الاختلافات الحياتية بين مصر والسعودية

[fatfouta]

في مصر لما كنت اسلم على واحده ست الاقيها بتقبل كده وتسلم بحرارة وتبوس على الخدين

هنا المصريات لما يشوفوا بعض بيسلموا باليد فقط وبالعافيه وتلاقيها ماده ايدها على الاخر كأنها بتمنعك انك تتهوري وتبوسي

حاجة غريبة ومش لاقيلها تفسير

اللى تعمل معاكى كده ولاااااا تمدى ليها ايدك تانى

معلش بقى اذا كانت مصرية ولا سعودية ولا كانك ولا تبينى انك مضايقة

انا حصلت معايا هنا كتير وعلى هذا الاساس............ابتسامة بسيطة من غير مامد ايدى وكلمة السلام عليكم واهز راسى بترحيب ودمتم

ولا يهمك ياما هتشوفى

[herohero]

في مصر لما كنت اسلم على واحده ست الاقيها بتقبل كده وتسلم بحرارة وتبوس على الخدين

هنا المصريات لما يشوفوا بعض بيسلموا باليد فقط وبالعافيه وتلاقيها ماده ايدها على الاخر كأنها بتمنعك انك تتهوري وتبوسي

حاجة غريبة ومش لاقيلها تفسير

لان بصراحه هي عاده مصرية فقط امي برده لما عيشنا ف مصر كانت بتتضايق منها لانها عاده غير صحية

[fatfouta]

معاك يا هيرو ان المبالغة فى البوس والاحضان عادة عير صحية وانا مش بحبها

لكن اعتقد ان ام نور بتتكلم عن البشاشة مش اكتر

تم تعديل 23 مارس 2010 بواسطة fatfouta

[hOuSsAm]

فى السعودية مفيش حاجة ليها طعم :lol: مهما كانت حلوة او غالية او مفيش زيها فى الدنيا (باستثناء الحرم طبعا)

فى مصر كل حاجة ليها طعم حتى لو بسيطة :unsure:

فى مصر البحر صاحى وفيه موج

فى السعودية البحر ميت واتدفن من زمااااااااااااااان

فى مصر عشان تروح من مدينة لمدينة الطريق مش بيكون مستقيم لازم تاخد زوايا وبتدخل مدن تانية

فى السعودية تمسك طريق المدينة من اوله (من جدة طبعا) توصل عالحرم عالطول او تاخد طريق مكة تلاقيك نازل قدام باب الملك فهد

[hOuSsAm]

نيجى بقى للمخدات

قصة لوحدها

فى السعودية طبعا انتوا عارفين انواعها المختلفة

لكن فى مصر بقى القطن يا جماله يا سلام مريح للرقبة اللى اتلوحت دى

ماينفعش اجيب معايا من المخدات الطويلة دى........هيعدوها فى المطار يا ترى :unsure: :lol:

تصدقى بالله انى ناوى اعملها مع اول اجازة اناكدة كدة مش باخد حجات كتيرة من مصر هاخد مخدة بس قصيرة واللى يحصل يحصل

عالاقل اصحى من النوم احس انى اخدت كفايتى بدل البهدلة اللى بعملها فى رقبتى دى دى قصرت :lol: بعد ماكانت طويلة :D

[kitkat]

تابع .. الاختلافات :lol:

15- في السعودية .. لو عملت حادثة .. او حد خبطك و انت ماشي بسيارتك او حصل اي مشكلة علي الطريق .. بتتصل بالمرور و في خلال دقائق بسيطة يكون عسكري مرور محترم عندك و يعمل تقرير و يطلع مين اللي عليه الغلط عشان شركة التامين تدفع :lol:

في مصر .. انت و سائق السيارة التانية تتخانقوا و تضربوا بعض و في النهاية الموضوع بالدراع و اللي يعرف وسايط في الشرطة و امن الدوله و كلاء النيابة و .. عيش حياتك .. و ممكن تتطلع انت اللي غلطان عشان مش عندك واسطة محترمة .

فعلا دي مشكلة كبيرة وبيحصل قلة ادب وسفالة بس لو حضرتك صممت تعمل محضر بالواقعة وتشتكي الباشا الي خبطك في مكان عمله هو هيتأذي احنا بس مش عارفين حقوقنا ايه

16- في السعودية .. لو لقيت كمين و دخلت فيه و كانت زوجتك جمبك .. العسكري بيعديك و يقولك اتفضل .. و لا يسالك علي ورق و لا رخصة و لا حاجة بس المهم تكون مبدأيا حاطط الحزام و مهدي السرعة ..

