تحذير من مدرسة المؤمن حتى لا يتورط فيها أحد

[msayed]

الموضوع بإختصار أنى لعدم الخبرة ولحداثة قدومى إلى السعودية سألت كام واحد من زملائى فى العمل عن مدرسة كويسة فرشحوا لى مدرسة باكستانى اسمها المؤمن (أمام الغرفة التجارية بشارع الضباب "ش مساعد بن جلوى")، إستغربت لقلة مصروفاته "3000 ريال" ولكن قالوا لى أنها توفر فى الأثاثات وما شابه ولكن التعليم متميز.

المهم قدمت لإبنى فى كى جى 1 وبدأت المأساة.

- إهمال كبير جداً فى متابعة الأولاد

- مدرسين ناقمين على المدرسة ويعلنون ذلك لأولياء الأمور

- واجبات كثيرة جداً بغض النظر هل الولد درس هذه الواجبات أم لا

يعنى إبنى فى أول شهر وعلشان ينقلوا بعض الطلبة إللى ها ترسب فى الإمتحان لفصول أخرى عملوا له إمتحان يكتب من 1 إلى 60 وهو لم يدرس إلا من 1 إلى 10 ("منتهى الغل")

واول ما بدأوا العربى بدأوا لهم بالحروف المشكلة ألف ضمة وألف كسرة وهكذا وكأن الأولاد عارفين الحروف كلها.

- المديرة بتاعة كى جى بتضرب الأولاد وتتنرفز عليهم بدون سيطرة على نفسها.

- أمهات الأولاد إللى ساكنين قريب من المدرسة بيروحو المدرسة فى أى وقت ويقعدوا يتسامروا ومعاهم ترمس الشاى والبسكويت ويقضوا اليوم وكأنها كافيتريا وكل شوية الأم تدخل تطمن على إبنها فى الفصل مما سبب لنا مشاكل كثيرة مع ابننا لأنه حس إننا مقصرين معاه ومش بنروح المدرسة زى أمهات زملاؤه.

- وفى الإمتحان الأمهات بقوا واقفين عند الباب الفصل يغششوا أبنائهم كأنهم فى ثانوية عامة.

- فى يوم طلبو كيك أو عصائر علشان يعملو يوم مرح Fun Day وبصراحة المدام ما كانتش عاوزة تعمل أى حاجة لأنها كانت قرفانة منهم فقلت لها معلهش علشان الولد يفرح برضه، المهم عملت كيك شيكولاتة فطلع وللحظ بنى غامق جداً، قالت لى "شوفت أهو طلع زى عملهم" المهم الواد راح بالكيك ورجع يقولنا نفسى فى حتة كيك، ليه يا بنى انت ما كلتش من الكيك؟ قال لى لأ الميسات أخذوه وقفلوا على نفسهم الباب وطلعوا أعطوه الصانية فارغة.

- المهم إن الولد بدأ يكره المدرسة كره شديد وبدأت أغيبه كثير ثم ذهبت لمقابلة المدير الباكستانى وشرحت له الأمر فقال لى :"إنت مصرى؟ هم المصريين بيشتكوا دايماً" اتنرفزت عليه طبعاً وقلت له إن "علشان مستوى التعليم عندنا فى مصر كويس ومش بنرضى بأقل منه" وهذه حقيقة والله المصريين فى مصر مبدعين فى التعليم بغض النظر عن المدارس الحكومية وسوء حالتها فإبنى كان فى حضانة كان يبقى يوم نكد لما ياخذ أجازة منها.

قال لى المدير، بعد 15 يوم نتكلم تانى لأنى ها أشترى لهم ألعاب وزحاليق -نسيت أقول أن المدرسة ماكانش فيها ولا لعبة للأطفال-

وطبعا ما اشتراش أى حاجة

المهم صبرت شوية حتى أيقنت أن الولد لا يتعلم أى شيء ولا يحفظ أى حاجة من المدرسة وأن كل معلوماته واقفة على ما تعلمه فى الحضانات المحترمة أم 20 جنيه شهرى فى مصر علاوة على أنه بدأ يكره التعليم والواجب والمدرسة فتوقفت عن إرساله إلى المدرسة قبل امتحان نصف العام بحوالى شهر ونصف.

وأقنعت معظم أصدقائى والحمد لله أن يتصرفوا نفس التصرف.

والحمد لله بحثت عن مدرسة أخرى ولم أدرك فظاعة مدرسة المؤمن العالمية إلا بعد أن رأيت المدرسة الجديدة والنظام البديع والإهتمام العالى بها.

هذا تحذير لوجه الله حتى لا يدفع أبنائنا ثمن غربتنا

م. محمد

تم تعديل 4 أبريل 2009 بواسطة msayed

[se_ Elsyed]

طب إيه هي المدرسة الجديدة ؟

[se_ Elsyed]

لو بتدور على مدرسة في نفس الميزانية كده .. يبقى عليك وعلى مدرسة " الصقر " بجوار مركز الشعلة التجاري بطرق الملك عبد العزيز ..

بس هاتهرب من الباكستانيين هاتروح للبنجلاديش .. والمنهج هناك تقيل قوي وتحس إن العيل اللي في إبتدائي بيتعامل كإنه في ثانوية عامة .... والله شوفت أولاد زمايلي في المدرسة دي .. تحس إن الولد اللي في جريد 3 مثلاً شكله بقى عامل زي الموظف اللي عالمعاش من كتر الهم والمذاكرة والواجبات الكتيرة ..

لو هاتزود حبتين وتوصل لست بواكي .. يبقى عليك وعلى العروبة .. وميزتهم إنك ممكن تقسط المصاريف على 4 أو 6 دفعات.. بس أهم حاجه تدفع ربع المصاريف عند التسجيل ... وبعد كده إن شالله تدفع حاجه كل شهر .. أهم حاجه ييجي عليك أخر شهر أبريل وتكون مسدد اللي عليك .. أهم ميزة في العروبة بغض النظر عن المناهج اللي إلى حد كبير كويسة ... أهم حاجه إن العيل بيطلع مكحرت وأدارجي .. بمعنى إنه بيعيش في جو مصر من حيث شقاوة العيال وإن الواحد لازم يبقى اسد في وسط الديابه بدل ما يتاكل

أولاد كتير بيتعلموا في السعودية ولما بينزلوا مصر على الثانوي أو الجماعة ... بعون الله ... العيال هناك بيحطوه في رغيف وياكلوه .. وذلك لإنه إتربى هنا تربية منغلقة للغاية .. غير مصر اللي فيها فُسح وخروج ومواقف وطرائف وأحتكاكات بناس مختلفة كل يوم ...

يا راجل هناك بتلاقي عيل في أول إبتدائي وماشي رايح محطة مترو الأنفاق ويركبزي أي حد كبير ويمكن ياخد له ييجي 15 محطة ولا في دماغه ..

هنا الواد بيبقى في إعدادي وبنخاف عليه ينزل يشتري عيش من البقالة ...

وبالتالي لما بينزل يستقر في مصر بيبقى عامل زي القروي الساذج اللي أول مره ينزل المدينة وشاف صخبها وبياخد فرتة على ما يتأقلم مع الوضع وممكن خلال فترة التأفلم يكون إتظبط كام مره ...

[elfakhrany]

أهم حاجه إن العيل بيطلع مكحرت وأدارجي .. بمعنى إنه بيعيش في جو مصر من حيث شقاوة العيال وإن الواحد لازم يبقى اسد في وسط الديابه بدل ما يتاكل

أولاد كتير بيتعلموا في السعودية ولما بينزلوا مصر على الثانوي أو الجماعة ... بعون الله ... العيال هناك بيحطوه في رغيف وياكلوه .. وذلك لإنه إتربى هنا تربية منغلقة للغاية .. غير مصر اللي فيها فُسح وخروج ومواقف وطرائف وأحتكاكات بناس مختلفة كل يوم ...

...

فعلا هو ده اللى شفته بعينى لما كنت فى الجامعة واصحابى اللى جايين من الخليج كنت بحس انهم انطوائيين جدا ومش عارفين ياخدو على الجو غير ان فى ناس بتستغلهم لما يعرفو انهم جايين من الخليج وطبعا دول بيكونو عايزين يكونو صداقات باى طريقة وبالتالى الأزمة بتتفاقم لان العلاقة بتكون قائمة على اساس المصلحة ولو زى ماحضرتك بتقول كدة تبقى المدرسة اللى حضرتك قلت عليها دى (مدرسة العروبة ) من وجهة نظرى انا كمان ممتازة جدا

تم تعديل 4 أبريل 2009 بواسطة elfakhrany

[ahmedkamal]

لو بتدور على مدرسة في نفس الميزانية كده .. يبقى عليك وعلى مدرسة " الصقر " بجوار مركز الشعلة التجاري بطرق الملك عبد العزيز ..

بس هاتهرب من الباكستانيين هاتروح للبنجلاديش .. والمنهج هناك تقيل قوي وتحس إن العيل اللي في إبتدائي بيتعامل كإنه في ثانوية عامة .... والله شوفت أولاد زمايلي في المدرسة دي .. تحس إن الولد اللي في جريد 3 مثلاً شكله بقى عامل زي الموظف اللي عالمعاش من كتر الهم والمذاكرة والواجبات الكتيرة ..

لو هاتزود حبتين وتوصل لست بواكي .. يبقى عليك وعلى العروبة .. وميزتهم إنك ممكن تقسط المصاريف على 4 أو 6 دفعات.. بس أهم حاجه تدفع ربع المصاريف عند التسجيل ... وبعد كده إن شالله تدفع حاجه كل شهر .. أهم حاجه ييجي عليك أخر شهر أبريل وتكون مسدد اللي عليك .. أهم ميزة في العروبة بغض النظر عن المناهج اللي إلى حد كبير كويسة ... أهم حاجه إن العيل بيطلع مكحرت وأدارجي .. بمعنى إنه بيعيش في جو مصر من حيث شقاوة العيال وإن الواحد لازم يبقى اسد في وسط الديابه بدل ما يتاكل

أولاد كتير بيتعلموا في السعودية ولما بينزلوا مصر على الثانوي أو الجماعة ... بعون الله ... العيال هناك بيحطوه في رغيف وياكلوه .. وذلك لإنه إتربى هنا تربية منغلقة للغاية .. غير مصر اللي فيها فُسح وخروج ومواقف وطرائف وأحتكاكات بناس مختلفة كل يوم ...

يا راجل هناك بتلاقي عيل في أول إبتدائي وماشي رايح محطة مترو الأنفاق ويركبزي أي حد كبير ويمكن ياخد له ييجي 15 محطة ولا في دماغه ..

هنا الواد بيبقى في إعدادي وبنخاف عليه ينزل يشتري عيش من البقالة ...

وبالتالي لما بينزل يستقر في مصر بيبقى عامل زي القروي الساذج اللي أول مره ينزل المدينة وشاف صخبها وبياخد فرتة على ما يتأقلم مع الوضع وممكن خلال فترة التأفلم يكون إتظبط كام مره ...

ده قصه تانيه انا لما نزلت مصر وكنت تربيه الكويت مش عاوز اقولكم ع العذاب اللي شوفته وكنت خايف ابين لحد خيبتي وجهلي بالاحتكاك بالناس بس قولت خليك ذكي اتفرج من بعيد لحد ماتعرف بس ياريتني فضلت زي ماانا لان تربيه الخليج بتطلع ف نظري بيئه نموذجيه صحيح اجتماعيا فاشل بس بتبقى بتاع مذاكره وبس انا صحابي نزلوا الكليات ف مصر مش عاوز اقولكم ع اللي حصل اشي مخدرات واشي بلاوي ربنا يسترها بجد ع كل عيال المصريين لما بينزلوا مصر لانهم بصراحه بيبقوا صيد ثمين لناس كتيره

عشان كده انا مقتنع ان لازم الطفل يبقى مخربش والله بتفرق كتير ده انا كبرت اهو واشتغلت برده مش زي اللي اتربى طول عمره ف مصر رغم ان اشتغلت ف مصر قبل ما اسافر تاني بس برده مكنتش مرتاح ف مصر وده مشكله ابناء العاملين ف الخارج بينزلوا بيحتاسو

ربنا يقوي الجميع

ونصيحه مهما ما تدخل ابنك مدرسه لازم تخليه يتعود ع ان الدنيا مش الكويت ولا السعوديه وف فتره الاجازة خليه يتبهدل