سؤال غريب جدا جدا!!!

[بنت شعنونة]

مرة كنت في احد الأفراح وشفت بنت محجبة لابسا فستان سهرة

لكن ضهرها كللللللله ودراعتها متغطية بحتة شيفونة سودا لا تسمن ولا تغني من جوع

ولما اتفزعت من المنظر وقربت منها اووووووي

اكتشفت ان الخياطة عاملة خدعة قوووووية في الفستان

وهيا انها مخيطة تحت الشيفون دا قماش تقيل لكن من نفس لون الجسم بحيث يظهر للكل ان البنت لابسا الفستان عاري او شبه عاري في حين انه في الحقيقة البنت مش باين من جسمها ولا سنتيمتر واحد

اوباااا

طب الحكم في دا يبقى ايه بقى!!!!!!!!!

يعني اللي شايفها ها يتفزع لآنه ها يفتكرها لابسا عاري

واللي ها يقرب منها جداااااااااااا هوا بس اللي ها يكتشف الخدعه

ولو طبقنا كلام الشرع حرفيا البنت مش باين منها ولا نقطة

يبقى ايه؟؟؟؟!!!!!!

[سقراط المصري]

دا يبقى اسمه تهريج.

[بنت شعنونة]

دا يبقى اسمه تهريج.[./quote]

ليه بس يا سقراط؟؟

[linux]

بصراحة أوفق سقراط المصري تماما ...

هو آدب مني لأنى ممكن أستعمل لفظ أخر يخلينى آخد آنذار !!

أيه شغل التماحيك ده؟ بدام متحجبة ليه ما تحترمش الحجاب و تلبس محترم؟

و على فكرة، راي ده برضه يمشي لو كانت مش محجبة ...

مش فاهم ايه الغرض من الموضوع؟! أغراء يعني؟

[Lighthouse]

انا صراحة لاافهم

لماذا تضع واحدة نفسها موضع شبهة اصلا

اذا كانت مقتنعة بالحجاب والاحتشام لماذا هذا التصرف الغريب

اذا لم تكن مقتنعة فتخلع الحجاب احسن لها بدل ماتخلي منظر المحجبات مش كويس

الحقيقة التصرفات السخيفة التي تفعلها بعض الفتيات المحسوبات على الحجاب من لبس المحزق والملزق والشيفون وباقي الكلام الفارغ اياه .. تصرفات سيئة جدا تذهب بجلال الحجاب وتسيئ لسمعة الاخريات المرتديات لهذا الزي

الاحتشام والاحترام مطلوب

مش فاهمة ايه الحكمة من تعرية الضهور والاذرع والحاجات دي

هي الناس رايحة تحضر فرح ولا رايحة تفرج الناس على مفاتنها

[Masrawy Abroad]

كلاكيت تاني مرة

ده يبقى اسمه تهريج، مادة "هـ ر ج"

لأنها وضعت نفسها في موضع شبهة

مثلها مثل الشخص الذي يذهب مع أصدقاءه الخمارة أو النايت كلوب ويطلب عصير ليمون لأنه لا يشرب أم الكبائر......طبعاً عليه اثم!!

وقد امرنا الرسول بالبعد عن مواطن الشبهات

هي فعلت ذلك متعمدة حتى يعتقد كل من يراها مثلما خطر ببالك عندما رأيتيها للوهلة الأولى...

طيب ايه لازمتها من اساسه تعمل كده!!!

[فــيــروز]

انا ممكن احاول اشرح وجهة نظر البنت اللى راحت الفرح وهى لابسه فستان يخدع من يراه و يعطيه انطباع انه عارى .. ولكن شرح وجهة نظرها لا تعنى انى اتفق معها لكن اعتقد انه مهم ان نفهم لم تفعل بعض المحجبات هذا ..

