الاختلافات الحياتية بين مصر والسعودية

[أبو أماني]

بين السعودية ومصر

1- في السعودية اللي راتبه 2000 ريال من الفقراء وفي مصر اللى راتبة 2000 جنيه من متوسطي الحال

2- في السعودية أي شخص ممكن يركب سيارة حتى لو تحت خط الفقر لان السيارات المستعملة بتبدأ من 1000 ريال او يمكن اقل انما في مصر مش بيركب سيارات الا البهاوات

3- في السعودية مفيش حاجة اسمها مواصلات عامة وأتوبيسات لها خطوط ثابته اللهم إلا في حدود بسيطة جدا بين المحافظات وفي حدود اقل داخل المدن أما في مصر فالأتوبيسات العامة تملأ مصر شرقها وغربها وشمالها وجنوبها

4- في السعودية ال 5 رغيف خبز ب 1 ريال وفي مصر ال 10 رغيف عيش ب 1 جنيه

5- سندوتش الطعمية في السعودية ب 2 ريال وفي بعض الاماكن ب 3 ريال في مصر سندوتش الطعمية ب نص جنيه

6- في السعودية أجرة التاكسي تبدأ من 10 ريال إلى 20 ريال وكثير جدا من أصحاب السيارات الملاكي بيتكسوا وبيكونوا ارخص من أي تاكسي يعني بيبدأ سعرهم من 5 ريال الى ربما 15 ريال في مصر على حسب المكان يبدأ من 2 جنيه في الأقاليم إلى 7 جنيه وفي القاهرة يبدأ من 5 جنيه والله اعلم الى 50 أو حتى أكثر والعلم عند الله تعالى

7- في السعودية بيفتحوا باب الغرفة لما بيشغلوا التكييف علشان مش يتعبوا وفي مصر بنسارع بإغلاق الأبواب زعما منا أن التكييف هيبوظ لو سيبنا الباب مفتوح بصراحة مش عارف انه الصح في الموضوع ده

8- في السعودية معروف حتى لدى السعوديين إن الشاب السعودي لا يحب العمل والكد والتعب لذلك ترى أصحاب المؤسسات والشركات بيفضلوا توظيف الأجانب وفي مصر مفيش أساسا وظايف لا للمصريين ولا حتى للأجانب

9- في السعودية (في المناطق اللى زرتها) لا تكاد ترى امرأة أو حتى فتاة في الإعدادية كاشفة عن وجهها أما في مصر فحدث ولا حرج

10- في السعودية أي صاحب حرفة لو اشتغل حر إن شاء الله يكسب دهب وفي مصر كذلك لكن طبعا في السعودية المكاسب أكثر بكثير أقصد بأصحاب الحرف سباك بلاط كهربائي نجار خياط ميكانيكي يعني مثلا نضرب مثال النجار بيركب الدولاب ال16 ضالفه ب 100 الى 250 ريال مش عارف في مصر بياخد كم الكهربائي بياخد 50 ريال لو جه سيادته يركب فيشة ولا مفتاح طبعا غير المواصلات لو مجبتهوش بسيارتك

11- في السعودية بيفتخروا هنا بالكعبة والمسجد النبوي وبيحطوا صورتهم في معظم الصور والكروت فهما أكبر رموز السعودية وفي مصر بيفتخروا بالاهرامات والمعابد الفرعونية

12- في السعودية البيبسي الكنز بريال واحد فقط لا غير في مصر ب 2 جنيه حتى ثلاجات البيبسي والكوكاكولا تملأ شوارع المملكة وفي مصر مش موجودة الا في المولات

13- في السعودية النظام ملكي وفي مصر يقال أنه جمهوري.

14- .....................................................................

انتظر من الإخوة المصريين في السعودية تكملة باقي الاختلافات بين مصر والسعودية

تم تعديل 8 أبريل 2009 بواسطة أبو أماني

[Amr Radwan]

1- السعودية عشان يخشها اجنبي (واحد مصري مثلا) لازم فيزا .. يا اما عمرة او حج او انه يكون فيزة عمل

مصر .. تقدر تخشها من الباب من الشباك من اي حتة و مش محتاجة و لا فيزا و لا يحزنون

2- في مصر لو مش عاجبك الشغل او المدير غلس عليك .. ببساطة ما تروحش الشغل تاني يوم و تفضل في بيتك معزز مكرم و تدور علي شغل تاني ..

