الاختلافات الحياتية بين مصر والسعودية

[fatfouta]

ولله يا فتفوته

وانا فالرياض كان عندى بلكونه

وفيها منشر

بس عمرى ما فكرت انشر فيها

اول بس ما كنت افتح الباب

الاقى الشارع كله وقف يتفرج عالبلكونه ال بابها انفتح

ده كله قبل ما اخرج فيها

ما بالك بقى لو خرجت

كنت بلاقى الشارع كله اتص عربيات علشان تركن

دى رحمة ربنا انه مفيش بلكونات زى مصر

تعالى بقى لما اغيظك....::::: :lol:

على العكس بقى تماما

ساكنة فالتاسع فى مصر

تخيلى بقى انا بنشر الغسيل واقف جنبه اد ربع ساعه علشان المه

والا واحسرتاااااااه

مهلاقيش ولا قصقوصة غسيل عالحبل

ها اتغاظتى ولالسه :blush2: :blink:

اسكتى يا ماما نونا يا ختى

ده لما بكون فى مصر لما بقف فى بلكونتى وانشر غسيلى ولا فيش مثيلى

واتشمس انا والعيال فى البلكونة ببقى فى منتهى السعادة كده

انما هنا منظر المنشر يجيب الهم

متغاظة منك بصراحة........هتيجى امتى بقى عشن تبقى ذينا؟

[fatfouta]

كمان فيه حاجة تانى مضايقانى

ربطة البقدونس او الكزبرة الخضراء او الشبت هنا ممكن تعمل 5 حلل محشى.....انما فى مصر الربطة ماتشوفيهاش فيها عودين تقريبا

اللى مضايقنى بقى انى بجيبها واقطعها ومش ببقى عارفة اعمل ايه بالباقى

فـ بروح حطاه فى الفريزر وبالتالى لو قعد كتير بيبوظ........بيصعب عليا والله

[mama nona]

كمان فيه حاجة تانى مضايقانى

ربطة البقدونس او الكزبرة الخضراء او الشبت هنا ممكن تعمل 5 حلل محشى.....انما فى مصر الربطة ماتشوفيهاش فيها عودين تقريبا

اللى مضايقنى بقى انى بجيبها واقطعها ومش ببقى عارفة اعمل ايه بالباقى

فـ بروح حطاه فى الفريزر وبالتالى لو قعد كتير بيبوظ........بيصعب عليا والله

ههههههههههههه

هو ده ال مزعلك فالسعودية

هاتى الخضرة دى ومتغسليهاش

وحطيها فورق جرايد واقفليه عليها كويس

وخدى على اد احتياجك ف كل مرة

هتقعد سليمى لغاية اسبوع

وبعدين حطيه فى كل حاجة مش بس المحشى

فيه السلطات بانواعها

افرشيه فى طبق للتجميل تحت فراخ مشوية ,لحم بارد,كفته مثلا

اهو منظر جميل وريحة حلوة

كمان مش لازم تستخدمى جزء العيدان خدى الاوراق افضل كتير

ياللا يا ستى اى خدعة على رايك

وكلها ايام وليالى واجيلك علشان ابقى زبك يا غالى

[eaglsson]

معلش اذا سمحتولي اضيف حاجه

في السعوديه مفيش يوم بيعدي الا وتقابل واحد يتكلم على مصر ( شفت المفتي بتاعكوا قال ايه - شفت وزير الخاجيه عندكوا عمل ايه - شفت اللي قتل المطربه - شفت اللي خنق امه عندكوا -سمعتوا عن الطبيبين المصريين اللي مسكوهم في جده ......الخ ) طبعا ده مش من السعوديين وبس دا كمان من كل العرب حتى يمكن العرب اكتر.

والغريب في الموضوع لو سمعتوا اذاعات زي بانوراما او ام بي سي اف ام : تلاقي سبحان الله اخبار جميله من كل بلاد العالم والوطن العربي الا من مصر بيفتحوا صفحة الحوادث وينقوا اكتر خبر مشين ويذيعوه قال يعني مفيش في مصر اي خبر مشرف.

