اسكندرية MADE IN

[Salwa]

احبائى.........

وحشتونى....

لى مدة كبيرة جدا جدا .......بعيد عنكم ......عمدا ....علشان اقرب منكم اكتر .

ذهبت بعيدا بعيدا ......زرت اكثر من بلد ....وفى الآخر كان حسن الختام .....الاسكندرية.

مفيش فايدة .....

هى القلب والعقل والروح ....هى كل حاجة ...

قرأت ما كتبه بعض الاخوة عن رحلاتهم ....وخصوصا الى مصر .

اقامتى فى الاسكندرية كانت فترة هدوء وتأمل ......وقناعة واقتناع ....ان بلدى جميلة ....وناسها ان اظهروا الوجه القبيح ...فذلك لانهم // اضطروا // الى هذا .

حدثت لى مواقف كثيرة كثيرة بعضها يدعو الى السخرية .....منها مثلا نزولى فى يوم من الايام وكان يصادف حضور السلطان .....

وكما قال الاخ / ابو زيد .....انا ايضا منزلى يطل على البحر ....

والمفاجأة ...انهم قالوا لى .....

معذرة سيدتى .....

اصعدى منزلك مرة اخرى ......

حتى يمر الموكب ...

[se_ Elsyed]

الحمد لله على السلامه يا مدام سلوى ,ان شاء الله تكوني قضيتي أجازة سعيده .

[بنت شعنونة]

ماما سلوووووووووووووى

حمدالله ع السلامة

وحشتينا جدااااااا جدااااا يا ماما

كدا برضه

تبقي في مصر ومش نشوووووووفك

انا زعلالالالالانة جدااااا

بس ماشي

حمدالله ع السلالالالالالالالالالالالامة نورتينا ووحشتينا كلنااااااا

[Salwa]

شكرا لكم جميعا وشكر ا للفاضل سى السيد والابنة الغالية شانا.

كلكم وحشتونى ....كلكم .....لانسلوت.....كروس....نورا....كليو....كلكم صدقونى.

وحتى لو الايام دى وقتى لايسمح لى بالتحدث معكم كثيرا فاعذرونى ...

احاول ان // اجمع // نفسى مرة اخرى .

آسفة ياشانا ......قريبا جدا سوف احاول قضاء اسبوع فى الاسكندرية واراك.

لكن هذه الرحلة كان لها وضع خاص ...........كانت فعلا رحلة مع النفس .ذهبت مارينا وقضيت اسبوع هناك مع الاهل .....بلا حفلات او صخب ....خضرة....بحر....سماء....

لفت نظرى وجود اكثر من مول فى كل منطقة ....// جرين بلازا ....كارفور....وغيره...//لكن بالنسبة لى لم يكن هذا بالطبع دليل تقدم حضارى ومعذرة لو كنت بقولى هذا اضايق البعض ...

حدثت لى كما قلت عدة مواقف ....جعلتنى اؤمن اكثر من ذى قبل بالانسان المصرى الاصيل ...

ضاعت من ابنتى حقيبتها ...........وعادت الحقيبة كاملة ....// لااله الا الله / لم تنقص شىء كان اقل ما فيها كمية فضة ...اغلى من الذهب ...

مرة اخرى مر بائع الجرائد فى مارينا واشتريت منه اربع مجلات والجرائد ...وقاللى مبلغ ...// لم احسبه // واعطيته ما طلب وزيادة شوية ...

بعد ساعة عاد الصبى وقاللى آسف جدا جدا الحسبة كانت غلط واعطانى عشرة جنيهات ....تركتها له طبعا وانا اتعجب فرحة جدا على امانته....وغيره ...وغيره....وغيره..

اشياء مريرة حدثت .....ولكن كنت التمس العذر للناس ...

الناس مطحونة .....

كنت فى كل مكان اكلم نفسى واقول ...ربنا لاتؤخذنا بما فعل السفهاء منا ....

الحل ايه؟؟؟

كل الشعب لازم يهاجر ....

ويحسبها بالدولار واليورو ؟؟؟

سلامى.

[Lancelot]

ماما سلوي .... حمد لله ع السلامة ... عاش من قرأ مداخلاتك ...

نورتي مصر ... رغم إننا مش عارفين إنك فيها ....

و إن شاء الله المرة اللي جايية نشوفك و نتشرف بلقائك ....

واحشتنا قصصك القديمة و معانيها الجديدة .... مش عارفين ننام طول الصيف من غيرها ...

أخيرا ... نورتي المنتدي ... و المرة الجايية تقولي إنك هتغيبي بدل القلق ده ...

[crossfield]

عوووووووووووووووووووووووود أحممممممممممد يا ماما سلوى؛نورتى المنتدىىىىىىىىىىىىىىىى.

احكيلنا ايه انطباعك عن مصر فى الزيارة دى علشان احنا من كتر اللى شايفينه مبقيناش بنشوف.

وش عايز يهجججججججججججججججج.

[Salwa]

احبائى اهل المنتدى الكرام .....

اولا شكرا للانس وكروس .....الله وحده يعلم انى فعلا اعتبركم اسرة ثانية بالنسبة لى ...وسفرنا كان فجأة لانه حدثت بعض الظروف اضطرتنى لتقريب ميعاد السفر ....

اسكندرية .....

تعرفوا ...انا كنت محضرة كلام كتير كتير اقوله لكم ....وكنت عاوزة احكى لكم ...

كنت بفتكر انى ممكن كل يوم اكتب مذكرات وتعليقات ...وعند حضورى احكى واحكى واحكى ..

ايه اللى حصل ؟؟؟

اسكندرية ....

حبى الاول ....

اذهب اليها ....وافقد الوعى ....

