتصوّرى أن من يسعى للهجره هو بالضروره مرفّه و منعّم و تساءلتى -لا أدرى لماذا- عن مدارس "مصر الجديده" رغم أنّها يمكن أن تكون مثل مدرسة "أسوان" مدارس فقيره لأن حال معظم مدارس الحكومه كده .. لا يا عزيزتى من يفكر فى الهجره غالبا لا هو مرفه ولا منعّم كما تتصوّرى لأن أصلا التكاليف ليست باهظه بالشكل الذى تتصوّريه .. كما أن المنعّم و المرفّه فى البلد دى يستطيع الحصول على كل ما يريده بفلوسه و نفوذه فلا يحتاج لهجره لكن اللىّ بيفكّر يهاجر بيكون مايقدرش ..

عزيزتى فيروز,,

البلدان التى تشجع على الهجرة لن يكون ذلك بلا مقابل...لن تقبل دولة ما المهاجرين الفقراء الذين لا يمتلكون حتى صنعة يقدروا يساهموا بها فى نهضة البلد

و يا عزيزتى لو اخذنا مثال دولة مثل كندا تشترط ذمة مالية و مستوى مادى معين و دى معلومة عرفتها من هنا و تابعى باب الهجرة لكندا قد تجدينها

و ايضا الوظائف..تسمح بهجرة وظائف معينة و تنتقى الأفضل دائما و من بلادهم فى حاجة لهم

ثالثا و هو الأهم أن العمل التطوّعى لإصلاح المدرسه لا ينبغى أن يكون مسئولية المواطنين دافعى الضرائب .. دى مسئولية الحكومه فلا هى مسئولية راغبى الهجره ولا هى مسئولية أهل "أسوان" من المتطوعين عشان نعقد بينهم مقارنه و نقول هل يستويان مثلا .. لكن الفارق أن حكومات برّه تقوم بواجبها تجاه مواطنيها و حكومات جوّه لأ و هذا هو ما يجب أن نسأل عنه ب "هل يستويان مثلا" !! و أظن الإجابه معروفه

اللى فى الصورة دول مدرسين فى المدرسة و طبعا يستحقوا تحية و تقدير على دورهم الايجابى لاحظى انه ببساطة كان ممكن كل واحد منهم يقول و انا مالى و يروح بيته و هات يا دروس خصوصية و المدرسة مش مهمة طالما هيقعدهم على انتريه فى البيت :unsure:

بس دولا بقوا قاموا بدور ايجابى لايجاد حل سريع و مؤقت على الاقل لغاية المسؤلين اللى فى ايدهم الحل و الربط يفوقوا

تم تعديل 7 مايو 2009 بواسطة ~Heba~

[فــيــروز]

عزيزتى فيروز,,

البلدان التى تشجع على الهجرة لن يكون ذلك بلا مقابل...لن تقبل دولة ما المهاجرين الفقراء الذين لا يمتلكون حتى صنعة يقدروا يساهموا بها فى نهضة البلد

و يا عزيزتى لو اخذنا مثال دولة مثل كندا تشترط ذمة مالية و مستوى مادى معين و دى معلومة عرفتها من هنا و تابعى باب الهجرة لكندا قد تجدينها

و ايضا الوظائف..تسمح بهجرة وظائف معينة و تنتقى الأفضل دائما و من بلادهم فى حاجة لهم

وهل من المفترض أن تقبل دولة المهجر أى شخص بأى مواصفات !! هل هذا منطق أو عدل؟ وما مقابل ما ستمنحه له من خدمات إن لم يكن مؤهلا و سيشكّل إضافه لها!! و بعدين أمّا البلد زعلانه على الكفاءات اللىّ بتهاجر مش بتستفيد منها ليه ولاّ همّا لا يرحموا ولا عايزين رحمة ربنا تنزل !! ولا الكفاءات بتحلوّ أمّا تهاجر بس و تاخد الباسبور الألوان !!

و بعدين هنروح بعيد ليه .. لو تقدّمتِ لوظيفه مغريه انتِ و شخص آخر و صاحب العمل اختار الأكثر كفاءة و تأهُّلا منكما تقدرى تقولى أن هذا ظلم !! أم ستجديه قمّة العدل و الإنصاف؟ طيب على الأقل دولة المهجر بتاخد و تدّى لكن دولة المنشأ بتاخد لكن بتدّى إيه يا ترى مقابل اللىّ بتاخده؟

آه افتكرت بتدّى جنسيه و شوية أغانى .. :happy:

اللى فى الصورة دول مدرسين فى المدرسة و طبعا يستحقوا تحية و تقدير على دورهم الايجابى لاحظى انه ببساطة كان ممكن كل واحد منهم يقول و انا مالى و يروح بيته و هات يا دروس خصوصية و المدرسة مش مهمة طالما هيقعدهم على انتريه فى البيت :unsure:

بس دولا بقوا قاموا بدور ايجابى لايجاد حل سريع و مؤقت على الاقل لغاية المسؤلين اللى فى ايدهم الحل و الربط يفوقوا

ماختلفناش على أنّهم يستحقون التقدير ..

