متى سنعود ... ؟؟؟؟؟؟ - سبب غربتنا .. وحوافز عودتنا ...

[Tafshan]

الموضوع ده لسه عايش  :) ده من اوائل الموضوعات اللى كتبت فيها ..

<{POST_SNAPBACK}>

ولسه هايعيش إن شاء الله يا طفشان لحد ما تبطل طفشان وترجع بقى لأهلك وناسك ولمصر ..

مصار مبارك

مصر الجمال

مصر العلاء

<{POST_SNAPBACK}>

ده كده ح يطول قوى :P

طب انت اتأقلمت في ابو غريب و عجباك عن مصر ... طب انا اعمل ايه في دبي و ما ادراك ما دبي ... بلاش استفيض لحسن اخذ مخالفة :wub:

انت مش ناوى تجيلنا بقى ..و لا لازم استنى جيتكس اللى جاى :wub:

[albablawy]

من سجن ابو غريب بس من العنبر رقم 2 نحييكم من بلاد الغربة نحن سعداء :rolleyes: جدا هنا بس نصيحة يا ريت الواحد يكون علاقة حلوة مع ربنا ميبقاش خسر الدنيا والاخر االحمد لله سوف نعود بس نكمل ثمن الصندوق :rolleyes:

عضو جديد طازة وعجبو الموضوع

[se_ Elsyed]

من سجن ابو غريب بس من العنبر رقم 2 نحييكم من بلاد الغربة نحن سعداء :rolleyes: جدا هنا بس نصيحة يا ريت الواحد يكون علاقة حلوة مع ربنا ميبقاش خسر الدنيا والاخر االحمد لله  سوف نعود بس نكمل ثمن الصندوق :rolleyes:

عضو جديد طازة وعجبو الموضوع

<{POST_SNAPBACK}>

مرحباً بالنمرة الجديدة

أروانة يمك يابني هنا

عجبتني قوي الجُملة دي

سوف نعود بس نكمل ثمن الصندوق

[المدهش]

رغم إن فيه كثير من المبالغة في كلامك ..لكن يبدو أن الحياة في مصر لم تعد تطاق بالفعل ، خصوصا ً بالنسبة لشخص مثلك كانت مصر بالنسبة له شهر فسحة كل سنة وبينزلها على وحشة زي ما بيحصل معانا الآن..لكني ضد التعميم وأرى أن الغربة تجربة خاصة جداً وتختلف من شخص لآخر ..كل حسب ظروفه..علشان كده لازم الواحد يحسبها كويس ويعرف هوه سافر ليه وعاوز ينزل ليه..ويحاول بقدر الإمكان يبعد نفسه عن نداهة الفلوس والتطلعات وسقف الطموح الذي يعلو مع الوقت ..يعني في الأول عايز شقة وعربيه وبعدين شقة في اسكندرية أو شاليه في أى حتة وقرشين في البنك وهكذا يجد نفسه في دوامة لا تنتهي ، ويبدأ يتلقى أخبار مصر بطريقة انتقائية ويركز على السلبيات حتى يبرر خوفه من العودة حتى يضيع عمره في التردد ..لذلك فأنا عن نفسي اتخذت قرار أن يكون هذا العام الخامس بالنسبة لي في السعودية هو الأخير وبارك الله فيما رزق ونرجع بقى.

[tarek_almeghallawy]

الأخ المدهش أرجو أن يكون كلا مك صحيحاً

لي تجربة سابقة بعد سنتين أكلتني الغربة وعدت إلي الوطن الجميل

ليس موضوع الرزق والطمع هو لب القضية

عدت يا أخي للسفر بعد شهرين

لا انتقائية ولا يحزنون كل شئ هناك يركلك للخارج

تحتاج شجاعة التشبس بالارض عض عليها بالنواجذ

وكثيييييير من التناحة مهما يعملوا فيك

ردد عشر مرات في الصباح والمساء

قبل الأكل وبعد الأكل

مش ها أسافر تاني

مش

ها أسافر تاني

لو استطعت التشبس ببطولة

أبقى مدلنا الحبل وشدنا معاك

أتمنى لك التوفيق

[محمد عبدالعزيز]

بصراحة يا جماعة كلكم خلصتم كل الكلام فى الموضوع ده, مش لاقى كلام جديد أقوله.

