متى سنعود ... ؟؟؟؟؟؟ - سبب غربتنا .. وحوافز عودتنا ...

[KWA]

واشعر انى غريبة جدا عن بلدى  

شعرت نفس الشعور في أثناء زيارتي لمصر و كان أسوأ شعور شعرته في حياتي

.. كنت متيقناً أن من هاجروا إلى الغرب ، وكلهم كان لديهم أسبابهم المنطقية لإتخاذ قرار الهجرة .. والحصول على جنسية أخرى غير المصرية .. والإقامة في المهجر إلى ما شاء الله .. وهؤلاء لا أعتقد أنهم يفكرون في العودة إلى مصر ..

الحصول علي الجنسيه مجرد ورق و لم تغير شئ و لكن للأسف الحصول علي الجنسيه لبعض الناس القليله الأصل هو بمثابه أذن مرور للجنه المنتظره و ينسوا أصلهم و فصلهم  

العيب فينا احنا ،، احنا إلي عملنا مبداء معاك قرش تسوي قرش... ممعكش متسواش

في أمريكا معاك قرش تعيش  معاكش ما تعيش ....أيه رأيك مصر  أفضل و لا لأ

لكننا جذورنا هناك .. في مصر ..

بل نحن جزء من مصر ..

هذه المقوله مسك الختام.....

[KWA]

////واشعر انى غريبة جدا عن بلدى  ////////

شعرت نفس الشعور في أثناء زيارتي لمصر و كان أسوأ شعور شعرته في حياتي

////.. كنت متيقناً أن من هاجروا إلى الغرب ، وكلهم كان لديهم أسبابهم المنطقية لإتخاذ قرار الهجرة .. والحصول على جنسية أخرى غير المصرية .. والإقامة في المهجر إلى ما شاء الله .. وهؤلاء لا أعتقد أنهم يفكرون في العودة إلى مصر .. //////

الحصول علي الجنسيه مجرد ورق و لم تغير شئ و لكن للأسف الحصول علي الجنسيه لبعض الناس القليله الأصل هو بمثابه أذن مرور للجنه المنتظره و ينسوا أصلهم و فصلهم

////العيب فينا احنا ،، احنا إلي عملنا مبداء معاك قرش تسوي قرش... ممعكش متسواش////

في أمريكا معاك قرش تعيش  معاكش ما تعيش ....أيه رأيك مصر  أفضل و لا لأ

////لكننا جذورنا هناك .. في مصر ..////

بل نحن جزء من مصر ..

هذه المقوله مسك الختام.....

[freefreer]

الاخ فرى  انا لسة بأحسدك برده  :sneaky2:  تقولى فيه مشاكل تقولى فيه متاعب  ما فيش فايدة برده  حضرتك من الناس المحظوظة اكيد بوجودك فى كندا  وإنشاء الله إنشاء الله  يعنى   ربنا يوفقك و يزيدك كمان و كمان

الله يخليكى و يكرمك .. و برافو حكاية مسك العصا من النص دى .. لأن كل واحد أدرى بظروفه .. و كل واحد له حظوظه فى  الحياه

هو الحقيقة مصر لو فيها امكانات للعيش خارج القاهره بالذات تكون جيدة .. بس للأسف هذه الأمكانيات ضعيفة

[itsme_1666]

اخ  KWA

نحن جزء من مصر ونتمنى ان لا تلفظنا مصر و تحتضننا  لاننا فى امس الحاجة لها  :bored:  :bored:  :bored:  ???  :dozingoff:  :(

اخ فرى   لماذا لم تعلق على  ما ذكره الاخ syd حينما قال ان مهما تحسنت ظروف مصر فلن تغريكم بالرجوع اليها  و هو يعنى بذلك  الاخوة الاعضاء  المقيمين فى الدول الغربية

والا يعنى السكوت علامة الرضا؟؟؟؟؟ :sneaky2:  :sneaky2:  :sneaky2:  

