الاختلافات الحياتية بين مصر والسعودية

[ابو حودة]

طبعا بقالي سبع سنين ما شفتش مصر

و السبب طبعا اننا لا نملك قيمة تذاكر طيران لنا جميعا

و لا يمكن ابهدل ولادي في السفر البري ( طبعا من اللي باسمعه)

والدتي الله يرحمها توفيت من أربع سنوات و لم أستطع النزول و بأصبر نفسي اني كنت حامل في آخر التاسع و مستحيل اني كنت اقدر اسافر

و سنة تجر سنة مش عارفين نفك من الوضع اللي احنا فيه

و كل ما حد ينزل و يرجع يقولنا اوعوا تنزلوا

حتى أهالينا في التيلفون و الانترنت بيحذرونا من العودة!!

ساعات بأسأل نفسي : أمال الناس اللي عايشة في مصر دي عايشة ازاي؟؟

و بأخاف من التجربة

خايفة اننا ناخد قرار بالعودة و نلاقي الحال أسوأ

فكرت في الهجرة جديا لكن لقيت المصاريف كبيرة جدا علينا في ظل ظروفنا اللي احنا فيها دب

و ما زلنا نكافح في انتظار معجزة من السماء

ربنا يكون في عوننا جميعا لكن 7 سنوات كتير قوي والسفر البري مش مصيبة كبيرة قوي كده كل الحملات الخاصة بالعمرة والحج بتيجي من الدمام الى مكة تقريبا زي المسافة بتاعة مصر وموضوع نزولك مصر ده اكيد قرار شخصي لكن في النهاية هو ارادة وقرار والبعد عن الناس في مصر لمدة 7 سنوات اكيد خلاكم اتعودتم على عدم وجودهم في حياتكم وهما كمان اتعودوا على عدم وجودكم يعني لازم تأهلوا نفسكم لما تنزلوا اكيد المشاعر مش هتكون قوية قوي نتيجة لهذا البعد

اكيد الناس اللي هناك عايشة يعني 80 مليون فيهم اللي ظروفه حلوة وفيهم اللي ظروفه مش تمام المهم الراحة والبركة ورب هنا رب هناك

اسف على الكلام ده وربنا يصلح الحال

[سهل جدا]

يا اختى الفاضله اللى فى مصر بيقولولكم ماترجعوش لانهم من نظرهم شايفين ان السعوديه والخليج واللى فى الخارج عامه فى جنه الفردوس فلوس ورفاهيه وعربيات وريالات ودراهم بالهبل مش عارفين بينسوا او بيتناسول القرف والذل والمهانه اللى انتم عايشين فيها وفعلا الاوضاع بقت صعبه جدا ربنا يعينك ويعين كل المغتربين وترجعوا لبدكم بالسلامه

الله يكرمك يارب وربنا يجعلنا حظ من الدعوات الحلوة دي

بس حتى زمايلنا اللي بيروحوا مصر بيرجعوا يقولولنا كده

طب ما همة كمان معان في المطحنة اللي احنا فيها

يبقى مش ليا حق أخاف برضه؟؟

يقول الشاعر:

لقرب الدار في الإقتار خير* من العيش الموسع في اغتراب

[عبير يونس]

فى السعودية هناك النظام واحترام المواعيد فى العمل واحترام الكلمة

فى مصر كل شىء بالفلهوة والجدعنة

لا مش للدرجة دي

التعميم قاسي جدا

مصر فيها ناس محترمة كتير اوي و بيحترموا الوقت و المواعيد و شخصياتهم تشرفنا كلنا سواء في الداخل أو في الخارج

و الفهلوة و الجدعنة دي لها ناسها و تصدر من بيئات معينة قليلة الثقافة أو معدومة الثقافة إذا أردنا الدقة

و في السعودية كمان مش كل الناس بتحترم كلمتها و مواعيدها

كل مجتمع فيه الكويس و فيه الوحش

احنا بنتكلم عن الاختلافات الحياتية مش عن أخلاق الناس

اللي أكيد عمرنا محنقدر نعممها على شعب بأكمله

يعني السلبيات في المعيشة في مكة ليست عيبا في أهل مكة جميعا

هي سلبيات اجتماعية

و ده ما يمنعش أن كتير منهم معترفين بيها و رافضينها

و بيحاولوا يغيروا الصورة السلبية

و زي ما سبق و قلت

أن كل واحد له تجربته و وجهة نظره اللي أكيد بتختلف عن الآخرين

المهم نبعد عن التعميم

[عبير يونس]