الحقيقه مش عارف مين اللي بيتعمد فصل مصر عن العرب وزرع الفرقه والغربه بينهم.

يا جماعه دا حتى مستغربين اننا بنقول على نفسنا نسل الفراعنه طيب وهو دا كذب ولا ايه ؟؟؟ ما احنا يا جماعه فعلا اصلنا فرعوني ودا مش عيب والله العظيم ماهو عيب دا العيب اننا ننكر ده. وانا شخصيا فخور بده جدا .

على الجانب الاخر في مصر مفيش وقت اصلا نتكلم عن حد (الا اذا كانت قضيه كبيره مش واحد دبح مراته علشان كحك العيد)لان مشاكلنا كفايه ومشغولين بيها

كمان في مصر مفيش اسبوع بيعدي الا وفيه مظاهرات في الجامعات لمناصرة قضيتنا في فلسطين .

لكن في السعوديه مفيش اي رد فعل شعبي لاي حاجه. اللهم الا خلوها تصدي وخلوها تعنس...

وللحديث بقيه

[herohero]

من ضمن الفوق المهمة انك بتنسى الفكر السياسي ف السعودية مادام كله تمام والبيبسي والبسمتي والفراخ لوزوم الكبسة يبقى تمام

زي مابنقول نبض الحياة مش موجود واهم شيئ خطبة صلاة الجمعه ربنا يسامحني 3 سنين ماحسيت بخطبة زي مصر انا ف مصر الواحد كان بيستمتع بيها اما ف السعودية خطبة تقليدية جدا جدا

مفيش طبعا مواصلة عامة هتركبها ويتفتةح نقاش اصل انا كنت من عشاق نقاشات عند الحلاقين ومع سواقين التاكسي

طبعا ده مش موجود ف السعودية ولا اي دولة خليجية

[fatfouta]

معلش اذا سمحتولي اضيف حاجه

في السعوديه مفيش يوم بيعدي الا وتقابل واحد يتكلم على مصر ( شفت المفتي بتاعكوا قال ايه - شفت وزير الخاجيه عندكوا عمل ايه - شفت اللي قتل المطربه - شفت اللي خنق امه عندكوا -سمعتوا عن الطبيبين المصريين اللي مسكوهم في جده ......الخ ) طبعا ده مش من السعوديين وبس دا كمان من كل العرب حتى يمكن العرب اكتر.

والغريب في الموضوع لو سمعتوا اذاعات زي بانوراما او ام بي سي اف ام : تلاقي سبحان الله اخبار جميله من كل بلاد العالم والوطن العربي الا من مصر بيفتحوا صفحة الحوادث وينقوا اكتر خبر مشين ويذيعوه قال يعني مفيش في مصر اي خبر مشرف.

الحقيقه مش عارف مين اللي بيتعمد فصل مصر عن العرب وزرع الفرقه والغربه بينهم.

يا جماعه دا حتى مستغربين اننا بنقول على نفسنا نسل الفراعنه طيب وهو دا كذب ولا ايه ؟؟؟ ما احنا يا جماعه فعلا اصلنا فرعوني ودا مش عيب والله العظيم ماهو عيب دا العيب اننا ننكر ده. وانا شخصيا فخور بده جدا .

على الجانب الاخر في مصر مفيش وقت اصلا نتكلم عن حد (الا اذا كانت قضيه كبيره مش واحد دبح مراته علشان كحك العيد)لان مشاكلنا كفايه ومشغولين بيها

كمان في مصر مفيش اسبوع بيعدي الا وفيه مظاهرات في الجامعات لمناصرة قضيتنا في فلسطين .

لكن في السعوديه مفيش اي رد فعل شعبي لاي حاجه. اللهم الا خلوها تصدي وخلوها تعنس...