سواءً المغتربين أو المقيمين فى مصر , سواءً اللى عاوزين يرجعوا مصر أو اللى مش عاوزين يرجعوا, سواءً اللى عاوزين يسافروا بره مصر أو اللى متمسكين بالحياة فى مصر وعندهم أمل يصلحوا حاجة, بجد كلكم قلتم الكلام كله.

بس أنا برضه عاوز أقول حاجة, أنا عن نفسى جربت السفر ولمدة سنتين بعدها أخذت قرار نهائى بالرجوع واﻹصرار على الحياة فى مصر والتمسك دائماً باﻷمل فى اﻹصلاح وبذل كل الجهد فى سبيل ذلك, بقالى 5 شهور تقريباً ولم أجد فرصة عمل إلى اﻵن مناسبة (فى فرص قدامى بس مش اللى تحقق طموحى) وأعانى مما يعانيه المصريون ولم أدخر مبلغ كبير فى خلال السنتين دول, الحمدلله قدرت أعمل شقة وقدرت أتجوز(بقالى سنة تقريباً) وأعانى كما ذكرت سابقاً مما يعانى منه المصريون من فساد وغيره, ولكن أنا دائماً متفائل وأكره الاستسلام للظروف ودائماً عندى أمل إن بكره هيبقى أحسن وعلى اﻷقل لو ماقدرتش أعيش فى مصر بالطريقة اللى ترضينى يبقى أساهم ولو بقدر بسيط جداً فى صنع مستقبل أفضل لابنى أو بنتى اللى جاى بعد شهر.

من ساعة مارجعت وأنا أحاول اﻹصلاح قدر استطاعتى فيما أفهم, أنا مهندس وأشارك فى معركة رفع الحراسة عن نقابة المهندسين, أى نعم مشاركة تكاد لا تذكر ولكننى أطمح للمزيد, شاركت فى انتخابات الرئاسة, شاركت فى الانتخابات البرلمانية اﻷخيرة وشجعت الكثير على المشاركة , احاول رفع مستوى الناس فى منطقتى فهى منطقة عشوائية وبها الكثير من المنغصات والجهل والفقر والسلبية والفوضى, أحاول قدر استطاعتى وأطمح للمزيد(مع العلم أننى كنت أعيش فى مستوى جيد جداً فى الرياض خلال السنتين).

بصراحة لا أعتبر نفسى اغتربت مثل اﻷخوة الذين قضوا سنوات طويلة فى الغربة وأعذرهم حينما يشعرون بصعوبة اتخاذ قرار العودة وأعترف أننى استفدت من الكثيرين منهم فى الرياض الذين قالوا لى "كل ماتقعد هنا أكتر يبقى أصعب ترجع تستقر فى مصر" وبناءً على ذلك قررت ألا أقع فى نفس الفخ.

لا أريد الحديث عن نفسى أكثر من هذا, ولنأتى للخلاصة فى هذا كله:

رأيى أن يفكر كل واحد منا جيداً فى قدراته وإمكانياته المادية والبشرية والعلمية وكل مايملك من قدرات, ثم يحدد بعد ذلك هل يمكنه العودة للمشاركة فى اﻹصلاح أم لا, فالعودة والمشاركة فى اﻹصلاح مطلوبة من الجميع ولكن كل على حسب استطاعته فلا يكلف الله نفساً إلا وسعها, مع العلم أن السابقين لهم أجر أفضل بإذن الله, ثم يتجمع كل المتفقين على رأى واحد سواءً بالعودة أو بالاستمرار فترة أو الاستمرار للابد فى الخارج ويقومون بالتخطيط لمستقبل جماعى يحقق لهم طموحهم ويتفق مع رأيهم الذى تبنوه, يعنى على سبيل المثال:

اﻷخوة اللى مقتنعين بجدوى اﻹصلاح ومقتنعين إن لازم يكون فى تضحيات فى سبيل ذلك, يتجمعوا بأى طريقة تناسبهم واللى منهم مسافرين برهوعاوزين يرجعوا يرجعوا بس يكونوا عارفين إن فى معوقات هتقابلهم ومعاناة ويبقوا يقدروا يتحملوا ده ويبدأوا يعملوا مشاريع مع بعض, مش بس مشاريع تجارية,لا مشاريع اجتماعية كمان وثقافة وتوعية وكل مايستطيعون فعله ويكون عندهم إصرار وعزيمة قوية على النجاح ويتوكلوا على الله ويعملوا ويأخذوا باﻷسباب والنتيجة بتاعة ربنا.

