امتحان الحصول على الجنسية المصرية‏

[Amr Radwan]

السؤال الأول:اختار من بين الأقواس الكلام الصح

1- حنان ترك اتحجبت يعني............ (لبست جزمة - لبست ساعة - لبست ايشرب)

2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك - جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ .......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

السؤال الثالث:ضع علامة NIKE أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

------------------

منقووووووووول

تم تعديل 8 أبريل 2009 بواسطة Amr Radwan

[عنبو]

الله ينور ياباشا بس انا متهيالى الاسئله صعبه شويه

[الجدار]

هييييييييييييييييييييييييييه جبت 51%

لذيذة والله

تسلم يا حاج عمرو

[Falcon Crest]

اخري 49% و انجح بالرأفه

[MoHaMMeD EgYpT]

امتحان صعب اوي brth)

ربنا يستر و ما يمتحنوش اللي معاهم الجنسية المصرية brth)

[Amr Radwan]

تعليق السيد / وزير الامتحانات علي مستوي الامتحان .. و خاصة بعد تلقي موقع محاورات المصريين ان الامتحان صعب و فيه مصريين حاولوا يحلوا الامتحان و بعضهم اخد 49% و البعض الاخر 51% و البعض نجح بالرأفة علي حد تعليق المصريين العاديين .. اجاب سيادته :

بالنسبة لسهولة و صعوبة الامتحان .. فالامتحان سهل جدا و في متناول المصري العادي جدا .. و المشكلة ان الطلبة اللي بتشتكي دول شكلهم مش بيذاكروا من كتب السفارة المصرية .. و بيروحو ياخدوا دروس خصوصية برا السفارة و ما بيتفرجوش علي افلام مصرية كتير .. خلي بقا الدروس الخصوصية تنفعهم و خليهم يوروني نفسهم .. و ادي دقني اهي ان حد منهم عدا السنة دي او اللي بعدها طول من انا في وزارة الامتحانات ..

و عاوز اقول لاي اجنبي عاوز يعدي في الامتحان .. لالالالالالازم يروح للسفارة المصرية في بلدة و يسحب نموذج التقديم للامتحان و يختمه من وزارة الخارجية في بلده و يمضية من 2 موظفين مصريين علي الدرجة الثانية علي الاقل .. و بعد كده يروح السفارة المصرية تانية و يختمه و ياخد عليه التوقيع من السفير و يدفع 85 (دولار) بدل دمغة مصرية ..

و نصيحة اخوية مني للاخوة الاجانب .. محدش يستمع للمصريين اللي بيدعوا ان الامتحان صعب .. دول تبع حزب معارض و عاوزين يعطلوا مسيرة الشعب المصري .. و تحيا جمهورية مصر العربية و كل سنة و انتو طيبين ..