وللحديث بقيه

تصدقق بالله كنا لسه فى العربيةة من كام يوم وانا دايما بعترض ان جوزى يشغل الاذاعات دى بس هو برضو بيشغلهم

ولقيته بيقوللى برضوا ذى مايكونوا متعمدين مايجيبوش الاغانى المصرية كتير

وتلاقيها علطول اغانى خليجى او لبنانى على الاكثر.......وفين وفين على مايجيبوا اغنية لعمر دياب او تامر حسنى

او يجيبوهم بس فى التوب توينتى وخلاص

بصراحة انا مش بطيق الإذاعتين دول ...........لكن فى مصر اسمع بقى نجوم اف ام.....حاجة كده تحسسك بالروح الجميلة

[Diab]

في السعودية في بيك

في مصر مفيش بيك

تم تعديل 14 مارس 2010 بواسطة Diab

[ozoozo]

في السعودية في بيك

في مصر مفيش بيك

قصدك تقول في جده والمدينه والطايف في بيك

اما باقي السعوديه ومصر مافيش

ولو اني سامع ان في فرع في مدينه نصر وفرع في 6 اكتوبر

[herohero]

وفي موضوع اخر

انا اتفق مع مصرية مغتربة في ان السعودية الكويت والخليج عموما لم يعد كالسابق ولكن لاتزال هذه البلدان مترفة وتعيش برفاهية بنظرنا نحن المصريين جراء الأزمات الاقتصادية الخانقة التي نعيشها.

تحياتي

حضرتك معاك حق

المسألة نسبية

انا بأقارن حياتي في السعودية دلوقت عما كانت عليه في السبعينات و الثمانينات عندما كنت مع أهلي

لكن برغم كده صدقني

الفلوس دايما مقرور عليها و مفيهاش بركة

و ما في مرة كان معانا مبلغ ( يعني مش محترم اوي) الا و صرفت قصاده قد كده على ولادي عند الدكاترة

و مواقف غريبة للعربية بدون سبب تعطل و تتكلف قد كده

يعني باحس ان اللي في الخليج العين عليهم

و عشان كده انتشر اوي و بشكل فج حكاية خزي العين اللي بتبقى مكشوفة اوي

و للأسف بقت عادة عند كتير من زمايلنا و معرفنا

والدتي كانت رافضه سفري للخليج لان فعلا فلوسه مقرور عليها انا تربية فلوس الكويت مش عاوز اقولك مدى القر والحسد ان انا واخواتي البنات نجحنا يعني مهندس ودكاترة ياربي كاني احنا خدنا اكتر من حقنا وازاي انا مابقيتش مدمن مخدرات فلوس قر بجد

وكان زميل والدي بيقول ده فلوس طالعه من نار لازم تحرقنا

[الســـاري]

بصراحة اضحكتني جداً ميزة النشر بالبلكونات :lol:

واول مرة اعرف انها نقطة ايجابية !! wst::

لا اختلاف على ان لكل بلد عاداته ... لكن اسمعهم دائماً يقولون عن الفضائح " نشر الغسيل " .. لهذا استغرب عندما اشاهد بزياراتي بالخارج ( لا اعني هنا دولة بعينها ) ملابس نسائية وبعضها خاص جداً يعرض على الملأ .. ! :blush2:

والاغرب اني اجد نشر الغسيل هو فسحة ;) .. هههههههههههه ... اسف فتفوتة لا اعني التجريح .. لكن بحق .. استغرب .. المرء رهين بعاداته .. اصلا الغبار الموجود في دولتنا الصحراوية الحبيبة سيعيق هذا الامر قبل ان تبدأ السيارات بالتراص لانتظار مشاهدة كاس العالم ! .. تماماً كما لا يجعله صحي ان كان المناخ العام للبلد ملوث بنسبة الديزل المحروق وخلافه ..

المناشر كئيبة ؟ .. ربما .. لكني اجدها اسلوب ارقى .. وافضل .. اختلاف في وجهات النظر عموماً .. :unsure:

عزيزي وابن بلدي مسافر زاده الخيال .. احترم وجهة نظرك .. لكني اختلف معها .. للاسف لازال لدى شبابنا الكثير ليتعلموه في احترام العمل .. وعدم الخمول والتكاسل والتواكل .. ليس الجميع بالطبع .. لكن الغالب ..

وتحية لكل المشاركين بهذا الموضوع الجميل ..