في السعودية .. لو فكرت بس انك تغيير الشغل هتلاقي نفسك في دوامة لمدة شهور غير الفلوس و الحقوق اللي هتسيبها لهم و تتنازل عنها ,, و خاصة لو الكفيل "قفش" عليك و رفض نقل كفالة .. يبقي احلامك و امالك المستقبلية راحت في الكازوزة ..

3- في مصر كل اصحاب العمل هما اللي بيدفعو المرتبات للموظفين

اما في السعودية انت اللي بتدفع للكفيل عشان تجدد اقامة .. تجيب مراتك استقدام .. تروح تشوف اهلك و ترجع تاني .. تعمل رخصة "سياقة" .. تفتح حساب في البنك .. او اي حاجة فيها ريحة تعامل حكومي لازم تدفع للكفيل عشان يأشر لك عليها و بعضهم برده بيدفع المرتبات عشان محدش يزعل .

4- في مصر ما تخافش علي ولادك و مراتك لو مشيو في الشارع ..

في السعودية .. تخاف علي نفسك لو مشيت في الشارع و خاصة لو عنيك خضرا و وسيم .

5- النقاب في مصر حشمة و وقار و تحس انك بتحترم الاخت اللي بتلبسه و تلاقي الشباب ما يقربوش منها

في السعودية النقاب عادة و ليس عبادة و من تحت النقاب تجد الملزق و المحزق و القصير و الايلينر و الشعر المسبسب و اللي سايبة شعرها مدلدل من تحت النقاب و احدث و لا حرج (طبعا مش الكل كده برده عشان محدش يزعل)

6- السعودية فيها روحانيات عالية في كل المساجد .. كل المساجد ..

اما مصر تجد ارباب المعاشات في كل المساجد و التربيط و الحجز بالكراسي عشان الصف الاول

7- الناس في مصر غلابة و بيحبو بعض فعلا و بيحبو الغريب و بيكرموه و يضيفوه .. الناس في السعودية بيخافو من الغريب

8- السعودية مليانة بنجالة و هنود .. مصر ما فيهاش ريحتهم و لا حتي ريحة الزيت بتاعهم .

9- في مصر .. لما بتشوف سيارة فارهة مرسيدس او بي ام دبليو او .. كل الناس بتبص عليها لاانها تحفة ماشية في الشارع ..... اما في السعودية لما بتشوف سيارة موديل الثمانينيات و اوائل التسعينيات بتكون غريبة برده و الكل بيبص عليها لانها تحفة تاريخية و بتكون عارف ان السواق بتاعها سوداني (مع احترامي الكامل لابناء النيل) .

10 - الملابس في مصر علي كل الالوان و كل الاشكال .. بدل .. جلاليب .. قميص و بنطلون .. تيشرت و بنطلون جينز .. جيبة .. فستان .. تيير .. ..

في السعودية يا توب ابيض للرجالة او عباية سودا للستات ...

في النهاية .. تحيا مصر ام الدنيا و تعيش السعودية بلد الحرمين

[fatfouta]

بين السعودية ومصر

1- في السعودية اللي راتبه 2000 ريال من الفقراء وفي مصر اللى راتبة 2000 جنيه من متوسطي الحال

2- في السعودية أي شخص ممكن يركب سيارة حتى لو تحت خط الفقر لان السيارات المستعملة بتبدأ من 1000 ريال او يمكن اقل انما في مصر مش بيركب سيارات الا البهاوات

3- في السعودية مفيش حاجة اسمها مواصلات عامة وأتوبيسات لها خطوط ثابته اللهم إلا في حدود بسيطة جدا بين المحافظات وفي حدود اقل داخل المدن أما في مصر فالأتوبيسات العامة تملأ مصر شرقها وغربها وشمالها وجنوبها

4- في السعودية ال 5 رغيف خبز ب 1 ريال وفي مصر ال 10 رغيف عيش ب 1 جنيه

5- سندوتش الطعمية في السعودية ب 2 ريال وفي بعض الاماكن ب 3 ريال في مصر سندوتش الطعمية ب نص جنيه