البنت دى زى كتير من البنات عارفه ان الافراح بتكون من المواقف اللى البنات بيحاولوا فيها يلفتوا نظر الشباب يمكن يحصل توفيق و ارتباط باحد المدعوين .. كلنا عارفين ان حضور الافراح بالنسبه لبنات كتير فرصه مناسبه لمقابلة ابن الحلال فى جو محترم من غير فعل اى شئ من ورا الاهل .. عشان كده بنات كتير بيدوا اهتمام كبير جدا للبسهم و ماكياجهم فى الفرح .. خصوصا طبعا لو غير محجبات بيكون فيه فرصه كبيره للظهور بمظهر ملفت .. بينما لو البنت محجبه مهما عملت بيكون فرصتها فى منافسة هؤلاء الفتيات اقل .. لان عمر ملابسها ما هتكون زى ملابسهم او ماكياجها مثلا .. وهى زيها زيهم عاوزه تتجوز قبل فوات الاوان .. فالفتاه المحجبه تجد نفسها تريد ان تظهر جميله و جذابه مثل باقى الفتيات وفى نفس الوقت لا تريد ان تشعر انها خلعت حجابها لان هذا ليس بالامر الهين فى اعتقادى

ولهذا فهذه الفتاه حاولت ان تمسك العصايه من النص .. اعتقد انها مقتنعه تماما بالحجاب على فكره بدليل انها عملت كل الحيل دى كى تظل محتفظه بفكرة ان كامل جسدها مغطى وكان ممكن ببساطه تعمل زى بنات كتير و تخلع الحجاب فى الفرح ولكنها لم تفعل

احدى صديقاتى كانت ستتزوج من فتره قريبه وكانت فى نفس المازق .. تريد ان تبدو جميله فى الفرح وفى نفس الوقت لا تريد ان تكشف شعرها فى الفرح فما كان من الخياطه الا ان اقترحت عليها ان تلف شعرها بايشارب اسود بطريقه تجعل من يراه يظن انه شعرها بينما هو ايشارب وترتدى فوقه طرحة الفرح عادى !! البنت دى مقتنعه جدا بالحجاب لكنها تريد ان تبدو جميله ..

قبل ان نلوم على الفتيات يا جماعه ياريت نفتكر ان المجتمع فى كثير من الاحيان يحكم على البنت اول شئ بشكلها و بمظهرها و يؤجل التفكير فى خلقها او جوهرها لوقت لاحق .. دى حقيقه صعب انكارها :) فاذا كان عندنا استعداد ان نغير هذه النظره للبنت ممكن يبقى عندنا امل تختفى ظاهرة المحجه النص نص واذا لم نكن مستعدين فسيظل هذا الموضوع يحدث حتى لو اعلنا تبرمنا منه ليل نهار ..

[freefreer]

طالما اعطت انطباع ان هذا جسدها الذى يظهر .. فقد وقعت فى الغلط .. يا اختاه القران أمر النساء بألا يضربن بأرجلهن ليبدين ما خفى من زينتهن ..(رنة الخلخال)

و الله أعلم

[بنت شعنونة]

عمي فري

حمدالله ع السلالالالالالالالالالامة فين الغيييييبة دي بس؟؟؟

كلامك افحمني فعلا

لكن انا اضم صوتييييييييي لصوت فيروز انه اكيد فعلا البنت فكرت كدا

وبصراحا انا مستغربة من الهجوم عليها

هيا البنت لبست عريان فعليا؟؟

فعليا ... لا ابدا كمان

يبقى ليه الهجوم!!

يعني انه احسن صحيح تقلع الحجاب والا تلتزم بيه وفي نفس الوقت تظهر امورة!!

طب ما اليومين دول بشوف بنات محجبات لابسين فساتين حماااااالات والله العظيم ورامية شال شيفون على دراعها كدا بس و خلاص!!!!

يقع بقى ما يقعشي اهو كله ماشي!!!

