مصريون من أجل التغيير

[se_ Elsyed]

وأنا أُتابع ندوة تدشين هذا التنظيم السلمي الجديد على قناة الجزيرة مباشر بالأمس .. كنت في قِمة السعادة .. أخيراً المثقفين إتحركوا ... أخيراً الشُرفاء ظهروا ... وأكتلمت فرحتي عندما تابعت بقية الموضوع في برنامج العاشرة مساءً وعلمت الأسماء المشتركة في تلك الحركة والتي تتضمن مفكرين وأدباء وناس محترمين ..

خصوصاً إن الحركة ليست حزبية ولا تسعى لحكم أو لأي مناصب

أستسمح الإدارة في تثبيت هذا الموضوع لمتابعة أخبار تلك الحركة التي أرجو أن يكون عددها بالملايين وأن يُحطيها الشعب المصري بدعمه .. فالوقت قد ازف ولم يتبقى إلا القليل على إنتخابات مجلس الشعب والشورى التي ستُجرى العام القادم والعام الذي يليه إنتخابات الرئاسة .. والتغيير يحتاج إلى وقت ، وعامين لتغيير فساد أكثر من 60 عاماً من حكم العسكر الظالم ليست كافية إلا بحدوث معجزة ...

أعلنت شخصيات مصرية من تيارات متعددة اليوم السبت الإطلاق الرسمي لائتلاف "مصريون من اجل التغيير".

ووقع البيان التأسيسي للائتلاف 250 من شخصيات عامة ومعارضين مصريين بينهم أدباء وفنانون وكتاب وأساتذة بالجامعات ونواب بالبرلمان منهم النواب جمال زهران وحمدين صباحي ومحمد عبدالعليم داوود والأديبان صنع الله ابراهيم وعلاء الأسواني والفنانان عبدالعزيز مخيون ومحسنة توفيق وعبد الحليم قنديل منسق كفاية.

ووصف الأديب صنع الله ابراهيم في مؤتمر صحفي اليوم الإطلاق الرسمي للائتلاف بأنه" تتويج لمسيرة السنوات الماضية" ، وقال" مسيرة السنوات الماضية تحولت من اعتراض واحتجاج إلى رؤية متكاملة وواضحة تعطي التفاؤل والأمل في المستقبل" .

وأضاف "تعودنا أن نسأل بعضنا البعض من القادم لحكم مصر؟ الآن نسأل من الذي سنأتي به؟".

ويدعو البيان التأسيسي للائتلاف الذي تم الإعلان عنه الشهر الماضي إلى عدد من المطالب أبرزها تشكيل حكومة ائتلاف وطني تتولى إدارة البلاد لفترة انتقالية مدتها عامان تقوم بإجراء إصلاحات سياسية منها صياغة دستور جديد عن طريق تشكيل جمعية تأسيسية منتخبة وإنهاء حالة الطوارئ وتصفية المعتقلين السياسيين وإلغاء المحاكم الاستثنائية وإطلاق حرية تأسيس الأحزاب وحرية الصحافة، وإجراء استفتاء شعبي لإلغاء اتفاقية السلام مع اسرائيل ورفض المعونة الأمريكية، وإقرار أجور عادلة وصرف إعانة بطالة للعاطلين وإعادة توزيع الدخل القومي بما يحقق العدالة الاجتماعية.

الإعلان عن إطلاق ائتلاف "مصريون من أجل التغيير"

الاحد 09 ربيع الثاني 1430 الموافق 05 إبريل 2009

الإسلام اليوم/ وكالات

أعلنت شخصيات مصرية من تيارات متعددة الإطلاق الرسمي لائتلاف"مصريون من اجل التغيير" قبيل تنفيذ الإضراب الذي يدعو إليه نشطاء مصريون غدًا الاثنين السادس من أبريل.

ووقع البيان التأسيسي للائتلاف 250 من الشخصيات العامة ومعارضين مصريين بينهم أدباء وفنانون وكتاب وأساتذة بالجامعات ونواب بالبرلمان منهم النواب جمال زهران وحمدين صباحي ومحمد عبد العليم داوود والأديبان صنع الله إبراهيم وعلاء الأسواني والفنانان عبد العزيز مخيون ومحسنة توفيق وعبد الحليم قنديل منسق كفاية.

ويدعو البيان التأسيسي للائتلاف الذي تم الإعلان عنه الشهر الماضي إلى عدد من المطالب أبرزها تشكيل حكومة ائتلاف وطني تتولى إدارة البلاد لفترة انتقالية مدتها عامين تقوم بإجراء إصلاحات سياسية منها صياغة دستور جديد عن طريق تشكيل جمعية تأسيسية منتخبة وإنهاء حالة الطوارئ وتصفية المعتقلين السياسيين وإلغاء المحاكم الاستثنائية وإطلاق حرية تأسيس الأحزاب وحرية الصحافة ، وإجراء استفتاء شعبي لإلغاء اتفاقية السلام مع إسرائيل ورفض المعونة الأمريكية، وإقرار أجور عادلة وصرف إعانة بطالة للعاطلين وإعادة توزيع الدخل القومي بما يحقق العدالة الاجتماعية.