6- في السعودية أجرة التاكسي تبدأ من 10 ريال إلى 20 ريال وكثير جدا من أصحاب السيارات الملاكي بيتكسوا وبيكونوا ارخص من أي تاكسي يعني بيبدأ سعرهم من 5 ريال الى ربما 15 ريال في مصر على حسب المكان يبدأ من 2 جنيه في الأقاليم إلى 7 جنيه وفي القاهرة يبدأ من 5 جنيه والله اعلم الى 50 أو حتى أكثر والعلم عند الله تعالى

7- في السعودية بيفتحوا باب الغرفة لما بيشغلوا التكييف علشان مش يتعبوا وفي مصر بنسارع بإغلاق الأبواب زعما منا أن التكييف هيبوظ لو سيبنا الباب مفتوح بصراحة مش عارف انه الصح في الموضوع ده

8- في السعودية معروف حتى لدى السعوديين إن الشاب السعودي لا يحب العمل والكد والتعب لذلك ترى أصحاب المؤسسات والشركات بيفضلوا توظيف الأجانب وفي مصر مفيش أساسا وظايف لا للمصريين ولا حتى للأجانب

9- في السعودية (في المناطق اللى زرتها) لا تكاد ترى امرأة أو حتى فتاة في الإعدادية كاشفة عن وجهها أما في مصر فحدث ولا حرج

10- في السعودية أي صاحب حرفة لو اشتغل حر إن شاء الله يكسب دهب وفي مصر كذلك لكن طبعا في السعودية المكاسب أكثر بكثير أقصد بأصحاب الحرف سباك بلاط كهربائي نجار خياط ميكانيكي يعني مثلا نضرب مثال النجار بيركب الدولاب ال16 ضالفه ب 100 الى 250 ريال مش عارف في مصر بياخد كم الكهربائي بياخد 50 ريال لو جه سيادته يركب فيشة ولا مفتاح طبعا غير المواصلات لو مجبتهوش بسيارتك

11- في السعودية بيفتخروا هنا بالكعبة والمسجد النبوي وبيحطوا صورتهم في معظم الصور والكروت فهما أكبر رموز السعودية وفي مصر بيفتخروا بالاهرامات والمعابد الفرعونية

12- في السعودية البيبسي الكنز بريال واحد فقط لا غير في مصر ب 2 جنيه حتى ثلاجات البيبسي والكوكاكولا تملأ شوارع المملكة وفي مصر مش موجودة الا في المولات

13- في السعودية النظام ملكي وفي مصر يقال أنه جمهوري.

14- .....................................................................

انتظر من الإخوة المصريين في السعودية تكملة باقي الاختلافات بين مصر والسعودية

عاوزة اسالك سؤال قبل ما ابدأ معاك هو حضرتك سعودى ولا مصرى؟

[ttaammeerr]

في مصر متخفش على عيالك ومراتك

في السعودية تخاف على نفسك وعلى اي حد كلام جميل

في مصر كتير من الناس كويسين

في السعودية القليل من الناس كويسين

في مصر الاهل والاصحاب والجيران والافراح

في السعودية عمل فقط لا غير

[fatfouta]

1- السعودية عشان يخشها اجنبي (واحد مصري مثلا) لازم فيزا .. يا اما عمرة او حج او انه يكون فيزة عمل

مصر .. تقدر تخشها من الباب من الشباك من اي حتة و مش محتاجة و لا فيزا و لا يحزنون

2- في مصر لو مش عاجبك الشغل او المدير غلس عليك .. ببساطة ما تروحش الشغل تاني يوم و تفضل في بيتك معزز مكرم و تدور علي شغل تاني ..

في السعودية .. لو فكرت بس انك تغيير الشغل هتلاقي نفسك في دوامة لمدة شهور غير الفلوس و الحقوق اللي هتسيبها لهم و تتنازل عنها ,, و خاصة لو الكفيل "قفش" عليك و رفض نقل كفالة .. يبقي احلامك و امالك المستقبلية راحت في الكازوزة ..

3- في مصر كل اصحاب العمل هما اللي بيدفعو المرتبات للموظفين

اما في السعودية انت اللي بتدفع للكفيل عشان تجدد اقامة .. تجيب مراتك استقدام .. تروح تشوف اهلك و ترجع تاني .. تعمل رخصة "سياقة" .. تفتح حساب في البنك .. او اي حاجة فيها ريحة تعامل حكومي لازم تدفع للكفيل عشان يأشر لك عليها و بعضهم برده بيدفع المرتبات عشان محدش يزعل .

