حكايه غريبه

[eslam elmasre]

السلام عليكم

اسمحوا لي ان اسرد لكم تلك القصه واريد من حضراتكم ان تشاركوني الرأي

هذه قصه انسان تقابلت معه في الحياه

كان هذا الرجل يثير اعجابي فقد كان هذا الرجل في قمه الورع فهو يصلي الصلاوات الخمس في المسجد وكان دائما ما يجلس بعد صلاه الفجر حتي الشروق يقرأ القرأن ويسبح ربه وقت الشروق وكان لا يترك صيام يومي الاثنين والخميس والايام البيض وكان يقضي وقته دائما في ذكر الله

كان بمفهوم الاسلام المظهري مؤمن صالح الايمان ورع

واذكر انني ما دخلت عليه يوما الا ووجدته يفتح كتاب الله يقرأ ويرتل

الي ان حدث امر بمثابه الفاجعه بالنسبه لي وستكون ايضا فاجعه بالنسبه لكم

اثناء جلوسي مع احد الاصدقاء في محله رأيت هذا الرجل يدخل المحل المقابل لمحل صديقي وانا اعلم ان هذا المحل هو محل لبيع الخمور فتعجبت من هذا الامر وتسائلت بفضول ( ما هو الذي يدفع رجل مثل هذا حتي لدخول محل مثل هذا )واعتقدت بنظرتي بناء علي المعلومات المتاحه لي انه لا يمكن ان تكون هناك علاقه من اي نوع بين هذا الرجل وهذا المحل انه محل لبيع الخمور وهذا رجل تقي ورع

الي ان تنبهت لصوت صديقي وهو يقول لي انت سرحان في ايه ثم نظر الي ما انظر اليه فوجدني شاخص بصري نحو محل الخمور الي ان خرج ذلك الرجل التقي الورع وانا حيرتي وفضولي وصلا الي ذروتهما ثم قال لي

انت بتبص علي ايه

قلت له

اصل فيه حاجه غريبه حصلت دلوقتي

فيه واحد جارنا وانا اعرفه دخل عند محل الخمره اللي قدامك دلوقتي

ثم نظر صديقي الي المحل وشاهد الرجل عند خروجه من المحل

ثم رأيته يضحك وقال لي

انت تقصد عم ؟؟؟؟؟؟ اه ده يبقي تاجر الجمله اللي بيجيب الخمره لعم ,,,,,,,

قلت له وانا قد تسمرت مكاني وازدادت حيرتي وذهولي

تاجر جمله خمره انا مش فاهم حاجه

قال لي

انا افهمك

عم ؟؟؟؟؟؟ ده يبقي مش تاجر جمله وبس ده بيصنع الخمره ويوردها لمحلات الخمره كلها وهو متخصص في نوع معين من الخمره وهو الوحيد اللي بيعملها في البلد واسعاره اقل من المستورد عشان كده كلهم بيتعاملو معاه

قلت له

ازاي ياعم تاجر خمره ايه وبلا ازرق ايه

ايه الكلام اللي انت بتقولو ده انت اكيد بتخرف

ده انا ما شوفتش اصلح من الراجل ده ولا تقوي زي الراجل ده ولا صلاح زي الراجل ده انت اكيد بتخرف

قال لي

انا عارف كل الكلام ده ومش كده وبس ده عمروا ما حط الخمره علي بؤه ولا بيدخلها بيتوا

قلت له

انت حيرتني اكتر وزودت زهولي

قال لي

انا هاحكيلك حكايتوا كلها

الراجل ده كان متجوز وكان شغال لغايه ما جالو مرض وحش خلاه يسيب الشغل بتاعو وقعد في مرضه ده اكتر من 3 سنين نايم في السرير وكان بيستلف من طوب الارض عشان يتعالج ويأكل عياله

وبعد ما خف كان مطلوب منو يرد الديون وبردوا يأكل عياله

اعد يدور علي شغل ما لقاش وطبعا ضغوط الديانه شغاله عليه وضغوط عياله اللي عايزين ياكلو شغاله عليه ولما الدنيا ضاقت بيه لقي باب مصنع الخمره مفتحلو قام شغال فيه وحط لنفسو مبدأ انو ما يشربهاش

وبعد كده قدر يسدد ديونه ويأكل عيالو ويعيش زي مانت شايف

يصلي ويصوم ويقرأ القرأن ويصنع الخمره ويبيعها بس ما بيشربهاش

قلت له

يعني هو بقالو اد ايه علي الوضع ده

قال لي

اكتر من 25 سنه

قلت له طب لما كان مضطر يمكن كان ليه عذر لكن بعد ما انصلح حالوا وبقي عندو بيوت واراضي وعيالو بياكلو كويس وسدد ديونه

ايه اللي مخليه مستمر

قال لي

ممكن تسألو السؤال ده

الي هنا وانتهت القصه الغريبه

وانا طبعا ما قدرتش اسألو السؤال ده وقلت اطرح السؤال ده يمكن الاقي حد يجاوبني

قصة هذا الرجل هي قصه حقيقيه وليست من الخيال وهي قصه من يدفعه العوذ للانحراف وهي قصه تتشابه مع قصص المرتشين واللصوص وقطاعي الطرق الذين قبل ان يسرقو يقولون بسم الله وعلي بركه الله وكلهم ثقه ان هذا رزق من عند الله

قصه الازدواجه في التعامل مع الدين علي اعتبار ان الله غفور رحيم وان رحمته وسعت كل شيء

قصه ما نبت من حرام فالنار اولي به

هل يمكن فصل العمل عن الدين حتي وان كان صانع خمور او قاطع طريق تحت بند العوذ وضيق الحال وديون الدائنين

اعتقد انه موضوع يستحق النقاش

والسلام عليكم

اسلام المصري

[Amr Radwan]

كلامك صح يا زميلي العزيز .. هناك ازدواجية ..

و انا ظهر لي الكثير و الكثير من هذه الحالات و لكن و بعد تجارب مريرة .. وصلت الي الحل ..

الحل هو الا تقوم بربط بين التقوي و الورع الظاهري بما في القلوب ..

يعني مش علشان لقيت واحد بيصلي و بيصوم و مربي دقنه ده معناه انه كده في تعاملاته الاجتماعية و الحياتية .. لا طبعا .. دي حاجة و دي حاجة .. و لازم تفصل بين الاتنين .. و لازم تعرف ان هناك الكثير و الكثير من النصابين و المحتالين يختبئون خلف هذا القناع .. قناع الورع و الصلاح و قراءة القران و صوم التطوع ..

كلامي هذا ليس معناه ان كل من قام بهذه الصور الاسلامية يكون غير سليم النية .. و لكن ما ادعو اليه ان لا تخدعنا مظاهر الناس بالباطل و ان نتعامل مع الناس من خلال الواقع الملوس و ليس المظهر المرئي .

بالاضافة الي انني دائما احب ان انظر الي هؤلاء علي انهم بشر و ليسوا ملائكة .. اي انهم قد يخطئون و قد يقومون بافعال و تصرفات لا تمت الي الاسلام السمح او الي الفضيلة بصله مع انهم يلبسون عبائة التقوي و لكنهم كما ذكرت ... بشر .. مثلنا تماااما .. قد يخطئون ...

المصيبة و الطامة الكبري هي التعميم .. اي اننا عندما نجد افلام "عادل امام" تتناول بعض المشاكل الاجتماعية و القضايا في حياتنا تجد انه لابد من ظهور احد المتدينين في الشكل السابق الذي ذكره الزميل صاحب الموضوع .. و هي صورة خاطئة خاطئة خاطئة .. ليس لانها تعرض صور سيئة عنهم بل لانها تقوم بالتعميم علي كل المتدينين و الملتزمين .. و بعد مشاهدتك للفيلم تجد ان نظرتك لاي ملتزم يذهب للصلاة في المسجد علي انه (ظاهريا ملتزم) و انه (داخليا شيطان) .. و هي صورة غير سليمة بسبب التعميم .

تحياتي لكم جميعا

[eslam elmasre]

الاخ الفاضل عمرو رضوان

هذا الموضوع من اعقد الموضوعات التي صادفتني في حياتي والتي وقف تفكيري فيها كثيرا بالعجز عن الوصول لقناعات او تفسير او التماس اعذار

هذا الرجل يعرف ان الخمر حرام والخمر بالذات من المحرمات التي فصلت تفصيلا

واحجامه عن الذهاب للحج لبيت الله من هذه الاموال هو ابلغ دليل علي وعيه وادراكه لما يفعل

ولكن العوذ قد يدفع الانسان لاقتراف المحرمات ولكن بزوال الاحتياج ما الذي يدفع الانسان للاستمرار في اقتراف المحرمات

وكل السارقون والمرتشون وقطاع الطرق يدركون ان ما يفعلونه ليس من الدين ولم يأمر به الحق تبارك وتعالي

ولكن لاستدامتهم علي فعل الحرام وصلوا الي انهم مردوا علي ذلك ووصلوا الي ما هو افظع من ذلك وصلوا الي الايمان به وطلب التساهيل من الله لكي يسهل لهم رزقهم وان مشروعيته صارت من عند الله

وهذا ما شاهدته من المرتشون الذين يصومون رمضان ولا يمنع صيامهم حصولهم علي رزقهم والمطالبه به بنفس الاسلوب قبل الصيام وبعد الصيام والصيام لم يغير فيهم قدر انمله

واذا كانت صلاته وصيامه لم يمنعانه عن افعاله فماذا ياتري يمنعه عن ذلك

وهل يمكن الفصل بين التعبد لله وبين اكل اموال الناس بالباطل او التكسب بما يغضب الله تبارك وتعالي

والحيره كبيره وتجعل عقلي يسبح في خيال وتساؤلات اكثر جرأه

مثلا

ايهما اهم اداء العبادات اليوميه لله مصحوبه باكل اموال الناس بالباطل

ام اهدار العبادات واعطاء كل ذي حق حقه

اعلم ان ان هناك من الاخوه من سيقول ان العبادات لله اهم وانا معهم في ذلك ولكن ما جدوي العباده لله بصورها الرمزيه والقوليه والعمليه مصحوبه باكل مال هذا وسب هذا والتجسس علي هذا واغتياب هذا

ولو شاهدنا انسان يفعل كل ذلك ولكنه لا يصلي و لا يصوم فكلنا نقول عليه انه عاصي او فاسق

مازلت في حيره من امري واطالب بالاستعانه بصديق يفك حيرتي

[شاب مصري]

طيب الراجل كان يعمل ايه؟

يمووت هو وعياله ولا يخش السجن؟

طيب بعد ما سدد ديونه هل كان قدامه في البلد دي سكة حلال ؟

هو مش الضروروات تبيح المحظورات ؟ ولا ايه ؟

وبعدين القادعة بتقول ان (اذا رأيتم الرجل يرتاد المساجد فاشهدوا له بالايمان) ومش هنفتش في قلوب وايمان الناس ومش هندور وراهم احنا لينا الظاهر مع بعض الفطنة طبعا.

[MoHaMMeD EgYpT]

هو كان لقي طريق يسد ديونه بيه من الحلال ؟؟ اكيد لا فالضروريات تبيح المحظورات اما بقا بعد ما سد ديونه الله اعلم هو ليه ما سابش الشغلانة دي ؟؟ مش ممكن ما يلاقيش شغلانة تانية لانه بقا عنده خبرة في صناعة الخمرة و من كلام حضرتك باين عليه بقا كبير في السن يعني صعب يغير شغله و يدور علي شغل من جديد و العيب مش فيه العيب في اللي سمح له يصنع الخمور و يبيعها

[Amr Radwan]

ضرورات اية و محظورات اية يا جماعة ؟؟!!؟ اتوقع ان الانسان المسلم الحق اللي بيعرف ربنا .. لما يقع في مشكلة كبيرة او صغيرة بيرجع لربنا و يستغفره و يتوب عن ذنوبه و التي قد تكون هي السبب في المشاكل اللي هو فيها .. مش انه يعصي ربنا و يبيع خمرة ..

علي فكرة باب ربنا واسع و رحمته فوق كل شئ و ربنا سبحانه و تعالي اعطانا الكثير و الكثير من الوسائل لطلب اي مطلب في الدنيا او الاخرة .. منها الدعاء و الاستغفار و قيام الليل و صلاة الفجر و الصدقات .. و فك كرب الناس و .. و .. .. كل الفكرة انت كمسلم لازم تحاول تصلح اللي بينك و بين ربنا عشان ربنا يرضي عنك و يفرج كربتك مش انك تبيع خمرة !!!!

اما بالنسبة لموضوع الفصل بين الظاهر للناس و ما تخفيه الصدور .. لا تستطيع ان تفصل فيها و لكن النصيحة لك بصدق .. ان تتعامل مع الكل بنظام .. المتهم متهم الي ان تثبت براءته .. يعني مش عشان لقيت واحد بيصلي و بيصوم و مطلق اللحية تتوقع انه ملاك .. لا طبعا .. لازم تعمل حسابك انه ممكن يطلع شيطان متخفي و يتحدث اليك بالقران و السنة و يدعوك الي الخير و في النهاية تجد انه نصاب او مرتشي او بائع خمر .. و لكن الحذر .. الحذر .. الحذر من التعميم .. اي انك اذا وجدت احد هؤلاء المنافقين في موقف ما في حياتك فيجب الا تعمم هذه الصفه علي كل من هو ملتزم ظاهريا .. فقط تعامل معه بحذر .

[الجدار]

الضرورات تبيح المحظورات

جمله جميلة واسعة ومطاطة ممكن تدخَّل جواها مليون تبرير للي بنعمله

يعني هو ربنا اللي خلق الكون ده كله ماكانش عارف -سبحانه- ان الضرورات تبيح المحظورات

في مليون طريق للحلال ومليون طريق للمكسب

مش لاقي نفسي متعاطف مع الراجل ده ولو للحظة

شوف كلنا في حياتنا العادية عندنا شيزوفرينيا -الا من رحم ربي- بنصلي وبنصوم و و و وفي نفس الوقت بنكذب ونشتم ونلعن وننم ونغتاب

دي زي دي (مع اختلاف درجة الذنب)

مشكلتنا اننا بقينا نقول الدين لوحده والدنيا لوحدها

يعني على برامج كتير في التليفزيون لما تلاقي نقاش احتد ويبتدي واحد يقول قال الرسول .. التاني يقاطعة بلو سمحت خلي الدين على جنب

هي دي المشكلة اننا مش فاهمين ان الدين مش للأخره الدين علشان الدنيا ثم الدنيا ثم الدنيا ونتيجته للأخرة

توضيح بسيط الضرورات تبيح المحظورات ليست بحديث نبوي وانما قاعدة شرعية

قال الـ د. محمد بن حسن الجيزاني (أستاذ أصول الفقه في الجامعة الإسلامية بالمدينة النبوية)

"والواجب إزاء حالة الاضطرار أمور ثلاثة:

الأول يجب اتخاذه قبلها، والثاني معها، والثالث بعدها:

أما الأمر الذي يجب فعله قبل الوقوع في الضرورة فهو التثبت من وقوع الاضطرار، وذلك بتعذُّر البدائل المباحة، وتعين ارتكاب المحظور الشرعي.

وأما الأمر الذي يجب فعله أثناء الضرورة فهو الاقتصار منها على القدر الذي يرفع الضرر، دون زيادة ولا اعتداء.

والأمر الثالث الذي يجب بعدها هو السعي الدؤوب الجاد لإزالة هذه الضرورة، وبذل الجهد في سبيل رفعها، وعدم الركون إلى الترخص والاستسلام له والطمأنينة إليه.

والله الموفق، والحمد لله رب العالمين."

تم تعديل 11 أبريل 2009 بواسطة الجدار

[Amr Radwan]

الضرورات تبيح المحظورات

جمله جميلة واسعة ومطاطة ممكن تدخَّل جواها مليون تبرير للي بنعمله

يعني هو ربنا اللي خلق الكون ده كله ماكانش عارف -سبحانه- ان الضرورات تبيح المحظورات

في مليون طريق للحلال ومليون طريق للمكسب

مش لاقي نفسي متعاطف مع الراجل ده ولو للحظة

شوف كلنا في حياتنا العادية عندنا شيزوفرينيا -الا من رحم ربي- بنصلي وبنصوم و و و وفي نفس الوقت بنكذب ونشتم ونلعن وننم ونغتاب

دي زي دي (مع اختلاف درجة الذنب)

مشكلتنا اننا بقينا نقول الدين لوحده والدنيا لوحدها

يعني على برامج كتير في التليفزيون لما تلاقي نقاش احتد ويبتدي واحد يقول قال الرسول .. التاني يقاطعة بلو سمحت خلي الدين على جنب

هي دي المشكلة اننا مش فاهمين ان الدين مش للأخره الدين علشان الدنيا ثم الدنيا ثم الدنيا ونتيجته للأخرة

توضيح بسيط الضرورات تبيح المحظورات ليست بحديث نبوي وانما قاعدة شرعية

قال الـ د. محمد بن حسن الجيزاني (أستاذ أصول الفقه في الجامعة الإسلامية بالمدينة النبوية)

"والواجب إزاء حالة الاضطرار أمور ثلاثة:

الأول يجب اتخاذه قبلها، والثاني معها، والثالث بعدها:

أما الأمر الذي يجب فعله قبل الوقوع في الضرورة فهو التثبت من وقوع الاضطرار، وذلك بتعذُّر البدائل المباحة، وتعين ارتكاب المحظور الشرعي.

وأما الأمر الذي يجب فعله أثناء الضرورة فهو الاقتصار منها على القدر الذي يرفع الضرر، دون زيادة ولا اعتداء.

والأمر الثالث الذي يجب بعدها هو السعي الدؤوب الجاد لإزالة هذه الضرورة، وبذل الجهد في سبيل رفعها، وعدم الركون إلى الترخص والاستسلام له والطمأنينة إليه.

والله الموفق، والحمد لله رب العالمين."

100 100

[احمد عبده]

طيب ماشي الضرورات تبيح المحظورات

وبما اني مزنوق في قرشين

فرجاء من الاعضاء الافاضل انهم يحطوا عناوينهم علشان اجي اسرقكم

ايوه اسرقكم و لو قاومتو اعوركو او اقتلكو

ليه اللي انا كاتبه مش مقنع لكن كون واحد مزنوق يبيع خمرة ويسرق عقول الناس واموالهم ويؤذي صحتهم بسمه وبعدين يقتلهم بعدها كونه كده حاجة مقنعة

[abaomar]

طيب ماشي الضرورات تبيح المحظورات

وبما اني مزنوق في قرشين

فرجاء من الاعضاء الافاضل انهم يحطوا عناوينهم علشان اجي اسرقكم

ايوه اسرقكم و لو قاومتو اعوركو او اقتلكو

ليه اللي انا كاتبه مش مقنع لكن كون واحد مزنوق يبيع خمرة ويسرق عقول الناس واموالهم ويؤذي صحتهم بسمه وبعدين يقتلهم بعدها كونه كده حاجة مقنعة

السلام عليكم

الاخوه الكرام جزاكم الله خيرا

يا احمد روح اقف فى ميدان المطريه مثلا بعد صلاه الفجر و اشتغل فى الفاعل و اكسب بالحلال كثير او قليل

اكيد هايكون افضل من السرقه و القتل .

تلك هى المشكله الافندى اللى راح اشتغل فى الخمور كان ممكن يشتغل اى شغلانه ..اكرر .. اى شغلانه شريفه

و لو حتى يلم دوده قطن ..اى حاجه حلال و الشغل و الله ما فيهوش عيب .

و الله رايت امرأه تعمل فى بيع انابيب البوتاجاز و كانت تحملها على راسها و تصعد حتى الدور السادس

و كان منظرها يوحى بمدى الاجهاد و التعب و لكنى و الله احترمتها ايما احترام .

هذا هو المطلوب ..اعمل بشرف و الله سوف يكرمك ..اما من يقول انه لم يجد سوى باب الخماره و الت لم تجد سوى

باب الكباريه فدول لا مؤاخذه ............. و لا بلاش .

.على ما اتذكر المحظورات نقربها لحمايه النفس من الموت كشرب الخمر او اكل الخنزير

اما من يستسهل ف.........

[MoHaMMeD EgYpT]

طيب ماشي الضرورات تبيح المحظورات

وبما اني مزنوق في قرشين

فرجاء من الاعضاء الافاضل انهم يحطوا عناوينهم علشان اجي اسرقكم

ايوه اسرقكم و لو قاومتو اعوركو او اقتلكو

ليه اللي انا كاتبه مش مقنع لكن كون واحد مزنوق يبيع خمرة ويسرق عقول الناس واموالهم ويؤذي صحتهم بسمه وبعدين يقتلهم بعدها كونه كده حاجة مقنعة

يعني الرجل يدخل السجن و يسيب عياله و مراته من غير فلوس

[eslam elmasre]

السلام عليكم

وهذه قصه ينطبق عليها قول الحق تبارك وتعالي

(..........وَمَن يَتَّقِ اللَّهَ يَجْعَل لَّهُ مَخْرَجاً) (الطلاق : 2 ) (وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً) (الطلاق : 3 )

كان هذا الرجل يعمل في شركه تنتج الخمور (شركه الكروم المصريه ) وكان يصنعها في بيته وكان يتعاطها صباحا ومساء

كان عمله في الخمور يدر عليه عائدا سخيا كل يوم ولكنه كما كان يكسب سريعا كان ينفق ايضا سريعا

لم يحس يوما انه امتلك الدنيا او مفاتيحها بعمله في الخمور

كانت حياته خمور في خمور الي ان تنبه لنفسه وبدأت مرحله التفكير والضمير

الي متي والي اين وكيف الخلاص

لديه بنات علي وش جواز (اربعه) وهو مثله مثل غيره ممن يعملون في تلك الصناعه يعرف ومتيقن من ان ما يعمله حرام ولا لبس فيه او تمويه

هل يستمر في اطعام اولاده من حرام واتخذ قرار الاصعب في حياته الفاصله

الامتناع التام عن تصنيع الخمور في البيت

الامتناع التام عن شرب الخمور

كانت مرحله من اصعب المراحل في حياته

كان يحارب الدنيا كلها

كان يحارب شيطانه

كان يحارب ادمانه

كان يحارب اصدقاء السوء

كان يحارب قله دخله

وفوق كل هذا

كان يحارب نفسه

ثم جاء الي القرار الاصعب عليه الا وهو ترك هذا العمل نهائيا

وبعد ان خرج واصبح كما يقولون (في الشارع)

ابتلي بالبطاله وبعد فتره رزقه الله بالعمل ولكن كان عملا شاقا لم يعهده

لقد كان انسان مرفه وعمله في الخمور لا يكلفه مجهود عضلي كبير اما عمله الجديد فكان في شركه حديد كان يعمل شيالا او قل عمل يحتاج الي مجهود وصحه لم يعهدهما من قبل

قبل الاختبار والتحدي وكان حصاده هو زواج بناته الاربع وشوارهن وتجهيزهن بشكل لم يكن يتخيله او يتوقعه حتي ان اصدقائه كان ظنهم انه لديه اموال من فترة عمله في الخمور كان يرتكز عليها ولكن الحقيقه انه كان ينفق ما يكسبه من تجارته في الخمور اول بأول ولم يستطع ادخار جنيه واحد في تلك الفتره

وخلاصه ما اريد قوله هو اذا كنا مؤمنين بالله حق ايماننا به فلابد من اليقين من انه وحده مقسم الارزاق وان كل من علي الارض له رزقه المقدر له ولن يحصل علي ازيد منه او اقل منه قدر انمله

اليقين بالله يجعلنا نحجم عن اكل الحرام ولا نخشي الاملاق او الفقر لاننا لن نحصل الا علي ما كتبه الله لنا

يقول الحق تبارك وتعالي

(وَلْيَخْشَ الَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافاً خَافُواْ عَلَيْهِمْ فَلْيَتَّقُوا اللّهَ وَلْيَقُولُواْ قَوْلاً سَدِيداً) (النساء : 9 )

لاحظ اخي الكريم ان العلاج واضح والحل واضح وضوح الشمس

الحل هو التقوي ثم التوكل علي الله (..........وَمَن يَتَّقِ اللَّهَ.....) (......فَلْيَتَّقُوا اللّهَ......)

المؤمن بالله حق ايمانه هو المتيقن من ان الله لن يخذله ولن يظلمه

والمؤمن بالله حق ايمانه هو الذي يعرف ان نتيجه اتقائه الله والخوف منه هو الطريق للمخرج والخروج من الوحل ومن اكل الحرام

اذا كنا مؤمنين بالله حقا فيجب ان نؤمن بذلك بالقول وبالفعل

[hOuSsAm]

الاخوة الزملاء

انا متفق جدا مع الاخ عمرو انه مفيش سبب يخليه يعمل اللى بيعمله0 الناس اللى بتعمل خير كتيرة اوى ولوكان دور كان هيلاقى اللى هيساعده او يشغله

الاخ اسلام انا شايف من وجهة نظرى المحدودة انك واجب عليك دلوقتى انك تروح تنصحه (من راى منكم منكرا فليغيره بيده وان لما يستطع فلغيره بلسانة وان لم يستطع فبقلبه وهذا اضعف الايمان) لعل وعسى تكون انت السبب فى هداية الراجل ده وبكدة تاخد ثواب (لأن يهدى بك الله رجل خير مما طلعت عليه الشمس)

بس ايه بقى نصيحة الزملاء بافضل دخلة حديث مع الراجل بحيث نراعى مشاعره وفروق السن

؟؟؟؟

هل من مشمر,,,,,,,

[Alshiekh]

السلام عليكم

اسمحوا لي ان اسرد لكم تلك القصه واريد من حضراتكم ان تشاركوني الرأي

هذه قصه انسان تقابلت معه في الحياه

انت تقصد عم ؟؟؟؟؟؟ اه ده يبقي تاجر الجمله اللي بيجيب الخمره لعم ,,,,,,,

عم ؟؟؟؟؟؟ ده يبقي مش تاجر جمله وبس ده بيصنع الخمره ويوردها لمحلات الخمره كلها وهو متخصص في نوع معين من الخمره وهو الوحيد اللي بيعملها في البلد واسعاره اقل من المستورد عشان كده كلهم بيتعاملو معاه انت حيرتني اكتر وزودت زهولي

قال لي

الراجل ده كان متجوز وكان شغال لغايه ما جالو مرض وحش خلاه يسيب الشغل بتاعو وقعد في مرضه ده اكتر من 3 سنين نايم في السرير وكان بيستلف من طوب الارض عشان يتعالج ويأكل عياله

وبعد ما خف كان مطلوب منو يرد الديون وبردوا يأكل عياله

اعد يدور علي شغل ما لقاش وطبعا ضغوط الديانه شغاله عليه وضغوط عياله اللي عايزين ياكلو شغاله عليه ولما الدنيا ضاقت بيه لقي باب مصنع الخمره مفتحلو قام شغال فيه وحط لنفسو مبدأ انو ما يشربهاش

وبعد كده قدر يسدد ديونه ويأكل عيالو ويعيش زي مانت شايف

يصلي ويصوم ويقرأ القرأن ويصنع الخمره ويبيعها بس ما بيشربهاش

قلت له

يعني هو بقالو اد ايه علي الوضع ده

قال لي

اكتر من 25 سنه

والسلام عليكم

اسلام المصري

ايه ياعم اسلام ، ده انت كده مصاحب ناس مليارديرات ، ناس عندهم مصانع خمرة ومحتكرين الصنف.

وياترى مصنع الخمرة ده فيه عمال اد ايه بيشتغلوا فيه؟ وليه عم ؟؟؟؟؟؟؟؟؟؟؟؟؟؟؟؟؟؟؟؟؟ ماعندوش اسطول عربيات للتوزيع ليه؟ وليه بيوزع بنفسه؟ والا يمكن مش عايز يركب الناس اللى حاتشتغل عنده ذنوب الجمع والعصر والتخمير والتعبئة والتوزيع؟ وهل ياترى ياهل ترى كل واحد تعب وساب الشغل يرجع بعد الشفاء يشتغل حرامى او فى شغلانة والعياذ بالله ضد دينه ومبادئه؟

وبعدين عم ؟؟؟؟؟؟؟؟؟؟؟؟ اللى فاتح المصحف على طول وبيصلى الليل والنهار ماقرأش حاجة عن الخمر وهو اكيد ختم القرآن خمسين ستين مرة ، واكيد حج بيت الله ، اكيد اكيد ضميره كان وجعه شوية.

عموما عم ؟؟؟ له حق عليك انك تنصحه وتعرفه غلطه وياريت تستر عليه وماتفضحهوش وربنا يقدرك على فعل الخير.

[eslam elmasre]

الاخ محمد

التفاصيل لا تهم فكونه ملياردير او مليونير ليس هذا موضوعنا

كونه يقوم بالتوزيع او التصنيع بنفسه او لديه عمال ليس موضوعنا

ليس موضوعنا الطريقه ولكن موضوعنا هو الازدواجيه في التعامل مع الدين وهذا هو الهدف من المقاله

وهذا شخص حقيقي بالفعل ولا االف قصه من خيالي

هذا شخص موجود بالفعل بيننا

هذا الشخص هو المرتشي الذي يصوم رمضان والاثنين والخميس ويحصل علي الرشوه وهو صائم ويفصل بين الدين والعمل

وايضا هو نفس الشخص الذي يسرق الناس ثم يتوجه للمسجد مباشره بعد اداء الجريمه ليشكر ربه علي ما رزقه وما اعطاه

ليس المقصود الخوض في الخصوصيات لهذا الرجل فلا تعنينا خصوصياته ولكن ما يعنينا ما اشرنا اليه

ثم انك تطلب مني نصحه وارشاده وانا علاقتي به لا تتعدي السلام عليكم عليكم السلام وحتي لو كانت علاقتي به متعمقه اكثر من ذلك فاري انني اجد من الحرج ما يمنعني من نصحه وارشاده لفارق السن الكبير بيني وبينه كما انني اعتقد انه لا يحتاج لنصح وارشاد لمواظبته علي اداء الفرائض وتلاوه كتاب الله والمجتمع الذي يلفظ شارب الخمر وبائعها هو اكيد يشعر بذلك

هو لا يحتاج من يقول له ان عمله حرام لانه يعلم ذلك والمرتشي يعلم ذلك والحرامي يعلم ذلك والنصاب يعلم ذلك

كلهم يعلمون وما يحتاجونه في الحقيقه هو الايمان بان العمل جزء من الدين ولا يمكن فصلهما ابدا

الاخ محمد

سؤالي لك

بصرف النظر عن حقيقة تلك القصه هل تعتقد ان تلك النماذج غير موجوده في مجتمعنا ولا نعاني منهم

طاب صباحك او طاب مساؤك علي حسب المكان اللي انت موجود فيه

[العويضات]

لا تقسى على الرجل الست فى مصر القشه التى كسرت ظهر البعير اصبحنا نحمل فوق قدرتنا جبل من المتعب الا يكفى لكسر ضهورناانا التمس لهذا الرجل العذر ولكنى لست متفق معه على الاستمرار يجب عليه الرجوع والتوبه ربنا يكون بعنا كلنا يا رب صبرنا