فشلت........... وراجع مصر

[السويفي]

السلام عليكم:

بعد عام ونصف من الصبر والانتظار والحظ السئ جدا .....قررت العوده الي مصر

وفشلي جاء بسبب اجراءات روتينبه اجلت تعيني مرتين وبعد ذلك توقف التوظيف بسبب الازمه الماليه...

في احداها لم يبقي على استلام العمل سوي اسبوع

مع العلم ان رئيسه القسم في المستشفي طلبت تعيني اكثر من مره وساندتني ولكن الروتين كان عائقا امامي

وفي النهايه نصحتني بالعوده لمصر والدراسه والحصول على خبرات اكثر حتي تنتهي تداعيات الازمه .....

اسألكم الدعاء بالتوفيق

[Amr Radwan]

ربنا ييسر لك الحال و يوفقك ان شاء الله ..

بس لا تعتبر هذا فشل .. كل واحد مننا في حياته بيحاول يجتهد و التوفيق علي الله ..

تحياتي لك و تمنياتي لك بالوصول الي هدفك ان شاء الله

[dongol]

ساعات بيكون الرجوع لنقطه البدايه هو النجاح الاكيد بعد ما الواحد يكون ازداد خبره من الغربه و عرف ايه المطلوب علشان المره اللي بعدها يكون استعد صح

[MoHaMMeD EgYpT]

حصل خير يمكن يكون منتظرك حاجة افضل يعني ياريت حضرتك ما تزعلش لان ده رزق و الارزاق بيد الله سبحانه و تعالي يعني لو العالم كله اجتمع علشان يشتغل في الوظيفة دي مش هتشتغلها الا لو ربنا كان كاتبهالك يعني دي حكاية ارزاق و الارزاق بيد الله

[se_ Elsyed]

خلي أملك في ربنا كبير ..

ولو حطيت في دماغك اللي إنت كاتبه " العودة للمجهول " يبقى لو جيت تركب الاتوبيس ومالقتش كرسي فاضي .. يبقى بالنسبة لك كارثة محققة ..

إذاً ... عليك بالتفاؤل .. ورب هنا رب هناك ...

ياما حاجات ومواقف في حياتنا كنا نحسبها إنها نهاية العالم وخلاص اللي جاي هو المجهول ... وإذ بربنا يفتح علينا فتح عظيم .. ونجلس لنضحك عما كنا نعتقده ..

أخي الكريم .. إعمل اللي عليك وتوكل على الله تجده حسبك ونصيرك ... وأتقي الله يجعل لك مخرجاً ...

[الباشمهندس ياسر]

اخويا السويفى

مش عاوز اقولك غير كام جملة ... خدهم من اخوك الصغير

ربنا لا يرتب لعبده الا الخير و هتيجى عليك لحظه و تقول الحمد لله من كل قلبك

و الكلام ده حصل معايا ف اول مرة سافرت و هجيبلك المداخلة اللى قايل فيها ده من فترة

[jamalpody]

اخي السويفي هذا لا يعتبر فشل علي الاطلاق

حاول ان تنظر الي النصف الممتلئ من الكوب

وعسي ان تكرهوا شيء وهو خير لكم

يحكى أن ملكاً كان يحكم دولة واسعة جداً ..أراد هذا الملك يوما القيام

برحلة برية طويلة . وخلال عودته وجد أن أقدامه تورمت بسبب

المشي في الطرق الوعرة، فأصدر مرسوماً يقضي بتغطية كل

شوارع مدينته بالجلد ولكن احد مستشاريه أشار عليه برأي أفضل

وهو عمل قطعة جلد صغيرة تحت قدمي الملك فقط .

فكانت هذه بداية

نعل الأحذية.

إذا أردت أن تعيش سعيدا في العالم

فلا تحاول تغيير كل العالم بل إبدأ بتغيير نفسك .

ومن ثم حاول تغيير العالم بأسره .