[Lancelot]

لا معلهش يا شانا ... أنا عايز أعرف إيه العلاقة بين إنها "أمورة" و إنها تعري ضهرها .... و بعدين أيهما أهم إنها ترضي ربنا و تلتزم بالزي المضبوط و لا تبقي "أمورة" ... أنا عمري ما كنت متحامل علي البنات أو الستات و أنا متفهم اللي ذكرته فيروز لكن برضه الأمر مش مضبوط ... و بعدين نيتها مش كويسة ....

الأهم ... هي لو عايزه واحد كويس فعلا هتعتبر إنها هي نفسها اللي هتلفت نظره مش ضهرها العريان ....

أنا أسف لو كان ردي متعصب شوية لكن الحاجات ديه بتنرفزني أوي ...

[wa7d]

اكتشفت ان الخياطة عاملة خدعة قوووووية في الفستان 

وهيا انها مخيطة تحت الشيفون دا قماش تقيل لكن من نفس لون الجسم بحيث يظهر للكل ان البنت لابسا الفستان عاري او شبه عاري في حين انه في الحقيقة البنت مش باين من جسمها ولا سنتيمتر واحد 

أنا عمرى ماكنت متشدد ، ولكن إذا وضعنا البنت التى تلبس عارى فعلا فى درجة زفت نضع هذه المحجبه التى تفعل ذلك فى درجة أزفت ، وذلك لصفة الخداع التى تلوث أخلاقها . على الأقل الفتاة العارية صريحه ولا تخدع وإللى عاجبه . ولكن الخداع يعدم الثقة .

[freefreer]

لا توجد علاقة بين العرى و الجمال .. و الفتيات الحجبات يستطعن منافسة العاريات .. كما انهن يبحثن عن عريس مختلف عن هؤلاء الذين يبحثون عن عرائس عاريات .. ولا ايه

شكرا يا شعنن على سؤالك .. تحت النظر ..

[se_ Elsyed]

عمي فري 

حمدالله ع السلالالالالالالالالالامة فين الغيييييبة دي بس؟؟؟

كلامك افحمني فعلا

لكن انا اضم صوتييييييييي لصوت فيروز انه اكيد فعلا البنت فكرت كدا

وبصراحا انا مستغربة من الهجوم عليها

هيا البنت لبست عريان فعليا؟؟

فعليا ... لا ابدا كمان

يبقى ليه الهجوم!!

يعني انه احسن صحيح تقلع الحجاب والا تلتزم بيه وفي نفس الوقت تظهر امورة!!

طب ما اليومين دول بشوف بنات محجبات لابسين فساتين حماااااالات والله العظيم ورامية شال شيفون على دراعها كدا بس و خلاص!!!!

يقع بقى ما يقعشي اهو كله ماشي!!!

مش باقولكوا طيبه !!!! ... أيه يا دكتورة هو مافيش وسط يعني يا تخلع الحجاب .. يا تعملنا حركات وتبين أنها لبسه عريان ...

وبعدين احنا قولنا الواحد لازم يبعد عن الشبهات .. وزي ما مصراوي أبرود قال ما أروحش أقعد فى خمارة وأقول انا مابعملش حاجة غلط أنا بأشرب سحلب بس .

أو حاجة تانية رداً على سؤال أنت قولتيه

" احسن صحيح تقلع الحجاب والا تلتزم بيه وفي نفس الوقت تظهر امورة"

لا ده ولا ده يا ستي هي هأتظهر أمورة لمين للناس اللي لما تشوفها متزوقة تأخد ذنوب وتقع فى جريمة زنا النظر.