بس بردو لم أفهم عرفتِ منين أن من يريد الهجره لم يقم فى حياته بمصر بأعمال مماثله كى تعتقدى أن من بالصوره أفضل و أنّهم لا يستوون مع طالبى الهجره !! ومن الذى أدراكِ أنّهم لا يعطون دروس خصوصيه بعد ما يخلّصوا تصوير :lol: "مع ملاحظة أنّى لا أعتبر الدروس الخصوصيه حرام طالما المدرّس يؤدّى دوره فى المدرسه على الوجه الأكمل"

ومع ملاحظة أن قيامهم بالعمل التطوّعى لحد ما تُفرَج يؤكّد ما نقوله من الصبح من أن الحكومات لا تقوم بدورها و تركت الأمور حتى ساءت للحد الذى وصلنا له ..

[~Heba~]

وهل من المفترض أن تقبل دولة المهجر أى شخص بأى مواصفات !! هل هذا منطق أو عدل؟ وما مقابل ما ستمنحه له من خدمات إن لم يكن مؤهلا و سيشكّل إضافه لها!! و بعدين أمّا البلد زعلانه على الكفاءات اللىّ بتهاجر مش بتستفيد منها ليه ولاّ همّا لا يرحموا ولا عايزين رحمة ربنا تنزل !! ولا الكفاءات بتحلوّ أمّا تهاجر بس و تاخد الباسبور الألوان !!

و بعدين هنروح بعيد ليه .. لو تقدّمتِ لوظيفه مغريه انتِ و شخص آخر و صاحب العمل اختار الأكثر كفاءة و تأهُّلا منكما تقدرى تقولى أن هذا ظلم !! أم ستجديه قمّة العدل و الإنصاف؟ طيب على الأقل دولة المهجر بتاخد و تدّى لكن دولة المنشأ بتاخد لكن بتدّى إيه يا ترى مقابل اللىّ بتاخده؟

آه افتكرت بتدّى جنسيه و شوية أغانى ..

لا طبعا عدل و قمة العدل كمان

و قمة العدل ايضا ان الاوطان تستنزف داخليا و خارجيا و لا عزاء للمعانى السامية كالوطنية و حب الوطن و يظل فقط تمنى الافضل له من بعيد لبعيد بس لاحسن خايفين من الانفكشن :unsure:

ماختلفناش على أنّهم يستحقون التقدير ..

بس بردو لم أفهم عرفتِ منين أن من يريد الهجره لم يقم فى حياته بمصر بأعمال مماثله كى تعتقدى أن من بالصوره أفضل و أنّهم لا يستوون مع طالبى الهجره !! ..

صحيح انا بعترف انى معرفش لكن اعتقد انه فيه اللى هاجر و هو مضطر و حاول و استنفذ الخيارات قبل ما يطفش صدقينى لو قابلته يبقى له عندى حق عرب...

ومن الذى أدراكِ أنّهم لا يعطون دروس خصوصيه بعد ما يخلّصوا تصوير "مع ملاحظة أنّى لا أعتبر الدروس الخصوصيه حرام طالما المدرّس يؤدّى دوره فى المدرسه على الوجه الأكمل"

ومع ملاحظة أن قيامهم بالعمل التطوّعى لحد ما تُفرَج يؤكّد ما نقوله من الصبح من أن الحكومات لا تقوم بدورها و تركت الأمور حتى ساءت للحد الذى وصلنا له

الصور دى اتصورت عشان نفضح المسؤلين فى التربية و التعليم عشان يشوفوا حال التعليم مايل ليه مش تصوير للمعايقة و المنظرة و لا اى حاجة من دى و على فكرة انا بعرفهم معرفة شخصية و مش بيدوا دروس خصوصية يا ستى :happy: ..

