مدرسة حكومية مصرية..و اترك الصور تتحدث

[~Heba~]

لااستاذى الفاضل عادل ابوزيد

فاكر حضرتك لما حكيتلك عن المدرسة التى تتجاهل الجزء التكنولوجى فى منهجها و لا تدرسة لتلاميذها لانها نفسها مش عارفة (و لا بتعرف تفتح كمبيوتر من اصله)

ببساطة كدة فيه برتوكول تعاون بين شركة مايكروسوفت مصر و وزارة التربية و التعليم

و مايكروسوفت مصر استعانت بالشباب المعتمدين منها - زى حالاتى كدة - واوكلت لنا مهمة التدريبة فى دورات تدريبية تحت اشراف الوزارة و نقوم فيها بتدريب المدرسين فى التخصصات المختلفة - رياضيات - علوم - حاسب - لغة عربية و انجليزية - و منذ عدة ايام خدت الأوت لاين بتاع المنهج و انا بصدد الاستعداد له و منتظر ان الدورة التدريبية تبدأ فى خلال الشهر ده لانه تدريب فى الصيف و غالبا هو هيبقى على شكل دورات متقطعة كل دورة لمدة عشرين يوم و تم طبعا مراعاة ان عدد المتدربين قليل (15 متدرب كل مرة) و جهاز شخصى لكل واحد

و طبعا دولا مدرسين يعنى متوقع منهم تطبيق ما سيتعلموه من وسائل تكنولوجية مباشرة فى دروسهم

اخييييرا اهى حاجة ايجابية و اخييرا عندى احساس بانى اقدر افيد بلدى بشكل مباشر و مباشر جدا كمان و الافادة فى النطاق الذى اعيش فيه مش اسافر و اشتغل بعيد و مسقط رأسى يبقى محلك سر...

بجد حاجة تفرح و انا وصيت اقاربى العاملين فى التعليم بضرورة الالتحاق بالتدريب ده و يمسكوا فيه بايديهم و سنانهم لانه فرصة مش هتتعوض (هيوفر عليهم فلوس التدريب على حسابهم الخاص) دا غير انه هيعود عليهم بنتيجة كويسة من حيث انه فرصتهم هتبقى اكبر فى الحصول على الكادر

اتمنى ان الخبر ده يكون بارقة امل

و لسة ورانا تانى شغل كتير

خالص تحياتى لك يا استاذى العزيز ولكل اعضاء محاورات المصريين