بصي يا شعنونة : البنت الملتزمة اللي من عائلة محترمة هايجيلها نصيبها المكتوب لها ولو كانت مستخبيه فى قمقم وسيبك من التخاريف بتاعت الناس اللي بيقولوا أن البنت مش المفروض تتحجب وتغطي جسمها وشعرها إلا لما توقعها لها عريس كويس .. او أتذوقي وألبسي واعملي حركات وأنت رايحه مناسبة إجتماعية معينه علشان توقعيلك كام عريس ..... أبداً كل ده كلام فاضي والشاب المقبل على الزواج لا يختار إلا الأنسانة المحترمة المحتشمة - إلا فى بعض إستثناءات من الشباب المريحيين الطيبيين -

وكتبتي تاني :

طب ما اليومين دول بشوف بنات محجبات لابسين فساتين حماااااالات والله العظيم ورامية شال شيفون على دراعها كدا بس و خلاص!!!!

ومن امتى كان الحجاب أو تربية الذقن بمثابة جرين كارد للأنسان ودليل على إلتزامه ؟!!! .. أعلمي يا أختي ان الحجاب والزي الإسلامي هو الذي يشرف المرأة مش العكس ..

وسواء لبست حجاب أو مالبستوش هي حرة وهي اللي هاتتحاسب يوم القيامة وتبقى تدور على مبرر تقوله للمولى سبحانه وتعالى.

[بنت شعنونة]

معلهش يا شانا ... أنا عايز أعرف إيه العلاقة بين إنها "أمورة" و إنها تعري ضهرها

لالالالالالالالالالالانننننننننسسسسسسس

اكتب وصيتك

رككككككككككز يا حج

هيا مش معررررررررررية دا لابسا من ساسها لراااااااااسها ولكن قماشة لونها من لون جسمهااااااااااااا

خدعة يعنيييييييييييييييييييي

استاذ واحد قال

عمرى ماكنت متشدد ، ولكن إذا وضعنا البنت التى تلبس عارى فعلا فى درجة زفت نضع هذه المحجبه التى تفعل ذلك فى درجة أزفت

ليه كدا بس؟!؟؟!

طب ليه ما نقولش انا لا اكذب ولكني اتجمل!!!

ما البنات بشر برضه يا جماعااااااااااا يعني

ما احناش ملايكة بجناحااااااات

انا مش بدافع والله

انا مقتنعة معاكم تماما بكلامكم لكن سموها مقاوحة مني عشان اوصلكم التعععععععععععععععععب اللي البنات فيه

لآنه فعلا موضوع الحجاب ما بقاش سهل ابدا في وقتنا دا

دا بقى عامل زي اللي معلقة مشنقة

طبعا الحمدلله على نعمة الهداية

لكن انا بكلمكم للسان حال بنات كتير جدا

البنت عاوزا تلبس وتتشيك وفي نفس الوقت ما تغضبش ربنا

حلوهااااااا بقى

طب تلاتا بالله العظيم انا ما بلاقي لبس واحد محتشم شكله نضيف

دا انا طلعت عيييييييييني عشان اعمل فستان احضر بيه خطوبة اخويا

تخيلوا بقى العروسة كانت عاملة ايه ؟؟ دي اكيد جالها شلل على ماعرفة توصل فلستان يمشي مع الحجاب

عارفين الموضوع زي ايه

زي اني اقولكم البسوا الجلباب القصير والسروال وروحوا الشغل

ها تعملوها؟؟

"وش مفرووووووووووس منكم يا دي الرجاااااااالة"

[فــيــروز]

البنت الملتزمة اللي من عائلة محترمة هايجيلها نصيبها المكتوب لها ولو كانت مستخبيه فى قمقم وسيبك من التخاريف بتاعت الناس اللي بيقولوا أن البنت مش المفروض تتحجب وتغطي جسمها وشعرها إلا لما توقعها لها عريس كويس .. او أتذوقي وألبسي واعملي حركات وأنت رايحه مناسبة إجتماعية معينه علشان توقعيلك كام عريس ..... أبداً كل ده كلام فاضي والشاب المقبل على الزواج لا يختار إلا الأنسانة المحترمة المحتشمة - إلا فى بعض إستثناءات من الشباب المريحيين الطيبيين -

احمدك يا رب .. دلوقت اقدر اموت وانا مرتاحه ..

[Lancelot]

رككككككككككز يا حج 

هيا مش معررررررررررية دا لابسا من ساسها لراااااااااسها ولكن قماشة لونها من لون جسمهااااااااااااا 

خدعة يعنيييييييييييييييييييي

مركز و الله ... لكن إنتي قلتي ...

لكن ضهرها كللللللله ودراعتها متغطية بحتة شيفونة سودا لا تسمن ولا تغني من جوع

ولما اتفزعت من المنظر وقربت منها اووووووي 

اكتشفت ان الخياطة عاملة خدعة قوووووية في الفستان

واخدة بالك من اللي فوق الخط ده ... ده كلامك ... اللي شفتيه بعنيكي ... يعني هي قصدها تبين ضهرها لكن علشان "محجبة" تغطيه بقماش من نفس اللون ...

شوفي يا شانا ... أنا مش بأتكلم عن كون الموضوع حلال و لا حرام ... و لا بيخالف الحجاب و لا لأ ... أنا بأتكلم عن نقطة تانية و هي منطق البنت المحجبة في إعجابها بأن تظهر في فستان عاري الضهر ... لزوم جذب الأنظار ... طب لزومه إيه الحجاب من الأول لما هيعوق جمالها الفتان من أن يظهر و لما هي شايفه إن إظهار جمالها مهم أوي ...

أنا مش عايز أصدر أحكام علي أي واحدة تعمل كده ... كل واحدة و ليها أسبابها و ظروفها و تفكيرها ... لكن اللي عايز أقوله ... مش ضهر عريان هو اللي يجذب عريس إليها ... أو علي الأقل عريس محترم ....

أرجو أن أكون وضحت وجهة نظري ...

[optimistic]

للاسف هذا نوع من الفصام

و ما لجأت هذه الفتاة المسكينة للحيلة الا تماشيا مع فصام المجتمع ككل

مجتمع شاكيرا و نانسي عجرم

وقرآن الصبح أول ما نصحى

و كيف أن (البنات شديدة في مصر الجديدة)

و لابد مراتي تبقى مؤدبة و بنت ناس

ده غير فصام الاسرة

فالبنت بين مطرقة قلة حيلة الشباب

و قنعرة الاسرة في الطلبات

ده غير فصام المنطق

فمنطق الانا مازال يحارب منطق الصحيح و الواجب

مسكينة البنت فعلا

و للحديث بقية

[nora]

العبرة بالنيات والضمير ده ردي هي نيتها اية انها كان ظهرها باين يبقى حكمها حكم الي كشفت ظهرها ده راي والله واعلم

وهي حطت نفسها في موضع شبة

بصي بأه علشان انا مبقوقة من بنات اليومين دول تبقى محجبة والفتحة بتاعت الجيب لحد رقبتها وحاجة تكسف لانها ببساطة بتخدنا بذنبها انت عرفة هنا بيتريقوا على حجابنا موت لان ببساطة مبتحترمش حجبها لا باللبس ولا بالتعامل الحجاب مش بس مظهر الحجاب تحته حجات كتير يعني وحده محجبة وتبقى عماله تهرج مع الشباب تهريج الصراحة انا مش عرفة ازاي بيحصل وكف بكف واديلوا على ودنة معتقده ان ده هيخلي الناس تقول عليها مرحة ودمها سكر وغير كده مبقوش يعرفوا يميزوا الكلام الي يتقال من الي ميتقلش ولا حتى التصرفات انا مابحش ان وحده تعمل تصرف زي ده بغرض انها تتجوز انا اكرملي اعيش عانس ولا تبقى سمعتي على كل لسان انا والله رحت مرة في شركة في مصر شفت العجب وبقيت اقول في عقل بالي في اية الناس بقيت تتداخل في بعض بدون تميز اية المفروض واية الي مش مفروض والراجل يتدخل في الحياة الشخصية لزملتة وحجات عجيبة وفي الاخر الرد " دي زي اختي "