اﻷخوة بقى اللى مقتنعين إن مفيش فايدة وإن مصر عمرها ماهتتصلح يتجمعوا برضه فى تجمعات تناسبهم ويخططوا إزاى يتأقلموا ويقدروا يستمروا فى الحياة بره بالطريقة اللى ترضيهم ويحاولوا يحلوا مشاكلهم سواءً مشاكل اﻷولاد وتربيتهم أو مشاكل العمل أو مشاكلهم الاجتماعية, كله كله ويشجعوا بعض ويدعموا بعض بكل إمكانياتهم.

يعنى أنا عاوز أقول كفايانا كلام وننتقل بقى لمرحلة العمل, والعمل الجماعى أفضل من العمل الفردى خصوصاً إن الموضوع كبير وصعب كل فرد لوحده يعمل كل حاجة, مش برضه إيد لوحدها ماتسقفش؟

أنا مستعد فعلاً أحط إيدى فى إيد أى واحد نفسه مصر تبقى أحسن بلد والمصريين يبقوا أفضل شعب.

تحياتى لكم كلكم وربنا يعينا جميعاً على مانحن فيه.

[نفسي احبها]

الله عليكي يابنت ياشعنونة ...

هو ده الكلام السليم 100% .....

وده الحقيقة المرة العلقم ...

[نفسي احبها]

الأخت اتس مى

أنا من الذين يموتون فى اليوم مأئة مرة

وحينما أشتركت فى تلك المحادثة لم يطلب منى أحد الأشتراك برأيى و لم أكن أنا مجبرا على الأدلاء برأيى هنا

أننى مؤمن بكل كلمة قلتها سابقا

وأنا لن يضيرنى شىء أذا عاد الأخوة الغتربين من الخارج أم ظلوا هناك

أن أسوأ شىء فى الحياة أن تفقد حقوقك وأذا حاولت أن تطلبها سيقطع لسانك

هذا هو الحال فى مصر

لقد تم أغتيال كرامة كل مصرى والناس بلا حراك

لقد فقد المواطن المصرى أبسط حقوقه فى أنتخاب من يحكموه ولهذا فهم لا يعنوا شىء بالنسبة لعلاة القوم الآن

والشعب لا يستطيع أن يأخذ حقوقه من حكامه ولذلك بدأوا ينهشون بعضا

للأسف أصبحت نسبه كبيرة من الشعب المصرى ينطبق عليهم كل ما قلت

وفى الختام أقول أن نوعية الناس التى يمكن أن تعيش فى تلك الظروف

أما فقير معدم بالكاد يدبر قوت يومه هو وأسرته

أو حاكم وجد فى مصر كنز قارون فقرر أن يعيش فيها للأبد

أو شخص مصرى صميم قرر أن يخوض معركته ببساله ضد الطغيان

أو أخر وجد فى النفاق ثروة و عبادة

أو أخر يملك المال ولا يفكر فى شىء أخر ألا راحته الشخصية

أو من يملك المال وسافر وأستقر فى الخارج ولكنه قرر العودة ألى وطنه الحبيب

أو أخر يرتب لأن يهاجر

أنا هنا ليس لكى أصنف الناس ولكن لأقول أنا الشعب المصرى فقد كل شىء  حتى الكرامة :(  :blush:

أصبح النفاق والكذب عادة ملاذمة لمعظم المصريين ???

أخيرا أريد أن أقول أن الحياة فى الغربة بكرامة أفضل مائة مرة من العيش فى وطنك دون كرامة :dozingoff:  :dozingoff:  :dozingoff:  :dozingoff:  :dozingoff:

تحياتى

الاخ اسبيدر

الله عليك وعلى فهمك للصورة كلها .

فالتحيا الغربة ....................... ونار الغربة التي لا ارى فيها اي نار بالعكس ،،،،،،،،،،،،،، راحة وطمأنينة وسكينة واخر عسل وجمال وحنان وود ورحمة

و و و و و و وو والف الف صفة حلوة

وتسقط العودة إلى المستقنع وحديقة الحيوانات .