وقال عبد الحليم قنديل الذي اختير منسقا عاما للائتلاف: إن "على القوى الراغبة في الانضمام للائتلاف أن يكون لديها الإيمان الكامل بأنه قائم على تغيير نظام الحكم في مصر، وليس الإصلاح"، معتبرا أن من يفكر في غير ذلك "أفضل له أن يذهب إلى مستشفى للأمراض العقلية".

وأردف قنديل في مؤتمر صحفي أمس قائلا: "يجب على المعارضة المصرية أن تعي جيدا أن النظام حاليا في وضع مذعور وينشر عساكره في الميادين بصفة مستمرة"، وقلل من أهمية هذا الحشد الأمني قائلا: "هذه العناصر الأمنية تستطيع التصدي للمئات وليس للآلاف" من المحتجين.

وعن نهج الائتلاف لتحقيق بغيته، أوضح أن "الائتلاف سوف يستخدم العصيان المدني السلمي لتغيير الحكم في مصر"، مضيفا أن "صفقة الأسلحة الفاسدة أطاحت بالحكم الملكي في عام 1948، أما في عام 2009 فالموقف المصري من الحرب (الإسرائيلية) على (قطاع) غزة سيكون السبب في الإطاحة بالنظام".

وشنت إسرائيل حربا على غزة يوم 27-12-2008 دامت 22 يوما متواصلة؛ موقعة أزيد من 1400 شهيد و5400 جريح، نصفهم تقريبا من الأطفال والنساء.. ووجهت للرئيس المصري حسني مبارك اتهامات داخلية وخارجية بالتواطؤ مع إسرائيل ضد نحو مليون ونصف المليون فلسطيني محاصرين في القطاع؛ لكون إسرائيل شنت الحرب بعد استقبال القاهرة وزيرة الخارجية الإسرائيلية آنذاك تسيبي ليفني، ورفض القاهرة فتح معبر رفح الحدودي مع غزة بشكل دائم.

وأرجع الرئيس مبارك عدم فتح المعبر بشكل دائم إلى رغبته في عدم تكريس الانقسام بين الفلسطينيين، في ظل سيطرة حركة المقاومة الإسلامية (حماس) على الجانب الفلسطيني منه، وليس قوات الأمن التابعة للرئاسة الفلسطينية كما تنص تفاهمات إدارة المعابر لعام 2005.

ويدعو البيان التأسيسي للائتلاف، الذي تم الإعلان عنه الشهر الماضي، إلى عدد من المطالب، أبرزها: تشكيل حكومة ائتلاف وطني تتولى إدارة البلاد فترة انتقالية مدتها عامان، على أن تقوم بإجراء إصلاحات سياسية.

من هذه الإصلاحات: صياغة دستور جديد عن طريق تشكيل جمعية تأسيسية منتخبة، وإنهاء حالة الطوارئ المطبقة منذ اغتيال الرئيس أنور السادات عام 1981، والإفراج عن المعتقلين السياسيين، وإلغاء المحاكم الاستثنائية، وإطلاق حرية تأسيس الأحزاب وحرية الصحافة.

وكذلك إجراء استفتاء شعبي لإلغاء اتفاقية السلام الموقعة بين مصر وإسرائيل في مارس 1979، ورفض المعونة الأمريكية، وإقرار أجور عادلة، وصرف إعانة بطالة للعاطلين، وإعادة توزيع الدخل القومي بما يحقق العدالة الاجتماعية.

ووقع عدد من شباب حركة 6 أبريل على البيان التأسيسي للائتلاف، في مقدمتهم المهندس أحمد ماهر المنسق العام للحركة.. ويأتي إطلاق الائتلاف قبل أقل من يومين على الإضراب المزمع غدا الاثنين الموافق 6 أبريل تحت شعار "حقنا وهناخده"، والذي يدعو إليه نشطاء مصريون على الإنترنت، ونجحوا في استقطاب قرابة 74 ألف شخص.

ويطالب الداعون للإضراب برفع الحد الأدنى للأجور في مصر إلى 1200 جنيه شهريا (220 دولارا تقريبا)، ومنع الاحتكار، وتغيير الدستور، إضافة إلى تحديد فترة رئاسة الجمهورية بمدتين على الأكثر.