في مصر .. ما تفرقش معاك مراتك مش معاك مراتك .. المهم تقف علي جمب و تعالي كلم الباشا

لازم طبعا تنزل تكلم الباشا وهو قاعد علي كرسي تحت الشجرة الي في جزيرة الطريق وحاطط رجل علي رجل انت فاكر ايه يا مواطن ؟!!!

و لي رجعة مرة اخري

شكرا لابو اماني و فتفوته ..

كمل لو سمحت

[M Mido]

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

دا غير ان كل حاجة في مصر فيها بركة حتى ولو كانت قليلة و ده مش موجود في اي بلد تاني ممكن هتاخد فيه اضعاف اللي بتخده في مصر.

[ام نور محمود]

في مصر لما كنت اسلم على واحده ست الاقيها بتقبل كده وتسلم بحرارة وتبوس على الخدين

هنا المصريات لما يشوفوا بعض بيسلموا باليد فقط وبالعافيه وتلاقيها ماده ايدها على الاخر كأنها بتمنعك انك تتهوري وتبوسي

حاجة غريبة ومش لاقيلها تفسير

اللى تعمل معاكى كده ولاااااا تمدى ليها ايدك تانى

معلش بقى اذا كانت مصرية ولا سعودية ولا كانك ولا تبينى انك مضايقة

انا حصلت معايا هنا كتير وعلى هذا الاساس............ابتسامة بسيطة من غير مامد ايدى وكلمة السلام عليكم واهز راسى بترحيب ودمتم

ولا يهمك ياما هتشوفى

في مصر لما كنت اسلم على واحده ست الاقيها بتقبل كده وتسلم بحرارة وتبوس على الخدين

هنا المصريات لما يشوفوا بعض بيسلموا باليد فقط وبالعافيه وتلاقيها ماده ايدها على الاخر كأنها بتمنعك انك تتهوري وتبوسي

حاجة غريبة ومش لاقيلها تفسير

لان بصراحه هي عاده مصرية فقط امي برده لما عيشنا ف مصر كانت بتتضايق منها لانها عاده غير صحية

معاك يا هيرو ان المبالغة فى البوس والاحضان عادة عير صحية وانا مش بحبها

لكن اعتقد ان ام نور بتتكلم عن البشاشة مش اكتر

المشكلة دول بيكونوا زوجات اصحاب زوجي وبرود المقابله بيؤدي لبرودد القعدة كلها وببقى هاموت واروح وفي الاخر بيتقالي انتي بتدوري على النكد

وفعلا تاني مرة مامدتش ايدي لحد وكان في واحدة جديدة مدت ايدها ليا وانا ارتبكت فمديت ايدي كانت هي اتكسفت وسحبتها وبعدين رجعت مدتها تاني وكان موقف يكسف

وانا والله ياهيرو مش غاويه بوس واصلا كنت برتبك لما ست كبيرة تقعد تسلم كتير في مصر بس زي مافتفوتة قالت انا فعلا بتكلم على البشاشة

يعني في فرق لما واحدة تسلم عليا والابتسامة ماليه وشها رغم انها اول مرة تشوفني

وواحدة بتسلم وهي مصدرة الوش الخشب وبتحسسك انك عندك مرض معدي

حاجة صعب بصراحة

شايفاكي تحت يافتفت

طمنيني على القراقيش

عايزة اضمن حقي

[fatfouta]

ليه الفضايح دى طب استنى اما العجينة تخمر واقولك.........حقك محفوط ماتخافيش

تصدقى ان القراقيش دى برضو اختلافة كبيرة

يعنى الدقيق فى مصر اعمل بيه القراقيش والكيك وكل حاجة تطلع تحفة ولا تنشف ولا حاجة

انما فى السعودية فى 100 نوع دقيق وولا واحد منهم يطلعلك القراقيش والكيك عدلين ولاااااااااازم ينشفوا

ادينى عملت اللى عليا واستنى هقولك لما تخلص وهديكى حق نور كمان..اوعى تقلقى

[engmido]

عايز حقى فى القراقيش

[kitkat]

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

دا غير ان كل حاجة في مصر فيها بركة حتى ولو كانت قليلة و ده مش موجود في اي بلد تاني ممكن هتاخد فيه اضعاف اللي بتخده في مصر.