و طبعا معاكى ان الدروس الخصوصية مش غلط بس الغلط ان المدرس لا يراعى ضميره فى عمله بس احيانا يبقى التوفيق بين الاتنين صعب و فيه ناس يملاها الطمع و الجشع و دول احنا بنرفضهم

و كمان معاكى ان الحكومات تخلت عن دورها بس ده لا يعفى احد من المسؤلية

----------

و بمناسبة الموضوع ده بقى احب اهنى المعلمين و المعلمات و اقولهم كل كادر و هما طيبين

امتحانات الكادر المرحلة التانية يوم 29 مايو

و للاسف وردت اخبار ان نماذج الامتحانات موجوة على موقع الوزارة و رحت هناك مفيش حاجة

فين نماذج الامتحانات يا وزارة :lol:

[MZohairy]

الاساتذة الافاضل اللى فى الصورة مصريين

ماذا لو قارنتهم بالمصريين المنعمين المرفهين اللى دفعوا كام الف دولار كندى للهجرة و قدهم لنيل رضا المقام السامى...عذرا اقصد نيل الجنسية

شكلك مش حتجيبيها لبر يا هبه :unsure:

يابنتي ايه اللي دخل عيشه في ام الخير؟

ايه اللي جاب سيرة اللي راحوا كندا هنا؟ و ليه مش استراليا مثلا؟

و اللي قاللك ان اللي بيروحوا كندا كلهم مرفهين غلطان

ياما ناس جايه عشان تعييش على اعانات الدوله!

و انا عن نفسي جاي و معاييش غير مبلغ صغير يكفيني لغاية ما الاقي شغل

و مدفعتش كام الف دولار ولا حاجه عشان آجي هنا

معلوماتك غلط يا هبه :lol:

غلط كتير

و بعدين هو اللي متعرفش ترقص تقول الأرض عوجه ولا ايه؟ :happy:

كان الله في عون شعب مصر و السؤال المهم و نتكلم جد

هل الحكومه المصريه قادره ان تتحمل تعليم جميع المصريين ؟

حسب علمي ان نسبة الأميه في مصر قرابة ال 49%

يعني الحكومه مش قادره تعلم غير نص الشعب فقط و بالطريقه المهينه دي

هل لو الكبار بطلوا يسرقوا و بشوية تنظيم و اداره جيده ممكن الحكومه تقدر تعلم كل المصريين بمستوى آدمي؟

اشك ايضا

[~Heba~]

الاساتذة الافاضل اللى فى الصورة مصريين

ماذا لو قارنتهم بالمصريين المنعمين المرفهين اللى دفعوا كام الف دولار كندى للهجرة و قدهم لنيل رضا المقام السامى...عذرا اقصد نيل الجنسية

شكلك مش حتجيبيها لبر يا هبه :unsure:

يابنتي ايه اللي دخل عيشه في ام الخير؟

ايه اللي جاب سيرة اللي راحوا كندا هنا؟ و ليه مش استراليا مثلا؟

و اللي قاللك ان اللي بيروحوا كندا كلهم مرفهين غلطان

ياما ناس جايه عشان تعييش على اعانات الدوله!

و انا عن نفسي جاي و معاييش غير مبلغ صغير يكفيني لغاية ما الاقي شغل

و مدفعتش كام الف دولار ولا حاجه عشان آجي هنا

معلوماتك غلط يا هبه

غلط كتير

و بعدين هو اللي متعرفش ترقص تقول الأرض عوجه ولا ايه؟ :lol:

كان الله في عون شعب مصر و السؤال المهم و نتكلم جد

هل الحكومه المصريه قادره ان تتحمل تعليم جميع المصريين ؟

حسب علمي ان نسبة الأميه في مصر قرابة ال 49%

يعني الحكومه مش قادره تعلم غير نص الشعب فقط و بالطريقه المهينه دي

هل لو الكبار بطلوا يسرقوا و بشوية تنظيم و اداره جيده ممكن الحكومه تقدر تعلم كل المصريين بمستوى آدمي؟

اشك ايضا

رميت الورد طفيت الشمع يا زوهيرى

ليه كدة يا بو لؤى مش كفاية فيروز انهاردة سحلتنى

شوف يا سيدى مسألة الهجرة دخلت فى النقاش لان شريحة من بعض راغبى الهجرى كان مبررها انه استثمار للاولاد و تعليم افضل و ليس مجرد مستوى معيشة يرتفع <<<< و كندا كانت مجرررررررد مثال

و مبدئيا انا اتفق معاهم لكن الخلاف هو لما الهجرة تتحول لداء عضال الجميع يسعى له فى صورة بشعة من صور السلبية و الأصعب ان الهجرة تستنزف موارد البلد البشرية

اللى مضايق فيروز بقى انها شايفانى مستكترة على الناس عندها القدرة و الامكانية انها تعيش كويس برة و انا بحنسهم بالحب اللى كان و يا هوى زمان :happy:

القصد يعنى يا استاذ ان التعليم هو عصب التنمية فى مصر و ادينا بنحاول نمسك خيط الاصلاح من اوله ألا و هو مدرسة ملاءمة تشجع على الدراسة و كثافة الفصول فيها معقولة

المناهج دى بقى انا عايزة اعمل لها موضوع خاص

و على فكرة معلوماتك عن الأمية مش صحيحة

شوف كثافة الفصول دى هتيجى منين الامية و كل الاولاد دول فى المدارس

عموما لو امكن احصائية موثقة لانى اعتقد ان النسبة دى مبالغ فيها جدا

تم تعديل 7 مايو 2009 بواسطة ~Heba~

[Sherief AbdelWahab]

مرة كان فيه واحد نجار .. حب يصلح باب الدار ..