[se_ Elsyed]

للرفع

يمنع منعاً باتاً مشاركة اللي قاعدين في مصر وعمالين ياكلوا مانجا وعنب بناتي وسايبيينا في الصحرا نجوب القفار وننتظر هطول الأمطار ونضرم في أنفسنا النار وعنينا بيطق منها شرار

[أبو زياد]

ايه يا سى السيد الموضوع قديم مش طازة

بس لسة سخن

إنت أيه رأيك فى كلام اخينا محمد عبد العزيز

انا مثلك مش حاقول مريت بتجربتك لكنى مهندس اشتغلت فى الرياض 3 سنوات و جيت مصر جبت شقة و اتجوزت و صارعت أقول كان أغلب الصراع مادى لأوفر حياة كريمة لأبنائى

وللأسف الشديد كان آخر نفس لية بعد 4 سنوات عدت للسعودية و عشت مع أسرتى أيام لا أريد أن أتذكر أيام الشقاء ولكنننننننننن

لن أيئسك بل بالعكس أريدك ان تستفيد منى و تنجح فى ما فشلت أنا فيها

لقد أضاءت رسالتك نورا كان مطفئا فى نفسى لماذا فشلت أنا

لا تجرى وراء النصابين إعرفهم و شم ريحتهم واحذر من العمل الجماعى أقول إحذر و لا تتجنبه

أختر الصحبة الصالحة إن كان و لابد و باختصار ابتعد عن فرص التوظيف البراقة التى تجذبك للحضيض

أحسن فرصة توظيف ان توظف نفسك فى مشروع خاص و توفر منه رزق شريف لإخوتك

وإن كانت الهندسة غير مجدية المهندسين كتروا قوى لا تخجل أبدا من اى عمل

أنا معك قلبا و قالبا و إن كنت من فريق المهاجرين ولكنى فى انتظار تواصلك و رسائلك الخاصة و شكرا لك على اللمبة اللى ولعتها

[nemr111]

الموضوع طرح من قبل بواسطة المدهش و مني شخصيا بتناول مختلف و المهم الغربة ليست في البعد عن الوطن ، و لكن الغربة في الوطن نفسه ، لقد تركنا بلدنا بمحض ارادتنا للبحث عن لقمة العيش فى اوائل التسعينيات و لكننا لن نعود الا بعد زوال الاحتلال المبارك و عودة الكرامة لأصحاب الكرامات الذين عانوا الامرين على مدي ربع قرن من الانبطاح و التضحية بدماء المصريين.. كيف نعود و اصبحنا غير آمنين على اولادنا من البلطجية و قطاع الطرق الذين تربوا على ايادى اصحاب الذمم الخربة ، ممن تولوا حكم مصر، لقد اصبح الآن مصطلح اللى تجيبه و اللى يطلع منك هوا اللى ماشى في البلد ، بعدما اصبحت الاعراف و القوانين السائدة قائمة على النهب.

هل تصدقون ان ابنائي لم يسمعوا في حياتهم شتيمة يا أبن الكلب الا من الافلام ، و لكن عندما نزلنا فى اجازة سمعنا السب بالام و الاب علنى من اطفال لم يتجاوز عمر اكبرهم الخمس سنوات ناهيك عما تراه من مناظر مؤذية دخيلة على المجتمع المصري ، فوالله العظيم عندما كان هناك اخلاق .. كان الشباب الصغير عندما يسير فى وسط البلد كان يترك الرصيف و يمشى فى الشارع احتراما و توقيرا لعائلة تمر بجانبه .. أما الان فلا يضيره أن يتحرش بالعائلة و اذا حاول الاب أو الاخ حماية اسرته ، يشوف اللى عمره ما شافه .

الهجرة وراء المال اصبحت من الماضى اما الهجرة لتربية الاولاد فى مناخ صحى و بيئة نظيفة اصبحت الشغل الشاغل لمن يبحث عن العودة مصر الحقيقية .