الاخ  SYD

ماذ هو الحل الامثل فى رأيك للمغتربين فى دول الخليج العربى و بالاخص من هم فى المملكة العربية السعودية  :th:  يهمنى اعرف رأيك بإعتبارك ملم جدا بكل الظروف المحيطة  بنا فى الخليج  :th:  و على فكرة احب اسأل سؤال صريح  و هو هل تتفق ام تختلف  معك الاسرة فى قرارك بخصوص العودة او البقاء  والى درجة كان الخلاف و إنتهى بإيه يا ترى ؟؟؟ يعنى بخناقة مثلا و الا بإتفاق  :sneaky2:  :sneaky2:

[بنت شعنونة]

سيييييييييد مرزوووووق

حمدالله على السلالالالالالالالالامة

:angry2:

وحشتنا كلنا فعلالالالا :D  :D

صدقت كلالالالامي بقى قبل ما تسافر

مش قلتلك خليك عندك

عشان تصدقوووووووووني بعد كداااااااا :D  :D  :)

[poppos]

ممنوع استخدام غير اللغة العربية في المنتدى.

آسف على مسح المداخلة و يرجى الاطلاع على التنويه في أعلى الصفحة..

و شكراً

Edited By متسائل on Sep. 02 2002 01:52am

[freefreer]

اخ  KWA

نحن جزء من مصر ونتمنى ان لا تلفظنا مصر و تحتضننا  لاننا فى امس الحاجة لها  :bored:  :bored:  :bored:  ???  :dozingoff:  :(  

اخ فرى   لماذا لم تعلق على  ما ذكره الاخ syd حينما قال ان مهما تحسنت ظروف مصر فلن تغريكم بالرجوع اليها  و هو يعنى بذلك  الاخوة الاعضاء  المقيمين فى الدول الغربية  

والا يعنى السكوت علامة الرضا؟؟؟؟؟ :sneaky2:  :sneaky2:  :sneaky2:  

الاخ  SYD

ماذ هو الحل الامثل فى رأيك للمغتربين فى دول الخليج العربى و بالاخص من هم فى المملكة العربية السعودية  :th:  يهمنى اعرف رأيك بإعتبارك ملم جدا بكل الظروف المحيطة  بنا فى الخليج  :th:  و على فكرة احب اسأل سؤال صريح  و هو هل تتفق ام تختلف  معك الاسرة فى قرارك بخصوص العودة او البقاء  والى درجة كان الخلاف و إنتهى بإيه يا ترى ؟؟؟ يعنى بخناقة مثلا و الا بإتفاق  :sneaky2:  :sneaky2:

أنا معلقتش على كلام سيد لأنى سبقته و قلت ان لو تحسنت الظروف ممكن ارجع ..

لأ دا لو تحسنت الظروف فعلا  .. فهناك احتمال كبير ارجع .. طب ادينى سبب واحد للغربة

و الله يا اخت اتس مى  جايز تستغربى لو عرفتى سبب الهجرة .. الكرامة .. تخيلى ان دة قد يكون من اهم الأسباب

يلية انى مش قادر اوفر لأولادى مساوى تعليم يرضينى لا فى مصر ولا الكويت

و بعدين قلت الأولاد ماشيين كدة فى نفس خط أبوهم .. و حيدوخوا دوخته

[mnman]