النجار عايز مسمار..

والمسمار عند الحداد ..

كرة لهب بينقلها كل طرف للتاني..

الوزارة حدفت الكورة في إيد الإدارة .. حدفتها في إيد الحكم المحلي (ما هي لا مركزية بقى) .. وحيحدفوها في إيد المجتمع المدني (CD المشاركة الجماعية.. "الألبون" الغنائي الأول لوزارة التربية والتعليم في عهد يسري الجمل).. وحيتفرق دم المدرسة والمدارس اللي غيرها بين القبائل..

المهم إنه حتى لو الصور دي هتهم حد لو رجل أعمال من أصحاب القنوات اهتم بيها وأذاعها في برنامج توك شو زاعق حيبتدي مسلسل "كلنا مجرمين كلنا ضحايا" وحيلقي كل طرق بالمسئولية على الطرف التاني .. المحليات تقول لك "مش فيه وزارة الإدارة التعليمية بتخضع لها؟" حتقول الوزارة "وانتوا بتعملوا إيه؟ مش المحافظ ممثل رئيس الجمهورية في الإقليم؟ مش فيه حاجة اسمها اللامركزية؟" تيجي الإدارة التعليمية والوزارة يشنوا حرب شعواء على المجتمع المدني "المجتمع ما بيشاركش ليه في المدرسة؟" ويقعدوا يصدعونا بتواشيح تجربة الإسكندرية اللي بقت زي المسلسلات التركي اللي نعيده نزيده واللي نزيده نعيده..

صورة مما يعرف بمعضلة السجين The Prisoner Dilemma حيث لا يتحرك أحد قيد أنملة بما أن الموضوع لا يخصه..

الألعن:

لما نلاقي عضو مجلس شعب عايز يثبت إنه نحن هنا يقوم عامل لك مدرسة في مكان ما ، ييجي غيره يقول لك لا يا بابا لا ويعمل مدرسة في القرية اللي جنبها.. أما بقى التجمعات غزيرة السكان فتتفلق تطق تموت الكل يستريح .. ولما تتعمل مدرسة وسط منطقة عدد سكانها داخل مثلاً على الـ 200 ألف نسمة تتوقعوا كدة الفصل يبقى فيه كام في المدرسة دي مقارنةً بالمدارس اللي هناك؟

وطبعاً مدرسة عن مدرسة تفرق.. وانت بقى وبختك لو كان في دايرتك عضو مجلس شعب مقرب من الشلة إياها في الحزبوطني أو يكون على الجانب الآخر العضو من السادة النوام المنبطحين اللي ما بنشوفهمش إلا كل خمس سنين (كاس العالم كل أربع سنين بس)..

لما نيجي نناقش وضع مريض زي الوضع دة لازم نبص له من كل الزوايا .. الخدمة التعليمية غير موزعة وغير مقدمة بأدنى شكل من أشكال العدالة ، وبدأت تتحول - "بدأت"؟ ماهي تحولت فعلاً- إلى رشوة خدمية انتخابية وساحة للمنظرة (شفتوا أنا عملتلكم مدرسة إزاي) ويتم التعامل معها بكل لا مبالاة من قبل الإدارة المركزية في الوزارة -مشغولة بالكادر- وموظفي التربية والتعليم (الأقوى من الوزير وأي وزير مكانه) - برضه مشغولين بالكادر- وأعضاء مجلس الشعب -مشغولين بالعاشرة مساءً والبديل والمصري اليوم - والمجتمع المدني ووسائل الإعلام والمثقفين - مشغولين بالاعتصامات والدفاع عن حقوق الخنزير- والحكم المحلي - مش عارف مشغولين بإيه قوي اليومين دول-وكله بيلقي اللوم ع التاني..

إن رأينا مخرجاً لحفل التلاوم.. ظهر الضوء في نهاية النفق المظلم..

غير كدة .. معلهش.. معلهش..

خلص الكلام

[MZohairy]

تعتبر الأمية في مصر من المشاكل التي تعوق برامج الدولة للتنمية والإصلاح. بلغت نسبة المتعلمين في مصر (حسب تقرير الأمم المتحدة للتنمية البشرية 2006) 71.4% للبالغين (15 عام فأكثر) [1] و 84.9% للشباب (من 15 إلى 24 عام) [2] حسب إحصائيات 2004. النسبة المقدّرة في 2005 لمن يسطيع القراءة والكتابة 83% من الذكور و 59.4% من الإناث طبقا لكتاب حقائق العالم [3].