طبعا بقالي سبع سنين ما شفتش مصر

ربنا يكون في عوننا جميعا لكن 7 سنوات كتير قوي والسفر البري مش مصيبة كبيرة قوي كده كل الحملات الخاصة بالعمرة والحج بتيجي من الدمام الى مكة تقريبا زي المسافة بتاعة مصر وموضوع نزولك مصر ده اكيد قرار شخصي لكن في النهاية هو ارادة وقرار والبعد عن الناس في مصر لمدة 7 سنوات اكيد خلاكم اتعودتم على عدم وجودهم في حياتكم وهما كمان اتعودوا على عدم وجودكم يعني لازم تأهلوا نفسكم لما تنزلوا اكيد المشاعر مش هتكون قوية قوي نتيجة لهذا البعد

اكيد الناس اللي هناك عايشة يعني 80 مليون فيهم اللي ظروفه حلوة وفيهم اللي ظروفه مش تمام المهم الراحة والبركة ورب هنا رب هناك

اسف على الكلام ده وربنا يصلح الحال

كلام حضرتك سليم تماما

بس أنا أطفالي ورا بعضهم و خلال ال7 سنين اللي فاتوا

كنت ما بين حمل و ولادة

يعني السفر كان صعب حتى لو بالطيران

فما بالك بيوم كامل في اتوبيس و عبارة

يعني ولادي أكبرهم حاليا 9 سنوات و أصغرهم سنتين و نصف

و مش عايزة استرسل في التفاصيل

لأحسن بتوع تنظيم الأسرة يقبضوا عليا

:rolleyes:

و بالنسبة لأهالينا فهمة الحمد لله جم عندنا عمرات و حج ما شاء الله

يعني العلاقة مش مقطوعة 7 سنين

هي هي

احنا ما بننزلش و همة بيجوا

يعني الحمد لله حكاية المشاعر دي ممنهاش خوف

ربنا يبارك لنا في التيلفون و الانترنت و كاميرا الويب

لكن الأماكن هي اللي وحشتني

و لو انها عايشة جوايا و روحي بتتجول دلوقتى في شارعنا و عمارتنا

و شايفة جيراننا

ربنا يقرب البعيد

و ما تدري نفس ماذا تكسب غدا و ما تدري نفس بأي أرض تموت

[عبير يونس]

يقول الشاعر:

لقرب الدار في الإقتار خير* من العيش الموسع في اغتراب</div>

صدقت يا أخي

بس يا ريتنا حتى في عيش موسع في اغتراب

ههههههههههههههههه

هم يبكي

و هم يضحك

المشكلة ديون بتجر ديون

و سنة تجر التانية

العالم كله في أزمات

اللهم اقض ديننا و ديون المسلمين جميعا يا كريم

[ramyayash]

في مصر لما بتحصل حادثه لازم يتبعها خناقه وضرب وعسكري المرور بييجي زي قلته وما حدش بياخد حاجه من حد

في السعوديه الحادث صدفه كويسه ان الطرفين يتعرفو ويضحكو لحين وصول الضابط وتحديد المخطئ وحل المشكله

في مصر اكثر من ثلاثه ارباع المواطنين مدخنين

في السعوديه اعتقد ان اقل من ربع المواطنين مدخنين

في مصر ارخص عربيه عالزيرو تمنها 37 الف جنيه وهي سوزوكي ماروتي

في السعوديه العربيات تقريبا ببلاش لدرجه ان كورولا 2009 وصلت ل35 الف ريال

في مصر عروض شركات المحمول خنيقه ومستفزه

في السعوديه عروض شركات الجوال مبهره ورائعه

في مصر تلاجه العصائر في السوبر ماركت عباره عن بيبسي وجهينه وعصير ياهوو

في السعوديه ما ينفعش تلاجه واحده لان الماركات كثيييييييييييييير

في مصر الاسعار متغيره حسب المكان والمزاج

في السعوديه السعر موحد تماااااااما

في مصر ديما تلاقيك مزاجك وحش ومكشر ومخنوق بسبب وبدون سبب

في السعوديه الملل بس بيخنق لكن لو قدرت تكسر حاجز الملل هتقدر تبسط وترتاح

في مصر الهندي له قيمه كبيره لانه خبير يحصل علي راتب يفوق ال10 الاف دولار في شركات الغاز والبترول

