مشاجرة على الهواء بين شوبير ومرتضى منصور

[شاب مصري]

شوبير ومرتضى منصور

ولعت :D

مرتضى منصور بحب الراجل ده مش عارف ليه .. عيبه بس انه بيشتم وكده

لكن شوبير بعتبره منافق

ايه رأيكم ؟

[dongol]

بصراحه الاثنين مثال للعصر الفاسد اللي مصر عايشاه

واحد انتهازي متسلق و الثاني مثال للفجر (بضم الفاء) عند الخصومه ولو عايزين حال الرياضه يتصلح يبقي الاثنين لازم يتمنعوا من العمل العام و كل واحد فيهم يكتفي بانه يرش الميه قدام بيتهم الصبح و يرحمونا من وشوشهم اللي رجعتنا ورا

[esocial]

واحد بيشاكل اللى يقول اى كلمة ومش واخد حد يقف فى صفه وده عيبه لكن كونه بيخالف فده مش عيب لكن العيب الوحيد انه عايز الشهرة ولكنه دائما يخذل .

والأخر صعد كالبراشوت بدون مبرر سبحان الله الكورة بتعمل عمايل فظيعة .

[الترجمـان]

انا اهلاوي جدا ونفسي اعرف ليه الحرب الشعواء اللي بتحصل على المستشار مرتضى منصور ..؟؟

الراجل رئيس منتخب ومفيش مخلوق في الدنيا عرف يطلع عليه ذله او حتى تهمه مخله بالشرف تمنعه من الترشح لرئاسة نادي الزمالك او العمل العام ..!! وحتى لو اختلفنا في كثير من الأحيان على أسلوبه العنيف في المواجهات مع خصومه ... الواحد بيرجع ويقول لنفسه لو انت مظلوم ومتأكد انك نظيف أيه اللي هيخليني أسكت او حتى آخد بعضي وانسحب ..؟؟

أنا مش متبحر في اخبار ودهاليز نادي الزمالك الإنتخابية لكن من لقاءات المستشار ومن تاريخه الطويل لم اجد فيه ما يدفع الجهات الإدارية في مصر لمنعه من ممارست حقه في الإنتخاب ..؟؟

وإذا كان سيادة المستشار والقاضي السابق بيعملوا فيه كدا يبقى المواطن العادي هيعملوا فيه أيه لو مارس حقه في ممارسة العمل السياسي أو العمل العام بشكل يتعارض مع الفساد المستشري في المؤسسات العامه للدولة ..؟؟

[محمد افندى]

انا شايف ان الاثنين يقعدو فى بيوتهم الاول اشتهر ونجمه بقى فى العلالى من ايام الدورات الرمضانية بتاعت علاء بية وجمال بيه مبارك وصاحبنا فضل يقول الاستاذ علاء والاستاذ جمال وعرف طريقه الصح مع الحزب الوطنى الديمقراطى والحبايب علية دلوقتى مش ملاحق بس ياريت يخلى باله عشان اخرته هتبقى زى طلعت مصطفى لو حاول يكبر عن كدة والثانى انا من رأى انه مينفعش يمسك غير مركز شباب كفر من الكفور اللى فى قرانا فى مصر الحبيبة بس للاسف هو دة زمنهم زمن المتسلقين وسليطى اللسان

[doha]

الحمد لله مليش في الكورة بس احسن تعليق على الموضوع ده هو نصيحة مني لكل من لم يشاهد حلقة كوميك شو بتاعت محمود عزب الي بيقلد فيها شوبير يروح يشوفها ..

تلاقوها في اليوتويب ..

تم تعديل 11 مايو 2009 بواسطة doha