4- في مصر ما تخافش علي ولادك و مراتك لو مشيو في الشارع ..

في السعودية .. تخاف علي نفسك لو مشيت في الشارع و خاصة لو عنيك خضرا و وسيم .

5- النقاب في مصر حشمة و وقار و تحس انك بتحترم الاخت اللي بتلبسه و تلاقي الشباب ما يقربوش منها

في السعودية النقاب عادة و ليس عبادة و من تحت النقاب تجد الملزق و المحزق و القصير و الايلينر و الشعر المسبسب و اللي سايبة شعرها مدلدل من تحت النقاب و احدث و لا حرج (طبعا مش الكل كده برده عشان محدش يزعل)

6- السعودية فيها روحانيات عالية في كل المساجد .. كل المساجد ..

اما مصر تجد ارباب المعاشات في كل المساجد و التربيط و الحجز بالكراسي عشان الصف الاول

7- الناس في مصر غلابة و بيحبو بعض فعلا و بيحبو الغريب و بيكرموه و يضيفوه .. الناس في السعودية بيخافو من الغريب

8- السعودية مليانة بنجالة و هنود .. مصر ما فيهاش ريحتهم و لا حتي ريحة الزيت بتاعهم .

9- في مصر .. لما بتشوف سيارة فارهة مرسيدس او بي ام دبليو او .. كل الناس بتبص عليها لاانها تحفة ماشية في الشارع ..... اما في السعودية لما بتشوف سيارة موديل الثمانينيات و اوائل التسعينيات بتكون غريبة برده و الكل بيبص عليها لانها تحفة تاريخية و بتكون عارف ان السواق بتاعها سوداني (مع احترامي الكامل لابناء النيل) .

10 - الملابس في مصر علي كل الالوان و كل الاشكال .. بدل .. جلاليب .. قميص و بنطلون .. تيشرت و بنطلون جينز .. جيبة .. فستان .. تيير .. ..

في السعودية يا توب ابيض للرجالة او عباية سودا للستات ...

في النهاية .. تحيا مصر ام الدنيا و تعيش السعودية بلد الحرمين

يسلم فمك (بضم الفاء) يا عمرو يا رضوان وخد دى :blink:

[Alrefaey]

السعودية = حج وعمرة + فلوس +رفاهية + غربة +عنصرية

مصر = تاريخ + مودة + حياة +فقر + فهلوة +فن

[pink rose]

مصر : الاهل و الحب و الدفا وحضن ماما و بابا و اخواتي و لمة العيلة

السعودية: الغربة و دي كفاية

مصر: حبيبي يالا نخرج ....... طبعا تحبي تروحي فين؟؟؟؟؟؟؟؟؟

السعودية: حبيبي انا زهقانة و نفسي اخرج.......... معلش و الله تعبان مش قادر خالينا يوم تاني

مصر : زحمةةةةةةةةةةةةةةةةةةةةةةةةةةةة

السعودية : عمري ما شوفت زحمة

مصر :ما اخافش و انا خارجة لوحدي

السعودية: اخاف اقف على باب البيت

[ornatepeacock]

في مصر هتحس بطعم النجاح

في السعودية( بعد ما تنجح ) هتفكر امتى هرجع مصر

[capitshino]

11- في السعودية بيفتخروا هنا بالكعبة والمسجد النبوي وبيحطوا صورتهم في معظم الصور والكروت فهما أكبر رموز السعودية وفي مصر بيفتخروا بالاهرامات والمعابد

لا وانت الصادق

بيعلقو صور الملك ووالى العهد فى كل مكان والهيئة ما تقدرش تفتح بقها وتقول الصور حرام ... انما اى صورة تانية فهى حرام

ههههههههههههههههههه على رائ اخونا وحبيبنا محمد اايجيبت

[Amr Radwan]

مصر : زحمةةةةةةةةةةةةةةةةةةةةةةةةةةةة

السعودية : عمري ما شوفت زحمة

تعالي جدة و انتي تشوفي الزحمة طول اليوم و خاصة في طريق المدينة - ش الستين - حراء - التحلية .. من الاخر كل الشوارع زحمممممممةةةةةة تخنق

[jamalpody]

:lol: ??????????????????????????????????????????