ايييييييييييييييييية في حاجة اسمها حدود مش كل من هب ودب يتحكيلوا الوحدة تبقى عماله تحكي وتشكي على مشاكلها الخاصة جدا جدا جدا والرجل نفس الشئ وهلوما جرا والواحد مش فاهم في اية "واسكت مش انا اتخنقت مع خطيبي امبارح اصله طلب مني اني اعملة محشي وانا رفضت " اية ده في اية انا عيزة اعرف اية هي حدود الزماله واية الشغل في مصر

والراجل يبقى متجوز ولا خاطب والف بنت وبنت بتحوم علية لية كده انا والله معدتش فهمه حاجة وخيفة اوي اجي مصر واتصدم بالكلام ده

انا مش عرفة حتى اللبس بقى ميناسبش اسلوب وبيئة العمل الوحده تبقى ريحة الشغل بمني جيب ليييييييييييييييية

وشركة محترمة هل يعني تقدم وتحضر الشركة بالتي تكشف اكبر مساحة من جسمها

وهل المفروض ان علشان اكون موظفه بشركة ان اخرج مع زملائي في العمل ونتفسح و............

انا مبعترضش انه يكون في حدود الزماله والاحترام

ولكن فين القيم والاخلاق والدين

ام تحولت المرأة لفترينة لتعرض منها اجمل مالديها من مفاتن لجذب الزبون

انا عكيت

بس يله انا قلت الي في نفسي وخرجت الي كان بققني احنا بعدنا اوي عن دنا وربنا يستر على الجيل الجي بجد بجد انا حسة برعب على الجيل الجي والشاب لية حق وتيجي تلاقي الشاب من دول مش راضي يتجوز من القرف الي شيفة

البنات دول المفروض يفكروا في بكرة يوم القيامة لما نتعرض على ربنا ونقف مشعرفين نقول اية ربنا يسترنا ويسترهم اجمعين

[فــيــروز]

والشاب لية حق وتيجي تلاقي الشاب من دول مش راضي يتجوز من القرف الي شيفة

لا دى جمله ظالمه جدا يا نورا وزى ما فيه ناس سيئه هناك ناس محترمه .. وكما ان هناك فتيات قد لا يراعين الله فى سلوكهن هناك بعض الشباب كذلك لكن ليس هذا مبرر ان نظن هذا بالجميع .. انا عارفه انك لا تقصدى التعميم لكن لانك تتحدثى عن النساء العاملات بمصر ولانى واحده منهن شعرت فعلا بالضيق من هذا الكلام لانه وان كان به جانب كبير من الحقيقه الا ان هناك حقيقه اخرى كان ينبغى ذكرها وهى ان هناك ايضا سيدات عاملات محترمات يراعين الله فى سلوكهن ..

[nora]

والشاب لية حق وتيجي تلاقي الشاب من دول مش راضي يتجوز من القرف الي شيفة

لا دى جمله ظالمه جدا يا نورا وزى ما فيه ناس سيئه هناك ناس محترمه .. وكما ان هناك فتيات قد لا يراعين الله فى سلوكهن هناك بعض الشباب كذلك لكن ليس هذا مبرر ان نظن هذا بالجميع .. انا عارفه انك لا تقصدى التعميم لكن لانك تتحدثى عن النساء العاملات بمصر ولانى واحده منهن شعرت فعلا بالضيق من هذا الكلام لانه وان كان به جانب كبير من الحقيقه الا ان هناك حقيقه اخرى كان ينبغى ذكرها وهى ان هناك ايضا سيدات عاملات محترمات يراعين الله فى سلوكهن ..

السيئة تعم والحسنة تخص وغالبا الحسنة بتبقى قله جواهر لا تري بالعين المجرده

اعذريني انا مشفتش بجد كله كان صلطة انا بجد حزينه