بخصوص البصمة وجواب عدم الممانعة

[العاطفى]

شكرا للاخ اللى سرد التجربة وجعلها الله فى ميزان حسناتة

لكن فية جزئية ما حد تطرق لها بخصوص الموضوع دا وهى

هل لو تعقب الكفيل القديم الموضوع وعرف ان انى جيت على فيزا تانية فى مكان تانى هل لة حق الترحيل

او اية حقوقو على بعد ما اجى مع العلم انها خروج نهائى

طبعا كتير جدا من الناس هنا حاصة الجوازات والترحيلات يقولو لازم مرور سنتين حتى ترجع تانى

لكن انا سالت واحد فى السفارة قالى ترجع عادى لكن كلامة مهزوز شوية لانة بيقول لازم الكفيل ما يعرف انك جيت

لكن انا بسال عن القانون هل لة حق على ولا لا بعد العودة

فية مصدر ثقة يقول ان المهن المنزلية مثل السائق الخاص والبستانجى اى اى مهنة منزلية ملهاش حطاب عدم الممانعة لان الخطاب دا معمول علشان ما ترجع على نفس المهنة وتكون عارف اسرار الشغل وتنقلة لما تيجى

لكن المهن المنزلية دى مالهاش اسرار شغل

نرجو من اهل الخيرة البت فى الموضوع دا الا وهو اذا كشف الكفيل عن البصمة وعرف انك فى مكان اخر

[shagran]

نتمنى من الاخ الفاضل سى السيد ان يتعب نفسه لاخوانه ويلخص لنا اجابات على استفساراتنا بس ياريت تكون من مصدرها زى ماعودتنا شكرا لمن ساهم ومن يساهم بمعلومات موثقة فى هذا الموضوع خاصة انه اصبح الزامى من اول 6 شكرا

[خالد شحاته]

اليوم قرأت فى احدى الصحف خبر يقول تم تحديد يوم 1/6/1430 موعد نهائى لتسجيل المقيمين فى نظام البصمة وبعد هذا التاريخ يتم ربط تاشيرة الخروج والعودة او الخروج النهائى بان يكون صاحب التاشيرة قد سجل فى البصمة والا ممنوع استخراج التاشيرة له اى كان فهل من مخرج الرجاء مناقشة الموضوع مرة اخرى بعد اذنك ياسى السيد واعرف انه يوجد روابط عدة ورابط ملم بنتيجة الموضوع فنامل من الاخوة من لديه معلومة مفيدة بشان من بصم ويرجع مرة اخرى وهو معه خروج وعوده وسيعود خلال مدة الاجازة اى قبل انتهاء الاجازة على تاشيرة جديدة ينفع ولا لاء شكرا لكم واسف على الاطالة فهذا الموضوع مفيد ومحير ناس كتييييير والله الموفق

السلام عليكم ورحمة الله وبركاته

نعم تم تحديد 1/6/1430 هـ ان جميع من يدخل المملكه او يخرج منها يكون عمل بصمه بمعني رابط جميع المعامله ببصمه الشخص مفيش تجديد من غير بصمه مفيش خروج وعوده من غير بصمه مفيش رخصه من غير بصمه اطافه طفل للازم بصمه خروج نهائي للزم بصمه نقل كفاله ربط كل شي بالبصمه علشان كدا اي شخص عند معامله في اي دائره حكومه يبادر بالصمه حتي لايتخالف

[se_ Elsyed]

نتمنى من الاخ الفاضل سى السيد ان يتعب نفسه لاخوانه ويلخص لنا اجابات على استفساراتنا بس ياريت تكون من مصدرها زى ماعودتنا شكرا لمن ساهم ومن يساهم بمعلومات موثقة فى هذا الموضوع خاصة انه اصبح الزامى من اول 6 شكرا

يا راجل يا طيب ده انا قربت ادخل مستشفى الامراض العقلية قسم البصمة من كتر ما اتكلمنا في الموضوع دع بالذات

حتى بالاماراة في موضوع مثبت مخصوص اسمه كل ما يخص البصمة ومتثبت اعلى باب المغتربين

في اكتر من كده ؟ !!!!!!!!!!!

[shagran]

عارفين بس طمنا بالله عليك اكتر يعنى قلنا النهاية ايه (( من خرج خروج وعوده هل ينفع يرجع خلال الاجازة قبل انتهاء الاجازة وكمان هل يرجع واقامته القديمة سارية )) شكرا

[se_ Elsyed]

ده انا ممكن اعتبرها مشكلة جيل او مشكلة شعب

والله العظيم لا ابالغ في ذلك

يا بيه حضرتك قلت قرأت الموضوع المثبت !!!

طب قريت ده في اول مداخلة

- وهذا هو المهم .. في حالة الخروج النهائي أو الخروج والعودة والإقامة سارية ... وروحت بلدك وغيرت الجواز ورجعت مرة أخرى بتاشيرة جديدة وكنت باصم بالخمستاشر قبل ذلك ... أول ما ترجع من المطار المفروض ياخدوا بصمتك مرة أخرى .. فأوتوماتكي هايظهر عندهم في قاعدة البينانات إنك كنت هنا إن شاء الله من يومين حتى .. ومع ذلك سلطات الجوازات لا تكترث ولا تهتم بهذا الشيء طالما لم يكن ضدك أي ملاحظات أمنية ...

وبالتالي عادي خالص وهاتستخرج إقامة جديدة طبقاً لصورتك وبصمتك الماضية ..

3- موضوع عدم الممانعة إتلغى ضمنياً ولم يُعلن عنه وبالتالي موضوع إنك لازم تنتظر سنتين من تاريخ المغادرة .. ده بقى كلما فارغ .. بس يُستحسن تغير الجواز .. لإن في ناس ساعات بتبقى متبرمجه على قوانين وقواعد قديمة متوارثة وممكن يوقف لك المراكب السايرة في داخل القنصلية ..

ولو بصيت فوق في نفس الموضوع ده اللي احنا فيه هاتلاقيني كاتب

لكن موضوع الخروج والعودة شوفته كتير والناس رجعت زي الفل وبياكلوا كبسه كمان

فاللي ناقص بقى اني اقول " علي الطلاق ينفع يرجع السعودية تاني " يمكن ساعتها نتوقف قليلاً امام انفسنا

اسف .. سأقوم بغلق هذا الموضوع واي موضوع يتكلم عن اللهو الخفي اللي هو البصمة