سلامى للمدهش و ربنا يديمك و يقويك يا عمنا .. خليك شديد

[الاسكندرنى]

الفقر فى الوطن غربة و الغنى فى الغربة وطن

لا تسالنى متى واين وما السبب

اخاف من نفسى داخل بلدى و اخاف على نفسى خارجها

ايهما اكبر و اشد خطرا ...... لا اعلم

وارجع و اقول

الفقر فى الوطن غربة .........و الغنى فى الغربة وطن

و للرفع :P

تم تعديل 12 سبتمبر 2006 بواسطة الاسكندرنى

[green bird]

السلام عليكم

ده ملف فيديو يبين لكم مدى احترام آدمية و كرامة الأنسان فى مصر

الملف

انا فعلا عايز ارجع بلدى

بس خايف وبفكر ارجع على بلد تانيه

بفكر اهاجر ومعايا اصحاب بيفكروا نفس التفكير

وحاليا بندرس الموضوع خصوصا علشان مستقبل اولادنا

لأنى شايف ان البلد خلاص بقت مش لنا بقت لأصحابها اللى انتوا عارفينهم

وحسبنا الله ونعم الوكيل

تم تعديل 13 سبتمبر 2006 بواسطة green bird

[se_ Elsyed]

الأخ الكريم جرين بيرد

من غير ما أشوف الملف المرفق اللي ما فتحش أساساً

عايز أقولك لا تتخذ مما يحدث مؤقتاً في مصر ذريعة للإغتراب ولإقتلاع جذورك

يا أخي الكريم كوكب الأرض ليس المدينة الفاضلة ... وإذا تحدثت عن معاملة السُلطة السيئة للمواطنين .. فده موجود في كل العالم حتى في دولة الحلم الأمريكي ... وما جونتانامو ببعيد حتى لو كانوا غرهابيين فهم مازالوا يحملون صفة الأدمية ... وما نيو أورليانز اللي إنمحت من على الخريطة ببعيده وكل ده عشان سكانها أغلبهم سود درجة ثانية ...

ولكن دورنا إن إحنا نتكلم ونفضح الفساد ونصلح بلادنا ... ومش كل واحد يلاقي شوية تراب في الشارع يقولك ما فيش فايدة ومش راجع ..

دي حريه شخصية .. اللي عايز يرجع أهلاً وسهلاً .. واللي عايز يهيم على وجهة في بلاد الله لخلق الله هو حر .. لكن ما يختلقش أعذار وييأس الناس في حياتهم

كان في مسلسل قديم لعادل إمام إسمه " أحلام الفتى الطاير " أو زي ما كنا بنسمية إبراهيم الطاير .. وفي مره دخل عادل أمام مستشفى المجانين قابل واحد مجنون وشكله كان شغال كُمسري ( أحمد بدير ) فأول سؤال سأله لعادل أمام " هي لسه برضوا سنجة التروماي بتقع والكُمسري بينزل يركبها " فقال له : آه ما فيش حاجه أتغيرت وده عادي .. فقاله المجنون : يبقى مش خارج من هنا أبداً طول ما السنجه بتقع والكٌمسري بينزل يركبها ..

[أبو زياد]

أخى جرين بيرد

ما هذا الملف الغريب .3GB

لا اعرف أى برنامج يفتحه أرجو ان تحول الصيغة او تشرح لنا ما فيه

اخى الحبيب ما يحدث فى مصر هو اضطهاد- جبروت - ظلم

و لكن فى الغربة هى غربة أنك غريب

فعلا ربما كانت هناك احاسيس أخرى أقسى كثيرا

مثل الإحساس بالظلم

اخى الحبيب اننى بدات الاحظ ان موضوعات منتدى المغتربين اصبح يشاركها جميع المصريين

وهو بالطبع من حقهم ولكن هل يعنى ذلك:

أن جميع المصريين اصبحوا مغتربين و ان منتدى المغتربين أصبح هو منتدى المصريين

و يصبح المصريين ما لدينا هو :

المغتربين خارج مصر

و المغتربين داخل مصر

إذن فمن هم اهل البلد الأصليين ؟

أبو السيد حبيبى احنا دايما نفتح مع بعض ردين لنفس الموضوع فى نفس الوقت

يا ترى فى طريقة للشات مثلا

حلوة حكاية السنجة

بس هوة لسة فيه سنجة ؟

[green bird]

السلام عليكم

الأخ الكريم سى السيد والأخ الكريم ابو زياد

الملف المرفق بيفتح ببرنامح ميديا بلاير كلاسيك وده برنامج ممتاز بيفتح معظم ملفات الفيديو ويغنيك عن الريل بلاير