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

[doha]

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

دا غير ان كل حاجة في مصر فيها بركة حتى ولو كانت قليلة و ده مش موجود في اي بلد تاني ممكن هتاخد فيه اضعاف اللي بتخده في مصر.

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

معاك حق كيت كات في مصر عشر الاف جنيه ميعملوش اي حاجه .. لايجيبوا عربية ولا يشتروا شقة ولا حتى حتة ارض ..

بينما في السعوديه الالفين ريال ممكن يعملوا حاجات كتييييييير ..

اقدر ادفع منهم تكاليف الاستقدام

ممكن برضه ادفعهم للكفيل مقابل تجديد اقامتي السنوي ..

ممكن ينفعوا مصاريف الباص بتاع مدرسة البنت ..

ممكن اجيب بيهم تذكرة طيران لمصر رايح جاي ..

ممكن ادفعهم ايجار البيت في الشهر .

وممكن وممكن وممكن ..

ياخبر ابيااااض اتاري الواحد عايش ملك ومش حاسس

بقولك ايه ياكيت كات .. خليني ساكته احسن ..

العيشه في السعوديه حلوة اه مقلناش حاجه والثلاث الاف ريال الي هم ثلاثه الاف جنيه بالمناسبة يعيشوني حلو في مصر ايوه صحيح مش ملك بس هعيش لكن بالله عليكي الفين ريال في السعوديه يعملوا ايه ؟ ولا قصدك لواحد عازب ؟

على العموم 3 الاف في مصر يعيشوا العازب برضه وعجين الفلاحه كمان ..

[M Mido]

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

دا غير ان كل حاجة في مصر فيها بركة حتى ولو كانت قليلة و ده مش موجود في اي بلد تاني ممكن هتاخد فيه اضعاف اللي بتخده في مصر.

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

ياراجل!! دا الواحد لو خد في مصر 2000 جنيه عمره ماهو مسافر لاي بلد غير للسياحة و الفسح، و ال 2000 ريال بتوع السعودية دول مايعشوش حد هناك بشاهدة معظم الناس اللي بشتغل هناك.

[M Mido]

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

دا غير ان كل حاجة في مصر فيها بركة حتى ولو كانت قليلة و ده مش موجود في اي بلد تاني ممكن هتاخد فيه اضعاف اللي بتخده في مصر.

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

معاك حق كيت كات في مصر عشر الاف جنيه ميعملوش اي حاجه .. لايجيبوا عربية ولا يشتروا شقة ولا حتى حتة ارض ..

بينما في السعوديه الالفين ريال ممكن يعملوا حاجات كتييييييير ..

اقدر ادفع منهم تكاليف الاستقدام

ممكن برضه ادفعهم للكفيل مقابل تجديد اقامتي السنوي ..

ممكن ينفعوا مصاريف الباص بتاع مدرسة البنت ..

ممكن اجيب بيهم تذكرة طيران لمصر رايح جاي ..

ممكن ادفعهم ايجار البيت في الشهر .

وممكن وممكن وممكن ..

ياخبر ابيااااض اتاري الواحد عايش ملك ومش حاسس

بقولك ايه ياكيت كات .. خليني ساكته احسن ..

العيشه في السعوديه حلوة اه مقلناش حاجه والثلاث الاف ريال الي هم ثلاثه الاف جنيه بالمناسبة يعيشوني حلو في مصر ايوه صحيح مش ملك بس هعيش لكن بالله عليكي الفين ريال في السعوديه يعملوا ايه ؟ ولا قصدك لواحد عازب ؟

على العموم 3 الاف في مصر يعيشوا العازب برضه وعجين الفلاحه كمان ..

فعلا 3000 جنيه في مصر يعيشوا عيلة مش عازب وحتى بالمقارنة بنفس المرتب في السعودية، اللي بيبقبض في مصر 1000 لازم يقبض في السعودية على الاقل 3000 عشان يبقى عمل فرق.