[الباشمهندس ياسر]

السلام عليكم

انا مش عارف اقول ايه وابدأ منين لان تقريبا معرفش حد عمل استقالات ادى بس ادينا هنقول وربنا يهدينا امين

انا بقى اتخرجت و رحت اخدت الشهادة يوم 12 اغسطس :closedeyes: و اشتغلت لاول مرة فى حياتى مهندس يوم 19 اغسطس

اه والله ده حتى مسألونيش على شهادة الجيش مش هقولكوا المرتب كام علشان متضحكوش المهم

استقلت بعد 19 يوم بالظبط و السبب بسيط جدا انى كنت بشتغل 6 ايام فى الاسبوع لمدة 12 ساعة يعنى من الاخر حرااااااااااام bv:-

طبعا ده بخلاف ان المواصلات و الغداء و الشاى و القهوة والسجاير كانوا 4 اضعاف المرتب

قلت يا واد استنى تخلص ورقة الجيش وبعدين دور على شغل المهم اخدت تاجيل 3 سنين

بدأت ادور على شغل و اتقبلت فى شركة لقيت واحد صاحبى بيقولى تعالى فى شركة اردنية عايزه مهندسيين حديثى تخرج

رحت قابلت الواد الاردنى وقعدت معاه و كلمة من هنا وكلمة من هناك قلت اروح و ابقى اسمى اتفسحت حتى

رحت هناك لقيت ناس حلوه وبلد معقولة بس الشغل كان مش معقول الراجل عايز يشغلنا فنيين

انا قلت لا ابدا انا مهندس انتاج اد الدنيا مش موافق

قالى كمل معانا الشهر وبعدين قول رايك الموضوع عجبك اوكى معجبكش براحتك

كملت الشهر و بقيت بشتغل على المعدة 8 ساعات و اقعد افحص فى بقيت المصنع علشان اطلع اى مصلحة نقول انى مهندس بجد

ربنا وفقنى و حلتله كام مشكلة فى خط الانتاج وقلت بس اتظبطت

اتناقشنا انا و مدير المصنع و صاحبه و اتبسطوا بيا وقلت فرجت

اخر الشهر قاللى رسيت على ايه قلتله يا مهندس يا اما اروح

قال خلاص بكره الطيارة بتاعتك و كتبت الاستقاله الجميلة لتانى مرة و روحت

رجعت مصر قعدت شهرين و بعديها اشتغلت فى شركة فى 6 اكتوبر فى الصناعات المغذية للسيارات و الحمد لله

ظبطت الاداء و القسم بتاعى بقى فى جيبى و احلى انتاج يا ريس و الخطط بتحقق والموضوع عال العال

هوبه السمعة طلعت و الامور بقت اخر روقان و بدأت احس السوق لقيت السوق عايز قلت تمام

رحت داخل على مدير المصنع قلتلة انا بقالى 6 شهور و المفروض تنزلى الزياده قاللى جمييل هتدفعوا كام هندفع كدا

قلت لا اقل من كدا مش هينفع

قالى مفيش حد يعمل اللى انت بتعمله ده

قلتله علشان محدش منهم بيشتغل زى ما انا بشتغل

و رحت استاذنت وخرجت

تانى يوم كنت عند شركة منافسة .. اه والله منافسة..

عملت الانترفيوا و اتفقنا على المرتب اللى انا عايزه وتمام

رجعت عملت الاستقالة للمرة التالته اه والله التالته

و بعدها باسبوع استلمت الشغل الجديد و قلت استقر بقى واهدا و كفاية كده :P

بعدها بتمن شهور لقيت واحد صاحبى من عائلة بترولية عريقة بيكلمنى و بيقولى جبتلك شغل فى البترول

صاروخ يا معلم عملت الانترفيوا و اتقبلت بأمل من نص المرتب اللى كنت باخده

و الفكره هى انى كنت ادخل الاسرة البترولية و بعد كده ابدأ ادور على الكلام الصح

رجعت للشركة و استقلت للمرة الرابعة اه والله الرابعة

دخلت الشركة بنظام الكاجوال و مسافة شهرين بالظبط ربنا فرجها من عنده

شركة خليجى فتحت فرع فى مصر وعايزه ناس هارد وركرز و عندها فكره

رحت عملت الانترفيو الاول و بعد ساعة شد وسحب عديت

رحت الانترفيو التانى و مدته ربع ساعة بس و عديت

الحمد لله كده تمام اوى ارجع بقى علشان استقيل

رحت الشركة المصرى وكلمت المدير وكان بالصدفة فى المكتب مش فى الموقع

و قاللى ربنا يوفقك قلتله طب اروح الشؤون القانونية اعمل الاستقاله

قاللى انت لسه كاجول لا استقالة ولا غيره استنى هبعت اجيبلك ورقك

اخ ده مفيش استقاله .. اوف سايد كان المفروض تبقى الخامسة

المهم ربنا كرمنى ورحت الشركة الجديده و قعدت فيها سنة ونص بالظبط

ياااااااااااااااااه دانا طولت اوى كده كفاية

بتصل بواحد صاحبى من نفس الشركة بس فرع الامارات اسلم عليه لانه فى مصر

يقولى انا اختلفت مع الشركة و استقلت و رحت سلطنة عمان تحب تيجى

قلتله الا احب احب طبعا احب خالص

بعت الاوراق بتاعتى بعتولى العرض

رحت طالع على المدير كالعاده و سلمت عليه

و قلتله ياباشمهندس انا جايلى عرض بكذا هل الشركة عندها استعداد نتكلم

قالى ربنا يوفقك يا ابنى

قلتله شكرا و طلعت خلصت مع الشؤون القانونية المرة رقم 6

و جات الفيزا و ادينى بره و ادعولنا ربنا يهدينا ونشوف الصح

ــــــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــ

انا كتبت التجربة يمكن حد من اخوانا يستقيد بيها و يعرف ان الارزاق على الله و مش على الشركة ولا الوظيفة ولا اى استهبال

و يمكن لانى حاسيت انى عايز احكى لانى معنديش مصريين فى الموقع اللى انا فيه

بس انا خايف ينقلب السحر على الساحر زى ما بيقولوا

و اخيرا اسال الله ان ينفع بها وان يهدينا سواء السبيل

[enjisultan]

السلام عليكم

انا عارفة انك اكيد حالتك النفسية متاثرة بس بجد ربنا مابيعملش حاجة وحشة

يعنى بالبلدى كدة ما ضاقت الا اما فورجت

واكيد ربنا لية حكمة وان شاء اللة خير طول مانت ظنك بربنا خير ان شاء اللة يتكتبلك

واسمح لى ان اللى انت فية دا مش فشل انت حاولت وعملت اللى عليك وربنا مش بيضيع تعب حد ابدا

وحاجة اخيرة مهما الدنيا تسود تفائل خير يعنى ماحدش واخد منها حاجة

(اعتذر عن الاسلوب الركيك فى الكتابة بس دا اللى طلع تلقائيا)

[nightmare]

واللاهي فيه ناس كثيرة اعرفها وانا واحد منهم .. نفسنا ناخد القرار ده احنا كمان bv:- لكن الخوف من كلمة الفشل والمجهول اللى انتا قلت عليهم هما اللى منعنا . :closedeyes:

ربنا يكرمك وصدقنى يكفيك انك عندك الجرأة انك تاخد القرار ده .. وربنا يوفقك ويفتحلك ابواب الخير كله ان شاء الله

[عندى أمل]

اذا كنت انت فضلت فى السعودية سنة و نص بحالها و بعدين رجعت مصر و بتسمى نفسك فشلت

طيب انا فضلت فى السعودية يا دوب 3 شهور و لسه راجع مصر من أسبوعين

يبقى أنا أبقى إيه ؟؟؟؟

الحقيقة لى تجرية فى السعودية و ناوى أحكيها لكم إن شاء الله

بس حاليا عايز أقول لك إنى رجعت مصر مع إنى ما عنديش فيها شغل و أهلى ناس عاديين مش أغنيا يعنى و انا كمان عندى 26 سنة و 10 شهور و متخرج من 5 سنين

يعنى كان المفروض امسك فى شعلانة السعودية بايدى و سنانى

بس ما كانش ينفع لانى لقيت الشغل اغلبه سرقة و نصب و غش و تدليس

يعنى عمل حرام و يجلب مال حرام

الحمد لله ربنا سبحانه و تعالى أعنى على اتخاذ قرار العودة

لما روحت للكفيل عشان أقدم استقالتى لقيته بيقول لى انت ان ما بنيتش نفسك فى السعودية هتكون نفسك فين؟؟؟

ساعتها جه فى بالى على طول الأية الكريمة

بسم الله الرحمن الرحيم

"و فى السماء رزقكم و ما توعدون"

صدق الله الغظيم

رزقنا موجود فى السما مش فى السعودية

ربنا يرزقنا جميعا من حيث لا نحتسب و يا ريت كلنا نداوم على الاستغفار لانه كما قال النبى صلى الله عليه و سلم

"من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب"

صدق رسول الله صلى الله عليه و سلم

[التونسى]

خير .. ان شاء الله خير يا دكتور .. كله من عند ربنا خير .. حتى لو بدا لك عكس ذلك .. لا ارى اى شئ مما ذكرته يشير الى فشل من نوع ما ... هو محض قدر ومشيئه الهيه .. ليس لك فيها بد او مناص ..

ربنا يوفقك فيما يحبه ويرضاه ويخلف عليك بفرصه احسن

[لولا]

لم تفشل ..

ولكن قدر الله وما شاء فعل ..

كن على ثقة تامه تامه تامه انه لم يكن مكتوب لك البقاء هنا .. وان فى ذلك خير لك ان شاء الله

قد لا تراه الآن ولكن لله حكمة فى ذلك .

وفقك الله وفتح لك ابواب رزقه وكتب لك الخير حيث كنت هو العالم المطلع على كل الأمور ظاهرها وباطنها والتوفيق من عنده

وما هو مكتوب لك لم يكن ليذهب لغيرك وعسي ان تكره شيء وهو خير كل الخير لك .

وفقك الله ورعاك وحفظك .

لولا

[hOuSsAm]

اخى العزيز

خير باذن الله انت ولا احنا منعرفش الدنيا مخبية ايه الشغل كتير جداوالفرص كتيرة وصدقنى مش بتضيق الا لما تفرج بعدها

والفرص مش بتبقى محصورة عالخليج بس الفرص موجودة فى كل مكان

لعلمك انا خريج 2006 ودى رابع شركة اشتغل فيها ده غير الشركات والشغلانات اللى كنا بنقضى فيها يوم او اسبوع

الحمد لله

حسام

[icehearted girl]

دكتور

وهو مين قال لحضرتك ان النجاح هو انك تشتغل هناك وخلاص

محدش قال كدا ابدا

النجاح انك تشتغل في مكان_ايا كان _ وتثبت جدارة وكفاءة

انما حضرتك لم تتح لك الفرصة للعمل في المكان دا بعد

لو اعلمتم الغيب لاخترتم الواقع

فقط احمد الله

[السويفي]

السلام عليكم:

اشكر كل من شاركوني....ولكن للتوضيح

لم اكتب هذا للشكوي ولكن مشاركه لافراد اسرتي في المحاورات بما هو جديد في حياتي

ان غير مكتئب ومش حاسس انها نهايه الكون بس حزني على العام ونص الى ضاعو بدون خبره موثقه....

للتوضيح ايضا ....الفتره الماضيه لم اتقاضي مليما واحدا ....

ولكن بدأت بكوني تحت المراقبه لمده 3 شهور ولما اثبت نفسي ارسلت رئيسه القسم لتعيني .....وبسبب الاهمال اخذت هذه العمليه 4 شهور

وبعد توقيع العقد الابتدائي وقبل التعين باسبوع رفضت ورقه نقل الكفاله لسبب غايه في التفاهه....ولكنهم نصحوني بالتقديم مره اخري بعد 4 شهور

((وحينها اكرمني الله بالحج )) ....فلو كنت عملت لم يكن بقدوري ان احج ولكن الله يسبب الاسباب

وبعد ارع شهور قامت رئيسه القسم بطلبي مره اخري ولكن.......

رئيسه التوظيف رفضت لانهم تعينني فشل قبل ذلك وعندهم تعليمكات بعد المحاوله مع نفس الشخص مره اخري ....فقابلتها وشرحت لها الموقف

فواقفت على طلب التعين ولكن........

حينها لم تكن الدرجه التي اعين عليها بها اماكن شاغره فاضررت للانتظار مره اخري ولكن.......

اصدرت قرارات في المستشفي بعدم تعيين وظائف جديده نظرا للازمه الماليه

وكل تلك الفتره كنت اداوم على الذهاب للمستشفي كأي موظف اخر واستقبل عدد من الحالات كزملائي على الرغم اني غير معين

((وهذا لثقه رئيسه القسم بي))

تعلمت في هذه الفتره ملم اكن اتصور اني سأتعلمه في مصر ((اعلم ان كلامي غريب)) ولكنهم هنا يهتمون بكل ما هو جديد ويقومون بعمل دورات

وكورسات بشكل مستمر وهذا ماشدني للانتظار بدون مقابل

اشكركم لمشاركتكم

محدش عاوز حاجه من مصر

[doha]

طبعا كونك حجيت فسبحان الله كأن ربنا جابك من آخر الدنيا بس عشان تحج وسبب لك الاسباب .. فعليا انت استفدت ماديا من الفترة دي بما قيمته تكاليف الحج من مصر للسعوديه يعني طلع لك كده ماشاء الله ثلاثين اربعين الف جنيه غير الخبرة الحياتية ( قاسم السماوي )

بس على فكره عن تجربة استعد لانقلاب تام في حياتك بعد الحج باذن الله وطالما ربنا اكرمك بيه هتشوف باذن الله هيكرمك في بقية شؤونك ازاي ..

بس معليش الحكايه الي حصلت معاك دي فكرتني بقصة كنت شاهد عليها من فترة طويلة ..

من سنين اول ماتخرجت سافرت الرياض اقعد مع اهلي وهناك قدرت اني اشتغل في احد معاهد الكمبيوتر المشهورة اوي .. قعدت معاهم فترة فكانت المديرة احيانا تطلبني ادخل معاها في المقابلات الشخصية بتاعت المدربات الجداد عشان تختار مابينهم .. صادف ان في وحده مصرية تقدمت ومكانش مؤهلها او خبراتها حاسب لكن مع كده اختاروها .. قالوا لها لان خبراتها لا تسمح فهم هيحطوها تحت التجربة لمده اسبوعين وفي نهايه الاسبوعين لو اثبتت كفاءة هيتم تعيينها ويصرف لها راتب شهر لما تكمل الشهر .. اما لو لم تثبت كفاءة فبعد اسبوعين هتمشي ومش هتاخذ اي راتب عن الفترة دي ..

الاخت المصرية الله يمسيها بكل خير وافقت ونزلت الشغل بكل حماس لانها متوقعه هتثبت ذاتها خاصه انها كانت على مااذكر مدرسة يعني مؤهله تربويا لكن يمكن معلوماتها في الكمبيوتر كانت عاديه .. مر اسبوع او عشر ايام وخلاص بنعتبر فلانه زميلة لنا وهتكمل معانا .. ويوم الاحد تقريبا او الاثنين من الاسبوع الثاني المديرة كلمتني وقالت لي على فكره فلانه البنات او الطالبات بيشتكوا منها مش مبسوطين من شرحها وعشان كده احنا هنمشيها خلاص .. انا مش متذكرة هي طلبت مني مقولهاش ولا انا مقدرتش اني ابلغها وقلت يمكن يخلوها او يجد في الامور امور .. طبعا المديرة بلغتني الكلام ده بشكل شخصي مش للاعلان ..