والملف من نوع 3GP وده خاص بالتصوير من الموبايل

اما بالنسبة للغربه والهجره والبعد عن مصر فكلها واحد و سأستعين بجمله قالها احد الأخوة فى هذا الموضوع

وهى أن الحياة فى الغربة بكرامة أفضل مائة مرة من العيش فى وطنك دون كرامة

وانا لا ادعو الناس لليأس ولا بختلق اعذار ( الكل يائس اساسا ) ولا بهرب من القيام بدور فى مواجهة الفساد والأصلاح ويكفى ان معظم المصريين هنا فى السعوديه قدموا طلبات للحصول على الجنسيه السعوديه اول ما اعلنت الحكومه عن ذلك

الواقع حاليا ان المستقبل غير واضح فى مصر وانا بفكر فى مستقبل اولادى

يعنى ينفع بعد ده كله لما ابنى يكبر ادور له على عقد عمل فى الخليج ويكرر نفس السيناريو اللى بدأه ابوه

اظن ده مريضيش ربنا

[أبو زياد]

ومين قال يا أخى إنك تقدر تستنى هنا لما إبنك يتخرج و يشتغل هنا

هوة اصلا ممنوع يشتغل هنا من دلوقت

دى مش بلدنا و الموضوع هنا يمكن صياغته تحت إسم متى تصبح بلد الغربة هى بلدك

وإن لم تصبح كذلك فإلى متى تقدر تستمر فيها

شكرا و أرجو التواصل

ولا زالت مشكلتنا فى الولاد

هل الأصح ليهم يتربوا فى غربة والا ف وسط أهلهم

أنا هنا لا أتحدث عن العيش بكرامة و افترض أننى سأكون كريما فى بلدى

حبيبى قلت لنا إسم البرنامج فين بقى البرنامج نفسه والصورة فيها إيه ؟؟

[green bird]

الأخ الكريم ابو زياد

البرنامج تجده فى هذه الصفحه

صفحه البرنامج

واسمه Real Alternative 1.50 او ميديا بلاير كلاسيك

والملف عباره تصوير لأحد الضباط وهو بيضرب احد المتهمين كنوع من التسليه والترفيه

بمنتهى القسوه فى الضرب ومنتهى الأستهتار بآدميه البشر

يعنى عباره عن حيوان عديم الأحساس

---------------

اما بالنسبه لما ذكرته ( ومين قال يا أخى إنك تقدر تستنى هنا لما إبنك يتخرج و يشتغل هنا هوة اصلا ممنوع يشتغل هنا من دلوقت )

اعرفك ان معانا هنا الجيل الأول والثانى يعملون معا فى مكان واحد او فى اماكن متفرقه فى نفس الشركة وبأعداد ليست بسيطه

معانا ناس عدت الستين ومش عايزين يرجعوا و جابوا اولادهم وعايشين هنا الأسره كلها وكله تمام

علما بأنهم لديهم الكثير فى مصر ولكن الحياه فى الخارج لا تقارن بمصر ابدا فيما عدا الأحساس بالغربه

مصر دوله طارده يعنى واكله ناسها -_-

[أبو زياد]

شكرا اخى الطائر الأخضر على البرنامج

وسأتواصل معك قبل ما أنزله

الأجيال دى حالة نادرة يعنى كوسة وواسطة و خلافه إنه حتى يتعلم فى الجامعة

ياريت الواحد يقدر يعيش هنا طول عمره بس يعيش فى أمان و استقرار

وولاده يحسوا إن دى بلدهم

إحساس الغربة مايأثرش فى نفسيتهم و شخصياتهم لما يكبروا

يمكن يبقوا جيل أحسن من اللى تربى فى مصر على الأغذية المرشوشة والأفكار المشمومة

ياريت

الغربة هى إحساس يتربى فى النفس و يكبر معها .....للأسف

لقد كان سلمان الفارسى و صهيب الرومى مغتربين ولكن شتان

وكذلك احمد زويل و فاروق الباز و مجدى يعقوب

لو كان إحساس الغربة رجل لقتلته

ولو كان الفقر رجل لأعدمته

[son of jacob]

لما قرأت عن أمجد و رايت ال كليب ده http://masr.20at.com/article.php?sid=949 و تابعت أخبار مصر الفترة اللفاتت قررت.

, أظنكم عرفتم ما قررت؟؟؟؟ :blink: