موقف غريب داخل المسجد

[icehearted girl]

السلام عليكم أهالي المحاورات الكرام wst:: :

شخباركم شحوالكم

إمبارح كان عندي gap قاتلة من الساعة 12 للساعة 4 كالعادة كل حد يعني

في مسجد كبير جنب الكليه كلنا تقريبا بنقضي معظم الوقت دا هناك كل أحد بردوا

وما أدراكم ما يوم الأحد

يوم النظافة العالمي للمسجد دا....بس مش زي منتو متخيلين ان فيه سيدات بتنضف وكدا

لالالا دول رجال

آه والله ..يدخلوا ويخرجوا من مصلي السيدات عادي جدااااااااااا واللي رافعة النقاب مش مشكلة

واللي بتصلي ملهمش دعوة بيها

طب احنا اخدنا علي كدا وبقينا نعمل حسابنا..إنما اللي بيدخلوا المسجد ومش عارفين ان يوم الاحد بيحصل في كدا؟؟؟

بجد يوم الاحد دا بيكون مليان خناقات داخل مصلي السيدات بالمسجد بطريقة بشعة

يعني أتذكر مرة واحد راح مخبط وداخل علي طول..ولما صحبتي بتقوله ازاي حضرتك بتعمل كدا قالها منا خبطت..

قالتله يعني انا مثلا هنهي الصلاة عشان انت تدخل؟؟

ولقينا كمان الدادا اللي بتكون قاعدة جيه بتزعقلنا وتقولنا دا شيخ المسجد ازاي تكلموه كدا mfb:

طب وهو ازاي شيخ المسجد اساسا يتصرف كدا -_-

لدرجة اننا امبارح عرضنا عليها اننا بنفسنا ممكن نقوم ننضف المسجد والله عشان بس ميكنش سداح مداح كدا

(يعني بنحاول نحمسها ان هيا تقوم تشتغل بنفسها) لكن لاحياة لمن تنادي

تقولنا لا طبعا ميصحش دكتورة تمسك مكنسة وتنضف :hi:

(تقريبا العرق التركي نطر) wst::

المهم امبارح كالعادة قاعدين بنتفرج عالمهازل اللي بتحصل

وإذا بسيدة ورجل يدخلون من باب السيدات علنا كدا عيني عينك مأنجشين بعض :blink:

آه والله مأنجشين

ودخلوا عادي جدا خلعوا الاحذية والسيدة دي جابت كرسيين وقعدوا صلوا جنب بعض جماعة

والدادا سكتة

بصراحة كلنا كننا قاعدين متهيأينلهم لما ينتهوا من الصلاة عشان نقوم نأكلهووووووووووووووووووووووووم :angry:

بس اللي حصل انهم اول مخلصوا بمنتهي الهدوء الست دي أخدته ومشيوا

وهما خارجين

إكتشفنا ان الرجل دا كان.........

كفيف :ninja:

آه والله كفيف :sad:

ساعتها إحتقرت نفسي أوي ..فعلا مش من حق اي انسان انه يحكم علي انسان زيه في أي شئ

ولا حتي يبدي رأيه فيه :rolleyes:

[Tarek_ml]

طبعا عندك حق فى عدم الحكم على احد بدون سابق معرفه ....... ولكن !!!! عما يحدث فى المساجد فحدث ولاحرج

وفى الصلاه يقول الامام القدم فى القدم وكتف فى الكتف - لاأعلم صحه هذه المقوله- ولكن اذا كان الذى بجانبى كثير الحركه اثناء الصلاه ماذا أفعل ؟؟؟؟؟

وبمجرد الانتهاء من الصلاه نلاقى واحد هاجم على الميك وعايز يقول درس .... جميل ولكن لسه فى حاجه اسمها ختام الصلاه ولسه فى حاجه اسمها صلاه السنه ...تقولشى هانجرى ..

وواحد جاى على الاقامه ومصر يصلى فى اول صف - نتزنق ونتكربس على بعض - مش مهم اهم حاجه أول صف !!!!!

وفى حاجات كثيره بنلاقيها فى كل صلاه - والله فى كل صلاه -................

والله انتى فتحتى موضوع بيلعب بسببه الشيطان فى دماغى انى اصلى فى البيت احسن !!!!!!!!

[icehearted girl]

لالالا اوعي يفندم حتي تيجي خاطة في بالك :hi:

فعلا المقيمين علي المساجد بحسهم بيجيبوا اي ناس وخلاص

دا غير ان سلوكنا كلنا داخل المسجد محتاج فعلا اعادة نظر

الغريب ان بعض السلوكيات الغريبة دي بلاقيها من كبار السن فبصراحة بخجل اتكلم معاهم

او ممكن الاقي حد بينتقضني في حاجة باسلوب صعب اوي وللاسف مبقدرش ارد بصوت عالي زيهم

يعني افتكر مرة كنت في مسجد واخدت اسدال متعلق

لقيت الدادا جيه بتزعق من بعيد بتقلي انتي استأذنتيني قبل متاخديه؟ :rolleyes: wst::

انا سكت وسبتهولها ومشيت

يعني مش هضيع الثواب اللي دخله اخده في خناقات وحوارات من دي

[doha]

بصراحة موقف في الصميم ..

تفاعلت معاك لما وصلت لآخر سطرين وكنت خلاص باقرب حاجه في ايدي واضرب وياكم بس لما عرفت انه كفيف اندلق علي جردل مية و ساقعه كمان ..

بجد خلق الانسان من عجل واحيانا الواحد بياخذ قرار ويحكم على الي امامه بالظاهر من غير مايقف لحظة ليسأل نفسه ان كان قراره صح او ان هو فاهم الامور على حقيقتها ولا في شيء لسه محتاج ينعرف الاول ..

سبحان الله احيانا بتحصل مواقف موجزه اوي بس معبره بتنبهنا لاخطاءنا بطريقة مباشرة مش محتاجه كلام او تعليق .

شكرا ليك على مشاركتنا موقفك ده واستاذنك عشان اروح انشف المية احسن بتنقط على الكيبورد ..

[icehearted girl]

بظبط والله يا ضحي قلتي اللي عوزة اقوله

إنسان=عجل

مش بقلك والله عثل كفاية ان اسمك من أجمل الاسماء....دا طبعا علشان علي إسمي :rolleyes: wst::

[د هشام ابراهيم]

ولكن !!!! عما يحدث فى المساجد فحدث ولاحرج

................

الحقيقة الواحد فعلا بيتعرض لمواقف في الجوامع تخليه كتير يفقد احساس الروحانيات و الخشوع .... في الأغلب بسبب سلوكيات الناس الغير متوافقة مع طبيعة المكان للاسف الشديد

ربنا يرزقنا جميعا حسن العبادة و زيارة بيته الحرام و نعوذ به من وساوس الشيطان

[مغتربة]

ربنا يرزقنا جميعا حسن العبادة و زيارة بيته الحرام و نعوذ به من وساوس الشيطان

للاسف استاذ هشام كل هذه السلوكيات و اسوء بمراحل بتجدها فى الحرم

اى و الله فى الحرم

للاسف انا مش عايزه احبطك

لكن بجد صدمت كثيرا و حزنت اكثر مما رايت فى الحرم من تجاوزات سواء من المصليين او من القائمين عليه

بجد تصرفات تفقدك غصبا عنك احساسك بروحانيات المكان

و هذه المشكله تتفاقم تماما وقت الذروة كالعشر الاواخر من رمضان او موسم الحج

و تجد المتطوعين فى الحرم ليس لديهم اى ادوات للتعامل مع هذا الطوفان الهائل من البشر المتنوع الخلفيات و الثقافات

هل تصدق ان احد المتطوعيين كان ينكز بقدمه مصلى و يصرخ عليه و هو ساجد لمجرد انه صلى فى غير المكان المخصص

لانه لم يجد من شده الزحام مكان اخر

حدث هذا امامى و غيره و غيره رغم ان زيارتى كانت قصيره لكن ما رايته كان كثير جدا

تم تعديل 7 أبريل 2009 بواسطة مغتربة

[nasr-badr]

الحمد لله والصلاة والسلام علي رسول الله وبعد ,,,,,,,,,,,

الأخت الفاضلة icehearted girl

موضوع حضرتك فيه شقين :

الأول :بعض التصرفات الخاطئة داخل المساجد

الثاني : هو الحكم بمجرد ظاهر الصورة

أما الأول فعلا يقوم بعض الناس سواء ممن يقومون علي خدمة المسجد ومنهم (المعينون ومنهم المتطوعون ) أو من المصلين ببعض التصرفات الغير سليمة ومنها مثلا ما حدث معي ذات مرة كنت أصلي في أحد المساجد ومعي زوجتي وأولادي ودخلت هي إلي مصلي السيدات وأثناء الصلاة سمعت صراخ طفل وبمجرد إنتهاء الصلاة أمسك أحدهم بالميكرفون بحدة داعيا كل من معه طفل ألا يأتي للمسجد لأن ذلك يشوش علي المصلين ثم تحول الموضوع إلي نقاش بين الكثير أن اللي معاه عيل يصلي في البيت وآخر يقول له يعني تمنع الناس من الصلاة في المسجد وهكذا كان هناك جدال في مكان لا ينبغي فيه الجدال ووقت كان من الأفضل أن نجعله للحمد و التسبيح والتكبير والتهليل فبعد أن ختمت وصليت السنة وأنا خارج من المسجد وجدت حلقة علي باب المسجد ما زالوا يتجادلون حول نفس النقطة فوقفت وسلمت عليهم وأذكر أنني قلت لهم تعالوا نتأسي بمن بعثه الله رحمة للعالمين يقول الرسول الرحيم " إني لأقوم إلى الصلاة .. وأنا أريد أن أطول فيها .. فأسمع بكاء الصبي .. فأتجوز في صلاتي .. كراهية أن أشق على أمه " وفي رواية لأنس بن مالك رضي الله عنه " ما صليت وراء إمام قط أخف صلاة ولا أتم من النبي صلى الله عليه وسلم وإن كان ليسمع بكاء الصبي فيخفف.. مخافة أن تفتن أمه ". هذا هدي رسول الله صلي الله عليه وسلم حتي أنه كان يحمل أمامة حفيدته وهو يصلي ولو فعلها إمام الآن فقد يحمل عليه بعض الناس إنكارا لفعله فرأيت أنه كان لكلام رسول الله صدي عند الفريقين بفضل الله و قال أحدهم ولكن ماذا نفعل ونحن يذهب خشوعنا بين لعب الأطفال فقلت يجب أولا علي الآباء بمجرد تمييز الولد أن يعلمه آداب المسجد وألا يتكلم في المسجد و هكذا وأفضل من ذلك أن تكون هناك حلقات تحفيظ القرآن وهي أجل ما تعلم الأطفال مكانة المسجد وهكذا ولكن ليس بمنع الأطفال والنساء من المساجد وقلت لهم وأنا لم أقل كل هذا الكلام لأن التي كانت تصرخ ...............إبنتي :blush2: ... هذا موقف والمواقف كثيرة جدا

وظني أن سبب ذلك قد يكون قلة الدروس العلمية في المساجد أو ضعف المستوي العلمي للمحاضرين أو تمسكهم بمواضيع شبه معلبة لا يخرجون عنها لأسباب عدة أو أن الناس أصبح يضيق صدرهم من أي شيء ..الله أعلم بالسبب الحقيقي ........

أما الشق الثاني فهناك موضوع يراودني منذ فترة وددت أن أن أطرحه في موضوع مستقل و قد فكرت فيه مع تلاوتي لسوره الكهف وعندها تذكرت خواطر الشيخ الشعراوي رحمه الله رحمة واسعة وزاد في إحسانه وتجاوز عن ذنوبه حينما شرح خواطره بشكل جديد تماما إذ ربط بين السورة وإسمها وأحداثها بأن لها رابط وخيط واحد هو أنها ..صورة و...معني فهناك صورة نراها وهناك معني وراء الصورة قد يكون المعني موافقا لها أو مناقضا يعني هاضرب مثال واحد سريع حتي لا يطول الكلام بالطفل الذي قتله صاحب موسي ( الخضر ) الصورة بشعة بينما هما يسيران فلقيا طفل برئ فقتله.. طفل يقتل بلا ذنب فهي صورة بشعة دعت سيدنا موسي أن يقول أقتلت نفسا زكية بغير نفس لقد جئت شيئا نكرا ولكن الصوره غير هذا عندما شرحها له صاحبه فقال أما الغلام فكان أبواه مؤمنين فخشينا أن يرهقهما طغيانا وكفرا فليس شرط أن توافق الصورة المعني فقد تكون الصورة جميلة جدا والمعني وراءها قبيح والعكس وأختم بقصة قرأتها منذ فترة أن سيدة كانت تجلس في صالة الإنتظار في أحد المطارات فقامت بشراء مجلة وكيس حلويات إنتظارا لرحلتها فجلست بجانبها فتاة و مدت يديها إلي الكيس وأخذت قطعه فتضايقت السيدة ولكنها صمتت وتناولت قطعه ثم مدت الفتاة يدها مرة أخري وأخذت قطعة أخري فقالت في نفسها ما أشد صفاقة هذه الفتاة حتي بلا إستئذان فنظرت إليها في غيظ وأخذت قطعة من الحلوي وهكذا حتي بقيت قطعه واحدة فوجدت الفتاة أسرعت إليها وقسمتها نصفين وأعطتها أحدهما فاحمر وجهها غضبا ونظرت إليها نظرو مشمئزة وقامت حيث تم النداء علي رحلتها وعندما استوت جالسة في مكانها بالطائرة أخرجت حقيبتها ففوجئت أن كيس الحلوي الذي لها في حقيبتها كما هو فعلمت أنها في كل الوقت كانت تأكل من كيس الحلوي الذي هو للفتاة فغاصت في كرسيها خجلا ......وأرجوا أن أوفق لأفتح هذا الموضوع موضوع الصورة والمعني لأنه مما يقابلنا في الحياة كثيرا ....والحمد لله رب العالمين

[Amr Radwan]

ربنا يرزقنا جميعا حسن العبادة و زيارة بيته الحرام و نعوذ به من وساوس الشيطان

للاسف استاذ هشام كل هذه السلوكيات و اسوء بمراحل بتجدها فى الحرم

اى و الله فى الحرم

للاسف انا مش عايزه احبطك

لكن بجد صدمت كثيرا و حزنت اكثر مما رايت فى الحرم من تجاوزات سواء من المصليين او من القائمين عليه

بجد تصرفات تفقدك غصبا عنك احساسك بروحانيات المكان

و هذه المشكله تتفاقم تماما وقت الذروة كالعشر الاواخر من رمضان او موسم الحج

و تجد المتطوعين فى الحرم ليس لديهم اى ادوات للتعامل مع هذا الطوفان الهائل من البشر المتنوع الخلفيات و الثقافات

هل تصدق ان احد المتطوعيين كان ينكز بقدمه مصلى و يصرخ عليه و هو ساجد لمجرد انه صلى فى غير المكان المخصص

لانه لم يجد من شده الزحام مكان اخر

حدث هذا امامى و غيره و غيره رغم ان زيارتى كانت قصيره لكن ما رايته كان كثير جدا

الاستاذة مغتربة ..

كلامك صحيح و ده بيحصل فعلا في الحرم و يرجع لعدة اسباب ..

الاول .. ان معظم القائمين بالتنظيم في الحرم من اهل مكة و هم للاسف معروفين بالغلظة و القسوة و مش عاوز اقولك اكتر من اني عادة بعرف اهل مكة من طريقة السواقة بتاعتهم للسيارة في الطريق بسبب انهم تعاملاتهم قاسية حتي في سواقة السيارة و الركنة بتاعت العربية .

الثاني .. بعض المصلين للاسف لا يستجيبوا لهم و يقومون بالصلاة في اماكن المرور داخل الحرم و هذا معناه كارثة فعلا .. و لذلك فهم يتعاملون بقسوة حتي لا يتجرأ احد من المشاهدين علي الصلاة في الممرات .

الثالث .. الاذدحام الشديد في المواسم مثل رمضان و رجب و شعبان و الحج و مولد النبي .. و اجازات منتصف العام الدراسي .. فعلا ازدحام شديد و لازم يتعاملوا مع كل الناس دي و خاصة انهم من دول كثيييييرة و لغات مختلفة

طبعا انا لا اعطيهم العذر في معاملة الناس بهذه الطريقة و خاصة اني لما بشوف هذا الاسلوب ببعد عشان ما اتخانقش معاهم لاني مهما اتكلمت معاهم ان يتعاملوا مع الناس باسلوب افضل فلن يزيد الموقف الا تعنت و زيادة النزعة القبلية لديهم و هو ما لا اطيقه ..

و لكن يجب ان ننظر دائما لاي مشكلة من اكثر من منظور حتي نفهم فكر الطرف الاخر و علي اساسة نستطيع حل المشكلة علي قدر المستطاع ..

اما بالنسبة لموضوع التصرفات و التي تحدث في مساجد مصر .. فهي مكررة في كل المساجد المصرية .. المؤذن صاحب الصوت النشاذ .. ارباب المعاشات في الصف الاول سواء بالحجز او بالاسبقية .. الكلام في المسجد بصوت عالي .. الشباب المسخة اللي ماسكين مصليات و مستنين الاقامة بتاعت صلاة الجمعة و عمالين يقرأو الجرانين و يلعبو كورة و صوت عالي اثناء الخطبة .. و الكثير من التصرفات التي تجعلك متضايق ..

و لكن ..

كيف سنعالج هذه المشكلة و خاصة انها في معظم مساجدنا و التي نصلي بها ..

فلنكن ايجابيين .. حد عنده حلول .. ممكن نطبقها كلنا عشان نحل المشكلة دي ؟

[د هشام ابراهيم]

للاسف استاذ هشام كل هذه السلوكيات و اسوء بمراحل بتجدها فى الحرم

اى و الله فى الحرم

للاسف انا مش عايزه احبطك

لكن بجد صدمت كثيرا و حزنت اكثر مما رايت فى الحرم من تجاوزات سواء من المصليين او من القائمين عليه

بجد تصرفات تفقدك غصبا عنك احساسك بروحانيات المكان

و هذه المشكله تتفاقم تماما وقت الذروة كالعشر الاواخر من رمضان او موسم الحج

و تجد المتطوعين فى الحرم ليس لديهم اى ادوات للتعامل مع هذا الطوفان الهائل من البشر المتنوع الخلفيات و الثقافات

هل تصدق ان احد المتطوعيين كان ينكز بقدمه مصلى و يصرخ عليه و هو ساجد لمجرد انه صلى فى غير المكان المخصص

لانه لم يجد من شده الزحام مكان اخر

حدث هذا امامى و غيره و غيره رغم ان زيارتى كانت قصيره لكن ما رايته كان كثير جدا

لا حول و لا قوة إلا بالله ...

الحقيقة يا سيدتي الفاضلة ...و للاسف الشديد ... حكاية السلوكيات الغير سليمة في الحرم ,خاصة في المواسم المزدحمة, تتواتر كثيرا من الجميع ....و فعلا بتبقى من المصلين تارة و من القائمين علي "خدمة " زوار بيت الله تارة أخري

المحبط فعلا إن نفس السلوكيات رأيتها أو مثيلاتها بدرجات متفاوتة في مساجد أربع قارات أكرمني الله بالصلاة فيهم ....أفريقيا - اسيا - أوروبا و أمريكا الشمالية ....

احقاقا للحق استثني منهم ما يلي :

- جامع طوكيو و هو الوحيد في المدينة الضخمة علي حسب علمي .... رواد المسجد علي قلتهم سواء من مصلين أو قارئين للقرأن كانوا دائما قمة في الخشوع و التقوي و كل السلوكيات اللي تناسب وجودنا داخل بيت لله

- جامع السلطان أحمد في اسطنبول ..... و ده صليت فيه صلاة جمعة و الجامع كان مليان علي آخره ....غير إن الجامع أصلا تحفة معمارية و فنية رائعة ....سلوكيات المصلين كانت سلوك يحتذي .... كفاية بعد الصلاة ما خلصت طريقة خروج الناس من الأبواب من غير لا تدافع و لا تزاحم و لا و لا .....

ربنا يهدينا جميعا

[icehearted girl]

يعني انتوا معايا ان دا ليس بسلوك مسلمين ولكنه سلوك شعب ;)

انا مع استاذ عمرو رضوان في التغيير

ودا بيكون في الايجابية

يعني حجز اصحاب المعاشات ممكن تدخل المسجد وتصلي في المكان اللي انت عوزه ولو جه صاحبه_زي مبيقولوا_

فهمه بشويش ان دا بيبت ربنا مش فصل ابتدائي ولو هو عاوز يصلي هنا ممكن تسبله لامكان بس دا بمزاجك مش عشان الحجز

دا مثلا

استاذ نصر فعلا ما تحتويه سورة الكهف من قصة سيدنا الخضر هي شرح لما اقصده تماما :)

بس بعد كدا متبقاش تاخد اطفال معاك المسجد يا استاذ

خلي الناس تصلي :) :)

[nasr-badr]

استاذ نصر فعلا ما تحتويه سورة الكهف من قصة سيدنا الخضر هي شرح لما اقصده تماما :blush2:

بس بعد كدا متبقاش تاخد اطفال معاك المسجد يا استاذ smk:

خلي الناس تصلي :) ;)

الحمد لله والصلاة والسلام علي رسول الله وبعد ,,,,

أولا دا جد ولا هزار ؟ ؟ :sad:

ثانيا أنا متفق معاكي أن هذا سلوك أشخاص طبعا وليس سلوك إسلامي ومرده - أحيانا - للجهل الفقهي ببعض الأحكام وعندي

حكايات كثيرة من هذا و أحيانا

لأن المتصدر للإمامة لا يكون علي العلم الكافي لتوجيه وتصحيح بعض الأخطاء - هذا من وجهة نظري -

والحمد لله رب العالمين

[icehearted girl]

لا يافندم دا هزار :blush2: :blush2:

بس اقول الحق بقي

انا لما بكون بصلي زالاقي بيبي بيععيط في الحقيقة فعلا بضايق ومبركزش كويس_دا علي اساس اني بقدر اركز اصلا_

انا مع ان الاطفال يجوا المسجد عشان يتعودوا ولولا ان والدتي كانت بتاخدني ونا صغيرة مكنتش هروح لوحدي ونا كبيرة

بس مثلا في احتياطات

يعني لو الطفل عيط ممكن تشيله عشان ترفع الاذي عن باقي المصلين مش هيحصل حاجة يعني

انما الاقي واحده بتصلي التراويح وسيبة ابنها ولا بنتها ينفطر من العياط :sad: :sad:

لولا انه بعيد كنت شلته انا وانا بصلي

ساعات الاقي واحدة تانيه مش جيبه ولادها يصلوا

لا

يلعبوا

وهي قاعدة في سلام وسيباهم ينطلقوا wst::

يشد مصحف من هنا يوقع كباية من هناك

يعني ياريت اللي تكون واخدة معاها طفل تكون واخدة بالها منه كويس اوي

ياريت كمان لو هو كبير شوية يعني 4 سنين كدا ولا حاجة

نبدأ نعلمهم سلوك المسلم داخل المسجد بصورة مبسطة

[Amr Radwan]

بمناسبة الاطفال و تواجدهم في المسجد .. انا سمعت عن حاجة جميلة جدا هنا في السعودية في بعض المساجد في مصلي السيدات لعب اطفال

نعم .. لعب اطفال بس بشروط بسيطة و هي انها تلهي الاطفال و بدون اصوات .. يعني اللعبة ما بتطلعش اصوات .. بس تجذب انتباه الطفل الي ان تفرغ الام من الصلاة ..