وفعلا يوم الااربعاء الي هو تكمله الاسبوعين بالتمام بلغوها قرار بانها مفصولة او بمعنى ادق مش هيتم تعيينها ..

طبعا انا شطت من الغيظ وقتها .. اذا انتم ناويين من بدري تمشوها مقلتوش ليه؟ يعني حبكت على آخر يوم تبلغوها والنية مبيته قبلها بثلاث ايام على الاقل ؟ لاه وعلى نهاية دوام الاربعاء كمان يعني بعد ماتكون خلصت شغل الاسبوعين بالثانية ..

استفادوا من عملها اسبوعين ووفروا راتب مدربة في الفترة دي وحطوها لغايه ماجابو بديل وهي اشتغلت بامانة على الاقل امام الطالبات كان في حد رايح جاي وبيدخل المحاضرة وكانت بتدي مواد خفيفه مش تخصص زي الاوفيس والكلام ده يعني كان ممكن تكمل في مكانها لكن هي تقريبا سياسه متبعه ..

مازلت فاكره القصة دي لاني لمت نفسي كتير اني مقلتلهاش وقتها خاصه لما سألتني كنتي عارفه فقلت لها ايوه وحسيت ناحيتها بالذنب او باللوم من جهتها اني ليه مقلتلهاش ..تفتكروا لو قلت كانت هتفرق ؟

انا مش بقول ان الي حصل لك هو نفسه بس انا شخصيا مقتنعه ان وضعك هو نفسه بس يمكن اكون غلطانه .. يعني غالبا الازمه العالمية دي جات لهم حجة على الطبطاب عشان يسرحوك باحسان وهم من البدايه مرتاحين لوضعك وعلى راي المثل ان الرجل لايشتري البقرة طالما يحصل على الحليب مجانا ..

احلى مافي العمل بره انك مش بتجمع فلوس على قدر مابتكتسب خبرة في الحياه واهو اعتبر الي حصل ده خبرة صدقني هتنفعك كتير اوي قدام ..

تم تعديل 8 أبريل 2009 بواسطة doha

[السويفي]

السلام عليكم:

للامانه اخت ضحى المستشفي كانت حكوميه يعني مكنش اي حد ممن تعاملت معهم سيعطيني المرتب من جيبه ....

بل العكس عملي بالقسم كان مخالف للقانون ولو حصلت مشكله بسبي مع احد المرضي كان ممكن تطير فيها رئيسه القسم والرئيس المباشر

[doha]

هو بالنسبة لنا مكناش بنشتغل في الحكومة ولا المديرة او المدير بيدولنا الرواتب من جيبوهم لكن كان في قرار صدر في الفترة دي بان في مكافآت للادارة العليا فقط والمكافآت دي هتكون بنسبة من الي ( يوفروه ) من مصاريف التشغيل .. يعني معروف المعهد بقاله سنين بيصرف قد كده مرتبات وحوافز ومكافآت للمدربات والمدربين الي فيه وكمان للصيانة والاجهزه والاعلان .. الخ .. فهم اصدروا قرار بان في نهاية كل فصل دراسي في مكافأة تتحدد بناء على توفير الادراة من المصاريف الي بقت شبه ثابته مع السنين..

هنا الادارة اخذت سياسة تقشف فظيعه على الرواتب والحوافز لطاقم التدريب فقط عشان يضمنوا تعظيم مكافاتهم في نهاية كل فصل ..

انا معرفش ان كان ده نفس الوضع الي حصل معاك ولا لاه بس زي ماقلت لك ممكن اكون غلطانه حطيت بس القصة دي للاستفاده يمكن حد ييجي بعدك ويقع في نفس الموقف فيبقى عارف من البدايه ( الفولة ) شكلها ايه ..

[محمد افندى]

ربنا يكرمك ويوفقك يا عزيزى ويكتب لك الخير وموفق فى مصر ان شاء الله