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[أبو أماني]

أولا احب اشكر كل الاخوة على مرورهم ومشاركتهم التي أثرت الموضوع

Amr Radwan

fatfouta

ttaammeerr

fatfouta

remo

ornatepeacock

capitshino

Amr Radwan

jamalpody

شكرا لكم

نيجي بقى للأخت fatfouta اللى بتسأل انا مصري ولا سعودي أنا في الحقيقة خايف يكون سؤال استنكاري لا سؤال

استفساري بس هاجوبها برضه علشان تبدأ معايا زي ما هي كاتبة أنا مصري جدا جدا أباً عن جدا جدا ...........

نيجي لتعليق الاخ capitshino

لا وانت الصادق

بيعلقو صور الملك ووالى العهد فى كل مكان والهيئة ما تقدرش تفتح بقها وتقول الصور حرام ... انما اى صورة تانية فهى حرام

ههههههههههههههههههه على رائ اخونا وحبيبنا محمد اايجيبت

مش مختلف معك انهم بيعلقوا صور الملك وولي العهد وايضا صورة الملك عبدالعزيز مؤسس الدولة السعودية الثانية ولكن...........

دا في مصر يقابله تعليقنا في مصر لصورة الرئيس إنما..............

في مصر في كل الدورات الرياضية وفي المحافل الدولية بنضع صور فرعونية كشعار دال على مصر وبنقول لفرقنا الرياضية

الفراعنة عملوا الفراعنة سوو المهم بيقابلوا في السعودية صور الحرمين الشريفين فهما يدلان على السعودية

ولعلمك أنا أعرف مسؤول سعودي رفض أن يضع صور ذوات الارواح على جدار مكتبة رفض ان يضع صورة الملك وولي العهد

وظل في منصبة حتى استقال هو

وكمان بحكم شغلي في مؤسسة دعاية واعلان بيجينا ناس تطلب تصاميم وكتير من الناس هنا بيطلبوا من المصمم

أنه يشيل صورة الملك من التصميم عادي جدا العملية عملية الشخص نفسه المسؤول عن تعليق الصور دي وأنا معاك في ان الهيئة

متقدرش طبعا تشيل صورة الملك من اي مكان هي فيه والله أعلم.............

تم تعديل 9 أبريل 2009 بواسطة أبو أماني

[أبو أماني]

jamalpody

??????????????????????????????????????????

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

??????????????????????????????????????????

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[elfakhrany]

1 - فى مصر نهر النيل - فى السعودية ماء زمزم

2-فى مصر لتر البنزين ال92 ب 185 - فى السعودية لتر البنزين 95 ب 55 هللة

3- فى مصر كله واخدها بالدراع - فى السعودية نظام واحترام للطابور

4- فى مصر سعر الشقة 300 الف جنية - فى السعودية سعر البيت بحاله 200 الف ريال وفى أقل كمان

5- فى مصر الناس بسيطة وفى أشد المحن بتضحك وتهزر - فى السعودية كل الناس تفكيرها مادى بتاخد كام وحوشت كام

6- فى مصر كل الناس نفسها تسافر بره وتسيب مصر - فى السعودية كل الناس نفسها تروح مصر حتى السعوديين نفسهم

7- فى مصر كل واحد عامل أبو العريف وبيفهم فى اى حاجة والميكانيكى بيقول على نفسة مهندس - فى السعودية كل واحد فى تخصصه

8 - فى مصر بتزيد خبرتك بس بخطوات بطيئة - فى السعودية بتكتسب خبرات لاحتكاكك بالجنسيات والثقافات الأخرى كمان توافر أحدث التكنولوجيا

9- فى مصر الناس بتتكلم بطريقة فظيعة ومفيش تنفيذ طبعا - فى السعودية اللى بيقول حاجة لازم يكون مسئول عنها وكل حاجة على الورق وبشروظ جزائية كمان عشان محدش يهرب من المسئولية

10 - فى مصر طعم الدنيا مختلف وطعم النجاح مختلف - فى السعودية مفيش أى حاجة ليها طعم حتى لو راكب عربية لكزس رقمها أأأ 111 :lol:

[fatfouta]

أولا احب اشكر كل الاخوة على مرورهم ومشاركتهم التي أثرت الموضوع

نيجي بقى للأخت fatfouta اللى بتسأل انا مصري ولا سعودي أنا في الحقيقة خايف يكون سؤال استنكاري لا سؤال

استفساري بس هاجوبها برضه علشان تبدأ معايا زي ما هي كاتبة أنا مصري جدا جدا أباً عن جدا جدا ...........

لا طبعا حاشا لله انا بسال بس مش بستهزا وانا عمرى مااستهزا بحد وكل واحد ليه رايه عشان انت لو كنت سعودى كنت مش هسكتلك ولو كنت مصرى هما الاخوة خلاص قاموا بالواجب وزياده

شكرا ليك

[خالد شحاته]

في مصر بتمشي بحريتك بدون اي قيود تسافر اي منطفه بدون اي اذن

في السعوديه للازم تخد الاذن من الكفيل لو عايز تسافر اي منطقه

وطبعا الاول كان للازم خطاب تنقل لي منطقه

[Alattar]

مصر: حبيبي يالا نخرج ....... طبعا تحبي تروحي فين؟؟؟؟؟؟؟؟؟

السعودية: حبيبي انا زهقانة و نفسي اخرج.......... معلش و الله تعبان مش قادر خالينا يوم تاني

تقصدي تقولي :

السعودية:هي: حبيبي انا زهقانة و نفسي اخرج.......... هو: هنخرج نروح فين؟؟

هي : المكان اللي بنروحه بقالنا 9 سنين ...هو فيه غيره؟؟

[romario]

فى مصر.... كله عاوز يسافر السعوديه عشان يحوش قرشين للزمن

فى السعوديه.... كل اللى سافروا عاوزين يرجعوا او الاغلبية حتى لو خدوا القرشين اللى عملوهم هربنا من الكفيل

فى مصر تقدر تعيش باقل فلوس حتى لو جيبك فاضى هتقدر تعيش

فى السعوديه : مش هتقدر تعيش

فى مصر هتلاقى الوس السمح واللسان الكويس الى يعملك معامله كويسه

فى السعوديه كل البشر عندهم خشونه فى التعامل الا الشامين دول احسن ناس تتعامل معاهم وتاخد منهم كلام زى العسل ومش عارف السعودين متعلموش منهم ليه

فى مصر الطفل ممكن يشتغل ويطلع عينو وهو بيدرس عشان يخلص دراستو عشان يدور على وظيفه ولما يخلص يطلع عينه لحد ما يلاقى وظيفه دى اذا لاقى

فى السعوديه الطفل بياخد مرتب ثابت الى ان يخلص دراستو ومش بيخلص بيسيب الدراسة ,وبعد كدة بيشتغل وياخد فلوس

فى النهايه شكرا ودمتم بكل ود, وحب

[Amr Radwan]

تابع .. الاختلافات po::

11- في مصر .. الكل سايبها علي الله و ما تشيلش هم اي حاجة .. اهلك جمبك و بخير ... يبقي اي حاجة بعد كدة مش مهمة

في السعودية .. كل حاجة بحساب .. اي حاجة تشتريها بحساب عشان مرتبك ما يخلصش علي نص الشهر

12- في مصر .. لو تعبت و اتصلت بحد من اصحابي او اخواتي عشان يجولي علي المستشفي .. دقائق معدودة و تلاقيهم جمبك

في السعودية .. هيقولك .. هخلص دوام و اعدي عليك .. ابشر :D

13- في مصر .. اي سعودي يقدر يشتري و يتملك .. ارض .. شقة .. شالية .. مصنع .. عمارة من بابها .. اي حاجة .. و يقدر يتجوز مصرية بسهولة ..

في السعودية .. الاجنبي لا يستطيع امتلاك اي شيء و حتي لو عاوز يتجوز سعودية لازم يكون واخد تصريح من "الأمارة"

14- في مصر .. لو لك قضية في المحكمة .. يبقي حقك ضاع بين المحاميين و لعبهم و استنفاذهم للضحية "موكلهم" بالاضافة موت يا حمار علي ما القضية تخلص بعد يجي 20 سنة كده و لا حاجة .

في السعودية .. لو حد له قضية .. في خلال شهور بسيطة حقك يرجعلك و انت حاطط مطمئن سواء كنت سعودي او اجنبي ..

15- في السعودية .. لو عملت حادثة .. او حد خبطك و انت ماشي بسيارتك او حصل اي مشكلة علي الطريق .. بتتصل بالمرور و في خلال دقائق بسيطة يكون عسكري مرور محترم عندك و يعمل تقرير و يطلع مين اللي عليه الغلط عشان شركة التامين تدفع :lol:

في مصر .. انت و سائق السيارة التانية تتخانقوا و تضربوا بعض و في النهاية الموضوع بالدراع و اللي يعرف وسايط في الشرطة و امن الدوله و كلاء النيابة و .. عيش حياتك .. و ممكن تتطلع انت اللي غلطان عشان مش عندك واسطة محترمة .

16- في السعودية .. لو لقيت كمين و دخلت فيه و كانت زوجتك جمبك .. العسكري بيعديك و يقولك اتفضل .. و لا يسالك علي ورق و لا رخصة و لا حاجة بس المهم تكون مبدأيا حاطط الحزام و مهدي السرعة ..

في مصر .. ما تفرقش معاك مراتك مش معاك مراتك .. المهم تقف علي جمب و تعالي كلم الباشا

و لي رجعة مرة اخري

شكرا لابو اماني و فتفوته ..

[أحب الله]

كلامكم ضحكني بصراحة وكله صح بس انا مش عارفة ليه كلكم شايلين من السعوديين قوي كده انا عن نفسي بحبهم جدا

وكنت عايشة هناك بس ده من 13 سنة كده كنت في اعدادي وكانوا السعوديات الي معايا قمة في الاحترام والذوق وودودين جدا ودلوقتي متعرفة على النت على بنات سعوديات قمة في الاحترام والذوق وبيسألوا عليا وبيتصلوا بيا على طول

الناس كلها مش زي بعضها

انتو لو افتكرتوا وانتو هنا في مصر

ده صعيدي فيه كذك وكذا

ده فلاح

ده قاهري ده اسكندراني

تيجي عندنا في الصعيد لا ده سوهاجي بتاع مصلحته ده مش عارف مين بتاع مين

تدخل في قلب القرية

ده من عيلة فلان فيهم كيت وكيت

تدخل في العيلة ده ابن الكبير الي خيره على الكل

وهكذا

انا عن نفسي من زماااااااااان لا احب التعميم ابدا

احب كل البشر واحسهم اخوتي كل البشر

لما كنت في السعودية

اتعرفت على سودانيات شاميات يمنيات سعوديات

هنا في مصر اي اجنبي كنت اشوفه في الشارع اتكلم واحكي وانزل معاه من اول ما بدأت اعرف كلمتين الماني في الثانوي

بحب كل الناس والحمد لله وبحس مفيش فرق قوي ومش متعصبة

هناك في السعودية برضه بعضهم واخد فكرة ان احنا كلنا حرامية والبنات مش كويسين

وحنروح بعيد ليه

احنا عندنا في الصعيد كنا بنسمع عن مصر ( القاهرة ) سمع وحش جدا

ابتداءا من الحرامية الي اول ما تنزل المحطة حيخطفوا منك الشنطة الى البنات الفاسدات الي مش لابسين في الشوارع

رحت القاهرة وانا في الكلية وانا ماسكة شنطتي بكل حيلي ومستعدة للحرامي وراسمة القرف على وشي من البنات الي ماشية مش لابسة

والشباب الي بيعاكس لأن احنا عندنا معروفة بنت الحج فلان ومفيش الكلام ده

نزلت ولقيت ناس زي العسل شباب عايز يساعدك اول ما يحس انك غريب وبنات مش لابسة بس لذيذة ومحترمات جدا جدا بس بيئتهم هي الي حسستهم ان اللبس ده صح

شباب اول ما بنت تركب المترو يقفوا علشان تقعد

ولا اتعاكست ولا شنطتي اتسرقت والبنات دول اتعرفت عليهم وواحدة لبست الحجاب وكانت غلبانة وطيبة قوي

وبقيت ماشية في الشوارع فاتحة بقي من الفرحة وببتسم لكل حد ماشي اعتذار مني عن فكرتي الي اخدتها في قريتي عن مصر المحروسة

ومن ساعتها بطلت اخد فكرة عن اي مكان عمومي كده

اي مكان فيه الكويس والوحش