ارجع مصر ولا مرجعش؟ سؤال صعب الرد علية خاصة لو كنت عايش في اوربا ولا امريكا... انا عشت 5 سنين في بلجيكا ... وهناك اتعلمت ان مفيش غني ولا فقير الناس كلها ليها نفس الحقوق... نظام في ركوب المواصلات وبدون رقابة... تأمين صحي شامل... مستوي الحياة مرتفع حتي الفقير هناك عندة عربية... المجتمع مش مجتمع ملأكة بس بالمقارنة بمصر للاسف مصر تخسر  1000 / 0 . وفي يوم قررت الشركة التي اعمل بها من حوالي سنة إرسال 2 مهندسين عزب لتوفير النفقات للبرازيل... زعلت وحزنت أنهم رشحوني .. وكان الترشيح لافضل 2 مهندسين لتاسيس فرع الشركة في البرازيل ... وجيت صفتي متخصص في مجال معالجة المياة والصرف الصحي والصناعي... وفي الفترة إلي كنا بنخلص الورق قبل السفر حاولت كتير اشوف بديل لكن ما امكنش  لان جها ز البيئة في البرازيل كان طالب متخصص ولأني اتحدث الأسبانية وهي قريبة من البرتغالي فكانت فرصة للشركة... المهم نزلنا من الطيارة

وصديقي يحاول ان يواسيني ويقنعني بجمال وحلاوة البلد.. فجاءة لاقيت نفسي امام ظابط الجوازات وبأبتسامة مشفتش زيها حتي في أوربا سألني كام سؤال وتمنالي إقامة سعيدة.... وبمرور الايام وفي دولة من دول العالم التالت شفت نظام المرور... و نظام ركوب الاتوبيس وأزاي مافيش زحمة ولا ضرب وكلة بيركب والسواق مستني مش يطلع والناس نصفها برة ونصفها جوة... شوفت شعب ودود يخدمك من غير مايفكر في البقشيش ولا كل سنة وانت طيب علي الرغم من الفقر الموجود  ... ماشفتش سواق تاكسي من غير عداد او يخدك من ناحية اطول علشان تدفع اكتر... شفت إزاي بتتغسل الشوارع في الليل... طبعا كل دة موجود في اوربا بس بردة في دول العالم التالت والدليل هنا في البرازيل... دلوقت لو خيروني اختار البرازيل ... بس بردة بحب واموت في تراب مصر...

يعني العيب فينا مافيش نظام .. هرجلة وفوضي فكل مكان وعلشان تروح مصلحة حكوميه لازم تدفع المعلوم وإلا... وإرهاب الشرطة للشعب... و خلص الكلام ... ونرجع ونقول لو انصلح الحال يمكن نرجع... :(  :(  :(

[freefreer]

:D  :D  :D  :D  :D  :D  :D  ;)  :D  :D  :D  :D  :D  :D  :D  :D

الأخت اتس مى حاتحسدك .. طل ما توصفلنا شوية فى البرازيل .. ولا أقولك .. أعمل موضوع اسمه السلام عليكم من البرازيل :D

ايه رأيك؟

Edited By freefreer on سبتمبر 03 2002 06:10am

[itsme_1666]

صباح الخير  عليكم  :D

واللهى يا اخ فرى  انا ممكن ما  احسدكش ولا احسدش   الاخ  mnman فى حالة واحدة بس وهى إذا دلتونى  على طريقة اروح بيها كندا او  البرازيل  علشان اشوف الجمال الى بتوصفوه ده    :D  :D

انا فى الحقيقة و بكل امانة  يا اخوانى  ما يجعلنى  اود الرجوع لمصر ان انا ماعنديش بديل إما المملكة العربية السعودية او مصر  ده غير  ان انا زرت بلاد كتيرة مع والدى ربنا يديه الصحة ويشفيه يا رب  منها المانيا و سويسرا وبريطانيا و رومانيا و اليونان فى رحلات عمل خاصة به   و شفت بعينى اللى مزغللة دلوقتى  ده  بسبب عملية الليزر لتصحيح  قصر النظر و  ما حدش قاللى عن جمال البلاد ده و النظام فيها و النظافة و تمتعهم بفن التعامل مع الاخرين  من ذوق و ادب  يعنى بصراحة فرق السما من الارض :th:  :th:  :th:

يعنى بإختصار كده  إذا حطيت مصر فى كفة والمملكة فى كفة تانية , كفة  مصر ترجح لإفتقادى اشياء كثيرة  اهم من الفلوس من وجهة نظرى  :th:   اولهم الحياة الاجتماعية الدافئة  ولن تصدقوا لو قلت لكم اننى من الممكن اجلس شهور فى البيت ولا يفكر احد فى زيارتى مش علشان اى حاجة غير ان الناس هنا حتى المصريين  اصبحوا يتأقلمون بطابع البلد ده من عدم إختلاط  و إذا رغبنا  فى الخروج من باب تغيير الهواء لا نستطيع ان نذهب فى اى مكان  مفتوح بسبب الرطوبة الشديدة فى الليل و الحرارة الشديدة فى النهار ..نيجى لموضوع  فرص العمل التى اصبحت ضيقة  بالمملكة و طريقة معاملة البعض منهم لكل اجير على  انهم اسياده و هو عبد لهم  :sneaky:  :sneaky:  :sneaky:

بصراحة انا واحدة من الناس لن انتظر ان تتحسن ظروف بلدى لانى كده  ممكن انتظر كتير على حساب اعصابى و نفسيتى  و على حساب  تكوين شخصية اولادى التى سوف ينفجرون  فى يوم من الايام لافتقادهم  الاختلاط مع من فى مثل سنهم  :dozingoff:

[mnman]

فكرة جنان يا أخ فري فري... وبخصوص موضوع الحسد ربنا يستر...

:blush:  :blush:  ;)  :inlove:

[أسد]

تعليقاً على المشاركات السابقة من الأخوة الأعزاء ..

أعتذر عن التأخر في المشاركة .. حيث أنني قد سافرت لمدة ثلاثة أيام .. ولم يكن معي جهازي المحمول والذي به لوحة المفاتيح العربية ..

أولاً .. أود أن أوضح شيئاً هاما ، توضيحاً لما قلته أنه حتى إذا تحسنت الأوضاع فلن يمكن معظم من هاجروا إلى العودة ..

لم أعني بذلك أن هؤلاء قد باعوا .. أو تركوا .. بشكل مطلق ..

بالطبع هناك البعض كذلك .. ولكن ليس الجميع ..

ولكن هناك نقطة هامة عبر عنها السيد/ فري  ، وهي كرامة المصري في مصر .. والمحافظة على إنسانية الإنسان ..

إنها فعلاً المحك .. لقد شاهدت منذ أيام .. عملية إنقاذ قطة انحشرت في ماسورة .. وجاءوا ببلدوزر ، وفرق للإنقاذ .. وقطعوا المواسير لإخراج القطة .. واستقبلها فريق طبي .. واستغرقت تلك العملية أربعة ساعات كاملة .. وتكلفت عشرات الآلاف من الدولارات ..

وفي المقابل هناك عشرات الحوادث من سقوط بني آدمين في مصر في بالوعات .. ولم يتحرك ساكناً ..

لذلك .. حتى إذا تحسنت أوضاع مصر الإقتصادية .. فسنحتاج لأجيال أخرى حتى يصبح الوضع قريباً من الوضع في الغرب .. ولذلك فلن يسعفه أحد عمره كي يعود ..

وحكمي على ذلك بناء على زياراتي لدول أوروبية كثيرة .. ومما شاهدته ورأيته هناك ..

أما عن النقطة الأخرى وهي وضع المصريين في الخليج ..

لنتحدث مثلاً عن السعودية .. والتي يعمل بها أكثر من مليون مصري حسب الإحصاءات السعودية ..

ففي السعودية معدل زيادة سكانية كبير .. ونسبة البطالة مرتفعة جداً بين السعوديين ..

وبالطبع فهم بحاجة للعمل .. ولأن الوظائف التي يعمل بها المصريون في السعودية هي الوظائف المتوسطة والعليا .. وهي نفسها المستهدفة من قبل السعوديون ..

لذلك فهناك منافسة على تلك الوظائف .. وقد قامت الصحف ووسائل الإعلام بالسعودية بحملات قوية جداً .. للضغط في سبيل سعودة الكثير من الوظائف ..

وبالفعل أتت تلك الحملات ثمارها في قطاعات متعددة مثل الكثير جداً من الوظائف الحكومية .. والبنوك .. ومعظم الوظائف الإدارية ..

لذلك ونتيجة لتلك الحملة القوية .. أنه قد تولدت روح جديدة لم تكن موجودة من قبل من السعوديين .. تجاه الأجانب هناك بشكل واضح .. وتلاحظها في كل وقت وكل مكان ..

إضافة إلى الأزمة الإقتصادية التي مرت بها السعودية منذ نهايات عام 1993 .. واستمرت عدة سنوات .. وكانت واضحة للجميع هنا ..

صحيح أن الأوضاع قد تحسنت بعض الشئ خلال السنتين الماضيتين .. إلا أنه تحسن ظاهري إلى حد كبير ..

إضافة إلى ذلك .. فإن ما حدث يوم 11 سبتمبر كان له أثر سلبي كبير .. وتهديد للسعودية بشكل غير مباشر .. يستشعره الجميع ..

ومعظم الناس مترقبين للوضع كما أسلفت بخصوص العراق .. والإستثمارات في منتهى الحذ في السنوات الأخيرة .. وحالياً بشكل خاص ..

لذا أعتقد أن من يقيمون هناك لا ينعمون بالإستقرار .. ولا يستطيع أحد أن يجزم كم يستطيع البقاء هناك ..

وما أراه هو أن يتأهب الجميع لشئ كهذا قد يجدث في أي وقت ..

وأتمنى أن تكون الحكومة في مصر متوقعة شئ كهذا .. حتى لا يتكرر ما حدث لمن عادوا من العراق بعد الحرب ..

ولو أني متأكد أن لا أحد يهمه .. في حكومتنا ...

أما عن تفكيري في العودة لمصر .. فهذا شئ لا نقاش فيه .. ومشكلتي هي في التوقيت المناسب فقط .. ولكنني أعتقد أنه في أقرب فرصة ممكنة ..

وأنا شخصياً من عشاق مصر بكل مافيها من حلاوة ومرارة .. ومضطر أقبلها إعمالاً بالمثل القائل حبيبك يبلعلك الزلط ..

منذ ثماني سنوات تقدمت للهجرة إلى كندا .. فقط لأعيش في بلد يحافظ على كرامة الإنسان ولا يشعر فيه بالقهر .. وأجريت مقابلة في السافرة واستكملت الأوراق .. وتم قبولي والموافقة .. ثم استكملت الأوراق الباقية .. وقبل موعد التقدم للحصول على تأشيرة الدخول بيوم واحد قررت أنني لن أذهب .. لأني أعلم أنني هناك قد أحصل على مزايا ومكاسب كثيرة يصعب التنازل عنها والعودة لمصر .. لذلك تراجعت عن الفكرة وألغيتها تماماً ..

أيضاً وبصراحة خفت على ديني ..

ورايي هذا ليس القاعدة .. وقد يكون الإستثناء ..

فأنا مصري جداً .. وأعشق تلك البلد بشكل لا أستطيع أنا نفسي وصفه ..

وأيضاً أؤمن بأننا نحن بأنفسنا يمككننا السيطرة على الموقف .. بتحسين سلوكياتنا أولاً ومحاولة تحسين الآخرين .. ولو حتى بالنصح .. أو محاولة أن نكون قدوة للآخرين ..

أعتذ للإطالة ..

وشكراً ..

[Set_Amina]

السلام عليكم و رحمة الله و بركاته  :D    

:D  انا  بأحسد الناس المقيمة فى الدول الغربية  و بالذات الاخ فرى  لانى حاسة انه ماعندوش اى مشاكل هناك و كمان  ماعندوش  اى مانع انه يفضل هناك حتى آخر العمر ..... جتنا .... فى حظنا ... :sneaky:  :sneaky:  :sneaky:

توقفت عند هذه الجملة ولم اترك لنفسي فرصة استعراض باقي الردود حتى لا أنسى الرد، وردي هنا عن الميزات التي يتمتع بها المغترب في البلاد الأوروبية وهنا لي تعليق بسيط ولكنه يحمل معاني كثيرة ألا وهم الأولاد، نعم ان المقيم في بلد أوروبي قد يستمتع ولكن دفع ثمن هذا الاستمتاع هو لباهظ فعلا، فمهما حاولت وتفانيت في تربية أولادك تربية اسلامية أو قل عربية ذات عادات وتقاليد وجب علينا احترامها فانها ستكون بالنسبة لأولادك ضرب من الخيال وماضي سحيق عقيم عليك انت فقط الالتزام بتراثه وليس هم.. الثمن فادح مهما فعلنا وسهولة الحياة ما هي الا استمتاع مؤقت لنا وانانية منا وتقصير في حق أولادنا، انا في دولة أوروبية استمتع بالحياة ولكني أعد نفسي لدفع الفاتورة رغم كل ما أفعله وربي شاهد على هذا من أجل تربية أولادي تربية دينية. بالتأكيد وكله على الله فعلا، أود أن أعود الى بلدي قبل فوات الأون ان شاء الله.

[itsme_1666]

ست امينة  :D  ادعو لك بالتوفيق و مش  هأحسدك ولا حاجة لانك من الجنس اللطيف الظريف  :D  :colgate:  

إسمحى لى  اسألك حضرتك عايشة فين فى اى بلد ؟؟ و إسمحى لى اعرض عليكى عرض  ما تضيعيهوش من إديكى   :sneaky2:  تييجى نعمل بدل  :turn:  :th:  يعنى إنتى تيجى هنا  بدالى و انا اروح هناك بدالك  :xmas:  :cool:  ليه بقه ؟؟ لانى ولادى لسة صغيريين خالص نونو   و ممكن يتقبلوا المعيشة فى اى بلد غربى  و تحت إشرافى استطيع إنتقاء الافضل لهم من عادات و تقاليد الغرب و منعهم من   المساوىء و السلبيات   ولن يعترضوا على ذلك لصغر سنهم  وبإمكانك انتى ان  تنتقلى بأولادك هنا فى السعودية و سوف يخضعون  بحكم  نظام البلد  للإحتفاظ بكل شىء جميل و جيد  من العادات  و التقاليد و التعاليم الدينية  :th:

:lookaround:   هتسألينى ليه انا عاوزة اترك المكان الجميل ده بكل المميزات الحلوة الى فيه هاقولك من باب تغيير المكان والناس و اسلوب المعيشة  

و بعد كام سنة نبقى نتقابل انا و إنتى فى مصر بقه و عليكى خير علشان إحنا لازممممممم نعوووووووووود

:inlove:  :inlove:

[Set_Amina]

عرض مغري ولابد من التفكير فيه ولكن انا كمان لسه أولادي في سن التحكم فيهم والسيطرة عليهم ، لكن هذا لا يمنع من الاحساس بالمشكلة ومن عمل حسابها والتخطيط لها من الآن وهذا ما جعلني أقول اني استعد لدفع الفاتورة،، صدقيني هنا يولد جيل ممزق لا هو شرقي ولا هو غربي ونحن معهم كالراقصين على السلالم عين في الجنة وعين في النار وزي ماقلت لك الأنانية وحب الحياة السهلة المريحة جعلتنا ننسى أن في رقبتنا براعم سوف نسأل يوم الحساب عن تربيتهم،، لا تتصوري اني مقصرة في تربية أولادي أو اني قليلة الحيلة ولكن سيطرة المجتمع هنا وقضاء ان لم يكن معظم اليوم فنصفه في وسطهم لهو مؤثر فعلا ولهو من الأسباب القوية لايجاد ثقب في الأربة التي تنفخين فيها بكل ما تملكين. ربنا يعنني ويعينك وفكري كويس في موضوع البدل ده لان يظهر شكلي كده هاوافق عليه وادبسك :D   :D

[freefreer]

:xmas: سؤال خبيث قوى .. طب الست أمينة لو وافقت على العرض الكريم دة اللى مليان تضحية و تفانى ..  :D  .. هل يحق لها بعد عدة شهور ان ترجع فى كلامها .. و تعيد البدل ؟؟؟؟  :cool:  :cool:  :cool:

[freefreer]

ست امينة  :D  ادعو لك بالتوفيق و مش  هأحسدك ولا حاجة لانك من الجنس اللطيف الظريف  :D  :colgate:  

من الثابت علميا .. ان الستات عنصريين

[Set_Amina]

:xmas: سؤال خبيث قوى .. طب الست أمينة لو وافقت على العرض الكريم دة اللى مليان تضحية و تفانى ..  :D  .. هل يحق لها بعد عدة شهور ان ترجع فى كلامها .. و تعيد البدل ؟؟؟؟  :cool:  :cool:  :cool:

أنا بيني وبينك وماتقولشي لاتس مي كنت ناوية ابدل معاها على ما احج واعمل عمرة وارجع تاني واهو يبقى ربنا نولني حاجة باتمناها والاسم باعمل بدل مؤقت :D

[itsme_1666]

:cool:   :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:

 شايفاكم و إنتم بتتفقوا عليا  ... شايفاكم من تحت النضارة البير  سول الجديدة لانج  ومش هيحصلكم  كويس  :sneaky2:

يا ستى طيب انتى بس تعالى  عندى هنا فى المملكة وانا اشيلك على راسىىىىىىىىىى من فوووووووووووووق و يا ما عملتها مع ناس كتير بس لولا العيبة كنت قلتلكم عددهم كام  همه فى الحقيقة 55   نفر ...خمستين فى عين العدو ...  و من غير بدل و لا حاجة عنينا ليكى  عنينا على فكرة نظرها سته على سته دلوقتى

على فكرة إحنا خرجنا عن الموضوع و علشان ما نتاخدش  out  خلينا نرجع للمووضوع و جاوبى  على سؤالى إنتى عايشة فى اى بلد؟؟ و متى ستعوووووووووودييييييييييييييييييييين  :sneaky2:  :sneaky2:  :sneaky2:  من غير حسد اهه :devil:  :devil:

[Set_Amina]

مفيش حاجة بتستخبى في البلد دي كده؟؟  :D

عموما علشان مانخرجشي عن الموضوع ومانخرجشي من هنا بالكارت الأحمر هاعترف ليكي بالحقيقة واللي من خلالها هانرجع لموضوعنا واللي هو متى سنعود الى أرض الوطن. الحقيقة المرة ان انا مش عارفة هارجع فعلا ولا لأ وانا نوهت في مقالي السابق لوضع المغتربات اللي زي حالتي ووصفتهم باللي رقصوا على السلم بمعنى انني لم استطع الانسياح في هذا المجتمع الغريب عني والذي أشعر وانا فيه انني مثل زرع الخيار داخل الصوبة، رغم طول مدة بقائي فيه ولا أنا في استطاعة التكيف مع مجتمعي الأصلي الذي خرجت منه صغيرة لشعوري بالغربة في وسط أهلي هناك  للأسف. بس انا عاوزة أعرف الأول انتي عاوزة تعملي البدل مع بلد بعينه ولا ماتفرقشي معاكي؟ :D

عموما انا لست في دول الكتلة الشرقية ولكني في بلد رائعة الجمال ومتميزة بالفن والموسيقى،، قولي انتي بقى انا ممكن أكون فين؟؟ "عروستي" قصدي لعبة عروستي :D :D