[الشقيان اوي]

ها .. ها خللي السلاح صاحي .. والله زمان يامصري .. حاموت من الفرحة أنا عارف ان المصري ده فيه شموخ وقوة تهد جبال بس مشكلته انه صبور اوي .. فين الإئتلاف ده من زماااااااااااااااااااااااااااااااااااان اوي ياناس مصر بتنهار مصر بتنهار مصر بتنهار ورب السموات والارض إنها بتنهار معقول دي مصر اللي كنا بنشوف فيها الطيور في كل مكان ونشم ريحة الورد والفل في كل اوان معقول دي بلدي اللي كنت لما اسمع اسمها ابكي آه والله العظيم زمان في الإبتدائي الاساذ او الابله كنت تحب منهم مصر كانوا يزرعوا فيك الوطنية ويخببوها لك .. انا راجع مناليابان بعد سنة عل فيها والله العظيم يااخوانا بكيت لما الطيارة كانت فوق مصر ياناس مين فينا مالوش قصة حب طفولي ولا ايام حلوة مع شلة الحارة او السارع مين فينا مالوش ذكريات تمشية ساعة المغرب مع الشلة ولا الأهل جنب الراديو يسمعوا محطة ام كلثوم مين فينا ماوقفش على عربية فول يشتري بقرشين فول الصبح ورغيفين مفقعين عشان يفطر هو واخواته قبل مايروحوا المدرسة ؟ وتقول للراجل كتر الزيت الحار ولا كتر الطحينة ولا تروح تشتري العيش ده مفقع وطري ومحمص واشكال والوان واحجام ولا اواخر رمض2ان وكحك العيد والصاجات والافران والجارة دي تطلع لدي والثانية تنزل للي تحت وتلاقي العيد يعني عيد والله انا ابني بيسألني عيد يعني ايه ؟ كل الاوان وكل البهجة مش بس على وشوش العيال لا والكبار كمان فين كل ده يا مصر من سرق من على شفايفك البسمة الي كانت بتسعد قلوبنا من جوه في فرحة العيد الي كانت بتفرحنا فين ليالي رمضان والسهر والله البيت كله كان بيسهر في شقة واحدة صح ولا لاأ ؟؟؟ عايزين نبقي مصريين بالقلب مش بجواز السفر وإذا كنت ياإئتلاف حتقدر تحقق لنا ده أهلا بيك وإلا لو حتكون بعدين زي اللي قبلين يبقى يستمر الوضع على ماهو عليه واللي تعرفه أحسن من اللي ماتعرفوش والبلد مش ناقصة هتافات .. إذا كنتم جادين فنحن ( يعني كل مصري بيحب مصر بجد ) معاكم ووراكم بس لو حصل إعتقالات وأمن مركزي وضرب على القفا وتعذيب وإنتهاكات للرجولة أنا ياعم بحب الناس اللي موجودة اوي والبلد زي الفل وانتوا جماعة غلط بصراحة .. ساعتها حيبقى بصراحة عموما سيروا على بركة الله .. أقول لكم على سر ؟؟؟؟؟؟؟؟ تعرفوا إن مصر من العهد اللى فات وهي نظام الحكم فيها ملكي ؟؟؟؟؟

فكروا فيها كده وقولولي صح ولا لأ ؟؟

ياجماعة إئتلاف مصر إتحدوا .... كل شئ ف صالح البلد قبول وبتوفيق الله واللي بيحب مصر مايزعلش من الكلام ده أنا المدرس بيضرب إبني باقول أحن عشان مصلحته .. إبني عمل عملية كنت حاموت من الزعل بس ماكنش زعل عميق لأني عارف إنه بعد كده حيكون زي الفل .. الحق أحق أن يتبع .. عايز إبني يكبر يحب بحلده ياناس وعشان يحب بلده لازم بلده تحبه ويشوف ده ويحسه .. ومن هنا أصرخ وأصيح زي اديك الفصيح إلحقوا ياعالم بلدي بتتباع حته حته والله انا خايف أ\آجي مرة أنزل أجازة يقولوا خد تأشيرة !!!!!!!!!!!!!!!!!!!!!

[tarek hassan]

الأخوة الأعزاء

هناك أشياء إيجابية كثيرة في هذا الائتلاف

أولا : لأنه ائتلاف لم يتبن منهج سياسي معين من أول الأمر يمكن أن ينشأ خلاف ومن ثم لا يمكن تشويهه

ثانيا : وجود شخصيات محترمة مقبولة وأبرزها المنسق عبد الحليم قنديل بحسه الوطني والقومي وحمدين صباحي البرماني المعروف

ثالثا : أن المطالب التي يطالبون بها لا تختلف اثنان على عدالتها وضرورتها وأبرزها صياغة دستور جديد ( لأن الحالي لعبوا فيه كتير )

رابعا : أن الائتلاف سينتقل إلى مرحلة جديدة من الخطوات الإيجابية أو العملية التي تكون منها الفائدة إن شاء الله