[eaglsson]

يا اخ كيت كات الالفين ريال دول يعيشوك في السعوديه ملك صحيح لو انت بنغالي

وال 10000 جنيه دول صحيح متقدرش تعيش بيهم في مصر لو بتصرفهم على حاجات معروفه

والنبي بلاش بقى طريقة الكلام دي عشان انا اتخنقت من المصريين اللي جايين الخليج كانهم جايين الجنه وبيتكلموا على مصر كانهم ماشافوش فيها اي خير ولا اي حاجه حلوه وللاسف الكلام ده وتصرفات بعض المصريين خلى سعرنا رخيص عند الناس وبقى الشوام والاجانب وباقي العرب زي السودانيين مثلا عند السعوديين افضل من المصري واغلى منه

طيب ايه رايك بقى انا هنا في السعوديه وباقبض 11000 ريال ومع ذلك اقسم بالله لو هاتديني 3000 جنيه في الشهر في مصر هاحجز طياره بكره واروح

يا راجل دا انت في مصر حتى بيكون ليك اماني واحلام..... تشتري عربيه حلوه.....تاكل في مكان شيك.....تتفسح وتصرف براحتك..... وانا من اول ما جيت هنا وانا فقدت اي احساس باي حلم ومعدش لاحلامي اي طعم ولا معنى.... انا هنا ممكن اجيب احلى عربيه حتى لو مش معايا فلوسها كاش فممكن اخد قرض مريييييح من البنك واشتريها ومش هاحس بالقسط ومع ذلك عمري ماحسيت اني نفسي اركب عربيه فخمه.

وانا بالطبع ماقصدش ان العيب في السعوديه لا المشكله فينا احنا

يا اخوانا دي مش بلدنا ومهما قعدنا فيها فاحنا برضه اسمنا مقيمين مش مواطنين

[truth]

ايييييييييييييييييه 2000ريال يعيشوك ملك!! :hi: ده علي اساس ان الواحد صومالي وكان في مجاعة قبل كده والله حتي العيشة الملوكي الصومالية مش هتبقي بالفين ريال!! :lol:

ومصر لو 10000مش عاجبك (ده عشان عمرك باين ماشفتهم فبتتكلم عن العنقاء)!! اييييييه ده يااخي اتق الله في صدق قولك واللي يعيشوه 2000ريال ملك يبقي في مصر مكنش لاقي ياكل

[herohero]

براحه بس ع ىالراجل ياجماعه هو اللي انا مقتنع بيه هو سهولة الحياة هنا وتعقيداتها في مصر وده حقيقة

اما عن انك تحس بقيمة الشيئ ف مصر وده لان غيرك مش معاه

يعني ف مصر بتحس بقيمة كل شيئ بتحس بقيمة ان معاك فلوس اما بره مصر فكله عايش هتركب عربية شيك هتلاقي كتير احسن منك اما ف مصر رغم انتشار عربيات كتيييييييييير غاليه لكن برده هتقدر تدور وتلاقي ناس ع ادهم تعيش عليهم الدور

لان انا شوفت ناس كده

اما عن ان برده رغم كل شيئ ليه مش بنحس بشيئ فده عيب فينا كمصريين اللبناني هنا عايش كويس وبيمتع نفسه المصري بيفضل يقول بكره اروح بلدي واتمتع لا بيروح ولا حاجه ولو راح لا بيتمتع ولا غيره

عيش يومك واتمتع بيه سواء ب2000 ريال او 20000

المهم تكون مرتاح خدت 20000 ف مصر ومش عاوز ترتاح مش هترتاح ولو خدت 2000 جنيه ممكن تبقى مرتاح عن ابو 20000 يعني الحكاية من جوانا

عاوز تشوف السواد ف مصر هتلاقيه عاوز تشوف الجوانب الحلوة هتلاقيها

بس احنا كمصريين بنموت ف التشكي يبقى نفسنا نسافر ويوم مانسافر نتشكى

يبقى نفسنا نهاجر ويوم مانهاجر نتشكى

نرجع مصر نتشكى

بذمتكم احنا عاوزين ايه مانعيش زي الناس ماعايشه يومها وخلاص

[kitkat]

يا اخ كيت كات الالفين ريال دول يعيشوك في السعوديه ملك صحيح لو انت بنغالي

يا اخي ربنا يزيدك صدقني انا عشت في السعودية وحسيت فيها ببركة مش موجودة للاسف في مصر

عموما واضح ان حضرتك homesick جدا وده شيء جميل اننا نحب بلدنا بس لازم نعترف بالقصور الموجود في بعض الاشياء