في السعوديه الهندي انسان شعبي فقير غلباااان

في مصر السعودي بيتقاله يا باشا نورت مصر

في السعوديه المصري بيتقاله يالمصري ايش جايبك عندنا

[Falcon Crest]

في مصر الهندي له قيمه كبيره لانه خبير يحصل علي راتب يفوق ال10 الاف دولار في شركات الغاز والبترول

مش اوي كده المصريين من افضل المهندسين في المجال ده و منهم ناس مرتباتهم اعلي من الرفم ده

[عبير يونس]

في مصر لما بتحصل حادثه لازم يتبعها خناقه وضرب وعسكري المرور بييجي زي قلته وما حدش بياخد حاجه من حد

في السعوديه الحادث صدفه كويسه ان الطرفين يتعرفو ويضحكو لحين وصول الضابط وتحديد المخطئ وحل المشكله

مين قال لحضرتك

الحادثة عندنا بتبقى فرصة جميلة اوي للتخلص من الأجنبي و ترحيله ظالم أو مظلوم

في مصر اكثر من ثلاثه ارباع المواطنين مدخنين

في السعوديه اعتقد ان اقل من ربع المواطنين مدخنين

مين قال لحضرتك برضه

التدخين هنا على مستوى عالي جدا جدا و كمان شيشة

و خصوصا بين الحريم الا من رحم ربي

في مصر ارخص عربيه عالزيرو تمنها 37 الف جنيه وهي سوزوكي ماروتي

في السعوديه العربيات تقريبا ببلاش لدرجه ان كورولا 2009 وصلت ل35 الف ريال

في دي حضرتك عندك حق

بس مش حتدخلها مصر إلا بجمرك خيالي

في مصر عروض شركات المحمول خنيقه ومستفزه

في السعوديه عروض شركات الجوال مبهره ورائعه

من دقنه و افتله يا باشا

همة عندهم اللي بيبعتوا

SMS

على مستويات عالية اوي

و شركات المحمول بتلم فلوس أضعاف أضعاف العروض اللي بتقدمها

في مصر تلاجه العصائر في السوبر ماركت عباره عن بيبسي وجهينه وعصير ياهوو

في السعوديه ما ينفعش تلاجه واحده لان الماركات كثيييييييييييييير

كتييييييييييير و أسعارها كمان كتييييييييييييييييييييييييير

في مصر الاسعار متغيره حسب المكان والمزاج

في السعوديه السعر موحد تماااااااما

برضه مين قال لحضرتك

ده هنا الأسعار على كيفهم اوي و اللي مش عايز براحته (مع نفسه)

و لا فيش ضرايب و لا تسعيرة

في مصر ديما تلاقيك مزاجك وحش ومكشر ومخنوق بسبب وبدون سبب

في السعوديه الملل بس بيخنق لكن لو قدرت تكسر حاجز الملل هتقدر تبسط وترتاح

حاجز الملل هنا حينكسر بإيه غير الأكل و التلفزيون؟؟؟و التسوق استهلاك في استهلاك

في مصر الهندي له قيمه كبيره لانه خبير يحصل علي راتب يفوق ال10 الاف دولار في شركات الغاز والبترول

في السعوديه الهندي انسان شعبي فقير غلباااان

الهنود اللي حضرتك بتقول عليهم دول مبيفكروش في السعودية من أساسه

دول يا اما في دبي يا في لندن يا باشا

في مصر السعودي بيتقاله يا باشا نورت مصر

في السعوديه المصري بيتقاله يالمصري ايش جايبك عندنا

هههههههههههههههههه

اهي دي بقى حضرتك عندك حق فيها جدا جدا جدا

[ramyayash]

مصريه متغربه لك مني خالص التحيه والاحترام

اشكرك علي مداخلتك الرائعه وانا لست اقول ان كل مقارنتي عامه وشامله واكيد الكلام مش عالجميع ولكن!! الا تعتقدي معي ان وجود جوانب سلبيه في السعوديه في النقاط التي ذكرتها نوع من انواع الصدفه او الغرائب؟؟؟

هل رايتي سابقا شخص في الصحراء او في اكثر الاماكن ازدحاما يبيع علبه بيبسي باكثر من ريال واحد؟؟

هلي رايتي في محطه بنزين عامل المحطه يحصل علي بقشيش اجباري او يضع بنزين في السياره اقل من المبلغ المدفوع؟؟

لالالا الظلم حرام الجوانب السلبيه في المجتمع السعودي محدوووده جدا ولا تعتبر ظاهره ولكنها مجرد حالات استثنائيه

هذا لا يمنع ان مصر بها اشخاص غايه في الاحترام ولكن الظاهره للاسف في مصر هي السلبيه وغياب الضمير

نقطه اخري واسف للتطويل ولكنها معلومه جديره بالضحك .. الخبير الهندي هنا في مصر في شركه غاز بلاعيم وسيجاس وموبكو يحصل علي مبلغ يفوق ال10 الاف دولار شهريا بخلاف سياره لكل مهندس هندي وفيلا كامله له ولاسرته مجهزه بكافه الاحتياجات ورغم ذلك يتعاملون معنا كمصريين اننا اقل منهم منزله ومكانه ورايت ذلك امامي مع شخص في كافي لتقديم المشروبات فما كان مني الا انني قمت ومسكت في الهندي قلتله انت عقلك في خراب؟؟ انت ما في معلوم ايش ممكن نسوي فيك

فما حدث هو انه لم يفهم ولا كلمه لانه بمنتهي البساطه ما راحش السعوديه قبل كده وانا من جوايا اتعودت ان الهندي دي لغته فانتبهت وشتمته بالانجليزي ولولا انه شاف نظره شر كان تمادي فيها ورغم ذلك الناس حذرتني انه تقريبا مسنود وما حدش يقدر ياذيه هههههه فقعدت اضحك جدا جدا جدا

ومره اخري شاكر لكي علي المداخله الرائعه

تم تعديل 13 مايو 2009 بواسطة ramyayash

[ramyayash]

في مصر الهندي له قيمه كبيره لانه خبير يحصل علي راتب يفوق ال10 الاف دولار في شركات الغاز والبترول

مش اوي كده المصريين من افضل المهندسين في المجال ده و منهم ناس مرتباتهم اعلي من الرفم ده

شكرا يا فالكون عالمداخله الجميله دي

بالنسبه للهندي في مصر فرتبه 10 الاف دولار غير المزايا وكل اهتمامات الحياه

اعتقد مفيش مهندس في مصر هياخد الراتب ده ابداااا

ثانيا لو المصري اخد كده في دوله بالخارج واعلي من كده فاكيد لانه يستحق اكثر من كده لان للاسف وصلنا لنقطه ان داااااااائما المصري هو اللي محتاج الشغل باي شكل ودااائما صاحب العمل هو اللي يخفض الراتب ويقلل المزايا

بصراحه احنا قللنا من قيمه انفسنا

وعلي فكره انا اول واحد مستعد للتهاون لمجرد الخروج من مصر

اللي اقصده ان الهندي له قيمه في مصر

وليس له قيمه في السعوديه

كنوع من انواع المقارنه

[fatfouta]

في مصر اكثر من ثلاثه ارباع المواطنين مدخنين

في السعوديه اعتقد ان اقل من ربع المواطنين مدخنين

مين اللى قالك الكلام ده؟!!!!!!!!!!

كرهك لمصر يا رامى مخليك بتشوف حاجات مش مضبوطة وبعدين فى مصر مزاجك مش بيبقى حلو فاكره يعنى هيبقى جميل فى السعودية؟

هيه لما نشوف

[fatfouta]

في مصر الهندي له قيمه كبيره لانه خبير يحصل علي راتب يفوق ال10 الاف دولار في شركات الغاز والبترول

مش اوي كده المصريين من افضل المهندسين في المجال ده و منهم ناس مرتباتهم اعلي من الرفم ده

شكرا يا فالكون عالمداخله الجميله دي

بالنسبه للهندي في مصر فرتبه 10 الاف دولار غير المزايا وكل اهتمامات الحياه

اعتقد مفيش مهندس في مصر هياخد الراتب ده ابداااا

ثانيا لو المصري اخد كده في دوله بالخارج واعلي من كده فاكيد لانه يستحق اكثر من كده لان للاسف وصلنا لنقطه ان داااااااائما المصري هو اللي محتاج الشغل باي شكل ودااائما صاحب العمل هو اللي يخفض الراتب ويقلل المزايا

بصراحه احنا قللنا من قيمه انفسنا

وعلي فكره انا اول واحد مستعد للتهاون لمجرد الخروج من مصر

اللي اقصده ان الهندي له قيمه في مصر

وليس له قيمه في السعوديه

كنوع من انواع المقارنه

الهندى ده عشان بيبقى اسمه اجنبى فى مصر فبيتعامل كويس انما كل الجنسيات التانية بيطبق عليها نفس النظام فى مصر

طب شوف مصر بتعمل الاجانب اذاى واحنا بنتعامل اذاى كأجانب فى السعودية .... فكرك دى ميزة ولا عيب سواء هنا ولا هناك؟

هو انت سافرت يا رامى ؟ انا اخر حاجة فكراها ان انت فى مصر وبتدور على عقد للخليج طمنى!!!

[ramyayash]

فتفوته

شكرا لاهتمامك بالنقاش

انا من سنه 92 لغايه 2002 في القصيم

كنت بالابتدائي والاعدادي

وحتي الان والدي في السعوديه

ولكن مش لاقي فيزا محاسب

علشان كده مش عارف اسافر

انما انا شوفت المجتمع السعودي جدددا وطبعا شوفت المجتمع المصري بعد رجوعي لتكمله التعليم

والحقيقه شتان الفرق

وانا مش بكره مصر

ولكن بكره سلبياتها

ويكفي منظر بعض الشباب وهما بيشربو خمور ومخدرات في سياراتهم بمنتهي البجاحه ولما ضابط يكلمهم يقولو انا ابن فلان ولا خالي اللواء فلان بيسيبهم وخلاص

منتهي العشوائيه

وانا مش بحب العشوائيه

شكرا

[عبير يونس]

فتفوته

شكرا لاهتمامك بالنقاش

انا من سنه 92 لغايه 2002 في القصيم

كنت بالابتدائي والاعدادي

وحتي الان والدي في السعوديه

ولكن مش لاقي فيزا محاسب

علشان كده مش عارف اسافر

انما انا شوفت المجتمع السعودي جدددا وطبعا شوفت المجتمع المصري بعد رجوعي لتكمله التعليم

والحقيقه شتان الفرق

وانا مش بكره مصر

ولكن بكره سلبياتها

ويكفي منظر بعض الشباب وهما بيشربو خمور ومخدرات في سياراتهم بمنتهي البجاحه ولما ضابط يكلمهم يقولو انا ابن فلان ولا خالي اللواء فلان بيسيبهم وخلاص

منتهي العشوائيه

وانا مش بحب العشوائيه

شكرا

أستاذ رامي

كره مصر ده ذنب كبير لا أجرؤ أن أصمك به

أنا زي حضرتك متربية في السعودية مع أهلي من قبل مل آجي مع زوجي

السعودية دلوقت مش زي زمان خالص

زمان كانوا مستريحين أكتر و فلوسهم أكتر وماكانش عنهم معدل بطالة زي دلوقت

كان الواحد فيهم لو وقعت منه 100 ريال على الأرض ما يوطيش يجيبها

كانوا بيغيروا الأثاث كل سنة و مش بيبيعوه

بيحطوه جنب البيت لأي حد ياخده

كان اللي بيتخرج من الجامعة فيهم بياخد 50000 ريال عند التخرج و للفتيات 80000 ريال عند اتمام شهادة ثانوية فنية عشان تفتح مشغل خياطة

دلوقت

الآلاف اتعلموا و دخلوا الجامعات بنين و بنات

و بيخلوهم يوقعوا ان الحكومة مش مسئولة عن تعيينهم

و امتلأت البيوت السعودية بالعاطلين من الجنسين

و بقوا بيرضوا بأي وظيفة حتى لو ما تناسبش مؤهلهم و طبعا الرواتب لا تكفي بالمرة

طبعا لأنهم أصحاب بلد و عليهم عشرات الالتزامات الاجتماعية المكلفة و المرهقة

ده غير علاء المهور و ارتفاع تكاليف الايجار و تأثيث المنزل

السعوديون من الأجيال الجديدة في أزمات حقيقية

المجتمع الداخلي يغلي

و الأخلاقيات في انحدار و تدهور

و المخدرات منتشرة بمعدل كبير

و بعدين المناطق بتختلف عن بعض

يعني المنطقة الشرقية ليست كالرياض و ما حولها و كلاهما يختلف عن المنطقة الغربية (الحجاز)

لكن في النهاية الكل تعبان

بس بدرجات

و السلبيات اللي حضرتك بتحكي عنها انها في مصر بقت موحودة هنا كمان

لأن الأخلاقيات دايما بترتبط بالحالة الاقتصادية

لأنه لما يحصل أزمة اقتصاد بتؤثر على المجتمع و المجتمع بيضغط على الأسر و الأسر بتبقى عوامل ضغط على بعض

الأبناء بيضغطوا على آبائهم بطلباتهم و تطلعاتهم

و الأب و الأم التعبانين إما بيحطوا همهم في ولادهم و يضغطوا عليهم بشكل غير طبيعي

أو بينشغلوا عن تربيتهم عشان يلموا الفلوس اللي يربوهم بيها

و النتيجة واحدة في الحالتين

غياب القدوة و أزمات أخلاقية

للأسف هنا و في مصر الكل مضغوط و الكل بيضرب في الكل

اللهم ارفع مقتك و غضبك عنا يارب

[عبير يونس]

الهندى ده عشان بيبقى اسمه اجنبى فى مصر فبيتعامل كويس انما كل الجنسيات التانية بيطبق عليها نفس النظام فى مصر

طب شوف مصر بتعمل الاجانب اذاى واحنا بنتعامل اذاى كأجانب فى السعودية .... فكرك دى ميزة ولا عيب سواء هنا ولا هناك؟

هو انت سافرت يا رامى ؟ انا اخر حاجة فكراها ان انت فى مصر وبتدور على عقد للخليج طمنى!!!

كلام حضرتك مظبوط بس همة مش معترفين ان مصر بتعاملهم كويس

لسه من فترة بسيطة قابلت واحدة كانت حتاكلني عشان بتدرس في الجامعة المفتوحة في مصر و بياخدو منها المصاريف بالعملة الأجنبية

و عمالة تهاجمني

لحد ما قلتلها بذوق

انتي ليه بتهاجميني انا

هو انا اللي خدت الفلوس في جيبي؟؟

لو كنا احنا اللي بناخد الفلوس دي مكناش جينا هنا

و قلبتها ضحك (بس بمرارة)

فسكتت

تصوروا انهم عاملين جروب في الفيس بوك

لدعوة الطلاب الخليجيين بمقاطعة الدراسة في الجامعات المصرية؟؟!!

عايزين يعملوا لنا مقاطعة

ما عملوهاش للمنتجات الأمريكية !!!!

دي غير ان رأيهم فينا اننا نصابين و حرامية و مبنعرفش حاجة و واخدينها بالفهلوة

و اي صدام كلامي لا تسمع الا

"يا حقون هز الوسط"

مع ان الشعب العربي كله يرقص

بل و تفوقوا علينا كمان

و خليلو خليلو .. خليلو خليلو

تحياتي

[خالد شحاته]

الهندى ده عشان بيبقى اسمه اجنبى فى مصر فبيتعامل كويس انما كل الجنسيات التانية بيطبق عليها نفس النظام فى مصر

طب شوف مصر بتعمل الاجانب اذاى واحنا بنتعامل اذاى كأجانب فى السعودية .... فكرك دى ميزة ولا عيب سواء هنا ولا هناك؟

هو انت سافرت يا رامى ؟ انا اخر حاجة فكراها ان انت فى مصر وبتدور على عقد للخليج طمنى!!!

كلام حضرتك مظبوط بس همة مش معترفين ان مصر بتعاملهم كويس

لسه من فترة بسيطة قابلت واحدة كانت حتاكلني عشان بتدرس في الجامعة المفتوحة في مصر و بياخدو منها المصاريف بالعملة الأجنبية

و عمالة تهاجمني

لحد ما قلتلها بذوق

انتي ليه بتهاجميني انا

هو انا اللي خدت الفلوس في جيبي؟؟

لو كنا احنا اللي بناخد الفلوس دي مكناش جينا هنا

و قلبتها ضحك (بس بمرارة)

فسكتت

تصوروا انهم عاملين جروب في الفيس بوك

لدعوة الطلاب الخليجيين بمقاطعة الدراسة في الجامعات المصرية؟؟!!