افقد الذاكرة ....

ذهبت //طبعا // للمكتبة ....

كنت عاملة زى الاطفال اللى اول مرة تروح المدرسة ....

خايفة وفرحانة ....

طبعا بما انى //مملة // ......الساعتين اللى قضيناهم هناك لم يكفوا شىء ....وكنت القى نظرة على كل شىء فى عجلة من امرى .....حتى ارضى من معى ...// ماما عاوزين نتغدى ..//..وهكذا.

اولادى ...يتندرون......

من يراك ياماما يظن ان عندك 17 سنة على الاكثر ...

كنت فرحة ....فرحة ...جدا جدا جدا ....

وانا اتجول فى سكندريتى .....

اجمل حاجة ؟؟؟؟؟؟

كنت اتناول الافطار فى السابعة صباحا ......وانا انظر لمياه البحر ...واريد للزمن ان يتوقف .

فى لحظة مجنونة .....

كدت اتخذ قرارى بعدم العودة مرة اخرى لهنا ......لكنى عدت لعقلى ...

وزوجى واولادى ؟؟؟ ......ليسوا على استعداد لهذا التغيير الجذرى...

وتسألونى ....وماذا ايضا ؟؟؟

اقول لكم فى وقت آخر ...

سلامى.

[Mohammad Abouzied]

حمدالله على السلامة يا مدام سلوى

في اليوم الي جه فيه السلطان قابوس قفلو الشارع الجانبي الي واقفه فيه عربية اخي الي كنت مستلفها ولما غلب حماري قلت اخذ تاكسي خصوصا ان فيه تكسيات كانت ماشية في شارع الكورنيش ولكن عساكر الامن المركزي نهروني وطلبو مني الابتعاد وغير مصرح لي بتوقيف تاكسي

واستنجدت باللواء شرطة ساكن في الدور الارضي وكان خارج هو الاخر اني امشي معاه فنظر الي وقال بلاش ياسيدي تمشي على البحر تعالى وروح مشاورك عن طريق جمال عبد الناصر

بصراحة كبت غيظي في نفسي وطلعت في البيت تاني ونمت بعد اخذ دواء الضغط

ويظهر يا مدام سلوى اني هاسكن في الريفرا مع ابن العم عادل ابوزيد واخذ شقة في الساحل الشمالي

[Salwa]

اخى الفاضل المحترم محمد ابو زيد.

بصراحة وبدون لف او دوران .......يوم مرور السلطان قابوس .....كان بالنسبة لى كابوس .

اولا ....

اهلى حذرونا .....لكن ابنتى // لأنها من كوكب آخر // وكل حاجة ممكن تتاخد ببساطة ......كانت تريد تصوير مرور الموكب ....

وعندما علم اخى بهذا ...هاج وماج ....وقال لنا عاوزين تعملوا مشكلة ....وامن دولة ومش عارف ايه ....الخ....الخ...الخ...

قلت يبقى الحل اننا ننزل .....

وخصوصا انى كنت اشعر بتعب وكان لابد من احضار دواء من الاجزخانة ....

وعند نزولى فوجئت بالعساكر تقوللى نأسف للاحراج لكن سيادتك اطلعى البيت تانى .

ازاى افهم ده لاولادى ؟؟؟

خوان كارلوس بجلالة قدره بيروح يعمل مراجعة طبية فى سيارته ....ولا من شاف ولا من درى ...

وبالصدفة تانى يوم تكتشف انه تناول القهوة مع دكاترة الامتياز ...

ما علينا .....

الضابط المسئول حضر ...وقاللى اتفضلى سيادتك بس اسرعى ...وادخلى من الشارع الجانبى ....

كدة انا اتلخبطت ....

فضلت ساعة ابحث عن اجزخانة فى الطريق الخلفى ....

واسأل نفسى .......ليه ده بيحصل ؟؟؟

انا روحى فى مصر ........

بس هم كدة بيجعلونا نكره بلدنا ....

شوف سيادتك .....وانا اقصد هذه الكلمة بمعناها الحرفى .....

لو واحدة مثلى ......تكن كل هذا الحب والاعتزاز ببلدها ....

تكره وتشمئز مما يحدث فى بلدها ....

فقل على الدنيا السلام ...

يومها كنت اشعر بالندم .....لأنى ارى بلدى بعيون المحبين .

آسفة....

آسفة جدا ...

كنت حاسة لأول مرة فى حياتى ...

انى هابلة.

انى انضحك علية ....

تانى يوم ذهبت مارينا .....وقلت لنفسى ....

لابد من العودة مرة اخرى لاسبانيا ..

وكنت قبلها افكر جديا فى العودة النهائية ....

حركة زى دى ....رجعت لى صوابى ...

وعلى فكرة ....

لأول مرة فى حياتى ..........انا ايضا واقسم لكم .....اخدت حبوب الضغط ...

سلامى ...

[se_ Elsyed]

اخى الفاضل المحترم محمد ابو زيد.

بصراحة وبدون لف او دوران .......يوم مرور السلطان قابوس .....كان بالنسبة لى كابوس .

...

يبقى كده أسمه السلطان كابوس ...

بس تصدقوا بالله يا مدام سلوى أنتي وعم محمد أبو زيد أنتوا ناس طيبين جداً ومن الزمن الجميل ... بقى ماعرفتوش تروحوا البحر علشان واحد كان معدي فزعلتوا واخدتوا دوا الضغط ...

أومال بقى لو كنتوا مخربشين زيينا وبتتعاملوا مع أقسام الشرطة والدوائر الحكومية البيروقراطية اللي من العصور العثمانية .... و و و ... تعملوا أيه ؟..