[fatfouta]

بصراحة اضحكتني جداً ميزة النشر بالبلكونات :lol:

واول مرة اعرف انها نقطة ايجابية !! wst::

لا اختلاف على ان لكل بلد عاداته ... لكن اسمعهم دائماً يقولون عن الفضائح " نشر الغسيل " .. لهذا استغرب عندما اشاهد بزياراتي بالخارج ( لا اعني هنا دولة بعينها ) ملابس نسائية وبعضها خاص جداً يعرض على الملأ .. ! :blush2:

والاغرب اني اجد نشر الغسيل هو فسحة :lol: .. هههههههههههه ... اسف فتفوتة لا اعني التجريح .. لكن بحق .. استغرب .. المرء رهين بعاداته .. اصلا الغبار الموجود في دولتنا الصحراوية الحبيبة سيعيق هذا الامر قبل ان تبدأ السيارات بالتراص لانتظار مشاهدة كاس العالم ! .. تماماً كما لا يجعله صحي ان كان المناخ العام للبلد ملوث بنسبة الديزل المحروق وخلافه ..

المناشر كئيبة ؟ .. ربما .. لكني اجدها اسلوب ارقى .. وافضل .. اختلاف في وجهات النظر عموماً .. :unsure:

وتحية لكل المشاركين بهذا الموضوع الجميل ..

فيه مثل عندنا بيقول اللى مايعرفش يقول عدس

وانت عشان سعودى مش هتفهمنا ولا هتفهم قصدنا ايه انا اقصد اتمنى لملابس اطفالى التهوية

المصريات لديهم القدر الكافى من الحياء وماعتقدش انك شوفت مضوع نشر الملابس الخاصة النسائية ده فى مصر

ايوه احنا بننشر غسيلنا فى البلكونات وده فى حد ذاته بيبقى فسحة لينا مش احسن من المناظر الكئيب التانية اللى بيسمسها البعض رقى

اتعجب من وجودكم هنا بصراحة.......احنا هنا مصريين فاهمين بعض وبنفضفض مع بعض اى جنسية تانية هتدخل اكيد مش هتفهمنا وهيحصل استفزاز

بس عاوزة اقولك حاجة ان كلام لم يتسفزنى رغم ان فيه اتهام واضح لينا كمصريات....... بل اضحكنى والله

وبرضو ارجع واقول ان اللى مايعرفش يقول عدس........اكيد انت برضو مش هتفهم المثل ده بس انا حطاه للمصريين اللى هيفهموه عشان ده منتدى مصرى على اعتقد

اسفة طبعااااااااااا لا اقصد التجريح

[eaglsson]

افتقد الشبابيك الواسعه

افتقد البلكونات

افتقد الناس اللي ماشيه في الشارع ( بالطبع اقصد الاسر العاديه اللي خارجه تتمشى او تتسوق مش الهنود والبنغال)

افتقد المشي مع زوجتي في الشارع بدون ما الاقي حد يضايقني او يحرجني انا وزوجتي ( بالطبع هي محجبه لكن ليست منقبه)

افتقد الالوان.

افتقد احساسي بالخروجه وانا قاعد في مكان راقي( صحيح بابقى هاعيط لما تيجي الفاتوره لكن مش مهم اللي ييجي في الريش بقشيش) لكن هنا لو قعدت في افخر فندق بالضبط زي ما اقعد في كنتاكي وزي ما اقعد في مطعم بخاري . -_-

[eaglsson]

افتقد العمارات العاليه واحساسي اني في مدينه

افتقد محلات وسط البلد والزحمه والناس :wub:

لا انا حالتي بقت صعبه خالص...... لازم انزل اجازه ....سلام عليكم -_-

[الســـاري]

لم اقصد التلميح لشقيقاتي المصريات ..

ولا داعي لاستغراب وجودنا .. فمصر ام الدنيا .. وليست ام المصريين فقط -_-

فنحن لم نستغرب مناقشة الاخوان المصريين الاختلافات الحياتية بين مصر والسعودية ، ولم نستغرب ذكر السلبيات او الايجابيات .. فما يراه شعب ميزة قد يراه شعب سلبية .. وهذا لب الموضوع .. الاختلافات الحياتية ..

اختي فتفوتة .. لم يكن غرضي الا المزاح .. وقد خشيت ان يفهم ردي بشكل خاطئي .. فانا عموما اقدر قلمك كثيراً .. ولا داعي لان يستفز او يتهم احدنا الاخر ..

فعلي هذا الاساس لو كنت ساستجيب للاستفزازات .. لاعتبرت كل سلبية ذكرت بهذا الموضوع عن بلدي استفزازاً .. خاصة وان بعضها ( اضحكني كثيراً ) كمن تقول ان السيارات تقف في وسط الشارع لمشاهدة الغسيل !! ..

ليست لدي اي حساسية .. فها هو ردي قد اختلفت فيه مع ابن بلدي مسافر .. كل ما اردت قوله ان ما يراه شعب معين نقيصة .. قد يراه شعب اخر كمالاً ..

قرأت الموضوع من اوله لاخره .. من اول ما قلتي باول رد لصاحب الموضوع ( لو كنت سعودي لكان لي معاك كلام تاني ) وحتى ردك الاخير .. وبصراحة لم يستفزني او تغضبني اي سلبية لشعبنا ذكرت هنا تلميحاً او تصريحاً ..

لكن كما قرأت 8 صفحات وانا ابتسم .. اتمنى ان تبتسمي لقراءة رد واحد .. وتقبله كما هو .. دون ان تنظري للجنسية ..

بالمناسبة .. لدينا مثل يقول ( اللي يدري يدري .. واللي ما يدري يقول خمشة عدس ) .. نفس المعنى ..

لا تحملوا الامور اكثر مما تحتمل .. الموضوع كما اراه هو دعوة للابتسام لا اكثر .. :wub:

واعتذر لو حصل اي استفزاز بدون قصد .. وتحياتي

[fatfouta]

لم اقصد التلميح لشقيقاتي المصريات ..

ولا داعي لاستغراب وجودنا .. فمصر ام الدنيا .. وليست ام المصريين فقط :)

فنحن لم نستغرب مناقشة الاخوان المصريين الاختلافات الحياتية بين مصر والسعودية ، ولم نستغرب ذكر السلبيات او الايجابيات .. فما يراه شعب ميزة قد يراه شعب سلبية .. وهذا لب الموضوع .. الاختلافات الحياتية ..

اختي فتفوتة .. لم يكن غرضي الا المزاح .. وقد خشيت ان يفهم ردي بشكل خاطئي .. فانا عموما اقدر قلمك كثيراً .. ولا داعي لان يستفز او يتهم احدنا الاخر ..

فعلي هذا الاساس لو كنت ساستجيب للاستفزازات .. لاعتبرت كل سلبية ذكرت بهذا الموضوع عن بلدي استفزازاً .. خاصة وان بعضها ( اضحكني كثيراً ) كمن تقول ان السيارات تقف في وسط الشارع لمشاهدة الغسيل !! ..

ليست لدي اي حساسية .. فها هو ردي قد اختلفت فيه مع ابن بلدي مسافر .. كل ما اردت قوله ان ما يراه شعب معين نقيصة .. قد يراه شعب اخر كمالاً ..

قرأت الموضوع من اوله لاخره .. من اول ما قلتي باول رد لصاحب الموضوع ( لو كنت سعودي لكان لي معاك كلام تاني ) وحتى ردك الاخير .. وبصراحة لم يستفزني او تغضبني اي سلبية لشعبنا ذكرت هنا تلميحاً او تصريحاً ..

لكن كما قرأت 8 صفحات وانا ابتسم .. اتمنى ان تبتسمي لقراءة رد واحد .. وتقبله كما هو .. دون ان تنظري للجنسية ..

بالمناسبة .. لدينا مثل يقول ( اللي يدري يدري .. واللي ما يدري يقول خمشة عدس ) .. نفس المعنى ..

لا تحملوا الامور اكثر مما تحتمل .. الموضوع كما اراه هو دعوة للابتسام لا اكثر .. :)

واعتذر لو حصل اي استفزاز بدون قصد .. وتحياتي

حصل خير يا اخى الكريم

انت اكيد عارف اننا لا ننتقد السعودية ولكن بنقول افتقد شئ معين موجود فى بلدى ولكنى لا اجده هنا

واهلا بك فى اى مكان فى المنتدى

وتحياتى لك -_- :wub:

[eaglsson]

تحية واجبه واحترام لاخونا الساري واسلوبه الراقي

تشرفنا في اي وقت

وتحيه كمان للست فتفوته وتقبلها للرد

ربنا يديم المعروف

بس برضه لازم انزل اجازه

[herohero]

بصراحة اضحكتني جداً ميزة النشر بالبلكونات :)

واول مرة اعرف انها نقطة ايجابية !! wst::

لا اختلاف على ان لكل بلد عاداته ... لكن اسمعهم دائماً يقولون عن الفضائح " نشر الغسيل " .. لهذا استغرب عندما اشاهد بزياراتي بالخارج ( لا اعني هنا دولة بعينها ) ملابس نسائية وبعضها خاص جداً يعرض على الملأ .. ! :wub:

والاغرب اني اجد نشر الغسيل هو فسحة -_- .. هههههههههههه ... اسف فتفوتة لا اعني التجريح .. لكن بحق .. استغرب .. المرء رهين بعاداته .. اصلا الغبار الموجود في دولتنا الصحراوية الحبيبة سيعيق هذا الامر قبل ان تبدأ السيارات بالتراص لانتظار مشاهدة كاس العالم ! .. تماماً كما لا يجعله صحي ان كان المناخ العام للبلد ملوث بنسبة الديزل المحروق وخلافه ..

المناشر كئيبة ؟ .. ربما .. لكني اجدها اسلوب ارقى .. وافضل .. اختلاف في وجهات النظر عموماً .. :)

عزيزي وابن بلدي مسافر زاده الخيال .. احترم وجهة نظرك .. لكني اختلف معها .. للاسف لازال لدى شبابنا الكثير ليتعلموه في احترام العمل .. وعدم الخمول والتكاسل والتواكل .. ليس الجميع بالطبع .. لكن الغالب ..

وتحية لكل المشاركين بهذا الموضوع الجميل ..

سيدي نشر الغسيل هو شيئ صحي وانا اعرف انه قد يكون شيئ جديد ع بعض الافراد كماهو جديد ع الواحد ايضا ان يرى محلات تبيع ادق خصوصيات المراة وماتعرف بمحلات " الانجري" يقف فيها بياعين رجال وانت والجميع عارف انهم لبنانييين من شباب كتاكيتو بني بجد شيئ يدعو للتامل والتدبر يالها من نظرية كم بودي ان اعرف ماهو سرها ان تذهب المراة لتشتري ملابس خاصه جدا بها لتجد من يقوم بخدمتها رجل من الرجاله اليل من نوع بس بس ناو

فلكل بلد عاداته فمنها ماينشر الغسيل ومنها من يبيع ملابس الانجري الحريمية ع يد اخوة افاضل من شباب البيس بيس ناو

[the consultant]

طيب يا جماعة معطلكوش بقة عشان انا نازل مصر (اسكندرية) :lol: (شم النسيم) لو حد عايز منشر خارجي ولا مشمع عشان الغسيل لما الدنيا تشتي ميكسفش

[وطني حر]

في مصر المصريين تاكل لحم العجل والبتلو

وفي السعوديه بتاكل جمل وحاشي

في مصر جوز الحمام وذكر البط والوز طبق فاخر يقدم للضيوف

وفي السعوديه الخروف والمفطح هو الطبق الافضل للضيوف

في مصر ما فيش مغتربين مصريين

في مصر سياح سعوديين كثير

تم تعديل 15 مارس 2010 بواسطة وطني حر

[the consultant]

في السعودية محدش اسمه محمد بس لما تنادي اي حد لازم تقوله محمد.

مصر كلها اسمها محمد بس لما تنادي بتنادي باسم العيلة .