مصر اتغيرت جدا صدقني الواحد مش بقا حاسس بالامان ( خطف أطفال واغتصابهم-اعتداء علي فتيات ومعاكسات باسلوب منحدر-غش وفساد ورشاوي اجبارية-الخ الخ )

نتمني ان نري بلادنا في احسن حال وترجع زي زمان صدقني حضرتك الجيل بتاعي يقدر يحكم لانه شاف البلد وهي بتتغير والمنحني الاخلاقي ناااااااااازل :lol:

[OReX]

السلام عليكم

كل واحد يا جماعة ولية اسلوب حياة مختلف ومبنى عليه انفاقه الشخصى

انا من الناس اللى مقتنعة ان مستوى الانفاق فى القاهرة والرياض تقريبا متقارب

اللى بيخلينا نحس ان فية فرق وان ال 3000 فى مصر يعملوا حاجات كتير لاننا مش بنعيش فى نفس المستوى اللى عايشين فيه فى الخليج يعنى لو عايزين نركب نفس العربية لو نسكن فى منطقه مشابهه لنفس المنطقة فى مصر والغذا برا كل يوم للعزاب :lol: ومصاريف المدارس الانترناشونال

[kitkat]

ال

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

بقولك ايه ياكيت كات .. خليني ساكته احسن ..

العيشه في السعوديه حلوة اه مقلناش حاجه والثلاث الاف ريال الي هم ثلاثه الاف جنيه بالمناسبة يعيشوني حلو في مصر ايوه صحيح مش ملك بس هعيش لكن بالله عليكي الفين ريال في السعوديه يعملوا ايه ؟ ولا قصدك لواحد عازب ؟

على العموم 3 الاف في مصر يعيشوا العازب برضه وعجين الفلاحه كمان ..

ههههههههههه شفتي انا نبهتك انك عايشة ملكة وانتي مش واخدة بالك علي فكرة انا كنت اقصد لواحد ومراته ومعاهم بنت : wst::

ال 100 جنيه بقت عاملة زي ال 10 جنيه بالظبط والله

الفرق الكبير من وجه نظري انك في مصر انت في بلدك ومحدش له عندك حاجة و تقدر تمشي و انت نافخ صدرك لكن انت في السعودية اجنبي و ليك حدود كتيرة.

.

انا باختلف معاك لان في مصر لو بتاخد 10000 جنيه في الشهر برده مش بيقضي بينما في السعودية لو بتاخد 2000 ريال بتعيش بيهم ملك زمانك

مصر مش فيها ريحة البركة وطبعا معروف السبب (من أعمالنا سلط علينا )

ياراجل!! دا الواحد لو خد في مصر 2000 جنيه عمره ماهو مسافر لاي بلد غير للسياحة و الفسح، و ال 2000 ريال بتوع السعودية دول مايعشوش حد هناك بشاهدة معظم الناس اللي بشتغل هناك.

سياحة وفسح كمان ؟ أيوه وممكن تجيب سواق هندي وطباخ تركي هههههههههه ربنا يسمع منك ويطرح البركة في البلد

عيش يومك واتمتع بيه سواء ب2000 ريال او 20000

المهم تكون مرتاح خدت 20000 ف مصر ومش عاوز ترتاح مش هترتاح ولو خدت 2000 جنيه ممكن تبقى مرتاح عن ابو 20000 يعني الحكاية من جوانا

عاوز تشوف السواد ف مصر هتلاقيه عاوز تشوف الجوانب الحلوة هتلاقيها

بذمتكم احنا عاوزين ايه مانعيش زي الناس ماعايشه يومها وخلاص

الله ينور عليك والله جبت الفايدة

السلام عليكم

كل واحد يا جماعة ولية اسلوب حياة مختلف ومبنى عليه انفاقه الشخصى

انا من الناس اللى مقتنعة ان مستوى الانفاق فى القاهرة والرياض تقريبا متقارب

اللى بيخلينا نحس ان فية فرق وان ال 3000 فى مصر يعملوا حاجات كتير لاننا مش بنعيش فى نفس المستوى اللى عايشين فيه فى الخليج يعنى لو عايزين نركب نفس العربية لو نسكن فى منطقه مشابهه لنفس المنطقة فى مصر والغذا برا كل يوم للعزاب :hi: ومصاريف المدارس الانترناشونال

يبقي حضرتك محتاج 25 الف جنيه :lol: