متى سنعود ... ؟؟؟؟؟؟ - سبب غربتنا .. وحوافز عودتنا ...

[itsme_1666]

اللهههههههههههههههههههههه  هو ده الى انا عاوزاه يا ست امينة يا اختى  بلد كلها موسيقى وده هوايتى الوحيدة  :D  و كمان فن وجمال ؟؟؟ :lookaround:  :lookaround:  لأ لأ بقه  ده انتى هتبقى صاحبتى خالص  انا عاوزة اعمل بدل معاكى بغض النظر عن اسم البلد إنشاء الله تكون بوركينا فاسوو:th:  :lookaround:  :colgate:  

هو حد طايل بلد كلها مزيكا و فن وجمال مرة واحدة ؟؟؟؟؟ انا موافقة وخدى إجراءاتك  بإنهاء إتفاقية البدل  بس إوعى تكون زى  إتفاقية السلام  :sneaky2:  :sneaky2:  :D

اما متى ستعودين بقة انا عارفة انك بمجرد ما تعملى الحج او العمرة هنا فى المملكة  هتكتفى بكده وتروحى مصر طيران  ???  شفتى انا جاوبت لك على السؤال الى محيرك إزاى؟؟

عموما يا جماعة القرار صعب جدا جدا إتخاذه  اقصد قرار العودة يعنى لإنه اكبر  و اهم قرار مصيرى فى حياة المغترب .. التردد و الخوف من إقتلاع الجذور من مكان ووضعها فى مكان آخر ليس بالشىء الهين أبدا  وانا عموما هأقول لكم عن نتيجة تجربتى للعودة لمصر اول بأول فى حالة فشل مهاهدة البدل الى بينى انا و الست امينة .... وندعو الله ان يصبرنا و يوفقنا جميعا لما فيه الخير سواء فى العودة للوطن او البدل :D

[freefreer]

مش واخدة بالك يا ست امينة .. اصل اتس مى عملت ليزر فى عنيها .. و اتبقت بتسمع  100%  :D

بلد كلها موسيقى تبقى النمسا .. - المانيا ..

[Set_Amina]

يا اتس مي يااختي انا هاوفق على البدل بس بشروط ونجيب كمان اثنين شهود منهم فيري حيث انه حضرنا من بداية الصفقة :D

وأول شرط هو انك تدليني على دكتور عملية الليزر علشان اختك أمينة شيش بيش خالص :D

انت خمنت صح يافيري وعلشان تختار الأصح هاقولك ان اسمهان غنت لليالي الانس فيها :D

[أسد]

yacha

Newbie

Group: Awaiting Authorisation

Posts: 0

Joined: Sep. 2002  Posted: Sep. 12 2002 10:02am  

 

--------------------------------------------------------------------------------

أحب ان اكتب لك اننى مغترب منذ عام 1966 وأعيش فى المانيا واؤكد لك ايها الصديق اننا لن نعود ابدا وربما سوف نعود فى صناديق  حتى ندفن  فى بلدنا الحبيب مصر حيث ان المصرى بطبيعته طماع يسافر علشان يجيب فلوس يتجوز بها وبعد ما يجيب فلوس الجواز عايز يجيب فلوس يشترى بها سيارة وبعد السيارة عايز يشترى شقة وبعد كل هذا يقول طيب ما انا عندما أعود الى مصر محتاج قرشين اعمل منهم مشروع  وهكذا يكون جرى العمر وبدأت البروستاتة مشاكلها ومرض السكر  وارتفاع ضغط الدم  يقول لا  طيب انا محتاج العناية الصحية ويستمر المصرى فى حلقة مفرغة  معتقدا انه سوف يعود يوما ما الى مصر  فأنا لى اصدقاء هنا فى برلين فى سن الستون والخمسة والستون ومازالوا يحلمون انهم فى يوما ما سوف يعودون الى مصر وكلمتى الأخيرة  هى من منا سوف يعود سوف يعود  فى صندوق.  

وصلتني هذه الرسالة على بريدي من عضو جديد .. وها أنا أعيد نشرها ..

وهذه وجهة نظر .. مطابقة تماماً للأوضاع السارية للمغتربين المصريين .. وخاصة في أوروبا وأمريكا وكندا ..

للأسف مشاكلنا في مصر كبيرة ومتشابكة ومعقدة للغاية .. مرتبطة بالمسكن والمأكل والمشرب والتعليم .. والعلاج ..

وكلها حاجات الأمان الأساسية كما أوردها ابراهام مازلو في قاعدة هرمه للحاجات الإنسانية ..

مأساتنا أننا لازلنا نتحرك ونطالب باحتياجاتنا من قاعدة الهرم ..

_

أما بالنسبة لمداخلات الست أمينه والأخت اتس مي .. فعلاً أدخلت البسمة لهذا الموضوع .. المؤلم .. بارك الله فيكن ..

_

وأكرر سؤالي .. متى سنعود .. وهل سنعود أصلاً ؟؟؟؟

[Set_Amina]

شر البلية ما يُضحك

ودعائي لله سبحانه وتعالى ان يجعل نهايتي في وطني "على الأقل ألاقي حد يترحم عليا" ولكن متى سأعود،، الله أعلم

[itsme_1666]

يا سلام يا ست أمينة  إنتى تؤمرى  و من العين ده قبل العين ده  :cool:  دكتور العيون إسمه فتحى الصياد فى مستشفى المغربى فى مصر   وإذا جيتى المملكة يمكنك ان تجرى العملية فى مستشفى المغربى الى هنا برده  وانا اضمن لك كفاءة الدكاترة هنا برده  :cool:

بخصوص حوارنا انا و الست امينة  يا اخ  syd  و الذى إمتزج بروح المرح فده صدقنى زى المثل الى بيقول هم يبكى و هم يضحك   ???  على الاقل بالنسبة لى

لكن  يبقى الواقع اليما كما هو  و املنا فى الله كبير  فى ان يهدينا الى ما فيه الخير لنا و لاسرنا جميعا  :th:  :D

[freefreer]

نت خمنت صح يافيري وعلشان تختار الأصح هاقولك ان اسمهان غنت لليالي الانس فيها

يا سلاااام دانتى سهلتيها قوى ..  :D غنت ليها ليلى مراد لليالى الأنس فيها .. طبعا ليالى الأني فى فيينا .. صح .. و تبقى البلد .. .. .. المانيا!!!!!!!!!! :D  :D  :D  :D  :D  :D

يا بختك يا ست امينة .. هى كندا مليانة خضرة و مناظر طبيعية .. بس أكيد النمسا كمان حلوة قوىىىىى

ربنا يهنى الجميع ..

بالنسبة للهزار .. فاحنا بنهزر علشان ما نطقش .. و ربنا معانا جميعا برة و جوة :inlove:  :inlove:

[Faro]

غنت ليها ليلى مراد لليالى الأنس

الأخ فريفير

هل هي ليلى مراد أم أسمهان ... أم خطأ مطبعي ؟؟؟  أنا متأكد أنها أسمهان .

:inlove:

[freefreer]

طبعا اسمهان .. و الفيلم غرام و انتقام مع يوسف وهبى .. و أنور وجدى .. و دة كان اخر فيلم لأسمهان .. لأنها ماتت قبل اكمالة .. و تمت تغيير النهاية بناء على ذلك

[itsme_1666]

يا سلاااااااااااااااااااااام  ده إحنا قلبنا الموضوع بقه  بدل متى سنعود   ؟؟ ما يطلبه المستمعون و المشاهدون ؟؟ :th:  :turn:  :lookaround:  :sneaky2:  :)

كل ده علشان قلت عاوزة اروح عند الست امينة فى  فيينا؟؟؟  :sneaky:  

وبعدين يا ست امينة ما فيش داعى للشهود ولا حاجة  انا بأشوف كويس دلوقتى و ممكن اغنيكى عن الشهود :cool:  ومش عاوزين الاخ فرى يدخل ما بينا شاهد علشان ما يبوظش الشغلانة ويقلبها افلام واغانى  :sneaky2:  وبينى و بينك هو بيحسد خالص من النوع الى بالى بالك  شششششششش ما تقوليش لحد :0  :0  :lookaround:

نتكلم جد شوية  بقه :sneaky2:

دلوقتى  كلنا متفقين ان المعيشة فى مصر لن تكون بالشىء الهين و خاصة على من تعود على المعيشة فى بلد غربى ...الاب فى موقع المسؤلية  أكيد مخطط لنفسه و لاسرته عدة إحتمالات  و إجراءات سوف ينفذها  فى حالة حدوث طارىء لا سمح الله يجبره على العودة للوطن  :th:  و حيث ان معظمكم لم يتمكن من الاجابة على  السؤال الاختيارى بالعودة  فدعونى اسألكم  متى ستجبرون على العودة للوطن ؟؟؟ اقصد ما هو الشىء  الذى سيجعل لكم إختيار العودة شىء إجبارى ؟؟؟ :lookaround:  :cool:

[اسكندراني]

ما هو الشىء  الذى سيجعل لكم إختيار العودة شىء إجبارى ؟؟؟

قرار سيادي اما من الدوله المضيفه (مثال: ماحدث في قطر في التسعينات او ماحدث في امريكا بعد 11سبتمبر2001 )

واما من دولتنا (مثال: ماحدث ايام السادات عندما تم سحب جميع المدرسين من ليبيا)

[Set_Amina]

أنا أعتقد ان الرجوع الى وطننا لو ربنا كتب لنا العمر يكون على المعاش بشرط أن يكون العائد مأمن على نفسه تأمينا صحيا شاملا ،، بمعنى أن تكون امكانية العلاج متوفرة بالكامل

ربنا يدينا ويديكم الصحة والعمر ونعود برغبتنا ان شاء الله

شكرا اختي اتس مي على عنوان الطبيب وربنا يسهل واعرف اروح له وانا في مصر مع ان الاجازة بتكون معفرته وقبل ما انسى دعوتك لزيارة النمسا قبل اتمام البدل مؤكدة وبجد

[عادل أبوزيد]

[b:post_uid0] قرات هذا الموضوع باكمله مرة اخرى من عدة ايام - اثناء هوجة مؤتمر الحزب الوطنى - و قراته قبلها عدة مرات - على -  اجزاء و الحق اقول لكم لقد مررت بكل هذه المناقشات  فى خلال مراحل عمرى المختلفة  و مررت بنفس الحيرة و رايتها فى عيون اصدقائى فى الغربة

و لكنى اصدقكم القول  كنت محظوظا اننى فى فترة مبكرة من حياتى  و كنت و قتها فى لندن  و كنا نفكر فى شراء منزل -  جملة اعتراضية كنت اقطن وقتها فى شقة  بايجار ثابت و رخيص يماثل ايجارات  عمارات القاهرة الخديوية الآن اى بملاليم - وواجهتنى رفيقة العمر بسؤال  بسيط   اين تريد قضاء فترة المعاش  و ببساطة شديدة و تلقائية قلتلها  فى مصر  و اتبعتها بكلمة طبعا  و بذلك حسمنا قضية مصيرية  فى مرحلة مبكرة من العمر  و بعدها قدر لى ان اذهب الى الإمارات فى عمل خاص  و قد اوصانى الجميع  ان اكون حريصا على اخذ مستحقاتى لدى العملاء الخليجيين ايا كان مستواهم اولا باول و نقدا  (نصيحة غريبة  اليس كذلك ) بعد فترة شهور قليلة  وجدت ان عائد الموظف هناك فى شركات البترول يربو على دخلى من العمل الحر مرات عديدة اضف لذلك  انه كان يجب على ان ابقى مدة احدى عشر شهرا خارج بريطانيا حتى لا تحتسب ضرائب على دخلى   ....  لا اريد ان ادخل و احكى قصة حياتى  ...   فكرت و اقتنصت فرصة عرض من احد العملاء و توظفت فى شركة بترول و اخذت كل مزايا العاملين الأوروبيين بما فيها من تذاكر السفر السنوية و الأجازات الخ  نسيت ان اقول اننى طوال بقائى فى بريطانيا لم اتمكن ماديا من زيارة مصر الا مرة واحدة فى عشر سنوات

و فى الخليج  لم اكن دودة ادخار مثل الموظفين المعارين و لكنى عشت حياة جيدة  ..  و مثل الجميع عرضت على افكار الهجرة الى كندا او استراليا  او امريكا  و لكنى كنت ثابتا فى رفض الهجرة

ووصل ولدى الأكبر الى الثانوية العامة و نال ال IGCSE  بدرجات عالية

و كان القرار  استقالت رفيقة العمر - و كان مرتبها جيد جدا - و عادت الى مصر مع الولدين  و رفضت اى نصيحة بان اعطى الولد الآخر نفس فرصة الأول  فى التعليم  و قلت كل واحد بنصيبه

ارى انى اطلت عليكم  و مازال هناك الكثير الذى اريد قوله   و خاصة لب الموضوع و هو العودة الى مصر كيف تمت  و كيف وجدتها  و الى اى مدى انا راضى او نادم على قرارى

استسمحكم ان اكمل فى مداخلة اخرى  ربما اليوم او الغد[/b:post_uid0]

Edited By Adel Abuzaid on Sep. 20 2002 10:06pm

[itsme_1666]

السلام عليكم و رحمة الله و بركاته  :D

الاخ  اسكندرانى  والاخت الست امينة  يعنى انا شايفة فى الحقيقة ان  عندما تجبروا على العودة  فسوف يكون الموقف  فى منتهى الصعوبة  فى لملمة  مدخراتكم و إقتلاع جذوركم فجأة ولكن عندما تأخذوا قرار العودة  بشويش  وبمنتهى الترتيب  سيكون  الموقف اسهل بكثير و تضمنوا  ان يكون هناك  اقل  الخسائر و يمكن الاخ adel abuzaid يفيدنا كتير بإعتباره من الناس الى  قرروا  العودة بمحض إرادتهم  و اعتقد انه راضى بما  قرر  وأنا شخصيا فى إنتظار ان يكلمنا عن تجربته  و طريقة تقبله و تقبل الاسرة للوضع الجديد بالإستقرار فى الوطن بعد غياب  وعقبالنا جميعا يا رب  و خاصة إنى من الناس الى ماشيين فى نفس الطريق  :lookaround:  :lookaround:  :lookaround:

[أسد]

يستطيع بعض المصريين أن يعيشوا خارج مصر ..

ولا يستطيع كل المصريين أن يعيشوا خارج مصر ..

نفس الكلام قد ينطبق على أي شعب من شعوب العالم ..

فالوطن في حد ذاته .. هو الملاذ لجميع الشعوب والأجناس ..

الحنين للوطن شئ غريزي ..

يجري في العروق ..

نحن نحب مصر .. لأنها وطننا ..

ولكننا غاضبون من بعض ما يجرى فيها ..

نفس المتعة التي نشعر بها عندما نذهب إلى إوروبا ونرى النظافة والجمال .. والنظام .. واحترام حقوق الإنسان ..

نراها في عيون  السائحين .. وهم يستمتعون بالشمس .. والأهرامات .. والصحراء .. في بلادنا ..

ولكن في النهاية ..

انه الوطن ..

الوطن ..

أو حضن الأم .. الدافئ ..

قد تكون الأم مريضة .. وهزيلة .. وعجوزة .. ولا تقوى على الحركة ..

ولكن ما أدفأ حضنها ..

وما كل هذا الحب فيه ...

[Arabisc]

سلام عليكم

الذي يعيش بإحدى  الدول عشرة شهور و يعود لمصر شهرين في كل سنة . هل يعتبر فعلا مغترب ?

[Spider]

يسعدنى أن أشارك ولو بكلمات قليلة فى هذا الحوار الشيق

فأذا كنتم تبحثون عن اّراء أذا كنتم ستعودون أم لا فسوف أقول لكم رأيى وأجرى على الله

لا تعودوا وأنظروا ألى المستقبل بنظره متأنية

وأذا كنتم تخافون على أولادكم من أختلاف العادات و التقاليد فى البلاد التى تعيشون فيها

فأنى أءكد لكم أن الفساد فى مصر الآن لايقتصر على العادات و التقاليد ولكنه توغل فى كل نواحى الحياة

أصبح المال الآن هو المحرك الوحيد لفعل أى شىء وكل شىء ولا عزاء على تقاليد أو تعاليم دينية فى مصر المحروسة

أصبح الأهمال و اللامبالاة هما صفتان متلاذمتان لمعظم أفراد الشعب وأصبح حلم الصغير قبل الكبير أن يغادر تلك البلده الأمنة ليبدأ حياه نظيفة فى مكان أخر

لا تعودوا لبلد أكلها و مص دمائها و دماء شعبها ولاة أمرها

ويموت كل فرد من أفرادها فى اليوم مائة مرة

وختاما اليكم هذا الفاصل الذى له صله وثيقة بما ذكرت

بعض من كل

كل الحب والتقدير و التوفيق :D  :D  :D

[itsme_1666]

مساء الخير عليكم  :D

الاخ syd

يعنى انا معاك ان الشوق للوطن شىء غريزى و يمكن  إالاحساس بالأمان فى وطنا  و لو القليل منه  يزيد من شوقنا للوطن  :th:   لكن العيوب التى نلمسها فى مصرنا الحبيبة   وعدم وجود بصيص من الامل فى الإصلاح القريب يجعل  قرار الرجوع لكثير من الناس   قرار مصيرى صعب إتخاذه    :lookaround:

ولكن هناك من يجبر على العودة و هناك من ليس له البديل فيعود مضطرا  وعليه تقبل  احضان الام الهزيلة لعله يجد   قليل من الدفىء و الامان  :th:

انا فى إعتقادى يا اخ ارابيسك ان الاغتراب هو إحساس إكثر منه  مدة زمنية تقضيهاا بعيد عن الوطن  يعنى انا اعتبر من يغيب عن مصر عشر شهور و يقضى فيها شهرين  هو مغترب أيضا ..فى دول الخليج المغترب لا يحق له ان يحتفظ بجواز سفره معه  فهل هناك غربة اكثر من ذلك ؟؟؟؟؟ :sneaky2:

[itsme_1666]

اخ  spider

سؤال من فضلك  ???  حضرتك عايش فين ؟؟وإذا وضعت عيوب و مميزات  بلدنا فى كفة و عيوب  و مميزات البلد الى حضرتك عايش فيها فى  كفة , كفة مين الى ترجح؟؟؟؟

[Spider]

الأخت اتس مى

أنا من الذين يموتون فى اليوم مأئة مرة

وحينما أشتركت فى تلك المحادثة لم يطلب منى أحد الأشتراك برأيى و لم أكن أنا مجبرا على الأدلاء برأيى هنا

أننى مؤمن بكل كلمة قلتها سابقا

وأنا لن يضيرنى شىء أذا عاد الأخوة الغتربين من الخارج أم ظلوا هناك

أن أسوأ شىء فى الحياة أن تفقد حقوقك وأذا حاولت أن تطلبها سيقطع لسانك

هذا هو الحال فى مصر

لقد تم أغتيال كرامة كل مصرى والناس بلا حراك

لقد فقد المواطن المصرى أبسط حقوقه فى أنتخاب من يحكموه ولهذا فهم لا يعنوا شىء بالنسبة لعلاة القوم الآن

والشعب لا يستطيع أن يأخذ حقوقه من حكامه ولذلك بدأوا ينهشون بعضا

للأسف أصبحت نسبه كبيرة من الشعب المصرى ينطبق عليهم كل ما قلت

وفى الختام أقول أن نوعية الناس التى يمكن أن تعيش فى تلك الظروف

أما فقير معدم بالكاد يدبر قوت يومه هو وأسرته

أو حاكم وجد فى مصر كنز قارون فقرر أن يعيش فيها للأبد

أو شخص مصرى صميم قرر أن يخوض معركته ببساله ضد الطغيان

أو أخر وجد فى النفاق ثروة و عبادة

أو أخر يملك المال ولا يفكر فى شىء أخر ألا راحته الشخصية

أو من يملك المال وسافر وأستقر فى الخارج ولكنه قرر العودة ألى وطنه الحبيب

أو أخر يرتب لأن يهاجر

أنا هنا ليس لكى أصنف الناس ولكن لأقول أنا الشعب المصرى فقد كل شىء  حتى الكرامة :(  :D

أصبح النفاق والكذب عادة ملاذمة لمعظم المصريين ???

أخيرا أريد أن أقول أن الحياة فى الغربة بكرامة أفضل مائة مرة من العيش فى وطنك دون كرامة :dozingoff:  :dozingoff:  :dozingoff:  :dozingoff:  :dozingoff:

تحياتى