ووفقا للإحصائيات الرسمية فإن عدد الأميين في مصر هو 17 مليون إنسان لعام 2006 حوالي (20%) إلا أن بعض المثقفين في مصر يرجح أن نسبة الأمية قد تصل إلى 50% من السكان [بحاجة لمصدر]. في إحصائية صادرة عن موسوعة الدول قدرت نسبة الأمية في مصر بحوالي 45% من السكان لعام2000 [4]إحصائيات أخرى صادرة من اليونيسكو لعام 2003 أظهرت أن نسبة الأمية بين الذكور الذين يزيد عمرهم عن 15 عام في مصر هو 42% من السكان الذكور[5] و 53% للأناث فوق سن 15 عام[6]

http://ar.wikipedia.org/wiki/%D8%A7%D9%84%...%85%D8%B5%D8%B1

[~Heba~]

يا استاذ زوهيرى الكلام ده مش صحيح و ياريت الاحصائية الاكيدة من موقع الامم المتحدة لان الويكيبديا غير موثوق بها

و للعلم انا شاركت فى تعداد عام 2006 و بالفعل لاحظت نسبة الأمية ضئيلة جدا جداو كلهم ناس كبار و كمان مفيش تسرب من التعليم

ياريت احصائية اكيدة من هيئة الاحصاء مش كلام مرسل

و الاحصائية الاكيدة مش هتكون الا من التعداد الرسمى للسكان فى مصر مش مجرد دراسة على شريحة معينة من السكان

تم تعديل 7 مايو 2009 بواسطة ~Heba~

[MZohairy]

والله العظيم يا بنتي شفت عيال كتير في 3 اعدادي و في تانيه اعدادي مبيعرفوش يقروا الجرنال

اطلاقا

و في القاهره

هل تعتقدي ان دول دخلوا الاحصائيه؟

طبعا لأ

للأسف يوجد أميون في المدارس المصريه

[~Heba~]

المهم إنه حتى لو الصور دي هتهم حد لو رجل أعمال من أصحاب القنوات اهتم بيها وأذاعها في برنامج توك شو زاعق حيبتدي مسلسل "كلنا مجرمين كلنا ضحايا" وحيلقي كل طرق بالمسئولية على الطرف التاني .. المحليات تقول لك "مش فيه وزارة الإدارة التعليمية بتخضع لها؟" حتقول الوزارة "وانتوا بتعملوا إيه؟ مش المحافظ ممثل رئيس الجمهورية في الإقليم؟ مش فيه حاجة اسمها اللامركزية؟" تيجي الإدارة التعليمية والوزارة يشنوا حرب شعواء على المجتمع المدني "المجتمع ما بيشاركش ليه في المدرسة؟" ويقعدوا يصدعونا بتواشيح تجربة الإسكندرية اللي بقت زي المسلسلات التركي اللي نعيده نزيده واللي نزيده نعيده..

مشكلة كرة اللهب دى ظهرت فى اسخف صورها فى مشكلة بعض القرى التى تقع على حدود المحافظات و تعانى من ظروف معيشية رديئة جدا جدا و كل محافظة تلقى بالتهمة على الآخرى....شئ مخزى

الألعن:

لما نلاقي عضو مجلس شعب عايز يثبت إنه نحن هنا يقوم عامل لك مدرسة في مكان ما ، ييجي غيره يقول لك لا يا بابا لا ويعمل مدرسة في القرية اللي جنبها.. أما بقى التجمعات غزيرة السكان فتتفلق تطق تموت الكل يستريح .. ولما تتعمل مدرسة وسط منطقة عدد سكانها داخل مثلاً على الـ 200 ألف نسمة تتوقعوا كدة الفصل يبقى فيه كام في المدرسة دي مقارنةً بالمدارس اللي هناك؟

وطبعاً مدرسة عن مدرسة تفرق.. وانت بقى وبختك لو كان في دايرتك عضو مجلس شعب مقرب من الشلة إياها في الحزبوطني أو يكون على الجانب الآخر العضو من السادة النوام المنبطحين اللي ما بنشوفهمش إلا كل خمس سنين (كاس العالم كل أربع سنين بس)..