خامسا : التغيرات السياسية والأخلاقية في أمريكا والمناخ العالمي

سادسا : مذكرة اعتقال البشير وذعر النظام يجعله يخشى قمع الائتلاف

لو توفرت إرادة التغيير فإنه لابد واقع

تم تعديل 5 أبريل 2009 بواسطة tarek hassan

[pink rose]

الحمدلله ان لسا في حد بيحب مصر

فرحت جدا لما قريت الخبر دا و حسيت ان لسا في امل ان الحال يتصلح

النظام الحاكم فعلا لازم يتخلع من جذوره لان اي دعوة للاصلاح هاتفشل طول ما رأس الهرم الفاسد موجود

التغيير المظبوط لازم يبدأ من فوق مش من تحت

يعني عاوزين يقضوا على الفساد لازم يقضوا على كبار المفسدين الفاسدين مش زي الكتاب اللي طلعوه عن الرشوة و بقوا يوزعوه على الموظفين الصغيرين في الدولة الاولى بيهم انهم ينضفوا البلد من المرتشين الفاسدين الكبار و دا بالطبع هايقضي على الفساد في كل طبقات المجتمع

قريت تعليق لاخ من الجزائر حول حال مصر و الله العظيم وجع قلبي

بيقول فيه

"الي مصر الكنانة.

الان انتم تتحملون المسؤلية التاريخية أمام ما يحدث لغزة.لا اتوقع مصر التي زرتها وانا ضابط.ايام عزها أن يهبط دورها القومي ويختزل ويقزم.الى هذا الحد.الآن انتم كشعب تتحملون المسؤولية امام الله.أمامكم إما الكرامة ورجوع مشروع مصر الامبراطورية.كما تقول المعطيات الطبيعية.والتاريخية.أو العيش في ذل هاذا الحكم الذي جعل حلم المصري الذي علم العالم الزراعة.جعل حلمه رغيف عيش يتلقفه من الارصفة .وعذرا على هذا التعبير

وشكرا

وليد ابو خالد الجزائري"

شوفتوا الكلمة و الله العظيم صعبة بجد فعلا في ناس حالها وصل لاقل من كده في مصر

لك الله يا مصر

تم تعديل 5 أبريل 2009 بواسطة remo

[se_ Elsyed]

بس لازم نبقى منطقيين ولا نُطلق لتفاؤلنا العنان

أتمنى ألا يتم إختراق هذا التنظيم

أتمنى ألا تنشأ هناك أحقاد أو خلافات بينهم

أتمنى أن يفيق الشعب المصري ولا يتم تثبيتهم بـ 10 % علاوة عشان يقولوا الحياة حلوه ومبارك زي العسل ... زي ما حصل السنة اللي فاتت .. والـ 10 % أكلونا التراب مقابلها

أتمنى الأ يكون هناك تطرف منهم ... يعني حكاية إتفاقياتنا مع إسرائيل والمعونة الامريكية .. مش وقته خالص ولازم ما نقفش أمام القطار إلا إذا كنا قادرين على ذلك ... يعني واحده واحده وهناك أولويات ولا داعي لعمل عداءات كإننا بنحاري طواحين الهوا

وبعد ما اقف على رجلي .. إن شالله أحرك جيوشي لإحتلال أمريكا حتى ...

[se_ Elsyed]

أهم شيء أحب أضيفه .. إن لو وقفنا جميعاً نتفرج عليهم وسيبناهم في وش المدفع .. يبقى هايفشلوا بالتأكيد

تخيلوا يا جماعة إئتلاف زي ده .. عدد أعضاءه الفاعلين مليون مواطن ؟

وأطلقوا لأنفسكم العنان وتخيلوا ممكن يحصل إيه ؟

أقسم بالله مبارك هاياخد اول مركب مخرومه ويارب تغرق به .. ويهج بره البلد ومعاه صناديق الفلوس اللي هابرها ... بس إحنا مسامحين بس يتوكل على الله ويقضي اليومين اللي فاضلين له بره مصر ...

أسف جداً كان نفسي أشارك في موضوع أخونا سكوربيون بتاع إنتخابات مجلس الشعب 2010 ... لكن الكلام هايبقى زي قلته .. لإن الوضع الموجود لا يبشر بخير .. والتجربة القاسية على الحزب الوطني بتاعت الأخوان لن تتكرر ثانيةً وأي أخواني هايفكر يرشح نفسه هايتسحل .... وباقي الأحواب إحنا عارفين ديتهم ..

تخيلوا يا مؤمنين 21 حزب لا ينجح منهم في الإنتخابات التشريعية عدد يتخطى أصابع اليد الواحدة ؟

و75 % منهم إن لم يكن أكثر لا يوجد لهم تمثيل برلماني .. يعني حتى ما عنوش شعبية في الشارع اللي ساكن فيه ؟

إذاً لا مناص ولا مهرب من التغيير السلمي ..

[pink rose]

أهم شيء أحب أضيفه .. إن لو وقفنا جميعاً نتفرج عليهم وسيبناهم في وش المدفع .. يبقى هايفشلوا بالتأكيد

تخيلوا يا جماعة إئتلاف زي ده .. عدد أعضاءه الفاعلين مليون مواطن ؟

وأطلقوا لأنفسكم العنان وتخيلوا ممكن يحصل إيه ؟

أقسم بالله مبارك هاياخد اول مركب مخرومه ويارب تغرق به .. ويهج بره البلد ومعاه صناديق الفلوس اللي هابرها ... بس إحنا مسامحين بس يتوكل على الله ويقضي اليومين اللي فاضلين له بره مصر ...

معاك حق يا س س

طيب احنا هنا في الغربة دورنا ايه عشان نقف معاهم

[se_ Elsyed]

المغترب يا ريمو مش هايفضل مغترب على طول ...

وكلنا بننزل اجازات ..

أنا بإذن الله لو إتأكدت من خطتهم وتفكيرهم من اجل مصر .. أول حاجه هاعملها في الأجازة إني أروح اسجل إسمي معاهم ... ولو في تسجيل عن طريق النت يبقى برضوا معاهم ... ولو في فاعليات بينظموها في الصيف هاكون في الطليعة ..

تخيلي إن أمن الدولة أعتقلوا الأسبوع الماضي فتاتين من منظمي إضراب 6 أبريل في كفر الشيخ ... والنيابة مددت لهم إمبارح 15 يوم حبس .... ولما نزل زمايلهم في تظاهرة أمام المحافظة ... نزلوا لموهم هما كمان .. وبيتعاملوا ولا كإنهم ممدوح إسماعيل اللي إتكرم من الدوية وسافر بره البلد من صالة كبار الزوار

أقسم بالله عيني دمعت إمبارح وأنا أرى شباب جامعات رافعين لافتت مكتوب عليها " ما بنخافش " ... ولحد ما الشرطة قبضت عليهم كانوا راسخين وواقفين زي الأوتاد ... وهما 20 شخص بنين وبنات .. وشباب لم يتعدوا سن 24 سنه .

وإحنا يا كبار يا قدوة همنا على بطننا والشغل والعربية والشقة الحلوه .. لأ ومش نكفي على خيبتنا ماجور .. ده أحنا بنرجع نشتكي من العيش والعيشة واللي عيشنها .. وعايزين الدنيا تتغير للأفضل .. بس

بس

بعيد عننا وعلى شرط نكون قاعدين في التكييف ... ولما يحصل ضرب .. يبقى نحمد ربنا إننا كنا بعيد ويا روح ما بعدك روح

أما لو نجح هؤلاء المُغيرون ... يبقى بالروح والدم نفديك يــا ( املأ ما بين الأقواس بأسم أي حد ييجي ) واللي يتجوز أمي .. اقول له على طول إنت عمي وعم اللي جابوني ..

[أحمد سيف]

أنا نفسي كل المصريين يتفقوا على مطلب واحد فقط لا ثاني له وهو الديموقراطية

عندما يتحقق هذا المطلب يمكننا للشعب وقتها تحقيق كل مطالبه الأخرى عن طريق حكومة منتخبة ومسؤولة أمام ناخبيها

[tarek hassan]

أهم شيء أحب أضيفه .. إن لو وقفنا جميعاً نتفرج عليهم وسيبناهم في وش المدفع .. يبقى هايفشلوا بالتأكيد

تخيلوا يا جماعة إئتلاف زي ده .. عدد أعضاءه الفاعلين مليون مواطن خيلوا يا مؤمنين 21 حزب لا ينجح منهم في الإنتخابات التشريعية عدد يتخطى أصابع اليد الواحدة ؟

و75 % منهم إن لم يكن أكثر لا يوجد لهم تمثيل برلماني .. يعني حتى ما عندوش شعبية في الشارع اللي ساكن فيه ؟

إذاً لا مناص ولا مهرب من التغيير السلمي ..

المفروض أن هذه الأحزاب تنشد التغيير

إذن المفروض أن يتلاقى هدفها مع الائتلاف من أجل التغيير

فلماذا لا تنطوي تحته فتقوبه أو تتقوى به

إلا إذا كانت تريد أن تبقى ديكورا للنظام عله يمن عليها بمقعد أو مقر

وجماعة الإخوان ليست حزبا ولا تستطيع أن تكون حزبا

فلم لا تكون ضمن الائتلاف

وهؤلاء جميعا لا يستطيعون فعل شيء بمفردهم فلماذا لا يكونون ضمن الائتلاف

المصلحة الوطنية تقتضي من الجميع التجرد من المصالح الشخصية

وتغليب المصلحة العامة للوطن

والله الموفق

تم تعديل 5 أبريل 2009 بواسطة tarek hassan

[اسماعيل امين]

أنا نفسي كل المصريين يتفقوا على مطلب واحد فقط لا ثاني له وهو الديموقراطية

عندما يتحقق هذا المطلب يمكننا للشعب وقتها تحقيق كل مطالبه الأخرى عن طريق حكومة منتخبة ومسؤولة أمام ناخبيها

----------------------------------------------

الاخ المحترم احمد السيد انا احترم واتابع باهتمام ماتكتب.

شئ رائع ان تحدد ماهي اهم مطالب المصريين بخصوص الاصلاح ؟؟؟وكيف سيتم تحقيق ذلك ؟؟؟ بالتفصيل وبمنتهي الوضوح .

ولا يمكن اختزال هذه المطالب في كلمات براقه جميله مثل ...العدل ...المساوه ....الحريه ...الديمقراطيه ....تذكر ياأخي العزيز هذه مطالب

تصلح لمجتمعات متقدمه دفعت الكثير للوصول لهذه الاهداف .من خلال طرق حضرتك تعرفها جيدا لا داعي لذكرها .

بمعني اخر .بفرض جدلا ان الحكومه الحاليه تركت الحكم عن طيب خاطر .ماذا تتوقع شكل التغيير القادم ؟؟؟؟؟؟؟؟؟؟؟؟؟؟؟؟

ماهي الادوات والوسائل التي تحتاجها ؟؟؟لتنظيم هذا الشعب العظيم .حضرتك لا تستطيع تنظيم طابور امام كشك لتوزيع الخبز .او تنظيم الناس عند صعود وسائل المواصلات العامه .حضرتك تتذكر دوره كره القدم الافريقيه عندما فازت مصر بها .نزل الشباب بالالاف للاحتفال بهذه المناسبه .بشكل هستيري فوضوي غير منظم .نزلت معهم كنت ابحث عن القيادات بينهم لم اجد سوي اعداد قليله لا تذكر .توقعت ان يكون ذلك شكل التغيير القادم (فوضي وعشوائيه ).وتوقعت ان ستكون الفرصه سانحه امام اتجاه لا داعي لتحديده ليقفز لا قدر الله للحكم .قد يكون اتجاه نواياه واهدافه المعلنه طيبه ولكن لا يملك مخرج جيد للمحروسه .وقد يجرها الي الخلف .

يجب البحث عن مخرج غير فوضوي او دموي او انقلابي او عقائدي .يبدأ بتشكيل مجلس حكماء من عصاره عقل وقلب مصر .نصلي جميعنا خلفهم .وبقدر النجاح في تكوين مجلس الحكماء يكون النجاح في الخروج من حاله الانهيار .

قبل المطالبه بالتغيير .اتمني ان يجتمع المصريين في المحاورات .علي موضوع :-

كيف سيتم التغيير القادم (متي وكيف )؟.

ما هو النموذج الذي نرغب في تحقيقه ؟.

ماهي الادوات والوسائل الازمه لتحقيق هذا النموذج ؟.

ماهي نسبه شرائح المجتمع المصري التي سوف تؤيد وتضحي لتحقيق ذلك ؟.

ما موقف الظروف العالميه من هذا التغيير ؟.

ماهي نسبه النجاح والفشل المتوقعه ؟ما الخساره المتوقعه في حاله الفشل ؟.

اعتقد ان هذه الاسئله اهم من مسابقه (تافهه)جائزتها 50000 لاحسن بحث في موضوع القضاء علي ...البطاله والعنوسه

او موضوع حلم العلم ...او لائتلاف"مصريون من اجل التغيير...او مثلث وعلبه اسعاف ...او المشروع النووي المصري ..(نماذج من محاربه طواحين الهواء ).

[مسافر]

ماهي الادوات والوسائل التي تحتاجها ؟؟؟لتنظيم هذا الشعب العظيم .حضرتك لا تستطيع تنظيم طابور امام كشك لتوزيع الخبز .او تنظيم الناس عند صعود وسائل المواصلات العامه توقعت ان يكون ذلك شكل التغيير القادم (فوضي وعشوائيه ).وتوقعت ان ستكون الفرصه سانحه امام اتجاه لا داعي لتحديده ليقفز لا قدر الله للحكم .قد يكون اتجاه نواياه واهدافه المعلنه طيبه ولكن لا يملك مخرج جيد للمحروسه .وقد يجرها الي الخلف .