عايزين يعملوا لنا مقاطعة

ما عملوهاش للمنتجات الأمريكية !!!!

دي غير ان رأيهم فينا اننا نصابين و حرامية و مبنعرفش حاجة و واخدينها بالفهلوة

و اي صدام كلامي لا تسمع الا

"يا حقون هز الوسط"

مع ان الشعب العربي كله يرقص

بل و تفوقوا علينا كمان

و خليلو خليلو .. خليلو خليلو

تحياتي

الاخت مصريه

الكل في دول الخليج مفكره المصرين نصابين والكل عارف ان اساس المدرسين في السعوديه كانو المصرين هما اساس التعليم وده من ناس كبيره في السن وتعرف الصح كويس اما بالنسبه الاخلاق للاسف الاخلاق الان في الحضيض هنا الا بيحصل استحاله يحصل في مصر

وده كلام الاخ رامي

ويكفي منظر بعض الشباب وهما بيشربو خمور ومخدرات في سياراتهم بمنتهي البجاحه ولما ضابط يكلمهم يقولو انا ابن فلان ولا خالي اللواء فلان بيسيبهم وخلاص

منتهي العشوائيه

وانا مش بحب العشوائيه

والا بيحصل في جده من كل شي مخدارات وبلوي منيله والا بيحصل في الرياض في الجراديه ولا المنفوحه اكتر من الا بيحصل في مصر مليون مره

[mokhtarelmalahy]

فتفوته

شكرا لاهتمامك بالنقاش

انا من سنه 92 لغايه 2002 في القصيم

كنت بالابتدائي والاعدادي

وحتي الان والدي في السعوديه

ولكن مش لاقي فيزا محاسب

علشان كده مش عارف اسافر

انما انا شوفت المجتمع السعودي جدددا وطبعا شوفت المجتمع المصري بعد رجوعي لتكمله التعليم

والحقيقه شتان الفرق

وانا مش بكره مصر

ولكن بكره سلبياتها

ويكفي منظر بعض الشباب وهما بيشربو خمور ومخدرات في سياراتهم بمنتهي البجاحه ولما ضابط يكلمهم يقولو انا ابن فلان ولا خالي اللواء فلان بيسيبهم وخلاص

منتهي العشوائيه

وانا مش بحب العشوائيه

شكرا

أستاذ رامي

كره مصر ده ذنب كبير لا أجرؤ أن أصمك به

أنا زي حضرتك متربية في السعودية مع أهلي من قبل مل آجي مع زوجي

السعودية دلوقت مش زي زمان خالص

زمان كانوا مستريحين أكتر و فلوسهم أكتر وماكانش عنهم معدل بطالة زي دلوقت

كان الواحد فيهم لو وقعت منه 100 ريال على الأرض ما يوطيش يجيبها

كانوا بيغيروا الأثاث كل سنة و مش بيبيعوه

بيحطوه جنب البيت لأي حد ياخده

كان اللي بيتخرج من الجامعة فيهم بياخد 50000 ريال عند التخرج و للفتيات 80000 ريال عند اتمام شهادة ثانوية فنية عشان تفتح مشغل خياطة

دلوقت

الآلاف اتعلموا و دخلوا الجامعات بنين و بنات

و بيخلوهم يوقعوا ان الحكومة مش مسئولة عن تعيينهم

و امتلأت البيوت السعودية بالعاطلين من الجنسين

و بقوا بيرضوا بأي وظيفة حتى لو ما تناسبش مؤهلهم و طبعا الرواتب لا تكفي بالمرة

طبعا لأنهم أصحاب بلد و عليهم عشرات الالتزامات الاجتماعية المكلفة و المرهقة

ده غير علاء المهور و ارتفاع تكاليف الايجار و تأثيث المنزل

السعوديون من الأجيال الجديدة في أزمات حقيقية

المجتمع الداخلي يغلي

و الأخلاقيات في انحدار و تدهور

و المخدرات منتشرة بمعدل كبير

و بعدين المناطق بتختلف عن بعض

يعني المنطقة الشرقية ليست كالرياض و ما حولها و كلاهما يختلف عن المنطقة الغربية (الحجاز)

لكن في النهاية الكل تعبان

بس بدرجات

و السلبيات اللي حضرتك بتحكي عنها انها في مصر بقت موحودة هنا كمان

لأن الأخلاقيات دايما بترتبط بالحالة الاقتصادية

لأنه لما يحصل أزمة اقتصاد بتؤثر على المجتمع و المجتمع بيضغط على الأسر و الأسر بتبقى عوامل ضغط على بعض

الأبناء بيضغطوا على آبائهم بطلباتهم و تطلعاتهم

و الأب و الأم التعبانين إما بيحطوا همهم في ولادهم و يضغطوا عليهم بشكل غير طبيعي

أو بينشغلوا عن تربيتهم عشان يلموا الفلوس اللي يربوهم بيها

و النتيجة واحدة في الحالتين

غياب القدوة و أزمات أخلاقية

للأسف هنا و في مصر الكل مضغوط و الكل بيضرب في الكل

اللهم ارفع مقتك و غضبك عنا يارب

والله العظيم الاخت مصريه مغتربه بتقول كلام زى الفل انت اخدتى الكلام اللى على طرف لسانى

ازيك يا رامى او يابوحميد واحشنى يا مان اخبارك ايه عايز اشوفك بعد الامتحانات

[عبير يونس]

والله العظيم الاخت مصريه مغتربه بتقول كلام زى الفل انت اخدتى الكلام اللى على طرف لسانى

ازيك يا رامى او يابوحميد واحشنى يا مان اخبارك ايه عايز اشوفك بعد الامتحانات

احم احم

اخجلتم تواضعنا :rolleyes:

[ramyayash]

شكرا يا جماعه عالمناقشه الممتعه دي بجد انا مستمتع بالحوااااار بجد

شكرا يا مصريه متغربه عالمداخله

وشكرا يا مختار عالسؤال واكيد هشوفك اول ما تخلص امتحانات

اعتقد انه مهما كان الشباب في السعوديه منهار وبيشرب مخدرات وبيعمل بلاوي منيله الا انه عالاقل مفيش محلات تبيع خمور عيني عينك او شاب يسكر امام رجال الشرطه في الشارع او كميه حالات التحرش والاغتصاب التي تحصل في مصر او كميه جرائم القتل

رجاااءا رجاءا مهما ازدادت المملكه انحدارا في الاخلاق لا تقارنوها بمصر لان ظروف تعاملاتي في مصر جعلتني اكشف خفايا ما يفعله الشباب تماما ولا اعتقد مهما بلغ الامر سوءا في السعوديه ان يصبح بالبجاحه التي تحدث في مصر

[عبير يونس]

شكرا يا جماعه عالمناقشه الممتعه دي بجد انا مستمتع بالحوااااار بجد

شكرا يا مصريه متغربه عالمداخله

وشكرا يا مختار عالسؤال واكيد هشوفك اول ما تخلص امتحانات

اعتقد انه مهما كان الشباب في السعوديه منهار وبيشرب مخدرات وبيعمل بلاوي منيله الا انه عالاقل مفيش محلات تبيع خمور عيني عينك او شاب يسكر امام رجال الشرطه في الشارع او كميه حالات التحرش والاغتصاب التي تحصل في مصر او كميه جرائم القتل

رجاااءا رجاءا مهما ازدادت المملكه انحدارا في الاخلاق لا تقارنوها بمصر لان ظروف تعاملاتي في مصر جعلتني اكشف خفايا ما يفعله الشباب تماما ولا اعتقد مهما بلغ الامر سوءا في السعوديه ان يصبح بالبجاحه التي تحدث في مصر

شوف يا أستاذ رامي

محدش قال ان مصر جنة و مفيهاش سلبيات

بس حقيقي و بجد السعودية مش هي البديل

إذا عايز عيشة منظمة و تقدر تتكلم فيها على حقوقك يبقى تلغي أي بلد عربي من تقكيرك

ده اللي عاوزة اوصله لحضرتك

لأن كلنا في الهوا سوا

و السعودية أو أي بلد عربي آخر من الخليج للمحيط ما يناسبوش تطلعاتك الثورية دي على الفوضي و حقوق الانسان و الكلام الكبير ده

ممكن اوافقك لو قلت لي عايز تروح استراليا و الا كندا

و ساعتها اقولك توكل على الله

و تشوف لي سكة معاك و النبي

تم تعديل 14 مايو 2009 بواسطة مصرية متغربة