الكلام ده حصل بحذافيره يافندم

تم تعديل 7 مايو 2009 بواسطة ~Heba~

[~Heba~]

والله العظيم يا بنتي شفت عيال كتير في 3 اعدادي و في تانيه اعدادي مبيعرفوش يقروا الجرنال

اطلاقا

و في القاهره

هل تعتقدي ان دول دخلوا الاحصائيه؟

طبعا لأ

للأسف يوجد أميون في المدارس المصريه

انا معاك فى دى و ده طبعا نتيجة للتكدس فى الفصول و زى ما قال الاستاذ سهران فى مدارس القاهره يحدث اسوأ من ذلك احيانا

لكن هذا لا يعنى ان نصفهم او غالبيتهم نسبة تحصيلهم صفر

اى نعم يكونوا متأخرين دراسيا نتيجة للجو غير الملائم لكن متوصلش لدرجة الأمية التامة للنسبة الكبيرة دى

تم تعديل 7 مايو 2009 بواسطة ~Heba~

[msayed]

دعونى أطرح بعض الأفكار المتناثرة التى جالت بخاطرى أثناء قراءة الموضوع والردود

***************

هذه الصور قد تكون طبيعية جداً ومقبولة جداً وتكون دليل على التحدى والرغبة فى التعليم والإبداع والتعاون "خاصة صورة صيانة المقاعد" ولكن فى وجود شرطين أساسيين:

1- أن تكون الدولة فقيرة جداً وأعطت التعليم أولوية كبيرة فى خطتها وهذا كل وسعها. وهذا بالطبع لم يحدث، فمصر غنية فعلاً والتعليم له أولوية صورية فى الشعارات والتصريحات فقط ويمكن للدولة أن تبذل الكثير لتحسين الصورة.

2- الشرط الثانى أن تكون باقى الصور التى لم تعرض مثالية ، أقصد الإدارة تكون مثالية، المنهج يكون مثالى، المدرس يكون مثالى، الجو العام الدراسى يكون مثالى ومثمر. وهذا قطعاً غير متوافر فى أغلب مدارسنا الحكومية. وأيضاً أن يكون بيت مثالى أب وأم يتابعون أولادهم ويهتمون بتعليمهم مثل إهتمامهم بهل الطعام مطبوخ بسمنة بلدى أم بسمنة هولندى. وهل مرسى ها يتجوز فتحية فى الحلقة الأخيرة ولا ها يموتوا هم الاثنين.

***************

موضوع مرتب المدرس وإنه ما بيكفيش حاجة والكلام ده بيستفزنى جداً، فالشخص الجاد المحترم ذو المبادىء قد لا تشعر به فى الرخاء لكن يظهر معدنه وأصله فى الشدة، ومثلما المدرس مرتبه قليل فأكيد آباء هؤلاء الأطفال من معدومى الدخل، وهو قبل عمله بالتدريس يعلم جيداً قدر مرتبه يعنى مش فخ ووقع فيه. فمن يقول أن المدرس بيدى على قد المرتب فقد اتهم المدرس بخيانة الأمانة من حيث لا يشعر.

لا أقصد ألا يطالب المدرس برفع دخله فهذا حقه، ولكن أن لا يكون الأطفال -وبالتالى المجتمع الذى صرف على جعله مدرس من أموال الضرائب- هم ضحية إحساسه بالظلم، وإلا لو استعملنا نفس المنطق فسيكون من حق أى موظف فى محطة كهرباء أنه يطفى المحطة وينام علشان مرتبه قليل ومن حق أى طبيب إنه يقتل المريض لأن مرتبه قليل ومن حق أى حد يقصر فى مهام عمله بنفس الحجة.

وبعدين ننزل للواقع بشويش، أكثر المدرسين المهملين فى فصلهم هم من ارتفع دخلهم بسبب الدروس لأنهم أصبحوا يزهدون فى حصص الفصل لأنها فى نظرهم بملاليم فبيوفروا تعبهم.

***************

كثير جداً من حقوق الناس تضيع بسبب عدم علمهم بحقوقهم أساساً وثانياً لعدم معرفتهم بالقنوات الشرعية للحصول على حقوقهم المهدرة.

***************

إقتراحات طرق حل مشاكل التعليم بمصر:

1- إعطاء التعليم أولوية فعلية وليس بالشعارات.

2- عمل مواصفات واضحة لجودة التعليم يتم نشرها وتعليمها للناس حتى يعلم كل إنسان مهما كان بسيط ما له وما عليه، لأن الحق يضيع لعدم العلم به.

وتشمل هذه المواصفات كل صغيرة وكبيرة بداية من المنهج الدراسى حتى تعليقات المدرس وسلوكه داخل الفصل.

3- توعية الآباء بدورهم فى متابعة أبنائهم وحل مشكلاتهم ومتابعة أداء المدرسة دورياً وذلك عن طريق مجالس الآباء والأمهات.

***************

الموضوع يطول الحديث فيه

وشكراً

[أحمد سيف]

موضوع مرتب المدرس وإنه ما بيكفيش حاجة والكلام ده بيستفزنى جداً، فالشخص الجاد المحترم ذو المبادىء قد لا تشعر به فى الرخاء لكن يظهر معدنه وأصله فى الشدة، ومثلما المدرس مرتبه قليل فأكيد آباء هؤلاء الأطفال من معدومى الدخل، وهو قبل عمله بالتدريس يعلم جيداً قدر مرتبه يعنى مش فخ ووقع فيه. فمن يقول أن المدرس بيدى على قد المرتب فقد اتهم المدرس بخيانة الأمانة من حيث لا يشعر.