أخشى أن تكون هذه بداية السيناريو للفوضى المرتقبة

قبل المطالبه بالتغيير .اتمني ان يجتمع المصريين في المحاورات .علي موضوع :-

كيف سيتم التغيير القادم (متي وكيف )؟. الله أعلم

ما هو النموذج الذي نرغب في تحقيقه ؟.أن تكون مصر قطز أو صلاح الدين

ماهي الادوات والوسائل الازمه لتحقيق هذا النموذج ؟.انت ذكرت احدى الطرق

ماهي نسبه شرائح المجتمع المصري التي سوف تؤيد وتضحي لتحقيق ذلك ؟. الله أعلم

ما موقف الظروف العالميه من هذا التغيير ؟. ستحاول منعه كما منعت محمد علي

ماهي نسبه النجاح والفشل المتوقعه ؟ما الخساره المتوقعه في حاله الفشل ؟

[الترجمـان]

أهم شيء أحب أضيفه .. إن لو وقفنا جميعاً نتفرج عليهم وسيبناهم في وش المدفع .. يبقى هايفشلوا بالتأكيد

تخيلوا يا جماعة إئتلاف زي ده .. عدد أعضاءه الفاعلين مليون مواطن ؟

وأطلقوا لأنفسكم العنان وتخيلوا ممكن يحصل إيه ؟

أقسم بالله مبارك هاياخد اول مركب مخرومه ويارب تغرق به .. ويهج بره البلد ومعاه صناديق الفلوس اللي هابرها ... بس إحنا مسامحين بس يتوكل على الله ويقضي اليومين اللي فاضلين له بره مصر ...

أسف جداً كان نفسي أشارك في موضوع أخونا سكوربيون بتاع إنتخابات مجلس الشعب 2010 ... لكن الكلام هايبقى زي قلته .. لإن الوضع الموجود لا يبشر بخير .. والتجربة القاسية على الحزب الوطني بتاعت الأخوان لن تتكرر ثانيةً وأي أخواني هايفكر يرشح نفسه هايتسحل .... وباقي الأحواب إحنا عارفين ديتهم ..

تخيلوا يا مؤمنين 21 حزب لا ينجح منهم في الإنتخابات التشريعية عدد يتخطى أصابع اليد الواحدة ؟

و75 % منهم إن لم يكن أكثر لا يوجد لهم تمثيل برلماني .. يعني حتى ما عندوش شعبية في الشارع اللي ساكن فيه ؟

إذاً لا مناص ولا مهرب من التغيير السلمي ..

التغير هو سنة الله في الأرض ..

واعتقد ان التغير السلمي هو النداء الأخير الموجه لسيادة الرئيس من خيرة المثقفين في مصر على مختلف إنتماءاتهم ...

فهو نداء يخلي الذمة من الفوضى التي ستجتاح البلاد عقب عملية انتقال السلطة بالتزكية والتي ستتم عبر انتخابات صورية تم توفيق كل القوانين وتمهيد الأوضاع السياسية والدولية لها ...

اتمنى ان يتوجه هذا الإئتلاف إلى كل القوى المهنية والفئات العاملة في الدولة والأحزاب السياسية والحركات والتنظيمات الشبابية في الجامعات المصرية لإعادة توجيه وترشيد الجهد والإنفعال والغضب إلى المكان الصحيح ... الا وهو صندوق الإنتخابات..

[tarek hassan]

أنا نفسي كل المصريين يتفقوا على مطلب واحد فقط لا ثاني له وهو الديموقراطية

عندما يتحقق هذا المطلب يمكننا للشعب وقتها تحقيق كل مطالبه الأخرى عن طريق حكومة منتخبة ومسؤولة أمام ناخبيها

:blush2:

الأخ العزيز : شاب مصري

متفرحش أوي بالديمقراطية التي يرفضها أتباعها - إلا من رحم ربي - ويكفرون بها إذا أتت بمن لا يروق التعامل معهم كالإسلاميين مثلا قائلين لا نتعامل - لا نسمح - لا نعترف ....وغير ذلك

وإذا كانت أتت بأوباما فإنها أيضا أتت ببوش السفاح

وحدث ولا حرج عن إنتاج ديقراطيات إسرائيل

وكمان كل واحد بيفسرها بمزاجة يعني مثلا تفسيرها في مصر قول اللي أنت عايزه واحنا هنعمل اللي احنا عايزينه

أنا متفق الوقتي ومن قبل ومن بعد وسوف أظل أوافق على ما قاله الفاضل : إسماعيل أمين

بتشكيل مجلس حكماء من عصاره عقل وقلب مصر .نصلي جميعنا خلفهم .وبقدر النجاح في تكوين مجلس الحكماء يكون النجاح في الخروج من حاله الانهيار .

