تغيير المهنة من عامل تربية مواشى إلى عامل فقط

[mustafasoltan]

سلام عليكم

أرجو منكم اعطائى الخطوات كامله ازاى اغير مهنه الاقامة من عامل تربيه مواشي لعامل عادى او اى حاجة تانى تخلينى الاقى شغل بشركة او مصنع او حاجة كويسه

بجد انا تعبت عمال الف مش لاقى كل الى يسال يسال على المهنه بالاقامة وميرداش يرد عليا تانى

ساعدونى ارجوكم

[خالد شحاته]

سلام عليكم

أرجو منكم اعطائى الخطوات كامله ازاى اغير مهنه الاقامة من عامل تربيه مواشي لعامل عادى او اى حاجة تانى تخلينى الاقى شغل بشركة او مصنع او حاجة كويسه

بجد انا تعبت عمال الف مش لاقى كل الى يسال يسال على المهنه بالاقامة وميرداش يرد عليا تانى

ساعدونى ارجوكم

اخي الفاضل مهنتك صعب تتعديل ولو فيه شخص يعدلها ممكن يطلب منك تمن فيزه جديد اكتر من 7000 ريال الله يكون في عونك

[se_ Elsyed]

عامل تربية مواشي

عامل زراعي

عامل منزل

سائق خاص

من أصعب المهن التي يُمكن تغييرها وعليها حظر من وزارة الداخلية خصيصاً ..

وعامل المواشي والزراعي بالذات .. بتدخل فيهم وزارة الزراعة نفسها ..

يعني أسف الموضوع صعب خالص ..

[doha]

معليش يمكن موضوع تعديل المهنة مسدد لكن الرزق باذن الله مش متسدد

انت ادعي لربنا كتير وباذن الله هيوفقك في شغله ميكونش محتاج فيها تغير المهنة .. يمكن تشتغل في محل او تتاجر بنفسك في اي عمل حر .. معليش اصبر بس وماضاقت الا لما فرجت ويمكن فرصة عشان تقرب من ربنا اكتر ..

يمكن كل الي قدمت لهم لغايه دلوقت مش عاوزين عامل زراعي ويمكن بعدين هتلاقي الي بيدور من الاول على عامل زراعي .. محدش عارف اليمكن ده امتى قد يكون بعد فترة ويمكن اقرب لك مما تتخيل .. انت بس الزم الاستغفار والدعاء وهتشوف ربنا هيفتحها عليك ازاي ..

[أحمد سيف]

معليش سؤال عمّال ياكلي دماغي؟؟

هاتفرق ايه عامل تربية مواشي من عامل عادي ؟؟؟؟

وشغل ايه الكويس اللي هاتلاقيه بمهنة عامل عادي؟

ممكن بس نعرف مؤهل سعادتك ايه ؟؟

[Hazemmagdi]

بالمناسبة هي تغيير المهنة لها ضوابط ونظام معين ؟ وايه هي ؟

[se_ Elsyed]

بالمناسبة هي تغيير المهنة لها ضوابط ونظام معين ؟ وايه هي ؟

تغيير المهنة المفروض دلوقت إنه ممنوع .. لكن بيحصل المفروض في حالة واحده ( خلي بالك من المفروض عشان الفلوس هنا بتعمل الكوفت كله )

الحالة هي نقل الكفالة على شكرة تكون مهنتك الجديدة متوافقة مع نشاطهم ومتوافقة بالتأكيد مع شهاداتك الجامعية واهم حاجه إن الشركة تكون عندها شهادة سعودة سارية المفعول وبعد ده كله إنت وحظ برضوا يتوافق لك أو لأ

لكن في نفس الوقت السوق السودا شغالة الله ينور ومعقبين شاطرين بيعملوها من غير نقل كفالة

ومعقبين تانيين مسجلين على قوائم الأرهاب بيضربوا خطابات نقل كفالة ويغيروا المهنة وفي الحاله دي بيكونوا حصلوا على موافقة فعلية من مكتب العمل بنقل الكفالة .. فيرجعوا يلغوها تاني ... تخيل ؟

[Hazemmagdi]

أنا مستغرب جدا من الموضوع ده ( حاجات هنا بتحصل مكنتش اتخيل انها تحصل )

طيب اسمع الحكاية ديه عشان نعرف انه اللي بيعملوه المعقبين ده ممكن يبقى عادي

يعني حصل مع واحد اعرفه ان ضابط الجوازات قاله عندك المشكلة الفلانية قاله ازاي ومش عارف ايه ؟ رايح ضابط الجوازات قال له تدفع كذا وانا اخلصلك الموضوع ده

الراجل بيقول انا شكيت وخفت منه رايح قال له هات الجواز طيب ورايح حاطط فيه خمسمائة ريال بس طبعا بعيد عنه خالص ورجع اداله الجواز وجواه الفلوس والراجل خلص الموضوع

طبعا الراجل اللي اعرفه ده خاف لأنه طلب منه قدام الناس وبيقول اول مرة يحصل الموضوع ده وكل ده واحد عادي رايح يجدد جوازات عياله عادي خالص

فالموضوع بقى عيني عينك كده والكل عارف

[Mercedes]

أخى الفاضل , أنا لا أعلم لماذا تريد تغيير المهنة من عامل تربية مواشى الى عامل فقط لأنى بحكم عملى فى مستشفيات وزارة الصحة السعودية أرى أن عامل تربية المواشى له حق العلاج بمستشفيات وزارة الصحة لو حدث له مكروه لا قدر الله من ريال ل 100000 ريال

شكرا

[مصراوى للابد]

انا عامل زراعي وغيرت الي اختصاصي

[adlytroy]

انا عامل زراعي وغيرت الي اختصاصي

الف مبروك يافندم وربنا يوفقك ان شاء الله ممكن اعرف حضرتكم عملت ايه بالظبط

عشان انا سالت الكفيل وقلى لازم اكون على مؤسسة واستنى لما اظبط الاوراق الكلام ده صحيح فعلا

[أيوب]

مش بالمهنه زى ما الاستاذ قال دة رزق انا مهنتى

سائق خاص ولو تنفع تتغير مش هاغيرها بردة مع انى عارف انها مش بتتغير بس انا بقول افتراضا

المهم الكفيل راجل كويس والحمد لله

وسايبنى واوارقى كلها معايا جوازاى اقامتى

يبقى اغير لية مش بالمهنة بالكفيل واللى هتشتغل معاهم

[مصراوى للابد]

انا عامل زراعي وغيرت الي اختصاصي

الف مبروك يافندم وربنا يوفقك ان شاء الله ممكن اعرف حضرتكم عملت ايه بالظبط

عشان انا سالت الكفيل وقلى لازم اكون على مؤسسة واستنى لما اظبط الاوراق الكلام ده صحيح فعلا

ايوه الي اعرفه انك لازم تكون علي كفاله موسسه

لاني قبل ما اغير سالوني علي الموضوع ده

[Guest محمد فلفل]

طيب ازاي اغير مهنتي من عامل ترييه مواشي الي سائق خاص وانامش علي مؤسسة