لا أقصد ألا يطالب المدرس برفع دخله فهذا حقه، ولكن أن لا يكون الأطفال -وبالتالى المجتمع الذى صرف على جعله مدرس من أموال الضرائب- هم ضحية إحساسه بالظلم، وإلا لو استعملنا نفس المنطق فسيكون من حق أى موظف فى محطة كهرباء أنه يطفى المحطة وينام علشان مرتبه قليل ومن حق أى طبيب إنه يقتل المريض لأن مرتبه قليل ومن حق أى حد يقصر فى مهام عمله بنفس الحجة.

وبعدين ننزل للواقع بشويش، أكثر المدرسين المهملين فى فصلهم هم من ارتفع دخلهم بسبب الدروس لأنهم أصبحوا يزهدون فى حصص الفصل لأنها فى نظرهم بملاليم فبيوفروا تعبهم.

بارك الله فيك ... قلت كلّ اللي أنا عاوز أقوله في النقطة دي ... فعلا الموضوع مستفز جدا ... المدرس - أو أي موظف آخر - اللي مش بيشتغل بضمير علشان المرتب مش عاجبه يقعد في البيت أحسن

[بن البلد]

اولا اشكرك على الطرح الرائع المدعم بالصور

ثانيا اقول:

زمان كنا وغيرنا نتعلم فى الكتاب نفترش الارض ونتعلم

وكنا فى البيت نذاكر على الطبلية والحصيرة واللمبة الجاز

وتعلمنا وفلحنا

العيب يا اخى الفاضل

فى المعلم الذى اصبحت تسخر منه الافلام والمسرحيات

فى المعلم الذى تعتبره الوزارة مجرد موظف

فى المعلم الذى يترقى وظيفيا بحكم السن وليست الخبرة

فى المعلم الذى يدخل الفصل ليقرأ جريدة أو يشرب شاى

فى المعلم الذى يتقاضى راتبا لايكفى دفع رسوم خدمات الدولة

فى المعلم الذى تعلم الروتين بكل اشكاله

فى الوزارة التى تعتبر المعلم هو الحيطة المائلة الكل ينهش فيه

فى الوزارة التى تغير المناهج دوريا وبدون تدريب للمعلم

فى الوزارة التى تطبق الامتياز المدرسى والمدرسة الفعالة والمدرسة الذكية وأخيرا الجودة وتحاربهم لانهم لا يتقاضى منها الكبار مليما

فى الوزارة التى تلغى صف دراسى ثم تعيده

فى الوزارة التى لم تسطتع ان تحدد كادرا معبنا لموظفيها ووضعتهم فى الغاز مستمرة

فى اولياء الامور الذين ينظرون الى التعليم على انه مجرد وظيفة وليست فرضا

فى اولياء الامور والامناء الذين لا يتابعون العملية التعليمية

فى المتيسرين منهم فى الانفاق على التعليم ولا ننتظر دور الدولة التى اصبح لا حول ولا قوة لها

فى المقاولين من الباطن وتعاملهم مع هيئة الابنية

هذا قليل من كثير

شكرا على طرحك اخى

دمت بكل خير

أحمد المصرى

[بنت بلد]

السلام عليكم ورحمة الله وبركاته

اختى هبــــــــــه تحية طيبة ......وطرح رائع ,,,,,

لما تحمله العمليه التعليمية من الاهمية فهى بناء العقول و تاسيس مسقبل الاجيال التى سوف تحمل المسئولية فيما بعد ....فماذا اذا كانت البنية الاساسية ضعيفة ؟؟؟؟

هنا نتوقع جيل ضعيف يحمل المسئولية هذا اذا كان قادرا اصلا على مواصلة طريقه ......

وفى نقطة مهمة جدا الا وهى الطريقة التعليمية نفسها ....حيث تعتمد بالدرجة الاولى على الحفظ و التقلين ,,,,,وليس على الفهم ,,,,وهذا بدوره يعطل المهارات و الابداعات لمن يملكونها و لم يجدوا سبيلا لتنميتها .......هناك بعض الدول تتخذ منهجا سليما فى التعليم و هذا فى الغرب طبعا ,,,,,

حيث تقوم منذ بدء العملية التعليمية بوضع كل طالب فى مكانه حسب قدراته و مهاراته العقلية

و الفنية ,,,,,و بهذا تقطع شوطا كبيرا جدا فى العملية التعليمية حيث التخصص منذ الصغر

وتنمية القدرات و المهارات ......هنا تصبح امام جيل طلابى مبدع و مبيتكر وهذا من اهم اسباب

تقدمهم العلمى ,,,,,

اتمنى ان يطبق ذلك فى مصر او فى الوطن العربى عموما .......