طيب ما نسيب الائتلاف ( المكون من خيرة المصريين من مختلف الاتجاهات ) ولا نشترط عليه شروط مسبقة تدخله في خلاف ربما لا يحركه خطوة للأمام

نتركه يتفق على إنشاء دستور جديد

نتركه يتفق على نظام حكم بعد فترة انتقالية

واللي يختاره حتما سنسلم بيه لأنه أكيد سيسير بنا نحو الأفضل

تحياتي وشكرا

تم تعديل 7 أبريل 2009 بواسطة tarek hassan

[desert_eagle70]

اتمنى فعلاً أن الجروب ده يستمر لأن أسمه شامل ويضم جميع التيارات المصرية .. والأهم أنهم جميعاً متفقين على شىء واحد ألا وهو التغيير .. بس أتمنى أن الأفكار الشخصية لا تطغى على الفكرة الأساسية نظراً لتنوع الشخصيات وأفكارهم .. بمعنى لا يصطدم التيار الإسلامى مع التيار الناصرى مع التيارات الأخرى .. ويظل الهدف الأساسى هو التغيير من اجل الحرية والديموقراطية وإحترام أدمية المواطن.

كما اتمنى عملية لم الشمل المصرى بالداخل والخارج والسمو فوق المصالح الشخصية .. ومتابعة أخبار هذا الإئتلاف والتفاعل معه داخل وخارج مصر .

الله يوفق ،،،

[الشقيان اوي]

اهلا بالحبايب انا جيت تاني ولو اني مش عارف انا مرحب بي ولا لأ ؟ عموما انا كنت في رحلة البحث عن عمل برضه وسافرت من الدمام للرياض ولكن لما تكون خيبة الامل راكبة جمل الاحسن ماتحاولش وعلى فكرة الكوباية مليانة ولا فاضية دي كلام فاضي زي نص الكوباية كدة ولا كلام فاضي معناها اني متشائم وباصص على النص الفاضي ؟؟؟؟؟ نرجع لحكاية مصر اللي مبهدلانا ولي سؤال بسيط جدا ورجاء برضة بسيط .. الرجاء : اتفرجوا على محمد المسلماني كل يوم الساعة 8 ونص بالليل وشوفا واسمعوا النصايب والبلاوي اللي بيقولها كل يوم كل يوم .. والسؤال بقى : البلد دي فيها ريس ؟ مش كده ؟ بيعمل إيه ؟ انا فاهم ان الريس ده زي المدير مسئول عن فريق العمل اللي تحت ايده مش كده برضة ؟ ولما يسيب الفريق ده يعيث في البلد ( ام الدنيا ) فسادا وتخريبا وبيعا قطعة قطعة وتقديمها قربانا لكل من هب ودب يكون ايه الحل ؟ تعرفوا ياولاد انا خايف يوم نيجي ننزل مصر يقولولنا خدوا تأشيرة !!!!!!!! وارجو الإوان اللي شايفين الكوباية مليانة لايردوا عليا ولا يعلقوا الناس اللي لابسة نظارة لونها بمية او خضرا لأن هم دول اللي وصلوا البلد لكده

زي اللي شاف ابنه بيشرب سيجارة قال لا تكون متشائم فيه امل وكلمة الامل سمعناها من اخوانا بتوع المصريين اهمه ملايين المرات لحد ماوصلنا للحال ده .. بلاش كده .. فيه برنامج اسمه واحد من الناس شوفوه بالله عليكم ..

الجرح مايخف اللا بصبغة اليود

والله بنحبك يا بلد والله كلنا مهما قلنا بنموت في ترابك وريحة شوارعك وساعة العصاري فيكي تجنن حاموت واشرب شوب عصير قصب ياناس حاموت واكل ساندوتش فول وطعمية وامشي في شوارع وحواري منطقتي ربنا يخليكي يا بلدى ربنا يخليكي يابلدي ياللي فيكي باحس اني متغطي .. والله العظيم ياحبايبي انا سافرت اليابان طوكيو في الثمانينات والله كانوا يسألوني إنت من أي بلد أقول بصوت يشبه الآدان انا من مصر والله والله والله كانوا يتدهشوا ويفرحوا جدا بي .. والى حلقة قادمة ان شاء الله

[الشقيان اوي]

الأخت doha المحترمة

طبعا أنا مش عارف إزاي أشكرك إنك عبرتيني مش بس رديتي على بل والأهم إنك أرسلتي لي موقع شركة للعمل

عموما الشكر لك ليس كافي والتقدير والإحترام لشخصك لن يفي بالغرض ولكن دعوة من واحد ربنا بيحبه ( لأنه إبتلاه ) بأن ربنا يفرج همك ومش عارف إنتي متجوزة ولا لسة .. عموما لو متجوزة ربنا يهدي لك جوزك ويشوفك ست الستات دايما ولو لسة ربنا يرزقك براجل يشوف فيكي ست الستات دايما برضه في العتد لكل الرجالة ..

وعلى فكرة بالنسبة لموضوع رينا إبتلاه عشان بيحبه ده .. مش عارف رأيكم جميعا فيه إيه ؟؟؟؟؟؟؟ هل هذا من منطق ومن الحب ما قتل ؟؟؟؟؟؟