تقبلى مرورى

تحيــــــــــــــــــــــــاتى

[موكا]

السلام عليكم

الحقيقة ان الصور دى اهون كتير من صور تانية بقينا بنشوفها عالفضائيات و ياريت القصة تقف عند التخت التعليم كله عايز حرب لوحده عشان يتعدل حاله و ده مش هايحصل الا بالايجابية يعنى اللى يشوف فينا حاجة لازم يوصلها للاعلام و الحمدلله الموضوع بقى سهل بعد موبايلات الكاميرا و النت و لازم نفضل ورا مسئول التعليم الاول الفاشل يسرى الجندى لحد ما يسيب الوزارة او يعدل مساره و للاسف بقول الاعلام لان معادش فيه حاجة بتخوف المسئولين غيره و ربنا يفرجها علينا يا مصريين.

فلما ضاقت و استحكمت حلقاتها فرجت و كنت اظنها لن تفرج

[وسط][/وسط] :rolleyes:

[موكا]

على فكرة انا عايشة فالسعودية و عايزة اقول ان السعوديين دلوقتى الشغل الشاغل ليهم هو التعليم و تخريج كوادر جديدة فكل المجالات و هدفهم الاول هوالاستغناااااااااااااااااااااااااااااااااااء عن المقيمين و هاقولكم حدوتة لطيفة:

طبعا هنا مافيش كلية هندسة للبنات كويس؟ و انا اول ماجيت هنا من 10 سنين و انا مهندسة اتصالات اشتغلت بالتدريس و عايزة اقول ان المهندسة من 10 سنين كانت وظيفة نادرة

دلوقتى كلية الحاسب خرجت اول دفعة من البنات شوفوا ايه اللى حصل؟:

1- طبعا احتفال خيالى حقهم

2-مشوا معظم المعيدات المقيمات فهذه الكليه و اللى خرجوا هذه الدفعة الاولى و عينوا البنات الجداد

مكانهم مباشرة بدون لا ماجستير و لا يحزنون المهم انها تحل محل المقيمة ثم الماجستير ييجى على مهله

3-عينوا واحدة منهم مديرة (اكرر مديرة) لوحدة جديدة تم انشائها و اسمها تقنية المعلومات

4-عينوا واحدة اخرى منهم مديرة ايضا على طاقم الصيانة النسائى اللى بيشتغل بقالوا 3 سنين طافح الدم و كلهم مهندسات متخصصات

5-زيادة رواتب السعوديات فقط لتصل الى 3 و 5 الاف ريال بينما الطاقم المقيم سقف راتبه 2200

6-جابو عشر بنات معاهم دبلوم فنى للطاقم المقيم يدربهم و بعد كدة اخدوا السيرة الذاتية لهم عشان يعينوهم

وخد من ده فكل المجالات و ده معناه ان البلاد الخليجية زهقت من العمالة المقيمة و عايزين يعتمدوا على نفسهم و احنا مالناش ملاذ الا بلدنا كمان فى ملحوظة مهمة:

لو ماهتميناش بالتعليم اكتر من كدة ابشركم بعد 10 سنين هانستورد مدرسين من الخليج يدرسولنا و بالتالى هاتفقد مصر الميزة اللى فاضللالها و هى الكوادر المدربة ربنا يستر

[موكا]

انا باقترح بالنسبة للمناهج انها تتعمل باسلوب المناقصة يعنى اكتر من مؤسسة تعمل سلسلة مناهج على اعلى مستوى بشروط و مواصفات تحددها الدولة و بعدين تتعمل لجنة علمية متخصصة من علماء مصر و منهم مثلا احمد زويل و خيرة ادباء مصر و رجال الدين فى مصر و يكون حكمها هو الفيصل فاختيار افضل سلسلة مناهج و لو فيه منهج محتاج تعديلات اللجنة دى تعملها و ان تتعمل الاختبارات بنظام الاختيار من متعدد حيث التصحيح بالكمبيوتر و ورق الاجابة عبارة عن كرت مخصص لهذا الغرض و انا خضت التجربة دى على يد استاذى الفاضل دكتور يحيى عنب فكلية الهندسة جامعة المنصورة و كانت تجربة ناجحة جدا و كانت مستوياتنا متفاوتة لان الاسئلة اعتمدت على فهمنا النظام ده هايريح الناس و هايحقق العدالة و المصداقية خاصة ان المحسوبية و الرشوة وصلت لكل حاجة حتى الثانوية العامة و اللجان.

انا عارفة انكم هاتعترضوا و تقولوا ان ده مكلف لكن طالما ان هانصلح يبقى هانصرف و مدام هانصرف يبقى نصرف فالمفيد

يا ترى ايه رايكم؟

اسفة عالاطالة